سكريبت -عمرك شوفتي حد بيقـ*تل حد يوم الحد؟ كامله
سكريبت -عمرك شوفتي حد بيقـ*تل حد يوم الحد؟ كامله
-عمرك شوفتي حد بيقـ*تل حد يوم الحد؟
قالها شخص انا معرفهوش وهو حاطط المطـ*وة علي جنبي من ضهري الساعة 12 بالليل
-لأ وللأمانة مش عايزة اشوف
همسلي:
-طب اطلعي بكل اللي معاكِ ياحلوة عشان متشوفيش
-طب ولما اصوت وألم عليك الناس؟
-طب ولما اغـ*زك ومتلحقيش تطلعي حرف؟
-اقنعتني، ممكن طيب تشيل المطـ*وة علشان اعرف اشيل الشنطة من علي ضهري
-ولو جريتي؟
-عيب عليك انا مش بتاعة الحراكات دي
-ماشي
واول ما شال المطـ*وة طلعت اجري بأقصى سرعة عندي لغاية ماطلعت البيت وقفلت الباب بستين ترباس
انا تقي
عندي 25 سنة شغالة دكتوره جراحة وللأسف طبيعة شغلي بتخليني ارجع كل يوم متأخر
وبعد ما ارجع من انقاذ حياة الناس
بحتاج اللي ينقذ حياتي في مواقف زي دي
بس علي مييين ده انا كنت اذكي واحدة في دفعتي ربنا يحميني
صحيت الصبح وعملت روتيني المعتاد عشان انزل الشغل
-ايه يا دكتورة تقي، كل ده تأخير؟
-دكتور يوسف انا اتأخرت بالظبط اربع دقايق!
اكيد يعني الاربع دقايق دول محدش هيموت فيهم!
-قلبي بيموت ياتقي...
-دكتور يوسف اتمني تحافظ علي الألقاب ومتنساش اننا مجرد زمايل!
عن اذنك
وسيبته ومشيت
ده دكتور يوسف الملزق
من ساعة ما جيت الشغل وهو مش فالح غير في التنظير
لغاية ما جيه يوم يارتني مـ*ت قبله، اعترفلي انه بيحبني
ممكن احلف ان انا جالي حموضة ساعتها اسبوع كامل
@فلاش باك
-دكتورة تقي
-نعم
-ينفع نتكلم دقيقة؟
راحت تقي معاه علي جنب
-انا كنت عايز اقولك علي حاجة
-اتفضل
-انا بحبك ياتقي
من اليوم اللي جيتي فيه وانا معجب بيكِ وحبـ...
قاطعته تقي:
-حبك برص يادكتور يوسف، حضرتك عارف اني ممكن اقلع الجزمة واديك علي دماغك او امسح بكرامة حضرتك الأرض
بس ارض المستشفى هتتوسخ لو مسحتها بكرامتك يادكتور وبصراحة ارض المستشفى انضف منك ومني انا شخصيا فحرام
عن اذنك
@باك
من ساعتها وهو مش سايبني في حالي
كل شوية تقي تقي لغاية ما كرهت اسمي
عدي اليوم وجيه وقت المرواح، وصلت صاحبتي العزيزة مي وجيه دوري اروح
-انتِ يابت
مسيري جيه لغاية عندي
لفيت ببطء وبصيتله
-انتِ فاكرة ان اللي حصل امبارح ده هيعدي بالساهل؟!
-قلبك ابيض
وبعدين انت شكلك مش شبه الشمـ*امين ليه يا سي حـ*رامي؟
-مبشربش
-اومال حـ*رامي ازاي!
-اولا انا مش حـ*رامي انا امبارح كنت عايز اجرب المطـ*وة مش اكتر وماكونتش هاخد منك حاجة
قرب مني خطوتين:
-بس انتِ ضحكتي عليا وجريتي!
قرب اكتر وميل
وشه بقا قدام وشي بالظبط
وهمس بصوت مرعب:
-وانا مش بحب الغدر!
رجعت ورا وانا مرتبكة:
-اخص عليا!
دي رجلي هي اللي شدتني وجريت!!
-وانا المفروض اصدق؟
-اومال
زاعق فيا فجأة:
-بت انا مش عبيط!!
لسة هرد فجأة طلع صوت قوي خلانا نتنفض احنا الاتنين:
-يــامـن!!
بصينا في وقت واحد لمصدر الصوت
كان راجل في التلاتينات واقف بعيد شوية وبيبص علينا
يامن قال بصوت واطي:
-ده انا يومي اسود
الراجل قرب مننا وقال:
-انت بتعمل ايه
يامن قال برتباك وهو بيحاول يضحك:
-ايه؟ لا ده...يعني انا بس كنت بهزر مع صاحبتي
بعدين بصلي:
-صح يا...
-ايوا طبعا صح يا يامن
ازيك يا استاذ انا تقي
-اه! تقي ايوا!
الراجل بصلي وقال:
-اتشرفت يا آنسة
انا معتصم اخو يامن
-اتشرفت يا معتصم
معرفش ايه السبب اللي خلاني اغطي عليه بس بصراحة انا خوفت علي خوفه
-متتأخرش يا يامن ها
-حاضر يامعتصم
معتصم مشي ويامن بصلي:
-اسمك حلو اوي يا حـ*رامي، مش لايق علي خلقتك
-هعديها بمزاجي عشان عملتيلي جميلة
شكرا يا تقي لولاكي كان زمانه فرتكني
-عادي الستات لبعضها برضو
-ايو...ايه؟!
جريت قبل ما يشعلقني
رجعت بيتي البائس
غيرت وعملت كوباية شاي بالنعناع وقعدت في البلاكونة
جيت الشقة دي من سنتين عشان قريبة من المستشفى وانا كنت محتاجه اشتغل
سيبت اهلي وجيت هنا
عموما عمري ما حسيت بدورهم في حياتي
انا وحيدة ماما وبابا اللي فاكرين الحب بيبقي بالفلوس
لذلك سبتهم وجيت عيشت لوحدي واتعرفت علي مي اقرب صاحبة ليا
ــــــــــــــــــــــــــــــــــــــــــــــــ
"استغفر الله العظيم واتوب اليه*
عدت ايام والغريب ان انا ويامن بقينا نتكلم كتير
اينعم بنتخانق بس بنتكلم برضو
-صباح الفل يامزة
-صباح العسل ياميمو
-جايبة فطار ياتقي؟
-اها
-اشطا، صح عملتي ايه مع يامن؟
-هحكيلك
@فلاش باك
-خدي هنا
اتأفأفت وقالت:
-عايز ايه ياعم
-اتكلمي عدل يابت
-بت اما تبتك اولا
ثانيا انا اتكلم براحتي ياحـ*رامي
-هعضك والله
-مش مشكلة بستحمل هزار الستات
مسكها من دراعها وشدها ليه جامد وقالها:
-بطلي تقولي عليا ست عشان ما اضطرش اوريكِ اني راجل بطريقة مش هتعجبك
تقي بصيتله في عينه بتحدي وقالت:
-هتعمل ايه يعني!!
ضغط علي ايديها اكتر من كتر عصبيته، فتقي اتوجعت اوي:
-آآه يا يامن سيبني!!
فاق من عصبيته وسابها ورجع خطوتين، فهي مسكت ايديها بوجع، بعدين بصتله واتقدمت فجأة وداسك جامد علي رجله:
-اااااااههههه!!!
-تستاهل عشان انت حيـ*وان
@باك
-جدعة يابت ده بارد
-هو طيب والله بس ساعات بيتهبل
عدي اليوم وجيه وقت المرواح متأخر كالعادة
بس المرة دي في حاجة مختلفة
حاسة ان حد بيمشي ورانا
وصلت مي وكملت طريقي وانا متوترة
فجأة حد مسك دراعي
لفيت
كان يوسف
-تقي...
شديت ايدي بسرعة وبعدت
-انت عايز ايه؟!
فضل يقرب مني ببطء
-اديني فرصة ياتقي..
انا بحبك بجد افهميني
انا بقيت اعشقك
انا...
ملحقش يكمل كلامه وفجأة حد ضربه بالبوكس جامد في وشه و وقع علي الارض
ونزل يكمل ضرب فيه
-ياااامن اهديييي!!
مسمعليش وكمل ضرب لغاية ما معتصم جيه وحاشه عنه ولما عرف ايه اللي حصل اداله علقة هو كمان وخلاه يمشي
بعدين التفت ليا وشافني وانا بعيط فجري عليا
-انتِ كويسة؟!
فضلت اعيط اكتر فسندني وقعدني علي الرصيف وقعد جنبي
قال بحنية عكس اللي شوفته من شوية:
-اهدي والله مش هيعملك حاجة تاني ولو عمل مش هسيب فيه حتة سليمة
كملت عياط فقال:
-اهدي بقا ياتقي انا مش عارف اعمل ايه مش هينفع المسك
-شكرا...
-انت بتشكريني علي ايه انتِ عبيطة؟
وبعدين انتِ بتعرفي تشكري الناس من امتي اصلا، طلعي جعفر اللي جواكي!!
ضحكت وسط عياطي علي طريقته وبصيتله
فضل متنح فيا
والحقيقة انا كمان تنحت
اول مرة اخد بالي من ملامحه
اول مره اخد بالي من لون بشرته القمحاوي اللي بيبرز لون شعره الاسود اوي
وعينه النعسانة
ولونها عسلي حلو اوي
ملامحه كلها متناسقة علي بعض
مافيهوووش غلللطةةة
-احممم، عن اذن روميو و جولييت ممكن يلا عشان الساعة 1 بالليل؟
قالها معتصم وخلاني انا ويامن نفوق
يامن قام بسرعة وهو بيحك رقبته وقال باحراج:
-تحبي اوصلك؟
-لأ مش عايزة منك حاجة
بصلي بقرف وقال:
-مابتتقالش كده علي فكرة
-اومال اقولك مش عايزة حاجة من اهلك؟
-اتلمي يابت
-احمممم
هطير انا بقا
وكل فينا راح لطريق
غيرت هدومي ولبست البيجاما
وفضلت افكر فيه...
اكيد مش في يامن
كنت بفكر في يوسف
هعمل ايه معاه بكرا
ده لو جيه اصلا بعد العلقة اللي خدها دي!!
نمت وصحيت اليوم اللي بعده كالعادة ونزلت
-صباح الخير
-انت هنا ليه؟
-علي ايامي كانوا بيقولوا صباح النور
عموما صحيت بدري عادي فقولت انزل
كده كده الورشة لسه هتشتغل كمان ساعتين
(نسيت اقولكوا ان يامن ومعتصم شغالين في ورشة)
-صباح النور ياعم، فرحان كده؟
-امم
-انا همشي
عايز حاجة؟
-اه
-ايه
-رقم باباكِ
-ده ليه؟!
-همسي عليه، هيكون ليه ياتقي بلاش غباء
-عموما انا فعلا مش فاهمه بس مش مشكلة، اكتب
سجل رقم بابا عنده وانا مشيت
-بس يا مي ده اللي حصل
-انا ربنا رزقني بصاحبه غبية اوي
-ليه؟
-بصي انا مش هقولك
لما تروحي البيت تبقي تتفاجئي ان شاء الله
اليوم عدي ويوسف ماجاش
روحت البيت ولاقيت ماما بترن عليا
-الو
-عاملة ايه ياحبيبتي
-بخير يا ماما انتِ عاملة ايه
+بخير، بقولك
-نعم
-في عريس متقدملك اسمه يامن، هنيجي بكرا عشان يكلم باباكِ
-تمـ...ايييييه؟!
ــــــــــــــــــــــــــــــــــــــــــــــــ
"لا حول ولا قوة الا بالله"
-انا مش موافقة
-نعم؟!
-مش موافقة
-مش موافقة عليا؟
-اه
-وربنا لو موافقتيش هخطفك واتجوزك عرفي انتِ حرة
-انت قليل الأدب
غمز:
-مانا عارف
بابا جية وسألني:
-ها يا تقي، موافقة؟
-لـ...
قاطعني وقال:
-هي قالتلي موافقة ياعمي
الفرح الاسبوع الجاي
عدي اسبوع من التجهيزات
وجيه يوم الفرح
-بارك الله لكما وبارك عليكما وجمع بينكما في خير
قمنا سلمنا علي اهلينا وبعدين وانا بسلم عليهم راح شدني من وسطهم وحضني وهو شايلني ودافن راسة في رقبتي
بعدين نزلني وبصلي بحب الدنيا وقال:
-انا بحبك ياتقي
عديت مرحلة الحب وبقيت بعشقك كمان!!
بصيتله باستغراب:
-منكرش اني بحبك برضو بس ازاي لحقت واحنا لسة متعرفين من فترة قليلة؟
ضحك وقالي:
-ده موضوع طويييل
لما نروّح هحكيلك
روّحنا غيرنا هدونا وقعدنا علي السرير
شدني لحضنه وقال وهو بيلعب في شعري:
-في واحد شغال في ورشة من حوالي 4 سنين
من سنتين جميلة بنت جميلة للشارع
كل يوم كان بيشوفها وهي راجعة من شغلها بالليل
وكل يوم كان بيتعلق بيها اكتر رغم انه ميعرفش اسمها حتي
طريقة لبسها المحتشم
وشها الطفولي
حتي ابسط الحاجات اللي هي مش بتاخد بالها منها كان بيركز فيها
لغاية ما في يوم قرر يقرب منها
بس عشان مخه تعبان راح ثبتها بالمطـ*وة
ومن اليوم ده بدأ ينكشها كل شوية عشان تكلمه حتي لو هتتخانق معاه
بيستغل كل ثانية عشان يكلمها
وحبه ليها كبر اوييي
لغاية ما بقت اخيرا في حضنه
بعد حب سنتين من طرف واحد
شددت علي حضنه اكتر وقولت:
-قولتلك قبل كده اني بحبك؟
-مرة واحدة
-انا بحبك يا حـ*رامي
-بطلي تقوليلي حـ*رامي بقا انا مسرقتكيش
-سرقت قلبي
-تمت-
تعليقات
إرسال تعليق
فضلا اترك تعليق من هنا