رواية ملاك الحياة (الجزء الثاني) بنت المحمدى الفصل الثاني 2بقلم داليا منصور حصريه في مدونة قصر الروايات

رواية ملاك الحياة (الجزء الثاني) بنت المحمدى الفصل الثاني 2بقلم داليا منصور حصريه في مدونة قصر الروايات 

رواية ملاك الحياة (الجزء الثاني) بنت المحمدى الفصل الثاني 2بقلم داليا منصور حصريه في مدونة قصر الروايات 

#الفصل التاني.. 

#بنت_المحمدي_الجزء_الناتي_من_ملاك_الحياة 

مؤمن بعصبية: 

- انتي يا حيوانة ملازم يحصل كدا مش اللي سايق ست انزلي من العربية ياللي مش بتعرفي تسوقي انزليلي.. 

ريناد نزلت من العربية بعصبية وهي بتقول: 

- مين الحيوان اللي بيشتم ده بتقول عليا انا حيوانه يا بقر من غير ودان في ايه انت اللي خبط فيا وجاي تشتم من غير انزار حتى. 

مؤمن بعصبية: 

- بت انتي اخرسي خالص مش ص كفاية خبطي عربيتي مش عارفه دي بكام.. 

وقفت ريناد بتكبر زدورثته من ابوها ادهم المحمدي بشموخ وهي بتلبس النظارة بتاعتها وبتخرج الكريدت كارد من شنطتها وبتقول: 

- اتفضل يا استاذ دي فيها فلوس خد اللي حضرتك عاوزه منها مش ناقصة تأخير على الصبح.. 

ورمتها في وشه وكانت هتمشي لقيت اللي بيشدها من شعرها ويرجها تاني لورى وهو بيقول: 

- انا مش بمد ايدي على بنات قليلات الأدب بس الظاهر بسببك هعمل اكتر من كدا بكتير انتي يابت بترمي عليا الفلوس وتمشي والا كأن حد حاكمك.. 

ريناد بهزار رغم انها بموقف صعب: 

- اسكوز مي الشاكيت يا جدع.. 

بصلها مؤمن بصدمة وهو بيقول: 

- عليه العوض ومنه العوض انا هلاقيها من صاحبي والا البلاوي اللي بتتحدف عليا خدي فلوسك وغوري من وشي.. 

ريناد هندمت هدومها وهي بتبصله بعصبية وتقول: 

- انت واحد بارد وربنا منا سيباك ها.. 

مؤمن اتعصب عليها وكان هيجري وراها ركبت عربيتها بسرعة وجريت مؤمن بصدمة: 

- انا واقع في مستنقع مجانين وربنا بت مستفزة.. 

... عند ريماس كانت واقفة قدام الواء بلبسها الرسمي وهي بتديلة التحية .. 

الواء مكرم: 

- حضرت الرائد ريماس جاتلنا اخبار بوصول شحنة مخدرات البلد واخبرت كل جهات بده.. 

ريماس بقوة وشموخ ورثته من ابيها ادهم: 

- تمام يافندم جاهزة للمهمة.. 

الواء مكرم: 

- انا واثق في دا يا حضرت الرائد ريماس ادهم المحمدي وعارف انتي قدها بس المرة دي مش هينفع تنزلي المهمة دي لوحدك لازم يكون معاكي شخص أمين وأنا حضرت لكل حاجة هتتقابلوا في المطار بأذن الله.. 

ريماس ادت التحية وخرجت من مكتب الواء بس ابتسم وهو بيكلم في التليفون وبيقول: 

- كنت متأكد انك هترن عليا علشان المهمة الجديدة ابشر المهمة الجاية من اصعب المهام اللي طلعتها سيادة المقدم،  انت اجهز وانا هبعتلك الباسبور وعاوزك تكون قدامي علشان اعلمك بكل التفاصيل قبل السفر.. 

...... عند احمد اخو ملاك، كانت خارجة سيليا وهي لابسة فستان جميل ونظارة نظر وهي بتجري وبتقول: 

- عاملين ايه يا قمرات.. 

احمد بضحك: 

-يابت اقعدي افطري شبه الخلق ايه ده.. 

سيليا بسرعة: 

- عندي مرضى منتظرني على باب المستشفى بالطوابير يا بابا مش عاوزة اتأخر.. 

احمد بص على نورهان مراته وضحكوا وهو بيقول: 

- واقفين على باب ايه ياختي قولي تاني كدا  .. 

سيليا بهزار: 

- مشيها الناس لبعضيها.. 

نورهان بزهق خبطت كف على مف وهي بتقول: 

- عليه العوض ومنه العوض وانا بقول البنت طالعة مجنونة لمين اتاري لملاك اختك اكيد يا بنت المجنونة انتي دكتورة نفسانية يعني كل المرضي بتوعك مجانين شبهم مش عارفه بتعالجي فيهم ايه دول.. 

سيليا بزعل: 

- لو سمحتي يا ماما متقوليش على المرضى بتوعي مجانين دول عاقلين وانا اكبر دكتورة في المستفى يعني مش بقعد زي مبتقولي.. 

احمد وهو بيضحك وبيقول: 

- لاء يا حبيبت بابا شوفي انتي رايحة فين انا خلاص زهقت منك.. 

سيليا بهزار: 

- لو مش عاجبك يا طلقني.. 

لقت الشبشب في وشها ونورهان بتقول: 

- امشي يا بنت الجزمة من هنا روحي شوفي المجانين بتوعك مش عارفه والله كنت خلفت فردت جزمة كانت نفعتي.. 

سيليا بهزار: 

- رغم انها وجعتني بس ملحوقة يا نوري مسمحاكي بس مش هسامح في كلمة مجانين دول مرضي نفسين بلاش مجانين دول يا حاجة.. 

نورها بزهق: 

- امشي يا بيئة قال مرضى مش عارفة ايه دول مجانين شبهك دانا مرة كلمتك وانتي كنتي في الحمام حد رد عليا بقوله فين سيليا بيقولي ماتت وانا السبب قلبي وقع في رجلي بسببك وبسبب المجانين بتوعك.. 

سيليا بضحك: 

- كنت بحكيلهم وقتها عن بنت اسمها على اسمي ماتت وهما اندمجوا بقى.. 

نورهان بصدمة واحمد قاعد يضحك على بنته وهو بيقول: 

- طب والله مقنعة انتي محبكاها قوي يا نوري.. 

نورهان بعصبية: 

- متقولش زفت بتعصبني وربنا وانتي امشي من هنا مش طيقاكي امتا بقى ابن الجزمة يونس يتجوزك واخلص منك وش فقر بصحيح.. 

سيليا بحب: 

- يونس دا قمر كدا ماشي على الأرض.. 

نورهان باستغراب: 

- يابت احترمي وجود ابوكي على الأقل حتى بلاش انا.. 

سيليا ضحكت وهي بتقول: 

- حاضر يا ست الكل بس انا هرن على عمتوا واقولها ان ماما بتقول على يونس انه ابن جزمة ها وانتي حرة بقى.. 

جريت نورهان وراها وسيليا بتقول بهزار: 

- اجري يا مجدي الجري نص الجدعنة.. 

نورهان نفسها اتقطع قعدت على جنب وهي بتقول: 

- يلاهوي ايه دا بجد البت قطعت نفسي.. 

احمد بضحك: 

- انتي عاملة عقلك بعقل سيليا سيبك منها دي مجنونة المهم كلمتي ليليان والا لسة.. 

نورهان: 

- اه نازلة هي وجوزها كمان يومين وجايبة الواد حزومبل معاها. 

احمد بضحك وهو بيقول: 

- مش عارف والله حد يسمي ابن بنته حزومبل.. 

نورهان بهزار وهي بتتخيل ابن ليليان المجنون: 

- اصله عيل اهبل شبه امه بدل مبيقولي تيتا بيقولي نانا انا يتقالي كدا يا احمد.. 

احمد باستغراب: 

- وانتي تعرفي معنى الكلمة دا الواد بيدلعك ويقولك كدا وكمان هو عايش بره مصر عوزاه يقول ايه.. 

نورهان: 

- ماعلينا تعالى نكمل اكل علشان انت تنزل الشغل... 

راح احمد يكمل اكل هو ونورهان.... 

.... عند ريهام دخلت المحاضرة وبعديها دخل يوسف وقعدت في البنش الأول قصاد اخوها وابتداء يشرح وبعد ما المحاضرة خلصت كان الطلبة هيخرجوا يوسف قرب على ريهام وهو بيقول: 

- ياللا بينا يا قلب اخوكي.. 

ريهام كانت متوترة وبتبص حوليها لكن يوسف حط اديها في ايده وخرج من الجامعة قصاد عيون الكل وفي اللي كان غيران منها بسبب يوسف اجمل دكتور في الجامعة وفي منها اللي ندم على الكلام اللي قاله لان حركته صريحة وبيثبت للكل ان دي اخته ومحدش يقدر يجي عليها، عدى اليوم وخرجوا من الجامعة ويوسف كان حاضنها ووصلها على القصر وراح شغله ريهام كانت داخله وهي زعلانة خبطت في ريناد وكانت هتقع بس ريناد سندتها وهي بتقول: 

- مالك يا قلب اختك في ايه.. 

ريماس وقتها كانت داخله وهي تعبانة خالص قعدت جنبهم وهي بتقول: 

- مالكم متجماعين كدا ليه اصل العصابة مش بتتجمع خير لو فيه حاجه كبيرة قولوا.. 

ريناد قالت باستغراب: 

- معرفش دخلت لقيتها قاعدة ومش راضية تتكلم خالص. 

ريماس قربت على ريهام وهي بتقول: 

- في ايه يا بنوتي مالك بقى حد يكون اخته الرائد ريماس ويزعل.. 

ريهام بكت في حضت ريماس وهي بتقول: 

- انا عاجزة والكل بيتريق عليا يا ريماس انا عا'جزة وبيقولوا عني وحشة.. 

ريماس قالت بعصبية: 

#استوووووب ياترى ريهام هتعمل ايه لم تعرف باللي عملوا مع اختهم؟  وايه اللي هيحصل مع ابطالنا توقعاتكم؟ ورأيكم في الرواية مهم والتفاعل اهم علشان الصفحة واقعة.. 

#رواية بنت المحمدي.. 

#داليا منصور الفرجاني.. 

الفصل الثاني..

 لمتابعة باقى الروايه  زورو قناتنا علي التليجرام من هناااااااااا