رواية ممنوع الرجوع الفصل الثاني 2 للكاتب عادل عبد الله حصريه في مدونة قصر الروايات
رواية ممنوع الرجوع الفصل الثاني 2 للكاتب عادل عبد الله حصريه في مدونة قصر الروايات
#رواية_ممنوع_الرجوع
#للكاتب_عادل_عبد_الله
الحلقة الثانية
نجلاء " بعصبية " : لأ يا نوال ، أنا محطش نفسي في الموقف ده ابدا !! متزعليش مني أنا مضمنش حد .
تسكت نوال لثواني قليلة ثم تبتسم و تقول : بت يا نوجا لقيت الراجل اللي كلنا نضمنه ميلعبش بينا .
نجلاء : مين ده بقي ؟؟
نوال : رامي ابني .
نجلاء " بدهشة " : رامي ؟!!
نوال : أيوه رامي ، وأظن رامي كلنا نثق فيه مليون في المية ومستحيل يلعب بينا .
نجلاء " بهدوء " : أيوه نثق فيه ، لكن ...
نوال " تقاطعها " : لكن ايه ؟؟ مفيش حد ممكن نثق فيه اكتر من رامي .
نجلاء : و تفتكري رامي ممكن يوافق ؟؟
نوال : ملكيش دعوة ، أنا هقنعه .
نجلاء : الصراحة يا نوال الفكرة نفسها صعبة عليا .
نوال : ما احنا قولنا جواز صوري مش حقيقي .
نجلاء : طيب اديني فرصة أفكر .
نوال : معاكي يومين تفكري وتردي عليا علشان اكلم رامي واقنعه واكلم رأفت ونتفق علي كل حاجة .
بعد يومين ...
تذهب نوال إلي نجلاء وتسألها : ها يا نوجا ، فكرتي في اللي قولتلك عليه ؟
نجلاء : ايوه فكرت .
نوال : أقول مبروك واكلم رأفت ورامي ؟
نجلاء : أنتي قولتي لرأفت أو لرامي ؟
نوال : لأ ، لسه .
نجلاء : طيب استني بلاش تكلميهم دلوقتي ، مخبيش عليكي يا نوال أنا لسه مترددة و مش قادرة أخد قرار .
نوال : ليه ؟ قلقانة من رامي ؟
نجلاء : لأ مش قلقانة من رامي ، لكن ..
نوال : مفيش لكن ، مادام مش قلقانة من رامي يبقي أتكلم معاهم ونخلص الموضوع علشان ترجعي لجوزك ، ده رأفت هيتجنن ويرجعلك .
تمسك نوال بهاتفها وتتصل بأخيها ...
نوال : أنت فين يا رأفت ؟
رأفت : أنا في الشغل دلوقتي .
نوال : عايزاك تعدي عليا في البيت النهاردة .
رأفت : فيه حاجة ؟
نوال : أنا لقيت حل لمشكلتك أنت ونجلاء .
رأفت : حل أيه ؟ قولي بسرعة .
نوال : لأ مش هينفع في التليفون ، تعالي بالليل ونتكلم .
في المساء ...
تجلس نوال مع ابنها رامي الذي يسألها : فيه أيه يا ماما ؟ أتكلمي .
نوال : لما يوصل خالك رأفت .
رامي : طيب فهمبني فيه ايه ، أنتي كده قلقتيني .
يدق جرس الباب ، فتنهض نوال وتفتح الباب لأخيها وتدخله .
يدخل رأفت بلهفة ...
رأفت : أهو أنا جيت يا نوال ، قولي بقي الحل بسرعة .
نوال : أقعد أرتاح الاول وبعدين نتكلم .
رأفت : أتكلمي بسرعة ، أنا طول اليوم بفكر .
تبتسم نوال وتقول : الحل اللي لقيته لازم توافقوا عليه أنتوا التلاتة .
رأفت : أحنا التلاتة !!! أحنا مين ؟؟
نوال : أنت ونجلاء ورامي .
رامي " بتعجب " : أنا ؟!! وأنا مالي ؟!!
رأفت : رااامي !! ورامي أيه دخله في مشكلتي مع نجلاء ؟؟
نوال : الحل إن رامي يتجوز نجلاء وبعدين يطلقها وترجعلك .
رامي : اييييييه !!!
رأفت : رااامي ؟؟؟
نوال : أظن يا رأفت مفيش حد ممكن تثق فيه أكتر من رامي ابني .
رأفت " بدهشة " : رااامي !! أيوه طبعاً بثق فيه .
رامي : أنا ؟؟!!!
نوال : أيوه يا رامي ، دي خدمة هتعملها لخالك علشان يرجع لمراته .
رامي : لأ يا ماما ، معلش يا خالي أنا أسف ، أنا مش موافق .
نوال : مش موافق ليه يا رامي ؟ أنا بقولك دي خدمة هتعملها لخالك ، ومش هتخسر حاجة .
رامي : أنا أسف ، معلش يا خالي أنا أخدمك في أي حاجة إلا الموضوع ده .
رأفت : فكر تاني يا رامي علشان خالك ، وخليك فاكر إن اللي هتعمله ده علشان بيت خالك ميتهدش .
رامي : معلش يا خالي ، سامحني مش هقدر .
نوال : خلاص يا رأفت ، سيب رامي يفكر بهدوء ، أكيد رامي دلوقتي مش قادر ياخد قرار بسبب المفاجأة .
رامي : يا ماما اااا.....
نوال : خلاص يا رامي ، مش عايزين ردك دلوقتي ، فكر براحتك وخد وقتك في التفكير .
رأفت : أنا همشي دلوقتي ، بس ياريت تفكر كويس يا رامي وتكون عارف أنك هتعمل لخالك خدمة العمر .
بعد إنصراف رأفت ...
نوال : رفضت ليه يا رامي ؟
رامي : يا ماما مينفعش ، أولا المحلل ده حر،ام ، ثانيا نجلاء مرات خالي قريبة مني في السن ومينفعش أكون في الموقف ده معها .
نوال : يا رامي ، ده جواز صوري مش حقيقي .
رامي : صوري أو حقيقي ، لأ يا ماما مينفعش .
نوال : فكر كويس يا رامي وخلي بالك بيت خالك وابن خالك متعلق بالقرار اللي هتقرره .
بعد العشاء .....
يدخل رامي غرفته ، ويجلس بين ذكريات حبه لميرنا والتي أخذله موقفها منه ، وبين صد،مته من طرح والدته فكرة زواجه من نجلاء كمحلل . وأثناء أنغماسه في التفكير في كل ذلك يسمع صوت تنبيه برسالة علي هاتفهه!!
يلتقط هاتفهه ليجد الرسالة من ميرنا !!!
يفتح الرسالة ليقرأها فلا يجد فيها سوي كلمة واحدة "" وحشتني " !!
وكأن تلك الرسالة ضغطت علي زر مصباح ليضئ حياته وسط ظلام الحزن والفراق !!
دقات قلبه عادت من جديد لتعلن عصيانها علي اليأس والأحزان .
وبدأت أصابعه تكتب لها " وأنتي أكتر يا روح قلبي " ثم أنسابت الكلمات من بين أصابعه لتعلن لمنار نجاحها في إستعادة حبيبها بكلمة واحدة !!!
ميرنا : كد،اب !! لوكنت روح قلبك مكنتش سيبتني !!
رامي : من يوم ما سيبنا بعض وانا حاسس أني في كا،بوس ومش مصدق إن في يوم وليلة نسيب بعض !!
ميرنا : بردو كد،اب ، لو كنت بتحبني بجد كنت أتمسكت بيا ومش سيبتني أضيع من أيديك أبداً .
رامي : لا يا حبيبتي متقوليش كده ، أحنا لبعض ومستحيل تضيعي مني .
ميرنا : بعد ايه يا رامي ؟!! خلاص أنا هتخطب وأتجوز .
رامي : بتتكلمي بجد ؟؟
ميرنا : أيوه يا رامي ، فيه عريس غني أتقدم لبابا ووافق عليه وأتفقوا الخطوبة بعد أسبوعين والجواز بعد شهرين .
رامي : وأنتي وافقتي ؟؟
ميرنا : بابا مسبش ليا فرصة أوافق أو أرفض .
رامي : وبعدين ؟ هتعملي ايه ؟؟
ميرنا : معرفش !! أنا بكلمك يا رامي علشان أودعك ، لأني بعد كده هكون مخطوبة ومتجوزة ومش هقدر أكلمك تاني .
رامي : لأ مستحيل ، أنتي ليا يا ميرنا ومستحيل تضيعي مني أبداً .
ميرنا : وهتعمل ايه يا حبيبي ؟
رامي : هروح لباباكي تاني علشان نرجع لبعض .
ميرنا : لكن بابا ممكن ميوافقش !!!
رامي : هعمل أي حاجة علشان يوافق .
ميرنا : ممكن يشترط عليك شروط صعبة !!
رامي : هوافق علي أي حاجة ، المهم أننا نكون لبعض .
ميرنا : لو عملت كده هعرف أنك فعلا بتحبني يا روميو .
تنتهي محادثتهم النصية ويخرج بعدها مباشرة ليجد والدته تجلس أمام التلفاز فيقاطعها قائلا : أنا موافق يا ماما .
نوال : بجد ؟؟
رامي : أيوه موافق ، لكن ليا شرط .
نوال " تبتسم " : هتتشرط يا واد علي أمك وخالك ؟؟!
رامي : مادام هقدم مصلحة لخالي أنا كمان ليا مصلحة عايزه في مصلحة ليا .
نوال : رغم إن المبدأ ده أنا رفضاه ، لكن قول شرطك .
رامي : عايزك أنتي وخالي تساعدوني أرجع لميرنا .
نوال : لسه بتفكر فيها يا رامي ؟!!
رامي : بحبها يا ماما وهي كمان بتحبني ، وفيه عريس أتقدملها وباباها وافق !!!
نوال : خلاص يا ابني سيبها تروح لصاحب نصيبها .
رامي : لا يا ماما ، ميرنا دي نصيبي أنا .
نوال : يا حبيبي البنت دي طماعة وأبوها طماع وبيلعبوا بيك !!
رامي : لا يا ماما ، ميرنا بتحبني ، ولو أبوها طماع شوية نتحمله علشان خاطرها .
نوال : يا ابني أنساها وشوف مستقبلك .
رامي : هو ده شرطي الوحيد ، ولو مش وافقتوا عليه مش هنفذلكم طلبكم .
نوال : بقي كده يا رامي ؟!!
رامي : ايوه يا ماما ، وكمان مش هتجوز أبدا .
نوال : خلاص خلاص ، أنا هكلم خالك وأرتب معاه ونشوف هنعمل ايه ؟؟
في اليوم التالي ...
نوال : خلاص يا رأفت رامي وافق لكن كان طلب صغير .
رأفت : طلب أيه ؟
رامي : ترجعوني لميرنا تاني ، ده شرطي الوحيد .
رأفت : شرطك ؟!!
رامي : أيوه يا خالي ، أنا بكلمك بصراحة علشان أساعدك ترجع لمراتك ، انت كمان تساعدني أرجع لخطيبتي .
رأفت : موافق يا رامي .
نوال : مادام أنتوا الاتنين وافقتوا ، فاضل بقي صاحبة الشأن نفسها توافق ، أناهكلم نجلاء حالا .
رأفت : تعالي نروحلها أحسن .
نوال : فعلا ، ثواني ألبس وأنزل معاكم .
في منزل نجلاء ...
تفاجئ نجلاء بنوال تدق بابها ومعها رأفت ورامي !!
نجلاء : أتفضلوا .
نوال : احنا جايين لك يا نوجا ومعنا الحل اللي يرجعك لرأفت .
نجلاء : حل أيه ؟؟ محلل بردو ؟؟ أنا قولتلكم مش موافقة !!
رأفت : ده جواز صوري يا نوجا .
نجلاء : أنا اسمي نجلاء مش نوجا ، أنا مش مراتك علشان تقولي كده !!
رأفت : زي ما تحبي يا نجلاء ، المهم نرجع لبعض .
نوال : أنتي هتتجوزي رامي ابني .
نجلاء : رامي !!!
نوال : أيوه رامي ، هتتجوزوا أسبوع أوأسبوعين ، هتقعدوا مع بعض كأنكم متجوزين لكن حبر علي ورق .
رامي : مفهوم ، مفهوم .
نوال : بعدها رامي هيطلقك وترجعي لرأفت تاني .
نجلاء : وأناأضمن منين إن رأفت أخوكي ميرجعش يهيني ويطلقني تاني ؟
رأفت : خلاص يا حبيبتي ، عمري ما هزعلك تاني .
نجلاء : ده كلام أنت بتقوله دلوقتي بس .
رأفت : صدقيني يا حبيبتي أنا أتغيرت ، وافقي علشان خاطري ، علشان حبنا .
نجلاء : أنا هوافق بس علشان ابننا .
رأفت : أتفقنا ، بعد نهاية العدة بيوم هنجيلك ومعنا المأذون .
تكملة الرواية من هناااااااا
لمتابعة باقى الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا