سكريبت رحمه وصقر كامل وحصري لمدونة قصر الروايات
سكريبت رحمه وصقر كامل وحصري لمدونة قصر الروايات
-يا استاذ!!
فتح عينه وعدل راسه بصلي وهو لسه قاعد علي نفس الوضعية ومربع ايده
-نعم؟
-بقالي ساعة بناديك!!
-في حاجة؟
-اه، انت دايس علي الجيبة!
بص لرجله وشالها ببرود بعدين رجع سند راسه لورا علي الكرسي وغمض عينه
-تنح
سمعت صوته الحاد من ورايا
-انتِ قولتي ايه؟!
-بقول تنـ...
لفيت ورايا ولقيته واقف ورايا بالظبط ومميل دماغه عشان يعرف يبص في عيني
كان لابس لبس الجيش وده اللي خوفني فقولت بتلعثم:
-بقول...بقول نحاس
-نحاس؟
-ا...اه
النحاس حلو
-آه...قولتيلي
انا شوفتك قبل كده؟
بصيتله باستغراب ودققت في ملامحه
كان وسيم
وسيم
و وسيم
و كمان وسيم
بس ماشوفتهوش قبل كده
-اكيد بتشبه عليا، مش انا
-امم
سابني ورجع قعد مكان م كان قاعد
وانا روّحت عشان استقبل العجول اللي جايين
انا رحمة، عندي 19 سنة ولسة متخرجة من الثانوية
للأسف عيلتي عندهم حاجة انه لازم كل ما بنت تتم الـ18 تتجوز ابن عمها
بس ابن عمي اللي هتجوزه ومعرفش عنه حاجة اصلا بسبب ظروف شغله معرفش انه ييجي السنه اللي فاتت
وللأسف النهاردة جاي مع جدي وابوه
روّحت البيت وطبعا اتملي زعيق عشان مش عايزة اتجوز بس سكت عشان بابا جلدني
لما جم دخلت بالكوبايات منغير ما ابصلهم
حطيتها وقعدت جنب بابا بعدين جدي اتكلم:
-ارفعي راسك يارحمة
رفعت راسي وبصيت لابن عمي
كان باصصلي وساكت
وللأسف كان ابن عمي سامر، مبطيقهوش من وانا صغيرة
كان المفروض اتجوز صقر اخوه الكبير بس محدش فينا يعرف عنه حاجة
-هنعمل فرح علطول، والفرح هيبقي يو...
قبل ما يكمل الباب اتفتح ودخل عمي عياد الوسطاني و وراه...هو ايه العبط ده؟!
-بس المفروض البنت لابن عمها الكبير يا جدي
قالها الشاب اللي كان وراه
واللي يبقي الشاب اللي شوفته الصبح!
واللي يبقي صقر ابن عمي!!
دخل بكل برود وقعد هو وعمي علي الكنبة
بعدين قال بابتسامة صفرا:
-معلش بقا يا سامر، المرة دي مش ليك
بعدين بص لجدي وكمل:
-قول يا جدي، الفرح امتي؟
جدي ابتسم لانه مؤيد جدا لفكره ان البنت لابن عمها الكبير وقال:
-الاسبوع الجاي
-ماشي، بس هنكتب الكتاب دلوقتي
واتفقوا ع كل حاجة واتصلوا علي المأذون وانا كل ده مش عارفة انطق من الصدمة
حرفيا اعبث حاجة حصلت في حياتي
-بارك الله لكما وبارك عليكما وجمع بينكما في خير
وكالعادة سابونا ودخلنا الاوضة
-كنت حاسس اني شوفتك قبل كده
شكلك متغيرش من اخر مرة شوفتك
-ليه رجعت دلوقتي؟
-كده كده انا في مصر، مسافرتش
اشتغلت ودخلت الجيش ولسه مخلص دلوقتي
وجيت عشان الحقك من العذاب اللي كنتي هتعيشيه، وكمان عشان...
-عشان ايه يا صقر؟
اتنهد وقال وهو مركز في عيوني:
-عشان بحبك...
-بتحبني ازاي يا صقر؟؟
قعد علي السرير وبصلي وهو مبتسم
-من ساعة ماكنا صغيرين وانا بحبك
وبسبب اللي بشوفه بيحصل في العيلة وعدت نفسي اني لما اكبر هتجوزك، حتي لو مش بتحبيني
بس ع الاقل انقذك من العذاب ده
فقررت اني امشي بعيد عن العيلة عشان اكون نفسي احسن
وخلصت جيش وجيت اهو...
جيت عشانك...
اتصدمت جدا
صقر مش صغره شديد
عمري ما اتوقعت انه يحب
وخصوصا انا!
-صقر بس انا...
قاطعني:
-مش بتحبيني
بعدين ضحك بحزن وقال:
-عارف، بس انا اتجوزتك علشان اطلعك من السجن ده
هطلقك بعد فترة يارحمة لو عايزة
-تمام، هنطلق بعد الفرح بست شهور
بص علي الارض وقال بقلة حيلة:
-ماشي يارحمة، حاضر
عدي اليوم
وعدي الاسبوع
واتجوزنا
دخل وقفل الباب
وقف قصادي
دولاب واقف قدامي
-اوضتي فين ياصقر؟
-اختاري اللي يعجبك
دخلت اوضه منهم وغيرت هدومي لبست بيجاما وسيبت شعري الكيرلي
وطلعت اسخن العشا عشان ميتة جوع
بعد شوية خرج هو كمان بعد ما غير
كان لابس تيشيرت اسود وسويت بانتس رمادي
-شعرك حلو اوي
قولتله بتعجب:
-ازاي!
الرجالة بتحب الشعر المفرود!
ابتسم وقال بلُطف:
-بس الكيرلي طلع احلي بكتير
خصوصا عليكِ...
اتحرجت فلفيت وكملت تسخين الاكل
قعدنا اكلنا وبعدين قالي:
-يلا نصلي مع بعض
-ماشي
اتوضينا وبدأنا نصلي
وصوته كان تحفة بجد وهادي ومريييييييح
لما خلصنا سبح علي ايدي بعدين كل واحد فينا راح اوضته ونام
عدي اسبوعين
-رحومة
-نعم
-تعالي نخرج
-نروح فين
-نروح ناكل في مطعم
-لأ عايزة اتمشي علي الكورنيش
وناكل ايس كريم ومصاصة
-مصاصة؟
-ايوا
-انا مستحيل اكل مصاصة!!
نزلنا وجابلنا مصاصة وكلناها احنا الاتنين
-حلوة المصاصة يا صقر؟
ضحك بسخرية وقال:
-بقا انا صقر الرفاعي
عندي 27 سنة
اكل مصاصة!!
-يلهوي انت كبير اوي
-انتِ لسة ملاحظة؟
قعدت اضحك عليه وهو كان باصصلي ومبتسم
جيه الليل واتمشينا
-الجو تحفة
-فعلا
نفخت في ايدي ودعكتهم في بعض وقولت:
-ايدي متلجة
-بجد
-ايوا
فجأة شبك ايده في ايدي وحطها في جيب جاكيته
بصيتله وقولتله بتعجب:
-بتعمل ايه!
-بدفي ايدك
بصيت قدامي
وابتسامة بلهاء اترسمت علي شفايفي
ايده كانت دافية جدا
ومريحة، زيه
"بعد فترة"
-رحمة، انا جيت
جيه وقف جنبي وانا بغسل المواعين، بصيتله وابتسمت
-حمدلله علي سلامتك
-الله يسلمك يارحمتي
وطي وسند جبينه علي كتفي
-النهاردة كان يوم متعب اوي
-حصل ايه؟
-في ملفات اتسرقت في الشركة
والمدير هزقنا طبعا وخصملنا مع إن ملناش دعوة
-طب ليه عمل كده
-مش عارف والله، راجل شايب وبيخرف
ضحكت وهو ابتسم
وفجأة رفع راسه باس خدي وخرج من المطبخ
وسابني وانا وشي بيولع من الاحراج
عدي 5 شهور بسرعة، وكل اسبوع بقينا نخرج
حبيته؟
حبيته
فرحانه بوجوده معايا؟
حصل
ببقي مستنياه يرجع بفارغ الصبر من الشغل؟
ايوا
هعترفله بحبي؟
لأ
روحنا في يوم اجتماع عائلي
وكنت واقفة بعمل حاجة وصقر قاعد
فجأة جيه آسر ابن عمي وكلمني وهزر معايا
وفجأة وانا بضحك صقر ناداني بصوت حاد وعالي:
-رحــمــة!!
اتفزعت انا واسر علي صوته
لفيتله وانا مخضوضة فشاورلي براسه اقعد
قعدت جنبه وانا ببلع ريقي بتوتر
هو متكلمش، بس الواضح انه كان متدايق جدا
لما روّحنا كل واحد فينا غيّر بعدين ناداني
قعدت جنبه وهو بدأ يتكلم بحدة:
-بصي
انا عارف انك مش بتحبيني ومغصوبة عليا
بس انا كراجل، مش هقولك بحبك وكده، لأ، انا كراجل عموما مش هقبل ان مراتي تكلم ابن عمها وتضحك معاه بطريقة مش بتضحكها حتي معايا
احترمي اني جوزك واني راجل طبيعتي بغير، حتي لو مش بتحبيني
ولغاية ما اطلقك بعد اسبوع يا رحمة، اقسم بالله لو شوفت لسانك بيخاطب واحد غريب او قريب هطلع عينك
وزاعق في الجملة الاخيرة
متدايقتش من زعيقة
انا اتدايقت عشان استوعبت ان اتبقي اسبوع وهيعدي 6 شهور ونطلق!!
عيني بدأت تلقائي، هو فضل باصصلي شوية وبعدين قام دخل اوضته
وانا دخلت اوضتي
وقعدت اعيط لغاية ما نمت
عدي اسبوع واحنا مش بنتكلم
وجيه اخر يوم في خامس شهر
-رحمة
بصيتله وانا متوترة
-النهاردة اخر يوم
علي الاقل تعالي نخرج..
هزيت راسي وقومت لبست
ونزلنا اتمشينا وجابلي ايس كريم
-مبسوطة؟
هزيت راسي وانا مبتسمة
ابتسم وقال:
-يارب دايما ي حبيبي
-صقر
-نعم
-شكرا
-علي؟
-علي كل حاجة
-انا معملتش حاجة يارحمة
انتِ تستاهلي احسن من كده بكتير
ابتسمت بخجل وحزن في نفس الوقت بعدين روّحنا
وطبعا نمت وانا منهارة عياط
جيه اليوم اللي بعده
كنت قاعده علي الكنبة وعلي اعصابي، لغاية ما سمعت صوته:
-رحمة
بصيتله بخوف
-انا هنزل اجيب المأذون عشان نطلق
راح ناحية الباب، بس انا وقفته:
-صقر!!
التفتلي
دموعي بدأت تنزل وانا بدأت اعيط جامد
-مـ...مش عايـ...عايزة
بصلي بتركيز وقال بعد ما عقد حواجبه:
-مش عايزة ايه يارحمة؟
-مش عايـ...عايزة نطلق
-ليه؟
-عـ...عشان بحـ...بحبك
بحبك يا صقر!
وفضلت اعيط اكتر
وفي ثانية شدني وحضني جامد، بعدين همس جنب ودني بصوت دافي:
-وانا بعشقك يا قلب صقر
بدأت اعيط اكتر فطبطب علي ضهري وقال:
-اهدي ياحبيبتي، اهدي انا معاكِ والله
-مـ...مش هتسبيبني؟
-ولا عمري اقدر
-هتـ...هتحبني؟
-واقع من وانا صغير ياروحي
ــــــــــــــــــــــــــــــــــــــــــــــــ
عدي بعد اليوم ده اسبوع
وفي يوم وانا قاعده جنبه علي السرير وهو محاوطني بايده كان باصصلي ومبتسم، فسألته:
-انت باصصلي كده ليه؟
-مش مصدق انك معايا وفي حضني
-لأ صدق
-عارفة؟
-ايه
-انا هسمي ابني باسل وبنتي ليان
-وهم فين دول؟
-هييجوا دلوقتي
ــــــــــــــــــــــــــــــــــــــــــــــــ
-يوه بقا، يا صقر!!
جيه من الصاله وقال:
-عُمره
-تعالي شوف ابنك انا زهقت
قعد جنبنا وقال:
-عملت ايه ياباسل
-يا بابا انا مث فاهم حاكه وماما بتذاعقلي
(يا بابا انا مش فاهم حاجة وماما بتزاعقلي)
-خلاص هفهمك انا ي حبيبي
وفعلا قعد ذاكرله وانا كنت بتفرج عليهم وفعلا باسل فهم
وبعد ما خلصوا باسل خرج وصقر جيه قعد جنبي
-شوفتي الموضوع سهل ازاي؟
-اهه، انا اللي كبرت الموضوع
شدني لحضنه وقال:
-لا ي حبيبي انتِ مكبرتيش الموضوع
الفكرة انك مقدرتيش توصليله الشرح صح، لكن غيره كتير ممكن يفهم من شرحك
-بجد؟
-ايوا
-عارف ياصقر
-عارف ايه ياقلب صقر
-انا بحبك اوي
-وانا بعشقك ي حبيبي، وعارفة مين بيحبك اكتر؟
-مين؟
-ليان بنتك
-وهي فين؟
-هتيجي دلوقتي
-تمت-
تعليقات
إرسال تعليق
فضلا اترك تعليق من هنا