رواية لحظات الصمت الفصل الثالث و عشرون 23بقلم ميادة يوسف الذغندى حصريه في مدونة قصر الروايات
رواية لحظات الصمت الفصل الثالث و عشرون 23بقلم ميادة يوسف الذغندى حصريه في مدونة قصر الروايات
ياحلاوة ياولاد الظاهر كدة هتحلو شويه، وتبدأ تضحك لسماح ، بس ثوانى وايه الجديد يعنى ماهى بيتقدم لها عرسان كتير ، وهى بترفض ، يمكن يكون فيه سر جواها ، يمكن القدر له كلام تانى ياولاد ، حمدى حبها بجد والحب دخل قلبه متأخر، وفيه مقوله بتقول ان احلى حب اللى بيجى متأخر 🤔 مش عارفه طب تعالوا نشوف هيحصل ايه ، وقبل الكلام صلوا على مسك الختام...
ماهر وحمدى كانوا واقفين برة أوضة المكتب وبيشربوا سيجارة .......
ماهر :: بتقول ايه ياحمدى ؟
حمدى :: انا عايز اتجوز سماح ، يارتنى عرفتها من زمان ، ويارتنى كنت شفتها قبل ماناس تانيه يدخلوا حياتى ويخربوها......
ماهر ::: لاء ابعد عنها ، مش عايزة تتجوز خالص ، واتقدم لها عرسان كتير ، وهى بترفض ، والله فيهم ناس مش اتجوزوا اصلا
حمدى : ليه، ايه الحكايه بتاعتها بالظبط؟
ماهر :: ياسيدى ابدا ، سماح بنت عمك الشيخ سالم المقرئ والمأذون ، اللى من بلد...... وسماح كان بيجى لها عرسان من وهى فى تالته اعدادى ، وطبعا عمك الشيخ كان بيرفض، لحد مافى يوم أتقدم لها عزيز شاب من بلدهم و............... وتم الطلاق بينهم
حمدى :: ياه ، اتجوزت بعد تالته ثانوى على طول فى أولى جامعه ، ومكملتش معه سنتين ، يعنى مش لحقت تتهنى ولا تفرح ، هى اللى قالت لك ؟
ماهر ::: وهى بتتكلم اصلا ، لاء والله اخوها الكبير محمد صاحبى وزميل تخته كنا فى فصل واحد وبينا تواصل ، بس هى اتعقدت من الرجاله
حمدى :: اتعقدت ، وهز راسه ، طب سيب لى الموضوع ده ، ومش تجيب سيرة وانا لى تصرف تانى ، هدخل أكمل شغل .....
حمدى راح سحب كرسى وقعد جنب سماح ....
حمدى :: مش كفايه شغل شويه ، هشرب قهوة تشربى معايا ؟
سماح :: سابت القلم من ايدها ، وبصت له انا اصلا خلصت تسجيل البيانات دى ، وفعلا عايزة كوباية شاى
حمدى :: والقهوة ؟!!!
سماح :: هزت كتفها ، بشربها بس مش كتير
حمدى :: وعلشان خاطرى
سماح :: اتلخبطت ، نعم علشان خاطرك ، ماشى مافيش مانع
حمدى :: لاء يبقى انا اشرب شاى معك هههههههه
سماح ::: اتكسفت منه ، وهزت راسها بمعنى نعم
حمدى :: رايحه فين ، انا اللى هعمله.....
ماهر :: بيبص عليهم وبيضحك ، ولا انت ولا هى انا .....
حمدى :: ماشى اعمله
وبص لسماح ، هو انا ممكن أسألك انتى ليه اتطلقتى ايه السبب ؟
سماح :: رفعت راسها له ، وبكل قوة ، النصيب ، عيشى اتقطع عنده ، هو ابن بلدى وجيران وكل شئ راح لحاله انت بتتكلم فى حاجه من ١٥ سنه على فكرة كان عمرى ٢٠ سنه لما طلقت
حمدى :: طب براحة عليا ياموحه ( والصراحه كان عاجبه ردها وتحفظها فى الكلام اللى قالته بكل قوة ) انا بس كنت عايز ادردش معك
سماح:: البيوت أسرار، مش اكتر ، واللى فات مات ، ومش فكراه ، مش اكتر
بعد شهرين من العِشرة اليومية جوه المكتب، حمدي وسماح بقوا يتكلموا كتير في تفاصيل صغيرة، مش بس شغل...
حمدي :: (بابتسامة وهو بيشوفها منهمكة في الأوراق)
هو إنتي دايمًا كده مركزة أوي؟ مش بتزهقي من القلم والأرقام؟
سماح :: (ترفع راسها وتضحك بخجل)
لا والله، بالعكس بحب الشغل ده، يمكن علشان بحس إني بعمل حاجة مفيدة ومش بضيّع وقتي.
حمدي :: طب وأنا؟ شايفاني بضيّع وقتك؟
سماح :: (تضحك أكتر)
أبداً... إنت ساعات بتشغلني بهزارك، بس مش بضيّع وقتي.
حمدي :: (ينحني قدامها شوية ويكلمها بنبرة أهدى)
بصراحة يا سماح... وجودك هو اللي مخليني مستحمل ضغط الشغل كله، من غيرك المكان ده مايسواش حاجة.
سماح :: (تسكت لحظة، وتبص بعيد علشان تخفي ارتباكها)
كلامك كبير أوي يا حمدي...
حمدي :: (بلطف)
لا والله مش كبير، ده حقيقي. أنا عمري ما حسيت إن فيه حد قريب مني كده... حتى من غير كلام كتير، وجودك جنبي بيريّحني.
سماح :: (تتنهد وتبص له بخجل)
الراحة دي نعمة... بس ساعات الخوف بيخليني أبعد، مش عايزة أتعشم ولا أخلي حد يتعشم.
حمدي :: (بجدية وهدوء)
أنا مش غريب يا سماح... ومش جاي ألعب ولا أضيّع وقت. يمكن اتأخرت، بس قلبي اتعلم متأخر. ومش هسيبك لوحدك تاني.
سماح :: (تهرب ببصرها ناحية الأوراق، بس ابتسامة صغيرة طلعت غصب عنها)
خلينا نشوف الأيام يا حمدي... يمكن هي اللي تجاوب.
#_بقلم_ميادة_يوسف_الذغندى
فى البيت عند جيهان .....
جيهان قاعده هى واختها بيتكلموا
جيهان :: مش قلت لك اهو طلقها ، وخلص منها ، وبكرة يرجع يترجاني ارجع له ووقتها احط شروطى وكل طلباتى .....
أمل:: ياربى على الدماغ المهلبية، ياحبيبتى حمدى مطلق له اكتر من خمس شهور ركزى لو كان عايز يرجع كان رجع لوحده من زمان وكان رجعك حتى لو اتجوز عشرة مش وحده ، احلمى
وبعدين ، ابنك داخل امتحانات الثانويه مش عيزين مشاكل الفترة دى واهدى خالص كدة. واهتمي بابنك شويه ، حبه حنان له ولاخوه
جيهان :: حنان ، هو انا مقصرة معه ، اى فلوس ببطلبها بديه على طول
أمل:: كتر الفلوس تفسدة ، وراجعى ودورى وراه شوفى ابنك بيعمل إيه؟
جيهان :: أبوه موجود ، يشوفه هو
انا هقوم اتصل على حمدى اطمنه على الولاد ، من ساعة لما جم عندى وهو مش بيسأل عليهم....
أمل:: ايه ، دول لسه جاين امبارح بس ، وحمدى مش مقصر فى حاجه
جيهان :: بصت لها ، ونفخت ، هو انتى معه ولا معى انا ، واخدت الموبايل وراحت الاوضه التانيه ....
🕰️ وقت العصر...
حمدي قاعد في بلكونة البيت، قدامه فنجان قهوة سخنة، عينيه سرحانة في لون السما، وكل ما يفتكر ضحكة أو حركة صغيرة من سماح يبتسم من غير ما يحس.
📱 فجأة موبايله يرن...
نظر بسرعة، ولما شاف اسم "جيهان" على الشاشة اتغيرت ملامحه. اتردد شوية، إيده راحت على الموبايل وبعدين سحبها...
(تمتم لنفسه)
"يا ساتر... هي عايزة إيه دلوقتي؟"
📱 الموبايل فضل يرن...
في الآخر رد وهو بيزفر:
حمدي :: أيوه يا جيهان؟
جيهان :: (بصوت متعالي شوية)
ايه يا حمدي، هو لازم أنا اللى أتصل كل مرة؟ ما تطمنش على ولادك بنفسك؟
حمدي :: (ببرود وهو بيشرب رشفة قهوة)
أنا متطمن... الولاد بخير ، كنت بكلمهم من شويه ، اهتمي انتى بيهم، وخدى بالك ابنك عنده امتحان بعد يومين .....
جيهان :: (بنبرة استفزاز)
طب ماانا عارفه ايه الجديد يعنى ، بس حلو على الأقل عارف ابنك داخل على امتحانات الثانوية العامة، ولا وانت مش فارق معاك.
حمدي :: (يحاول ينهى الكلام بسرعة)
الولاد عارفين إني معاهم وقت مايحتاجوني... وإنتِ كمان خلي بالك منهم وخلي تركيزك معاهم دلوقتي.
جيهان :: (بتحاول تستفزه أكتر)
يعنى أنا اللى شايلة الحمل كله، وانت قاعد تشرب قهوة فى البلكونة ومش همّك! ولا إيه، لاقيت حد تانى يسلّيك؟
حمدي :: (شد نفسه بهدوء، لكن نبرته بقت حادة)
جيهان... كفاية. مش كل مرة هنفتح نفس السيرة. لو عندك حاجة تخص الولاد قولي. غير كده مافيش داعي للكلام.
جيهان :: (بسخرية)
هو ده حمدي اللى أعرفه... قلبه حجر. ماشى، الأيام بينا.
🔴 حمدي قفل المكالمة من غير ما يرد... حط الموبايل على الترابيزة، ورجع يسند ضهره على الكرسي.
أخد نفس عميق وبص للسماء تاني... ابتسامة صغيرة رجعت لوشه وهو يتذكر سماح وهي بتتكسف منه في المكتب، وقال في سره:
"يا ترى الأيام هتجمعني بيها؟"
ويعدى يومين ، واول يوم امتحان الثانويه العامه...
اسلام :: دخل البيت ، ماما ماما ، عملتى اكل جعان ، مش كلت كن امبارح كنت قلقان قوى ، عايز اكل وانام
جيهان :: ادخل كل اى حاجه من التلاجه، ماليش مزاج اطبخ
اسلام :: طب اسألني عملت ايه ؟
جيهان :: بتتنهد ، هتعمل ايه يعنى ، اكيد حليت ، واضح قوى ...
اسلام :: اومال اشرف فين ؟
جيهان :: راح لابوك ، بيقول القعده هنا وحشه
اسلام :: عنده حق ، انا كمان رايح لبابا ، سلام
جيهان بصت عليه ، سلام بكل برود ....
بعدووقت ......
حمدى وصل البيت ، لاقى اسلام وأشرف نيمين على الانتريه، اتبسم لما شافهم ، واتسحب دخل المطبخ وعمل ليهم اكل وبعد لما جهز الاكل ، راح عندهم ، كان بيدلك رأسهم ويلعب فى شعرهم ، وبصوت حنون ، اظن كفايه نوم ، قوموا عملت لكم احلى صنيه بطاطس باللحمة وحبه رز بالشعريه يجننن، بالهنا
اسلام :: فتح عينه ، بابا جيت امتى ؟
حمدى :: من ساعتين ، يالا يااشرف قوم ، الاكل اللى بتحبه .
اشرف :: الله الريحه تجنن احلى شيف فى الدنيا كلها
حمدى :: بص لاسلام ، عايزك تنسى مادة النهاردة وتركز فى الجاى ، بس بدام انت جاى هنا مش قولت لى ليه وكنا جينا على طول ؟
اشرف :: بسرعه ، ايه ده انت رحت له عند اللجنه يابابا
حمدى :: طبعا ، هو ابنى اللى بمتحن، انا اللى بمتحن
اسلام :: ارتمى ، فى حضنه ، ربنا يخليك لى يابابا يارب
وتعدى ايام الامتحان على خير وحمدى محتوى الاولاد ، وكان الأم والأب ليهم ، ويوم ظهور النتيجه.....
حمدى :: ياابنى اهدى بقى ، هتنزل على النت اهى خلاص ، معارفى لسه قايلين لى ، تعتمد قدام الوزير ...
اسلام :: بقالهم ساعه ، بيقولوا كدة ....
حمدى :: اهو التليفون بيرن ، اسكت بقى ، وفتح الاتصال ، ايوه طمنى بالله عليك ، ايه جاب كام ، طب اتأكد تانى
زى مابقول لك كده اسلام حمدى عبدالله الجزار رقم الجلوس ..... جايب ٩٠% الف مبروك ولى الحلاوة
حمدى :: اللى تطلبه من عنيا ، وقفل الاتصال، وبص لاسلام خده بالحضن، من بكرة بقى نمشى فى إجراءات الكليه الحربيه
اسلام :: يارب يارب ، انا بقى هخرج اسهر مع صحابى النهاردة .....
وبعد شهر .....
حمدى دخل البيت زعلان وباين عليه الحزن
اسلام :: بابا ، أنااااا
حمدى :: كل شئ نصيب ، مش وقفت الدنيا ، لعله خير ، كدة بقى ، نقدم كليه تانيه ، شوف بقى نقدم ايه .....
اسلام :: بحزن ، اى حاجه مش فارقه ، ودخل جرى على اوضته يبكى .....
حمدى قاعد بيكلم نفسه كدة بقى اتوكل على الله واعمل اللى كان متأخر اروح....... يتبع
ياترى حمدى قرر يعمل ايه بالظبط ؟
وايه اللى مستنيه هو وسماح ؟
هنعرف فى البارت القادم من رواية
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا