سكريبت أمير أنا في المستشفي، عملت حادثة و..... كامل وحصري لمدونة قصر الروايات
سكريبت أمير أنا في المستشفي، عملت حادثة و..... كامل وحصري لمدونة قصر الروايات
- أمير أنا في المستشفي، عملت حادثة و.....
"قفلت التليفون وطلعت أجري
بجري وأنا معرفش أنا رايح علي فين
تايه، متلخبط، حاسس إن الدنيا وقفت فجأة
مروان صحبي وعِشرة عُمري، هيضيع مِني !
يارب يكون كابوس وهينتهي"
- حضرتك الحالة مستقرة، تقدر تشوفها
"كانت الممرضة بتطمني
الحمد لله إنه بخير"
_ حمدلله على السلامة يا طايش، مانت كويس اهو ولا جرح ولا كسر
- هو بصراحه....
"متوتر، كلامه مش عارف يطلعه"
_ في إيه يا مروان !
"اتنهد"
- روح شوف اللي خبطتها
_ مين؟ وانت خبطت حد أساسا؟
- أنا خبطت صدفه يا أمير
"قومت من علي الكرسي"
_ نعم ياخويا؟ هي فين، أوضة رقم كام و...
- اهدا يابني هي...
_ مش هادي، حصلها إيه، صدفه لو حصلها حاجه أنا....
- عرفت من الممرضة إنها دخلت في غيبوبة و...
"دموعي غلبتني"
_ غيبوبة ! غيبوبة يا مروان !
- كنت سايق العربية و...
"بيتكلم بنبرة حزينه"
- كنت سايق العربية عادي والله، وبعدين....فجأة عربية ظهرت قدامي وخبطنا في بعض، أنا محصليش حاجه، بس الخبطه جت في العربية التانيه جامد لدرجة إن اللي فيه اتأذيِ
ولما وصلنا المستشفي، وبقيت كويس، طلبت أشوف مين اللي خبطتو دا
لاقيتها صدفه.....
_ أوضة رقم كام؟
"دورت علي الأوضة، زي طفل تايه بيدور علي أُمه
لاقيتها !
ايوا لاقيتها، لاقيت صدفه"
- حضرتك مينفعش تدخل، الحالة في غيبوبة
"مسحت دموعي"
_ دقيقتين بس، اطمن عليها وهمشي
"دخلت الأوضة"
_ صدفه...
"مسكت إيدها"
_ ايوا يعني هتقومي امتي ! يعني دا عقاب فراقنا ! مكنتش عامل حسابي علي كدا، مش معني إنك بعدتي عني يبقا تبعدي خالص، لا يا صدفه، طيب قومي وهعملك اللي عايزاه، صدفه أنا....
"أخدت نَفَسهَا"
_ إنتي سمعاني !
- حضرتك كفاية، سيبها ترتاح
"بوست إيدها"
_ مستنيكي تقومي، كفاية كدا، انتي مبتحبيش الدكاترة ولا المستشفيات، مش دي صدفه اللي اعرفها
"خرجت من الأوضة
كان فيه شاب واقف مع الدكتور، بيسأل علي صدفه وباين عليه القلق"
"قربت منهم"
_ هي هتطلع امتي يا دكتور !
- انت مين
"كان سؤال الشاب"
_ أنا أمير
- تقربلها؟
_ أنا صاحب اللي خبطها بالعربية
- اهه، وأنا زياد خطيبها
"حركت راسي بإبتسامه، وأول ما مشي مصدقتش نفسي
الكلمة فضلت تتكرر في ودني وأنا مش واعي الدنيا
اتخطبت !
صدفه اتخطبت ! دا ازاي وامتي، أنا مش فاهم حاجه"
- كنت فين كل دا
_ هي صدفه اتخطبت امتي يا مروان
- اتخطبت؟ معرفش والله يا صاحبي
"فضلت ساكت شويه"
- هتفضل سرحان كدا كتير، إيدك معايا ياعم نمشي من المكان المشؤوم دا
_ هي قدرت تعملها ازاي؟
- عايزها تعمل إيه يعني، سيبها تعيش حياتها، مش انتو سبتو بعض؟ عايزها تستناك طول العُمر ولا إيه
_ مقولتش كدا يا مروان، بس أنا مكانش بإيدي اللي حصل
- ولا هي بإيدها
_ بس أنا لسه.....
- بتحبها؟
"اتنهدت"
_ أنا بقول نمشي أحسن
"خلصنا إجراءات الخروج ومشينا
مشيت وأنا سايب قلبي وعقلي معاها
مليون سؤال جوايا، معتقدش إني هلاقيلهم إجابه
للحظة سيناريو حياتنا زمان إتعاد قُصاد عيني
من أول مرة شوفتها في الجامعه، لغايت محاولاتي معاها
وبعدين قصة حُبنا الكبيرة، خطوبتنا اللي الكُل كان بيشهد بيها
لغايت الصدمة، صدمة فراقنا
معرفش إيه السبب اللي وصلنا لكدا، تراكمات، مشاكل كتير من أهلي وأهلها
مع تكرار المشاكل استسلمت وقالتلي خلاص كدا، شوف حياتك بعيد عني
سبتها وكنت فاكر الحياة هتمشي، طلعت هي حياتي وفراقنا كان نهايتي"
- ما تنزل تتعشيَ معايا
_ لا لا هروح أنام
- انت كويس؟
_ عايز الصراحة ولا....
- عايز اللي جواك
_ صدفه
- يادي صدفه اللي روشتنا بيها
_ أنا عايزها يا مروان
- بقت مع حد غيرك خلاص، متفكرش كتير، دا مش حقك
_ لا حقي عشان...
- لو بتحبها كنت تحارب عشان ترجعها، إنما انت سبتها تضيع منك
"دموعي بدأت تنزل"
- أنا بقول تبات عندي انهاردة أحسن
_ لا لا أنا كويس
- متأكد؟
"مسحت دموعي"
_ ايوا متأكد
"شغلت العربية مع أغاني أم كلثوم اللي فيها حنية الدنيا
مبسمعش غيرها، عشان بتفكرني بيها
كان دايما بتحب تشغلها واحنا مع بعض، بتحبها لأبعد حد
كان تقولي بيتنا دايما هيكون فيه صوت أم كلثوم
دلوقتي، مشيت وسابتلي ذكرياتها تموت في رُوحي"
- يا صباح الفل
_ صباح المرار، رانن ليه انت دلوقتي
- جرا إيه يا أمير، كدا تزعق لصاحبك؟
_ انجز يا مروان، فيه إيه
- مامتك لسه قافله معايا
_ يا صباح عنب، بتكلمك ليه؟ اوعيَ يكون اللي في بالي؟
- لا اتأكد
_ مزهقتوش من السيرة دي بقا
- دي بتقول عروسة لُقطه من الآخر
_ اتجوزها انت يا عم مروان أنا مش عايز أتجوز
- بص، أنا زهقت منكو، ياعم راضيها وروح أقعد مع العروسة، وبعدين قولها مرتحتلهاش، راضيها المرادي معلش
"قفلت مع مروان
لبست ونزلت عشان أروح أشوف أُمي وأشوف حوار العروسة دا"
_ والله عارف إنك عايزة تفرحي بيا، بس أنا مش عايز دلوقتي
- يابني عشان خاطري، عايزة أشيل ولادك
_ ياختاااااااي
- كدا يا أمير ! تزعل مامتك حبيبتك منك !
"وطبعا هي تكسب وفعلا اقنعتني أروح أشوفها
كدا كدا عارف إني مش هخطب ولا هتجوز
بس كان لازم أراضيها"
نسيب العرسان يقعدو مع بعض شويه
"ابتسمت وحاولت أفتح معاها كلام عشان توتر الجو دا يقل"
_ احم...
- قبل أي حاجه، أنا مش موافقة علي الجوازة دي
"استغربت كلامها"
_ دا ليه؟
- تخليه سر بنا !
_ موافق، بس وماذا بعد؟
- ولا حاجه، انت هتقول محصلش نصيب
"ضحكت"
_ يا شيخه !
- بص يا سيدي أنا وابن خالتي بنحب بعض اوي
_ وبعدين
- جت زميلتُه في الشغل كانت بتحب واحد، اتخطبتلو وفجأة سابو بعض
_ لا حول ولا قوة الا بالله
- قرر إنه يساعدها
_ دا ازاي دا
- سهلة يعني، راح خطبها
_ نعم ياختي، بالسهولة دي؟ وهي لو بتحب واحد تتخطب لواحد تاني ليه
- هدفهم إنه يغير ويحس علي دمُه ويرجعلها
_ دي ولا حكاية ألف ليلة وليلة
"ابتَسَمَت بِحُزن"
_ وانتي ازاي تخليه يعمل حاجه زي كدا
- لو انقذت حُب اتنين دا كفيل ربنا يخليلي زياد ويفضل معايا دايما
_ بحيث كدا محصلش نصيب يا هانم
"ضحكنا"
- سر؟
_ سر ياستي
"مشينا من عندهم
وصلنا البيت والطبيعي ماما سألتني عليها
قولتلها سيبيني أفكر لِبُكرا
أخدت شاور واتعشيت ودخلت أنام
فجأة دماغي فضلت تروح وتيجي:
_ ربنا يخليلي زياد ويفضل معايا دايما_
_ هدفهم إنه يغير ويحس علي دمُه ويرجعلها_
_ أنا زياد خطيبها_"
"قومت مفزوع فجأة
يعني إيه؟
معقوله زياد دا، هو نفسُه دا"
- إيه يابني مالك صاحي بدري كدا ليه؟
_ عايز رقم العروسة
- شهد؟
_ ايوا
"زغرطَت"
_ إيه إيه، مقولتش إني موافق
- طالما رقمها، يبقا....
_ لا عادي، عايز أسألها علي حاجه كدا
"أخدت رقمها وكلمتها
طلبت منها صورة زياد قريبها اللي بتحبو
وبعتتهالي فعلا"
_ شهد احنا خطوبتنا بُكرا
- انت بتقول إيه يا أمير، انت اتجننت
_اتجننت فعلا، خطوبتنا بُكرا، يلا ابدأي اعزمي الناس وأولهم زياد
"عديَ اليوم، ماما كانت فرحتها واصلة حَد السما
مروان مستغرب من موافقتي
وشهد مش بإيدها حاجه غير إنها تتفرج علي جِناني"
_ يااااه يا شهد، بقيتي عروسة
- اسكت، اسكتتتتت
_ قاعدة في الكوشه، جنب عريسك ومش طايقة نفسك؟ دا عيب في حقي والله
"ضحكت"
- معرفش واثقه فيك ليه
_ عِدِّي معايا
- أفندم؟
_ عِدِّي بس، واحد
- اتنين
_ تلاته
"زياد وصدفه دخلو البيت
ابتسمت لِشهد اللي قاعدة مصدومة من توقعاتي اللي اتحققت بالحرف"
- هو إيه اللي بيحصل دا يا أستاذة شهد، انتي ما صدقتي ولا إيه
- اخس عليك يا زياد، وطي صوتك بس
"صدفه واقفه ساكته من الصدمه"
_ خطيبة زياد صح !
"بِصوت مليان حُزن"
= انت بتعمل إيه
_ يوه؟ مش عايزاني أخطُب وأشوف حياتي زي ما حضرتك شوفتيها؟
- ياعم أمير، ياعم أمير انت بوظت كل حاجه
_ أفندم؟
= مالوش داعي يا زياد
- لا لُه داعي أنا لازم أتكلم
_ بس، بس، أنا عارف اللي فيها
"كانو واقفين في سكوت تام"
"بصيت لِصُدفه"
_ بقولك إيه
= نعم؟
_ إيه رأيك تيجي معايا، بعيد عن كل دا، مكان مفيهوش غيرنا احنا التلاتة
= مين التالت
_ أنا وإنتي والحب
تمت
تعليقات
إرسال تعليق
فضلا اترك تعليق من هنا