سكريبت يعني هو ده اخرك يعني نطلق كامل وحصري لمدونة قصر الروايات
سكريبت يعني هو ده اخرك يعني نطلق كامل وحصري لمدونة قصر الروايات
- يعني هو ده اخرك يعني نطلق؟
= اه يا كريم وملكش دعوة انا كنت بكلم بابا
- تمام اتفضل يا عمي اسألها عن سبب انها تطلب الطلاق كده
- عايزه تطلقي ليه يا مريم؟؟
= بينام جمب الحيطه
- يعني ايه مش فاهم؟
= يعني بيخليني انام انا على الحرف و بينام هو جمب الحيطه..!! مش مهتم ان العفريت لو خرج في اي لحظه من تحت السرير او من الدولاب هيسحبني انا الأول!!! وهو هيبقي في أمان جمب الحيطه
" بصلها بعدم استعياب و رجع بص لكريم "
كريم بابتسامة فيها نفاذ صبر: شوفت يا عمي الى انا عايش فيه ؟
- لا بس انا سلمتهالك عاقلة.. صحيح كانت هايفه حبتين لكن مش بالشكل ده.. عموما انا قايم رايح شغلي ربنا يكون في عونك
مريم: بابا !! يا بابا استني.. طب خدني معاك!! طب كلم ماما تيجي تخدني!! يا بابا !!
" كريم وصلة لحد الباب و بعدين رجع بصلها بـ شر "
- بقا انا بقا تغفليني و تتصلي بعمي و عايزه تشرديلي قدامه.. و قال ايه نطلق؟؟
= خد بالك الحياة بينا مستحيلة انت بتاخد مني اخر حتة في الكونو
- منتي بتخدي مني صفار البيضة!!!
= وانت بتاخد قلب الكيكة و تسبلي الحرف!!
- منتي بتخدي قلب الجولاش ومفتحتش بوقي !
= عشان انت بتاخد قلب الخصاية و انا بعديها بمزاجي!!!
حْبط على كتفها: طب عدي ليلتك بالمرة يا مريم
ردت له الحْبطه: عديها انت يا كريم
زق ايدها: احترمي نفسك يا مريم
ردت له نفس الزقه: لما تبقي تحترمها انت يا كريم
قبض ايده وبصلها: بصي بقا لما ارجع لك من الشغل عشان متأخرش
"اتحرك للاوضة بتاعته يلبس و هي فضلت تزعق"
- ما طبعا انزل جري على الشغل الي فيه بنات عشان تقعد تهزر وتهئ و تمئ معاهم !!!! و تلاقيهم بيعملوا لك فطار عشان كده مبترضاش تاخد فطار معاك من هنا.. و بتنزلوا تاخدو كوفي سوا و تكملوا حلقة الهئ و المئ
رد من الأوضة: طب بس يا متحْـ ـلفة انتي القسم بتاعي رجالة بس اصلا يا دراما كوين و الشركة مش فيه مدينتي عشان انزل اخد كوفي الشركة تحتها قهوه بلدي عادي
- اه يا سلام على مبررات الرجالة اه.. القهوه الى بتروح تشوف الماتش عليها و تسبني
خرج لها وهو بيقفل زراير القميص: انتي مش قولتيلي قبل كده اياك تتفرج هنا في الشقة؟
- وانا قولت كده ليه؟؟ رايح تكـ ـسر الاباجورة ام 850 جنيه عشان الزمالك خسر ؟؟ كنت متوقع ايه يعني ما انتوا حصالة الدوري !!
رفع صباعه: مريم !!! اياكِ ثم اياكِ تتكلمي عن الزمالك
= اخرتها يا كريم.. طلقني
- حاضر هجيب ورقتك معايا وانا راجع من الشغل عايزه حاجه تاني يا مريومتي؟
= عايزه كريمه طهي.. ام !80 جنيه.. عشان اجرب وصفة نادية السيد فالمكرونه البشاميل
- هو مش احنا اتفقنا متطبخيش تاني؟ هتولعي في ايه المره دي؟ المره الى فاتت لحقتك و انقذنا نص المطبخ.. عايزه تولـ ـعي فالنص السليم الى فاضل؟
بصتله وهي رافعه حواجبها: يعني قصدك اني مش بعرف اطبخ و زوجه فاشلة صح؟
= لا .. انا الى جايب مطبخ معفن بيو لع بسرعه
- اه دي حقيقة بطل بخل و نتا نه
" سابته و دخلت الأوضة و بعدين خرجت وهي معاها كرافته لونها ازرق في ابيض "
- شيل الكرافته الى لابسها واللبس دي
" كريم سمع كلامها من غير ما يسأل عشان عارف دماغها.. و لبس الى اختارتها بصمت"
" بصتله بنص عين"
- انت مسألتنيش ليه عن سبب اني اخليك تغيرها؟
= انتي اي حاجه تشوفيها صح ياحببتي
- قصدك اني مجنو نه و بتخدني على قد عقلي؟
= لا ابدا.. قوليلي خلتيني اغيرها ليه ياتري؟
- عشان ممكن تكون مظبط لونها مع لون فستان الى انت بتحْوني معاها و تعملوا ماتشينج..
= هو انا اقدر امتشينج مع حد غيرك برضو يا قمر
- بس يا بلدي يا بيئة
= مش بحْونك والله
- ماشي..يا كريم
>>>>>>>>>>>>>>>>>>>>>>>>>>>>>>>>>>>>>
صلي على محمد.
|| في البيت | بليل ||
" رجع لقاها نايمه على الكنبه عرف انها كانت مستنيا.."
قرب ناحيتها و اتأمل شكلها وهي نايمه.. رجع شوية من شعرها لورا و لمس خدها بحنية فا فتحت عيونها"
- كريم؟
" ابتسم و بصلها بحب و هدوء "
= صباح الخير
- اقوم احط لك الأكل؟
= لا خليكي انا هعمله
- لا غير و انا هحضره
= ياستي كملي نوم.. اشيلك ادخلك جوه
" ابتسمت وهي بتفرك عينها"
- وليه الدلع ده يعني
= هو انا يعني لو مش هدلع مريومتي هدلع مين
بصتله شوية وبعدين اتكلمت:
عموما يعني بقولك ايه
= ها؟
- انت تعرف ان قلبظ بجنية ولا لاء؟
= ياشيخة؟؟ ده بـ اتنين جنية فكل حتة
" ضحكت جامد و انا ببصلة و حضنته "
- مش زعلان مني يا كريم
= لا مش بزعل منك ابدا..
" كريم عارف كويس ان دي الجملة الى بقولها لما بحس اني مش عارفه اقول ايه او لما احس اني مزوداها فالخناقة و احب أتراجع.. وهو عمره ما وقف قصادي الند بالند.. دايما بيعرف يتعامل معايا و بيستحمل هرموناتي.. "
خرجت من حضنه وبصتله:
- كيمو.. انا بحبك ماشي خليك عارف ده؟ و اوعي تبطل تحبني! في يوم
باس ايدها: مقدرش... بعدين انا عارف انك في فترة هرمونات.. عشان كده جبتلك حاجات.. شوكلاتة و عصير مانجا و الشوفان الغريب الى بتحبيه ده
بصتله بابتسامة: وانا عملت لك كنافة زي ما بتحبها
غمزلها: طب و هتسبيني اخد قلبها؟
ضحكت: ماهو قلبها معاك اصلا.!
>>>>>>>>>>>>>>>>>>>>>>>>>>>>>>>>>>>>
" تمت "🌃💗
تعليقات
إرسال تعليق
فضلا اترك تعليق من هنا