سكريبت كامل رووووعه

سكريبت كامل رووووعه 

سكريبت كامل رووووعه 

 - اية الطاسه دي هنلعب ببجي ولا اية

= لا هنلعب روبانزل و يوجين وهديك بيها على دماغك 

- مسكالي طاسه يا متشرده يا صغيرة؟ 

= اها يحرامي يبو بدله 

قرب اكتر: حرامي! 

رفعتها لما قرب عليها فا مسك ايدها بسرعه وثبتها: ههه ضعيفة اوي دانتي لُقطه

قاطعهم صوت من وراهم: واضح انكوا اتعرفتوا على بعض يا ادهم 

" راقبتها وهي بتتصدم "

- فعلا يا بابا انا مشفتش فجالمها و هدوئها هاديه اوي

لا حقيقي انسة كارما قمة فالعقل و الرزانه انا مبسوط اني بقي عندي اخت زيها

بصلهم بستغراب: الطاسه بتعمل اية؟! 

اتلجلجت: اصل يا اونكل 

" اقوله افتكرت ابنك حرامي ولا اسكت ؟ " 

رد هو بسماجه: لا ده احنا كنا هنلعب ببجي 

 مامتها بلطف: طيب احنا هنسبكوا بقي وهنروح نجهز عشان العشاء محدش فيكوا يتأخر دي اول مره نتعشي مع بعض كا عائلة

مشيوا فا بصتله بسخريه: بقي انت ادهم ابنه!!!!!! 

= مش باين عالبدله ولا اية؟! 

- لاء شكلك حرامي

= وانتي شكلك متشردة صغيرة بطولك ده ، و اااا هافضلي ماسكه الطاسه؟! 

" سابتها و مشيت وانا فضلت اضحك "

******************************

" حلو اوي بقي عندي اخ في يوم و ليلة عشان ماما راحت تتجوز واحد غني بعد ما وقعوا فحب بعض! و كمان جينا نعيش فالفيلا بتاعته مع ابنه السمج ده ، يارب و اول مقابله بعد ما وصلنا الفيلا افتكره حرامي مش مبشر بالخير ابدا.." 

فتحت الدولاب لقيتها كلها هدوم جديده و ركن مخصوص للفساتين: كل دي فساتين!!! 

مسكت تيكت فستان معين: ايييييييييه 33 الف دولار  عشان فستان ضهره عريان ولا ده مفيش ضهر من اساسه!!! قلبي حد يلحقني بميه بسكر 

" انا مستحيل استحمل التبذير ده مستحيل! و كمان ده مش ستايلي!! " 

" طلعت شنطتي و جبت منها تي شيرت ابيض قصير لحد البطن و جاكيت نفس الطول لونه اسود و بنطلون واسع ابيض لبستهم و فردت شعري و  لبست شوية حاجات ف ايدي و سلسلة و خواتم " 

**********************

ادهم: احمم هي كارما اتأخرت ليه

هدي: اكيد مش عارفه تنقي فستان من جمالهم انا و وليد اختارنا حاجات حلوة اوي..

" كارما نزلت و اول ما ادهم شافها ابتسم بخبث لما هدي برقت بسبب لبسها  "

وليد وهو بيحاول يلطف: اختيار هايل شيك جدا الطقم ده 

" كارما اكتفت بأبتسامه لأنها مش طيقاه! ومش قابله فكره ان لها جوز ام حتي لو قاعده ف قصر! "

هدي و وليد اتحركوا و ادهم لسه مركز مع كارما ولبسها

كارما بصتله: هتخدلي صورة؟! 

" مستنتش رده و مشيت و هو ضحك " 

خرجت لقت وليد و هدي فعربية 

هدي وهي فالعربية: يلا يا روحي اركبي مع أدهم 

كارما برقت: اية بس..

وليد: عاوزنكم تقربوا من بعض انتوا اخوات 

مشيوا بالعربية و كارما فضلت واقفه مكانها لفت لقت ادهم واقف مبتسم ابتسامه صفرا: مش يلا يا اُختي ؟! 

- انا مستحيل اركب معاك انا هطلب اوبر

= انتي حتي متعرفيش المطعم الى هنروح فيه وبعدين مين قالك اني هسمحلك تركبي لوحدك مع حد؟!  

- لا ده احنا شكلنا بدأنا عبط ولا اوعي تفتكر انك اخويا بجد 

= ميهمنيش انتي اختي قدام الناس 

- لا مش اختك

ادهم قرب منها و هي اتوترت جدا: شكلك معجبه

اتفاجئت وبصتله فعينه الملونة وهي متنحه: ءءء

ادهم ابتسم و رجع خطوة وفتح باب العربية: اركبي 

" كارما ركبت و هي ساكته وقلبها عمال يدق بغباء "

******************************

وليد: الأكل عجبك يا كارما

كارما ببرود: مش وحش

هدي: المكان هنا حلو اوي يا وليد بجد

وليد: طبعا بعد التجديد بقي حاجه تانيه خصوصا فالصيف وسط الزرع ده ، والبحر حاجه تانيه أدهم بيلعب رياضه ركوب الامواج و دخل مسابقات 

هدي بأعجاب: كويس اوي! 

أدهم بأبتسامه : انا مضطر استأذن بقي عشان الشركة 

هدي: اها شركة ******** شكلك مجتهد اوي ومسؤل

كارما بسخريه: هي مش شركة صاحب عمو وليد برضو متتأخر براحتك لو اترفدت شركة ابوك موجوده عادي

هدي برقتلها بحده و ادهم ابتسم: دمها خفيف اوي هتحرك بقي 

كارما: انا كمان همشي 

وليد: ادهم يوصلك

كارما: مفيش داعي

هدي: احنا مش هنتقبل الطريقة دي؟ انتوا اخوات 

وليد: دي حقيقة لازم تبقي علاقتكم افضل من كدا 

أدهم: من دواعي سروري اني اوصلها اختي حببتي

كارما بصوت واطي: سمج و مستفز 

**************************** 

" وصلها عند الفيلا بالظبط وبصلها من شباك العربية"

 - يلا على فوق مشفكيش بره

= بس يا متخلف متصدقش نفسك 

- انتي الى الصدمه مأثرة على نفوخك انا اخوكي وانتي هتسمعي كلامي غصب عنك 

" مشي بسرعه و مدهاش فرصه ترد كارما فضلت متابعه مشي ازاي و استغربت لما مشي عكس اتجاه الشركه لانها شافت مكانهاا وهي رايحه مع مامتها يا تري راح فين؟ "

"كانت هتطلع لاحظت بنت جامده واقفه بتكلم الامن" 

- اممم يعني ادهم مشي؟

= ايوه حضرتك

قربت انا بسرعه فا بصتلي بستغراب: انتي مين

= انتى الى مين؟

- انا ملك صاحبة ادهم وانتى اول مرة اشوفك

= كارما اخته 

- اهاااا قالنا ان باباه اتجوز! طب متيجي معانا؟! 

= معاكوا فين مش فاهمه؟ 

- الحفلة أدهم هناك

اندهشت: متأكده؟! 

= ايوه تعالي 

" روحت معاها ركبت عربيتها و كان معاها واحد "

- ده آسر خطيبي و صاحب ادهم برضو آسر دي اخته كارما ..

"طلعت بالعربية و وصلت مكان غريب صوت الضجه واصله لحد بره تقريبا ديسكو لا ده اكيد دخلت معاها و فا قربت مني وعلت صوتها عشان اسمع:

-  بصي عيشي براحتك بقي واللبسي الشريطه دي

بصيت عالشريطه الحمرا وبصتلها بستغراب: اية دي

=  انتي كده تبع مجموعتنا والى لابسين شريطه خضرا و القائد بتاعهم مش بنحبهم خليكي بعيد عنهم 

وشاروت وهي بتسرخ: وطبعا القائد بتاعنا احنا هنااااااك 

بصيت مكان ما شاورت لاقيته ادهم! ماسك سجارة بأيد و الايد التانيه ماسك بيها ازازة خمر**ا و قالع من فوق و بيرقص  وسط بنات كتير !!!!!! 

" بقي هو ده المسؤل والمجتهد و الرياضي!!!!! " 

طلعت موبايلي وقعدت اصورة بغل انا هوريك يحيوان 

بصت جمبها....

*********************

كارما لقت واحد كان بيرقص قرب عليها 

- كارما صح

= هو انا لحقت اتعرف؟ 

- مفيش حاجه بتستخبي هنا انا جو 

تخدي ستـ ـيلا ولا بيبيسي ؟ 

= اية؟! خمر*ا انا مش عاوزة حاجه ابعد

- لازم تشربي مدام موجوده هنا 

نفخت بزهق: هات بيبيسي 

" ابتسم بخبث و مد لها الكوبايه " 

*****************************

ملك: يا ندل مش قولتلك تستني نروح سوا

ادهم غمز:  قولتلكوا مينفعش القائد يوصل متأخر

اسر: عمتا احنا اجدع منك و جبنا كارما معانا

أدهم رمي السجاره وبصلهم بصدمه: جبتو مين!!!!؟؟ 

- ده انا هخرب بيت ابوك انت وهي كارما متعرفش اني بسهر هنا جبتوها ليه؟؟ هي فين ؟؟ 

*****************************

كارما بقرف: طعمها وحش اوي ! دي بيبيسي ازاى

جو ضحك وغمزلها: بس مضاف لها حاجات كدا

كارما برقت: لا لا خد الكوبايه دي مش هكملها

" جو مسك ايدها وحط فيها الكوبايه كارما لسه هتزقه ادهم هجم عليه واداله بوكس وقعه فالأرض " 

- قولتلك قبل كدا خليك بعيد عني انا والى يخصني و اوعي تقرب لحفلة تانيه انا موجود فيها 

" قام و خرج بره و قائد المجموعة الخضرا " خالد" بصلة بسخريه فا أدهم فهم انه قاصد يسلط واحد عشان يشرب كارما محْدر لما عرف انها اخته "

كارما بعصبيه: انت ازاي تضربة كدا ! هو كل حاجه صْرب

أدهم بصلها و مسك الكوبايه منها رماها بعصبيه 

- انت مجنون!!!! ايه في اية

= الكوبايه دي فيها محْدر يمتحْلفه

كارما وهي بتحاول تستوعب جسمها بدأ يتقل: انت الى متخلف وبعدين شوفتك بتشرب  منها و ههاا هقولهم على كل حاجه وانت عامل ملاك  ب..

" مكملتش كلامها و توازنها اختل كانت هتقع ادهم لحقها

وشالها

 ركبها العربية عشان يوديها البيت " 

فضلت تخرف بالكلام و هي متخدره: هقول ل.. وليد كل حاجه انت و طلعت..

فضلت تكح و هي ماسكه بطنها وتتوجع

ادهم بهدوء:  ششششش اهدي

مسك ايدها وقربها جمبه وهو سايق: اهدي هتبقي كويسة متخافيش

*****************************

" صلي على محمد "

أدهم كان ساندها عشان يطلعها اوضتها لكن هي عماله تقع منه و تضحك بلا وعي فا شالها بسرعه: شششش اقفلي بوقك هتفضحينا الله يخربيتك معرفش جم ولا لاء من بره

كارما بضحك: كدا كدا هفضحك الصبح انا معايا كل حاجه

" ادهم مدهاش اهتمام وطلعها لحد الاوضة حطها عالسرير  "

كارما بلا وعي: اوعي تطفي النور! 

أدهم سابه وهي رجعت دماغها عالمخده فضل مركز معاها و مش عارف السبب كانت راحت فالنوم فا خرج.

******************************

" تاني اليوم الصبح على السفرة " 

- احكيلي حالا حصل اية امبارح بليل!!!!! 

= صباح الخير يا اووختي يا حببتي

- صباح الزفت على دماغك! عملت فيا اية وانا مش في وعي!! انطق 

= معملتش حاجه يا روحي

- انت هتقول ولا ها

" قاطعهم دخول وليد و هدي عشان الفطار كارما قعدت قدام هدي "

كارما بصت بغل ل أدهم ولسه هتبدء تحكي وتفضحه

هدي: اتبسطي امبارح ؟ ادهم قالنا انوه خرجك

كارما: ايه! 

وليد: شيء جميل جدا انكم قربتوا من بعض وحليتوا خلافاتكم

كارما: بتتكلمي عن اية

هدي: المسدجات الى بعتيها نسيتي؟ 

" فتحت موبايلها بسرعه لقته بعت مسدجات لهدي"

" أدهم طلع شخص جميل اوي " 

" انا معاه هو وصحابه ومبسوطه "

"بصت لأدهم بعصبيه"

فضلت تدور على الصور الى صورتهاله ملقتهاش!!! 

هدي ابتسمت: مقابلتيش حد امبارح كدا و لا كدا 

كارما وهي بتحاول تهدي: تقصدي اية

- اعجبتي بحد يعني؟ 

= لاء يا ماما قولتلك انا بحب زين 

قامت وسابتهم وبصت لأدهم بقرف 

وليد: زين ده حبيبها؟ 

" هدي: ايوه لكن هو ساكن هناك واحنا خلاص بقينا مستقرين هنا مفروض تنساه"

"أدهم كان متابع حوارهم وميعرفش ليه حس بشوية غيره كدا ولكن نفض افكاره"

*******************************

" كارما لبست و نزلت تقعد عالبحر و ملك صاحبة أدهم شافتها "

- كارما ازيك 

= انتي هنا معناها ابو دم سم جاي وراكي؟ 

ضحكت: تقصدي ادهم ولا اسر

- ادهم

= هو فعلا جاي ورايا هيتمرن على شوية الامواج دي

كارما ضحكت: يمكن واحده توقعه ونخلص منه

- أدهم طيب! هو بس يمكن رخم حبيتن

= حبتين تلاته اربعه.. 

" ادهم وصل وشاف كارما و بصلها برخامه فا اتحركت بعيد عنه شوية هي و ملك " 

آسر: ياريت تخلي بالك 

- اشمعنا

= عشان السباق بليل لازم تبقي مركز..

كارما كانت سمعاهم فا بصت لملك: يقصد اية؟! 

ملك بتفكر تقولها ولا لاء فا قربت على ودنها: عدي عليا قبل السبق هنروح نشتري هدوم مناسبة و تحضري اول سبق لأدهم هتنبهري ، بس ده سري محدش لازم يعرف

كارما بخبث: طبعا مش هقول لحد 

********************************

يتبع..

" ادهم وصل وشاف كارما و بصلها برخامه فا اتحركت بعيد عنه شوية هي و ملك " 

آسر: ياريت تخلي بالك 

- اشمعنا

= عشان السباق بليل لازم تبقي مركز..

كارما كانت سمعاهم فا بصت لملك: يقصد اية؟! 

ملك بتفكر تقولها ولا لاء فا قربت على ودنها: عدي عليا قبل السبق هنروح نشتري هدوم مناسبة و تحضري اول سبق لأدهم هتنبهري ، بس ده سري محدش لازم يعرف

كارما بخبث: طبعا مش هقول لحد 

********************************

- المجموعة جهزت يا اسر ؟! 

= عيب عليك كله تمام هتدخل اول جوله وبعد كده هتقابل خالد فالجولة الاخيره

- متقلقش هحط عليه زي كل سنة 

= كدا كدا

- هي ملك فين؟ 

= مش عارف اتأخرت اوي

" أدهم ركب العربية عشان يستعد لأول جولة و من بعيد اتفاجئ كارما جاية جمب ملك و.!!!!!!! 

_______________________

صلي على محمد

أدهم اتفاجئ ب كارما و بلبسها و كان مركز معاها اوي وهي ماشية جمب ملك "

ملك: أدهم هيبدء اهوو يارب يكسب

" كارما بصت ناحيته و خدت بالها انوه بيبصلها و بصتله فا دور وشة وحاول يركز لكن يرجع يتأملها تاني "

" صفارة البداية بدأت و خصم أدهم اتحرك فا فاق بسرعه و دور العربية و بدء السبق ! "

آسر بشك: ادهم مش مركز؟! دي اول مرة تحصل.

كارما: لازم ياخد باله من الملف السادس لانه مش سهل

" آسر استغرب عرفت منين و أدهم كان سايق و لكن عقله مع كارما و مركز معاها غصب عنه!! لحد ما اتفاجئ بواحد قرب و بيتكلم معاها " 

- هو انتي كارما اخت أدهم؟ 

: ايوا

= يبختو

" ضحكت و طبعا الى خد باله من ضحكتها كان ادهم داس بنزين اكتر بعصبيه و الى بيتسابق معاه كان قدامه و ادهم تقريبا بيخسر  السبق "

اسر بنرفزة: انا معرفش هو مش مركز ليه !!! كدا هيخسر

ملك: مش فاهمه ماله! 

عمر: اخوكي بيخسر غالبا

كارما رفعت كتافها: مش مهتمه بصراحه 

عمر: تيجي نخرج؟ 

ابتسمت بحماس: يلا 

"و قبل ما تتحرك جه على موبايلها رسايل فتحتها لقتها من شخص مجهول و بعت صور لزين حبيبها مع اعز صحابها!!! كانت مصدومه و عيونها احمرت"

عمر: مالك ؟! حصل اية

كارما بصدمه: انا مش مصدقه!! اعز صحابي مع الى... الي كنت بحبه و فكراه بيحبني !!! 

عمر بص للصور: فداهيه هو الخسران اهدي 

" كارما وقفت واحد كان معدي بمشروبات و خدت منه كوباية شربتها كلها و عمر مندهش من عصبيتها " 

- طيب تعالي

= لاء سبني

- تعالي بس!! 

" أدهم لاحظ خروجها مع عمر و اتجنن داس بنزين بعصبيه و وصل عند الملف السادس و لف العربية بمهاره و بعدين كمل و كسب وصحابة جريوا عليه اما خالد كان متعصب جدا من خسارة فريقه ف اول جوله "

*********************************

بقلمي سلسبيل احمد 

صلي على محمد 

- انت جايبني فين يابني

عمر قرب منها و مسك الفون بتاعها: هنتصور انا وانتي و نزليهم لازم يعرف هو خسر اية..

كارما ضحكت وهي مكنتش فكامل وعيها بسبب الي شربته كان في كميه كحول: امممم طيب صور 

" عمر مسك الفون و كان بيقرب منها  و قبل ما يلقط الصورة كان ادهم ماسك الفون منه و زقه بعيد عنها "

عمر: أدهم!!! انا احنا كنا ب

ادهم بهدوء مرعب: متقربش منها تاني.. فاهم؟! 

عمر مشي و أدهم قرب عندها: انا زهقت منك

كارما: يبجاحتك!!! انا الى زهقت منك انت عايز اية ؟ 

ادهم بنرفزة: انتي الى جيتي ورايا! جاية ليه؟ هتصوريني تاني عشان توريها ليهم؟ 

كارما: مش مهتمه بيك اصلا انا جايه مع ملك 

أدهم: لما انتي جاية مع ملك بتعملي اية معاه !!!؟؟ 

كارما وهي بتحاول تكتم صدمتها ف زين: بنتصور عايزه اتصور و انزلها انا حره 

أدهم ضحك واتكلم بذكاء: لتكوني عاوزة تغيظي حبيبك عشان يجي ولا حاجه؟ زين صح

كارما بعصبيه: ملكش دعوه بيا يا أدهم!!! هات الموبايل

" جت تشده منه فا رفعه لفوق وبعدين لاحظ صورة ولما شافها كانت لاتنين سوا فا بصلها "

- هو ده زين حبيبك؟ مع واحده! 

كارما اتنهدت وبصت للأرض: ايوه 

ادهم بتفكير: طب يلا نتصور عشان تنزليها

"كارما بصتله بتركيز وهي مش فهماه قرب عليها وحاوطها بأيده كان باصص لعيونها وبعدين فاق و خد الصورة وحط الموبايل فأيدها "

- كده تمشي بقي ولا اية؟ انتي شربتي حاجه؟ 

كارما ضحكت: ايوا

= يلهوي عليا

بصلهاا بهدوء وهو خد نفسه: امسكي مفتايح العربية روحي استني فيها عبال ما اخلي ملك تيجي توصلك

كارما خدت المفاتيح و مشيت ركبت العربية 

الى كانت على خط البدايه وفاضل جولة اخيره بين قائد المجموعة خالد و أدهم كارما ركبت قصاد الدركسيون و مسكته العربية كانت حلوة اوي كانت بتتمني زيها  و

 اتفاجئت كارما بخالد وهو سايق و طلع عند خط البداية جمبها 

- شكلك اول مرة تركبي عربية

= مش اول مره

- يلا نتسابق دي اخر جولة 

كارما: أدهم الى مفروض يسابق! 

خالد بخبث: ولو مجاش هيخسر يلا مفيش وقت ولا مش هتعرفي ؟ 

كارما بتفكير و توتر: بس مفروض ان 

خالد قاطعها: هديكي خمس ثواني عشان انتي بنت

كارما بصتله بسخرية: هتخسر..

******************************

استغفرالله العظيم 

- ملك عاوزك تروحي توصلي كارما البيت عشان لسه قدامي الجولة الاخيرة مع خالد مش هقدر اوديها

= طيب هي فين 

كانوا بيتكلموا وفجأة سمعوا صفارة البداية ادهم بص حوليه بربكه و آسر بصله بتركيز: لو انت هنا يبقي مين بيسابق هناك ؟! 

- يلا! الخمس ثواني الى ختيهم خلصوا ابدئي

كارما ضحكت بسخرية: و برضو هتخسر 

خالد بخبث: هنشوف

عند ملك و اسر أدهم كان شايفهم من بعيد و مصدوم من الى هتعمله وحاول يروحلها لكن معرفش

حط ايده على دماغه:  لاء يا كارما اوعي تبدئي!!!!! 

" العربيات اتحركت بسرعه جدا و ...

>>>>>>>>>>>

جماعه لحظه معلش.

( القصة دي اجنبية وانا بحولها مصري و بشيل حاجات  وبحط حاجات فا هتلاقوا الولاد و البنات الدنيا سايحه مع بعض و شرب وبتاع طبعا احنا عارفين ان ده حرام احب اقول ده مجرد خيال بس  وخيال اجنبي مش مصري كمان فا متعملوش زي كارما يبنات و متروحش فحته مع واحد اسمه عمر او اي اسم تاني.. دي مجرد قصة بحولها عربي عشان كنت زهقانه م اكتر وبس كدا قراءة ممتعة. ) 

>>>>>>>>

" العربيات اتحركت بسرعه جدا و أدهم كان شايف كارما

 من بعيد " 

خالد: مش بطال مستواكي بس هخسرك 

خالد كان عايز يوترها كارما بصتله بسخريه و داست بنزين عالاخر و بقت قدامه فا جننته 

آسر ضرب على كتف أدهم: اختك هتكسبه!!! 

ملك: انا مش مصدقه!؟ 

" أدهم واقف على أعصابه ولاحظ ان خالد عمال يزنق عليها و خبط عربيتها عشان تخسر وكان قلقان ! "

كارما بزعيق: ايييييه! ابعد انت كدا بتغش 

خالد ضحك بخبث و خبط فعربيتها مره تانيه و كارما خافت و الملف السادس قرب مشيت باقصي سرعه وشتمت خالد بعصبيه بسبب خبطه فيها و اخيرا لفت العربية بأحتراف و الكل كان متفاجئ عدت الخط و كسبت و اول ما نزلت الناس اتلموا حوليهم 

ملك حضنتها: عملتي كدا ازاي !!!!!!! 

كارما كانت فرحانه و خالد قرب على وصول 

أدهم جمبها: انا قولتلك خليكي فالعربية !! 

كارما بعدم فهم: انا كسبت ! 

خالد بشماته: انت كدا خسرت يا ادهم و خرقت القواعد ادفع 

كارما كانت هتتجنن: يعني اية ! انا كسبت بقولك انت

 غشاش و كنت بتخبطني وانا كسبتك مع ذالك

خالد: كان مفروض هو الى يسابق مش حد مكانه كدا خسر

كارما قربت منها بعصبيه و أدهم مسكها: ابعدي !! 

وقفها وراه وبص لخالد: هحولك الفلوس بكره الصبح 

خالد بسماجه بص على عربية ادهم: و الحلوة مفتاحها يلزمني 

كارما اتصدمت و مقدرتش تسكت: اكيد لا اكيد مش هتسبله العربية يا أدهم انا خسرته !

أدهم خد المفتاح من العربية بعصبيه و رماه لخالد 

ملك و أسر كانوا ساكتين تماما و عارفين العربية دي اية بالنسبة لأدهم وانوه يخسرها مش سهل 

كارما وقفت قدام خالد: ماشي بس كل مره هتركب العربية دي افتكر ان في واحده خسرتك و انت مقدرتش تكسبها ماشي كل ما تركبها افتكر ده

أدهم شدها: خلاص !!! يلا 

لفوا عشان يتحركوا فا خالد اتكلم بصوت عالي 

- بعد كدا ابقي خليها تقعد فالبيت يا أما ابعتهالي انا وابقي اعلمها القواعد بطريقتي

نهي جملته و ضحك هو وفريقه و هنا أدهم مقدرش يمسك نفسه ولف ضربة بالبونيه وقعه و لأن ادهم قائد الفرقة الخضرا و ضرب خالد قائد فرقه تانيه 

فا كل الفرقتين فضلوا يضربوا فبعض و الدنيا اتقلبت فثانيه كارما كانت فالنص و كله بيضرب فبعضه و أسر ماسك ملك بيحاول يحميها و مش عارف يوصل كارما ، اما كارما نزلت عالارض من الخوف و انكمشت في نفسها برعب رهيب 

خالد مسك أدهم من هدومه ضربه ولما ادهم وقع وقع لاحظ كارما وهي عالارض وخايفه وحاطها ايدها على راسها زق خالد جامد و جري ناحيتها شدها من علي الارض و شاور لأسر و ملك فا جريوا شغلوا عربيتهم و أدهم حصلهم و ركب هو و كارما خالد كان بيجري وراهم لكن ملحقهمش 

اسر: انتي كويسة يا ملك ؟

ملك: ايوا سوق بسرعه 

اسر: متخافيش هما مش ورانا 

كارما كانت فعالم تاني و تقريبا لسه مصدومه من الى حصل أدهم لاحظ ان ايدها اتجرحت فا فك الشريطه الخضرا بتاعته و لفها حولين ايدها وهي بصتله بأسف و فضلت ساكته..

******************************

" بعد تلت ايام " 

هدي دخلت اوضة كارما عشان تصحيها: اتحركي بقا كفاية نوم ملك بره 

- ملك! 

هدي خرجت و ملك دخلت وهي معاها فستان: مامتك قالتلي اجيبلك الفستان ده ب لونك المفضل قومي وكفاية اكتأب بقي 

- شوفتي ادهم؟ 

= لاء مش ساعة السبق معرفش هو فين 

- مش هخرج انا بجد مكنش قصدي مش عارفه اعمل اية ! 

= هيهظر أكيد متقلقيش المهم قومي شوفي الفستان! مامتك قالت ان العيلة كلها لازم تحضر المعاد بتاع بليل 

- يعني أدهم هيجي! 

= هو مفروض يجي اهااا.. ها هتجربي الفستان؟!

****************************** 

صلي على محمد 

" في مكان تاني أدهم كان قاعد مع بنت صغيرة " 

- بتعملي اية بقا ؟ 

= بدور على العرايس عشان نلعب 

- طيب بسرعه عندي معاد بليل 

= هو انت هتسبني تاني؟! 

أدهم سكت: طب ماما هترجع امتة عشان تخدني 

- اكيد هترجع قريب يا لولي 

= ليه متجيش تعيش معانا؟! 

- انا قاعد مع بابا لأني شقي شوية فا ماما سابتني معاه انما انتي قمر و جميلة 

أدهم حضنها وهي ضحكت فحضنه: انا بحبك خالص 

= وانا كمان بحبك اوي.. تعرفي؟ مش مهم المعاد يلا نلعب يا لولي 

******************************** 

سبحان الله و بحمده سبحان الله العظيم 

" عند القصر بتنزل كارما من العربية و بعدها هدي و وليد 

بعد ما رجعوا من المعاد "

وليد بعصبيه: مش مصدق انه فوت معاد زي ده بعد ما نبهت عليه يجي! 

هدي: اهدي اكيد هيظهر و هنعرف هو فين كل ده 

" وليد دخل و كارما كانت واقفه مدايقه "

هدي بصتلها: انتي متكلمتيش من الصبح يا حببتي مالك؟ 

كارما: مفيش حاجه 

هدي و وليد طلعوا اوضتهم و كارما فضلت فالجنينه بره فتحت الموبايل لقت ادهم حاطط ستوري صورته هو وليلي فا ابتسمت بعد فترة صغيرة أدهم رجع البيت كارما كانت واقفه بضهرها شافها وكان هيطلع و هيتجنبها و لكن وقف شوية يبصلها ولاحظ الفستان قرب عندها وهي مازلت سرحانه فا اتكلم

- احم كارما؟

كارما لفت له و..

يتبع.

- كارما

كارما لفت لي و هو اندهش من جمالها!! كانت دي اول مره تحط ميكب كدا و تلبس فستان! كانت جميلة اوي 

= انت كنت فين كل ده؟! المعاد ده كان مهم للشركه ولي باباك 

أدهم كان سرحان معاها و لكن فاق: كنت مع حد محتاجني

كارما فهمت لانها شافت الصورة: كنت فاكره اني اختك الوحيده؟ 

ادهم ابتسم: معرفتش اسبها انا مش معاها دايما

كارما: فاهمه 

بصت للارض وبعدين رفعت عيونها لي واتكلمت بندم:  انا كنت عايزة اقولك اني اسفة عشان العربية انا بجد مكنتش اقصد كل ده وانا عارفه انك كنت بتحب العربية و

أدهم حط ايده على بوقها: ششش دي مش غلطتك

كارما فضلت مركزة معاه وهو كان تايهه فعيونها و حضنها بدون مقدمات كانت مصدومه ولكن حست بأحساس غريب وهي فحضنه! وحضنته

أدهم بعد عنها: انا.. انا مش عارف مالي مش مفروض نقرب من بعض.. متسمحليش اقرب تاني

كارما: انا؟ يعني انت هتقرب وانا ابعدك؟ 

أدهم بحيره: اها ابعديني! 

و طلع اوضته وسابها وهي مكنتش فاهمه احساسها ناحيته! 

******************************

صلي على محمد 🩷

" تاني يوم أدهم صحي و سمع صوت فالجنينه فا نزل لقي كارما بتغسل عربية "

- بعد ما كسبتي سبق بقيتي بتغسلي عربيات؟!

كارما اول ماا شافته وجهت الخرطوم ناحيته: متقربش هاه.؟ فاكر

أدهم ضحك: مش هقرب ، هو انتي بتعرفي تسوقي كدا ازاي صح؟ والملف السادس  

= اتعلمت عادي 

- مين علمك؟! 

كارما بتوتر:  مش مهم 

أدهم لمح امها جاية من بعيد فا دخل 

هدي: عامله ليكي مفاجأة

- اية؟! 

هدي شاورت على عربيتها فا نزل منها زين و كارما اندهشت! 

- زين!! 

كان هيبوسها فا بعدت و هو بصلها: وحشتيني! 

= انت.. 

هدي و زين مكنوش فاهمنها: طيب تعالي اوريك اوضتك تكون كارما خلصت العربية دي 

" هدي خدته وهي ماشية بصت لكارما بتكشيرة عشان تتحرك! "

"وكان مراقب الوضع من الشباك أدهم و كان مدايق "

******************************

استغفرالله العظيم. ♥️🦋

بعد فترة آسر و ملك و شوية من صحاب أدهم كانوا فجنينه الفيلا سوا 

آسر: يلا ننزل البسين

ملك: لا مش عايزه

اسر شالها وهي فضلت تسرخ و نط بيها و فضلوا يضحكوا فالمياه أدهم بصلهم و ابتسم و قلع التي شيرت عشان ينزل لقي كارما فقفاه

- في مشكلة! 

غمزلها: انتي بتقربي ليه دلوقتي ؟ 

= أدهم مش وقته زين هنا

- اها حبيبك صح ومالو 

= لو شافك هيعرف شكلك و هيقول لماما احنا كنا متصورين ازاي! 

- عادي 

كارما سمعت زين بينادي و أدهم واقف برخامه راحت زقته فالبسين عشان زين ميشوفوش و اتمشت بعيد عن البسين و زين كان وراها

- اسمعيني بقي يا كارما ! 

= انا مش طيقاك! انت ازاي جايلك عين تيجي هنا بعد ما اتبعتلي صور ليك و اعز صحابي فحضنك! 

- انا كنت مدايق من غيرك  مكنتش في وعيي وقتها ! و هي فكرتني بيكي 

= فعلا؟ مع اني شوفت قرد فكرني بيك لكن محضنتوش

أدهم طلع وبصلها بفخر وعملها كده👌

زين كان هيبصله فا كارما وقفت قصاده: ياريت ترجع

زين: مفيس طيارات دلوقتي 

كارما بعصبيه: انت  بجد حلو*ف 

مشيت وسابته و أسر و ملك قربوا عندوا عشان يبعدوا زين عنها بعد ما أدهم قالهم يعملوا كدا 

كارما راحت عند أدهم الى كان بيعوم ببرود: بطل سخافه شوية و اخفي من قدامه لحد ما يمشي! 

- انا سخيف؟ 

= اها 

- سخافه بسخافه بقي 

" شدها معاه وغرقها فالبسين نزلت لتحت زي الطوبة فا غطس وراها و مسكها يطلعها و هما تحت المياة باس خدها " 

كارما طلعت وقعدت تاخد نفسها وبصتله: انت عملت اية! 

ضحك وقرب منها: عملت كدا 

" باسها مره تانية وهي فضلت متنحه وكانوا قريبين جدا من بعض "

لحد ما سمع هدي بتنادي: ادهم 

غمز لكارما و بعد عنها طلع من البسين و وقتها زين

 راحلها: هو مش ده الى كنتي منزله صورتك معاه !!؟؟؟

كارما و هي بتطلع من المياه: معرفش بتتكلم عن ايه! 

زين سكت و هي مشيت عشان تغير هدومها

*******************************

" صلي على محمد "

-  تيجي معانا بليل ؟ 

كارما: فين ؟ 

أدهم: هتعرفي لما تيجي

كارما: طيب ما تقول انك عاوزني معاك دايما

ادهم ابتسم و قرب منها: وانتي مش عاوزاني معاكي دايما؟! 

اتوترت و بصت للارض فا رفع راسها لي بهدوء و الى دخل شافهم زين أدهم بعد عنها وبص لزين ببرود وبعدين اتحرك: هستناكي 

زين بص عليه و هو ماشي لحد ما اختفي و رجع بص لكارما: انا متأكد ان هو !؟ ازاي ابن جوز امك و قريبين من بعض كدا ؟ 

- لو لسه عاوز اسامحك على الى حصل انسي الى شوفته وياريت تمشي احنا الى بينا انتهي يا زين! 

= تمام 

********************************

" استغفر الله العظيم. "

" بليل كانوا كلهم فمكان غريب و مدراي شوية و كارما مستغربة هما فين اول ما وصلوا دخلوا كان في ناس كتير ملمومه حولين اتنين لحد ما بدء الماتش "

كارما بصت لملك بصدمه: دول هيموتوا بعض 

ملك ضحكت: ايوه مسليين اوي 

بتبص على ادهم لاحظت انوه بيقلع

آسر: دلوقتي ادهم يعلم عليهم

كارما اتحركت ناحيته بسرعه: ادهم! انت هتعمل اية

- نازل الماتش

= ده مش قانوني 

- في اية مالك زيها زي المصارعه

= لو كدا يبقي مخبين ليه! عمو وليد يعرف عنها؟! افرض ضربك او 

حط ايده على بوقها: اهدي انتي مكبره الموضوع مش هيلمسني حتي! 

" جت واحده من البنات الى كانو مع ادهم اول يوم كارما شافتو فيه " 

سارة :  ما تطلعي انتي منها؟! 

" الماتش خلص و الى كسب فيه هيقابل أدهم اول ما بدؤا كارما مقدرتش تبص عليهم و خرجت و الى كان شايفها عمر فا خرج وراها " 

= استني استني مالك

- بيعملوا فبعض كدا ليه؟؟ فين الفايده! و افرض الراجل الى أدهم بيضربة عمل في حاجه بعد الماتش 

= اهدي الموضوع كله ان أدهم بيخرج طاقته

- بس بشكل مش قانوني دي مصارعة سرية لو حد ما**ت فيها هيحصل اية ؟؟ 

" عمر قرب منها وطبطب عليها و كان وقتها أدهم خلص الماتش بسهوله بس اتعور فوشة دور عليها ولما شاف عمر جمبها راح ضربة "

- قولتلك ابعد عنها 

كارما بعصبية: بس كفاية!!! كفاية الى حصل جوه 

عمر قام: مكنتش اعرف ان في بينكوا حاجه 

مشي وسابهم و كارما عيونها دمعت وكانت هتمشي ادهم مسكها: رايحه فين! 

- انا همشي مستحيل استحمل ده يتكرر تاني كدا خلاص 

= مش هعمل كدا تاني اوعدك

كارما بعياط:  اعمل او متعملش انا مش هقدر يبقي في حد عنيف فحياتي 

" أدهم لاحظ انوه ماسكها جامد فا سابها و هي مشيت مع ملك " 

__________________________

" الحمد لله " 

" فات تلت ايام على الى حصل و كل يوم كارما و أدهم كانوا هيتجننوا هي وحشته جدا و مكنش عارف يعمل اية لحد ما قرر يروحلها عند ملك بعد ما عرف من وليد ان ابوها مكنش ميت و خرج من السجن و ممكن يأذيها مقدرش يسبها لوحدها " 

"فالوقت ده كان فعلا ابوها خرج و بيراقبها و عارف انها سهرانه مع ناس لكن أدهم وصل فالوقت المناسب"

- ملك كارما جوه.؟ 

= ايوه بتجيب الجاكيت بتاعها و خارجه مش ناوي تصاحلها وتخلي عندك دم ؟ 

- لما تخرج بس 

كارما سألت عند الجاكيت فا سارة ردت بخبث : فالدولاب 

كارما فتحت الدولاب تجيبو فا سارة زقتها زقتها جواه

كارما بسريخ: لا لا لا افتحي خرجيني ساااارة!!! خرجيني 

( كارما بتخاف من الدولاب لأن وقت ما كان ابوها بيتخانق مع امها كانت بتبقي مستخبيا فيه و مرعوبة و هي صغيرة ) 

كارما بدات تتخيل الى كان بيحصل في طفولتها و سرخت بعياط: افتحي !!!! 

الباب اتفتح فجأة و كان أدهم استخبت فحضنه بسرعه و هو حاوطهاا بأيدها و طبطب عليها: اهدي اهدي انا معاكي 

ملك زقت سارة: ابعدي عنها 

سارة: انا كنت بهزر ! 

" أدهم بصلها بنظرة حاده و خد كارما و مشيوا "

لما وصلوا طلعها اوضتها زي اول مرة شالها وهي مش واعيه كارما الفترة دي كانت خايفه فا قبل ما يتحرك مسكت ايده: خليك 

أدهم قعد جمبها وحضن ايدها بايده: انا آسف مكنتش عاوز ابعد 

- و انا مش عاوزاك تبعد 

= مش هقدر اقرب وانا عنيف زي ما بتقولي مش عاوزك تخافي مني.. انا.. انا بحبك 

كارما حضنته: انا عمري ما خوفت منك انا كمان بحبك

أدهم رفع ايده وشد على حضنها: مش هبعد عنك تاني ابدا ولا هعمل اي حاجه من الى كنت بعملهم

كارما ابتسمت: معادا السباق 

ادهم ضحك: مش مكفيكي اخر مره ولا اية؟ 

كارما: المرة دي هخسرك انت

ادهم حضنها: انا كدا كدا خسرت كل حاجه و كسبتك.♥️

#تمت