سكريبت كامل حصري في مدونة قصر الروايات
سكريبت كامل حصري في مدونة قصر الروايات
= خد ياض
- ياض !
= اه ياض
- نعم ؟
= تعالي اقعد
- عايزه أيه
= ما تقعد ياض هو انا هخطفك !
- ماشي ، اهو قعدت .. عايزه أيه
= صالحني
- هو أنا اعرفك اصلاً !
= اتكلم بأدب
- حاضر
= يلا صالحني
- طيب أنا زعلتك وانا معرفش يعني ولا أيه
= انت رغاي أوي اخلص صالحني
- طيب مين مزعلك ؟
= كل حاجة
- زي أيه
= زيك مثلاً
- نعم ، ما علينا زعلانة مني ليه
= مجبلتليش شوكالاته وانت جاي
- بس انا مكنتش عارف أني هشوفك
= عشان انت غبي وعبيط ، كان ممكن تخليها ف جيبك لحد ما تشوفني
- حاضر ، المره الجايه
= انت جاي هنا ليه ؟
- أبن أختي ليه شهور بيتحايل عليا عشان اجيبه الملاهي وانهاردة جبته هو وأمه ، وانتي هنا ليه
= امي جاية تفسحني
- نعممم !
" أمها جات "
- انتي قاعدة بتعملي أيه هنا ( بصوت عالي )
= ك .. كن .ك كنت
- انتي لسه هتهتهي اتكلمي علي طول
= كنت قاعدة هنا والواد ده جه عاكسني
- عيب أوي انك تستغل واحده مبتعرفش حاجة وتضحك عليها
= مبتعرفش حاجة إزاي .. دي تقريباً ف سني ثم انا مضحكتش عليها ، انا كنت ماشي في أمان الله هي نادت عليا تقولي صالحني انا زعلانة !!
- طيب ممكن اتكلم مع حضرتك علي جمب شوية
= أكيد
" روُحت مع أمها شوية اشوفها هتقول أيه ، وقالتلها : خليكي هنا متتحركيش من مكانك ، انا استغربت جداً "
= بُص يابني أنا أسفة وبعتذر علي اللي حصل مني واللي حصل من بنتي
- طيب ممكن أعرف هي مالها
= من حوالي 8 شهور كده أبوها اتوفي ، الله يرحمةُ كان أقرب حد ليها مات في حادثة ومن قوة الصدمة حصل فيها زي ما انت شايف رجعت طفلة من تاني وفي دكتور نفسي شافها وقال حالتها صعبة بس علاجها مش صعب لكن غالي جداً واحنا ناس علي قد حالنا ومعندناش القدرة علي علاجها وانا وهي عايشين لوحدنا بعد وفاة ابوها واهو زي ما انت شايف
- اممم انا مش عارف اقولك أيه والله ربنا يشفيها ويعافيها ويجبر بخاطركم
= اللهم أمين
- طيب هو أنا ممكن أتكلم معاها شوية
= اه أكيد ، اتفضل
" رجعتلها وقعد جمبها تاني "
- ازيك ياقمر
" قربت من وداني وهمست وقالت :
= أوعي تكون قولت لأمي عن اللي عملتهُ وأني ثبتك زي الحرامية عشان لما نرجع هتزعقلي
" قربت من ودنها وقولتلها :
- لا متخفيش مقولتلهاش حاجة
قربت من وداني وقالتلي :
= عشان انت حلو ومقولتلهاش هجبلك لعبة من لعبي
- إلا قوليلي بقي ياقمر أسمك أيه
= أسمي سيد
" بصيت لأمها قالتلي انه سيد ده أسم أبوها وهي أسمها بروج "
- حلو قوي
= وانت أسمك أيه
- أسمي غيث
= الله جميل جداً
- طيب أيه رأيك نلعب لعبة
= اه أنا بحب اللعب أوي
- بصُي ياستي أحنا خلاص بقينا أصحاب صح ؟
= أيوه صح
- أيه رأيك أنا هسميكي أسم غير أسمك واناديكي بيه ، وأنتي تسميني أسم غير أسمي وتناديني بيه
= موافقة
- هتسميني أيه بقا
= سحلول
" بضحكة من قلبي قولتلها :
- جميل جداً وأنا حبيتهُ وموافق عليه
= طيب أنت هتسميني أيه
- بروج
= الله .. حلو أوي وربنا
- انتي اللي حلوه أوي وربنا
" بصت في الارض وقالت :
= كسفتني
- انتي نستيني أختي وأبنها سايبهم لوحدهم
" كشرت وقالت :
= بجد .. أنا أسفة
- لا ولا يهمك يابروج
= طيب روحلهم
- هنتقابل تاني
= موافقة
- بتاجي هنا تاني أمتي
" كشرت وقالت :
= مش عارفه
" أمها قالتلي كل يومين بجيبها "
- طيب سلام بقا يابروج ياقمر
= سلام يا سحلول
" فضلت اروح كل يوم عشان أشوفها تاني بس مبقتش تيجي معرفش ليه ، مع إني لما سألت عليها قالولي كانت ديما تيجي هنا هي وأمها بس فضلت حوالي أسبوع وأنا بروح كل يوم بس مجتش خالص لحد ما في يوم جات ، ناديت عليها "
- بروج يا بروج
" لقيتها بتتخبي مني ورا أمها "
- بتتخبي مني ليه ؟
= عشان انت وحش وكداب
- ليه أنا عملت أيه بس..
=
- طيب تعالي نقعد هناك ونتكلم عشان أتسأفلك
" بصت لأمها ، وأمها قالتلها : روحي اقعدي معاه هروح أجبلك أكل وجاية بسرعة "
" وقعدنا في نفس مكان اللي كانت قاعده فيه المره اللي فاتت "
- مقولتليش يابروج اتخبيتي من صاحبك ليه
= عشان صاحبي طلع وحش
- ليه عملت أيه
= لأنك قولت لأمي أني انا اللي ناديت عليك وقولتلك زعلانة صالحني ، وبسببك أمي زعقتلي وحبستني ف البيت كتير ومش كانت راضية تجيبني الملاهلي
- أسف يابروج بس أنا مكنتش اقصد بس أوعدك أني مش هقولها حاجة تاني وهخليها متزعقش فيكي تاني وكمان تجيبك هنا كل يوم
" أبتسمت أبتسامة عريضة وقالت :
= أنا مسمحاك بس بشرط
- اشرطي ياستي
= تجبلي شوكالاته
" كنت جايب الشوكالاته ومخبيها في جيبي ، وادتهالها "
= الله .. انت كنت جيبهالي
- أيوه جبتها ليكي مخصوص لأجل عيونك الحلوين
= تسلم يا صاحبي ياحلو
" جات أمها وميلت علي ودانها وقولتلها :
- علي ما تاكلي الشوكالاته هتكلم مع أمك وأخليها تبطل تزعق فيكي تاني وتجيبك هنا كل يوم بس متروحيش مكان خليكي هنا
= حاضر
" روُحت مع أمها بعيد عن بروج شوية عشان أتكلم معاها "
- ممكن أطلب من حضرتك طلب يا أُم بروج ؟
= أكيد يا أبني اتفضل
- ممكن تبطلي تزعقي فيها تاني
= بس هي تعباني ومبتسمعش الكلام
- معلش عشان خاطري
= حاضر
- ممكن طلب تاني
= اتفضل
- ابقي هاتيها هُنا كل يوم
= حاضر
- حاجة أخيره
= أيه
- أنا هاخدك أنتي وهي بكره وهروح لدكتور وكل مصاريف علاجها عليا ، من جنية لمليون
= انا مش عارفه أشكرك أزاي علي كل اللي بتعمله معانا ده رغم أنك متعرفناش
- لا متشكرنيش انتي زي أمي بالظبط
" خلصت كلام معاها ورجعنا لبروج "
- أيه يابروج كلتي الأكل كله مسبتليش حاجة
= خلي أمي تجبلك زي
- بعدين .. تعالي روحي معايا مكان حلو
= فين
- هقولك في الطريق عشان أمك متعرفش
= ماشي يلا بس هي لو عرفت هتضربني
- لا متخفيش ، انا قولتلها متزعقلهاش ولا تضربيها تاني وقالتلي حاضر
= بجد
- اه بجد
= انت صاحب حلو ياسحلول
- طيب يلا بقا عشان مش نتأخر
= يلا يا صاحبي
" خدتها وروحنا للدكتور ، الدكتور صاحبي "
= ازيك يا غيث
- الحمدلله ياحسن ، انت أيه اخبارك
= الحمدلله فل
- عايزك في موضوع
= ماشي اتفضل
" دخلنا الاوضة انا والدكتور حسن وبروج "
= مين دي ياغيث ، انت اتجوزت من غير ما تقولي ولا أيه
- لا ياعم مش كده ، بُص هحكيلك كل حاجة
" حكيتله كل حاجة من وقت ما قابلتها لحد دلوقتي ، وعن حالتها واللي حصلها "
= طيب سيبني أنا وهي ياغيث هتكلم معاها
-ماشي يادكتور
" انا خرجت والدكتور فضل يتكلم مع بروج لوحدهم "
- قوليلي ياحلوه أسمك أيه
= نعم
- أسمك أيه
= أسمي سيد بس سحلول بيقولي يابروج
- مين سحلول ده
= اللي كان معانا دلوقتي ده ، أنا هكيلك أنا وهو لعبنا لعبة هو سماني بروج وأنا سميته سحلول
- طيب بُصي
= نعم
- انتي أسمك الحقيقي بروج
" كشرت وقالت :
= لا سيد
- بس بروج ده أسم جميل جداً
= هاتلي صاحبي سحلول
- نتكلم مع بعض شوية وهيجي
= لا هاتهُ الأول
- طيب لحظة
" نادي' الدكتور عليا ودخلتلهم "
- في أيه يابروج
= سايبني لوحدي من الراجل الوحش ده ليه
- بروج عيب ده الدكتور
= وانت جايبني للدكتور ليه
- عشان نبقي كويسين علي طول
= ما احنا كويسين
- طيب بُصي أنا هقعد جمبك أهو ، والدكتور هيسألك لو جاوبتي صح هجبلك علبة شوكالاته كبيرة
= الله ، موافقة هجاوب علي كله
- أسألها يادكتور
= أبوكي أسمو أيه
- ابويا !!
" فضلت شوية تفكر بعدين كشرت وقالت "
= مش عارفة
- طيب أقولك أنا
= قول
- أسمة سيد
= لا ده أسمي أنا
" اتعصبت وفضلت تبكي "
- بروج انتي بتعيطي ليه
= عايزه اروح ياسحلول
- هنروح
= ومتجبنيش هنا تاني
- الدكتور حسن هيبقي صاحبنا
= يبقي يجيلنا هو بس أنا مش عايزه أجي هنا
- حاضر يابروج
" بعد شهور علاج ، طلب الدكتور يقعد مع أمها ويعرف أبوها مات ازاي "
- قوليلي يا أُم بروج هو والدها الله يرحمهُ اتوفي ازاي واحكيلي بالتفصيل
= أحنا ناس علي قد حالنا وأبوها الله يرحمة كان بيشتغل باليامية
- يعني أيه
= يعني كان ينزل يشتغل باليوم
- اها كملي
= في مره واحد صاحبهُ اتصل عليه وقالهُ معاه شُغلانة ، نزل وكان رايحلهُ وكانت بروج الجامعة بتاعتها جمب المكان للي رايحلهُ أبوها ، فاراحوا سوا
- اه وبعدين
= وقفت هي تجيب سندوتشات وقالها هعدي الطريق وهستناكي الناحية التانية وهو بيعدي الطريق في عربية خبطتهُ
- طيب العربية دي نوعها أيه
= مكروباص
- ولونها أيه
= أحمر
- حلو ، طيب هي شافت السواق
= تقريباً
- طيب هو اتسجن
- لا هو كان راجل طيب ومكنش يقصد غير أننا عرفنا انه بيربي يتامي وأُم عياله متوفية ف أتنازلنا عن القضية وسامحناه
= طيب كويس ، أحتمال نحتاجة معانا قريب .. لو في خلال شهر متحسنتش بالادوية والكلام معاها هنحاول بطريقة تانية
= أيه هي
- بعدين .. ممكن حضرتك تتفضلي علي كده لو حابهُ
= ماشي يادكتور ، سلام
" مشيت أُمها وكان لازم نستني شهر لو متحسنتش ، هنحاول بالطريقة التانية "
" وفضلنا شهر كامل ، لكن متحسنتش وفضلت علي حالها ، فاتصلت علي غيث ييجي عندي وهقوله المطلوب منه "
= غيث
- أيوه ياحسن
= أنت فين
- مع بروج
= طيب أنا عايزك في حاجة تخصها
- أمتي
= دلوقتي
- هجيبها وأجي
= لا تعالي لوحدك
- ليه
= هتعرف بعدين
- ماشي
= سلام
" كنت قاعد مع بروج في المكان اللي اتقابلنا فيه أول مره ، سبتها مع أُمها وروُحت للدكتور "
- خير يا حسن
= بُص ياغيث ، جه الوقت اللي هنحاول علاجها بالطريقة التانية اللي هي أصعب علينا وعليها
- أيه هي الطريقة التانية
= هنحتاج قناع شبه وش أبوها بالمللي
- ليه
= وهنحتاج الراجل اللي خبط أبوها بنفس العربية اللي خبطة بيها
- تمام بس ليه
= هو فيه قناع بيتعمل أو أسمة مسك تقريباً مش عارف ، يعني تجيب من أُمها صورة لأبوها وتعمل القناع ده ، هنجيب أي حد وهيلبسوا هيبقي نسخة من أبوها ، وهيجي نفس السواق بنفس العربية هيخبط الراجل ده وكل ده هيحصل قدام بروج وفي نفس المكان اللي حصل فيها الحادثة وكل ده طبعاً هيكون تمثيل ، أحتمال كبير تستوعب اللي هيحصل وترجع لعقلها ولطبيعتها
- تمام يادكتور في خلال 10 أيام هيكون كل ده جاهز وهبعت الصورة بره يعملوا القناع وهوصل لعنوان السواق
= حلو أنا مستني
" عدت ال10 أيام وكل اللي قال عليه الدكتور أتنفذ ، وجه اليوم اللي هننفذ فيه ، السواق والراجل اللي هيلبس القناع مع الدكتور بيقولهم بيشرحلهم اللي هيعملوا ، وأنا روحت عند بروج البيت "
= مين بيخبط
- أنا سحلول يابروج أفتحي
" قامت جري علي الباب تفتحلي "
= أنا زعلانه منك
-ليه بس
= ليه مجتش أمبارح تفسحني
- اسف بس الشغل كان كتير أمبارح وعلي ما خلصت كان الوقت اتأخر ، ونادي ماما يلا أنهاردة مش هروح الشغل وهقضي اليوم كله معاكي
= حاضر هروح اناديها وانا هروح البس
" راحت هي تلبس وأمها جاتلي "
= أنت متأكد يابني أنها مش هيحصلها حاجة انا خايفة عليها أوي
- لا متخفيش يا أُمي الدكتور قال مش هيحصل حاجة ان شاء الله
= يارب يابني
= أنا جييييت
- أيه القمر ده
= يلا بينا بقا
- يلا ياست
" أول ما خرجنا من الباب بعت رساله للدكتور حسن أنهم يجهزوا "
= سحلول أحنا رايحين فين طريق الملاهي من هنا
- في واحد بيعمل سندوتشات جميلة جداً قريب من هنا هنروح نجيب وبعدين نروح الملاهي
= طيب ياسحلول
" وصلنا المكان ونزلنا من العربية ووقفت أنا وهي عند بتاع السندوتشات بدأ السواق يتحرك بالعربية ، والراجل اللي لابس قناع أبوها رايح ناحية العربية "
= سحلول أنا حاسة اني أعرف الراجل اللي بيعدي الطريق ده
- تعرفيه منين بس يابروج
" فضلت تعيط وتقول :
= نادي عليه متخلهوش يعدي لا ياسحلول الحقهُ متخلهوش يعدي
" وفجأه ظهرت نفس العربية ونفس السواق وخبط الراجل اللي لابس قناع أبوها واللي هو نسخة من أبوها "
" جريت عليه بكل سُرعتها وهي بتقول :
= بابااا لا يا بابااا متموتش
" لحد ما وصلت لعنده وحضنته ، بعدها أغم عليها "
" مش فاقت غير وهي في المستشفي "
= ماما
- حمدلله علي السلامة يابنتي
" فضلت تعيط وتقول :
= هاتلي بابا يا ماما متخلهوش يسيبني لوحدي ده هو صاحبي واخويا وأبويا وكل دُنتي
- أبوكي مات يابروج
" وحكتلها كل اللي حصل وان أبوها مات من سنة ونص "
" بصت ناحية غيث "
= سحلول
" بأبتسامة كبيرة والدموع في عيني :
= حمدلله علي السلامة يابروج
- الله يسلمك
= انتي عرفاني ؟
- أيوه عرفاك ، أنا فاكره كل حاجة القديم والجديد
" دخل الدكتور وقال :
= مبروك يا جماعة بروج رجعت طبيعية الف حمدلله علي سلامتها ياغيث
- الله يسلمك يادكتور حسن
= أيه ده أنا أفتكرت ان أسمك غيث وأنا اللي سميتك سحلول
" كل اللي قاعد ضحك من قلبه كنا مبسوطين أوي وقولتلها :
- طالما منك فاهو أحلي أسم
" ضحكنا والدكتور حسن قالها :
= تعرفي يابروج ، غيث صاحبي طول الفتره اللي فاتت كان قلقان عليكي أوي أنا كاصاحبهُ من الطفولة مشفتهوش قلقان علي حد كده
- شوفت ده في عينة يا دكتور ، غيث انا عاجزه عن الكلام أتجاهك ومش عارفه أشكرك أزاي ولا أقولك أيه والله بجد أنت أحسن وأجدع حد شوفتهُ في حياتي
= لا متقوليش كده يابروج أحنا خلاص ما بقاش بينا الكلام ده
- بُصي يابروج
= نعم يادكتور
- أنا وغيث قريبين من بعض أوي وبنحكي لبعض كل حاجة ، وبالمناسبة الجميلة دي خليني افضحهُ قدامكم ، غيث بيحبك ياست ودايب في دباديبك
= حسن انا مش هأمنلك علي سر تاني
" الكل فضل يضحك بصوت عالي وكان لينا زمان ماضحكناش من قلبنا بالشكل ده
كانت باصه عليا
عينها في عنيا
وبضحك وتلمع
لساني مقدرش يمنع
وقالها : "
- بروج أنا فعلاً بحبك ، وانتي بقيتي كل حياتي وكل ما املُك
" ردت أمها وقالت لغيث :
= شفافه انا ها
- أسف بس انا معرفش قولت كده أزاي
" رجعنا نضحك من تاني بصوت عالي ، وفجأه بروج قالتلي : "
= وأنا كمان بحبك ، بحبك أوي
- طيب أيه يا حماتي
= حماتك !!
- أيوه يابروج حماتي انتي أيش دخلك
- بقولك يا أُم بروج
= قول يابني
- أنا طالب أيد بنتك العبيطة دي
= لو هي موافقة أنا موافقة
= ماما انتي موافقة علي واحد بيقول علي بنتك عبيطة ! لا وكمان أسمة سحلول
- دلوقتي مش عاجبك أسم سحلول بعد ما انتي اللي اختارتي تسميني كده
= لا عجبني أوي وحلو أوي زي صاحبهُ
- طيب قولتي أيه موافقة ولا اروح ادور علي عروسة تاني
= عروسة تاني أيه ، ده أنا ادبحك
" بصت في الارض وقالت :
= موافقة
= طيب بُص يابني أحنا نعرف الاصول وأنت لازم تجيب قرايبك وتيجي البيت تتقدملها رسمي
- حاضر يا حماتي
" خرجت بروج من المستشفي أخر اليوم وروحتها هي وأمها وانا رجعت البيت ، وأتصلت بيها بالليل "
= سحلول !
- ازيك يابروج
= الحمدلله زي الفل
- وحشتيني
= مش أكتر مني ياسحلول
- طيب مش هنبطل أسم سحلول وتقوليلي ياغيث
= لا أسم سحلول لايق عليك
- طيب ، أنا قولت أطمن عليكي هروح أنام بقا ، عشان هروح الشعل بدري عشان ارجع بدري وأجيب أختي وأجي اتقدم لسعادتك يا هانم
= ماشي يا سحلول ، تصبح علي خير
- وأنتي من أهلي
" جه اليوم التاني وخدت أختي وروحت اتقدمتلها ، واتخطبنا شهرين بعدها اتجوزنا "
" بعد مرور 7 سنين من جوزانا "
- انت يابني
= نعم يا أستاذ
- أسمك أيه
= محمد سحلول
- أبوك أسمة سحلول !!
= لا أسمة غيث بس بشوف ماما بتنادي عليه تقولهُ سحلول
" ضحك الاشتاذ وقالهُ :
- طيب أي حد يسألك تاني علي أسمك ابقي قولهُ ، أسمي محمد غيث وملكش دعوه بأمك
= حاضر
| النهاية |
تعليقات
إرسال تعليق
فضلا اترك تعليق من هنا