رواية الفرار من الحب الفصل العشرون 20الاخير بقلم الكاتبة حبيبه الشاهد حصريه في مدونة قصر الروايات
رواية الفرار من الحب الفصل العشرون 20الاخير بقلم الكاتبة حبيبه الشاهد حصريه في مدونة قصر الروايات
#الفصل_العشرين_والاخير
#الفرار_من_الحب
غزال بدموع الفرحه
: انا حامل يا سليمان
حامل في الولد اللي بقالك عشرين سنه مستنيه جه اليوم اللي امنيتك اتحققت فيه و هيجيلك الواد اللي هيشيل اسمك و يبقا عكزك في الدنيا
اول ما عرفت من الدكتوره اني حامل جتلك جري عشان تعرف ان هيجيلك ولد يشيل اسمك و يسندك
سليمان بصدمه كبيره و عدم استيعاب ، بصلها بغضب و هوا بيفتكر كلام الظابط ، و اتكلم من بين سنانه
: حامل..
حامل بجد و لا دي لعبة وسخـ.. ـه من العيبك انتي و التانيه لاول مره بعد تلاته و عشرين سنه
افتح عيني و اشوفكم على حقيقتكم فتحت عيني و شفت شياطين عايشين معايا تحت سقف واحد
انتوا جايبين كل الحقد و الغـ.. ـل اللي في قلبكم دي منين و للأسف أنا اللي كنت جيبكم بنفسي فكرتكم ولاد ناس
غزال بدموع
: انا كنت طايشه بسمع كل اللي بيتقالي و بعمله و انا ساكته
مكنتش عايزه واحده تانيه تشركني حضنك.. حضنك دا ملكي انا يا سليمان حتى انا اولى من فاطمه و ليا حق فيك اكتر انا حبيبتك
سليمان قاطعها بعصبيه
: مش حببتي و لا انا لعبه عشان اكون ملك لحد و حقي مش هحسيبه حتى لو كان من مين باخده
غزال نزلت عينيها في الارض و هي بتدور على كلام تقوله ، و اتكلمت
: انا مش جيالك عشان تعتبني انا بقولك حامل و لو مش مصدقني تعالى نروح عند اي دكتور انت تختاره و اكشف تاني عشان تصدقني و تعرف اني حامل في تلت شهر من غير ما احس
سليمان مسكها من ايديها بقوة ، و اتكلم
: هوديكي عند واحد هيظهر كدبتك الجديده بس بعينك مش هنولك اللي في بالك وادخلك القصر تاني
راح على عربيتها و فتح الباب دخلها بقوة و ركب مكان السائق و انطلق بأقوه سرعه عنده
وصل بعد فتره قدام المستشفى نزل من العربيه و فتحلها الباب و مسكها من ايديها بغضب و دخل
مسكت ايديه اللي مسكها بيها ، و اتكلمت بألم
: سليمان ايدي هتتكـ.. ـسر في ايدك
انت جيبني المستشفى ليه سبني انا مش هكشف هنا
وقف في نص الطرقه و بصلها ، و اتكلم بغضب
: ايه خايفه اكشف كذبتك عليا قولي الحقيقه قبل ما ندخل جوه و وقتها مش هسمي عليكي
حاولة تسحب ايديها منه بألم ، و اتكلمت بقوة
: انا مش خايفه خدني عند اي دكتور يعجبك انا متاكده اني حامل
كل خوفي انك تغصبني انـ.. ـزل اللي في بطني
سليمان بعصبيه اشد
: دا لو طلع كلامك صح و طلعتي حامل بصحيح
شدها و مشي بخطوات سريعه ، دخل مكتب فراس و دفعها بقوة كانت هتقع لولا انها سندت على الكرسي
فراس اتخض من دخلت اخوه و قام من مكانه بخضه ، و اتكلم
: سليمان في ايه و أيه الدخله دي
سليمان بصلها بغضب
: اكشف عليها مش انت دكتور برضو و اعرفلي اذا كانت فعلاً حامل و لا بتضحك عليا
فراس بصلها بصدمه كبيره ، و همس
: حامل ازاي
مسكت بطنها بحمايا و رفعت وشها بصتله ، و اتكلمت
: حامل من تلت شهور من قبل ما نطلق و مكنتش حاسه بنفسي غير انهارده
فراس كشف عليها تحت صدمته ،
و سليمان في الخارج قاعد على المكتب مستنيه يخرج من غرفة الكشف ، و هوا مش قادر يستوعب ، و لا يفكر
هيقول ايه لـ فرقان و حبه ليها هوا عارف قد ايه هي بتحبه و اكيد هتتقبل الوضع
طب لو اتقبلته هيعمل ايه مع غزال
غزال مسكته من الايد اللي بتوجعه ابنه اللي بيتمناه من ربنا من اكتر من عشرين سنه
هيجي ينور بيته و يشيل اسمه هيكون سنده
بس الاهم هياخد ازاي طفل لسه عمره يوم ، و يحرمه من امه و حنانها عليه
فرقان حنينه بس عمرها ما هتكون بنفس حنية امه عليه
افكار كتير بتدور في راسه فاق من شروده على صوت فتح الباب
فراس قعد قدامه ، و اتكلم و هوا مش عارف يقول ايه
: حامل في الشهر التالت زي ما بتقول هتعمل ايه معاها
سليمان بان عليه التوتر و الارتباك
: و انت اتاكدت انها حامل ازاي من غير تحليل و الاشاعات اللي بتتعمل
فراس هز راسه بتفاهم توتره ، و خوفه
: الحمل باين في السونار مش محتاج تحليل و لا اشاعات
هي فعلاً زي ما بتقول في الشهر التالت و قربت تخلصه كمان
انت هتعمل ايه معاها دلوقتي الامور اتعقدت
مسك راسه بتعب ، و اتكلم
: راسي هتـ.. ـنفجر من التفكير مش عارف اعمل ايه كل ما بقول خلاص الدنيا هتسبني اعيش يومين من غير مشاكل بتحصل حاجه تعقد الدنيا اكتر
غزال خرجت من غرفة الكشف ، اخدها سليمان و خرج من المستشفى من غير و لا كلمه وصلها لحد بيتها بالعربية و نزل اتمشى هوا لحد السرايه
في جناح سليمان
كانت قاعده على السرير بتبكي بقوة ، و جسمها بيتنفض من الخوف فكرة ان واحده كانت عايزه تقـ.. ـتلها هي بالتحديد رعباها
عقلها الصغير مش قارد يستوعب من فرط خوفها
فتح الباب و دخل و هوا مهموم بصلها بقلق ، و راح عندها بخوف
سليمان بخوف مفرط
: مالك يا حبيبي بتعيطي ليه حد زعلك في حاجه
فرقان بصتله بعيونها الحمراء من فرط بكائها
: هوا بجد فاطمه و غزال كانوا عايزن يمـ.. ـوتوني
انا عايزه امشي من هنا خايفه يأذوني انا و ابني لو حد فيهم عرف اني حامل ممكن يـ.. ـقتله
عشان خاطري مشيني من هنا مش عايزه اقعد هنا تاني ابعدني عنهم خالص
مسك وشها بين ايديه ، و اتكلم بحنيه
: اهدي ايه اللي هيجيب فاطمه و لا غزال هنا
انتي في أئمن مكان في العالم في بيتي وسط ولادي و امي و ابويا و اخويا
و عندك برا غفر يسده عين الشمس واقفين يحرسه السرايه و مافيش نمله بتدخل السرايه غير بعلمي و اما تكون الاول معديه عليهم برا
لو روحتي في اي مكان تاني غير هنا مش هطمن عليكي و انا سيبك و نازل شغلي اما هنا مطمن لاني واثق ان مافيش حد هيوصلك
بصتله في عينيه بدموع ، و اتكلمت من وسط بكائها
: مش موجودين في البيت بس يقدره يوصله ليه و يقدره يدخله بطرق كتير انت ناسي ان ولادهم هنا
مش هنسى اليوم دا أبداً انت مكنتش عارف انا كنت حاسه بيه
عارفه انا كنت مرعوبه و بتشاهد على روحي لاني عارفه انه خلاص نهايتي جت
و لما انصبت.. مكنتش عارفه اتصرف و لا اعمل ايه من خوفي عقلي وقف عن التفكير و انا شايفاك بتـ.. ـنزف و مش داري بالدنيا
فكرة انهم موجودين في نفس المكان دي رعباني و خوفي الاكتر على ابني اللي لو واحده فيهم عرفت اني حامل مش هتتردد لحظه في قتـ.. ـله
رجعني القاهرة تاني حتى لو فتره لحد اما الشرطه تقبض عليهم
مسك ايديها اللي بتترعش.. حضنهم بين كفوفه بحنيه ، و بصلها في عينيها بحنان و همس
: اهدي و متاخفيش انا عارف ازاي احميكي و الشرطه بتحقق في القضيه يعني كلها مسألة وقت و هيتقبض على واحده فيهم مش بعيد اتلاقى الظابط بيرن عليا دلوقتي يقولي انه قبض عليها
مش عايزين نفكر في اي حاجه تتعبنى و لا توترك عشان اللي في بطنك و عشان برضو صحتك
قومي غيري هدومك و تعالي هننزل نتغداء معاهم تحت بقالي كتير مشوفتش البنات
فرقان بدموع
: انا خايفه يا سليمان على ابني
سليمان بابتسامة حنونه
: عمري ما هضرك و لا هأذي ابني
و زي ما هوا ابنك و بتخافي عليه انا بخاف عليكي و عليه متخافيش يا روح بابا مش هخلي حد يلمس.. شعره منك و لا حتى يفكر مجرد تفكير انه يعملك حاجه
رفع ايديه مسحلها دموعها بحنان ، و اتكلم
: بطلي عياط و قومي اغسلي وشك
قبلت.. ايديه اللي على خدها ، و قامت من قدامه دخلت الحمام ، بص لطيفها و اتنهد بتعب شديد و هوا حاسس ان دماغه هتنفـ.. ـجر من التفكير
خرجت من الحمام و نزلت معاها
_ لَا إِلَهَ إِلَّا اللَّهُ وَحَدْهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ يُحْيِي وَيُمِيتُ وَهُوَ عَلَى كُلِّ شَيْءٍ قَدِيرٌ.🦋
على السفره كان الكل متجمع
فرقان بصتله و اخدت بالها انه سرحان و مش بياكل ، اتكلمت بهدوء
: مالك يا سليمان مش بتاكل ليه الاكل مش عجبك
سليمان بصلها بنتباه ، و اتكلم
: كلي أنتي انا شبعت
زبيده بحنيه
: كلت ايه يابني انت طبقك زي ما هوا لو الاكل فيه حاجه قول اقوم اعملك حاجه تانيه غيره
سليمان
: لا تسلم ايدك انا شبعت يا أمي الحمدلله
فراس بصله ، و اتكلم بهدوء
: سليمان عايزك في كلمتين بعد الغداء
عز بصلهم ببعض القلق
: في حاجه يا ولاد حسسكم مخطـ.. ـوفين كدا من اول القاعده و مش على بعضكم بالذات انت يا سليمان فيك حاجه
سليمان بابتسامة باهته بيداري هموموه فيها
: مافيش يا حج متتعبش نفسك
عز الدين
: متعبش نفسي ازاي انا حافظك و فاهمك كويس فيه حاجه حصلت و كبيره كمان خلصه اكلكم و لينا كلام مع بعض
زبيده بصتلهم بقلق ، و خوف
: الله في ايه يا فراس قلقتني عليكم يابني ايه اللي حصل
فراس كمل اكله بهدوء
: مافيش حاجه كنت هكلمه بخصوص المستشفى فيه حاجات في دماغي عايز اغيرها بس انتوا اللي فهمته الموضوع غلط
فرقان بصيت على سليمان اللي بياكل و بيحاول ميوترش الدنيا اكتر من كدا بقلق ، و رجعت كملت اكلها بشرود
تاج اتكلمت بتوتر
: بابا كنت عايزه استاذن من حضرتك و اخد قمر و نروح نشوف ماما بقالنا كتير مرحناش عندها و لا شوفناها
سليمان اتكلم من غير ما يبصلها
: لا مافيش مرواح
بصيت في الارض باحراج و هي حابسه دموعها ، اتكلمت قمر بندفاع و حماس
: بابا ماما بتقول انها هتجيب
تاج حطيت ايديها على بؤها تمنع كلامها ، و اتكلمت بارتباك
: اصل ماما جيبه لـ قمر هديه بمناسبة نجاحها
سليمان بعصبيه مفرطه
: انا مش قولتلكم محدش يكلمها فيكوا كل واحده تسيب تلفونها قبل ما تقوم من على السفره
ادام كلمتي مبتتسمعش و بتروحه تكلموهم من ورايا
تاج قامت من مكانها و هي منزلها وشها في الارض ، لفت حولين السفره حطيت تلفونها هي و قمر ، و طلعه
قامت أسمها و ورها عطر و حطه تلفوناتهم جنب الطبق بتاعه ، و طلعه و هما حسين بنكـ.. ـسار
زبيده بعتاب
: براحه يابني عليهم مهما كان انت بتتكلم على امهم و متقدرش تمنع ولادك انهم يشوفها الام أم برضو
انت تقدر تستغنى عني لا شوف و انت كبير و متجوز و مخلف كمان و كلها فتره و هتبقى جد
ما بالق بقى هما اللي صغيرين و بالذات في السن دا سبهم يروحه و يشوفه امهم و يتكلمه معاها في التلفون مافيش حاجه هتحصل
سليمان قام من على السفره و حط التلفونات في جيب الجلبيه ، و اتكلم
: الكلمه اللي اقولها تتنفذ و ولادي انا هعرف اربيهم ازي
فرقان مسكت بطنها بألم.. و مسكت بايديها التانيه ايده ، و همسيت
: سليمان طلعني اوضتي
بصلها و نسي غضبه اول ما حس بتعبها ، حاوط ايديها قامت معاه ، و هي مسكه بطنها و فردة ضهرها عشان متبينش تعبها و طلعت
دخلت الغرفة و قعدت على السرير ، قعد قدامها بخوف
: مالك ايه اللي تعبك
بصتله و شافت الخوف في عينيه ، اتكلمت بحنيه و ندم انها خوفته
: مافيش يا حبيبي حسيت بتقل في بطني بس انا كويسه متخافش
سليمان بخوف اشد
: كويسه ازاي و انتي بتقولي فيه تقل في بطنك تعالى نروح عند الدكتوره
ربطيت على ايديه بحنيه ، و اتكلمت برقه
: لا هعمل كوباية نعناع و هبقى كويسه متقلقش عليا
سليمان بصلها في عينيها ، و اتكلم بحنان
: مقلقش عليكي امال اقلقك و اخاف على مين انا مليش غيرك اخاف عليه
هعملك النعناع و هرجعلك على طول مش هتاخر بس انتي متتحركيش من على السرير
قام من قدامها خرج من الغرفة ، دخل المطبخ الموجود في نفس الجناح يعملها النعناع و هوا حاسس بتوتر و خوف شديد
جت من وراه و حطيت ايديها على كتفه ، و همسيت برقه
: مالك يا سليمان شايل هموم الدنيا كلها على كتافك ليه
لف بصلها ، و اتكلم بصرامة أب
: ايه اللي حركك من على السرير انا مش قولتلك متتحركيش
دخلت في حضنه و حاوطة ضهره بايديها الصغيره ، رفعت وشها و هي في حضنه ، و همست برقه
: مش تعبانه قدا ما خايفه عليك
شكلك و انت داخل عليا الاوضه يقول ان ميـ.. ـتلك حد
لو مش عايز تحكيلي دلوقتي ممكن تنسى كل اللي حصل و خليك معايا
حاوط خصرها بحمايا ، و هوا بيضمها لحضنه بحب
: حاضر
من غير ما تقولي انا بنسى كل همومي اول ما بشوفك و اشوف ضحكتك القمر دي
خدودها اتوردت من فرط خجلها ، و مسحت وشها في حضنه بنعومه
: وحشتني
سليمان بابتسامة جميله
: و أنتي كمان وحشتيني يا عيون بابا
مسك كوباية النعناع ، و اتكلم
: تعالي ادخلي الاوضه اشربي النعناع و نامي
بعد فتره كان قاعد على السرير فارد رجله ، و ساند بضهره على المخده ، و فرقان قاعده و سانده ضهرها عليه ، و محاوط خصرها
مسكت ايديه حطيتها على بطنها و مشيتها عليها بلطف ، و اتكلمت بسعاده
: متخيل ان فاضل تمن شهور و اولد و هيجيلي بيبي و هبقى ماما مش مصدقه
عدلت نفسها و هي لسه في حضنه ، و رفعت وشها بصتله
: عارف اكتر حاجه مفرحاني هي ايه
ان اللي في بطني هيكون منك أنت يا سليمان و اسمك هيتحط جنب اسمه و هيفتخر بيك طول العمر لانك احلى أب في الدنيا
حطيت راسها على كتفه ، و كملت كلام
: مع ان شكلك صغير اوي على كلمة بابا مش جدو دي بس قولي انت مبتكبرش ليه مش باين عليك خالص ان عندك بنات متجوزه
مرر ايديه على بطنها بلطف ، و اتكلم بصوت رجولي هادي
: عشان اعجب و مافيش واحده تديني سن
حاوطة رقبته بحدا ، و اتكلمت بنبرة تحذير
: أنت بتاعي انا و بس و تعجبني برضو انا و بس مش اي واحده غيري مفهوم
بصلها في عينيها بمكر
: و أنتي غيرانه على كدا انا اعجب اي واحده في البلد و من غير اي مجهود بس عيني مش شايفه غير واحده بس مجنونه شويه و عقلها مش فيها و مطلعه عيني بس بحبها اعمل ايه
سندت رأسها على كتفه ، و همسيت بخجل و رقه
: و انا كمان بحبك يا سليمان
رفعت نفسها قبـ.. ـلت خده برقه و بصتله في عيونه ، و همسيت بتوهان
: وحشتني اوي يا عيوني
في سراية عائلة الجبالي
دخل فراس من باب المنزل و سلم على صالح و قعد معاه
صالح بترحيب
: يا الف اهلاً و سهلا بـ ابن الخال نورت البيت
فراس اتلفت حوليه باحراج من الموقف اللي حط نفسه فيه ، و اتكلم
: الله يخليك يا ابو نوح كنت جاي اطمن على نوح
صالح بتنهيده متعبه
: الحمدلله نوح كويس بس غفران هي اللي تعباني معاها و مش عارف اعمل معاها ايه رافضه الاكل و الشرب و مش عايزه تتكلم مع حد
فراس كور ايديها بغضب مفرط من سالم ، و اتكلم بغضب مكتوم
: كلوا بسبب الكـ.. ـلب اللي كانت متجوزه
بس حقها هي و ابنها مش هيروح بالساهل
صالح نزل راسه في الارض بحزن
: كنت فكره ابني و ربنا اللي يعلم انا كنت بعمله احسن من نوح و مقصرتش معاه في حاجه
دا انا قسمت الورث على حيات عيني عشانه بس الحمدلله انا راضي بكل اللي قسمهولي ربنا
الكلام خدنا و نسيت اضيفك عقبال ما يعمله القهوه هبعت حد ينده لـ نور تشوفها
فراس بتلقائيه ، و تسرع
: انا مش جاي عشان نور انا جاي اشوف غفران و لو تسمح تندهلها تقعد تحت هنا معانا يعني بحجت اني جاي اشوفها عشان تغير جو و تطلع من الحبسه اللي هيا فيها
بصله صالح بعدم ارتياح.، و ندا على الخادمه تنادي غفران ، و على عكس اما اتوقع انها متنزلش بس صدمته و نزلت مع الخادمه
و طلعه قعده في الجنينه تحت صمتهم ، قطع الصمت الغفير
: صالح بيه في ست برا طالبه تشوفك
صالح بص على بنته و فراس ، و قام
: ماشي انا طالع معاك
فراس استنى اما صالح بعد ، و بصلها و اتكلم
: ممكن افهم ايه اللي انتي عاملتيه دا
انتي كنتي هتـ.. ـموتي نفسك انتي و اللي في بطنك
انا فكرة لما تعرفي انك حامل هتهدي و هتبطلي تفكير في قتـ.. ـله
بصتله بضياع ، و ابتسمت بمراره
: اللي في بطني خلاص مبقاش موجود روحت عملت عمليه بسيطه خالص و نـ.. ـزلته قبل ما يتولد و يجي على الدنيا و يعرف اللي ابوه عمله في امه و اخوه
فراس حس بفرحه دراها بسرعه بصوته الحاد
: مش حرام تمـ.. ـوتي روح يبقا ايه الفرق بينك و بينه
غفران بمراره
: لا مش زيه كنت مفكر اني هفرح لما تيجي تقولي انا حامل من الشخص اللي قتـ.. ـل ابني
انا نزلته.. عشان عارفه ان مصيره هيكون زي اخوه و هيـ.. ـموت على ايديه انزله.. دلوقتي و لا استنى اما يجي و اتعلق بيه بعد كده يروح زي اخوه
مش هممني نفسي كدا ما هممني اني اخد بتـ.. ـاري و حق ابني
فراس قاطعها بهدوء ، و هوا بيطلع ورقه و حطها على الترابيزه قدامها
: سالم طلقك غيابي و ورقتك اهي
غفران بصتله و هي بتمسح دموعها بضهر ايديها بقوة ، و بتتنفس بحريه
: احسن خبر سمعته في حياتي أخيراً اتحررت من السجن اللي كنت فيه
بس انت عرفت منين و جبت الورقه دي ازاي
فراس بصلها بهدوء
: انا وعدتك اطلقك منه و انتي في المستشفى و وفيت بوعدي ازاي دي بتاعتي انا المهم عندي انك خلصتي منه و اتطلقتي منه
غفران بصيت على الورقه بحيره
: انت بتعمل معايا كل ده ليه متقولش قرابه و انك ابن خال بابا و تبقى في مقام عمي
انت من قبل كدا و انت بتسعدني من غير ما حتى تعرفني
بصلها بنظره مفهمتهاش ، و اتكلم بنبره غريبه عليها
: هتعرفي كل حاجه في وقتها
قام وقف ، و اتكلم
: استاذن انا و هبقي اجي مره تانيه اطمن عليكي
صالح قرب منهم ، و اتكلم
: رايح فين ما لسه بدري اقعد شويه كمان
فراس بصله ، و اتكلم بابتسامة
: عندي شغل في المستشفى لينا قعدات مع بعض تانيه كتيره عن اذنكم
سلم على صالح و اخد عربيته و خرج من السرايه ، صالح بص لطيفه و رجع بص على بنته بحيره شديد
في الاعلى
نور كانت نايمه على السرير و نوح بيغيرلها على الجـ.. ـرح بخوف شديد انه يوجعها
نور بصيت على ملامحه و الخوف الظاهر عليه ، و ابتسمت بحب
: خايف
بصلها بستغراب و هوا مش فاهم
: هخاف من ايه مش فاهم
نور القمر بابتسامة
: خايف توجعني باين على ملامحك الخوف
نوح بابتسامة و وسامه
: لو مخفتش عليكي هخاف على مين غيرك معنديش اغلى منك
مسكت ايديه بألم.. ، و اتكلمت
: البتاع دا بيحـ.. ـرقني اوي لما بتحطه على الجـ.. ـرح
نوح شال ايديها من على ايده ، و اتكلم بحنان
: عشان ينشف الجـ.. ـرح و يطهره استحملي يا روحي
سحبت ايديها و هي مركزه مع ملامحه
: زعلان اني سـ.. ـقط
نوح اتنهد بتعب ، و بصلها و ابتسم بحب
: طبيعي ازعل لانه ابني و إن شاءلله ربنا يكرمنا و يعوض علينا بطفل غيره
متفكريش في الموضوع ده كتير انتي لسه تعبانه و انا راضي بكل اللي بعتهولي ربنا
نور
: يعني مش زعلان انت كان نفسك في الولد دا يا نوح
عارفه انه غصبن عننا و مش بأرضتنا بس انا حزينه جداً عليه و بصبر نفسي و بقول ربنا يكون في عون اختك حزنها اكبر مني بمراحل
نوح قعد جنبها على السرير ، و اتكلم بحنيه
: اديكي قولتي بنفسك شوفي غفران عامله ازاي في نفسها دا كبر قدامها و اتعلقت بيه و معاها ذكريات معاه عمرها ما هتنساها
اما انتي مشوفتهوش و كان لسه حتت لحمه حمراء
مسك ايديها و قـ.. ـبلها بحب ، و هوا بصص في عينيها
: هتصدقي لو قولتلك مش زعلان عليه قد ما كنت زعلان عليكي المهم عندي سلامتك انتي
لانك مش هتتعوضي اما هوا نقدر نجيب غيره باذن الله
لو كان جرالك حاجه مكنتش هعرف اعيش من غيرك انتي النفس اللي بتنفسه انتي كل حاجه بالنسبالي يا نور و مستحمل كل حاجه علشانك انتي
نور اتكلمت بالعافيه
: لو مخلفتش تاني هتسبني و تتجوز عليا
نوح حط ايديه على شفايفها.. يمنع كلامها ، و اتكلم بنبره احن و هوا تايه في عينيها
: متكمليش مش عايز اسمع منك الكلام دا
تاني انتي بنتي قبل ما تكوني مراتي و مش عايز خلفه عايزك أنتي يا نور
أنتي ماليه حياتي و معواضاني عن كل حاجه مش مخليه في قلبي حتى بس صغيره حد يدخل فيها غيرك
و بعدين مين قال انك مش هتخلفي بكره ربنا يرزقنا بالخلف و العوض من ربنا بطلي تفكير لانك بتتعبي اللي حوليكي اكتر ما بتتعبي نفسك
و لا انتي مفكره اني ببقى مبسوط و انا شايفك قاعده سرحانه و مش مركزه معايا انا عارف باللي في عقلك و قلبك و موجوع اكتر منك
عشان خاطري بلاش تفكير و اخرجي نفسك من الحزن دا لاني مش مستحمل اي ضغط عليا تاني
مسكت ايديه اللي حططها على بؤها و قبـ لتها.. بحب ، و همسيت
: انا اسفه اني كنت مشيلاك هم كبير و انا مش واخده بالي حاضر هعمل كل اللي أنت عايزه بس اوعدني الاول انك مش هتسبني
نوح ميل راسه سندها على كتفها و هوا قاعد ، و اتكلم بارهاق
: اوعدك
تبقي لسه متعرفيش حبك قد ايه في قلبي
لو فيه حاجه اوصفلك بيها حبك في قلبي كنت وصفت بس أنتي حبك ميتوصفش يا نور
كان النبي صلى الله عليه و سلم بيحب ستنا عائشه رضي الله عنها حب لدرجة انه لما تعب طلب انها هي اللي ترعاه في تعبه و مـ.. ـات و هوا جنبها
مش هقولك بحبك حب سيدنا النبي لزوجته لانه حرام بس انا بحبك حاجه مشابه ليه
عايز لما اتعب و اجي امـ.. ـوت امـ.. ـوت و انا راسي على رجلك و تبقي انتي اخر حاجه تشوفها عيني قبل ما اوجه رب كريم
لو جيت اوصفلك حبي ليكي مش هعرف لانك حاجه كدا جميله حصلتلي أنتي الرزق اللي ربنا كان شيله ليا و موعوضني بيه عن الايام الصعبه اللي عشتها
حاوطة رقبته بحب و قلبها بيرقص من الفرحه من مدى حبه و عشقه ليها...
عند غزال كانت رايحه جايه في البيت و هي بتفكر ، اتكلمت بغيظ شديد
: شوفتي ياما و لا عبرني و لا حتى سأل فيا نفسي اعرف عامله ليه العـ.. ـمل فين
بخيته بصتلها و هي قاعده على الكنبه ، و اتكلمت
: أنتي متاكده انك رشيتي المايه اللي اتدهالك قدام السرايه
غزال بصتلها ، و اتكلمت
: اه و الله رشتها و حتى رشيت على جلبيته زي ما الشيخ قال
شكلوا شيخ اونطه و مش فاهم حاجه
بخيته
: مش فاهم حاجه دا البلد كلها بتروحله و عمل معاهم نتيجه انتي ناسيه انه هوا اللي خلاكي تحملي و تشيلي في بطنك الواد
غزال قعدت قدامها ، و اتكلمت بغيظ
: ما دا اللي قهرني شلت في بطني الواد و لما عرف بدل ما ياخدني عند المأذون و يردني حزن حزن كانه ميتـ.. ـله مـ.. ـيت
بخيته
: طب و اللي يقولك الحل
انتي تخرجي زي ما انتي كدا بجلبيتك و حطي طرحه على شعرك و تروحي جري على السرايه بس حسبي تسقـ.. ـطي نفسك تدخلي و تترمي تحت رجله تترجيه يساعدك عشان امك عايزه توديكي عند الدكتوره تسقـ.. ـطي
بصتلها غزال بفرحه
: بس سليمان انا معرفش رديت فعله ايه
بخيته بشهقه
: سليمان ايه يا هبله انتي تترمي تحت رجل ابوه عز و تعيطي كدا و تقوليليه امي عايزه تسقـ.. ـطني و شوفي هوا هيعمل ايه مبقاش بخيته لو مرحش بنفسه جاب المأذون
غزال بأمل
: بجد ياما عمي الحج هيعمل كدا
بخيته
: امال قومي حطي طرحه على شعرك و روحي و امشي على مهلك قبل السرايه بشويه اجري عشان الغفر اللي واقفين على البوابة برا يشوفكي و ادعي لامك
غزال قامت اخدت الطرحه من على راس امها ، و خرجت حافيه من البيت.. كانت ماشيه بتمد في الشارع
و اول ما قربت على السرايه فكت الطرحه ، و حطيتها بعشوائيه على شعرها و لطمت.. على وشها بقوة ، لحد اما صوابعها علمت على خدودها ، و جريت
كانت بتجري و هي مسكه بطنها و مرعوبه يحصله حاجه لحد اما وصلت قدام السرايه
مسكت في حديد البوابة ، و اتكلمت و هي بتنهج من الجري ، اتكلمت برعب و زعر بصوت اشبه بالصريخ و هي بتتلفت حوليها في الزراعه
: الحقوني حد يلحقني افتحه البوابة بسرعه هتقـ.. ـتلني
الغفير خاف من شكلها المتبهدل و فتحلها الباب ، دخلت تجري و هي حاسه بتعب شديد ، و قلبها هيقف من الجري
دخلت السرايه و هي بتنادي عليه برعب ، و خوف شديد
: الحقني.. الحقني يا عمي
الحقيني ياما
زبيده كانت قاعده هي و عز الدين في مدخل السرايه ، اتخضت زبيده اول ما شافتها بالشكل دا
جريت عليهم غزال و هي مسكه بطنها و وقعت تحت رجل عز ، و اتكلمت ببكاء و صوت متقطع
: الحقني يابا الحج امي عايزه تمـ.. ـوتني
زبيده بقلق مفرط
: اهدي بس و خدي نفسك هتـ.. ـموتك عملتلها ايه لدا كلوا
اتكلمت غزال في دخلت فراس السرايه ، ببكاء
: عشان عرفت اني حامل من قبل ما اطلق من ابنكم مش عايزه الواد يجي و انا مطلقه ضـ.. ـربتي و كانت عايزه تاخدني عند الدكتوره تنزله
اتصدمت زبيده من الخبر و فراس واقف بيتفرج عليها ، و هوا متاكد انها مدبره الحوار كله عشان تدخل السرايه من تاني
نزل سليمان على صوت صريخها.. لانها كانت متعمده تتكلم بصريخ عشان تسمع فرقان ، و وره فرقان
سليمان نزل من على السلم جري و راح عندها ، و اتكلم بغضب و صوت ارعب الموجودين
: انتي ايه اللي جابك هنا انا مش محرم عليكي السرايه
بصتله بعيونها الحمراء من فرط بكائها ، و قامت من على الارض جريت عليه و هي بتتكلم
: الحقني يا سليمان امي ضـ.. ـربتني و كانت عايزه تخدني عند الدكتوره اسقـ.. ـط ابنك
و قبل ما توصل عنده عملت نفسها هتقع عشان يسندها ، بس خلف توقعتها و رجع خطوه للخلف ، و وقعت على الارض غمضيت عينيها من خجلها قدامهم
جريت عليها زبيده و نزلت لمستواها ، و اتكلمت بصريخ
: انتوا بتتفرجه عليها حد يجي يشيلها عشان نفوقها
فرقان حسيت ان قلبها اتكسـ.. ـر لميت حتى
بصيت على سليمان و هي مصدومه و مش قادره تستوعب اللي بيحصل
جريت عليها أسمهان و تاج و هما منهرين من البكاء على شكل امهم
أسمهان بصتلهم ، و اتكلمت ببكاء
: حرام عليكم حد يجي يلحق ماما.. ماما و نبي فوقي و ردي عليا يا ماما
سليمان راح عندها و شالها و طلع حطها في غرفتها القديمه ، و فراس جاب ازازة برفيوم و فوقها
فتحت عينيها بعد فتره بتعب ، بصتله و اتكلمت بصوت مجهد ، و دموع
: سليمان انت مش هتخلي امي تعمل كدا في ابني
عز الدين
: متخافيش ابنك مش هيحصله حاجه
غزال بصيت لـ عز ، و اتكلمت بدموع
: خايفه لما ارجع البيت امي تاخدني عافيه توديني عند الدكتوره مش عايزاني اخلف و انا مطلقه و عايزه تجوزني غصبن عني
عز
: امك دي ليها حساب معايا مش عشان هتجوزك لا عشان كانت عايزه تمـ.. ـوت لحمنا
ابن ابني محدش هيربيه غير ابوه و هبعت دلوقتي لـ الشيخ يجي يردك لجوزك من تاني بس اي غلطه منك بحساب
سليمان بصله بصدمه كبيره على حكمه عليه ، حس انه واقف قدام قاضي و صدر حكم الاعـ.. ـدام عليه بجوازه من غزال
و نزل وشه في الارض و هوا مش قادر يردله كلمته
المأذون جه و بقيت غزال مراته وسط فرحتها هي و بنتها
بعد اما ردها لعصمته خرج من الغرفة و هوا مخنوق و مش طايق نفسه ، طلع الجناح بتاعه هوا و فرقان
كانت فتحه شنطة السفر و بتلم هدومها و الدموع في عينيها
سليمان قرب منها بقلق
: فرقان انتي بتعملي ايه و بتلمي هدومك رايحه على فين
فرقان اخدت نفس عميق و بصتله ، و اتكلمت بدموع
: خليك مكانك و لسانك ميخطبش لساني
بلم هدومي عشان مليش قعاد هنا بعد اما اتجوزت عليا
سليمان بتردد
: اتجوزتها عشان ابني اللي في بطنها و لا انتي كنتي عايزه ابني يتربه بعيد عني
فرقان صرخت فيه بنهيار
: روحلها انا متكلمتش هي مراتك و اللي في بطنها ابنك
و انا مش مراتك و لا اللي في بطني دا ابنك برضو
أنت اناني يا سليمان و مبتفكرش غير في نفسك و بس
اه ما انت سليمان باشا بقا لازم تتجوز بدل الواحده تلاته و مش مهم مشاعرهم عامله ازاي ما هما جمايس بقى مبيفهموش كل مهمتهم السـ.. ـرير و الخلفه و كل واحده ليها يومها
قلم.. قوي نزل على وشها و سحبها من شـ..ـعرها بقوة ، و اتكلم بغضب عارم
: اخرصي مش عايزه اسمع اي كلمه منك تانيه
بصتله بصدمه اكبر انه مد ايده عليها ، ضحكت بوجع و اتكلمت بوجع
: معاك حق تعمل فيا اكتر من كده
عارف ليه عشان الغلط مش عندك الغلط عندي انا
اني حبيت واحد متجوز اتنين قبلي و انا التالته
فكرتك هتحب ابني بس فيه بداله سته في قلبك انت هنت كرامتي قدام نفسي لما اتجوزتها عليا و انا مش هسمح ان كرامتي تتهان اكتر من كدا
و لا هقعد مع واحده كانت عايزه تقتـ.. ـلني قبل كدا طلقني يا سليمان
سليمان بدون تفكير و الغضب عامي عينيه
: أنتي طالق
#النهايه
#الكاتبة_حبيبه_الشاهد
#الفرار_من_الحب
انتهى الجزء الاول من الروايه و بمشاكله و مغمراته و احداثه المشوقه ، و الجزء التاني من الروايه هينزل قريب جداً انتظرو يا حلوين لانه فيه مفاجات كتير..
بشكر الناس اللي دعمتني و وقفت جنبي طول الفتره اللي فاتت رغم التاخير اللي كان دايما في تنزل الفصول الجديده
كانت معاكم معكم حبيبتك حبيبه الشاهد 😍❤❤
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا