رواية غرامي الفصل الخامس وعشرون والسادس وعشرون بقلم زهرة الربيع حصريه وكامله في مدونة قصر الروايات

رواية غرامي الفصل الخامس وعشرون والسادس وعشرون بقلم زهرة الربيع حصريه وكامله في مدونة قصر الروايات

رواية غرامي الفصل الخامس وعشرون والسادس وعشرون بقلم زهرة الربيع حصريه وكامله في مدونة قصر الروايات

غرام قالت بغضب انت مش  عايزه اسمع صوتك هقتلك والله هقتلك..ولا اقولك انا هقتل نفسي وارتاح منكم  وقربت السكينه على بطنها بغضب ولسه هتضرب نفسها بدر زق ايدها وشدها عليه  بحركه سريعه غرام كانت في قمة غضبها وبتزقو بقوه وبتضربو في صدره بغضب شديد  وبتقول…ابعد …سيبني..سبني بقولك …انا بكرهك…بكرهكم كلكم…ابعد عني…ابعد

بدر كان ماسكها بقوه وسايبها تضربو وتطلع غضبها وفضل باصص لها بدموع وندم  وغرام حست بدوخه ومسكت في بدر بقوه وهو بصلها بقلق وقال…غرام …غرام انتي  كويسه

غرام هديت شويه وبقت تبصلو في عنيه بدموع وقالت بصوت ضعيف جدا….لييه….لي…

غرام غابت عن الوعي وبدر شالها حطها على السرير بحزن وقعد جمبها والدموع في عنيه

محمود حط ايده على كتفو وقال بحزن….سبها ترتاح يا بدر وتعالى عايزك

بدر هز راسو بحزن وطلع معاه

وعصام خد سحر قعدها وعقم لها ايدها وربطها لان الجرح كان بسيط وسحر مرضيتش تروح المستشفى

بدر نزل مع ابوه وامه وقعدو كلهم وبدر حاطط راسو بين اديه بحزن شديد كل ما  يفتكر منظرها قلبو يوجعو بشده حاول يتمالك نفسو وقال بهدوء….نعم يا بابا  قولت انك عايزني…

محمود بصلو بجمود وقال…ايوه…غرام..لازم تطلقها يا بدر

بدر اتفاجأ جدا وقال…انت بتقول ايه يا بابا دا على جثتي

محمود قال بغضب واصح …البنت كل مادا بتتعب وانت دايما بتكون المسؤل هتطلقها  ودا اخر كلام ..البنت لازم ترجع المصحه كده اامن ليها ولينا وانا مش هقبل  نقاش في الموضوع كفايه الي حصلها دي وصية اخويا ليا ومستحيل اسيبها تتدمر  اكتر من كده بسببك

بدر بصلو بدموع وقال…بسببي…حتى انت يا بابا…بس معاك حق انا المسؤول عن الي  هيه فيه كنت فاكر اني هحميها منهم لاكن انا الي اذيتها بس انا بحبها مستحيل  اطلقها

محمود لما شاف حالتو ودموعو الي شبه مشفهاش في حياتو …قال…يا بني احنا  عايزين مصلحتها وانا متأكد انك مقصدتش كل الي حصل لها استهدى بالله وواكيد  هتتحسن وهترجع احسن من الاول كمان

صفاء قالت بحزن…ابوك معاه حق يا بدر وانت يا حبيبي لازم تعمل الي في مصلحتها ولازم ترجع تتعالج

بدر هز راسو بحزن وحاول يستجمع قوتو علشان يقدر يصلح الي بوظو وقال.  بجديه…سيب موضوع غرام على جمب دلوقتي انا اكيد مش هعمل غير الصح ليها بس  انا عايز اعرفكم كل الي حصل بس الاول حابب اعرف ايه الي بينك وبين رأفت  السيوفي وكمال صادق …

محمود استغرب وقال…رأفت فيه بيني وبينو كتير بس كمال صادق مش قصدك والد سحر

بدر قال بعصبيه مكتومه…يا بابا …سحر…بنتك…مش بنتو

محمود حب يسايرو علشان يفهم…قال…تمام…تمام…قصدي يعني جوز خالتك ..هو انا  ورأفت وكمال زمان قررنا نعتمد على نفسنا ونفتح شركه خاصه بينا ودخلنا فيها  شرك انا ورأفت وكمال وعمك ابو غرام الله يرحمو وفعلا فتحناها وفضلنا فتره  مش كبيره واحنا شركاء واصحاب بس بعد كده الشركه خسرت جدا ورأفت وكمال اصرو  انهم يبيعو الشركه ساعتها انا رفضت وقولت انا وعادل اخويا هنكمل فيها  واتفقنا اننا نشتري احنا الاسهم وهما وافقو واشترينا منهم وكل شيى مشي تمام  بعد فتره الشركه فتح عليها ربنا وعوضنا والتحسنت احوالنا فهم طلبو مني  انهم يدفعو نفس الفلوس الي اخدوها ويرجعو معانا وطبعا انا وعادل رفضنا وهما  اصرو على كده

بدر قال باهتمام..ورجعو معاكم

محمود..لا ..مرجعوش.انا وافقت يرجعو بس عمك زيك بالظبط دماغو كانت جزمه اصر  انهم ميرجعوش بعد ما سبونا في الوقت الصعب الي كنا فيه ورفض واتخانقو  خناقه كبيره ساعتها رأفت اجر واحد يقتل عمك بس عمك ربنا نجاه واول ماعرف  بالي رأفت عملو فضل وراه لحد ما جاب معلومات عن شغل مشبوه ليه وانو بيدخل  مخدرات للبلد

بدر بدهشه…وده كان حقيقي..هو فعلا بيتاجر في المخدرات

بقلمى..زهرة الربيع

محمود..ايوه حقيقي واتحكم عليه بمؤبد وعلشان كده كان هو اول واحد فكرنا انو  هو الي خطف ملك خصوصا ان قبل ما تنخطف بيوم هو هرب من السجن وقتها عمك  مكانش مخلف غرام فهو خطف ملك وبعدها بفتره رجع اتقبض عليه وبعدها حاول يهرب  تاني وحصلت مطارده كبيره ما بين البوليس والعربيه الي هرب فيها ورأفت مات  وقتها وساعتها فقدنا الامل في رجوع ملك

بدر بضيق…طب وكمال

محمود..لا كمال غيره ملوش في المشاكل هو نسي موضو ع الشراكه و اتجوز خالتك احلام وفتحنا صفحه جديده وبس ادي كل الحكايه

بدر قال باستهزاء…لا فعلا فتح صفحه جديده ..طب اسمعو بقى انا هحكيلكم كل  الي حاصل معايا الفتره الي فاتت كلها الموضوع بدأ لما دخلت الجامعه وتعرفت  على عماد…عماد يبقى ابن رأفت السيوفي وهو وقتها قلي انو بباه قبل ما يموت  قلو على مكان ملك وو…………..

وكمل بدر كل الحكايه وكل الي حصل معاه لحد ما قتل عماد

سحر كانت مصدومه حرفيه ودموعها مش راضيه تقف وعصام كان قلقان عليها جدا  وصفاء ومحمود كانو في قمة الفرحه قعدو جمب سحر بقو يحضنوها بحب شديد وصفاء  قالت….يا حبيبة قلبي ربنا مرضاش يبعدك عن عيوني يا ملك خلاكي قدامي ديما يا  قلبي

محمود قال…الف الحمد لله ربنا طمني عنك يا روحي حمد لله على سلامتك

سحر وقفت وقربت من بدر وقالت. بصدمه…هو …هو هشام…هشام قلت..انو..انو مات…وبابا ..قصدي …هو في السجن ولا في المستشفى

بدر مستغربش حزنها عليهم كان متأكد ان قلبها مستحيل يحقد عليهم ابدا قال  بحزن…معلش يا ملك…ده الي يستحقوه على كل الي حصل فينا متنسيش. هما كانو  عايزين يعملو ايه…دول كانو عايزنا نتجوز انا وانتي ده موضوع ميتغفرش كان  لازم يتحاسبو

سحر نزلت دموعها وقالت ببكا …طب يعني ايه…يعني امي مش امي…ولا ابويا ولا اخويا انت..بتكدب صح انا مش فاهمه..مش فاهمه…وبقت تبكي بشده

عصام قرب هليها حضنها بحب وابتسامه وقال…انا بقى مبسوط ليكي قوي ..انتي مش  كنتي تقوليلي انك حاسه انهم مش اهلك بسبب معاملتهم ليكي اهو ربنا بيحبك  واختار يردك لاحسن اهل في الدنيا اهلك…شوفتي بنفسك دموعهم على فراقك وبص  لبدر بابتسامه وقال…وسمعتي اخوكي عمل ايه علشانك المفروض تفرحي

بدر بصلو بحب وفخر دايما بيبقى فخور ان عصام صاحبه

سحر مسكت في عصام بقوه وبقت تبكي قوي لحد ما ارتاحت وصفاء كانت بتبصلها  بفرحه وحب ودموع ونفسها تاخدها في حضنها سحر بصت لها وقالت بابتسامه…عايزه  تحضنيني

صفاء بدموع…هو …هو ينفع

سحر بدموع وابتسامه…طبعا ينفع هو انا امتى خرجت من حضنك ..يا ماما

صفاء اول ما قالت كده حضنتها بشده وبقت تبكي ومحمود كمان حضنها وحضنتو بحب  وبدر قال بمرح عكس الم قلبو…اهو من قراية الأفكار دي كنت حاسس اانك تخصينا

سحر ضحكت وسلمت عليه بكسوف وقالت بضحكه طلعنا اخوات غريبه اوي

بدر ضحك وحضنها بتلقائيه بس عصام حمحم بضيق وشدها عليه وقال…. سلام بالايد كفايه اوي

بدر وسحر ضحكو وبدر قال بضحك …ماشي يا عم خد وقتك على ما تتأقلم بس شوفتي  يا ملك طلع بيتعصب زينا وبيضرب كمان دانا وشي منمل من ساعتها

عصام قال بحرج …انا اسف مكانش المفروض اضربك بس انت كمان كان المفروض تحكيلنا الاول و

بس بدر قاطعو وقال بابتسامه…لو كنت مكانك كنت عملت اكتر من كده ربنا يخليكم  لبعض عن اذنكم انا هطلع ارتاح لاني ليا يومين منمتش ومعلش يا عصام خليكم  معانا هنا اليومين دول انت شايف الدنيا عامله ازاي

عصام كان هيرفض بس صفاء قالت بلهفه..طبعا هيقعدو وهيقعدو على طول كمان انا  مصدقت شوفت بنتي والقصر كبير نفضل هنا سوا علشان خاطري انا يا عصام

عصام اتكسف ما يرفض بس طبعا عمره ما هيقعد على طول بس قال..تمام يا طنط قاعدين..ونبقى نتكلم بعدين المهم ان بنتك معاكي دلوقتي

بدر ابتسم وكان طالع بس ابوه قال…بكره الصبح هناخد غرام المستشفى الموضوع  منتهي يا بدر علشان متقعدش تعاند زي عادتك ويستحسن لو تنام في اوضه بعيده  عنها

بدر بصلو بحزن وطلع على اوضة غرام دخل وقعد جمبها وشدها لحضنو بحنيه ودموعو على خده

غرام اتململت في نومتها ومسكت فيه جامد وكأنها في حلم جميل وبدر ابتسم بحب  وقال…مش هتبعدي عني مش هطلقك ولا هرجعك المصحه انتي كل حياتي مش هسيبك ابدا

عصام كان قاعد مع سحر في اوضتهم وسحر كانت سرحانه جدا

عصام قال بابتيامه..الحلو بيفكر في ايه

سحر ابتسمت بحزن وقالت …بفكر في كل حياتي الي طلعت مس حياتي اصلا انا مش  عارفه حتى احس بايه كل حاجه متلخبطه يا عصام حابه احكيلك زي العاده بس مش  عارفه احكي تيه اصلا ونزلت دموعه وقالت وبابا هشام انا حتى مش عارف ابطل  احبهم بعد كل الي اتقال مع اني عمري ما فرحت وسطهم انت فاهمني يا عصام

عصام شدها لحضنو وقال..انتي مش محتاجه تتكلمي علشان افهمك يا سحر وصدقيني  ربنا بيحبك كشف حقيقتهم ورجعك لاهلك صدقيني يا سحر ميستهلوش تزعلي عليهم  دول كانو هيجوزوكي بدر انتي فاهمه تلموصوع كان هيبقة ازاي انا مش فاهم ازاي  قدرو اصلا

سحر حضنتو وكتر وقالت ..انا فعلا ربنا بيحبني علشان كده بعتك ليا انت الحقيقه الوحيده في حياتي ومش عايزه غيرك من الدنيا

عصام باسها وقال….ربنا ما يحرمنا من بعض ابدا

تاني يوم غرام صحيت وبتفتح عنيها بتعب لقت نفسها في نفس الشاليه الي فضلو  فيه في شرم الشيخ اتسعت عنيها بصدمه ووقفت باستغراب وكانت فاكره انها بتحلم  …معقوله يكون كل الي الفات ده محصلش وهيه كانت بتحلم بقت مستغربه جدا لحد  ما شافت بدر داخل من باب الشاليه وقال بحب…صباح القمر كلو ..كل ده نوم

غرام بصتلو باستغراب شديد وفضلت ساكته

بدر قال بابتسامه…مالك ساكته كده ليه قومي معايا يلا بصي الاول هناخد شور  وبعدين نفطر وناخد العلاج وهنطلع بقى هوريكي اماكن تحفه… يلا

غرام كانت بتبصلو بغضب شديد وشكلها ميبشرش بالخير ابدا وقفت قدامو وفضلت تبصلو شويه وفجأه ضربتو قلم قوي جدا ووووووووو

البارت ده هديه مني…. يلا تصبحو على خير

يتبع….

26=رواية غرام الحلقة السادسة والعشرون

غرام كانت بتبصلو بغضب شديد وشكلها ميبشرش بالخير ابدا فضلت بصالو شويه وفجأه ضربتو قلم قوي جدا

بدر اتفاجأ جدا واتسعت عنيه بزهول بس حاول يهدى علشان فاهم حالتها وقال بحزن …هو انا قولت حاجه دايقتك

غرام بصتلوابتسمت بطريقه تخوف وقالت بسخريه…دايقتني…لا ابدل هو انت  بتدايقني خالص …انا بس عايزه اسألك سؤال…هو انا امتى هخلص منك ها…رد عليا  ايه الي ممكن اعملو يخلصني منك

بدر كان بيموت اما بتقول كده بس ابتسم وقال بلا مبالاه مصتنعه…ها مقولتليش حابه تاكلي هنا ولا ناكل بره

غرام بصتلو بغضب وقالت بعصبيه…لا ناكل بره واهو نعيد ذكراياتنا يمكن كمان  تطلع محظوظ ويجي عماد مره تانيه وتسيبني امشي معاه علشان يكمل المشهد

بدر اتعصب جدا وعصبيتو كانت من نفسو اكتر قال بغضب

…خلاص مش هتشوفيه تاني قتلتو بس المرادي بجد خلصت وخلصتك منو للابد

غرام اتفاجأت الاول بس الموضوع مهمهاش قالت باستفزاز…طب بما انك تهمك راحتي يبقى خلصني منك كمان تبقى عملتلي خدمه لو مشوفش وشك

بدر قرب منها بيأس وقال بحزن…خلينا نتكلم يا غرام ابوس ايدك خليني افهمك عملت كده ليه انا

غرام قاطعتو وقالت بغضب لا متتعبش نفسك انا عارفه ..عارفه انك عملت كده  لمصلحتي وكل حاجه كانت علشاني وطبعا كالعاده عارف مصلحتي اكتر مني وانت الي  مبتغلطش الي ديما بتعمل الصح ليا…اتجوزتني سنين من غير ما تعرفني..لانو صح  ليا…ومرضتش تقولي اننا متجوزين خلتني هربت مع واحد وكنت هسلمو نفسي وانا  معرفش اني متجوزه علشان صح ليا….وو…..ونزلت دموعها وكملت بغضب…وطلقتني كمان  من غير ما تعرفني وسلمتني باديك ليه علشان صح ليا مش كده وانهارت بكاء  وصراخ وقالت…رد عليا…ده الصح..انك تكسرني وتعذبني..ده الصح دي وصية عمك يا  ابن عمي

بدر دموعو كانت بتنزل بحزن شديد وحاسس انو بيموت حرفيانفسو ضاق جدا وبقى  مخنوق وللاسف وصل لمرحلة الانهيار التام شدها عليه بقوه وبقى يحضنها بشده  وبكا بصوت مسموع وانهيار شديد وبقى يقول بخنقه من تعبو وبكاه..انا…انا  اسف…اسف…ياريتني كنت مت..ومعملتش…فيكي كده…غلطت كتير .في حقك..غصب عني  ..والله…ما كنت عايز ده يحصل…سامحيني يا غرام…عايز اسامح نفسي والله  بموووووت بموت يا غرام مش قادر اشوفك كده مش قادر اشوفك بتكرهيني

غرام سابتو يحضنها وقفت باستسلام كانها تمثال وقلبها وجعها عليه جدا لما  شافت حالتو عمرها ماشافتو كده رفعت ايديها ببطأ وحضنتو بتردد وقالت بتحاول  تهديه..اهدى

اهدى يا بدر …انا مش بكرهك لو سمحت اهدى شويه

بدر ابتدي يهدي ويا خد نفسو شويه وبعد عنها براحه وهو بيتحاشا يبصلها حس  بحرج شديد انها شا فتو بالحاله دي و انو انهار قدامها بالشكل ده قال وهو  بيمسح دموعه وبيبعد وشو عنها…احم انا ..انت كنت…انا كنت عايز اعتزرلك  ..يعني عارف انو مش هيفيد بحاجه ..بس …بس انا بجد اسف

غرام رغم كل حزنها وعذابها منو لاكن مستحملتش تشوفو منهار كده ووحست بحزن  شديد لما شافت دموعو بس كانت مستغربه انو بقى يبعد عيونه عنها ويتحاشا  يبصلها ومنطقش بعدها فهمت انو مكسوف انو عيط قدامها قالت…هو انت….مكسوف انك  عيطت قدامي

بدر بصلها بضيق وقال بسرعه وعصبيه….انا معيطتش

هنا غرام ضحكت ضحكه خفيفه وقالت وهيه بتكتم ضحكتها…صح صح معيطتش خاالص

بدر ضحك بخفه وهو لسه بيمسح دموعو وقال…طب ايه يلا بقى علشان ناكل و

غرام قاطعتو وقالت بضيق…بدر هو احنا سوا بنعمل ايه واحنا متطلقين

بدر بصلها بحب واتنهد وقال..بصي من هنا ورايح اوعدك اني مش هخبي عليكي حاجه  ابدا بنسبه لكلمة متطلقين دي مش عايز اسمعها انا عمري ما هطلقك الموت اهون  عندي..

غرام قالت بعصبيه خفيفه…ده ازاي يعني انت طلقتني وانا

بدر بمقاطعه ..ايوه بس انا رديتك بعدها على طول انا اصلا كنت عامل حسابي ان ده هيحصل واني هردك و

غرام قاطعتو وقالت…ثانيه بس عامل حسابك…هه عامل حسابك ازاي هو ..هوانت  علشان كده قربت مني يا بدر …علشان كده قولتلي بحبك وكل الي قولتو كنت مخطط  انك تقرب مني علشان يبقالي عده

بدر شافها ابتدت تتعصب قال …اهدي يا غرام هفهمك كل حاجه انا

بس غرام مدتوش فرصه وقالت…انت واحد ساف.ل وعمرك ما حسيت بيا ..كل ما احاول  اقف واحاول اعيش ترجع تموتني .. عايز تفهمني ايه…تفهمني ان حتى الوقت الي  قضيناه سوا والكلام الي قولتو كدب كلو ضمن خططك تفهمني انك كنت بتلعب  بمشاعري علشان تنتقم منو

بقلمي…زهرة الربيع

بدر كان هيمسك ايدها بس قالت بغضب وحده ابعد عني متلمسنيش اوعى تحلم تلمسني  تاني وهتطلقني يا بدر هتطلقني المرادي ومن غير رجعه وكملت بحزن..مش قادره  استوعبك لسه زي ماانت برضو رجعتني ليك من غير ما تعرفني وضربتو في صدره  بقوه وصرخت هو انا هوا ..ملش وجود عندك خالص

بدر اتنرفز وقال بزعيق اهدي اهدي بقى..اهو من عصبيتك الذايده دي مش برضى اعترفلك بحاجه علشان الجنان ده و

بدر قطع كلامو لما حس انو عك وبوظ الدنيا وغرام عيونها اتملت دموع وقالت بصوت مخنوق….الجنان ده..بسببك…والي انا فيه… كلو بسببك ..

بدر كان هيتكلم بس غرام منعتو وقالت..اششس مش عايزه اسمعك ..خلاص ميهمنيش  عملت ايه وليه ويا ريت تخلي عندك دم وتمشيني من هنا وتطلقني لان مبقاش  مابينا اي حاجه تتعاش خلاص

بدر كان واقف مش قادر يتكلم وحاسس بحزن شديد من ناحيتها وغرام راحت ناحية الدولاب وجابت هدوم وراحت تاخد دش

في القصر الوضع كان متوتر شويه لما الكل عرفو باختفاء بدر مع غرام ومحمود  وصفاء كانو هيتجننو عليهم خصوصا ان غرام في قمه تعبها وخايفينها تتهور  وتأذيه او تاذي نفسها

عصام وسحر كانو بيحاولو يرنو عليهم بس تيليفوناتهم مغلقه ومفيش قدامهم حل غير ان بدر يفتح تليفونو ويكلمهم

بدر كان قاعد على السرير بيأس شديد وبيفكر في كلامها وحزنها ومش عارف هيبدا  معاها ازاي بس جيه في بالو لحظات من وجودهم سوا على نفس السرير ابتسم وهو  بيفتكر قد ايه كانت جميله ورقيقه معاه اتنهد وقال بينه وبين نفسو…هعوضك يا  غرامي ..هعوضك عن كل الحزن ده انا مش هزعلك تاني اوعدك

غرام طلعت من الحمام لقت بدر قاعد مستنيها قالت بضيق..يلا بينا انا جاهزه

بدر باستغراب…. يلا بينا فين

غرام بصتلو بضيق وقالت بعصبيه ..يلا بينا نمشي هنرجع عند عمي هفضل هناك لحد ما شوفلي شقه اققعد فيها لاني مش مرتاحه وسطكم

بدر اتنهد وقال ..يا غرام انتي مراتي يعني هتفضلي معايه مكان ما اكون موجود

غرام قالت بزعيق….متقولش مراتك ..انا مش مراتك عمري ما كنت مراتك هو بالعافيه

بدر قال بزعيق وعصبيه..اه بالعافيه ياغرام..لما تكوني كل حاجه ليا يبقى  هخليكي جمبي بالعافيه لما تكوني حياتي وقلبي وحزني وفرحي وكل ما املك يبقى  هخليكي بالعافيه انتي الهو الي بتنفسه مش هسيبك واموت

غرام كانت بتبصلو بغضب بس كلامو حرك قلبها واتمنت لو مكانتش حاسه بكل الوجع  ده منو كانت اترمت في حضنو وفضلت كل حياتها معاه لاكان الواقع غير كده  الواقع انو اذاها ولازم يدفع التمن قعدت على السرير بيأس والدموع ملت عنيها  وقالت…حط نفسك مكاني لو انت زي ما بتقول حاسس اني كل حاجه ليك…فانت بقيت  كل عذابي يا بدر مبقتش قادره …مبقتش قادره اسامح او اسمع او افكر حتى انا  مخنوقه وانا معاك فاهم يعني ايه ابقى مخنوقه وانا مع الانسان الي هيشاركني  حياتي كلها مش هقدر مش قادره انسى ونزلت دموعها بألم شديد

بدر حس بقلبو انكسر حرفيا من كلامها قعد عند رجلها وقال …انا عارف…عارف  وحقك…بس انا …انا بحبك والله بحبك اوي ونفسي تديني فرصه واحده…اخر مره يا  غرام والله ماهتندمي تاني ارجوكي

غرام وقفت وحاولت تبان قويه وقالت بجمود…مبقاش فيه ما بينا فرص وكلامك ده  سمعتو كتير وصدقتو وكانت ايه النتيجه طلقتني بمنتهى الانانيه من غير ما  تقولي اي حاجه وسبتني امشي مع واحد انت عارف كويس هو عايز مني ايه لولا ان  ربنا قواني وضربتو وجريت كان زماني

غرام سكتت بدموع وبدر كان حاسس بحزن وعذاب شديد ومكسوف من نفسو على الي  عملو معاها فضل ساكت وغرام مسحت دموعها وقالت….هوعمي يعرف اننا هنا

بدر وقف ومسح دموعو وقال بهدوء …لا ميعرفش مقولتش لحد جبتك باليل وكانو نايمين

غرام بصتلو وقالت بسخريه…ويعني انت فاكر انو مش هيدور علينا لو مش علشاني  اكيد هيدور علشان ابنو وكملت قاصده تهددو ..مش انت دلوقتي مع واحده مجنونه  ويمكن تقتلك مثلا

بدر ابتسم لما فهم قصدها وقال…دي تبقى احلى موته لو على اديكي يا غرامي…  وقرب عليها جامد وقال…فاكره يوم ما سقتيني السم يومها بوستني كانت اول مره  ما بينا يومها حست كأني في الجنه رغم الالم الي حسيت بيه اتمنيت لو ينعاد  اليوم تاني واعيشو من جديد…و راح وجع السم وطعمو وعدت ايام وشهور وطعم  شفايفك لسه مفارقنيش

غرام وشها بقى احمر حرفيا من كتر الكسوف حاولت تقول حاجه تبينلو انها  متأثرتش بس مقدرتش تنطق سكتت شويه وقالت بصوت هادي…هو..هو احنا هنا ليه يا  بدر

بدر اتنهد وقال بحزن …احنا هنا لان بابا حابب يبعتك المصحه تكملي علاجك الدكتوره شايفه انك محتاجه ترجعي هناك

غرام حست بقشعره في جسمها اول ما جاب سيرة المصحه وافتكرت جلسات الكهربه بلعت ريقها وقالت بخوف…و انت مودتنيش ليه

بدر قرب عليها لما حس خوفها ومسك ايدها وقال…مش هوديكي في اي حته انا مش  بحس انك كويسه غير وانتي معايا رغم كل التوتر الي بنا بس بحس اني انا  مرضك.. ودواكي ومش هتتحسني غير معايا

غرام بصتلو في عنيه وقالت بحزن…مش خايف مني انا ساعات ببقى…ببقى مش حاسه وببقى مضايقه منك و

بدر قرب عليها قوي وقال بحب شديد…انا بعشقك بعشق قربك واي شئ وانتي معايا بيسعدني المهم انك جمبي

غرام بعدت عنو بكسوف وقالت ..ويعني هوعمي مش هيعرف يلاقينا هنا

بدر بابتسامه..لا مش هيلاقينا مفيش مخلوق يعرف مكان الشاليه ده ولا حتى  اهلي انا اشتريتو جديد متقلقيش وبعدين الكون كلو ميقدرش يا خدك مني يا  غرامي

عند دكتورة غرام كانت بتكلم الشخص اياه في التليفون وخايفه جدا قالت  بتوتر…والله ما عرف فين كانو المفروض هيجيبوها انهارده ولما مجوش اتصلت على  جوزها تليفونو مقفول اتصلت على والدو قال انو اخدها وميعرفوش راحو فيين

المجهول بغضب شديد….يعني ايه انتي مش بتقولي اكدتي عليهم يجيبوها

الدكتوره بخوف… ايوه والله بس جوزها ده عنيد جدا وحتى اهلو ميعرفوش مكانهم

المجهول ابتسم وقال بمكر …اهلو ميعرفوش مكانهم..قولتيلي…خلاص انا.تقريبا عرفت هما فين ووووووووو

يتبع….

 تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا