رواية قمر تحت الارض (الجن العاشق) الفصل الرابع 4 بقلم احمد حسن حصريه في مدونة قصر الروايات

رواية قمر تحت الارض (الجن العاشق) الفصل الرابع 4 بقلم احمد حسن حصريه في مدونة قصر الروايات

رواية قمر تحت الارض (الجن العاشق) الفصل الرابع 4 بقلم احمد حسن حصريه في مدونة قصر الروايات

مش هأذيكي بس هحرق أي حد يفكر يقرب منك

أنتي ليا ومستحيل تكوني لغيري فهمتي ياقمر ؟

هذه كانت بعض من كلمات الجن العاشق لقمر في الفصل السابق 

___________ ( الفصل الرابع )

ضياء .. يلا بقا ياخالتي ماما مش مبطلة رن 

أم قمر .. خلاص يابني نازلين أهوه

فعلا نزلت قمر وأمها وابوها مع ضياء ابن خالتها 

وبعد ما ركبت العربية أفتكرت إنها نسيت تليفونها فوق ، طلعت قمر تجيب تليفونها 

وأول ما دخلت من باب الشقة الباب أترزع وراها 

بصت قدامها اتفاجئت بأشمودان قاعد على الكرسي 

قمر بصتله وهي مرعوبة

اشمودان .. الزيارة دي غير مسموح بيها ياقمر 

قمر .. نعم ؟!! يعني ايه ؟!!

اشمودان .. ضياء عايز ياخدك مني وانا مش هسمح بكده 

قمر .. طب إيه رأيك بقا إني مش بحبه ومش عايزة اتجوزه بس هتجوزه عشان أخلص منك 

اشمودان .. وأنا قلتلك مش هسمح لأي حد ياخدك مني 

في نفس اللحظة كان ضياء جه ورا قمر يستعجلها وبمجرد ما وصل عند باب الشقة كان الباب اتفتح لوحده 

وبدون أي مبالاة بيدخل ضياء وهو بينادي على قمر 

في اللحظة دي باب الشقة اتقفل وراه وبالمفتاح 

بعد 10 دقايق بييجي وراهم أبو قمر اللي قلق من تأخيرهم فتح باب الشقة وأول ما دخل إتفاجئ بضياء واقف قدامه وفي سكي،نة مزروعة في قلبه 

بص وراه شاف قمر واقفة بتبكي وإيديها ملطخة بالد.م

طبعا الكل حضر وراه وعاشوا الصدمة بحاذفيرها 

ومن هنا كانت بداية دخول قمر في صدمة عصبية قطعت على أساسها الكلام 

طبعا التحقيقات أشتغلت مع قمر ولكن للأسف لم تنطق بكلمة واحدة 

وفي الحال طلبت النيابة تولي دكتور نفسي خبير بالتعامل مع مثل هذه الحالات رغم إن كان في إعتراض من الظابط كمال على الموضوع لأنه متوقع إن قمر بتمثل عشان

تتهرب من عملتها 

______________ 

في المستشفى 

الظابط كمال .. ها يادكتور فرحني وقولي إن البت بتمثل 

دكتور فريد .. للأسف ياكمال بيه موضوع قمر حقيقي ومحير 

الظابط .. ممكن اعرف إيه المحير في الموضوع؟!

الدكتور .. الصدمة اللي أتعرضت ليها قمر مش صدمت واحدة قت.لت شخص بإرادتها ! يعني على الأقل كان هيبقا عندها صدمة لحظية واللي كان هيساعدها إنها تخرج من الصدمة دي بسرعة هو نفس الدافع اللي خلاها ترتكب الجر.يمة

الظابط .. لا بقا اهدى عليا كده الله يباركلك وتعالى نشرب كوبايتين شاي وإحكيلي بالراحة وعلى رواقة عشان حضرتك خليت دماغي بدأت تلف معاك 

________

في الكاڤتيريا 

الظابط .. ممكن بقا تشرح ليا الكلمتين اللي قولتهم جوة المستشفى 

الدكتور .. الأول عايز اعرف منك تفاصيل التحقيقات وكلام ابوها وأمها والوضع اللي حضرتك شفت عليه الجر.يمة

الظابط .. صفر 

الدكتور .. نعم ! يعني إيه صفر !!؟

الظابط .. يعني اهل البت مشافوش حاجة ذيادة عننا وهما كمان كلامهم مش مصدقين ولا مستوعبين اللي حصل خصوصا يعني إنهم بشهادتهم بيقولوا إن ضياء حد محترم وقمر عمرها ما تعمل كده ، يعني الخلاصة الوحيد اللي عارف إيه اللي حصل هي قمر ، وقمر زي ما أنت عارف

الدكتور .. طب خلينا كده نحط إحتمالات ، يعني مثلا إيه اللي ممكن يوصل قمر لحاجة زي دي ؟!!

الظابط .. مفيش قدامنا غير إحتمال واحد وهو إن الواد حاول يعتدي عليها 

الدكتور .. غلط  ، العقل بيقول إن الواد طلع لقمر لما لقيها أخرت والأكيد إن مفيش واحد هيعتدي على واحدة ومعاه ابوها وامها منتظرينهم ،  والأهم من كده مفيش أي أثار شد وجذب واضحة على ملابسها أو جسمها 

الظابط .. هههههه الموضوع ماله قلب معاك بفيلم هندي ليه كده يادكتور ما يمكن هي قتلت،ه عشان معملش حاجة هههههههه بلاش والنبي العاطفة تخليك تقول كلام مش مقنع ههههه

الدكتور .. هي حصصلت فيلم هندي وعاطفة كمان  !!! بص ياكمال بيه أكيد يعني أنا مش ملم بكل حاجة عن الشخصية زي حضرتك ! بس والله انا قلت اللي عندي واللي يخلص ضميري وأنت بقا حر تجيبلها إعدا،م تجيبلها برائة أنا مليش دخل ( أستئذنك عشان عندي شغل كتير )

الظابط .. أذنك معاك يادكتور قال غلط قال ههههههه

__________

طبعا الدكتور رجع على المستشفى دخل غرفته ومن الإرهاق راح في النوم على المكتب وبعد شوية صحي على صوت الممرضة وهي بتستنجد بيه وتقوله إلحقنا يادكتور البنت اللي اسمها قمر عملت كارثة ، الدكتور اتخض وطلع يجري على غرفتها اول ما دخل إتفاجئ بالممرضة مقتو،لة وإيد قمر ملطخة بالدم وبتقوله مش أنا يادكتور انقذني يادكتور 

اتخض الدكتور من المنظر وقام مخضوض من النوم عشان يكتشف بعد كده انه لسه في المكتب وانه كان بيحلم والموضوع كان كابوس ! 

في لحظتها الدكتور حس بحاجة غريبة بتدفعه إن يهتم بقمر ويراجع قضيتها خصوصا إنه الوحيد في كل الناس اللي حواليها مش مقتنع بالجر،يمة وحاسس إن في لغز أكبر في الموضوع ، وعلى الفور مسك تليفونه وكلم الظابط يستفسر منه عن شوية معلومات 

الظابط .. الو ، خير يادكتور البت فاقت ؟

الدكتور .. بصراحة لسه بس كنت حابب استفسر منك على شوية معلومات لو مايضايقكش 

الظابط .. معلومات ؟! اه ومالو يادكتور شوف أنت عايز ايه وإحنا في الخدمة  

الدكتور .. ممكن اعرف مين أقرب حد لقمر غير ابوها وأمها؟!

الظابط .. ملهاش غير صديقة واحدة مقربة اسمها ياسمين ولما أستجوبناها قالت إنها مش مصدقة إن قمر تعمل كده ، وإن قمر عمرها ما كانت بتتعاطى أي نوع من المخد،رات

الدكتور .. انا عملتلها تحليل وأتاكدت إنها فعلا مش بتتعاطى حاجة ، طب ممكن اطلب منك طلب ؟

الظابط .. اتفضل يادكتور 

الدكتور .. عنوان صاحبتها 

الظابط .. ياسلام انا أجيبهالك لحد عندك 

الدكتور .. لا أرجوك سيبني براحتي 

الظابط .. ماشي ياسيدي بس استسمحك يعني خدني في ديلك وأنت رايح يمكن اوصل لحاجة وأنا معاك 

الدكتور .. ديلك ؟!! ماشي ياحظابط يلا بينا هستناك قدام المستشفى 

الظابط .. في نفسه ( هو اتقمص ليه من ديلك !!)

_____________  

في بيت ياسمين 

ياسمين .. انا قلت كل اللي عندي في المحضر ممكن أعرف جايين البيت ليه ؟!!

الظابط .. احنا جايين ندردش شوية مسافة الشاي ياياسمين وهنمشي ، احب اعرفك ده الدكتور فريد المختص بحالة قمر وهو اللي طلب إنه يتكلم معاكي شوية 

ياسمين .. أيوة ياباشا بس أنا معنديش حاجة تاني أقولها 

الدكتور .. تقريبا ياحظابط الضجة اللي تحت دي بسبب عربيتك الحقها بسرعة أحسن يكون حد خبطها 

الظابط .. أنا شكلي كده بتوزع ! ماشي يادكتور انا هستناك تحت

الدكتور .. كده بقينا لوحدنا ونقدر نتكلم براحتنا

ياسمين .. قلتلك يادكتور انا معنديش حاجة تاني أقولها 

الدكتور .. انا مستغربك ياياسمين إزاي أنتي صاحبة عمرها ومش شايفك يعني قلبك واكلك عليها ولا حتى يعني جيتي زورتيها في المستشفى 

ياسمين .. ربنا يعلم يادكتور انا قلبي اتعصر عليها قد إيه ومن يومها وأنا ولا قادرة اصدق ولا عارفة أنام بس اكيد حضرتك عارف إني أهلي صعايدة وماينفعش بنتهم تروح القسم وكل يوم والتاني يخبط على بابهم ظابط 

الدكتور .. انا عايزك تساعديني أثبت برائة قمر ياياسمين 

ياسمين .. انا أساعدك بروحي يادكتور دي قمر دي هي اللي طلعت بيها من الدنيا ، بس أرجوك أضمن لي محدش ينطلي هنا كل يوم والتاني عشان زي ما عينك شافت اهلي جوة بياكلوا في نفسهم والنار قايدة في جتتهم

الدكتور .. متخافيش ياياسمين محدش هيقف ليكي على عتبة باب تاني وعشان أخفف عليكي الضغط انا همشي دلوقتي وهاخد رقمك وأكلمك بالليل ،تمام كده ياياسمين ؟

___________ روايات أحمد حسن 

المكالمة

الدكتور .. أحكيلي بقا ياياسمين إيه حكاية قمر وضياء ؟!

ياسمين .. ضياء ده يادكتور مكانش ليه دور بارز في حياة قمر هو كل علاقته بيها إنها بنت خالته وأمه من فترة طويلة نفسها تجوزه لقمر بس قمر مكانش في دماغها ضياء واللي مستغرباله إنها وافقت إنها تقرب منه ووافقت إنها تتعزم على العشاء من ام ضياء وتروح مع ابوها وامها !

الدكتور .. تفتكري إيه الدافع اللي يخليها تغير نظرتها في ضياء بالسرعة دي ؟!

ياسمين .. بصراحة معرفش 

الدكتور .. طب مفيش حاجة كانت بتشتكي منها أو أزمة مرت بيها في الفترة الأخيرة ؟!

ياسمين .. لأ ، ايوة !

الدكتور .. أيوة إيه ! أتكلمي متخافيش ياياسمين 

ياسمين .. بصراحة كده هو موضوع قمر أمنتني إن مجبش سيرته لحد وخايفة اقوله لحضرتك يضرها أكتر مينفعهاش

الدكتور .. موضوع إيه ياياسمين أتكلمي !؟ 

ياسمين .. طب ممكن نتكلم فيه بكرة عشان نايمة لوحدي واخاف أتكلم اصل الموضوع مخيف 

الدكتور .. مخيف !!!!!؟ عالعموم ماشي ياياسمين براحتك طب ياريت نتقابل بكرة اوك ؟

ياسمين .. إن شاء الله يادكتور 

_______________

في بيت الدكتور فريد 

الدكتور فريد رجع عالبيت ومن التعب نام علطول الغريب إن قمر جت ليه في الحلم بتستنجد بيه ! فقام مفزوع !!

نام تاني مرة وبرضو ظهرت ليه قمر بتقوله أنقذني وهي قاعدة على كرسي ومتسلسلة!! 

فريد حس إن الموضوع مش كابوس وإنها رسالة قام بسرعة لبس هدومه ونزل جري الكلام ده كان على الساعة 3 الفجر

بالفعل وصل فريد على المستشفى إتوجه بسرعة ناحية غرفة قمر فتح الباب شاف  ........ يتبع

الفصل القادم خطييييييير وجااااااامد 

تكملة الرواية من هناااااااا