سكريبت انا بحبك كامل وحصري لمدونة قصر الروايات
سكريبت انا بحبك كامل وحصري لمدونة قصر الروايات
- انا بحبك
= نعم؟ انت مسيحي.
- هو انتي مسلمه!
= ايوا وبعد اذنك
_____________________
- مينا! انت شلت الصليب!!!
"نزلت ايدي بعد ما كنت رفعها ليها بشغف"
= انتي مش فرحانه.؟
- انا مش فاهمه انت ازاي المفروض انك م
قاطعني: انا كنت مسيحيي
بصدمه وصوت عالي نسبيا: اية هو انت اسلمت !!!!
= ايوا
- ليه!!!!!؟ عشاني؟
= فاكره لما قولتيلي واحنا بنبدل الشيفت ساعه ما تعبتي مش هينفع مكملش اليوم واني اخد مكانك؟
- ساعه ما قولتلك مش هينفع تشتغل شغلي مكاني؟
= ايوا
- قولتيلي انوه حرام اصلا تخدي فلوس متعبتيش فيها
= دي حقيقة
- وفاكره لما الشركه عملت ايفينت وكان في مشروبات من ضمنها خمر.ا ورفضتي تشربي مع ان ده مكنش موقف لطيف لما الى قدمها ليكي كان عضو من الرؤساء ولكن تمسكتي برأيك ومشربتيش منها
= ايوا يا مينا قولتلك يومها اني مش هعمل حاجه غلط و حرام عشان مجرد شغل.
ببلاهه: بالظبط ولا المره الى ضربتيني فيها بالقلم ساعه ما مسكت ايدك بالغلط
فلتت ضحكتها منها وظهرت غمازه: هو انت مبتسم كدا لي وانت بتقولها انت فرحان اني ضربتك؟!
= انا بحبك
- يابني استهدى بالله
بصتلها بأبتسامه اكبر وقولت بفخر: لا اله الا الله!
عيونها لمعت وبصتلي: الله!؟
= انا بحبك
- انت غريب انا مش مصدقه الى انا فيه ده
= احنا كدا هنتجوز صح؟
- نتجوز!؟
__________________________
طيب يجماعه ده مينا!! هو عنده نص عقل او ربع مش متأكده ولكن الحقيقه أطيب قلب فالعالم كله كان عايش بره ورجع غلبان جدا ميعرفش حاجه عن التحوير بربع جنيه انسان تلقائي اوي والى بيحسه بيقوله! منكرش اني اعجبت بيه اول ما بدء شغل من اول نظره!! حبيته ببراءته و اسلوبه وبكل حاجه فيه بالذات سذاجته الى بتخليني عاوزه دايما ابقي جمبه كأنه طفل ولكن كنت دايما ببعد برضو لانه مسيحيي!! لحد ما اسلم بكل سهوله فجأه كدا واصر يجي يقابل بابا وحتي ما اخدش رأيي؟!
_________________________
- انا ليلي كلمتني يابني وبصراحه مش عارف اقولك اية ، بس فكره انك كنت مسيحيي دي واسلمت مره واحده غريبه حبتين
= مش الدين الإسلامي اخر الاديان
- ايوا طبعا
= ودين مبيجبرش الشخص على حاجه ولكن في محرمات ربنا منعها عشان بتضرنا وكمان فيه لين مش صعب او فيه قسوه وفيه سيدنا محمد الى بنتعلم منه ازاي ن
قاطعني: حيلك حيلك!! انت عرفت كل ده ازاي
بتلقائيه: قرأت!
- اها يعني قرأت وعرفت و مقتنع بقرارك
= اكيد والا مكنتش هخده
- طيب و اشمعنه ليلي بنتي؟
= لا ده سر
- شاركني فيه يمكن يبقي سبب موافقتي
قرب بسرعه وبحماس: هقولك
بصله الاب بأنتباه وابتسم على سرعته: قول
= هي نورتلي انا حاسس اني مفروض ابقي معاها
وحاسس بحب من اول ما شوفتها هي سحرت ليا مثلا ؟
ضحك على كلامه: لا السحر حرام و من الأخطاء الكبيرة
- بقي كدا؟
= طبعا
- يعني كل ده من عند ربنا
= ربنا محبب فيها خلقه
تعابير وشه اتغيرت: يعني اية ؟ في حد بيحبها غيري ولا اية ؟؟
ضحك: لا لا مش قصدي احنا لينا قاعده افهمك بعدين
- مش ممكن لازم اعرف اذا كان في حد غيري عشان هع..
= يا ابني مفيش اهدا
- يبقي انا اتجوزها
= انا مليش غيرها عايز تخدها بسرعه كدا
- مانا بحبها برضو! وبعدين عايز اكمل نص ديني
بابتسامه: انت عرفت كل ده
- ايوا كان عندي فضول اعرف هي ليه بتتمسك بكل اراءها كدا ومبتغيرهاش! وطلعت كانت متمسكه بالدين بتاعها مش زي ما كنت فاكر عرفت انها مسلمه و طلعت جميلة اوي وطيبة بشوفها وهي فالشغل بتقرأ قران بتهدي؟! وساعات تتعصب تقول لا إله إلا أنت اني..
رد عليه وصحح كلامه: لا اله الا انت سبحانك اني كنت من الظالمين
= ايوا ايوا هوا ده هي كمان حافظه حاجات كتير اوي من دي بتقولها وقت نرفزتها
- ده دعاء لما العبد بيضيق بيه الحال بيدعي ربه
= وبيستجيب؟
- طبعا طالما النيه خير
= طب مانا دعيت اني اتجوز ليلي
الاب بلطف: واديك على اول سلمه اهو
= انا كنت بعيد عن ربنا وانا مسافر بره فى الاول خالص ولسه معرفش حاجات كتير في الإسلام انا كدا مختلف عن المسلمين؟
- لا اطلاقا انت مسلم ولكن فاضل الايمان
= مش كل مسلم عنده ايمان؟
- لا زي ما انت كنت مسيحيي ولكن مش مدرك بدينك اوي يعني في مسلمين كدا برضو وده غلط اما المؤمنين الى عارفين الدين كويس وبيصلوا وبيقولوا الشهاده وبيخرجوا ذكاه زي الى بتخرجوها للكنسيه كدا
= اها طب والصيام فعلا مش بتشربو اي حاجه ولا بتاكلوا اي حاجه لحد العصر!
- المغرب
= كمان
- ايوا
= بس ليه
- عشان نتحكم في نفسنا والاكل والمياه قدامنا نتعلم الصبر يعني وبعدين الصيام ده صحي للجسم كمان
و كمان انك تمنع نفسك عن الشهوات وربنا يختبر صبرك
= اممممم
كنت سامعه كلامهم من برا لغه بابا معاه كلها لين اكيد موافق كنت متأكده انوه هيحبه اصل مين ميحبش طفل برئ؟!
مشي وطلب يسلم عليا او لاء هو قال بكل هدوء..
( ممكن اقول باي ل ليلي )
"ابتسم بابا ونده عليا"
سلمت عليه ومشي وبعدها بابا سأل عن رأيي
- انا بسألك بس عارف انك موافقه باين على وشك
اتنهد بهيام: شايف يا بابا جميل ازاي
- سبحان الله كأنه لسه بيتعلم كل حاجه اول مره
= لسه في ناس كده
- ربنا زرع فينا طيبه وكلنا جوانا طفل بس فيه الى بيخفيه وفي الي شوهه انما مينا لسه محتفظ بيه
= اها تفتكر هننفع سوا
- افتكر جدا محتاجين وقت تتعرفوا وانا لو عليا فا كفايه اني شوفت نظرته ليكي كدا اطمنت واقدر اساعده
حضنت بابا وتاني يوم روحت الشغل دخلت المكتب لقيت ورقه بلوني المفضل البنفسجي ومكتوب
( اللهم يسير لي الأمور فا انك انت خير الميسرين )
"ابتسمت و وشي قلب قلوب وحسيت بخطواته الهاديه "
- مينا؟
= لاء
- لاء اية
= محمد
"رفع البطاقه في وشي "
الديانه : مسلم
الاسم : محمد
"يخرابييييييي احضنه ولا اعمل اييييه!"
- مبروك!!
ابتسم بفرحه: الله يبارك فيكي هنتجوز علفكره.
- انت بتقولها بثقه كدا ليه
= ايوا انا ببلغك بس.
- اوه!
= ايوا
- افرض موافقتش
= لا هتوافقي
- طب قولي اية سر الثقه
= عملت استخاره
مكنتش مستوعبه الجمل الى بتطلع منه بتطلع من مينا؟ قعدت اضحك: انت بتجري وبتعرف حاجات بسرعه اوي
= اها بحاول
- طيب عارف اية اول خطوه تاخدها واهمهم
= اتجوزك
- ياخي غير انك تتجوزني
= ها
- تقرأ قرآن لان منه هتعرف كل حاجه عن الدين وعن العالم
= الدين ماشي لكن اية علاقه العالم
- القرآن مذكور فيه كل شيء! حيوانات نبات انسان جن ملايكه حتي الشمس والقمر كل حاجه بجد!
= بس انا مبعرفش اقرأ فيه
- هعلمك
= امته!!
- لما نتجوز
= يعني هنتجوز؟؟؟؟!
بخبث: ها ! مين قال
بصلي بنص عين: انتي
ضحكت: ايوا حصل
= بحبك
همست: ششش بتكسف.
همس بصوت اوطي من صوتي: ب ح ب ك
________________________
||بعد اربع سنين||
- محمد ! يا محمد
= ايوا في اية يا ليلي
- انا تعبت من الواد الزنان ده
= طب هاتيه وريحي
خده وفضل يقرا قران لحد ما نام بين ايديه"
"بصتله بكل اعجاب وحب كاني بحبه من الاول تاني!
- زوجي العزيز اقرأ ليا قران انا كمان عشان حاسه اني مضايقه شوية.
"خدني في حضنه وباس ايدي وراسي ولمس علي شعري"
-الكتكوتة بتاعتي متزعلش وانا موجود
مسح بأيده على شعري بحنيه وبدء يقول
- بسم الله الرحمن الرحيم
" إِلَّا تَنصُرُوهُ فَقَدۡ نَصَرَهُ ٱللَّهُ إِذۡ أَخۡرَجَهُ ٱلَّذِينَ كَفَرُواْ ثَانِيَ ٱثۡنَيۡنِ إِذۡ هُمَا فِي ٱلۡغَارِ إِذۡ يَقُولُ لِصَٰحِبِهِۦ لَا تَحۡزَنۡ إِنَّ ٱللَّهَ مَعَنَاۖ فَأَنزَلَ ٱللَّهُ سَكِينَتَهُۥ عَلَيۡهِ وَأَيَّدَهُۥ بِجُنُودٖ لَّمۡ تَرَوۡهَا وَجَعَلَ كَلِمَةَ ٱلَّذِينَ كَفَرُواْ ٱلسُّفۡلَىٰۗ وَكَلِمَةُ ٱللَّهِ هِيَ ٱلۡعُلۡيَاۗ وَٱللَّهُ عَزِيزٌ حَكِيمٌ "
حضنته وانا مبتسمه: بحب قرأتك اوي
- وانا بحبك♡
"تمت"
تعليقات
إرسال تعليق
فضلا اترك تعليق من هنا