سكريبت كامل وحصري لمدونة قصر الروايات
سكريبت كامل وحصري لمدونة قصر الروايات
-يلهوي!!
اول ما قولتها دخل انس من باب الشقة و وشه شاحب جدا وبصلي
عرفت انه شاف نفس الخبر
انا رهف
وانس يبقي جوزي
انا وانس اتجوزنا من سنة جواز صالونات
وحقيقة الموضوع ان انا بحب راجل تاني وانس بيحب واحده تانيه، وده اللي صارحنا بيه بعض في اول يوم شوفنا فيه بعض، بس للأسف محدش فيتا عرف يبوظ الجوازة
بس بنتعامل كأننا صحاب وبنضحك ونهزر عادي جدا
اما بالنسبة للخبر اللي شوفناه؟
اللي بحبه اتجوز اللي بيحبها
انس قعد جنبي
الهدوء اللي فينا كان غريب
محدش فينا اتوقعها
قال بصوت مهزوز منغير ما يبصلي:
-شوفتي ايه اللي حصل؟
-اه
بصلي بهدوء
وبدأ يعيط بهستيريا
حضنته وبدأت اعيط انا كمان
كان بيهمس بصوت مبحوح:
-ليه...ليه عملِت كده...ليه
انا كنت بحبها بجد
انا بدأت اعيط اكتر
صعب عليا جدا، وصعب عليا نفسي، ليه؟
لاني اصلا نسيت اللي بحبه من بعد ما اتجوزت وحبيت أنس
يعني لا حبي الأولاني حبني
ولا التاني حبني
يلا يولادالـ
عدي اليوم معرفش ازاي وصحيت اليوم اللي بعده
خرجت من الاوضة وصليت الفجر وبدأت احضر الفطار
اول ماخلصت سمعت باب اوضته بيتفتح (كل واحد فيهم في اوضة)
-صباح الخير يا انس
-...
-يلا عشان تفطر
-مش عايز
ودخل اوضته تاني ورجع وهو بيظبط البدلة
-انا هتأخر في الشغل
-ماشي، خلي بالك من نفسك
نزل وانا روّقت الشقة
عدي الوقت وحضرتك العشا بس هو اتأخر فنمت علي الكنبة وصحيت علي صوت الباب بيتفتح
قولت بكسل:
-جيت يا انس؟
-...
-انس؟
دخل وهو بيتطوح يمين وشمال
كان هيقع فجريت عليه سندته
-في ايه يا انس مالك؟!
-رهف... انتِ حلوة اوي
-انس هو انت شار*ب؟!
قعدته علي الكنبة بسرعة وكان باصصلي وبيضحك بعدم وعي
-تعالي اقعدي جنبي...
-انس انت اتجننت ولا ايه انت شربت ازاي؟؟؟
شدني من ايدي قعدني جنبه وحضني وفجأة قعد يعيط
-انا...انتِ...
-في ايه يا انس؟
-مش هتسيبيني زيها صح؟!
-هي مين؟
نادين؟ (حبه الأول)
-ماما
انا كنت بهزر معاها وقولتلها اني بحب خالتو اكتر
و...
طبطبت عليه فكمل وهو بيتكلم بالعافية:
-سابتني ومرجعتش تاني
خرج من حضني وبصلي:
-انتِ...مش...هتسيبيني علشان...نا...نادين صـ...صح؟
-لأ يا انس، انا معاك
ابتسم وقال وهو بيفتح عينه بالعافية:
-انتِ جميلة اوي
-مانا عارفة، خليك هنا هدور علي اي حاجة تفوقك وجاية
دخلت المطبخ وبدأت ادور علي حاجة اعملهاله، وطبعا مالقتش اصل اول مرة اتعامل مع واحد سكـ*ـران انا مش قاعدة في ملـ*ـهي يعني
-رهف...
كان صوت انس جاي من ورايا، لفيتله بسرعة
-مش قولتلك خليك مكانك؟
واللي خفت منه حصل و وقع
هشيل العجل ده ازاي دلوقتي؟!
طبعا فضلت ستين قرن لغاية ما عرفت اوصله للسرير
مامة انس اتوفت وهو صغير عشان عملت حادثة
اليوم ده كانوا عند خالته وانس كان شابط فيها...
@فلاش باك
-يلا يا انس عشان نمشي!
-لأ ياماما خليني مع خالتو ذكرى
-اممم، انت بتحبها اكتر مني بقا
ضحك وقال:
-ايوااا
"ضحكوا وبعدين مامة انس نزلت وسابته يبات مع ذكرى، وللأسف دي كانت اخر مرة انس يشوف فيها مامته"
@باك
صحيت اليوم اللي بعده وعملت شوربة خضار لأنس عشان لما يصحي يشربها
-صباح الخير يارهـ...
قاطعته بعد ما رزعت المعلقة اللي كنت بقلب بيها علي البوتجاز:
-صباح الزفت علي دماغك!!
انت اتجننت!!
-هفهمك والله
زاعقت بصوت عالي جدا:
-تفهمني ايييه؟!
تفهمني انك شربـ*ـت عشان واحدة متستاهلش؟!
-انا بس...
قاطعته:
-طــلــقـنــي!!!
-انا...
-انت انسان...
حط ايده علي بوقي وقال:
-شششششششششش بقاااا
سيبيني انطق!!
انا كنت في الشركة مع صحابي وحد فيهم ادالي حاجة اشربها معرفش هي ايه وبس مش فاكر ايه اللي حصل!
عيوني بدأت تدمع فشال ايده
-حرام عليك ياشيخ منك لله
-انا ماكنتش اعرف بجد
حطيتله طبق شوربة وحطيته علي الطربيزة
-اشربه
ودخلت اوضتي
بعد شوية لقيته بيخبط ففتحت الباب
-تعالي اكليني
-احنا هنستعبط؟!
-انتِ عارفة اني مش بحبه ومش هاكله غير لما تأكليني
ضحكت بسخرية وقولت:
-هرن علي نادين تيجي تأكلك
-ايه اللي دخل نادين دلوقتي؟
انا نسيتها!
-انت كداب عشان مافيش حد بينسي حد بيحبه بالسرعة دي
-بالظبط!!
انا اكتشفت اني مش بحبها
مش بحب الستات عموما
وبعدين انت بتحبي كريم
-مش بحبه متجيبش سيرته
-اوعا بقا الموڤ اون
ضحكت فابتسم
-يلا بقا عشان تأكليني
روحت معاه وبدأت أأكله
-خلاص بقا طعمه وحش
-اتبقي اخر معلقة يلا
كلها فقومت عشان اغسل الطبق
-شكرا يارهف
-العفو
جيه سند علي الراخمه جنبي وكان قريب جدا
بعدين قال:
-انا خدت اجازة النهاردة
-ليه؟
-عشان اقعد مع مراتي
-طب اركن يااااض
عدت شهور وانا وانس علاقتنا بقت افضل نوعا ما
-رهوف
-نعم
-انا هنزل اقعد في كافيه شوية
-اوكي متتأخرش
-ماشي، لما ارجع هنسهر سوا ها
-اكيد
راح
عدت ساعة بعد ما نزل
"تن"
فتحت تليفوني وكان رقم غريب باعتلي صورة
كان انس قاعد وقصاده...نادين؟!
وماسكة ايده!!
اول حاجة عملتها اني عملت سيڤ للصورة وعملت بلوك للرقم
فضلت مستنية انس علي اعصابي واخيرا جيه
-انا جيت يارهف
اول ما بص عليا حسيت باستغرابه من تعابير وشي
-في ايه يارهف
-تعالي
قعد جنبي على الكنبة
فتحت التليفون و وريته الصورة
-ايه ده يا انس
ارتبك اول ما شافها
-هفهمك، انا...
قاطعته:
-لأ مش هتفهمني حاجة
طلقني يا انس، انا هروح لأهلي و ورقة طلاقي توصلي
-رهف استني!!
دخلت الاوضة وقفلت الباب وبدأت ألم حاجتي وانا منهارة عياط
كان بيخبط علي الباب وبيقولي افتح وانا زي الاطرش في الزفة
غيرت هدومي وطلعت وانا ماسكة الشنطة ونزلت
نزل ورايا ومسك دراعي فزاعقت فيه بجنون:
-سيبني!!!
-يارهف اسمعيني!
-مش هسمع حد!!
انا غلطانة اني فضلت معاك وانا بتعذب كل يوم عشان حضرتك بتحب واحدة تانية وانا بتعب قلبي علي الفاضي!
كدبت عليا وقولتلي نسيتها ومش بحبها وانت لسه بتدور عليها وتقابلها!
-يا رهف والله انا...
قاطعنا صوت بابا عشان كنت رنيت عليه ييجي ياخدني
-سيبها يا انس!
انس سابني وانا نزلت لبابا
-في ايه ياحبيبتي عملك ايه؟
-ولا حاجة يابابا متخانقين بس خناقة بسيطة
-وربنا لو طلعت عاملها حاجة يا انس هطين عيشتك
عدت ايام وانا عند بابا وكل يوم انس ييجي يحاول يكلمني بس انا مش راضية
لغاية ما عدي شهرين
-رهف، انس برا وعايز يكلمك
-قوله يمشي
-يلا بقا اطلعي عشان زهقت منكوا
-يا بابا...
قاطعني:
-يلا يارهف
انت متعرفيش انس بقا عامل ازاي
طلعتله واتصدمت منه
خس جدا
وشه شاحب
عينه فيها حزن كبير اوي
قعدت جنبه بهدوء
بدأ يتكلم وصوته مبحوح:
-انا جيت عشان افهمك
وشوفي انتِ عايزة تطلقي ولا لأ
انا نزلت فعلا عشان اقابل نادين عشان هي اللي فضلت تبعتلي
قالتلي انها اتطلقت وانا بتحبني ومش عارف ايه فانا رفضت اني ارجعلها، فهي مسكت ايدي ثانية بالظبط وانا شيلتها علطول، بس في حد كان قاصد انه ياخد اللقطة دي
انا كنت عامل حسابي وسجلت الصوت، لو مش مصدقاني هسمعهولك
وفعلا طلعلي التليفون
الكلام بينهم كان عبارة عن:
-ازيك يا انس، وحشتني اوي
-الحمدلله، عايزة ايه يانادين انجزي
-انس انا اتطلقت
-المفروض اعملك ايه؟
-انت عارف اني بحبك يا انس
وانت كمان بتحبني
طلق مراتك واتجوزني
-لأ
-ليه؟؟
-عشان انا بحب رهف مراتي
ومستحيل استغني عنها عشانك
-بس...بس يا انس انت قولتلي انك بتحبني!!
-كنت، والحب ده كله اتمسح لما انتِ اتجوزتي، عارفة ليه؟
عشان اكتشفت ان مافيش زي رهف، محدش صبر عليا زيها ولا عمر حد هيصبر عليا زيها
اكتشفت اني بعشقها، بس واهم نفسي بحبك!
-بس انا بحبك
-متلمسنيش!
الموضوع خلص يا نادين
سلام
والتسجيل خلص
ودموعي بدأت تنزل
قرب مني وحضني وهو بيعيط هو كمان
-انا بحبك يارهف
-انا اسفة يا انس حقك عليا
-انا اللي اسف، مكانش ينفع اقابلها منغير ما اقولك
بعدين طلعني من حضنه وبصلي بعدين غمز:
-مش هنروّح بقا؟
ضحكت وقولت:
-نروّح
عدت سنين
اثبتلي ان انس انسان ميتعوضش
سنين كان حنين عليا انا واولاده
نورا وميرا وعلي، اللي دلوقتي اتجوزوا وخلفوا
سنين كنت بحبه وبيحبني اكتر من اليوم اللي قبله
سنين طويلة اوي عوضني فيها عن حياة وحشة اوي
انس حبه كبير جدا في قلبي
حتي لو، مش موجود...
بصيت اخر مرة لصورته وانا في المستشفى وجنبي عيالي
غمضت عيني
جيه الوقت اننا نتقابل اخيرا
نطقت:
-اشهد ان لا اله الا الله
وان محمداً عبده ورسوله...
-تمت-
تعليقات
إرسال تعليق
فضلا اترك تعليق من هنا