سكريبت_وأنت من أمتى بتسمعني أصلًا كامل حصري
سكريبت_وأنت من أمتى بتسمعني أصلًا كامل حصري
_وأنت من أمتى بتسمعني أصلًا
قولتها بزعيق جامد ومتأكدتش من حجم الكارثة اللي عملتها إلا لما فوقت على قلم نزل على وشي
_أنت شكلك محتاجة تتربي من أول وجديد
زقني جامد وراسي اتخبطت في طرف الترابيزة بس مكنتش مدركة أني بنز ف وراسي مفتوحة غير لما شوفت ملامح الصدمة على وشه. . .
_بزعيق:متجيبش سيرة تربيتي أنا أبويا رباني كويس وكويس جدا كمان
_بصدمة: أميرة أنتِ كويسة!
_إيه.. إيه الدم ده
شالني ونزل يجري بيا على المستشفى حسيت بخوفه عليا لكن ميمنعش أني مش هقدر اسامحه
_حمدلله على سلامتك يا أميرة
بصيلته بضيق وسندت راسي على السرير وغمضت عيني كأني بهرب. . . بهرب من كلامه معايا وبهرب من النقاش اللي بيقلب بخناقة كل مرة، هو أنا اتسرعت فعلًا! معقول!
_أنا عارف أنك زعلانة مني بس أنا مقصدتش وأنت عارفة لما بتعصب يا أميرة بيكون غص. . .
_اطلب بابا يجي ياخدني لوسمحت
_طب ممكن نتك. .
_مش قادرة فعلا لو سمحت اطلب بابا يجي ياخدني دلوقتي
_طيب أنا هوصلك
"وصلني فعلا لبيت بابا وانا طلبت منه يمشي لاني مش عايزة أي نقاش"
•أميرة أنت كويسة يا حبيبتي مال راسك حصل إيه!
_متخافيش يا ماما خبطة بسيطة دخليني بس
•إزاي جوزك سايبك كده هو فين؟
_كان معايا يا ماما بس انا طلبت منه يمشي علشان عنده شغل
• بصيت ليا بطرف عينها وكأنها عارفة أني بكذب: متأكدة يا أميرة أنه ملهوش دعوة باللي حصلك
_اه يا ماما متخافيش سيبيني أنام بس شوية
سابتني وخرجت سابتني مع افكاري! مع ماضي أليم ليا!!
وبدأت استرجع اللي حصل
_يا ماما دي حياتي ارجووكي وافقي
•معاذ مش مناااسب ليكي افهمي
_لاا لاا انا عرفاه هو طيب متخافيش ده بيحبني
•امشي يا أميرة امشيي انا قولت اللي عندي
_كده! طب لو مش معاذ مش هيكون غيره يا ماما وبرضو ده أخر كلام عندي
_تمام يا أميرة بس مترجعيش تشتكي تاني نهاائي يا أميرة
فوقت من شرودي على رنة التليفون كان رقمه! بس معرفتش اعمل إي لسه قلبي بيدق ليه بعد كل اللي حصل! يمكن هو بيحبني بس مبيتحكمش في عصبيته
•افتحي الباب يا أميرة
_حاضر يا ماما. . . . .
:احم صباح الخيير
_نعم!
:عديني أدخل
_لا.... "قفلت الباب في وشه ودخلت"
•يوه أنت مفتحتيش يا أميرة
_ملهاش لازمة يا ماما نفتح ادخلي المطبخ
•إزاي يعني... "سابتني وفتحتله"
:صباح الخير يا طنط
•ادخل يا أستاذ علشان نتحاسب
دخل وماما بدأ تسأله إذا كان هو السبب ولا لا وهو بيبصلي ويسكت
•يعني معنى كده أنت السبب في اللي حصلها!
:والله يا طنط مكن. . .
•برة
:إيه
•اطلع بررررة أميرة دي مش هنشوف ضافرها حتى
:يا طنط أنت عارفة أني بحبها والله
•بررررة يا معاذ
خرج ولقيتها بصتلى بس أول ما شافتني عيوني دمعت أخدتني في حضنها وأنا انهارت وكأني كنت محتاجة الحضن فعلا ومستنياه.... احساس صعب أنك تلاقي نفسك بتهون على اقرب الناس لقلبك! مش هنكر أنه بيحبني و بعيد عن الخلافات بيساعدني في كل حاجة بس... بس لحظة عصبية منه بشكل بشع تكسر كل حاجة! تدمر ألف لحظة حلوة! حتى الأمان...
كنت داخله أنام بهرب من أفكاري بس لقيت إشعار جالي كان منه...
"أرجوكي طمنيني عنك عارف والله أني اتعصبت زيادة بس غصب عني بس أنت أكتر حد عارف أني بحبك صح"
رديت عليه في ساعتها : لا لو كنت زي ما بتقول كنت هتتغير يا معاذ... لكن أنت زي ما أنت! طب وبعدين أنت متخيل أن الأمان اللي هو أساس أي علاقة أنا معنتش بحسه معاك!!
لو فعلا عايزني أنا مش هرجع إلا بشروط
:إيه الشروط؟
_تعالى بكرة الساعة ٥ علشان نتكلم
قفلت الموبايل بس كان لازم حد يساعدني في التوهان بتاعي والتشتت اللي حساه هيدمرني أكتر!
_ماما صاحيه؟
•تعالي يا أميرة محتاجة حاجة؟
_محتاجة مساعدتك
•بتحبيه؟
هزيت راسي ب اه
• للأسف لا يا أميرة
_إزاي
•من الأول قولتلك أنه مش مناسب بس أنت عاندتيني ، كنت عارفة أن اليوم ده هيجي، هو مش مصدر أمانك يا أميرة أنت مش بتشوفي بتخافي منه إزاي؟ مفيش حب معاه خوف يا حبيبتي مبخربش بيتك ويعز عليا ألمك يا نور عيني بس هو كمان مش بيحبك هو بس اتعود على وجودك في حياته واهتمامك اكل ولبس وشرب
_معقول!
•اه
_طب أنا قولتله يجي بكرة علشان نتكلم ونحط شروط!
•خلاص سيبيني أتكلم وهثبتلك بس عايزاكي تثبتي ومتظهريش ضعفك ليه
_حاضر
يمكن كلام ماما فوقني لحاجات كتير! قعدت أفكر طول اليوم بس وبعدين! دماغي والصداع... هو أنا سكت كل ده إزاي
:احم صباح الخير
•بصلي أنا متكلمهاش
:مش مراتي!
• بتحب أميرة بصحيح يا معاذ!
:اكيد يعني هو ده سؤال
•واللي بيحب حد يبهدله؟
:أنا بهدلتها؟
•أنت غيرتها تماما.. للأسوأ، وش بهتان ضعفت بقت حزينة بنتي اتغيرت وأنا شيفاها قدامي بتدمر
اتكلم بابا اللي كان ماسك نفسه بالعافية
-عارف يا معاذ أميرة دي والله ما كنت أسيبها لو أي حصل بس لما جيت مرة واتنين وحسيتها هي موافقة وافقت علشانها "نبرة صوته عليت" أميرة دي أنا مبضربهاش من وهي صغيرة تيجي حضرتك تمد أيدك!
:غصب عني ما هي بتعصب..
-اششش مسمعش حسك بتعصبك تكلمني اجبلك حقك لو ليك حق تمد إيدك! لى ملهاش حد! جايبها من الشارع! بص أميرة مش هتمشي من هنا غير بشروط
:إيه هي؟
-هتروح لدكتور نفسي الأول علشان نحل العصبية الزيادة ونشوف ازاي تتحكم فيها
:نعم لا طبعا
-بابا زعق اكتر: والله ده اللي عندي ولسه باقي الشروط
:لا هو أنا مجنون
_مجنون! هو أنت مش عايز تحل يا معاذ ما لازم نشوف سبب المشكلة
:انت اتهبلتي أنت كمان أن على اخر الزمن اروح لدكتور..
بابا نزل بقلم على وشه! انا نفسي انصدمت بس حسيت نفسي فرحانه قلم يعوض عن كل قلم انضربته وكل وجع!
:هي بقت كده طب خلوها عندكم بقى
"ده بجد! ده مشي من أول محطه ومن أول شرط! "
•قولتلك هو تعود، وأنت كمان انسيه تجربه سيئة وراحت لحالها متزعليش نفسك
_صعبة
•عارفة بس أنت قدها قومي وانزلى شغل وشوفي حياتك واخرجي
_هحاول حاضر
لسه تحت تأثير صدمة الموقف والأسوأ أنه مرضيش يديني حاجتي نظير القلم اللي بابا ضربهوله هو أنا كنت مخدوعة أوي كده فيه!
بدأت اكلم صحابي وأرجع العلاقات اللي كان مانعني منها بحجة "الغيرة" كان مانعني عن الحياة وأنا ماشية وراه ومش حاسه!
_صباح الخير يا حلوين
-صبااح النور يا ميس
_افتحوا الكراريس يلا يا أبطال
نسيت أقولكم بدأت شغل في الحضانة، لأن أكتر حاجة بحبها الأطفال فحسيت نفسي ومكاني هنا
_نهى
-اخيرا شوفناك يا بنتي يااااه
_الحمدلله كنت في دنيا تانية خاالص
-ربنا نجدك، لسه مداكيش حاجتك
_للاسف لا يا نهى
-ارفعي قضية!
_حاسني متوترة وحبالها طويلة
-ملكيش دعوة هدلك على حد محامي شاطر جدا
_بس يا نهى يمكن يجيبهم لوحده!
-لسه لسه! انت تاااااني يا بنتي ده مخاادع
_طيب يا نهى اللي فيه الخير يقدمه ربنا
نهى زميلتي في الشغل وهي اللي ساعدتني الاقي الشغل كمان، لطيف أنك مهمها تغيب وترجع تلاقي صحابك لسه فاكرينك ومعاك واقفين في ضهرك، ونهى دي رفيقة دربي مش بس صاحبة!
_يا نهار أبيض إيه اللي وقعك بس
&راااسي راااسي
_متخافيش متخافيش يا عيوني أضربي الأرض اضربيييها
&وحشه نوتتتي
_قوللها أنا ليان قوية
&أنا ليان قوية وهي نوتي، باباااا أنت جيت
يتبع....
"بارت 2"
: حبيبة بابا
-شوفت لسه واقعة بس انا أقوى والمس خلتني ازعق للأرض
:اقوى! معقول بنوتي قوية كده
-راسي وجعاني شوية
:هاتي راسك أبوسها
"شوفت الموقف من بعيد، فرحانة بعلاقتهم وبحب ليان جدًا من الشخصيات الكتكوتة اللي بحبهم بس حساها عندها حاجة في البيت هي اوقات بتعيط كتير وبحس بحزنها "
_ها يا نهى!
•جبتلك اسمه يا لوزة، اسمه آسر الرافعي
_هيجيب من الآخر يا نهى؟ أنا خايفة
• ده أكتر حد بيشكروا فيه واهو محاولة يا أميرة واكيد ربنا مش هيخذلنا
"لسه بتدور في بالى افكار كتير! اكمل ولا أوقف بس حاجتي! لحد دلوقتي مش مستوعبة هو إزاي هونت عليه كده؟! "
_الله الله إيه الحضن الجميل ده
-بحبك يا مس
_والمس بتحب ليااان قد الببحر
-شكلك زعلان لى طيب
_وانتِ عرفتي منين بقى يا ست ليان أني زعلانة
-باين عليكي يا مس أنت فكراني أي كلام ولا إيه، ماما كانت بيبان عليها كده برضو لما تزعل وكنت بعرفها، بس هي مشيت وسابتني
-راحت فين؟
_راحت لربنا فوووووق خاالص، بس بابا قال أنها هتحس بيا علشان كده لازم مكنش زعلانة علشان هي كمان متزعلش
"لوهله ابتسامتي اختفت! قلبي وجعني عليها أوي،طفلة فقدت أهم عمود في حياتها كمية الألم والوجع اللي في الموضوع وهي شايفة صحابها مع اهاليهم! "
_الله يرحمها يا عيوني، اممم اومال بيعملك التسريحات الحلوة دي؟
- حبيبي
_حبيبك؟
-بابا حبيبي بيقعد يتعلم، وماما كانت بتعلمه وتساعده كمان قبل ما تمشي
_كل التسرحيات القمر دي من بابا؟ طب بتحضنيه بقى على كده
-اه كل يوم ، اهووووو بابا جه
شالها :حبيبتي اللي وحشاني
-بص يا بابا المس لسه كانت بتشكر في تسريحاتك
:معقول؟ في أمل مني؟
_اه والله ما شاء الله جميل جدا، ربنا يحفظهالك ويبارك فيها
:تسلمي يارب
-أنا والمس بقينا صحاب خلاص
_احلى صحاب يا لولي
:ربنا يديم الصحبية يا ستي
"الموقف علّم فيا جامد قلبي واجعني، فكرة انك تشتغل في حضانة فكرة لطيفة التعامل مع الاطفال بيخفف عنك بس لما يحصل موقف زي ده بيأثر فيك ويفضل معلم في قلبك وكل لما اشوفها هفتكر! "
_ لو سمحت كنت عايزة أدخل لأستاذ آسر أنا واخدة معاد
-حاضر اسم حضرتك
_أميرة.. أميرة خالد
-طيب...اتفضلي يا فندم
_السلام عليكم. . . . أستاذ آسر؟
:يااه معقول نورتي المكتب ميس أميرة اتفضلي
_ شكرا
:ليان مبطلتش كلام عنك طول اليوم، شكلك محبوبة تبارك الله
_الله يكرمك تسلم
:اتفضلي حضرتك جاية بخصوص إيه؟
_زوجي....
حكيت ليه اللي حصل كله وانه واخد حاجتي ورافض يطلق ولا يديني حاجتي!
:متقلقيش إن شاء الله
_هياخد وقت طويل
: حبال المحاكم طويل يا أستاذة أميرة بس صدقيني علشان خاطر ليان بنتي ومعزتك عندها كمان أني هحاول أعمل أقصى جهدي
كان حدث غريب مكنتش في التوقع خالص اتمني انه يساعدني
_صباح الخير يا لولى قاعدة لوحدك لى؟
-زعلانة
_لى يا روحي
-ماماا وحشتني أوي يا ميس
_بس أنت شطورة وقوية صح؟
-اه
_وأنت عارفة أنها في مكان أحسن بكتيير من هنا لو هي شافتك زعلانة كده بقى؟! ينفع تزعليها
-لا لا
_طب يبقى كل لما تحسيها وحشتك اقعدي ادعيلها كتيير كتييير
-حاضر
_وبعدين ما انا معاك كل لما تحسي نفسك في حاجة وماما مش موجودة اعتبريني انا ماما وتعالي اطلبي مني
-بجد؟
_اه طبعا وبجد جدًا
-حضنتني:شككرا يا مييس
_أحلى لوللي
___منهـ محمد________
_السلام عليكم
:وعلييكم السلام، مش عارفة أشكرك إزاي
_على إيه
:موقفك مع بنتي مش هقدر انساهولك بنتي مبتبطلش كلام عنك
_الله يحفظهالك هي تتحب والله، أنا اللي مش عارفة أشكر حضرتك إزاي
:دي أقل حاجة والله، هو كده الحمدلله وصله أنك رافعة أكتر من قضية فتوقعي أي رد فعل
_رد فعل؟!
:اه طبيعي يبقى ليه رد فعل، لكن اطمنك لو حصل اي حاجة انا في ظهرك كلميني في أي وقت
_أنا خوفت
:لا لا والله مش القصد بس ده توقعي
_طب خير إن شاء الله
•مالك يا أميرة ده أنت مفروض تفرحي ان حقك بيرجع
_فرحانة يا حبيبتي بس كلامه قلقني وأن ممكن يكون ليه رد فعل
•احنا معانا ربنا يا أميرة متخافيش وربنا يوقفلنا ولاد الحلال
_يارب يارب
قلبي اتقبض أول لما سمعت خبط على الباب
_أيوة أيوة حاضر
&اتفضلي يا فندم الورقة دي جيالك من المحكمة
_محكمة!
&اه ورق طلاقك.. ممكن تمضيلي هنا
"بقدر ما انا كنت مستنية الجملة إلا أنها وقعت عليا وقع وحش صدمني كانت ثقلية عليا! "
:كويس أن رد الفعل جه كده ، كده فاضل المحاكمة بتاعت الأسبوع الجاي والموضوع ينتهي
_ابتسمت بحزن: الحمدلله
:مالك؟
_مكنتش متخيلة أن كل ده يحصل
:خير خير يا أستاذة أميرة متقلقيش ولا تزعلي والله ربنا يعوضك بالأحسن..
:لولي
-نعم يا بابا
:محكتيش يومك ليا النهاردة
-ولا حاجة روحت الحضانة ومس أميرة قعدت تلعب معايا في البريك كتييير وقولتلها يا ماما
:يا ماما؟
-اه كل لما احسن ان ماما وحشتني أقولها يا ماما احضنيني وهي حضنها جمييييل.
:اممم يعني بتحبيها
-كتييير كتيير خالص
:نجيبها تعيش معانا؟
-بجد ينفع؟
:مش عارف هنشوف هتوافق ولا لا
-يارب توافق يارب
:يعني أنت فرحانة؟
-فرحانة جدًا جدددًا قد البحر وسمكاته
:وانا بحبك قد البحر وسمكاته
"لما شوفت أميرة لأول مرة لفتت انتباهي بطيبتها وتعاملها مع الأطفال بس كان عادي يمكن بحكم الشغل! اتفاجأت لما اتعاملت معايا لقيت ان ده طبعها ومن حكاوي ليان عنها كل يوم كمان، أميرة فعلا اسم على مسمى"
:وأخخييرًا نقدر نقول مبارك يا استاذة أميرة
_أنا مش عارفة اشكر حضرتك إزاي
:سهلة وافقي عليا
_أوافق عليك؟
:اه، ياريت تحدديلي معاد مع الوالد وتوافقي ويبقى كده خالصين
_نعم!
:طب هاتي الرقم وأنا احدد معاد
_....
:هنفضل في حالة استغراب كتير؟
كتبتله رقم بابا وأنا مش مستوعبة، كنت دايما بشوف فيه الأب الحنين والراجل فعلا بمعنى الكلمة، كنت بظعي ربنا يرزقني بـ أب لـبناتي زيه بس يجي هو!
:احم احم نورتي يا أستاذة أميرة
_بنورك يا أستاذ.... ثانية ده بيتي أنا أصلًا
:ما أناقولت ألطف الموضوع، المهم تقبلي بيا اقبلي علشان خاطر ليان لياااان
_ليان دي روحي
:يعني موافقة
_أنا مقولتش كده أنا عايزة وقت أفكر
:يا عمممي المأذوون
"بارك الله لكما وبارك عليكما وجمع بينكما في خير"
: أميرتي
_ بتعرف تثبت بالكلام كمان
:اومااال
_يا بني هو أنت لحقت تعرفني أمتى أصلا
:هي ليان مبطلتش كلام عنك أصلا احنا بنصحى على سيرتك وبنام عليها ، اهي ليان اهي
-اخيييرا ماماااا
_عيون ماما أصلًا وروح قلبي
-كده هتنامي جنبي وتحكيلي قصص
_هنام جنبك واحكيلك قصص
-هتروحي معايا الحضانة
_هروح معاك الحضانة
:في ضيف شرف وسطكم هنا ممكن تضموني معاكم؟
ضحكت على كلامه: لا لا كفاية عليا ليان
:ضحكت يعني قلبها مال!
_وأنت الصادق هو مال فعلًا يا سيدي هنعمل اي بقى
"قد تكسب في يومًا ما شخصًا يعادل ما خسرته في حياتك كلها"
تمت.
تعليقات
إرسال تعليق
فضلا اترك تعليق من هنا