سكريبت _عايز أيه يا آدم ؟... كامل وحصري لمدونة قصر الروايات

سكريبت _عايز أيه يا آدم ؟... كامل وحصري لمدونة قصر الروايات 

سكريبت _عايز أيه يا آدم ؟... كامل وحصري لمدونة قصر الروايات 

_عايز أيه يا آدم ؟...

قرب منى و قعد جمبى ..:

_عايزك معايا

أبتسمت بخفوت على كلمته الكانت بتأثر فيها و تخلينى أنسى كُل الوحش !..

نفيت براسى و ملامحى كانت مايله للحُزن..:

_معدش ينفع ..الى بينا أنتهى

مسك أيدى بسُرعه و هو بيرفض كلامى..:

_مافيش حاجه أنتهت بينا طول ما أنا و  أنتِ لسه فينا الروح 

بصيت لعيونه ثوانى معدوده شوفت فيهم اللمعه ...لمعه الشوفتها فى عيونه يوم كتب الكتاب ، يوم ما وعدنى أنه مش هيزعلنى أبدًا ؟!..

سحبت أيدى منه بخفة..مسحت دموعى ..:

_فاكر يوم كتب كتبنا يا آدم؟

حرك راسه بالموافقه ، و شفايفة انبسطت في بسمة خفيفة..:

_أكيد طبعًا ده أسعد يوم

و هِنا دموعى نزلت أكتر من غير قيود...

_أنتَ و عدتنى اليوم ده أن عُمرك ما هتزعلنى أو تأذينى و أهو  لسه متقفلش علينا باب و احد و أذتنى يا آدم أذيت مشاعرى قللت من حُب ليك خلتنى مش عارفه أثق فى حد بسببك؟!.. لما عرفتك كانت مشاعرى مجروحه بس كان لسه فيها الروح أنتَ بقا عملت أيه ؟.....

شاور بإبهامي لفوق ..:

_رفعتنى سابع سما و نزلتى لسابع أرض أنتَ قت.لت.نى ق.تلت مشاعرى  ضعيت أخر ذره أمل عندى 

مع كُل كلمه كُنت بقولها  دموعه كانت بنزل معايا ....دموعه العُمرها ما نزلت ....دموعه الى لو كانت نزلت زمان كُنت هجرى عليه و أخده فى حُضنى!..

أتكلم بصوت مُتحشرج أثر دموعه و نبرة مُنكسرة..:

_أنا آسف يا هَنا أدينى فرصه أعوضك أنا حسيت بقمتك خلاص عُمرى ما هخذلك أبدًا 

أبتسمت إبتسامه بهته من غير روح و هِنا أكتشف قد أيه الكلام سهل و الوعد بتتقال فى لحظه حماس مش أكتر .

_فرصك خلصت يا آدم كُل واحد ليه رصيد عند التانى و أنت َ أستنفذته كله

و قفت و أنا باخد شنطتى و هِنا أتأكد أنه خلاص مبقاش فارق معايا الوحش طغى على الحلو 

أتكلم تانى كأخر مُحاوله معايا..

_أنا عرفت قيمتك يا هَنا و إستحاله أفرط فيكى تانى 

بصيت لهيئته الضعيفه و لنظراته الراجيه..:

_ليه أبقا مع حد حس بقمتى بعد ما فرط فيها ؟؟..و أنا مُمكن أبقا مع حد حاسس بقيمتى من الأول لدرجه أنه مش قادر يشوف زعلى ؟..

كُنت بجاهد عشان أخلى نبرتى ثابته و مجريش علية!..

أبتسم بحُزن على كلامى و عيونة بتتشرب ملامحي..:

_عندك حق أنتِ تستهلى الأحسن منى هدعيلك فى كُل صلاة بان ربنا يعوضك بالأحسن منى

شاور على عيونى الكانت بتنساب منها الدموع ..:

_متعيطيش تانى متنسيش كلامى يا وردتى 

أخدت خطواتى بعيد عنه لو فضلت أكتر من كده كُل حصونى هتقع مشيت و أنا بفتكر جُملته الكان بيقولها كُل ما أعيط

"كفايه عياط يا وردتى ...الورد بيدبل من كُتر ما بيتسقى بالمايه"