رواية غرامي الفصل السابع والثامن بقلم زهرة الربيع حصريه وكامله في مدونة قصر الروايات

 رواية غرامي الفصل السابع والثامن بقلم زهرة الربيع حصريه وكامله في مدونة قصر الروايات 

رواية غرامي الفصل السابع والثامن بقلم زهرة الربيع حصريه وكامله في مدونة قصر الروايات 

غرام بابتسامه…ابننا يا عمري مش انا حامل

بدر بصلها باستغراب مش فاهم تقصد ايه بالي بتقوله وسحر كانت هتقع من طولها قالت…حامل…حامل ازاي يا بدر

غرام بصتلها باستفزاز وقالت…هو ايه الي ازاي هو انا متجوزه راجل ولا رجل  كنبه واحده متجوزه طبيعي تكون حامل وبصت لبدر وقالت…مبروك يا قلبي

سحر اتنرفزت جدا شدت بدر عليها وقالت بعصبيه…يعني ايه الكلام ده بقى ها انت مش قولتلي انكم عايشيين اخوات

بدر مسح على وشو بضيق ونفاذ صبر وقال….وانتي مصدقه كلامها يعني دي رجعت  البيت من تلت ايام الدكتوره عرفت انها حامل في تلت ايام متشغلي مخك يا سحر  وبص لغرام بغيظ وقال….كفايه عليا مجنونه واحده

غرام مبتسمه ولا كانو بيقول فيها شعر قالت…مقبوله منك يا حبيبي بس ده مش  جنان ولا بهزر انا فعلا حامل وبصت لسحر وقالت….اولا يا سحر انا حامل من تلت  شهور مش من تلت ايام يعني من قبل ما ادخل المصحه ومرضتش اقول لبدر قلت  يعرف لما اخرج علشان يفرح اكتر وثانيا بقى هو اي حاجه بدر يقولها تصدقيها  على طول في راجل يكون متجوز واحده في جمالي سنه كامله وعايشين اخوات واحده  في ذكائك تصدق الكلام ده بردو

سحر بصدمه ..يعني ايه يعني بيضحك عليا يعني انتي كنتي عارفه انكم متجوزين

غرام بضحكه خفيفه…طبعا يا حببتي عارفه امال هيتجوزني من غير ما اعرف بس  انتي الي غلطانه بتصدقي بسرعه يعني انا مثلا ديما يقولي يا حببتي انتي  الوحيده في قلبي سحر دي جواز بزنس مصلحه يعني اروح اصدقو على طول لا طبعا  الرجاله ملهاش امان

بدر كان واقف هيتجنن من كلامها بس بيحاول يسيطر على نفسو وسحر قربت منو  وقالت بدموع انا غلطانه اني صدقتك وقلعت الدبله ورمتها في وشو وجريت على  فوق تلم هدومها

بدر كان باصص لغرام بغيظ وغضب ولسه هيتكلم غرام قالت …قديمه قوي رميت الدبله دي .. يلاخدت الشر وراحت ولا يهمك يا عمري

بدر اتقدم عليها بطريقه ترعب وقال انتي…

بس غرام قاطعتو وقالت بسرعه….عن اذنك يا ماما صفاء هطلع ارتاح علشان دايخه وطلعت بسرعه تحت نظرات بدر المصدوم منها حرفيا

بدر ضم ايديه بغضب وحاول يهدى وياخد نفس وكان طالع ورا سحر بس امه مسكت  ايده وقالت…استنى يا بدر مراتك حامل فعلا انت كنت معرفها انكو متجوزين

بدر خد نفس بضيق وقال وهو بيحاول يكون هادي…انتي كمان هتصدقي الجنان ده يا  ماما عن ازنك هطلع لسحر اراضيها ونتكلم بعدين وطلع ورا سحر على اوضتها

بدر اول ما طلع لقا باب اوضة سحر مفتوح دخل لقاها بتلم هدومها في الشنطه بسرعه وبتبكي وفي قمة التوتر

بدر اتنهد بضيق وقال..بتعملي ايه يا سحر

سحر بصتلو بغضب وقالت….اكيد شايف بعمل ايه وابتسمت بسخريه وقالت انهرده قلت  لبابا يبعتلي حاجتي مع السواق كنت فاكره اني هفضل كتير على ما اعرف حقيقتك

بدر قال بضيق…انا مش فاهم اذاي بتكدبيني وبتصدقي غرام وانتي عارفه انها تعبانه ومش مسؤله عن كلامها

بقلمي… زهرة الربيع

سحر قربت عليه وقالت بغضب…لا يا استاذ كلامها مش كلام واحده مجنونه ابدا ده انا الي مجنونه لأني صدقتك هي معاها حق ازاي أمنتلك أصلا

بدر قال بنرفزه…انا مش فاهم ايه الي يخليكي تصدقي كلامها اصلا مفيش سبب واحد يخليكي تصدقي الهبل ده

سحر بصت في عنيه بتحدي وقالت…لا فيه …فيه اسباب واولهم عنيك يا بدر انا  اكتر واحده بتفهمك من عنيك ومش محتاجه اسباب اكتر وكملت بدموع ..عنيك بشوف  فيهم نظره ليها مش بشوفها ليا او لاي بنت غيري حتى نظرتك ليها لما مسكت  ايدك او حتي وهي بتتكلم غير لما بتبصلي انا حاسه الي قالتو كلو صح كلامها  بنسبالي مقنع اكتر من كلامك

مسحت دموعها وشدت الشنطه وكانت هتنزل بدر مسكها من دراعها وقال….تفكيرك كلو  غلط صدقيني يا سحر انا بجد بحتاج لوجودك ومقدرش على بعدك انتي الي مهونه  عليا حياتي انا برتاح وانتي جمبي و

سحر ابتسمت وسط دموعها وقالت…قلت كلام كتير يا بدر ومقدرتش تقولها مقدرتش  تقولي بحبك عمرك ما قولتها وانا كنت ديما اسأل نفسي ليه مقولتهاش ابدا  وارجع اققول معلش مانتي عارفه بدر مبيعرفش يعبر بس لا ااموضوع مش كده كل  الحكايه انك عمرك ما حبتني زي ما قولت بترتاح معايا وانا مش ناقصني حاجه  علشان اكملك الي ينقصك من غرام واكون دوا لجروحك انا انسانه مش مرهم  فولتريين يا بدر

قالت كلامها ونزلت بسرعه من غير حتى ما تديه فرصه يتكلم نزلت سلمت على خالتها وطلعت بقلب مكسور والدموع على خدها

عصام كان جاي لبدر وشافها خارجه منهاره جري وراها وقال…سحر فيه ايه مالك اتخانقتي مع بدر ولا ايه

سحر بصتلو بدموع وقالت…ممكن توصلني يا عصام مش قادره اسوق

عصام رد بسرعه طبعا اتفضلي وطلعت معاه وهي مجروحه جدا وفضلت طول الطريق سرحانه ومش بتتكلم خالص

عصام زعل عليها جدا حاول يخليها تتكلم قال…احم ..انا عارف اني مينفعش ادخل بس كل شيئ وله حل مفيش حاجه تستاهل كل الحزن ده

سحر اتنهدت بحزن وقالت…لا فيه ..فيه حجات كتير تستاهل الحزن وياريت حتى  الحزن بيحلها انت بس الي مجربتش يا عصام ..مجربتش تدي كل مشاعرك لانسان  ويديها لحد غيرك احساس صعب اوي

عصام اتنهد وقال… اكيد صعب بس مش مستحيل يا سحر والانسان ربنا اكرمه بنعمه النسيان وبكره تنسي اي وجع وتعيشي الحياه الي تستاهليها

سحر بصتلو وقالت…بدر بيحبها مش كده يا عصام

عصام اتوتر وقال وهو مركذ عل الطريق…تقصدي مين

سحر بحزن…قصدي غرام بيحبها

عصام بارتباك..ليه هو قلك حاجه يعني انا مش عارف بتسألي ليه

سحر بصت قدامها وقالت بحزن شديد…خلاص يا عصام مش مهم انا فهمت كل حاجه

بعد شويه صغيرين وصلت بيتها ونزلت وقالت…شكرا يا عصام واه قول لصاحبك اني  مش هخلي بابا يلغي العقود معاه تاني فمفيش داعي يجي يضحك عليا بكلمتين شغلو  هيفضل ماشي وربنا يوفقو ومشيت بسرعه وعصام كان باصص لطيفها بحزن شديد

في القصر كان بدر رايح جاي بغضب بيحاول يهدى قبل ما يدخل عند غرام حاسس انو  هيتجنن من الغيظ من حركاتها اخد نفس وحاول يكون هادي ودخل لقاها نايمه على  السرير بهدوء

بدر وقف قدامها وقال بعصبيه…قومي يا هانم مفيش داعي للتمثيل عارف انك صاحيه

بقلمي…زهرة الربيع

غرام قعدت وبصتلو بحده وقالت بغضب… اللهم طولك يا روح عايز ايه

بدر ابتسم بسخريه وقال…اممم دلوقتي عايز ايه ومسدره الوش الخشب ومش طيقالي  كلمه ومن شويه يا حبيبي يا عمري وبتسرحي بالبنت اهي طفشت ارتاحي

غرام بصتلو بقرف وقالت….وايه الي يريحني في ان حببت القلب تطفش ولا تموت  حتى اوكنش بغير عليك وانا مش واخده بالي ما ان شاله تولعو انتو التنين

بدر مسكها من دراعها بغضب وقال..ولما انتي مش بتغيري ومش هامك انا او هيه عملتي الفيلم ده ليه ها

غرام نفضت ايده بغضب وقالت.. انا مش عامله افلام انا قولت الحقيقه

بدر قال بعصبيه…بت انتي اتعدلي وردي كويس وشدها من وسطها بقوه وقال… وبعدين يا حلوه لو نفسك تبقي حامل قولي دي ساهله اوي

غرام فكت ايده بصعوبه وقالت بحده…اولا جسمي ده لو هحرقه مش هتلمسو الموت  اهون عليا من ان ايدك الوسخه دي تلمسني ثانيا بقى انا قولت كده علشانك  علشان محدش يبصلك بصه مش تمام الحق عليا

بدر بصلها بضيق وقال… اممم علشاني… ودا الي هو ازاي بقى

غرام بصتلو باستفزاز وقالت…زي ما سمعت يعني هو عادي لما الناس تعرف ان مراتك حامل من غيرك

بدر ضغط على دراعها بقوه وقال بعصبيه. …يا غرام متختبريش صبري احسنلك

غرام بصتلو بتحدي وقالت…انا بقول الحقيقه وبس انا حامل فعلا بس مش منك من جوزي حامل من عماد

بدر برق بصدمه واتحولت ملامحو لغضب اعمى ووووو

يتبع….

8=رواية غرام الحلقة الثامنة

غرام بصتلو بتحدي وقالت…انا بقول الحقيقه وبس انا حامل بس مش منك حامل من جوزي ..من عماد

بدر برق بصدمه واتحولت ملامحو لغضب اعمى وفجأه مسكها من رقبتها بعصبيه شديده وفضل باصص لها ووشو احمر من الغضب وعنيه بتطق شرار

غرام حاولت تفك ايده بس من غير فايده قالت بخنقه شديده …سبني يا غبي هموووووت

بقلمي…زهرة الربيع

بدر سابها بعنف وغرام قعدت على الارض وبقت تكح ومسكا رقبتها مكان ايده وبدر  كان باصص لها بغضب وضامم اديه بعصبيه شديده قال….اخر مره هحذرك يا غرام  متختبريش صبري عليكي وسيرة اي راجل غيري متجيش على لسانك وقال بزعيق. فاهمه

غرام اتخضت من صوتو وبدر خد هدوم و اتوجه نا حية الحمام بعصبيه بس وقف  مكانو بزهول لما قالت بصوت ضعييف…مجبش سيرة راجل غيرك ..دا على اساس انك  حاسب نفسك راجل يعني

بدر بصلها باستغراب شديد من جرأتها وقال…انا مش فاهم اعمل ايه تاني كنت  هموتك حالا ولسه لسانك طويل مش فاهم ادفنك مكانك ولا اعمل ايه ودخل الحمام  وهو بيزعق بغضب…حاجه تشل

غرام نزلت دموعها بألم وبقت تبكي بصوت مش مسموع حاولت تهدي وقامت ببطأ  وراحت تنام بعد شويه بدر طلع لقاها نايمه وضامه رجليها ودموعها على خدها

قرب ايده عايز يمسح دموعها بس بعد ايده واتنهد بضيق وراح نام على الكنبه بحزن شديد

في اليوم التاني بدر قام من النوم بيبص على السرير ملقاش غرام قام بخضه  وطلع من الاوضه ولسه هينزل يدور عليها سمعها بتتكلم وتضحك مع والدتو اتنهد  براحه ودخل الاوضه تاني خد دش ونزل

بدر اول ما نزل شاف غرام قاعده مع مامتو فضل سارح في ملامحها البريئه  ضحكتها الجميله وشعرها المموج الطويل نازل منو خصلات على عيونها الخضره فضل  مركذ في كل تفصيله فيها وغرام شافتو وهو باصص لها بصتلو بقرف شديد وودت  وشها بعيد عنو

بدر ابتسم وهز راسو بيأس وقال بهدوء صباح الخير يا ماما

صفاء بصتلو وقالت بحب..صباح العسل يا حبيبي عصام مستنيك من بدري في الجنينه ناديلو وتعالو اقعدو معانا شويه والفطار يكون جاهز

بدر بص لغرام الي كانت موديه وشها بعيد عنو وقال ..لا انا هاخد قهوه في  الجنينه مش قادر افطر هنفطر انا وعصام في الشركه وخرج من القصر

عصام قام و سلم على بدر وقال ….نموسيتك كحلي يا باشا كل ده نوم

بدر بسخريه…هيه كحلي بشكل

عصام ضحك وقال ..غرام تاني ولا ايه

بدر اتنهد وقال…هيه سحر مقلتلكش الي حصل

عصام اتنهد بحزن وقال…مقالتش حاجه غير انها مش عيزاك ترحلها تاني وقلتلي شغلك هيفضل ماشي فمفيش داعي تروح تصالحها

بدر اتنرفز وقال…البت دي هبله ولا ايه هو انا حاليا محتاج لشغلهم اصلا دا ايه الغباء دا هو انا ناقص اغبيه في حياتي اكتر من كده

عصام قال…لما انت مش محتاج الشغل معاهم امال ايه الحكايه بتحبها مثلا

بدر اتنهد بضيق وقال…مش عارف يا عصام مش عارف انا بس مش قادر ابعد ولا قادر  اقرب حتى سحر بتفهمني اوي يا عصام بتفهمني اكتر من امي واكتر من نفسي كمان  بتعرف امتا محتاج اتكلم وامتى محتاج ارتاح بتعرف حزني وفرحي بتهتم باقل  تفاصيل حياتي بتعرف الي عايزه قبل ما قولو لما بكون معاها بحس اني مش محتاج  اشرح اي حاجه بحس بدعم كبير لما بتكون معايا

عصام بصلو بحزن وقال…بس هيه مجروحه اوي يا بدر وكل الي انت بتقولو ده ملوش  غير تفسير واحد ان علاقتك بيها مش بتتعدى حدود الصداقه او انك متعود عليها  مش اكتر ودي اننانيه يابدر لما اتكون هيه بتجاهد علشان تريحك وانت بتجرحها  بالطريقه دي على فكره هيه حاسه انك يعني احم يعني….

بدر قاطعو بسخريه وقال…بحب غرام مش كده …اصلا هيه قالتلي كده قبل ما تمشي  بس الي مش راضيه تستوعبو ان انا وغرام مفيش اي طريق ممكن نمشيه سوا الموضوع  مستحيل عندك امبارح مثلا قالت قدام الكل انا حامل في تلت شهور من قبل ما  ادخل المصحه

عصام بدهشه …حامل…. حامل ازاي

بدر بغيظ شديد…..انا قولت زيك كده وحلفت لسحر اني ملمستهاش مفيش فايده وسحر  سابت البيت وهيه بقى قالت ايه دا مش ابنك وانها حامل من الزفت عماد كانت  هتجبلي جلطه كنت هخنقها وارتاح

عصام ضحك بشده وقال…يخربيت دماغها دي مستحيل تكون مجنونه دي دماغ متكلفه يا بني

بدر بضيق..شوفت الي انا فيه يعني حامل وفي تلت شهور كمان تلت شهور في مصحه  عقليه بتعمل كل اسبوع تحالييل كامله وكلها معايا حفظتهم من كتر ما قرتهم  وانا بتابع حالتها وهيه تقولي حامل تفكير يعني من الاخر بتتفنن في مضايقتي  والهبله التانيه صدقتها

عصام بحزن…الهبله التانيه مش مشكلتها الحمل هيه فاكره انك بتحبها و

عصام كان هيكمل بس شافو عامل توصيل بيسأل على غرام

بدر وعصام اتقدمو عليه وغرام طلعتلو واخدت البوكس الي في ايده بسرعه وقالت شكرا ومضت على الايصال

بدر بصلها وقال…ايه الي في ايدك ده

بقلمي…زهرة الربيع

غرام بقرف وانت مال اهلك اصلا.. بس على العموم علشان يرتاح فضولك حاجه  بتاعت بنات تحب اعدهالك ولسه هتكمل بدر حط ايده على بقها وقال لعامل  التوصيل شكرا اتفضل انت الراجل مشي وهو دخل غرام جوه القصر وهيه بتحاول تفك  ايده من على بقها

بدر سابها وهي قالت على طول…انت ازاي تمسكني كده انت غبي ولا حم.ار ولا حكايتك ايه

بدر بصلها بصه مرعبه وقال اطلعي اوضتك يا غرام ..وزعق جامد…. اطلعي بقولك

غرام طلعت بعصبيه شديده وبدر حس انو مخنوق خد عصام وطلعو على الشركه

غرام اول ما طلعت قفلت الباب بغل وقعدت على الارض وهي بتبص للبوكس الي في  ايدها بغضب وبتمر كل ذكريات الشهور الي فاتت قدامها كأنها لسه عيشاها نزلت  دموعها بألم شديد وافتكرت ازاي كانت عايشه وازاي وصل بيها الحال للي بتعيشه  دلوقتي

فلاش باك

غرام نزلت السلم وهيه فرحانه جدا لقت بدر وبباه قاعدين بيتكلمو قالت بابتسامه…مساء الخير يا حوده يا قمر

محمود بضحك..يا بت قوليلي يا عمي دي صفاء مبتقوليش يا حوده

غرام قعدت عل طرف الكرسي بتاعو وقالت بمرح بدلعك يا حوده يعني يبقى لا صفاء ولا انا مين هيدلعك يعني بدر مثلا

بدر بصلها بابتسامه وقال…امممم وانتي بتعوضيه يعني

غرام بضحك ..طبعا مش عمي حبيبي

محمود بشك …ادخلي على طول في الموضوع عايزه ايه اولا الفرحه دي كلها ليه ومش عوايدك تصحي بدري اصلاا

غرام بضحك…ايوه كده يافهمني بقولك كده بصراحه يا عمو احم فيه واحد بيحبني  من فتره كده وكملت بكسوف.. وانا كمان الصراحه يعني بحبو وعايز يجي يطلبني  من حضرتك قولت ايه

بدر برق من شده الصدمه وبصلها بزهول وبقى مش شايف قدامو من الغضب

ومحمود بلع ريقه بتوتر كبير وحاول يتمالك نفسو غرام بصت لهم باستغراب لما  شافت ملامحهم المتغيره وقالت …فيه حاجه يا جماعه انا قولت حاجه غلط

بدر اتقدم عليها بطريقه ترعب بس ابوه قال بيحاول يهدي الوضع …تمام يا غرام يا بنتي انا هقابلو ان شاء الله والي فيه الخير يقدمو ربنا

بدر بص لابوه بغضب شديد ورجع بصلها بحده وقال…مش هنقابل حد والجوازه دي على جثتي انتي فاهمه

بقلمي..زهرة الربيع

غرام استغربت اكتر وقالت…لا مش فاهمه ليه يعني ده انسان كويس جدا وبيحبني وناجح جدا و

بس قاطعها بدر بغضب شديد وزعق وقال…قولت لا يعني لا وحاول يهدى وقال..انتي هتتجوزيني انا فهمتي كده ولا ايه

غرام برقت بزهول وقال… اتجوز مين ..انت..ههه بتهزر مش كده

بدر بحزم….لا بتكلم بجد والموضوع خارج النقاش كمان

غرام بصتلو بعصبيه وقالت بغضب…تبقى اتجننت ..اتجوزك ازاي انت الي مربيني  انا عمري ما شوفتك اكتر من اخويا الكبير اكيد دا مقلب طب..طب وسحر..انت مش  خاطب سحر

بدر بهدوء… اولا انا مش اخوكي انا ابن عمك واجوزلك ثانيا سحر دي بزنس مش اكتر واول ما الصفقه تتم نبقى نشوف موضوعها

غرام اتصدمت من كلامو قالت بزهول شديد…انت بتقول ايه انت بتضحك عليها لا ده  انت اتجننت رسمي وخدت نفس وقالت…بص يا بدر انا بحترمك متخلنيش اعمل حاجه  من وراك انا بحب عماد وهتجوزو فهمت ولا لا

بدر بصلها بتحدي وقال…تؤ مفهمتش وانتي كمان شكلك مفهمتيش احنا هنتجوز ودا  اخر كلام وكتب الكتاب بعد بكره الي عندي قولتو وطلع من القصر وسابها واقفه  مكانها بدموع وصدمه حقيقيه

غرام طلعت اوضتها جري والدموع على خدها واتصلت بسرعه على عماد واديها  بترتعش من الصدمه والحزن اول ما الخط اتفتح قالت ببكا شديد..الحقني..الحقني  يا عماد وحكتلو على الي حصل واتفق معاها على خطه لازم تنفذها

غرام قضت بقية اليوم في الاوضه ما بين الخوف والحزن مش عارفه تعمل ايه لحد ما خدت قرارها تسمع كلام عماد

في فجر اليوم التاني قامت غرام وخرجت من القصر وده سهل عليها لانها عندها  نسخ من مفاتيح كل ابواب القصر اول ما طلعت عماد كان مستنيها ركبت معاه  العربيه وطلع بيها

غرام كانت حزينه جدا ومش ده الي كانت بتتمناه كانت بتعامل بدر على انو  اخوها الي ديما بيحميها طلع طمعان فيها وعايز يتجوزها غصب عنها وكانت  بتعامل عمها على انو ابوها وبتحبو جدا لاكن شاف ابنو وهو بياذيها ويهددها  وعايز يتجوزها غصب وسكت حست ان كل حياتها معاهم كدبه لاول مره تحس انهم مش  بيحبوها ااول مره تتمنى لو مشيت مع امها ومعاشتش معاهم خالص

على الساعه ١٠ صباحا كان المأذون في شقة عماد بيكتب كتاب غرام وهيه كانت  سرحانه وخايفه وبتفكر يا ترى بدر عمل ايه لما عرف بغيابها فاقت على صوت  المأذون بيقول…بارك الله لكما وبارك عليكما وجمع بينكما في خير

عماد حضن غرام بفرحه شديده وهيه ابتسمت بالعافيه رغم انها كانت بتتمني اليوم ده لاكن مش بالطريقه دي

الماذون والشهود مشيو وعماد قفل باب الشقه وقال بابتسامه..اخيرا يا قلبي اخيرا اتجوزنا ياغرام انا مش مصدق

غرام بتوتر…تفتكر عمل ايه لما عرف

عماد بضيق…هيعمل ايه يعني يا غرام انتي خايفه منو ليه احنا خلاص اتجوزنا  ميقدرش يعمل حاجه فرفشي بقى دا انتي انهارده يومك ولا مش ناويه وهطلع بلوشي  ولا ايه

غرام بصتلو بكسوف وقالت بابتسامه…لا مش لدرجه بلوشي يعني انا هدخل اغير واجيلك

عماد حط ايده على وسطها وقال بوقاحه..تؤ انتي تدخلي تغيري وانا الي هجيلك

غرام ضحكت وجريت على الاوضه بكسوف وعماد ضحك عليها وكان في قمة السعاده

بعد العصر بشويه كانو غرام وعماد نايمين في الاوضه غرام انتفضت برعب لما  سمعت الباب بيخبط بشده عماد قام وربط الروب وقال بنوم فيه ايه اهدي متخافيش  كده انا معاكي

عماد طلع وغرام قامت لبست روب و فتحت باب الاوضه بخوف و فضلت واقفه مكانها

عماد اول ما فتح الباب قال بخبث …بدر باشا عندنا يا اهلا وسهلا

بدر وقف مكانو بصدمه وقال…عماد السيوفي بس الي صدمو اكتر وجمد الدم في  عروقه لما شاف قدام عنيه غرام الي واقفه بالروب وخارجه من اوضة النوم زق  عماد بايده ومش مركذ مع اي شئ بيقوله وقرب عليها ببطأ وعنيه سابته عليها  والغضب مالي قلبو قال بطريقه ترعب..ادخلي البسي هدومك وتعالي معايا

غرام فضلت واقفه بتوتر وخوف شديد وبتفرك في ايديها بارتباك

بدر قال بغضب اعمى..قولت يلاااااااااا

غرام انتفضت بس عماد قرب عليها حضنها وقال بزعيق…انت بتزعق لها ليه بأي حق  تزعق لها وبأي حق تخدها معاك وبصلو بتحدي وقال… غرام مراتي وهتفضل معايا

بدر برق بزهول وقال بصدمه شديده..م ..ايه…مراتك ..مراتك ازاي وووووووو

يتبع….

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا