سكريبت فوقت لقتني في مكان غريب كامل وحصري
سكريبت فوقت لقتني في مكان غريب كامل وحصري
فوقت لقتني في مكان غريب، غريب جدًا، اي الاحتفالات دي!
واي اللبس اللي الناس لبسَه ده!
وقفت ونفضت التراب من علىٰ هدومي، وبدأت أتمشى في المدينه العجيبه دي، لحد ما وقفت قدام صوره علىٰ جدار عملاق خلتني اتصدمت
- أي ده!
أنا أكيد بحلم، مش دي روبانزل!
وقفت شخض
- لو سمحت هو اي الاحتفالات دي؟
وإحنا فين.
بصلي بستغراب علىٰ شكلي ولبسي
- النهارده الذاكره الثانيه لـ يوم ميلاد الأمير ساهر إبن الأميرة روبانزل.
- روبانزل!
- اه وبعد ازنك يا هانم
- لأ كدا اكيد ف حاجه غلط!
روبانزل مين! ومين الأمير ساهر ده كمان
فضلت أتمشى ف المدينه وانا بحاول استوعب أنا جيت هنا ازاي!
وهل ده حقيقي ولا اي بالظبط!
- إنتِ مين؟
بصيت في إتجاه الصوت لقيت شاب طويل وجسمه متناسق وعضلاته تهبل، وعيونه تجنن، ده أكيد مش حقيقي ده خيال.
- إنتِ مين، واي لَبسك الغريب ده!
كُنت لابسه بنطلون بوي فريند تلجي علىٰ تيشيرت أوفر سايز لافندر.
- أنا لبسي غريب!
ماشاءالله علىٰ لبسك، لابس حديد!.
اتكلم بثقه
- أنا الحارس جميل، من حراس المملكه.
قولت بتلقائيه
- أنتَ فعلًا جميل، جميل خالص.
بصلي بستغراب، ماهو اكيد يا أنا مجنونه ياهتجنن مفيش غير كدا!
بدون تردد
- هو ماكسمس حقيقي؟
- يعني اي حقيقي!
بفضل ماكسمس الجرايم اختفت من المملكه في يوم وليله.
سقفت بـ حماس
- الله ده بجد، طب أنا عايزة اشوفه.
اتكلم بغضب
- أنتِ برضه مقولتليش أنتِ مين؟
أنتِ مش من المملكه، ولا ده طريقة لبس أي ممكله تانيه، إنتِ شكلك من عالم تاني!
رديت بلغبطه
- انا، أنا ممكن توديني للأميرة روبانزل!
ببرود
- مش مسموح بدخول اي غريب القصر الملكي.
- من فضلك!
- ممنوع
- عشان خاطري!
- وأنا اعرفك منين عشان اعملك خاطر.
فكرت بسرعه
- لقتها!
بصلي وكأني جايه من كوكب المريخ
- أي دي اللي لقتيها!
اتكلمت وكأني مسمعتش هو قال اي
- أنا عايزة الأميرة روبانزل في أمر هام بالمملكة، ولازم اقابلها حالًا.
- تمام اتفضلي قدامي.
مشي وانا مشيت جانبه مش وراه ولا قدامه، بصلي
- أي مبحبش امشي قبل ولا وراه حد، هو جنبك حلو.
اتنهد بفراغ صبر
اي ده يولاد هو الرجاله اللي في ديزني رخمين كدا برضه، يخي حسبي الله في الرجاله.
- اتفضلي.
- فين!
- القصر الملكي عشان تقابلي الأميرة روبانزل.
بإنبهار
- واو، هو اي كل الجمال ده، ياربي ده احلا من اللي بيجي في الكرتون.
- كرتون!
- يووه متخدش في بالك.
دخلت معاه القصر وبدأت امشي معاه وانا مبهوره بجماله، قد اي شكله لطيف ومريح للعين جدًا، أنا خلاص قررت، أنا هكمل بقيت حياتِ هنا، مش هرجع مَصر تاني.
فوقت من سرحاني علىٰ صوته.
- اقفي هنا ومتتحركيش هبلغ الأميرة بوجودك، وبعدين هدخلك.
- حاضر.
دخل من باب كبير بس شكله لطيف اوي، لونه كافيه تحديدًا درجة الفانيليا لاتيه، وبعد دقايق خرج.
- الأميرة في إنتظارك.
دخلت بهدوء وانا بتأمل في كل شيء حواليا، لقيت روبانزل في إنتظاري وهي مبتسمة.
- عا الأميره المفقوده!
ضِحكت برقه.
- أهلًا بيكِ في المملكة، الحارس جميل قالي أنك عايزة تقوليلي شيء هام بالمملكه.
ابتسمت بخجل
- احم لا ده شيء هام بيكِ أنتِ يا روبانزل.
- بيا أنا؟
- آه.
بإستفهام
- فـ الأول إنتِ مين؟
وإزاي دخلتِ المملكه؟
- أنا موج، وإزاي دخلت المملكه مش عارفه، أنا نمت وصحيت لقتني هنا!
- موج!
إسمك غريب!
أبتسم بمرح
- بس جميل مش كدا!
ابتسَمت
- لطيف.
ممكن تقوليلي اي شيء اللي أصريتِ إنك تقولي ليا بنفسك؟
- احم، أنا أعرف عنك كل حاجه، بلـ مش أنا لوحدي، كل شعب العالم بتاعي يعرف قصتك كلها من أول ما خطفتك الأم جاثل لـ حد ما بفضل يوجين رجعتِ لأهلك تاني!
- عارفين ده إزاي؟
- أنتِ أميرة من عالم ديزني، ده عالم كرتون لطيف الأطفال بيحبوا جدًا والكبار كمان.
- كرتون!
يعني اي كرتون؟
في الوقت ده دخل يوجين.
- روبانزل، حبيبتي.
اي ده عندك ضيوف؟، مكنتش أعرف
وقفت مكاني وصرخت.
- فلين رايدر
بصلي
- احم، مين دي يا روبانزل؟
- دي بنت من عالم غريب، وبتقول أننا من عالم عندهم اسمه عالم، بينزي ريزني مش عارفه!
- احم ديزني
- ديزني!
علىٰ العموم إنتِ جيتِ عالمنا ازاي؟
- مش عارفه يافلين.
- اسمي يوجين.
حمحمت بإعتذار
- أسفه
- لأ ولا يهمك، ويلا ارجعي العالم بتاعك، وأنتِ يا روبانزل يلا عشان تجهزي.
- مش عارفه هرجع تاني ازاي؟
ممكن أحضر معاكم العيد ميلاد؟
بصو لبعض وبعدين بصولي
- من فضلكم
عايزه اشوف الأمير ساهر.
- امم باين عليها إنها طيبه خالص، تعالي معايا عشان تجهزي إنتِ كمان.
شدتني من ايدي وقبل ما نخرج سمعت يوجين.
- غريبة الأطوار هتحضر يوم ميلاد ساهر!
اما نُكته والله.
دخلنا غُرفة الملابس
- ياه أما روعه بصحيح
- عجبتك؟
عيوني كانت قربت تطلع فراشات من كُتر الفرحه
- جدًا
ابتسامتلي
- كلهم من تصميمي.
- جُمال أوي اللهم بارك.
وهي لسه مُبتسمه
- أختاري الفستان اللي يعجبك، بعد ازنك هروح أجهز وأشوف ساهر.
ابتسمت بشُكر
- تمام، وشكرًا جدًا ليكِ.
بإبتسامه جميله
- مفيش شُكر علىٰ واجب.
فضلت أتفرج علىٰ الفستانين، كلهم أجمل من بعض، بس عيني وقعت علىٰ دريس كافيه، هادي جدًا عليه فراشات رقيقه، وليه نافشه بسيطه، وبجد كان سُكر خالص، لَابسته ولبست هيلز بيضه وفردت شعري البني علىٰ كتافي بطريقه لطيفه وخرجت من الغُرفه وانا بدور علىٰ روبانزل.
- روبانزل
ضحكت وانا بقول بخفوت
- دلدلي شَعرك.
وفضلت ألف حاولين نفسي وانا مبسوطه وبتمنى أن لو انا في حلم مصحاش منه.
- بتعملي اي عندك؟
صرخت، ولكن لقيت ايد بتحط علىٰ شفايفِ.
بهمس
- هش هش، صوتك.
عرفت من صوته انه الحارس جميل، حركت رأسي بعنف فـ شال إيدهُ؛ ولكن لسه مكتف أيدي.
- طب سبني لو سمحت.
بصلي بعد ما آخد بالُه من لبسي، حرك ايدهُ علىٰ شعري وابتسم
- أنتِ جميله كدا ازاي!
وشي بقا طماطميه من كُتر الكسوف.
- شكرًا.
رجع خطوه لورا
- اتفضلي يا
أبتسمت وأنا بحط شعري وار ودني.
-موج، أسمى موج.
أبتسم
-إسمك يشبه عيونك كتير.
- اتفضلي سمو الأميرة في إنتظارك في ساحة القصر.
اتحرك دلالتً علىٰ إني اكون وراه
أبتسمت وانا بقولهُ
- أنا مش قولتلك مبحبش امشي واره حد.
بعد دقايق بسيطه كُنت واقفه مع الأميرة روبانزل.
- اللهم بارك ده جميل خالص
ممكن أشيله؟
أبتسمت
- أكيد
الأمير ساهر، يروحي علىٰ جمالُه، طفل لطيف وجميل عيونه نفس عيون روبانزل وشعره ناعم جدًا زي يوجين، ياه لو كانوا عاملوا جزء تاني عشان الكل يشوف ساهر السُكر.
في الحفله كانت روبانزل واقفه مع الأميرات قربت عليهم وانا مُتحمسه ومش مصدقه إني شايفهم قدامي.
شافتني الأميره روبانزل
قربت منهم وابتسمت
- أهلًا.
كلهم
- أهلًا بيكِ
روبانزل وهي بتشاور عليا
-موج بنت من عالم غير عالمنا ولكنها لطيفه.
- الأميره بيل!
اووه انا بحبك جدًا وبسببك بقيت مهووسه بالكُتب والروايات زَيك.
لفيت بحماس
- سندريلي، سندريلي أرق أميرة في عالم ديزني.
وبدأت الاحتفالات والكل فرحان وبيرقص علىٰ الميوزك اللي رقصت عليها روبانزل لما دخلت المدينة لأول مره.
قرب الحارس جميل
- ترقُصي؟
- هل الأميرة هتسمحلك؟
أبتسم
- النهاردة مسحولنا بُكل شيء.
رديت بحيره
- بس أنا مش بعرف ارقص.
أبتسم
- هعلمك.
ومسك إيدي وبدأنا نرقص، وأنتهىٰ اليوم بعد احتفالات كتير، وعادة فترة وأنا موجوده في القصر ومع جميل، وسمحتلنا روبانزل بِـ زيارة البرج.
وإحنا في الطريق قابلنا ماكسمس
- ماكسمس.
جه وقف قدامنا وبدأ في الصهيل بيسأل احنا رايحين فين؟
- رايحين البُرج اللي كانت عايشه في روبانزل زمان.
بدأ في الصهيل مره تانيه.
ابتسمت وانا بقول
- عشان نفسي اشوفه ياماكس.
حضنته وكملنا في الطريق أنا وجميل.
- تعرف ياجميل، أنا قولت أكيد روبانزل هتأمر بهد البرج.
أبتسم بحب
- الأميرة بتحب البرج جدًا، لأنه فيه ذكريات كتير خاصه بيها، وكمان مش أي حد بتسحملُه يدخل البرج، وصلنا.
ابتسمت وأنا ببعد الشجر وبدخل في إتجاه البرج
صدمت من إرتفاعه وجماله.
- ياربي ده عالي جدًا!
أبتسم
- بتخافي؟
- تؤتؤ بس هنطلع فوق ازاي؟
هنتسلق البرج؟
ضحك
- لأ مش مش هنتسلقهُ
وراح في إتجاه باب صُغير وفتحه
- هنطلع من هنا.
بصيت للبرج وحسيت اني تبعت من قبل ما اتحرك
- وأنا هطلع ده كُله ياجميل.
أبتسم وهو بيغمز
- لو تعبتِ هشيلك ياقلب جميل.
- عـ علـٰ لىٰ فكره أنت قليل الأدب
وسبته وجريت نحيت البرج
اول ما وصلنا قاعدة علىٰ أول كُرسي قابلته في وشي.
اتكلمت وانا بنهج
- هو أنتم بتطلعوا هنا عادي، مابتتعبوش!
أبتسم بإرهاق.
- كلها دقايق وهتنسي تعب الطلوع.
بعد مُدىٰ بسيطه بدأت اتفرج علىٰ البرج
- ده جميل اوي
أبتسم بمشاغبه.
- ايوا أنا جميل اوي.
- انا بقول علىٰ البرج.
وسبته وبدأت اتفرج علىٰ رسومات روبانزل، واتفرجت علىٰ البرج كله.
بعد ما قاعدة علىٰ الكُرسي اللي جنبه.
- تعرف ياجميل
أبتسم بحب
- عرَفيني ياقلب جميل
خدودي احمرت وبقت شبه الطماطم.
- اتلم شويه
ضحك
- حاضر، كملي كلامك.
بدأت اتكلم وانا بتأمل في كل اللي حواليا.
- كُل شيء هنا جميل ولطيف، انتم جمال اوي ياجميل.
لقيته قاعد قدامي علىٰ رُكبه ونص
- موج أنا بحبك.
ابتسمت بكُل حب.
- وانا محبتش غيرك ياجميل.
ضحك وهو بيمسك خدودي
- قلب وروح جميل.
- موج، حبيبي اصحى يلا الطياره مش فاضل عليها غير كام ساعة
- طياره!
طيارة اي، آمال فين ماكسمس.
حسيت بإني في الهوا وفجأة اتصدمت بـ مايه.
- عااا غيم متهزرش.
- خدي شور وفوقي ياحبيبي عشان منتأخرش علىٰ الطياره.
وكمل بسخريه
- يابتاعت ماكسمس.
اخدت شور وخرجت وجهزت نفسي.
قربت وحضنته
-تعرف اني حلمت النهاردة بحلم سُكر خالص، وأنت كُنت معايا.
شدد علىٰ حُضني وهو بيبتسم
- ويا ترا أنا كُنت اي في حلم النهارده؟
ابتسمت بمشاغبه وانا بطلع من حُضنه
-حذر فظر.
ضحك
- ساحر ولا مصاص دماء ولا كائن فضائي.
ابتسمت بحُب.
- حارس ملَكي.
- وكان شكلي عامل ازاي؟
بكل حُب
- نفس الملامح ونفس كل حاجه تعرف أنتَ كُنت جميل أوي في لبس حراس المملكة.
شدني لـ حُضنه تاني.
- مفيش أجمل من عيونك ياحبيبي.
ابتسمت
- كان أسمك جميل.
بصلي بستغراب
- احلا من غيم يعني؟
ضحكت
- لأ مش قصدي، قصدي كان اسمك الحارس جميل فاهم اللي هو زي غيم كدا.
ضحك
- فهمت يا آخرة صبري.
شددت علىٰ حُضنه
- تصور اني اكتشفت إني مبعرفش أعيش من غيرك.
أبتسم
- ولا انا والله.
- بحبك.
- أكتر يا أميرتي.
' وتحت مقولة إختار ما يُنير قلبك، أختارتك أنتَ.'
تعليقات
إرسال تعليق
فضلا اترك تعليق من هنا