سكريبت وجد وليل كامل وحصري لمدونة قصر الروايات
سكريبت وجد وليل كامل وحصري لمدونة قصر الروايات
-انا كـ*ـلب اني عينتك سكرتيرة ليا
-ليه بس يا مستر
-ليه؟!
وليكِ عين تقولي ليه؟!
بصيت علي الورق اللي دلقت عليه القهوة
وقميصة اللي اتبهدل والاجتماع اتبقي عليه نص ساعة
-انا آسـ...
زاعق بصوت عالي فجأة:
-اطلعي برااااااا
طلعت برا من سكات لاني لو كنت قعدت اكتر من كده كرامتي كانت هتتمسح في الارض
احم، انا وجد، عندي 24 سنة
انا شغالة سكرتيرة لمستر ليل مدير شركة هندسية كبيرة
وانا دلوقتي عملت اكبر مصيبة في حياتي
دلقت قهوة علي ورق شغل مههمممممم جدا
بس عادي، فدايا
رغم ان شكلي هترفد بس مش مهم
وهتسألوني ليه انا في قمة البرود ده، علشان انا اصلا معايا نسخ تاني من الورق بس ناوية احرق دمه
بعد ربع ساعة دخلت
-مستر
-...
-مستري
-...
-ليل
--عايزة ايه من زفت
-اتفضل
اديته الملفات الاحتياطية
مسكها وقال باستغراب
-ايه ده ي وجد؟
-الملفات
قام فجأة وبصلي بصدمة
-بتهزري!!
-عيب عليك
-احلي بنت عم والله العظيم
بص في الساعة وسابني وجري برا المكتب راح الاجتماع
مين ليل؟
يبقي مديري وفي نفس الوقت ابن عمي
عشان كده طبعا بقيت سكرتيرة بالواسطة، وعشان شاطره والله
عدي اليود وجينا نروّح
-انتِ واقفة كده ليه؟
-مستنية تاكسي
-مستنية ايه؟
-تاكسي
-وده ليه ان شاء الله؟
-ايه ي مستر
-تعالي ي وجد الله يهديكِ
-لأ مش هركب معاك
-ليه!
-عشان انت زاعقتلي
-يوووه بقا بدأنا شغل قلب الطربيزة ده
-قصدك اني بوشين؟
-ايه اللي دخل؟
-ليل!!
-وجد؟
-روّح
-م انتِ هتيجي معايا عشان ابوكِ هيموتني
شهقت وقولتله بصدمة:
-يعني انت بتوصلني عشان ابويا مش عشاني!!
-انـ....
قاطعته:
-يبقي يلا عشان ابويا ميهزقناش احنا الاتنين
سبقته وروحت العربية وهو دخل قعد جنبي وشغل العربية وبدأ يسوق
ـــــــــــــــــــــــــــــــــــــــــــــــــ
"ليل"
بدأت اسوق وكنا ساكتين
كنت كل شوية ببصلها بطرف عيني، اصل بجمالها ده مقدرش م ابصش عليها
وربنا اتجوزها بس ومش هنزلها من البيت بجمال ابوها ده
احم، ايوا انا بحب وجد
وبحبها جدا كمان
بس للأسف مافيش اشارة واحده تدل حتي انها بتحبني ولو 0.1% حتي
اصلها عيلة تنحه ومبتعرفش تعمل حاجة غير انها تستفزني و...ايه ده ثانية هي بتعيط ليه؟!
-في ايه يا وجد؟!
-قلبي..
وقفت العربية وبصيتلها بقلق
-في ايه مالك؟!
-قلبي واجعني
-من ايه!!
-اصل...اصل...
-اصل ايييييييه؟!
بصيتلي وهي مبتسمه وقالت:
-اصل عبوده قلبه بيوجعهههه
وعايز حد يدلعههه
وطبعا عشان انا انسان رزين وعاقل ماليش في حركات الاطفال دي
نزلت من العربية وجريت وراها
-وربنا م هسيبك يا وجدددددد
قالت وهي بتجري قدامي وفطسانة ضحك:
-هفهمك والله
جرينا لغاية م وصلنا لطريق ديق وهي دخلت فيه
وقفت في اول الطريق وقولتلها بصوت عالي:
-طب خليكِ بقا وسط الكلاب ي وجد ومش هتلاقي حد يلحقك
ولفيت مشيت
معداش ثواني إلا سمعت صوت هوهوه كلاب كتير و صوت وجد بيقول:
-لييييلللل، الحقنيييييي
لفيت ولقيتها بتجري و وراها حوالي 10 كلاب
-ينهار اسود...!
أول ما وصلتلي شديتها من ايدها وجرينا
حسبي الله مش بتيجي غير و وراها مصيبة، بس المرة دي وراها مصايب
دخلنا في شارع ضلمة ولزقنا في حيطه من الحيطان عشان ميشوفوناش
والحمدلله مشافوناش
-خلاص مشيـ...
بصيت عليها لقيتها ماسكه جامد في دراعي ومغمضة عينها، يلهوي بقااا
ــــــــــــــــــــــــــــــــــــــــــــــ
-وجد...
قالها بصوت هادي و واطي
فتحت عيني اليمين ورفعت وشي لي، كان باصصلي فوترني اكتر م انا متوترة والله
-مشيوا؟
-ايوا
سحبت ايدي وقولت بعد م اتنهدت بصوت عالي:
-الحمدلله كنت هموت بجد
-بعد الشر، يلا عشان نروّح بقا
روحنا العربية وركبنا وطبعا هو كان مستحلفلي انه هيطلع عيني بس عداها دلوقتي علشان عايز ينام، حبيبي طيب والله
طلعت الشقة وطبعا بابا حبيبي استقبلني
-هببتي ايه؟
-هو اشتكالك؟
-لأ يختي بس انا عارف ان بنظراتك دي يبقي عملتي مصيبة
-اخويا اللي حافظنييي
-انطقي يبت!!
-احم، جريت ورانا عشر كلاب
مش كتير يعني
مسح علي وشه بعصبية وقال:
-الصبر من عندك يارب
بعدين قعد علي الكنبة وقال:
-اه صح، ابن خالتك اتقدملك وجاي بكرا
-مش موافقة
-لأ موافقة وغصب عنك!
-بابا انا...
قاطعني:
-انا قولت اللي عندي!
خشي اوضتك!!
دخلت اوضتي غيرت وفضلت كتير جدا بعيط علي السرير
لغاية ما خطرت في بالي فكرة
اكلم الشخص الوحيد اللي بيفهمني رغم اني برفع ضغطه، ليل
اتصلت بيه ورد بعد شوية، طلع صوته من التليفون وهو بيتكلم بنعاس:
-الو...؟
قولتله وانا دموعي بتنزل:
-ليل
صوته اتغير فجأة وحسيته قلق
-وجد؟ في ايه؟!
-بابا ي ليل
-عمي ماله؟!
حصله حاجة؟!
-عايز يجوزني الزفت عصام
-عصام مين ده!
-ابن خالتي
انا مش عايزاه ي ليل وهو انسان وحش وبابا عايز يجوزهولي غصب عني!!
وفضلت اعيط اكتر
اتكلم بصوت حسيت فيه عصبية خفيفة:
-طب اهدي انا هكمله
-بجد ي ليل؟
-اه والله ي قلب ليل اهدي بقا
-ماشـ...انت قولت ايه؟!
-قولت هكمله
-بعديها!!
-اه والله
-بعديها ي ليل!!
-مش فاكر
-خلاص ي ليل
تصبح علي خير
-وانتِ من اهلي
وقفل السكة في وشي قليل الحياء
احمم، يارب ابقي من اهله
ــــــــــــــــــــــــــــــــــــــــــــــ
صحيت تاني يوم الصبح والحمدلله كان اجازة، روحت لعمي محمد وطبعا بطريقتي السحرية قدرت اقنعه يرفض عصام
-طب وهي هتفضل كده منغير جواز!
-ي عمي ربنا هيرزقها
-ونعم بالله، ماشي ي عم
-بقولك صح يا حجوج
-اكيد عايز مصلحه
-نعم الله عليك، ممكن وجد تيجي معايا حفلة؟
-امم، ماشي
بوست راسو وقومت وانا بنادي عليها
-وجدددددد
-نعم؟
روحتلها وهمست:
-اي خدمة، ابوكِ مش هيجوزك عصام
-بجد ي ابو نواف!!
-ايوا، وهنخرج كمان
-ي حبيب قلبي تسلم ي عجل وربنا!!
ضحكت وقولتلها:
-ومش اي خروووجة
-اومال؟
-البسي دريس عشان رايحين حفلة فيها ناس تبع الشركة
-اوبااا
اشطا خمسايه وابقي عندك
-ماشي هروّح البس وهجيلك
-ماشي
روّحت لبست اشيك بدلة عندي ورشيت من البرفيوم اللي هي بتحبه ونزلت
وقفت استنيتها عند العربية لغاية م نزلت
وطلّت بفستان زيتي تحفة زيها
فضلت متنح فيها وفي جمالها
نتجوز بسسس وهلبسها النقاب
ـــــــــــــــــــــــــــــــــــــــــــــــــ
اول م وصلت قدامه شميت ريحة البرفيوم المقربة لقلبي
-شكلك تحفة ي وجد
-احمممممم، تسلم
فتحلي الباب وقال:
-اركبي ي أميرة
ركبت وانا بضحك وهو ركب
و وصلنا بعد مده مش قليلة
نزل فتحلي الباب وقال:
-انزلي ي أميرة
قبل ما ندخل همسلي:
-افضلي جنبي ولو شوفتك واقفة مع حد هزعلك
-خف بقااا
-ادخلي ي اخره صبري
دخلنا وسلمنا علي ناس كتييييير، واخيرا قعدنا
واخيرا قعدنا
-يلهوييي ضهري مش قاادره
-معلش شوية كده كده وهنروّح
-عارف نفسي في ايه؟
-ايه
-محشي
-اسكتي، اسكتي ي وجد
-مستفز
فضلنا قاعدين لغاية م جت بنت
-ليل!
-هدير!
قام وقف قدامها وابتسامته اتنين متر
-عاملة ايه؟
-الحمدلله كويسة
وحشتني اوي بقالي كتير م شوفتكش
-اهه مشغول بقا
بعدين بصيتلي من فوق لتحت وقالت:
-معرفتنيش؟
قبل ما يتكلم قولتلها بابتسامه صفرا:
-خطيبته، اسمي وجد
هدير بصتله بصدمة وهو قعد شوية بيحاول يستوعب بعدين قالها برتباك:
-ا...اه..ايوا و...وجد خطبيتي
-اهه...مبروك
بعد اذنكوا
مشيت من هنا
و ليل بصلي بخبث من هنا
وقعد جنبي
-خطيبتي هاا؟!
-احم، هو...
قاطعني:
-يلا عشان نروّح
-ليه؟
-يلااا
قومت معاه وركبنا العربية
وساق في صممممت مش طبيعي
وانا قاعده جنبه هتحرق من كتر الاحراج
وصلنا
بس وصلنا قدام بحر!
نزل وانا نزلت وراه
-هو احنا هنا ليه؟
-تعالي بس
روحنا قعدنا علي الشط
كنا قاعدين بصمت لغاية م هو اتكلم:
-وجد
-امم
-انا بحبك
ـــــــــــــــــــــــــــــــــــــــــــــــــــ
اول ما قولتها بصيتلي بصدمة وقالت:
-بتـ ايه؟!
-بحبك
-يعني؟
-يعني تتجوزيني؟
-يعني؟
-يعني ايه تاني ي حبيبي؟
-طب انا مش موافقة
-ده عند الست الوالده
هتوافقي يعني هتوافقي
-ليه؟
-عشان...مش عارف
اتنهدت بحزن وقولت:
-كنت عارف انك مش بتحبيني
-وطالما عارف
قولت ليه؟
-عشان مش قادر اسكت اكتر من كده، وكنت عايز اننا نتجوز علطول
بس خلاص...يلا ي وجد نروح
-تمام
ركبنا وبدأت اسوق وانا بحاول أتمالك نفسي
وصلتها و كملت طريقي للبيت وأنا بفكر فيها
وفي ازاي هبطل احبها!
وصلت البيت غيرت علطول ونمت علي السرير
فجأة، التليفون رن باسمها
-الو؟
-ليل
-نعم
-انا بحبك
وقفلت في وشي
قومت من علي السرير وفتحت باب الاوضة بسرعة
-زغرطي ياما ابنك هيتجوز!!!
ــــــــــــــــــــــــــــــــــــــــــــــ
طبعا اليوم اللي بعده جيه هو وباباه
وجابوا معاهم المأذون!!
اصلا يعني!!
-بارك الله لكما وبارك عليكما وجمع بينكما في خير
قام وقف بسرعة وشدني لحضنه
-اخيرا بقيتي ليا..!
ابتسمت بخجل
-ليل
-قلب ليل
-انا قلبي واجعني اوي
طلعني من حضنه بقلق وخوف وقال:
-ليه ي حبيبتي؟!
-اصل...
-اصل ايه؟!
-اصل عبوده قلبه بيوجعهههه
وعايز حد يدلعههه
بصلي بخبث وقال:
-يبقي ندلعه
-ثانيه ايه؟!!
شالني ولف بيا
-يا ليييل!
نزلني وقال بحب:
-يا قلب ليل
-انا بحبك
-وانا بموت فيكِ ي عيوني
-تمت-
ــــــــــــــــــــــــــــــــــــــــــــــ
تعليقات
إرسال تعليق
فضلا اترك تعليق من هنا