سكريبت صداقة وحب كامل وحصري لمدونة قصر الروايات
سكريبت صداقة وحب كامل وحصري لمدونة قصر الروايات
- هو انتي ايه الى جايبك عندنا ومين دخلك اوضتي اصلا؟
=امك هيكون مين
- وجيتي ليه؟؟
= جاية اخد الروچ بتاعك اصلي مش لاقيه الدرجه دي
- بجد والله؟ بجد؟
= خلاص.. الحقيقة جاية اخد ورك الفرخه اصل امي عامله سبانخ وانتي عارفه اني مش بحبها
- وايه كمان ؟؟
= فيه فيلم لسه نازل تيجي نشـ..
- تسنيم !!! انا مش بهزر انا قولتلك خلاص !! انا ياستي مش عايزة اتكلم ولا عاوزاكي معايا هو كلامي مش مفهوم بالنسبالك؟؟
= مش بمزاجك على فكره !!
- نعم؟
= يوه بقا!! اتأسفت لك ميت مره يا شهد! قولتلك خلاص الموضوع انتهي ملوش لزوم كل ده
- مش هتفرق في حاجه اسفك اصلا مش فارق !!! الحاجات الى كسرتيها جوايا مش هينفع ترجع زي ما كانت !! انتي مكسرتيش مج ولا طبق ولا ازازة من البرفانات بتاعتي فا تقوليلي اسفه والموضوع يخلص!! دي مشاعري !!
= انا مكنش قصدي كل ده يحصل.!
- وحصل!! ؟؟ خلاص حصل !! ومش هينفع نرجع زي الأول!! هو انتي حتي فاهمه انك خذلتيني؟؟ وخلتيني احس بإيه؟
بصتلها بدموع: مكنتش اعرف وبعدين انتي قولتي اننا هنفضل علطول نتعاتب قولتي انك عمرك ما هتمشي من غير عتاب
ردت بسخريه: ومسألتيش نفسك انا مشيت من غير عتاب ليه المرة دي؟؟
- لا...! متقوليش ليا انا كده
= عشان مش عايزه اعرفك تاني يا تسنيم!! العتاب بيكون بين اتنين عاوزين يكملوا! فا بيصفوا الى بينهم.. بيتعاتبوا عشان يقدروا يكملوا لكن انا مش عاوزة حد مؤذي زيك في حياتي مرة تانيه فاهمه؟
قربت برفض لكلامها: انا مش هخسرك عشانه !!! انتي الى لازم تفهمي انا معنديش حد اهم منك!!!
= يبقي كان ممكن تصارحيني من البداية !!! مش تحطيني في موقف انوه يطلب يقابلني و اللبس و انزل و انا مبسوطه !! وفاكره انوه اخيرا خد باله مني ونسي اني صديته قبل كده!! وفجأة يبدء كلام عنك انتي !! وانوه عاوزك انتي !! انا وقتها قولت مش مشكلة حاولت اهدي و اسيطر علي اعصابي قولت لنفسي ده نصيب!!.. و بعدين اتفاجئ انكم اصلا بتتكلموا !!!
زعقت وانا بمسك ايدها: بطلي سكوت و ردي عليا !! طالما جيتي وعايزه نتعاتب !!! اتكلمي!!! اتكلمي بقولك !
دموعها نزلت زي المطر وهي بتبصلي: غصب عني والله العظيم غصب عني
بعدم فهم: هو ايه الى غصب عنك مش فاهمه؟؟
بعياط: كنت بحبه!!
سيبت ايدها بهدوء: تسنيم.. امشي
" بصتلي وعيونها بتترجاني اسامحها.. نظراتها مكانتش بتكدب بس انا مقدرتش.."
" بصيت بعيني بعيد عنها و سمعتها وهي ماشية و الباب اتقفل وبعدها علطول لقيت ماما دخلت فا مسحت دموعي "
- انتي بت قليلة الأدب وبنت جزمة
فتحت عيني بدهشه وبصتلها: ايه !! ينهار ابيض عليا وعلى سنيني البيضه!!
- جيالك لحد عندك !!! و يكون ده ردك؟؟
= ماما حضرتك متعرفيش القصة اصلا!! هو انتي بتقفي ضدي وخلاص اي حاجه ضد شهد يلا بينا !!
- انا سمعت كلامكوا كله !! وانتي الى مكبره الموضوع مش هكلمك في انك خبيتي عليكي موضوعك مع أدهم دلوقتي بس انفجرتي في البنت كده ليه بدون تفكير ؟
ضحكت بسخرية: اه.. يعني عرفتي انها بتحبه؟ ملقتش في الكوكب كله غير أدهم ابن خالتي انا وتحبه..! وتخبي عليا طول الوقت ده وانا بحكي لها كل ما بنتجمع قد ايه بتعلق بيه و بحب تجمعات العيلة عشان بيكون موجود! بحكي لها كل حاجه !! وهي بتسمع وتشجعني ! وفالاخر اكتشفت انوه بيحبها هي !! وكانوا بيتكلموا
" قعدت جمبي و ربعت ايدها عرفت ان فيه كلام كتير هيتبخ فيا دلوقتي "
- و هي اختارت مين دلوقتي ؟؟
= ماما ارجوكي كفاية دفاع عنها
- دفاع عنها؟ انا مش محتاجه أدافع انا عرفت انها بتحبك و بتحب لك الخير! و بيضه من جوه مش زي صحابك الى كنتي بتجبيهملي قبل كده استغفرالله العظيم
- القلب يحببتي مفيش عليه سلطان محدش بيقدر يتحكم في مشاعره ولو اني شاكه فيه هو
= انا كنت هتحكم فيها عشان خاطرها لما عرفت انوه بيحبها.. بس اكتشفت بعد كده اني كنت غبيه
-انتي الى غبيه مش هو ابن اختي.. بس هو الى مايع يحببتي و الرجالة كلها كده بيتمايع معاكي ومعاها وانتي بنت جزمة قولتلك ميت مره ملكيش دعوة بيه عشان لعبي مسمعتيش كلامي هو تلاقيه عايز يرد كرامته عشان صدتيه قبل كده
بصتلها بتفكير: يعني ايه..
- يعني متخسريش صحبتك يا شهد.. هي جتلك لحد عندك وبتحاول معاكي مش مفرطه فيكي.. الشخص الى يفرط فيكي تفرطي فيه.. لكن الى يتمسك بيكي يستاهل تسامحي
= بس هي آذتني
- عاتبيها.. وسامحي ربنا بيسامح يحببتي
= هو اي حد يغلط نسامحه؟
- وهي تسنيم صحبتك اي حد؟
" فضلنا ساكتين شوية وبعدين قامت وسابتني.. وانا فضلت افكر..."
" هو انا فعلا مش عايزه تسنيم في حياتي؟ "
" انا ممكن اكمل من غيرها؟ طب هي تستاهل مني كده! مش يمكن فعلا أدهم بيلعب بينا! "
>>>>>>>>>>>>>>>>>>>>>>>>>>>>>>>>>>>>>
اللهم صلِ وسلم وبارك على سيدنا محمد
" دخلت المطبخ بعد نص ساعه تفكير "
- انا عاوزة ورك الفرخه.. عاوزة اتنين
= مفيش غير واحد وصدر
- ماشي مش مشكلة هاتيهم
= انتي رايحه فين؟
- هاروح لتسنيم
" خت الاكل في لانش بوكس و خرجت اخدت الشنطه الى فيها اللاب توب بتاعي بقلمي سلسبيل احمد وخد الروچ الى عجبها من على التسريحه وانا بضحك "
>>>>>>>>>>>>>>>>>>>>>>>>>>>>>>>>>>>>>
سبحان الله وبحمده سبحان الله العظيم
|| امام عمارة في الزمالك ||
" اخدت نفس عميق و بعدين طلعت على السلم لحد ما وصلت عند باب بيتها اتوترت اني اخبط لحد ما فجاة الباب اتفتح ولقيت احمد اخوها في وشي وانا شايلة حاجات كتير "
- شهد؟
" شنطه اللاب كانت هتقع لكنه لحقها وانا شاورت على بوقي بسرعه وانا بعمل علامه عشان ميتكلمش"
- وطي صوتك تسنيم جوه صح ؟
= ايوه بس مش راضيه تفتح لحد
- مانا جبت معايا مفتاح اوضتها متقلقش
رفع حاجبه: هي مدياكي نسخه؟
= اه.. هو انا اي حد؟
- دي مرضتش تفتحلي
= احمد انت هتقعد ترغي كتير؟ وسع دخلني طنط جوة صح؟
- اه و بابا كمان
= طب غطي عليا يخويا بقا
- غطي عليا يا اخويا؟ انتي كلامك سوقي كده ليه؟
بعدين انا معنديش اخوات
= امال تسنيم دي ايه؟
- لاقينها على باب جامع ملكيش دعوة انتِ
= طب يلا عشان عايزه اصالحها
- انتي الى مزعلاها؟ وانا الى فاكرها مقموصه عشان عاملين سبانخ
" دخلنا و دخلت على الصالة بالحاجه وهو راح يعرف طنط وعمو بوجودي.."
" فتحت الاوضة ودخلت لقتها متكومه على السرير مكنتش هسامح نفسي لو مجتش"
- انتي يا زفتة الطين
" قامت تبص لما سمعت صوتي"
- شهد!
قربت ناحيتها: انا جبت اللاب توب وجبت ورك الفرخه كمان اهو مع اني مش باكل الصدر بس تنازلت لك عن الورك و كمان جبت الروچ انا اصلا كنت هديهولك عشان عجبك بس
" قاطعتني وهي بتحضني بقوة وانا ابتسمت وحضنتها انا كمان "
- انا اسفة يا تنوسة
بصتلي وهي بتمسح دموعها وبتضحك: انا بكره الاسم ده
= مانا بكره شهوده وبتقوليه
- انتي مش زعلانه يعني خلاص!!
= مش مهم الزعل.. احنا كدا كدا هنفضل مع بعض ولا نسيتي؟ احنا وعدنا بعض نفضل صحاب
- و انا مش فارق معايا غيرك وبعتله من قبل ما اجيلك اني مش عاوزاه وبحب حد تاني عشان يحل عن نفوخي.. انا اصلا حسيت بعدم راحة من ناحيتة
= امي برضو قالت لي انوه لعبي وبيلعب بينا عشان يرد كرامته لما رفضته زمان.. انا كمان كرهته لما فوقت لنفسي
- انا كنت عايزه اقولك شعوري ده بس خوفت.. كنت عايزه اقولك اني حساه بينتقم منك بيا بس خوفت اكون غلط او متصدقنيش
= انا آسفه يا تسنومه
- امك دايما معاها حق
= كنا هنخسر بعض عشان واحد مناخيره كبيره
فضلت تضحك وبصتلي: بس انا عايزه اشرح لك
انا مكنتش برد عليه دايما احنا بدأنا نتكلم من اول مره شافنا فيها سوا وكنتي عامله جروب عشان تخرجيني مع عيلتك وكده.. وقتها خد رقمي وكنا بنتكلم عادي كنت عارفه انوه غلط بس معرفش ليه سكت لما قولتي بعدها انك بتحبيه وحاسه انك اتسرعتي في رفضه زمان قولت لازم اوقف كلام معاه بس معرفش ليه فضلنا نتكلم!! انا كنت خايفه اقولك حاولت ابعد عشان خايفه أخسرك.. وفي نفس الوقت انتي بتقولي انوه مش محدد علاقة معاكي ولا اعترف بحاجة كنت بسألة هو
انت في حياتك حد و كان بيقولي لا وبيفضل يلمح لي انا
بس يا شهد انا والله العظيم مكنتش بعمل حاجه بكامل وعي معرفش ازاي كانت طريقته مسيطره عليا بس انا لما فوقت من كل ده و عرفت انوه راح قالك على علاقتنا من وقتها وانا رافضاه اصلا وحساه قاصد يوقع بينا و مخي بقا فضل يقولي هو مين ده بجد الى هيفرق بينا او اخسرك عشانه او حتي تزعلي مني عشانه انا عمري ما هحب كده حتي لو بحبه وانا اصلا برضو كرهته !
- وانا فهمت متأخر انوه كان قاصد يعمل فيا الحركه دي و يعرفني بعلاقتكم هو يقدر عادي يكلمك انتي علطول و يروح يتقدم ليه جاي يعرفني؟ بالطريقه دي! ويقولي اللبسي ونتقابل عندي كلام مهم! اكيد قاصد
بصتلي بتركيز: معاكي حق! هو كان قاصد يضايقك!
ابتسمت بسخريه: شكله مريض.. معرفش ليه حب يعمل فيا كده يوهمني بحبه ليا ويهتم وبعد كده يفاجئني انوه عاوزك انتي وانا لما رفضته زمان رفضته بأحترام و مخدعتوش بني ادم مريض بجد
- امك هتربية صح؟
ضحكت: تقريبا اه وانا ماشية كانت بتكلم خالتو
- خلاص.. يبقي نسيبه لطنط..
= نشغل الفيلم احنا بقا؟ افتحي اللاب وهاتيه
- انا كنت بضحك عليكي مفيش فيلم جديد نزل انا كنت هفرجك على تنه ورنه
= ياشخه حسبي الله ده انا جايبة لب و سوداني
- خلاص هشوفلك كرتون تاني ايه رايك في الفار الطباخ
= اسكتي يا تسنيم..
" و كنا قاعدين نتفرج على تنه و رنه للمره الكام معرفش و هي تكرمت عليا و ادتني دبوس الفرخه و كملت باقي الورك وبعدين قاطعتني وانا باكل في سلام "
- تعرفي يا شهد
= لا يختي معرفش
- الواد احمد اخويا شكله بيحبك
" شرقت وانا باكل وبصتلها"
- ايه؟ مين؟ فين ؟؟
= وانا بتكلم مع ماما وبحكي لها عن الاوفه ادهم وسيرتك جت ساب موبايله وجه يسألني هو ادهم ده شهد بتحبه ولا ايه ومكنش مبسوط
ضحكت وكملت: انا عارفه انوه خبيث و كتوم بس مش لدرجه انوه يخبي اعجابة او حبه كل ده الخبيث..
بصتلها وهي عماله تكلم عادي: هو انتي بجد؟
" شديت منها طبق الفشار وقفلت اللاب و بصتلها وانا بربع ايدي "
لفت راسها ناحيتي وهي بتبلع: فيه ايه؟
- احمد معجب بيا؟
= اه.. معجب بيكي او بيحبك او واقع في دباديبك ايه ؟
- ازاي معرفتنيش
= لأني معرفش !
- انتي ايه السلام النفسي الى بتتكلمي بيه والتناحه دي
= اصلي عارفه انوه هيوقعك.. وضمنت اننا هنفضل صحاب طول العمر فا مبسوطه وبفكر في لون الستاير واسامي العيال.. هبقي عمتو..
ضيقت عيني وبصتلها بتركيز: وهو هيوقعني ازاي
- احمد تنح.. اتنح مني.. هيفضل وراكي لحد ما تحبيه مش هيستسلم أصله شكله واقع من بدري بس معرفش هو مستني ايه الحقيقه أعتقد مستني يخلص الشقة.. اصلي نسيت اقولك بابا كان بيدور له على شقه عشان لما يجي يتجوز و هو لقي شقة و اشتراها و بيخلص بقا الكهربا و الحاجات الأساسية دي.. اكيد بقا مستني يخلص مثلا وبعدين يكلمك او ياخد معاد اصلي برضو طلب مني رقم باباكي من فترة ونسيت اقولك
" كنت بحاول استوعب حرفيا فضلت بصالها دقيقة بصمت "
" وبعدها مسكتها وفضلت اعجن فيها وهي تصوت "
- اعهعع خلاص وربنا والله مكنتش متأكده و احمد كتوم مرضتش اقولك واجتهد لحسن اكون بأڤور
= ده ناقص يعمل اسمي وشم على دراعه وتقوليلي مكنتيش متأكده !!! والله ما هسيبك !!
" قامت تجري وانا قومت وراها"
>>>>>>>>>>>>>>>>>>>>>>>>>>>>>>>>>>>>
|| بعد مرور سنه ||
- انتي بتعملي ايه في بيتنا يابت؟
= ده بيت شهد اصلا
" بصتلهم وانا بضحك حضنته عشان لسه جاي من بره"
- خلينا خلوين وملكش دعوة بتسنيم
" حضنا احنا الاتنين سوا وقعد معانا في البلاكونه "
- تسنيم جايلها عريس.. ياسين صحبي.. وبصراحه بقا
تسنيم ردت بسرعه: ده عيل غتت
- بس انا ضامنه
= وانا ولا ضمناك ولا ضمناه
بصتلها وهي بتكتم ضحكها: ما تديه فرصه
= خلاص عشان خاطر شهد
"حضنا بعض وهو بصلنا بحب"
- مش مصدق انكم كنتوا هتخسروا بعض على عيل عبيـ.ـط زي أدهم
تسنيم بحب: عمري ما هخسر شهد ابدا..
- ولا انا.. وبعدين خلاص مفيش مفر هي جوزتني ليك بالعافيه
احمد: لا يحببتي وقعتك بمجهودي
تسنيم بصتله بغمزه: هي برضو الى وقعت
احمد: بس يابت اسكتي
" ضحكنا وبعدين لاقيته حضنا تاني"
- عموما هي انتوا كسبتوا بعض.. وانا كسبتكم انتوا الاتنين..♡
تمت
تعليقات
إرسال تعليق
فضلا اترك تعليق من هنا