رواية غرامي الفصل الثالث وعشرون والرابع وعشرون بقلم زهرة الربيع حصريه وكامله في مدونة قصر الروايات

 رواية غرامي الفصل الثالث وعشرون والرابع وعشرون بقلم زهرة الربيع حصريه وكامله في مدونة قصر الروايات

رواية غرامي الفصل الثالث وعشرون والرابع وعشرون بقلم زهرة الربيع حصريه وكامله في مدونة قصر الروايات

كمال بصلو برعب وخوف شديد وقال بتهته….سسس …سحر…سحر هيه اختك ملك

بدر بصلو بصدمه واتسعت عنيه بشده فضل واقف ساكت شويه وبلع ريقه وقال  بزهول….بتقول ايه انت…انت اكيد…اكيد بتضحك عليا صح…سحر بنتك..بنتك وبنت  خالتي و

بس قاطعو كمال بخوف وقال…وحيات هشام ابني هيه دي الحقيقه..انا هحكيلك كل حاجه بس..بس انا وابني ملناش دعوه ورأفت ..رأفت هو ال..

قاطعو بدر بغضب مرعب وقال وهو بيضغط على كل حرف بيقوله….عايز …اعرف… ازاي… ده حصل…اتكلم بسرعه احسنلك وزعق جامد وقال…انطق

كمال اترعب جدا قال بسرعه …حاضر..حاضر هتكلم اهوه…لما رافت خطف ملك اختك  كانت صغيره جدا اققل من ٣ سنين قام هو جبهالي وقلي اخبيها كويس …طبعا مكانش  ينفع اوديها البيت لان احلام مراتي هتعرفها على طول ودي بنت اختها واكيد  هتقول لوالدتك..قمنا اتفقنا انا ورأفت وودينا البنت عند مربيه تخلي بالها  عليها واستنينا لما كملت ١٢سنه وارجعت انا وهشام رحنالها وقلنالها اننا  اهلها واننا كنا سيبينها مع الست دي تاخد بالها منها لان والدتها كانت  تعبانه وبتتعالج بره وهيه لانها طفله صدقت واخدتها معايا البيت

بدربصلو بزهول ودهشه شديده من كلامو وقال…يعني ايه ..يعني خالتي معرفتهاش ولا عرفت واتفقت معاكم ولا ايه

كمال كمل بخوف وقال…لا وهيه هتعرفها ازاي ازا كنتو انتو معرفتوهاش كانت  كبرت وشكلها تغير واحلام اخر مره شافتها قبل ماتنخطف كانت اققل من ٣ سنين  وبعدين لو كانت عرفت كانت بوظت الدنيا ..انا قولت لاحلام قصه كده رتبناها  انا ورأفت ان دي بنت واحد صاحبي مخلفها من واحده في السر وامها اتوفت وهيه  بتولدها وهو سابها من يومها عند واحده غلبانه بتربيها ومسالش فيها ودلوقتي  صاحبي اتوفى والست الي بتربيها عايزه تخلص منها علشان محدش بيدفعلها فلوس  والبنت مستنيه اهلها يجو ياخدوها وهي ملهاش غيرنا هنربيها على انها بنتنا  ونكسب فيها ثواب وهي طبعا لانها كانت ست طيبه اقتنعت.. وطلبت منها كمان  متقولش حاجه قدام ملك لاني مفهمها اننا اهلها واول ما جبت ملك البيت احلام  حبتها جدا وملك كانت فكرانا اهلها بجد لان كل الي فكراه ان عندها ام واب  واخ وعاشت معانا سنتين في اسكندريه وبعدها انتقلنا هنا وجبناها معانا

بدر كان مستغرب جدا ازاي اختو كانت معاهم من سنين ومعرفهاش بقى هيتجنن وقال…وامي..قولتولها ايه

كمال قال بخوف…احلام قالتلها نفس الي انا حكيتهولها بس طلبت منها متقولش  لاي مخلوق على حكاية سحر علشان نفسيتها وفعلا والدتك عاملتها على انها بنت  اختها…باباك كمان فاهم كده وغرام كانت صغيره مسألتش حاجه انت بس الي  استغربت ازاي بنت خالتكم ومشفتوهاش ولا مره ووالدتك يومها قالتلك ان سحر  مبتحبش الزيارات وانها كانت في مدرسه داخليه…ومن يومها عاشت وسطكم على انها  بنتي انا واحلام… ورأفت جهزلها اوراق بتثبت انها بنتنا واسمها سحر لان ده  الاسم الي كانو بينادوها بيه لما كانت عند المربيه ادي كل الحكايه..والله  ماكدبت عليك في حرف ابوس ايدك بقى فكنا خلينا نمشي احنا ربنالك اختك  ومودنهاش ملجا او سبناها في الشارع افتكرلنا دي حتي

عماد هز راسوو بيأس من غبائو وبدر ضحك بقوه وقال ….تمشي …تمشي اه…بقى خطفتو  اختي …وحرمتونا منها …وعيشتوني عمر حاسس بذمبها …وشفتوني مزلول قدام  الحيوان ده علشان يقولي اي معلومه عنها….ونزلت دموعو وقال….بوظلي حياتي مع  اول واكتر انسانه حبيتها وكلو كان قدامكم وساكتين وعايزين تمشو…غالي والطلب  رخيص بس كل الي قولتو ده كوم…وانك كنت هتجوزهالي كوم تاني كنت هتموت  والجوازه تتم …زعلت قوي وكنت هتتشل لما اتجوزت عصام وزعق بصوت عالي جدا  وقال..كنت مستني اتجوزها…اتجوز اختي يا واط.ي ورما الكرسي الي جمبهم بقوه  وبقى زي المجنون ورما الممسدس من ايده بقوه والغضب مالي قلبه

هشام قال برعب والله يا بدر ده عماد صاحب فكرة انك تتجوزها هو قال انو  هيراهنك عليها وانك هتخاف وتخطبها وقلنا نكمل الجوازه علشان بعدها يقلك  انها اختك وينتقم منك احنا ملناش دعوه و

بقلمي..زهرة الربيع

بس قاطعو بدر بغضب شديد وقال…اه انتو ملكمش دعوه طبعا…هو قلكم اعملو كده وانتو وافقتو وبس… فعلا ملكمش دعوه انا هوريكم كلكم يا كل.اب

كمال وهشام كانو بيرتعشو من الخوف خصوصا لما بدر فك عماد وفضل يض.رب فيه  بغل وغضب شديد حرفيا كسر عليه المكان لدرجة انو تعب من كتر ما ض.ربو وقف  وهو بينهج وساب عماد واقع على الارض سايح في د.مه وبص بنظره كره ترعب لهشام

بدر فكو وقال وهو ماسكوبغضب…عارف لما اخدت غرام شقتك وانا جبتك المخزن  يومها حطتلك جهاز تنصت في تليفونك ..وكنت اسمعك بتكلمو وتقلو خايف ننكشف  وكنت اسمعكم بتتكلمو بالالغاز لاكن ولا مره جيه في بالي ان لك ايد انت او  ابوك في خطف بنت خالتك ..قولت مهما يكون متعملش كده افتكرتك بتتفق معاه ضدي  على شغل …او على غرام لاكن انك تطلعو العمر ده كلو متفقين معاه على خطف  ملك ولا حتى جيه في بالي لحد ما ما سمعت اخر مكالمه وهو بيقلوكم تقولولي  ايه لما اسألكم بعد ما خلاني طلقت مراتي بسببكم…بس خلاص جيه وقت الحساب  هتدفعو التمن هتتمنو الموت مش وارايا غيركم انهارده يا اوس.اخ وبقى يضربو  بطريقه وحشيه لما خلى وشو شوارع

بدر كان في حاله مش طبيعيه زي المجنون كل مايفتكر الي حصل معاه واختو الي  كانت قدام عنيه يضرب فيه زي المجنون ووقفو عند الحيط وبقى يخنقو وكمال بقى  يترجاه يسيبوه بس مكانش سامع

عماد حاول يقف بالعافيه وانتهز فرصة ان بدر مشغول مع هشام ومسك مسدس بدر من على الارض وضرب طلقه على بدر

بس بدر لمحو وبحركه سريعه شد هشام قدامو والطلقه جات في نص قلبو وقع ميت في الحال

عماد ارتبك ووقع المسدس من ايده وبدر هجم عليه بغضب وبقى يض.ربو بشده وعن.ف  وهو بيقول…هتدفع التمن غالي ..تمن حرماني انا واهلي من اختي بسببك وبسبب  ابوك الواط.ي وهدفعك تمن ايدك الوس.خه الي حاولت في يوم تلمس مراتي بيها  هدفعك تمن كل دموعها الي نزلت بسببك…و كل الوقت الي قضتو في المصحه وهيه  بتبكي على حيو.ان ميستهلش… وكل ما يقول كلمه يضربو بشده وقال هربيك يا وس.خ  ومسك المسدس وضربو طلقه في دراعو خلت عماد وقع على الارض من كتر الالم

وبدر فضل يبصله وبيحاول يهدى وياخد نفس لان نفسو مبقاش منتظم طلع البخاخ من جيبه وحط منو وبقى يحاول ياخد نفسو بصعوبه

بعدها بص على كمال الي كان منهار حرفيا وبيبكي على ابنه بشده وبيقول بانهيار…قوم..قوم ياهشام..قوم يا حبيبي…انا مليش غيرك …يارب

بدر بصلو بشفقه بس كره ليه كان اكبر قال دلوقتي افتكرت ان ليك رب..مفتكرتش  ان فيه رب هيحاسبك على دموع اب وام قلبهم محروق على بنتهم زي مانت عندك ابن  بتزعل عليه..مفتكرتش ان فيه رب هيحاسبك وانت شايفني بقضي عمر بحالو وانا  بدور على اختي وشايل زمبها…وملك ..مفيش رب هيحاسبك على بعدها عن اهلها  ومعاملتك الزفت ليها …طب كنت افتكر ربنا وانت عايز تجوزهالي تجوزني اختي  واتشوف الحرام بيحصل قدام عنيك وانت ساكت..مستمتع ..مش مهتم بس الي انت فيه  كان هيبقى بنسبالي كفايه اوي لو مكنتش ونزلت دموعو وقال…لو مكنتش جرحت  غرام وازتها بسببكم منكم لله انتو التلاته ..بجد منكم لله على الي عملتوه  فينا

ومسح دموعو وتكلم بقوه وقال….وعلى فكره انا بلغت عنك عن كل القضايا الي كنت  مداريها خلاص خلي الناس تخلص من فسادك ياكمال بيه… قضي بقيت عمرك في السجن  احسنلك …اتحسر على عمرك الي ضاع ومطلعتش منو غير بذنوب…. واتحسر على ابنك  الي مات… وفلوسك الي تعبت نفسك فيها على الفاضي

وسابو ووقف قدام عماد بكره شديد وقال…وانت اققف يا عماد اصلب طولك انا  وعدتك….وعدتك اموتك وانت واقف على رجليك كامل مكمل… وزعق بقوه وقال…اققف…  بقولك

عماد وقف بصعوبه وهو بيتألم بشده ودموع في عنيه قال..اه..اهدي يا بدر  انت..انت لو موتني هتتحبس انت كمان ..سبني…سبني عايش واوعدك انك مش هتشوف  وشي تاني ابوس ايدك فكر بالعقل

بدر ابتسم بسخريه وقال…امممم كلامك منطقي قوي…بس في تعديل بسيط انا مش  هتسجن ابدا..تؤ انا واحد بيدافع عن نفسو وشرفو ولا انت ناسي انك كنت خاطف  مراتي وكل الرجاله الي كانت معايا شاهده بكده متتعبش نفسك انت كده كده ميت

عماد بقى يتنفض برعب وقال..اس اسمع بس..انت خلاص خدت الي عايزه وخدت غرام كمان و

بدر شخط فيه بقوه وقال…اسمها متنطقوش فاهم … وقال وهو بيضغط على كل حرف بيقوله…غرام مراتي…. غرام ايه

عماد قال برعب…مراتك …مراتك

بدر قال باستهزاء…كده تمام …هتوحشني يا عمده وقبل ما ينطق ضربو رصاصه في دماغو وقع ميت في الحال

بدر بصلهم باشمئزاز وخرج من المكان وكان منتظر البوليس لحد ما وصل

بدر قال اتفضل يا حضرة الظابط زي ما عصام بلغ حضرتك انا رجعت المدام والمجرمين جوه اتنين ماتو وواحد عايش

الظابط …كده حضرتك مضطر تيجي معانا علشان التحقيق يكمل وحضرتك متخافش انت  اكيد هتخرج دا دفاع عن النفس بس لازم نكمل الاجرائات ونستنى امر المحكمه

بدر قال بجديه…طب وانا هفضل في الحبس لحد ما المحكمه تحكم

الظابط…لا حضرتك ممكن تخرج بكفاله ماليه بس نتكلم في القسم يكون احسن

بدر..تمام

وتم القبض على كمال بالاوراق الي قدمها بدر وهو دخل في حالة صدمه على فقدان ابنو واتحول للكشف الطبي عليه

وبدر كمل التحقيق ودفع الكفاله الماديه وخرج وفي انتظار امر المحكمه في القضيه

بدر رجع اخر النهار وعصام كان متابعو بالتلفون بس مقلوش على موضوع سحر واول  ما وصل بدر القصر كان الجميع في انتظاره ما عدا غرام لانها دخلت في حالة  انهيار لما فاقت لقت نفسها في القصر وبقت تبكي بشده واتصلو على الدكتوره  بتاعتها ادتلها مهدأ وكانت نايمه

بدر اول ما دخل كانو امه وابوه قلقانين عليه بشده وبقو يسألوه عن احواله بس  هو مردش كان بيدور بعنيه على سحر ولمحها واقفه جمب عصام وساكته

بدر ابتسم اول ما شافها ووقف جمبها ومسك اديها وبقى يلمس باديه على شعرها و  وشها ويبص على ملامحها كأنو اول مره يشوفها وقال بفرحه والدموع في  عنيه….وحشتيني…وحشتيني قوي يا قلبي…انا مكنتش اعرف الي ديما بيقربنا بس كنت  متأكد اننا لازم نكون سوا كنتي بتفهميني اكتر من نفسي وكنت بحس انك اهم من  حياتي ….ونزلت دموعو وضمها بقوه وقال الحمد لله ..الحمد لله

صفاء ومحمود بقو يبصو لبعض ومستغربين جدا و سحر كانت واقفه مخضوضه وسابته مكانها زي الصنم

بس فيه حد بقى الموضوع معجبوش خاااااالص ..طبعا عصام..🤭 واول ما شاف بدر  عمل كده شده بقوه وبصلو والشر في عنيه وضربو بوكس قوي جدا جدا وقع بدر على  الارض

بدر بصلو بزهول لان دي اول مره عصام يضربو في حياته و اهلو جريو عليه بخضه وعصام شدسحر خباها ورا ضهره وبص لبدر بتحدي شديد وووووووو

يتبع….

24=رواية غرام الحلقة الرابعة والعشرون

بدر بصلو بزهول لان دي اول مره عصام يضربو في حياتو واهلو جريو عليه وعصام شدسحر خباها ورا ضهره وبص لبدر بغضب شديد

بدر كان متفاجا جدا قال وهو بيقوم انت عملت ايه ياغبي..انت بتضربني يا عصام

عصام بصلو بغضب واضح وقال بعصبيه..لا… انت لسه مشوفتش ضرب ..اطلعي يا سحر استنيني في العربيه انا معايا كلام مع بدر

سحر كانت خايفه على عصام ومش عايزه تسيبه كانت هترفض بس عصام شكلو كان ميبشرش بالخير وقال بعصبيه بيحاول كتمها….قولت اطلعي يا سحر

سحر كانت هتطلع وبدر الاول اتفاجأ ومفهمش عصام ضربو ليه بعدها افتكر ان  عصام ميعرفش حاجه وانو اكيد فهمو غلط كان هيشرح الوضع بس شكل عصام وهو  متنرفز وغيران عجبو وحب يشوف اخره …مسك ايد سحر قبل ما تخرج وقال…سحر مش  هتروح مكان هتفضل هنا خلاص مش هنبعد عن بعض تاني ابدا

سحر كانت مستغربه جدا بس زقت ايده بغضب وقالت بحده هو فيه ايه ماتشوفي ابنك يا طنط شكلو حد ضربو على دماغو

بس عصام رد بسرعه وقال…اا هو محدش ضربو هو لسه هينضرب وقرب عليه ومسكو من  قميصه بغصب واضح وقال….ايدك دي لو لمستها تاني والله هنسى كل الي بينا يا  بدر وساعتها محدش يلومني

بدر كان كاتم ضحكته بالعافيه من منظرو وقال ..هتعمل ايه يعني انا عند كلامي سحر دي حببتي وعمري كلو ومش هسيبها تاني

عصام كان مصدوم من كلامو والغضب عاميه زقو على الحيط وبقى يخنوقو بشده  والكل جريو عليه بيبعدوه عنو وبدر انزهل من طريقتو وغيرتو اول مره يشوفو  بالشكل ده اول مره يشوفو متعصب اصلا قال وهو مخنوق ….يا حم.ار انا  بالعافيه… باخد نفسي.. مش ناقصك ..سبني هفهمك

عصام كان مش شايف اصلا ولا حاسس انو بيخنق صاحب عمره وفضل مكمل وبدر تعب  بجد قال بضيق..اختي …سحر اختي والله اختي وزقو بعيد عنو وبقى ماسك رقبتو  بضيق

عصام قال بغضب…انا موضوع بنت خالتي زي اختي ومترابيين سوا ده مبيكولش معايا  سحر مش اختك ودلوقتي بقت مراتي ومن هنا ورايح مش هتشوفها تاني ولا حتى  هتشوفني انا… كده خلصت بينا يا بدر… وشد سحر وكان خارج بس بدر قال بزعيق  وغضب بقولك اختي …اختي بجد …انهارده عرفت انها اختي ملك اهدى خليني اشرحلك

الكل كان مصدوم حرفيا خصوصا صفاء الي كانت هتقع من طولهاوبدر جري عليها  سندها وقعدها على الكرسي وقال بخوف..انتي كويسه يا امي …حاسه بأيه

صفاء كانت ساكته ومصدومه والدموع في عنيها ومحمود قال بلهفه …انت قولت ايه  يا بدر سحر..سحر ازاي اختك ….انت اكيد غلطان يا بدر او بتهزر..بتهزر صح

بدر وقف جمبو وحضنه وقال بدموع…مش قولتلك…انا قولتلك هرجعهالك …وعدتك ووفيت..بنتك قدامك يا بابا اخيرا ربنا جمعنا

محمود كان فرحان جدا رغم انو مش فاهم حاجه لاكن ثقتو في بدر كبيره حس انو  اكيد كلامو صح وبدر راح لامه الي لسه مش بتتكلم وقال يا ماما متقلقينيش  عليكي بقى

صفاء بصتلو بدموع وقالت….ازاي…ازاي ده حصل فهمني يا بدر انت متأكد يا ابني…متاكد مش كده

بدر حط ايده على ايدها وقال…متأكد … متاكد يا أمي…وقرب على سحر وقال…اصلا  من زمان وانا حاسس بحاجه كبيره بتقربنا حاسس انها جزء من حياتي مش فاهم  ازاي

سحر كانت مبرقه بشده وبتبصلو وبس مش فاهمه حاجه بس اول حاجه جات في دماغها  لحظت ما جالها كمال وقال انهم اهلها حست ان ممكن كلام بدر يكون حقيقي بس  الموضوع بنسبالها كان صعب لدرجه مش عايزه تصدقو

اما عصام فمسك ايدها بقوه ودعم لما شاف دموعها وقال بهدوء…انت كده تقعد وتحكيلنا ايه الي انت تعرفو وايه الحكايه بالظبط

بدر قال بابتسامه تمام هحكيلكم كل حاجه بس خلينا نجتمع سوا خليني انادي  لغرام الاول وكان هيطلع بس عصام قال بسرعه وتوتر..بلاش غرام خليها مرتاحه  احسن

بدر حس بقلق من طريقتو بصلو وقال بخوف…ليه مالها هيه تعبانه ولا ايه

عصام بصلو بحزن وارتباك وقال…ايوه تعبت وجبنالها الدكتوره بتاعتها وو…و قالت ..احم قالت

بدر بصلو بقلق شديد وقال…. قالت ايه انطق يا عصام

عصام نزل راسو بحزن وقال…قالت انها دخلت في حالة صدمه شديده واحتمال تحتاج تدخل المصحه تاني

بقلمي..زهرة الربيع

بدر كان هيقع من طوله هو كان متأكد انها هتزعل بس متوقعش ان يحصلها كل ده  او انها تتأثر للدرجادي بطلاقهم اول ما سمع عصام قال كده طلع جري على  اوضتهم من غير ما يقولهم حاجه

اول مادخل الاوضه كانت غرام نايمه قعد جمبها ونزلت دموعو بحزن شديد وقال  بدموع ..سامحيني…سا محيني ياكل عمري …انا اسف .. ..اسف يا غرامي وحط دماغو  على ايدها وبقى يبكي بدموع وصوت عالي لاول مره في حياتو

بعد شويه غرام فتحت عنيها ببطأ شديد وبدر بصلها بفرحه وقال بلهفه شديده…غرام …حببتي انتي كويسه يا قلبي

غرام بصتلو باستغراب شديد واتسعت عنيها بغضب وقالت ..ايه الي جابك هنا مش عايز اشوفك…مش طايقه اشوفك

بدر نزلت دموعو وقال…اهدي..اهدي وانبي يا غرام …هفهمك كل حاجه..اهدي علشان خاطري

بس غرام …غمضت عنيها وحطت ايديها على ودانها وبقت تقول بدموع وانهيار …مش  عايزه اسمعك…مش عايزه اشوفك بكرهك… بكرهك…ابعد عني ..اوعى تلمسني .. سبني  في حالي … سبني في حالي بقى

بدر اول ماشافها كده وقف بدموع ووقفت الدنيا بالنسبالو لما شافها بنفس  الوضع الي كانت فيه لما دخلها المصحه المره الاولي كانت كل ماتشوفو تصرخ  بالطريقه دي بصلها والدموع في عنيه وهيه كانت مش شيفاه اصلا وبتصرخ وبس  لدرجة ان صفاء وسحر طلعو جري على صوتها

سحر اول ما دخلت وشافتها كده صرخت في بدر لا اراديا وقالت…انت واقف هنا بتعمل ايه اطلع من هنا حالا وحضنت غرام وقالت….اخرج بقولك

غرام كانت ماسكه في سحر بشده وخوف وبدر كان واقف ساكت مش بيتكلم بس باصص  لها بدموع ومش مصدق حالتها والانهيار الي وصلتلو بسببو وصفاء شدتو وهيه  بتقول ..اطلع يا ابني…اطلع معلش يا حبيبي

بدر طلع معاها بالعافيه وخرج قعد على الارض بحزن وصدمه وهو حاسس انو خسر كل  حاجه بعد ما افتكر انو صلح كل شئ حاسس بضيق في نفسو وحزن شديد عصام نزل  على الارض جمبو وقال بحزن شديد على حالو..بدر…انت كويس…كل حاجه هتتحسن  يابدر.بس الصبر…بدر ارجوك رد انا مقدرش اشوفك كده..بدر.. بدر

بدر بصلو وقال بصدمه ودموع…كل حاجه راحت يا عصام …غرام …غرام راحت مني…مستحيل تسامحني تاني….انا خسرت…خسرت يا عصام …خسرت كل حياتي

عصام كان باصصلو بدموع و كان هيرد بس وقف هو وبدر لما شافو والدو جايب  دكتورة غرام واول ماشافت بدر كان هيدخل معاها قالت…انت بزات ممنوع تشوفك…لو  سمحت خليك بره

بدر لاول مره معاندش وفضل مكانو مستنيها تخرج

الدكتوره فضلت شويه وطلعت واول ما خرجت قالت بعمليه…للأسف زي ما توقعت صدمه  نفسيه حاده لازم ترجع المصحه كده ممكن تأذي حد او تأذي نفسها انا اديتلها  حقنه دلوقتي مع اني لسه من شويه مدياها واحده بس علشان حالتها دي و لازم  تبعدوها عن اي ضغط لو سمحتو

بدر قال بحزن ودموع…هو…هو ينفع لو تفضل هنا و

الدكتوره قاطعتو بجديه وقالت..لا مينفعش انا حزرتكم من اي ضغط نفسي او اي  صدمه ..بس الظاهر محدش عايز يفهم حالتها ابدا.تقدر تقولي يا استاذ بدر ايه  الي عملتو فيها ده بعد ما ابتدت تتحسن وانتظمت على علاجها رجعت زي العاده  بوظت الدنيا …يا استاذ بدر غرام مش بتصرخ غير باسمك واضح جدا انك سبب كل  تعبها المفاجأ ده

بدر كان مش قادر يتحمل حرف واحد قلبو بيتقطع عليها كان بيتمنا يحميها من  الدنيا كلها بس يحميها ازاي وهو سبب تعبها وخوفها سكت ومردش بحرف واحد

بس محمود قال للدكتوره…حاضر يا دكتوره احنا هنجبها تفضل في المصحه لحد ما  تتعالج وبص لبدر بخزلان وزعل منو وقال…انا غلطت اصلا لما وافقت انها تخرج

الدكتوره بصت لبدر بضيق وقالت…محدش وافق اصلا على خروجها غير ابنك والظاهر  انو خرجها علشان يرجعها لنقطة الصفر عن اذنكم انا همشي دلوقتي ويا ريت  متستهتروش ولازم ترجع المصحه وخرجت الدكتوره واول ماطلعت اتصلت على شخص

الدكتوره انا عملت كل الي اققدر عليه واكيد بكره هترجع المصحه تاني

المجهول……………

الدكتوره بخوف …حاضر حاضر والله اول ما ترجع هكمل الي كنا بنعمله الاول..و في اققل من شهر هخليها مجنونه بالكامل متقلقش حضرتك

المجهول…………………

الدكتوره لا اكيد هيرجعها انا ادتلها حقنه هتخليها تتوتر شويه واكيد هيخافو وهيرجعوها المصحه تاني متقلقش

بقلمي..زهرة الربيع

في القصر الاوضاع كانت متوتره جدا نسيو حكاية بنتهم من كتر خوفهم على غرام  ومحمود كان حاسس بالذمب انو وافق ابنو وخرجها قبل ما تكمل علاجها وبدر كان  شبه مغيب من الي قالتو الدكتوره وسحر قاعده جمب غرام لانها مش راضيه ببدر  خالص وفجأه سمعو صريخ سحر وزعيق من غرام فتحو الباب بسرعه ودخلو واتفاجأو  بسحر دراعها مجروح وبينزف وغرام ماسكه السكينه وبتقول بغضب وصراخ…ابعدو عني  …مش عايزه اشوف حد فيكم …كلكم بتكرهوني ..سبوني في حالي…مش رايحه مكان…مش  هرجع هناك تاني ..مش راجعه مش راجعه

عصام جري على سحر ومسك دراعها بخوف وبدر كان باصص على غرام برعب شديد من  السكينه الي مسكاها في ايدها وخايف عليها جدا قال بصوت مرتبك…اهدي يا غرام  سيبي السكينه يا حببتي مش هتروحي مكان مش هرجعك المصحه متخافيش

غرام قالت بغضب …انت مش عايز اسمع صوتك هقتلك والله هقتلك… ولا اقولك انا هقتل نفسي وارتاح منكم وحطت السكينه علي بطنها ووووووووو

يتبع….

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا