رواية جمعتهم الأقدار الفصل الثالث والخمسون53بقلم فريدة احمد (حصريه في مدونة قصر الروايات)

رواية جمعتهم الأقدار الفصل الثالث والخمسون53بقلم فريدة احمد (حصريه في مدونة قصر الروايات)

رواية جمعتهم الأقدار الفصل الثالث والخمسون53بقلم فريدة احمد (حصريه في مدونة قصر الروايات)

#جمعتهم_الأقدار 

#البارت_53

#بقلم_فريدة_احمد

هنرجع؟ 

قالتها وهي كلها لهفة ليفاجأها ويقول..احنا رجعنا خلاص

وهو بيميل يبوس ايدها اللي في ايده، قال... هبعت اجيب الماذون واتجوزك من تاني 

بقت دموعها تنزل بفرحة وهو قال... مش هسيبك ابدا. مش هسيبك تاني يامرام 

وهو بيبوس في ايديها الاتنين ويبوس راسها وهو بيحمد ربنا انها رجعت للحياة من تاني وخلاص مبقاش عنده استعداد يسيبها ابدا 

بصت حواليها وقالت... فين سليم 

قال... هبعت اجبهولك حالا 

........ 

دخلت ليالي علي مراد مكتبه كان مايل براسه لورا وهو علي الكرسي مغمض عينه كان باين عليه الارهاق 

قربت بهدوء جات من وراه وحاوطت رقبته وقالت.. حبيبي مالو 

بمجرد ما حس بلمستها شدها على رجله قعدها ودفن راسه في رقبتها با، سها 

ليالي همست .. مراد بتعمل ايه

رفع وشه وقال .... ايه يابت مانا اتجوزتك ثاني ولا نسيتي 

ابتسمت وهي لسه محاوطة رقبته وهي بتفتكر لما خدها من ايدها للمأذون  كتب عليها من جديد بعد ما مقدرش يستحمل لحد معاد فرحهم اللي هو بنفسه صمم يعملهولها عشان متكونش اقل من اي بنت لكن فرحهم كان اتأجل بسبب حاد، ثة مرام 

وهو باس ايدها وبعدين بصلها بحب وقال... ما تقلقيش انا اللي مش موافق يلمنا اوضه واحده غير لما اعمل لك فرحك يا ست البنات 

: بحبك اووي 

قالتها ومالت هي عليه المرادي باسته وهي مازالت محاوطة رقبته 

قبلتها المحمومة اثارته بشدة، حاول يتحكم في نفسه قال.. يابت ماانتي بحركاتك دي هتخليني ارجع في كلامي وانا ماسك نفسي عنك بالعافية يعني علي تكة

قالت بضحك... خلاص خلاص مش هتحرش بيك تاني. بس انت كمان خليك مؤدب 

بص علي جسمها بوقاحة وقال... طب ازاي ياوتكة وانتي قاعدة علي رجلي وفي حضني كده. ايه قالولك اللي بيجري في عروقي كركديه مش د م 

بصت لـ ايديه اللي محاوطة خصرها بتملك وقالت... طب ما انت اللي قافش فيا يامراد. خليني انزل عشان متعبكش ياحبيبي 

وغمزتله بوقاحة

قال.. يخربيتك امك 

 وهي كمان كانت بتتكلم و لسه محاوطة رقبته ومش قادرة تبعد لكن اتنهدت وقالت ..بص مش هبعد لاني مش قادرة. انت واحشني وعايزة افضل جمبك وفي حضنك 

ولكن كملت بجدية... بس هنسيبنا من قلة الادب ونتكلم جد شوية 

وهي بتحاوط وشه بكفوفها قالت... انت مالك بقا شكلك دماغك مشغولة بحاجة 

اتنهد وقال.... عشان بس بتابع بين هنا وامريكا ضغط شغل مش اكتر . خصوصا فرع امريكا بما اني مش هناك ف لازم اتابع كويس وابقي معاهم لحظة بلحظة

قالت.. طب وبيري 

: مالها 

قالت بخفوت... هتفضل معانا هنا ولا هتسيب الشركة 

نبرتها كانت فيها غيرة وهو فهمها فقال.... بيري مش مطولة لحد بس ما اظبط الشغل ما بين هنا وهناك هي هترجع 

قالت بسرعة... خليها تمشي من دلوقتي ما انت خلاص رجعت اهو وهي وجودها مبقاش له لازمة. حتي لو انت مشغول زي ما بتقول ما انا موجودة اهو ولا انا مش ماليه عينك 

ابتسم علي غيرتها وقال...غيرانة

قالت.. من الاخر اه. 

وبضيق... انا مش عايزاها في الشركة يامراد 

قال بضحك... يابت بيري دي اكبر مني بسنين.

قالت بضيق.. بس حلوة ومش باين عليها سنها 

ابتسم عليها وقال... بس مش احلي منك 

قالت بثقة وغرور... عارفة طبعا 

وهو قال...طيب يابطل مادام واثق في نفسك ايه المشكلة بقا

قالت... واثقة في نفسي بس مش بثق فيها. بتضايق لما بتقرب منك يامراد 

كملت بغيرة شديدة وقالت... لما بتقعدو هنا في المكتب بالساعات لوحدكم ببقي هتجنن 

قال....علي اساس بنقعد نحب في بعض. ماانتي عارفة كويس ان اللي بينها شغل وبس.

بصتله بزعل وقالت... يعني هتفضل بردو 

باس كف ايدها وقال... دا مؤقت بس ياحبيبي لاني هحتاج اسافر الفترات الجاية وهي لازم تبقي معاكي و مينفعش انتي مش هتقدري علي الشغل لوحدك. وبعدين ياستي انا اغلب الوقت  مش هكون موجود  اساسا 

اتنهدت وقالت بضيق مخفي... ماشي 

كان حاسس انها لسه متضايقة فقالها... انتي عارفة ومتاكدة اني بموت فيكي

ابتسمت بالعافية وراحت تقوم 

شدها عليه تاني وقال...استني يابت

قالت... في ايه 

بص علي شفايفها باشتياق وقال...انتي جاية تولعيني وتمشي ولا ايه 

وجذبها بهدوء ف مالت عليه قرب علي شفايفها يبوسها بطريقته اللي بتدوبها ف ابتدت تتفاعل معاه وغابو مع بعض في قبلة طويلة كلها حب 

لحد ما ايده تسسلت لهدومها بدون وعي منه بس هي مسكت ايده علطول وقالت.. مراد مش هينفع 

اتحكم في نفسه بالعافية واخيرا سند جبينه علي جبينها وقال.. طب قومي يلا.. عشان مش هقدر امسك نفسي اكتر من كده وهتهور بجد 

قامت وهي بتضحك اوي  

وقبل ماتخرج حدفته ب بوسه وخرجت سابته وهو بيمسح علي وشه وبيزفر انفاسه بسخونه ويقول.. يخربيت امك ياليالي 

........ 

مساءا وفي اخر الليل

عاصي دخل السرايا اتفاجا ب حلا اللي كانت علي الكنبة مريحة ظهرها وبتقلب في تليفونها بملل 

عاصي قال... اي اللي مسهرك لحد دلوقتي 

رفعت وشها من الفون واتنهدت بزهق وقالت... مش جايلي نوم 

قرب قعد علي الكرسي وقال... طب انا راجع جعان ايه رايك نخرج ناكل بره 

عاصي كان عاوز يدخلها سكة ومصدق لقي فرصة 

بس هي قالت... وانا اخرج معاك بتاع ايه 

بصلها بغيظ وقال....  صدقي انا غلطان انا قولت اخرجك بدل ما شكلك زهقان كده 

كمل وقال... بس خلاص شكلك مش عايزة 

وقام يمشي

قالت بسرعة فهي فعلا كانت ملانة.... موافقة 

ابتسم وقال.... طب اطلعي البسي بسرعة 

قامت وبصت علي نفسها وقالت... مش محتاجة انا لابسة اهو 

بص عليها كانت لابسه بلوزة كات علي بنطولون جينز ضيق 

قال وهو بيشاور علي لبسها... هتخرجي كده 

قالت... مالو ما كويس اهو.. 

قال بسخرية ... طب جهزيلي قرنين اركبهم عشان اعرف اخرج معاكي بالمنظر ده 

وبحدة.... اطلعي البسي حاجة كويسة اخلصي 

قالت برفعة حاجب... نعم وانت مالك بقا. فاكر نفسك لسه جوزي ولا ايه 

قال.... مش لازم اكون لسه جوزك.. انتي مش مسموح ليكي  تخرجي بالمسخرة دي 

بصتله بضيق وطلعت وهو خرج يستناها في العربية 

حلا طلعت تلبس اتاخرت عاصي اتصل عليها.. اتاخرتي ليه يلا انزلي 

لترد بحيرة وضيق وتقول... مش لاقيه الـ lip GIoss بتاعي 

قال علطول... مش مشكلة البسي اي حاجة غيره وانزلي 

قالت... البس ايه!! 

بعدين قالت... دا اسم ملمع الشفايف 

عاصي رفع حاجبه لكن قال بغضب... لو حطيتي مكياج هنفخك انزلي مش عايز مرقعة

قالت... هو دا مش مكياح!!.. بقولك ملمع ومرطب للشفايف

كملت وقالت... وبعدين انت مالك اصلا 

وقفلت ف وشه 

بصت لتليفون بدهشة وقال بتوعد ... طب ياحلا هربيكي 

وبعد دقايق نزلت فتحت العربية وركبت بصلها بغضب ولسه هيزعقلها بس بمجرد ما شافها تنح في جمالها وقال... اللهم صلي على النبي 

بس بعدين ملامحه اتحولت للغضب وقال... مش قولت ميحطش حاجه علي وشك. كلامي متسمعش ليه

قالت برود وهي بتبصله بتحدي ... ده لو كان ليك حكم عليا 

ردها اثار غضبه اكثر بس رجعت خافت فحاولت بسرعة تمتص غضبه لما قالت ببساطة.... على فكره انا مش حاطه حاجه ده ملمع شفايف زي ما قلت لك ومسكره وبس

بعدين قالت ... هتاكلني فين صحيح 

قال... في واحد في وسط البلد بيعمل لحمة راسه وكرشة حكاية.هخدك ااكلك عنده 

قالت بقرف... يععععع 

قال بضحك... ايه مالك هترجعي كده ليه.. طب انتي عايزة تاكلي ايه؟ 

قالت علطول.... كشري 

بصلها بقرف وطلع بالعربية 

....... 

: شكرا علي العشا و الخروجة 

قالتها حلا ل عاصي وهما خارجين من مطعم فخم بعد ما اكلو ومتجهين للعربية 

قال... اي خدمة 

فتح العربية وركبو 

بصلها وقال... مش هتحني عليا بقا 

قالت بغباء مصتنع... مش فاهمة 

عاصي قال... كفاية بعد ياحلا وتعالي نرجع 

وقبل ما ترد اخد بوكيه ورد من الكنبة اللي ورا كان جايبه ليها وقال.عارف انك بتحبي الورد، 

اخدته وفرحت بيه جدا لما شافها مبسوطه بقى عنده امل انها صالحته فقال... اظن كده متصالحين 

بصت له وقالت.... لا طبعا 

رفع حاجبه وقال... انتي قبلتي الورد يبقى معناها ان احنا اتصالحنا 

قالت.... لا طبعا مين قالك كده مش معناها اننا اتصالحنا هالص انا قبلت الورد عشان بحب الورد وده مش هيغير حاجه 

بصلها شوية وبعدين طلع بالعربية 

وهي بقت تشم في الورد بانتعاش 

........ 

وعلي حوالي الساعة خمسة الفجر 

فتحت حلا عيونها وبمجرد ماركزت في المكان اتخضت وقامت بسرعة نزلت 

(عاصي كان خدها علي الفيلا بتاعته وهي نايمة في مش حاسه)

تحت عاصي كان نايم علي الارض في الجنينة باصص للسما وسرحان،انتبه ل حلا اللي جات عليه وبتقول بغضب.... انت جبتني هنا ليه هاا. انطق 

بص عليها ومردش 

استفزها سكوته بقت تقول بجنون... ردد علييااا. 

بس هو كان متجاهلها بقت تلف حوالين نفسها وتقول بجنون.... انت ازاااي تجبني هنا انطق ردد عليااا. ....انا عايزة افهم جبتني هنا ليه 

وهي راحة جاية بغضب وفجأة توقع عليه لما حط رجله كعبلها فوقعت في حضنه

بقت في شدة عصبيتها وبتحاول تقوم بس هو كان قيد حركتها وهو بيقول..... شششش. اهدي 

قالت بغضب مكبوت... سيبني 

قال ببرود.... لا.. انا حابب وانتي في حضني كده 

وهو بيزيح شعرها 

قالت... عاصي سيبني لو سمحت

فك ايده من عليها قامت وهو كمان قام قعد علي الكنبة طبطب جمبه وقال.. تعالي 

بصتله وقالت بعند مش قاعدة يلا روحني حالا

بس هو شدها من ايدها قعدها.. بصلها وقال... هروحك بس مش قبل مانتكلم 

قالت... نتكلم في ايه 

ليمسح وشه بتعب ويبصلها ويقول... قوليلي هنفضل علي الحال ده لحد امتا.. حلا انتي عارفة اني بحبك. وكفاية بقالك 3 سنين بتبعدي.. انا بحبك وعاوز اكمل معاكي.. هو انا مش بصعب عليكي 

لتبتسم عليه وبعدين يظهر علي وشها الحزن وتقول ....بس انت مبتحبنيش ياعاصي. انت بس اتعودت علي وجودي ولما بعدت عنك.. 

بس هو قاطعها و قال بسرعة.... مش صح. انا بحبك بجد. صدقي ياحلا 

بس هي قالت بصعوبة... ومراتك معقول نسيتها 

اتنهد وقال... حلا سيبك من الافكار دي وانسي الماضي 

انا بحبك وعايزك 

مسك وشها وقال بقوة... صدقي ده 

...... 

مراد وقف تحت بالعربيه واتصل باليالي اللي بمجرد ما ردت عليه قالها..... انزلي 

قالت... انت فين 

قال... تحت مستنيكي. انزلي عايزك

كانت قاعده مع مامتها واختها اللي جات تزورهم

ليالي مفكرتش قامت بسرعه اخذت الجاكيت بتاعها وهي بتقول لمراد.... نازله حالا

وفاء باستغراب.... رايحه فين 

ليالي وهي خارجه باستعجال..... نازلة لـ مراد يا ماما 

بقت وفاء تضرب كف على كف وهي مستغربة لحال بنتها اللي اتبدل بعد ما كانت بتكره مراد بقت بتحبه بجنون، 

بصت لشيماء وهي مش مصدقة.... هي دي ليالي اختك.. لا حول الله ولاقوة الابالله 

لتبتسم شيماء وتقول.... الحب بهدلة ياماما 

.... 

: اركبي 

ركبت بصتله وقالت....هنروح فين 

قال وهو بيشغل العربية... هنتغدا بره 

...... 

... 

مساءا 

في السرايا كانو ملاحظين غياب عاصي وحلا وخصوصا حلا وبقو قلقانين عليها جدا خصوصا لما وفاء دخلت اوضتها اكتشفت انها مباتتش في سريرها من الاساس

الحاج همام بقي بيحاول يتصل بيهم لكن الاتنين مكانوش بيردو 

فضلو قلقانين لحد ما لقوهم داخلين  

قرب عليهم وهما بيتطمنو، الحاج همام قال سأل عاصي بقلق ... كنتو فين. بتصل بيك تليفونك مقفول ليه

ليقول عاصي... معلش ياعمي. بس كان معايا مهمة كنت بخلصها

الحاج همام باستغراب... مهمة ايه دي.. شغل يعني. وبت عمتك معاك بتعمل ايه 

فغمز عاصي ل حلا اللي اتحرجت جدا وقال... ما هي دي كانت المهمة.. الحمدلله تمت بنجاح 

وفاء قالت بفرحة بعد ما فهمت... انتو رجعتو لبعض 

وقربت من حلا حضنتها 

في اللحظة دي دخلو زين مرام ومعاهم ابنهم. بعد ما الدكتور سمحلها بالخروج من المستشفى، 

الكل قربو ليها واستقبلوها بحب 

: نورتي بيتك ياحبيبتي

قالتها وفاء وهي بتسلم عليها بحب لتقول مرام... بنورك ياطنط 

وفي نفس اللحظة دخلو مراد وليالي هما كمان 

ليقول همام.... كويس انكم كلكم دلوك متجمعين 

ليكمل ويقول....مش هنستنو اكتر من اكده. حضرو نفسكم من دلوك. بكرة باذن الله فرح لعاصي علي حلا ومراد علي ليالي 

... 

يتبع... 

جاري كتابة الفصل الجديد  للروايه حصريا لقصر الروايات اترك تعليق ليصلك كل جديد أو عاود زيارتنا الليله

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا