رواية ندبة الغرام الفصل الخامس 5 بقلم مارلي ايهاب حصريه في مدونة قصر الروايات
رواية ندبة الغرام الفصل الخامس 5 بقلم مارلي ايهاب حصريه في مدونة قصر الروايات
رواية #نَدْبَةُ_الغَرَامِ
#الحلقة_الرابعة
#بقلم_مارلي_إيهاب
..................؟........
اقتربت تهاني من البدروم وهي جميع مشاعر الكره و الغل في قلبها ناحيتهم فتحت الباب ورأت
فَجر وهي تضم رجليها لصدرها وتدفن راسها بينهم وتسمع صوت شهقتها الخافتة ونظرت لرابحة التي تبكي بقهر علي والدها اقتربت تهاني من رابحة وقالت بغضب
قومي اقفي يا مره
رابحة بغل
رايدة مني. ايه مش خلاص اخدتوا حقكم. وحق ولدكم هملوني امشي واحضر جنازة ولدي
تهاني ضحكت بسخرية
وانتي مفكرة اننا هنهملك و مش هتحضري جنازة ولدك ومش هتخرجي من اهنا هتفضلي ما بين الاربع حطان دول تحت امرنا واسيرة عندنا انتي و مرته هتشوفوا الذل كلاته اهنا هخليكم تتمنوا الموت و مطلهوش وده سلو و عادات عيله رُسلان اللي يقرب منهم يتنسف من غير رحمة
لم تلتفت فَجر اليهم الم تهتم كانت ترتعب من الرعب و الخوف تشعر بالخوف من الاتي
قالت تهاني حديثها و غادرت المكان اما رابحة نظرت لفَجر بغضب
وقالت طول عمرك نحس منك لله يا بعيده حتي ولدي ملحقش يفرح بحملك جاتك القرف كان يوم اسود يوم ما خليته يتجوزك
لم ترد عليها لم تعيرها اهتمام
بعد يومين كانوا يجلسون في البدروم لم يأتي لهم احد لا بطعام ولا شراب كانوا يتضرعون جوعاً وكانت فَجر تحاول اخراج صوتها وتحاول تبلل فمها بلسانها الجاف من قله المياه وقالت
رايدة ميه انا حامل ميه
ولكن صوتها ضعيف للغاية تشعر انها علي وشك فقدان الوعي
رابحة بغضب
لكي نفس للوكل و للشرب و وولدي مق"تول بسببك
كانت فَجر تشعر بانها في اي وقت سوف تفقد الوعي وبالفعل بعد دقائق معدودة فقدت الوعي و لم تهتم رابحة بهذا وبعد ساعات دخل جواد وارتعشت رابحة بخوف
جواد بحده
اخرجي يا مرة انتي هتعملي كل اللي امي تقولك عليه ولو عارضتيها يا ويلك
رابحة بدموع مصطنعه
ابوس ييدك يا ولدي خرجني من اهنا انا ست كبيرة و مش حمل اللي بيحصل ده ابوس يديك
جواد ضحك بسخرية
اخرجك احلامك واسعة يا وليه قومي اعملي اللي ستك هتقولك عليه احسن لك
رابحة بدموع
حاضر
وقامت رابحة وخرجت واخدها الغفير الي تهاني
اما جواد اقترب من فَجر وهي نائمة علي الارض وقام برفصها برجله في بطنها وهو يقول
انتي يا مره قومي
ولكن لا رد استغرب جواد حاول النزول علي الارض ليصل لها ووضع يديه علي نفسها وشعر انه ضئيل جدا قام بسرعة وقال للغفير
انت يا واد تعالي شيل البت دي علشان نوديها المستشفي
الغفير
تحت امرك يا باشا
قام الغفير بحملها ووضعها في السيارة خرجت تهاني وقالت بحده
واخدها ورايح علي فين يا جواد
جواد بهدوء
البت نفسها ضعيف يا يمايا هاخدها علي المستشفي
تهاني بغضب
ما تسيبها تموت
جواد بهدوء
يا يمايا البت اصلا ملهاش ذنب في حاجة اصلا وبعدين البت حبله وانا كام شهر وهخرج من اهنا وانتي ولدك الحمدلله صحته اتحسنت لكن والدهم خلاص انتهي
تهاني بغضب.
انت متعاطف معاها ليه يا جواد
جواد بهدوء
مش حكاية تعاطف يا يمايا بس خلينا حقانين هي ملهاش ذنب في اي حاجه بعد اذنك يا يمايا
تهاني بغضب
ماشي يا جواد
جواد ركب العربية و اخدها علي المستشفي والدكتور كشف عليها
الدكتور
المدام حامل بقالها يومين مش بتاكل و لا بتشرب كيف مش مهتمين بيها لازم تتغذي كويس قوي
جواد بهدوء
حاضر يا دكتور هقدر اخدها امتي
الدكتور
تقدر تاخدها دلوقتي هي في الاوضة
دخل جواد الغرفة وراها تجلس بتعب
جواد بحده
يلا قومي
بللت فَجر شفتيها وقالت بدموع
هملني امشي انا مليش صالح باللي حصل ده انا معملتش حاجة
جواد بحده
قومي خلصي
فَجر بدموع
هملوني بس ومش هتشوفوا وشي تاني خليني امشي
جواد مسك ايديها بعنف وقال
قولتلك قومي و بلاش كلام ماسخ انا مش فاضي
قامت فَجر وهي تشعر بدوار شديد في رأسها وقفت بتعب وهو مسك ايديها ومشي معاها بهدوء كان يشعر بضيق وغضب من منظر بكائها الشديد
جواد بغضب
بكفياكي بكي
فَجر ارتعبت وجسدها ارتعش بخوف وتركت يديه ووضعت يديها علي وجهها وقالت ببكاء
خلاص مهبكيش بس متضربنيش
جواد اتفاجئ من رد فعلها وقال بحده
انا مش بمد يدي علي حريم قدمي يلا ومتخنقنيش اكتر من اكده انا خلقي ضيق
فَجر بدموع مشيت معاه وهي تبكي وصلوا السرايا ودخلها جواد البدروم
دخل جواد السرايا وقرب من الخادمة وقالها
خدي وكل زين ووديه البدروم للبت تاكل.
تهاني سمعته قالت بغضب
هناكلهم كمان يا جواد
جواد بحده
ايه يا يمايا هيعيشوا من غير واكل وشرب عاد من متي و انتي قاسية اكده
تهاني بغضب
هما مش هياكلوا غير مرة واحدة وعلي قد شغلهم هياكلوا
جواد بحده
كيف يعني
تهاني بغضب
اللي سمعته
جواد بحده للخادمة
روحي يا بت اعملي اللي بقولك عليه
تهاني بغضب
انت بتكسر كلامي يا جواد
جواد بحده
كلامك علي عيني و علي راسي يا يمايا بس انا مش هوافق عليه انا مش بحب الظلم
تهاني بغضب
ماشي يا جواد
قامت الخادمة بعمل ما امرها به جواد ودخلت البدروم وقالت
ده وكل يلا كلي
وخرجت وتركتها
فَجر التهمت الاكل من شده جوعها ولم تترك شئ فيه ثم بعد انتهائها قامت بالنوم بتعب
في الزريبة كانت تنضف رابحة بتعب شديد دخلت تهاني
ما تنضفي زين يا وليه
رابحة بتعب
انا هموت من العطش و الجوع
تهاني بغضب
علي قد. شغلك هتاكلي ويلا علشان وراكي حاجات كتير ياما لسه هتتعمل
رابحة بتعب
ما قدراش اتحمل اقف علي رجلي حاسة اني انا هبطانة
تهاني بغضب
مرايداش كلام كتير خلصي اللي بقولك عليه يا اما مش هتطولي ولا لقمة تخلصي التنضيف الزريبة وبعدين تروحي تجيبي تخسلي الخلجات بتاعتنا كلها هخلي الشغاله تدخلك غرفة التنضيف يلا شهلي يا مرة
تهاني خرجت وسابتها اما رابحة قعدت تعيط بتعب وتقول
ليه اكده بس يا حامد استفدت ايه دلوقتي موت وسبتني اتبهدل و ما خابراش خيتك حصل فيها ايه بعد ما خلصوا علي جوزها اتشردنا واتبهدلنا بسببك ربنا يسامحك يا ولدي
وكملت تنضيف الزريبة بتعب
وبعدما اكملت شعرت بأعياء شديد
الخادمة
تعالي انا سبتلك الوكل في غرفة التنضيف هتاكلي و تغسلي الخلجات
رابحة بلهفة
ماشي
اخدتها الخادمة للغرفة و جلست تاكل وهي تلتهم الاكل بقوة من شده جوعها
تاني يوم دخلت تهاني البدروم وقالت بغضب
قومي يا بت يلا و لا انتي هتاخدي علي النومة اهنا و الخدمة
فَجر وقفت بتعب وقالت بخوف
نعم
تهاني بغضب
قدامي علي السرايا
مشيت فَجر معاها بتعب ودخلت السرايا وكانت مهرة تجلس مع واسعاد.
مهرة بغضب
انتي مدخله الزباله دي اهنا ليه يا حماتي
كتمت فَجر دموعها وقالت تهاني بحده
علشان هتخدمنا وهتعمل كل شغل السرايا لوحدها قولي لصباح متعملش حاجه
مهرة بخبث
وماله يا حماتي قدمي يا بت
مشيت فَجر معاها بدون اعتراض ودخلتها المطبخ وقالت لصباح
روحي انتي يا صباح وابقي تعالي بكره
صباح
حاضر يا ستي
خرجت صباح اما مهرة قالت بحده
يلا نضفي المطبخ رايده اشوفه منور
فَجر بتعب
حاضر
مهرة بخبث
انا هسيبك و هخرج وساعة و هاجي اشوفك عملتي ايه
هزت فَجر راسها بتعب وخرجت مهرة وتركتها تبدت في تنضيف المطبخ
دخلت مهرة غرفة زوجها الغارق في النوم اقتربت
منه وجلست علي السرير ووضعت يديها علي ضهره وقالت بدلع
جواد اصحي يا حبيبي الساعة بقت اتناشر و انت لساتك نايم جواد
جواد بنعاس
همليني عاد يا مهرة
مهرة بابتسامة وهي تحرك اناملها علي صدره
قوم يا جواد بقالنا كتير مقعدناش مع بعض اتوحشتك
جواد بحده ونعاس
بقولك ايه يا بت عمي بلاش الحركات دي عليا
مهرة بزعل مصطنع
بقي انا بعمل حركات يا جواد يعني انا مش بحبك
جواد بسخرية
بلاش الحديت الماسخ ده يا بت مش عليا ولا امك مملياكي كلمتين جاية تقوليهم ليا
مهرة بتوتر
ليه بتقول اكده عاد
جواد بحده
انا اكتر واحد فاهمك انتي و امك و اخوكي و اوعاكي تفكري ان لما تجي تترمي في حضني و تقولي الكلمتين دول انا هريل عليكي واقرب منك استحاله يا مهرة
مهرة بتوتر
يا جواد انت ظلمني و بعدين اللي حصل المره اللي فاتت غصب عني انا كنت اول مرة اشوف رجلك علي الطبيعه بس هاخد عليها
جواد بغضب
انا بسببك خسرت رجلي واحد غيري كان زمانه رمي عليكي يمين الطلاق مش كمان قرفانة و مضايقة و انا مش رايدك تشوفيها واصل بعدي عني خالص
مهرة بغضب
علي فكرة انا مرتك و ليا حق عليك
جواد بغضب
خسرتي الحق ده يوم ما جيتي لغاية اهنا وخلتيني اقرب منك و في الاخر بينتي قد ايه انتي مش طايقاني و انا بقي اوعدك ان اللي حصل قبل سابق مش هيحصل تاني رايدة تتطلقي معنديش مشكلة يا مهرة
مهرة بصدمة
رايد تستغني عني بالسهولة دي يا جواد
جواد بغضب
افهميها كيف ما تفهميها يا مهرة واتفضلي همليني وروحي من اهنا يلا
مهرة خرجت من الغرفة وهي متعصبة وراحت لولدتها وقالتلها علي اللي حصل
اسعاد بغضب
كله منك يا غبية
مهرة بغضب
انا عملت ايه دلوقتي يا يمايا ما انا بحاول اهو اقرب منه ومفيش فايدة
اسعاد بغضب
اخرسي انتي تفضلي واره لغاية ما ينسي اللي حصل ده و يرجع طبيعي معاكي يا بت
مهرة بضيق
كيف بس يا يمايا
اسعاد بغضب
ما خابراش المهم تعملي اللي قولتلك عليه وجوزك يرجعلك من تاني فاهمة ولا لاء
مهرة بغضب
طيب
قامت مهرة بغضب ودخلت المطبخ ورات فَجر تغسل الصحون بتعب اقتربت منها وقالت بغضب
ايه الغسل اللي يقرف ده يا بت
فَجر بتوتر
مالهم بس ما نضاف اهو
بدون مقدمات صفعتها مهرة بغضب وقالت
انتي كمان هترضي عليا عاد. كل ده يتغسل من الاول فاهمة و لا لاء
فَجر بدموع هزت راسها بالموافقة
مهرة بغضب
ردي و لا لسانك اتقطع
فَجر بدموع
حاضر
مهرة خرجت بغضب اما فجر قامت بغسلهم من اول وجديد
في بيت صلاح والد فَجر
مديحة ببكاء
دول واخدين بتك اسيرة يا صلاح
صلاح بحده
وخيتي معاها كمان انتي رايداني اروح علشان يخلصوا عليا
مديحة ببكاء
هتسيب بتك تتبهدل اكتر دي حبله وبعدين مش كفاية بهدله خيتك و جوزها تخرج من نارك تروح لنار جوزها و بعدين لنار عيله رُسلان ليه بيحصل في بتي اكده
صلاح بغضب
علشان قدامها نحس كيف اماها بالظبط لو كنتي خلفتيها واد مكنش ده كله حصل كاتك القرف في خلفتك متفتحيش معايا الموضوع ده تاني فاهمة ولا لاء
وتركها و غادر اما مديحة جلست تبكي علي حظ ابنتها
في المساء كانت مازلت فَجر تقف بتعب شديد تشعر ان قدماها لم تعد تحملها
شعرت بصوت خلفها يقوم بهدوء
كفياكي اكده النهارده وروحي علي البدروم الغفير هيوديكي
دخلت تهاني وقالت بحده
هي مخلصتش اللي وراها لسه يا جواد متشغلش دماغك انت بيها وروح شوف مصالحك
جواد بجدية
وانا قولت كفاية عليها اكده يلا يا بت روحي للغفير زي ما قولتك
هزت راسها بالموافقة وخرجت مسرعة
تهاني بغضب
دي تاني مره تكسر كلمتي يا جواد علشان خاطر البت دي
جواد بهدوء
يا يمايا البت حبلة حرام عليكي البت وشها اصفر كيف الليمونه وبعدين الولية التانية كبيره في السن ووانتي برضه بترهقيها انا مريدش حد يموت عندي اهنا انا طلع انام واه انا بكره هروح اجيب فارس الدكتور كتبله علي خروج
تهاني بفرح
بجد يا جواد هاجي معاك
جواد بهدوء
مفيش داعي يا يمايا انا هجيبه وهاجي و اقعدي معاه براحتك مش هقولك لا علشان منعملش زحمة في المستشفى
تهاني بفرح
ماشي يا ولدي
جواد
تصبحي علي خير
تهاني
وانت من اهل الخير يا حبيبي
طلع جواد غرفته
في البدروم دخلت فَجر وهي تشعر بتعب في جسدها
رابحة بغل
جبوكي بدري ليه يا بومة يا نحس
فَجر لم ترد عليها وقامت بتمدد علي ضهرها بتعب شديد ونامت من شده تعبها
وتاني يوم الساعة ستة الصبح دخلت تهاني البدروم وقالت بغضب
انتي يا بت قومي وانتي يا وليه خلصي يا اختي انتي و هي مش نايمين في بيت ابوكم
فَجر استقظت بتعب وبدون كلام وقفت امامها
رابحة بتزمر
انا تعبانة خليها هي تعملي الشغل بتاعي
تهاني بغضب
قومي يا مرة انا مش ناقصة قرف قومي احسنلك.
رابحة قامت بضيق
رابحة
طب ليه تشغلوني انا بره السرايا ما تخلوني ادخل مع البومة دي جوه
تهاني بغضب
هو بمزاجك و لا ايه انتي تعملي اللي اقولك عليه متفتحيش خشمك واحد
رابحة
حاضر
تهاني بضيق
انتي هتخبزي العيش النهاردة روحي مع صباح يلا
راحت رابحة مع صباح
تهاني بغضب
وانتي ورايا علي المطبخ هتعملي الاكل اللي هقولك عليه
فَجر بدموع
حاضر
وخرجت معاها ودخلت المطبخ وبعد كام ساعة ذهب جواد ليأتي بفارس
في المستشفي
جواد بابتسامة
حمدلله علي سلامتك يا بطل
فارس بدموع ينظر لاخاه ولا يقدر ان يتحدث
جواد بهدوء
يا حبيبي فترة و هتعدي و هترجع تتكلم تاني زي الاول و احسن كمان وانا بس هستني لما ترتاح
شوية و هوديك القاهرة او هسفرك بره مش هسكت يا فارس
حضن اخاه بدموع وفارس بكي في حضنه
جواد طبط علي كتفيه وقال بهدوء
اهدي يا فارس متعملش في نفسك اكده يلا تعالي.
وسنده حتي وصلوا لسيارة ووصلوا السرايا وسنده ودخلوا في الوقت ده كانت فَجر بتنضف السرايا نظر لها فارس باستغراب
مهرة بخبث
دي تبقي. مرت الراجل. اللي انت بسببه بقيت اخرس مش بتتكلم يا فارس
نظر لها فارس بغل
تفتكروا هيعمل ايه ورايكم في شخصية جواد
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا