سكريبت انتِ طاالق!! كامله حصريا لمدونة قصر الروايات

سكريبت انتِ طاالق!!  كامله حصريا لمدونة قصر الروايات 

سكريبت انتِ طاالق!!  كامله حصريا لمدونة قصر الروايات 

 انتِ طاالق!! 

قالها سليم بعصبيه وهو مدينى ضهره

-ان..انتَ بت..بتقوول اييه؟ 

-بقولك انتِ طالق ايه ماسمعتيش؟ 

لمى هدومك واطلعى برا!!..

ف البدايه اعرفكم بنفسي

انا عهد، عندى 22 سنه، 

متجوزه من 6 شهور، ماما اتوفت من وانا صغيره أثر حادثه... 

ومن ساعتها بابا بيعاملنى اسوء معامله وما اكتفاش، انه يعاملنى كخدامه!.. 

اجبرنى انى اتجوز (سليم ابن صاحبه) رغم رفضى التام ليه.. 

ولما اتكلم، كان رده دايما ان البنت رأيها مش مهم.. 

وان البنت مالهاش غير بيت جوزها.. 

وافقت غصب عنى. 

ودلوقتى انا اطلقت بعد 6 شهور جواز

-دخلت الم هدومى ودموعى على خدى واخدت شنطتى،

 و روَحت روحت لبيتى اللى اتعذبت فيه طول عمرى.. 

*انتِ جيتى ي مقصوفة الرقبه. 

-سمعته وهو بيقولها دموعى نزلت اكتر، سيبته و دخلت قوضتى وقفلت الباب وفضلت اعيط.. 

لحد ماغلبنى النوم!.. 

تانى يوم صحيت ع صوت زعيق طلعت لاقيت بابا عمال يزعق وهو بيتكلم ف الفون، 

وفجأه جه وشدنى من شعرى.. 

-انتِ اطلقتى ي بنت ال*** انتى هترجعيله تانى ورجلك فوق رقبتك.. انا مش حِمل اصرف عليكى... 

ـ ي بابا  حراام عليك بقى اناا تعببتتت انا اتجبرت ع الجواز وما اتكلمتش، وبرضو اتجبرت ع الطلاق وماتكلمتش،

 بس انك تهين كرامتى تاانى لا وانا مش هرجعله

-انتى بتعصى كلامى ي بنت ال***.. 

-وقبل ما استوعب لقيت كفه نزل علي وشي!.. 

سيبته ودخلت قوضتى وقفلت ع نفسي، 

وفضلت اعيط، لحد ماقررت انى لازم امشي من هنا، واستنيته لحد ما نام،

فتحت الدرج وبصيت لآخر حاجة ماما اديتهالي قبل ما تسيبني في الجحيم ده، السلسلة الدهب.. 

خدتها ونزلت بسرعة بعتها في اقرب محل دهب، والحمدلله اتباعت بمبلغ حلو جدا يخليني اعرف احقق حلمي...واسافر!

 ولميت هدومى ومشيت..

ماكنتش عارفه هروح فين بس كان لازم امشي،

ولحسن الحظ انى معايا فلوس،

 روحت لأول رحله مسافره برا وحجزت تذكره. 

وبعد سااعااتتت اخيرااا وصلتتت... فرنساا!!.. 

قعدت ف شقه ايجار لحد ما ادور ع شغل، 

ماكنتش عارفه اتعامل بس اتأقلمت مع الوضع

عدى اليوم.. 

وتانى يوم نزلت ادور ع شغل

 ولاقيت اعلان لشركه كبيره محتاجه بنات للشغل، 

دخلت عشان اقدم فيها لاقيت السكرتاريه قاعده وفيه بنااات كتيير قاعدين، 

دعيت ربنا انى اتقبل لأنى محتاجه الشغل جداا

-لو سمحتى!! 

-نعم

-انا عايزه اقدم ع الشغل. 

-تمام اقعدى استنى دورك

-تمام..

قعدت استنيت دورى وحمدت ربنا انها شركه مصريه،

 وجات اللحظه المنتظره ولاقيت السكرتاريه بتنده اسمى.. 

-انسه عهدد.. دورك جه

-تمام جايه.. 

دخلت لاقيت شاب قاعد ع كرسي ومدينى ضهره.. 

-احمم السلام عليكم.. 

لاقيته لف وباصلى كان شاب ف اواخر العشرينات شعره بنى ملامحه حاده بس حلوه وعينه عسلى فاتح ولاقيته رد عليا.. 

-وعليكم السلام، انتِ مصريه؟!.. 

-اه مصريه.. 

-وجيتى فرنسا امتى؟؟ 

-جيت امبارح وقولت ادور ع شغل عشان لسه عايزه ابدأ حياتى وكده.. 

-اممم اسمك عهد؟! 

-اه وحضرتَك اسمك ايه؟.. 

-انا ي ستى اسمى مُراد المنشاوى،

(اولا اعرفكم بمُراد المِنشاوى، مُراد شاب عنده 29سنه، عايش ف فرنسا بعد ما باباه اتوفى، وفتح شركه لنفسه وقدر يثبت نفسه ف اقل من سنه) 

-فين السي ڤي بتاعك؟.. 

-اتفضَل.. 

-اممم انتِ خريجه كليه تجاره، اممم ممتاااز... وكمان بتتكلمى 4 لغات ايه الشطاره دى ده انتى شاطره بقى.. 

-ده من زوق حضرتَك.. 

-السي ڤى بتاعك حلو اووى، تمام سيبى رقمك واحنا هنبلغك... 

-احمم تمام، بعد اذن حضرتَك.. 

طلعت اديتهم رقمى.. 

-ومشيت وانا بدعى ربنا انى اتقبل، بجد انا محتاجه الشغل ده اووى ياارب ياارب.. 

روَحت بيتى ودخلت نمت اليوم كان متعب اووى ف ماحستش بنفسي ونمت... 

تانى يوم.. 

قومت صليت، وجهزت الفطار، وقعدت فطرت ولاقيت فونى بيرن برقم غريب!!... 

-الوو..

-الوو حضرتِك انسه عهد؟!... 

-اه انا مين حضرتِك؟.. 

-انا بكلمك بخصوص الشركه اللى قدمتى فيها امبارح مستر مراد وافق عليكى وانتِ اتقبلتى، ومعاد الشغل يكون بمعاد وان اتأخرتى مستر مراد هيخصملك،.. 

 تعالى بكرا الساعه 7... 

-تمام بجد شكراا اووى بجد مش عارفه اقولِك ايه، متخافيش مش هتأخر هكون هناك قبل الكل...

قفلت وكنت هطير من الفرحه بجد الحمدلله انا كنت محتاجه الشغل اووى.. 

عدى اليوم ودخلت نمت. 

تانى يوم صحيت الساعه 6:30، قومت صليت، وجهزت نفسي، ونزلت وعارفه انى هتأخر 

-يارب استر بقى واوصل قبله.. 

ركبت ووصلت الشركه ولسه هدخل مكتبى لاقيته ف وشي.. 

-اتأخرتى ليه؟!... 

-انا اسفه والله مش هتتكرر تانى

-تمام ولو اتكررت تانى هيتخصم من مرتبك، سامحتك بس عشان ده اول يوم ليكى، ادخلى مكتبك وسلوى هتيجى تفهمك الشغل.. 

-حاضر، بعد اذنَك.. 

-دخلت مكتبى وكنت بحمد ربناا.. 

بعد شويه سلوى جات وفهمتنى الشغل، وقعدت اشتغل

جه معاد البريك، ونزلت قعدت ف الكافتريا وطلبت قهوة، وقعدت  لحد ما معاد البريك يخلص

فجأه لاقيت مستر مُراد جاى وقعد قدامى ع نفس الطرابيزه!.. 

-عامله ايه ف الشغل يارب يكون عجبك

-اه الحمدلله، وبعدين لو ماعجبنيش مش هقول ماعجبنيش يعنى انا كنت بدور ع شغل وحمدت ربنا انى لاقيت

-للدرجه دى كنتِ محتاجه للشغل؟.. 

-اه اووى الحمدلله. 

-انتِ منين ي عهد؟.. 

-حضرتَك بتسأل ليه؟.. 

-لا بقى نشيل الالقاب انا اقولك ي عهد وانتِ تقوليلى ي مُراد مالهاش لازمه حضرتَك دى!... 

-لا طبعا ماينفعش.. 

-ايه اللى هيخليه ماينفعش، انا اللى بقولِك.. 

-تمام ي... 

-هااا قوليهاا

-تمام ي مُراد

-انتِ منين بقى؟ 

-من القاهره

-وجيتى فرنسا ليه؟.. 

-عادى قولت اعتمد ع نفسي واشتغل واكون نفسي، ف جيت هنا فرنسا ولاقيت شركتك الوحيده هى اللى مصريه ف عجبتنى

-اه حبيت اعملها مصريه عشان اللى جايين من مصر واللى مش بيعرفوا يتكلموا فرنسي وكده.. 

-ااه بجد فكره حلوه.. 

-امم انتِ اللى عنيكى حلوه

-ايي.. ايه انتَ قولت ايه؟.. 

-هاا.. ولا حاجه ماتخديش ف بالك.. 

_______________________________

يَتبع..

-هااا.. ولا حاجه ماتخديش ف بالك

-احمم طيب هطلع بقى عشان البريك خلص، 

بعد اذنَك. 

-اتفضلِى.. 

ايه ي مُراد مش عارف تتقل شويه

-ماهى البت اللى عنيها تسحر، يخربيت جمال عنيها

اتقل ي بنى

ونروح لعهد... 

سيبته ومشيت، مش عارفه ليه حسيت بإلاحساس ده قلبى فضل يدق جامد، مش عارفه ده ايه!؟.. 

طلعت ودخلت مكتبى، وقعدت خلصت الشغل اللى وراياا، مكانش كتير.. 

وقومت عشان اروَح لميت حاجتى وخرجت من الشركه، 

فضلت واقفه مستنيه التاكسي، لاقيت مُراد جاى ناحيتى

يالهوى جاى ليه ده!.... 

-واقفه هنا بتعملى ايه؟!... 

-هاا.. مستنيه تاكسي عشان اروَح

-طيب الوقت اتأخر ومش هتلاقى مواصله دلوقتى، تعالى اروحِك

-لا شكراً، انا هستنى التاكسي عادى

-ي بنتى تعالى اروحِك الوقت اتأخر

-احم.. تمام 

ركبت معاه وكنت ساكته طول الطريق، الطريق مكانش طويل كان حوالى نص ساعه، لحد ماهو قطع الصمت ده واتكلم.. 

-انتِ عايشه هنا لوحدِك؟!.. 

-اه ماما متوفيه وبابا قاعد ف مصر. 

-امم.. ربنا يرحمهاا، انا اسف لو بتدخل ف خصوصياتك. 

-لالا عادى ولا يهمَك، خلااص وصلنا. 

-ده بيتِك؟. 

-اه، بعد اذنَك

-اتفضَلى.. 

سيبته ونزلت ، دخلت شقتى، وبصيت من البلكونه لاقيته مستنى واول ما شافنى ضِحك ومشي.. 

دخلت بعد ما مشي غيرت هدومي وصليت ونمت من التعب ماحستش بنفسي.. 

تانى يوم.. 

صحيت متأخر كالعاده صليت،و مالحقتش اكل ف نزلت وكنت بجرى عشان اوصل بدرى، والحمدلله وصلت قبله.. 

دخلت مكتبى وقعدت وهو دخل.. 

-جيتى بدرى النهارده 

-اه

-طب كويس، يارب نلتزم بالمواعيد بقى ونصحى بدرى

-اوكى

طلع وانا حمدت ربنا انه ملاحظش وقعدت اشتغل لحد ماوقت البريك جه، نزلت قعدت ف الكافتيريا وطلبت قهوة زى عادتى، وقعدت اشربها وانا بقرأ رواياتى المفضله.. 

وقطع الصمت ده مُراد.. 

-بتعملى ايه؟... 

-ولا حاجه قاعده 

-مُمكن اقعد معاكى؟ 

-اتفضَل

قعد معايا وفضلنا نتكلم لحد ماوقت البريك خلص، استأذنته وطلعت اكمل شغلى لحد ماخلصت وكنت بلم حاجتى ومروَّحه.. 

-مُمكن اوصلِك؟ 

-لالا ماتتعبش نفسَك انا هوقف تاكسي

-مش هتلاقى تعالى اوصلِك ف طريقى

-احم تمام

ركبت معاه وطول الطريق ساكتين، لحد ماوصلت، 

نزلت روحت شقتى وبصيت من البلكونه لاقيته واقف واول ما شافنى مشى.. 

وعدت الايام وقدرت اثبت نفسي ف الشغل وانا ومُراد ع طول مع بعض ماكدبش انى ارتاحتله، وحبيته.. 

 وهو ع طول كان مهتم ومكانش بيسيبنى لحظه.. 

وف يوم كان فى حفله ف الشركه كنت لازم اروح.. 

لبست فستان بينك هو اللى كان جايبه وطرحه نفس اللون وهيلز اسود ورشيت من البيرفيوم بتاعى.. 

ونزلت لاقيته مستنينى بالعربيه واول ما شافنى تنح.. 

-يلا.. 

-..... 

-اييهه روحت فيين؟.. 

-هاا.. احم.. موجود اهو، يلا

ركبنا ومشينا كنت قاعده ساكته مكانش فيه حاجه اقولها وهو قطع صمتى.. 

-طالعه جميله بالفستان اووى

-اتكسفت ورديت، تسلم

-ي بنتى بقولِك طالعه جميله تقوليلى تسلمم صبرنى ياارب

-ضحِكت وقولتله منا مش عارفه اقول ايه

-قولى انتَ كمان طالع جميل ف البدله، شكلك حلو اى حاجه بدل ما انتى ساكته كده.. 

-طيب ي عم انتَ كمان طالع جميل

-عم امم مااشي همشيها، يلا يختى وصلنا 

-ضحِكت عليه وجيت انزل لاقيته فتحلى الباب 

بصراحه حركه خطفت قلبى تستاهل 10/10 والله وبوسه.. 

مسكت نفسي ونزلت وهو مسك ايدى ودخلنا الحفله 

كان فيها ناس كتير اووى وانا مش بحب الاماكن دى بتوتر منها مسكت ايده جامد

وهو بصلى وفهمنى وطبطب ع ايدى وطمنى 

ماكدبش انى حسيت بأمان اول مره احس بيه 

دخلنا وقعدنا وهو طلع وقال كلمته 

وفجأه لاقيته بينادى عليا... 

-احم اناا؟.. 

-اه انتِ، تعالى.. 

-روحتله وانا قلبى عمال يدق 

طلعت وقفت جمبه وفجأه لاقيته نزل ع ركبته ومطلع علبه قطيفه فيها خاتم تحففه اووى 

-تقبلى تتجوزينى؟.. 

-ايي... انتَ بتقول اييه؟.. 

-تقبلى تتجوزينى ي عهد؟ 

-ب.. بس ماينفعش

-ليه ماينفعش؟ 

-عشان انا مطلقه ي مُراد.. 

صوت همس مالى المكان الكل بقى عمال يتكلم 

وقف هو وزعق

-الكللل يخرررصص. 

ليه ماقولتليش ي عهد 

-صدقنى مجاتش فرصه عشان اقولَك.. 

-مايهمنيش اللي الفات ي عهد المهم دلوقتي انا جاى وبتقدملك موافقه تتجوزينى؟.. 

-انتَ بتتكلم بجد ولا بتهزر؟!... 

-هو ده وقت ينفع فيه هزار، اكيد بتكلم بجد ي عهد هااا.. مواافقه؟ 

-احمم موافقه.. 

قام لبسنى الدبله ولاقيته جايب المأذون 

قعدنا وكتبنا الكتاب

وسمعت المأذون بيقول جملته الشهيره

(بارك الله لكما، وبارك عليكما، وجمع بينكما فى خير) 

اول ما المأذون خلص دموعى نزلت ومراد قام حضنى وفضل يلف بياا

ولاقيته همس ف ودنى.. 

-بحبِك ي عهدى.. 

-وانا كمان.. 

-وانتِ كمان ايه؟.. 

-بحبَك ي مُرادى.. 

_______________________

تَمت

البارت التانى والاخير....