سكريبت ايدك دي متلمسنيش!! كاملة
سكريبت ايدك دي متلمسنيش!! كاملة
-ايدك دي متلمسنيش!!
قالهالي ساجد وهو بيضغط علي معصم ايدي عشان حاولت المس خده المتعور
ساب ايدي وفضل باصصلي بعصبية
روحت عملت ايه ربنا يحفظني؟
ضربته بالقلم وجريت علي اوضتي
انا ايثار، وساجد يبقي جوزي وابن عمي
انا بنت معندهاش حظ حلو بنص جنيه حتي
ماما وبابا اتطلقوا وانا صغيرة
وعيشت مع بابا اللي عمره ماحرمني من حاجة
بس الحلو مبيكملش خصوصا معايا
اول ما اتخرجت من دار علوم جدو قرر يرجعنا للعصر الحجري وقال البنت لابن عمها
بابا حاول يرفض بس جدي كان كلمته اقوي للأسف
اتجوزت انا وساجد غصب عننا وعايشين زي الاغراب في البيت
واللي حصل من شوية ده كان شوية من عبثياتي انا وهو
سمعته من ورا الباب وهت بيتوعدلي انه هيطين عيشتي وخرج ورزع الباب وراه
بابا رغم انه كان متدايق اني هتجوز غصب عني، آمن لساجد عليا عشان هو ابن حلال
بس طلع ابن***
خرجت من الاوضة ورنيت علي سها صاحبتي اكلمها وانا بحضر الغدا
-الو؟
-الو، ايه يا ايثار
-وحشتييييييني
-وانتِ كمان ياروحي، اخبارك ايه
-انا بخير الحمدلله
انتِ عاملة ايه
-الحمدلله
-هاا، عملتي ايه مع البغل اللي عندك
-يابنتي جيه النهاردة خده متعور معرفش من ايه فانا بسأله مالك...
@فلاش باك
-ايه ده ياساجد!!
انت متعور كده ليه؟!
-مالكيش دعوة
-طب تعالي
-لأ
ايثار قربت منه و وقفت علي طراطيف صوابعها عشان تلمس حرجه وتشوف هو عميق ولا لأ
مسك ايديها وضغط عليها جامد وقال بتحذير:
-ايدك دي متلمسنيش!!
@باك
-بس كده
-وانتِ عملتي ايه
-ضربته بالقلم
-ينهارك اسود!!
-ومستحلفلي انه هيجلدني
-مهزق بس حقه
-انت مع مين
-مع نفسي
-امم، طيب انا خلصت الغدا هروق الشقة وهستناه بقا
سلام
-سلام يختي
خلصت ترويق بسرعة عشان الشقة كانت نضيفة اصلا واستنيته
عدي 4 ساعات والعصر والمغرب اذنوا وهو لسة مجاش
رنيت عليه عشان قلقت بس مردش
صليت المغرب واول ما خلصت سمعت الباب بيتفتح
-انت كنت فين كل ده ياساجد!!
-وانتِ مالك
-انا عارفة انك مش طايقني بس انت بقالك كتير برا ورنيت عليك مردتش!
علي الاقل طمني!!
-امم
وسابني ودخل الحمام
خرج ودخل اوضته
طول فوقفت برا الاوضة عشان اسمع لو بيعمل حاجة وسمعته بيقرأ قرآن، فعرفت انه بيصلي
رغم ان ساجد في عيوب
إلا انه فعلا انسان محترم جدا وطيب، بس مشكلتة انه عصبي ومش بيحب حد يجبره علي حاجة، عشان كده معاملته معايا مش افضل حاجة
وصوته تحفة في القرآن
كل مايصلي بقف ورا الباب عشان اسمع صوته
فضلت شوية قدام الباب لغاية ما صوته راح
عرفت انه دخل علي الركعة التالتة في صلاة المغرب فقومت من قدام الباب
بعد شوية خرج وانا قاعدة علي الطربيزة وحاطة الاكل ومستنياه
-تعالي كُل
قال وهو بيقعد علي الكنبة وبيبص في التليفون:
-مش عايز
مردتش وبدأت اكل
خلصت وغسلت المواعين بعدين قعدت قدامه
-مكانش قلم اديتهولك يعني
-امم طبعا، عادي جدا انك تضربي جوزك
-انت اللي عصبتني!
يعني انا عايزة اطمن عليك وانت بتقولي متلمسنيش!!
وبعدين انت ضغط علي ايدي جامد و وجعتني
بصلي وزاعق:
-انتِ عارفة اني مبحبش حد يلمسني!!
زاعقت بنفس النبرة:
-انا مراتك!!
المفروض ترتاح لو لمستك!!
-انتِ نسيتي اني مجبر عليك ولا ايه؟!
-طب ما انا كمان مجبرة!!
-يبقي ابعدي عني!
-انت ليه مجربتش تحبني؟!
زاعق بجنون:
-عشان في قلبي غيرك!!
الدموع اجتمعت في عيني
فضلت بصاله وعيوني مليانة حزن
اتنهد ومسح علي وشه بعصبية
قعدت علي الكنبة وحط راسه بين ايديه
اتكلمت بصوت مهزوز ودموعي نازلة:
-في قلبك غيري...؟
هي مين؟
-انا...
قاطعته:
-هي مين؟!
-زميلتي في الشغل
-ايه الفرق بيني وبينها؟
ايه اللي خلاك تحبها ومتحبنيش؟
ايه المميز اللي فيها لدرجة انك معيشني في سواد من ساعة ما اتجوزنا عشانها؟
-...
-اتكلم!!
-هي...مش عارف
فعلا مش عارف
ضحكت بسخرية وسط دموعي وقولت:
-عارف ايه اللي خلاك تبصلها؟
انك اجبرت عليا، عشان كده وهمت نفسك بحبها
المميز فيها انك ممكن تتقدملها بأرادتك عادي جدا والشرع حللت اربعة!
لكنك متعرفش ايه شروط انك تتجوز تاني في الشرع
انت بس واخدها انه خلاص هتجوز زي مانا عايز، ولو مش مقتنع، عمرك ما فكرت فيا؟
عمرك ما فكرت في مشاعري بعد ما تتجوز وترميني كأني كنت خدامة ليك؟
عمرك ما فكرت في الكلام اللي اعمامي وعماتي واولادهم بيقولوه عليا؟
ااه، اصل انت متعرفش هم بيقولوا ايه
بيقولوا اني هترمي زي ماما ومسيري انك تطلقني...
بيقولوا انك عمرك ما هتبصلي ولا هتعوز تخلف مني...
بيقولوا اني خاينـ*ـة عشان كده انت مش بتحبني...
وكلام من ده كتييير، كنت بنكره كله
شكرا انك عرفتني انهم صح
اول ما خلصت العشاء اذنت
قومت بهدوء دخلت الحمام اتوضيت وروحت اصلي
فضلت اعيط كتير وادعي ربنا انه يهونها عليا
خلصت صلاة وخلعت الازدال، خرجت من الاوضة عشان اشرب ماية بعد ما هديت، بصيت علي الصاله وكانت فاضية، دخل اوضته
خبطت عليه بعد ما خدت قراري
قرار ممكن يثبت للعيلة كلامهم الوحش
بس مش هاممني
فتح الباب وعيونه كانت محمرة كأنه بيعيط
-طلقني
-ايه؟
-طلقني
-...
-اعمل حاجة واحدة في حياتك صح وطلقني
-لأ
-ليه؟!
انت عايز تعذبني وخلاص؟!
-اه
وقفل الباب في وشي
ولما اشتمه بأجداده السبعة دلوقتي؟!
دخلت اوضتي وكملت عياط لغاية ما نمت
وصحيت في الوقت العادي بتاع كل يوم
5 الفجر بصلي واحضر الفطار عشان زفت الطين
صليت وبدأت اجهز الفطار
وهو صحي وبعد ما صلي جيه وانا كنت بغسل المواعين
-صباح الخير
-...
-مش هتفطري؟
-لأ مش عايزة
لقيته فجأة وقف جنبي وشد الطبق اللي كنت بغسله وحط ايدي تحت الماية عشان الصابون
قفل الحنفية وشدني من ايدي قعدني علي الطربيزة بتاعة الاكل
-هو ده ايه؟؟
-كُلي
-مانا قولت مش عايزة!!
-مافيش حاجة اسمها مش عايزة
لازم تفطري
بصيتله باستغراب وبدأت اكل
خلصنا ولميت الاطباق ولأول مرة هو ساعدني في غسل المواعين
-روح البس عشان الشغل!!
-خدت اجازة
-ليه؟
بصلي وغمز:
-عايز اقعد مع مراتي
ضحكت بسخرية وقولت:
-ماتروح عشان السنيورة
-مافيش سنيورة غيرك
-انت منافق
ونشفت ايدي وخرجت من المطبخ روحت اوضتي
قعدت علي السرير ومسكت التليفون
معداش دقايق ولقيت الباب بيخبط
-عايز ايه؟
قال من ورا الباب:
-نتكلم
-ادخل
دخل وقعد علي السرير قصادي
-انا...
قاطعته:
-متحاولش تبرر لإني مش هقبل حاجة غير انك تطلقني
-ليه عايزة تطلقي
-عشان مش هقدر اقعد في مكان حبيت فيه من طرف واحد
-يعني ايه؟!
-يعني انا ماجبرتش عليك
انا وافقت بمزاجي عشان كنت بحبك
لاحظت علامات الصدمة علي وشه، بعدين قال:
-يعني انتِ...بتحبيني؟
-كنت
-ودلوقتي؟
-لأ
-انا آسف
-اسفك مش مقبول
قالي برجاء:
-طب اديني فرصة ارجوكِ انا فعلا آسف حقك عليا يا ايثار
دموعي نزلت
-مقدرش اثق فيك بعد ما حبيت واحدة تاني...
رد بسرعة وعيونه مليانة دموع:
-بس انا مبحبهاش
انا فعلا كنت واهم نفسي بحاجة مش موجودة!
-بس بصيتلها يا ساجد
وانت عمرك ما بصيتلي انا، عمرك ما بصيت لمراتك
-انا كنت مغيب!!
-ده مش مبرر
اتمني تفكر في موضوع الطلاق
وسيبته وخرجت برا الاوضة وقفت في المطبخ اعمل اي حاجة
بعد شوية حسيت بخطوات ورايا
لفيت وكان باصصلي بعيون كلها ندم وحزن وقال:
-انا هنزل بالعربية شوية
-تمام
نزل
عدي ساعة
ساعتين
وجيه
بس ماجاش لوحده
جيه ومعاه مامته
اللي هو انت عبيط يبني!!
رحبت بيها ودخلت المطبخ اجيبلها عصير
دخل ورايا و وقف جنبي بالظبط وهمسلي:
-آسف والله بس انا كنت طالع ولقيتها تحت
-حصل خير، البيت بيتها
كنت هشيل الصينية بس هو خدها مني وايده لمست ايدي
حسيت بدفى للحظة
ابتسملي وقال:
-هشيلها انا المرة دي
خرج وانا خرجت وراه
قعدت قصادها وقعد جنبي
-عاملة ايه ياحماتي
-كويسة
بعدين بصت لساجد وقالت:
-مالك ياحبيبي خاسس كده ليه
وبصتلي
-انتِ بتاكلي اكله ولا ايه؟
بقيتِ زي العجلة
رد ساجد بحدة:
-ايثار بتعمل اكل اكتر من العادي، وكمان وزنها حلو جدا حضرتك اللي شايفة غلط!
وحتي لو شايفة صح فوزنها عاجبني جدا
فرحت انه دافع عني
في حين انها بصيتلي بقرف وقالت:
-اه تمام
انتِ محملتيش ليه لغاية دلوقتي؟
بعدين بصتله
-مش عجبـ...
قبل ما تكمل ساجد قاطعها بحدة:
-احنا ماكناش نخلف دلوقتي يا ماما، واعتقد ان دي حاجة حضرتك مالكيش دعوة بيها!!
-انت بتكلمني كده ليه؟!
-عشان مبحبش حد يغلط في مراتي!
-ع اساس انك متجوزها بمزاجك يعني؟!
-ممكن اكون مجبر عليها، بس هي احلي حاجة اجبرت عليها فيها حياتي
وشبك ايده في ايدي
اندهشت جدا
يلهوي الملعب ولععععع
-اومال ميرا اللي معاك في الشغل مش قولت هتتجوزها؟
-لأ، مش هتجوزها
عشان عمري ماحبيتها اصلا
-وحبيت دي؟!
وشاورت عليا بقرف
-اه حبيتها
عشان مش شايف غيرها ولا عمري هشوف
عارفة ليه؟
-ليه يا حليتها؟
-عشان قريب هتبقي مامة ابني او بنتي
-هي حامل!!
-اه
ــــــــــــــــــــــــــــــــــــــــــــــــ
-انت اتجنننننت؟؟!
قلتها بعد ما مامته مشيت
كان قاعد قدامي علي الكنبة وبيبصلي ببراءة
-ليه ياحبيبتي؟
-هو مين دي اللي حامل؟!!
-مين دي اللي حامل؟
مين قال كده؟
-انت هتستعبط؟!
قعدت وحاولت اهدي
-طب دلوقتي بعد التسع شهور ما يعدوا ويلاقوني لسه ماخلفتش، ويلاقوني معنديش بطن اصلا!!
هعمل ايه؟!
-مش عارف بقا
-يارب الصبر من عندك
انا هروح انام
و ورقة طلاقي تبقي قدام باب الاوضة عشان مطلعش عينك
دخلت نمت
وبعد خمس دقايق الباب خبط ودخل
-عايز ايه
-عايز انام
-ما تغور انا مالي
-مش بعرف انام لوحدي
-بطل كدب بقا
-طب النهاردة بس
-لأ
-ارجوكِ
-لأ
-ارجوكِ
-لأ
-ارجوكِ
-لأ
-ارجوكِ
-يوووه، تعالي اخلص
نط علي السرير وانا قعدت علي حرفه
-انتِ نايمة على الحرف كده ليه هتقعي
-مالكش دعوة
فجأة شدني لحضنه ولفني لي
-سيبنيييييييي
-تؤتؤ
-سااااجد
-بيحبك
-انت منافق
-طب بصيلي
رفعت راسي وبصيتله
-بالله عليكِ دي نظرات واحد منافق؟
-لأ دي نظرات واحد حيوان
-مقبولة منك ياروحي
-متقوليش روحي
-حاضر
-اوعي بقا
-لأ
-ياسجاد بجد
-تؤتؤ
استسلمت للواقع وفضلت في حضنه، اللي فعلا كان دافي اوي
لأول مرة احس بالأمان ده بعد ما اتجوزت
ــــــــــــــــــــــــــــــــــــــــــــــــ
-صليت المغرب ياساجد
-اه ياعيوني، جهزتي؟
-ايوا
نزلنا وركبنا العربية
-تتوقع ولد ولا بنت
-اي حاجة حلوة والله
-نفسك في ايه
-بصراحة بنت
-وانا نفسي في ولد
-توأم؟!!
قولتها انا وساجد في وقت واحد للدكتورة
-ايوا، ولد وبنت
بصيت انا وساجد لبعض في صدمة وفرحة في نفس الوقت
لما روّحنا قفل باب الشقة وبصلي
بعدين حضني جامد
-مبروك يا ام فرح ويوسف
بعدين طلعني من حضنه وقال بحماس:
-احنا لازم ننزل بكرا نجيب حاجاتهم!!
-اشطا ونجيب شراب ازرق وشراب بمبي عشان يلبوسها اول ما يتولدوا
-حلو ده، يلا نصلي العشاء ونكمل بعد ما نخلص
صلينا مع بعض واول ما خلصنا جيه قعد جنبي
-فاكرة ايه اللي حصل من شهرين؟
ضحكت اوي وقولت:
-وهو ده يتنسي
@فلاش باك
-ياساجد هو مش المفروض ايثار في الشهر التاسع؟
ازاي بتقولي هي في السابع
-احمم اصل يعني...
-ياطنط هو لما قالك اني حامل طلع الجهاز غلط يعني بس حملت بعدها شهرين
قال ساجد بسرعة:
-ايوا ايوا
ده اللي حصل
-فلاحين
@باك
فضلنا نضحك علي الموقف
بعدين شبك ايدي في ايده وقالي بحب:
-تعرفي؟
حطيت راسي علي كتفه وقولت:
-همم
-انا بحبك اوي
عديت مرحلة الحب كمان
-وانا كمان
-انا زمان كنت غبي اوي
-فعلا
-ايه؟
-ولا حاجة
-بحسب
بعدين ضحك وقال:
-فاكرة لما كنت بقولك ايدك متلمسنيش؟
-ايوا، دلوقتي بقيت انت اللي تمسكها
-مش متخيل اني ضيعت شهوور وانا مش بمسكها، ايدك دافية اوي يا ايثار، بتخليني ارتاح من كل حاجة
انتِ نظرة واحدة منك اصلا بتخليني ارتاح
ابتسمت وافتكرت ايام زمان، كل حاجة اختلفت
بقا انسان مريح
طيب
متفاهم
بيحبني بجد
وانا بحبه
وعمري ما بطلت احبه
-تمت-
ـ
تعليقات
إرسال تعليق
فضلا اترك تعليق من هنا