سكريبت امير وصدفه كامل وحصري لمدونة قصر الروايات
سكريبت امير وصدفه كامل وحصري لمدونة قصر الروايات
= أنا في حياتي واحدة وبحبها
قعدت علي طرف السرير
بعد يوم طويل عريض
طبيعي زي أي عروسة بتتعب في يوم فرحها
فرهدة، وهيصة، ومعرفش إيه
دا كفاية الفستان إللي وزنه عشرة كيلو دا
_ شكل فرهدة الفرح وترتك يا أمير
ضحكت بـخفة وبدأت أقلع الهيلز
قومت من مكاني
روحت علي التسريحة وبدأت أفك في النقاب إللي كان مربوط جامد لدرجة مش عارفه أفكه
قعد مكاني علي طرف السرير وقال
= إنتي مش مصدقاني!
_ يا حبيبي قولتلك إنت أكيد مُرهق، إرتاح بس ونشوف الحوار دا
شَد الكرسي بيا
بقيت في وشه بالظبط، عينيه جوا حُضن عينيا
ولأول مرة أدقق فيهم
وأعرف إنهم حلوين بالشكل دا
طول الخطوبة مكناش بنتكلم كتير
كنت ملتزمة بـالضوابط الشرعية
حتي هو نفسه مشافش وشي غير لحظة واحدة وقت الرؤية الشرعية
وكتب الكتاب كان النهاردة، وقت الفرح
فـيعتبر إتنين غريبين عن بعض تمامًا
= إنتي بتكابري، ولا مبتسمعيش، ولا جرالك إيه!
إلتزمت الصمت بسبب نبرة صوته إللي عليت فجأة
كان مركز في عينيا بطريقة مرعبة
وبدون مقدمات حاوط دماغي بـإيديه
وبدأ يفك النقاب
رجعت إيدي لـورا ومسكتها
_ سيبه
= إنتي مش عارفه تفكيه، خليني أفكه
- قولتلك سيبه يا أمير..
بَعد إيدي بطريقة قاسية
لَفها ورايا وهو لسه ماسكها
وبإيده التانية فَك النقاب
فضلت باصة للأرض من رهبة الموقف
وقبل ما يتكلم كلمة قولتله..
_ أنت مفكر إني مش عارفه إنك بتحب واحدة وأهلك رافضينها، رفض تام؟
جُملتي كانت زي الصاعقة إللي قطعت شروده
وتركيزه علي ملامحي
منكرش إني حلوة زيادة عن اللازم
بس مش للدرجادي يعني
= عرفتي إزاي
قومت وقعدت قصاد التسريحة من تاني عشان أفك الدبابيس إللي في شعري
_ تحريات بسيطة كدا
= طالما عارفه، كملتي معايا ليه؟
_ أمر الله، ونصيبنا كدا
= إنتي بتعاندي القدر؟ ولا بتعاندي نفسك، ولا هتخليني أحبك غصب ولا إيه مش فاهم!
لافيت وشي تجاهه وبدأت أتكلم بـهدوء ممزوج بـحزن حاولت أداريه علي قدر المستطاع
_ لا عشاني عايزة أخلع من مرات أبويا بـ أي شكل، ربنا ما يوريك المُر إللي بيعيشه الإنسان بعد وفاة أمه
سكت شوية وكانت نظارته فيها إحساس بالذنب
وبعدين قال
= وتقبلي تتجوزي واحد بيحب واحدة تانية؟
أخدت نَفَسي وأنا بحاول أكتم صعوبة الجملة جوايا وقولت..
_ أهو إللي حصل، وبعدين يعني كل حاجه نصيب، لو مكتوب نتطلق هنتطلق متقلقش
كانت إيدي بترجف من كتر حَبسي للدموع جوايا عايزة أصرخ بس مش قادرة
أكيد مش هبينله ضعفي لا
وبدون مقدمات جاب كرسي تاني وقعد ورايا
بدأ يفك الدبابيس من شعري
وهو بيتكلم بتأسف..
= إللي عايزك تعرفيه إني مش زي ما شيطانك هيوسوسلك، البنت دي ولا بكلمها ولا أعرف عنها حاجه بقالي كتير من لحظة رفض أهلي لـعلاقتنا، بس لسه بحبـ...
بصيت علي إنعكاسه في المرايا لاقيت ملامحه باين عليها الندم
حاولت أكون هادية وقولت
_ متقلقش، أنا مش هتدايق، إتكلم براحتك، كدا كدا يعني إحنا لينا عند بعض إيه؟ متعرفنيش ولا أعرفك لسه
كمل بتنهيدة..
= يمكن تَعلُق، يمكن باقي علي العشرة، معرفش، أنا مش عارف أشوف سبب حكمة ربنا، ازاي أنا مع ست تانية دلوقتي تحت سقف واحد، وإزاي إتجوزتك من الأساس ومحاولتش أفركش الجوازة، أنا معرفش، بس إللي أعرفه إني كان لازم أعرفك الحقيقة
بَعَدت إيده عن شعري وقولت بعد ما لفيت وشي تجاه
_ صراحتك دلوقتي كبرتك في نظري يا أمير
= سامحيني يا صدفه
_ مش عليك عذر يا إبن الناس، القلب وما يريد
ضحك وقال
= مستغرب هدوئك، ست غيرك كانت بهدلت الدنيا أو سابتلي البيت ومشيت كمان
_ وراجل غيرك كان فضل مخبي عليا وبعدين يخوني أو يرتكب أي ذنب تاني عادي من غير علمي
إترسمت إبتسامة جانبية علي وشه وبعدين قال
= يعني إيه؟
_ يعني هدومك، تليفونك، اللابتوب بتاعك، وإطلع برا أوضتي
رفع حاجبه وقال بعدم فهم
= أفندم؟
مسكت دراعه تحت نظرات عينيه المصدومة
وطلعته برا الأوضة
قفلت الباب، سندت ضهري عليه
وفي الجهة التانية هو واقف قصاده وبيقول
= يعني هي بَقت كدا؟
_ أومال هتكون إيه غير كدا
= علفكرة دا حقي
كان بيتكلم بـضحكة خفيفة وأنا ببادله نفس الضحكة
_ ميغركش هدوئي وطيبتي يا دكتور، دا أنا صدفه
= يعني إيه صدفه يعني
_ حبيبة أمير، ومفيش حد تاني هيكون في قلبه غيري
قولت الجملة في سري وأنا ببتسم
إستغربت ثباتي العجيب الغير متوقع بالمرة
كنت عارفه إن كل دا هيحصل
بس متوقعتش إني أصمد بالطريقة دي
= صباح الخير
_ صباح النور
ومع أخر طبق كنت بحطه علي السفرة كان أمير صحي من النوم
= صاحية بدري يعني
_ متعودة
= ريحة الأكل حلوة علفكرة
كان بيفرك في عينيه من كتر النعاس
وبدون وعي يعتبر، قعد علي السفرة
_ علي فين! قوم علي الحمام يلا
= أنا عايز أنام
كتمت الضحكة جوايا
ودي كانت أول حاجه أكتشفها
أمير نومه تقيل، لدرجة مبيفوقش إلا لما يغسل وشه بـمايه، قبل كدا بيكون مهلوس
_ علي الحمام يا أمير يلا
عليت نبرة صوتي وبرضو مفيش فايدة
سند دماغه علي السفرة ونام
دا نام تاني؟
مسكته من إيده وأنا بمشيه زي الطفل علي الحمام
وقتها بدأ يدرك إنه لازم يفوق
سبته علي باب الحمام ومشيت
أصل مقدرتش أكتم ضحكتي أكتر من كدا بـصراحة
قعدت علي السفرة مستنية البيه يطلع ومطلعش
وبعد حوالي ساعة طلع..
_ ياه، دا إيه السرعة دي يا راجل!
= بجد؟ دا أنا حسيتني إتأخرت كمان
رفعت حاجبي وقولت
_ يا راجل! دا أنت أبهرتني
شاورتله بـعينيا وقولت
_ إتفضل، الأكل برد
= لا ورايا شغل، يادوب ألحق، تسلم إيدك
دخل الأوضة بدون كلمة زيادة
غَيّر بسرعة
وقبل ما ينزل سابلي فلوس علي التسريحة
وجنبها ورقة مكتوب فيه:
‹لو عوزتي حاجه، إطلبيها، متنزليش في الحر دا، ولو كدا، خلي عمي حسين البواب يجيبهالك، هو في مقام أبويا›
طبقت الورقة وإبتسمت
راجل غريب، بقا في حياتي فجأة
وأنا ولا دريانة بـحالي إللي شكله هيتشقلب
_ مين!
ـ أنا يا صدفه
بصيت من العين السحرية، لاقيتها حماتي
إتبسط أوي بـجيتها ليا
وشكلها كدا حماتها بتحبها..
_ أنا لسه مخلصة تجهيز الغدا اللحظة دي، يعني هتتغدي معانا
حَطَت فنجان القهوة علي التربيزة وبدأت تتكلم بـإبتسامة
ـ إعتبرت نفسي مامتك مش حماتك، وقولت أجي أشوفك
بادلتها نفس الإبتسامة وقولت
_ إنتي ماما من يوم ما دخلتي بيتنا وطلبتيني لـ أمير
ملامحها إتبدلت فجأة وكأنها مترددة من حاجه
_ إنتي كويسة!
ـ أنا؟ أيوا أيوا كويسة، قوليلي إنتي، أمير عامل معاكي إيه!
ضحكت فجأة وأنا بقلب في فنجان القهوة وقولتها
_ سؤالك بقا أجاوبه من أي إتجاه
ضَمَت حواجبها وقالت بـتساؤل
ـ مش فاهمه
_ لا يعني من ناحية إنك عارفه إنه بيفكر في بنت تانية، ولا من ناحية إنك كنتي عارفه إنك بتظلميني معاه، وعادي برضو خليتينا نتجوز
سكتنا إحنا الإتنين، كانت هتتكلم بس قاطعتها وقولت
_ تقبلي علي بنتك دا؟
رَدَت بنبرة هادية ممزوجة بـحنية
ـ شهد، حبيبة أمير السابقة شوفتها بـعيني وهي مع واحد في عربيته بيوصلها لـبيتها، ولما ركزت معاها وراقبتها فترة، إكتشفت إنها بترسم علي إبني، عشان تضحك عليه وتاخد منه فلوس بطريقتها، وتتجوز هي والشخص إللي أنا معرفش هو مين أصلا
قولت بـخضة
_ أكيد بتهزري
كملت بنفس النبرة وقولت
_ ومعرفتيش أمير الحقيقة ليه؟ كان حتي يبطل يحبها زي الأول
ـ خوفت عليه من الصدمة وقولت لنفسي لو إتجوز هينساها، وإنتي أعلي منها علمًا وخلقًا وجمالًا، هيلاقي زيك فين!
_ القلب مش عليه سلطان يا ست زينب
قالت بـحزن
ـ أنا معرفش، معرفش يا صدفه إيه المصيبة إللي إرتكبتها في حقك دي، سامحيني يابنتي
= ماما؟
كانت الكلمة طالعة من أمير بعد ما دخل فجأة من غير ما نحس بيه
للحظة قلبي إتقبض، خوفت يكون سمعنا
بس الحمدلله كان باين عليه إنه طبيعي
حَط شنطته علي الكنبة ودخل جوا ياخد شاور بعد ما سلم علي ماما
مش سلام حار فيه حُب كدا زي أي أُم وإبنها
زعلت جوايا بسبب الفجوة إللي بينهم
ياريتني كنت أقدر أفتح عينك علي الحقيقة
بس هي مُرّة لدرجة متتحكيش
أوصت أمامة بنت الحارث الشيباني أبنتها يوم زفافها وقالت:
1. الخشوع لزوجك بالقناعة، وحُسن السمع له والطاعة، واجب عليكي تكوني له واحة وسكن عن حب وإقتناع مش حرب.
والرضَي بما قسمه الله لك، كل حاجة تكون بـحُب مش خوف.
2. اهتمي بنفسك عشا، التفقد لعينيه وأنفه.
خليه يشوف فيكِ دايمًا كل الجمال، ويشم منك الطيب، بعد كل تعب.
3. إكبري دايمًا في عينه وقت الجوع والتعب.
خلي أكله كويس ونومه هادي، الرجالة بتفقد أعصابها لما تكون بطنها فاضية أو عينها تعبانه من السهر.
4. إحفظي ماله كأنه مالك، وولاده كأنك ملكيش غيرهم، بصمتك في البيت هتكون بحُسن التدبير مش بالكلام الكتير.
5. أسراره تحت رعايتك وأمانك، وأوامره، مْجابه في الصواب
6. عيشي معاه بسعادة مش ضده.
لو فرح، إفرحي، لو مهموم، كوني له السند مش عبء.
قفلت الموبايل بعد ما قرأت البوست الجميل دا
ومن اللحظة دي قررت إني أكون زوجة صالحة
أيوا هو راجل عسول ويتحب
بس يعني دا واجب مش أكتر
أنا مالي يعني هو عسول أو غيره
بس برضو عسول
= شهر كامل سوا، فـ حبيت أجيبلك الهدية البسيطة دي
فتحت العلبة بعد إبتسامة واسعة مني
لاقيته إدناء جديد ونقاب
_ الله يا أمير!!
وفي لحظة حماس مني
ضميته وأنا بقول
_ دي أول مرة حد يجيبلي هدية في حياتي، أنا بحبك أوي
"بادلني الحُضن وقال
= وأنا كمان..
للحظة سكت، وأعصابي بدأت تتراخيَ
قلبي بدأ يدق بسرعة لما إستوعبت الموقف
حاولت أبعد لكنه متبتة فيا
وقتها قررت إني أفضل جوا حضنه
أصل ههرب ليه، دا جوزي
= صدفه
_ نعم
بعد عني وقال وهو بيلمس شعري
= أنا محضرلك مفاجأة علفكرة
_ مفاجأة!
= مش إنتي معتبراني صاحبك ومعرفش إيه، فـ إيه رأيك نخرج؟ وأهي صداقة حلال وكدا
ضحكنا وبعدين قولت
_ خمس دقايق وأكون جاهزة
= نتمشيَ!
إستغربت من جوايا
أصل إللي أعرفه إن أمير بيحس التمشية دي ملل
بس وقتها إستنتجت إنه أكيد عايز يتكلم في حاجه
_ أيس كريم وأكلنا، صور وإتصورنا، تمشية وإتمشينا، علي الرصيف وقعدنا، إيه تاني يتعمل
= تتجوزيني؟
علبة الفشار وقعت من إيدي
وهو بيضحك عليا بصوت ملفت
= إيه يا حببتي مالك!
_ أنت مجنون صح! أومال أنا واحدة ماشية معاك ولا إيه؟ أوعي يا أمير تكون متجوزني عُرفـ ـي وأنا معرفش
مسك إيدي، ضغط عليها وقال
= إيه الرغي دا كله، مبتفصليش
كان ريأكشني مش ألطف حاجه بس الحمدلله النقاب نعمة
= عارف إنك أكيد بتتريقي عليا دلوقتي
كتمت ضحكتي وقولت
_ بقيت حافظني! مكانش شهر صداقة يعني
= الصداقة دي مش هتطور!
_ نكون بيست فريند يعني
= أنا لسه هستني كل دا؟
_ أنت عايز إيه
إتنهد وقال
= أنا سمعت كلامك إنتي وماما علفكرة
_ كلام إيه
بَص للفراغ وبعدين بَصّلي
وعيونه بتقول إفتكري
سكت شوية وبعدين إفتكرت
بلعت ريقي، مكنتش عارفه أرد أقول إيه
_ مكنتش قاصدة أخبي عليك حاجه
= مقدر موقفك
_ حقك عليا
= إتشطبت من دماغي من لحظتها، وراحت لـحالها خلاص
_ طيب كويس
= وبعدين!
_ يلا نروح البيت الوقت إتأخر
= مردتيش عليا برضو؟
_ علي حسب القلب يا أمير
= وأنا قلبي مش رايد غيرك يا صدفه
#تمت
تعليقات
إرسال تعليق
فضلا اترك تعليق من هنا