رواية المنتقبه وبيت المنشاوى( الجزء الثاني)الفصل العاشر 10 بقلم هويدا زغلول حصريه في مدونة قصر الروايات

رواية المنتقبه وبيت المنشاوى( الجزء الثاني)الفصل العاشر 10 بقلم هويدا زغلول حصريه في مدونة قصر الروايات

رواية المنتقبه وبيت المنشاوى( الجزء الثاني)الفصل العاشر 10 بقلم هويدا زغلول حصريه في مدونة قصر الروايات

المنتقبه الجميله داخل القصر 

الجزء الثاني 

الحلقه العاشره 

اما في مخزن بعيد في الصحراء كان قاعد المنشاوي ومربوط ايديه ودخل عليه واحد لابس قناع واول ما شافه قلع القناع والمنشاوي قال بصدمه

المنشاوي 

ايه معقوله انت اللي تخطفني انت خرجت امتى من السجن وازاي حصل امتى الكلام ده وليه عملت معايا كده يا ابني 

كريم 

خرجت من السجن امتى هذه حاجه ما تخصكش يا والدي كل اللي عاوز اعرفه منك على اخر الزمن تقف ضد مراتي وتخليها تخلعني ليه هو انا عملت ايه لكل ده 

المنشاوي 

معقوله يا كريم بعد كل اللي انت بتساله ده عملت ايه انت عملت كل حاجه يا ابني توجع مراتك وخربت الدنيا وعملت مصايب كثير بس ازاي هربت من السجن يا كريم

كريم 

انا هربان من السجن علشان اعرف سمر ان انا هعرف اخد روحها في اي وقت ومش هخليها تتهنى باللي اسمه عزمى ده ابدا ولا هتعرف تتجوزه 

المنشاوي 

يا ابني ايه اللي انت بتقوله ده حرام عليك سيبها في حالها وما ينفعش كده خرجني من المخزن ده زمان ابنك مروان قالب الدنيا عليا بلاش توجع قلبهم يا حبيبي 

كريم 

هو انت بتقول حبيبي معقول انا حبيبك بطل تمثيل يا والدي انت رميتني انا وسليم في السجن وانتم دلوقتي عايشين فرحانين مبسوطين بس على مين انا لازم اخرب عليكم عيشتكم 

المنشاوي 

مش احنا يا حبيبي اللي رميناكم في السجن انتم اللي رميتوا نفسكم انتم اللي عملتوا كده في نفسكم نقول ايه بقى انا اللي ربيتك من الاول انا اللي دلعتك وكنت بقول لك على كل حاجه حاضر ونعم ادي النتيجه انسان طماع فاشل 

كريم 

هو انت لسه شفت فشل يا والدي اصبر عليا امسك القلم ده وامضي على كل الورق ده ويا ريت تخلصني لو عاوز تطلع من المخزن ده كويس وسليم 

المنشاوي بصدمه 

معقوله يا كريم بتهدد ابوك بدل ما تاخد بالك مني ومن صحتي اخص عليك وعلى تربيتي ليك وايه الورق اللي انت عاوزني امضي عليه ده 

كريم 

الورق ده يا والدي يبقى تنازل على كل املاكك وهتبقى باسمي انا وريح نفسك مش هتخرج من هنا غير لما تمضي على كل الورق ده قلت ايه 

المنشاوي بصدمه 

اه يا قلبي اه مش عارف اتنفس كلامك نزل على قلبي زي الصدمه يا كريم مش عارف اخد نفسي 

كريم 

بطل تمثيل يا بابا وخلص امضي على الورق اوعى تكون فاكرني ان انا زي مروان قلبي طيب وحنين واخاف عليك واجري عليك تبقى طيب وغلبان امضي على الورق يا بابا عشان تخرج من هنا سليم 

وبعد كريم ما اخلص كلامه المنشاوي فعلا قلبه تعبه جدا وقع من طوله واترمى على الارض وكريم قال 

كريم 

يا خبر اسود ومنيل انت يا زفت انت يا نيله النيله تعال هنا 

فوزي مساعد كريم 

ايوه يا كريم باشا في ايه يا نهار اسود ايه اللي حصل للحاج هو مات ولا ايه 

كريم 

مات ايه يا عم فال الله ولا فالك سيبه يا عم علشان ناخد منه اي فلوس بقول لك ايه هو احنا ينفع نمضيه وهو مغمى عليه كده 

فوزي 

يا نهار ازرق ايه اللي انت بتقوله ده يا كريم باشا والدك بين الحياه والموت وانت عاوز تمضيه وهو مش في وعيه ده ابليس واقف على جنبي وخايف منك يا اخي 

كريم 

بقول لك ايه مش عايز كتر كلام احنا لازم نوديه المستشفى دلوقتي وهنسيبه هناك ونمشي على طول بس هنخش المستشفى واحنا لابسين كابات عشان الكاميرات ما تجيبناش 

فوزي 

حاضر يا باشا يلا بينا شيلوا معايا عشان نوديه العربيه ونوديه على المستشفى جت الحزينه تفرح ما لقيتلهاش مطرح وانا اللي قلت خلاص كلها كم دقيقه وهكون مليونير 

كريم 

بطل تندب يا نداب واسكت بقى شويه ويلا بينا بسرعه اطلع على المستشفى

وفوزي ده يبقى صاحب كريم في السجن هرب معاه وكان المساعد بتاعه علشان يعملوا الخطه دي وياخدوا ملايين المنشاوي كلها ويهربوا من البلد لكن ما يعرفوش بسبب تعب المنشاوي وقف كل حاجه 

اما كريم وفوزي دخلوا المستشفى على طول وقالوا للممرضه 

كريم 

امسكي يا دكتوره الله يخليك ابويا تعبان ومش عارف يتنفس ولا بينطق 

الممرضه 

يا نهار ابيض حطه على السرير بسرعه وان شاء خير 

فوزي 

يلا احنا يا باشا علشان نجيب الفلوس ها ها اكيد فاهمني نجيب الفلوس علشان نديها للمستشفى عشان الحاج يخف 

كريم 

ايوه صح يلا بينا بسرعه 

وبعديها كريم وفوزي هربوا بسرعه من المستشفى وركبوا العربيه وراحوا المخزن ثاني 

اما مروان وجميله راحوا القسم علشان يعملوا محضر وبعد ما خلصوا والظابط قال لهم اول ما يتم العثور عليه هنرد عليكم على طول 

وبعديها جميله ومروان روحوا الفيلا وهم زعلانين على المنشاوي واول ما اروح لا سماح وجيرانها وسمر زعلانين وعاملين يعيطوا وسماح عماله تندب وتقول 

سماح 

جات الحزينه تفرح ملقتلهاش مطرح اه يا انا ياما يا اللي ما لكيش حظ في دنيتك ابدا 

ام حازمبل 

معلش يا اختي ما تعمليش في نفسك كده ان شاء الله هيرجع سالم غانم ومش هيكون في اي حاجه ابدا 

فوزيه 

بصراحه كده انا شاكه ليكون في واحده خطفته منك يا سماح اصل الحاج منشاوي ده عسل وامور وجميل وعسول قوي ورشيق وبصراحه يتحب 

سماح 

ما تحترمي نفسك يا بنت يا فوزيه هو انت بتعاكسي جوزي ولا ايه اهو يا اختي اتخطف من قرك 

سمر 

بس يا جماعه بس ايه اللي انتم بتقولوه ده كل واحده فيكوا تمسك موبايلها وتنزل منشور على فيسبوك يمكن يتم اي عثور على المنشاوي

سماح 

ايه الفيسبوك ده يا اختي بقول لك ايه لو بتشتميني يبقى بصي انا مش فايقه لك النهارده هقوم اجيبك من شعرك واعمل لك زي الزعافه يا سمر 

جميله 

بس يا خالتي حماتي مش قصدها حاجه ان شاء الله خير وهنلاقيه انا ومروان عملنا محضر ومستنين مكالمه من الظابط في اي وقت 

مروان 

خير يا جماعه ادعوا له ان شاء الله ربنا يعطرنا فيه 

وفي الوقت ده سعديه جت وقال 

سعديه 

يا مروان بيه انا كل يوم بفتح علبه الجوابات ما بلاقيش حاجه لسه فاتحاها من شويه لقيت فيها الجواب ده شوف كده ليكون حاجه مهمه 

مروان 

هاتي يا سعديه يمكن اي حاجه تدلنا على مكان جدي 

وبعديها مروان فتح الجواب ولقاه مكتوب بخط وحش جدا وما عرفش يقراه وقال 

مروان 

ايه مكتوب ايه انت عاوزه هم مين المتخلف اللي كاتب الجواب ده امسكي كده يا جميله يمكن تعرفي تقري اي حاجه 

جميله مسكت الجواب عشان تقراه وقالت 

جميله 

ده واحد لسه متعلم الكتابه والقرايه جديد مش عارف يكتب اي حاجه يا مروان وبصراحه انا مش فاهمه اي حاجه 

وفوزيه وامه حازمبل وسمر وسماح مسكوا الجواب وبرده نفس الكلام ما فهموش اي حاجه الا الست كتكوته هي الوحيده اللي مسكت الجواب وقالت 

كتكوته 

ايه الغباء ده انتم للدرجه دي متخلفين ومش عارفين تقروا اقول ايه جهله ايه الجواب بيقول لو عاوزين المنشاوي حطوا 12000 ونص وابعتوهم على الرقم ده والمنشاوي هيجي لكم على طول 

سماح بخبث

بنت يا كتكوته ازاي واشمعنا وفين انت الوحيده اللي عرفتي تقري الخط المنيل ده تحبي تقولي لي الكلام ده معناه ايه 

كتكوته بتوتر 

ما اعرفش يا ستي سماح هو ايه اللي معناه ايه انتم كلكم مش فاهمين انا الوحيده اللي متعلمه وفاهمه 

فوزي 

متعلمه ايه يا كتكوته ده انت لسه واخده شهاده محو الاميه الاسبوع اللي فات يا حبيبتي انت بتعرفي تقراي بتعرفي تكتبي انا مستغربه ان انت عرفتي تقري كل الجواب مره واحده 

ام حازمبل 

استني كده بقى يا  كتكوته مش الرقم ده رقم

السنترال بتاعنا اللي على اول الشارع بتاع الواد شعبان معقوله هو ولا خطف المنشاوي

كتكوته بتوتر 

وانا مالي كل حاجه ممكن روحوا اسالوا شعبان بقى انتوا عمالين تتكلموا معايا كده ليه هو انتم شاكين فيا ولا ايه انا ما عملتش حاجه 

سماح بشك 

تعالي هنا يا بنت يا كتكوته مش انت يا بنت عليك ديون ب 12 الف ونص ده انت ليلتك سوداء النهارده يعني انت اللي سرقتي وخطفتي جوزي مني يا نهارك اسود يا كتكوته 

مروان 

ده انت ليلتك سوداء النهارده اعترفي قولي الحقيقه عشان ما ابلغش عنك البوليس 

كتكوته بخوف 

لا لا يا مروان بيه بوليس ايه انا اسفه انا في عرضك افهمني بس هقول لك على كل الحقيقه انا ما اعرفش مين اللي خطف المنشاوي انا فعلا كنت مديونه وقلت هيصه بقى يمكن انتوا ناس هبله هتدي فلوس لاي حد فقلت انا كمان ينبني من الحب جانب واكتب الجواب الاهبل ده يمكن تخافوا وتدفعه على 12000 ونص واسد فلوس 

سماح 

اه يا قليله الادب يا كتكوته بعد ما فتحت لك بيتي تعملي معايا كده تمشي اطلعي بره وما تجيش هنا تاني جاتك القرف يا معفنه يا منتنه يا ام 12 الف ونص 

كتكوته 

حقك عليا ست سماح ما تزعليش مني والنبي ولا طبعا انا مش همشي مش هينفع اسيبك في الضيقه دي ابدا وانا غلطانه وقليله الادب 

ام حازمبل 

ايوه طبعا غلطانه وقليله الادب هو لما كان نفسك في المانجا مش هي اكلتها لك ولما كان نفسك في المشمش مش هي اديته لك وكله كم والبرقوق كوم ثاني مش قالت لك خدي حبه وانت ماشيه يا كتكوته 

مروان بزعيق 

ايه محل الفاكهه اللي احنا دخلنا فيه ده بطلوا عبط وهبل احنا دلوقتي في مشكله كبيره ومش عارفين نحلها وانتم جايين تهزروا يا ست سماح انت وجيرانك 

سماح 

اخص عليك يا مروان من اولها كده بتزعق لي وبتبهدلني عشان الراجل بتاعي مش موجود فينك يا منشاوي تيجي تشوف موحه وهي بتتبهدل  مين حفيدك

جميله 

لا عاش ولا كان اللي يبهدلك يا خالتي ما تزعليش من مروان هو برده اعصابه تعبان وكلنا خايفين على جدي وبصراحه كده انتوا بتتكلموا فاكهه وحاجات فارغه لازم نفكر ازاي نرجع جدي

سمر 

اهدوا يا جماعه ما تزعلوش نفسكم انا هروح اكلم عزمي خطيبي ما انتم عارفين ان هو دكتور ويمكن يعرف يوصل لاي حاجه 

سماح 

على اخر الزمن عزم ابو كرش الاقرع هيساعدني ان الاقي جوزي حبيبي اه اخص عليك يا دنيا

سمر 

لا لا لو سمحت يا مدام سماح ما اسمح لكيش تقولي كده على عزمي خطيبي هو اه فعلا عنده قرعه بس امور وجميل وكيوت خالص 

مروان بصريخ 

يا جماعه ايه الكلام الفارغ اللي انتم بتقولوه ده قرعت مين وبكرش مين بقول لكم جدي مخطوف لا لا انتوا ناس تحرق الدم تعالي معايا يا جميله نقعد في اي حته نفكر انا وانت يا حبيبتي نرجع جدي ازاي 

سماح 

طبعا معاك يا حبيبي ورجلي على رجلك هفكر انا كمان هو انت فاكرني  هسيب جوزي في زنقته ولا ايه على راي المثل قلت للهم انا رايحه اتفسح قال لي وراكي وراكي هو انا مكسح 

مروان 

لو سمحت ست سماح هتيجي معايا مش عايز اسمع الكلام الغريب ده منك تاني لو سمحتي 

سماح 

ان شاء الله هيجي لك اسهال في مناخيرك يا واد يا مروان مالك يا واد عمال تشخط وتنطر فيا كده ليه هو انا علشان جوزي يعني اتخطف فاكرني مكسوره الجناح ولا ايه 

جميله 

لا يا حبيبتي ما تقوليش كده ان شاء الله هيرجع وهيكون زي الفل ما تزعليش نفسك وبعدين معاك يا مروان اهدى شويه مش كده ان شاء الله هنلاقي جدي نقعد بس كده ونفكر 

انا في المستشفى الدكتور دخل واول ما شاف المنشاوي قال 

الدكتور 

يا نهار ابيض ازاي شخصيه مهمه زي دي تكون موجوده  عندنا في المستشفى وما حدش يقول لي 

الممرضه 

ما اعرفش يا دكتور في اثنين لابسين كابات جم سابوا ومشيوا بسرعه بحجه ان هم هيجيبوا فلوس وما جوش تاني وانا عمال افوق فيه ما بيفوقش شكله كده جات له غيبوبه بالسكر 

الدكتور 

حالا تجمعي كل الدكاتره وكل الممرضين وتقفوا حوالين الحاج منشاوي علشان تفوقوه انت شخصيه كبيره جدا ولو حصل له حاجه المستشفى كلها هتروح في 60 داهيه 

الممرضه 

حاضر يا فندم ثواني وهيكون فايق ان شاء الله بس فين اهله مش معاه اي حاجه تدلنا ولا رقم حتى 

الدكتور 

ما تقلقيش انا عارف مروان حفيدو ان شاء الله هكلمه دلوقتي وهخليه يجي المستشفى بس يا ريت قبل ما مروان باشا يجي يكون الحاج منشاوي فايق عشان ما تحصل لناش مشكله لينا كلنا 

الممرضه

تحت امرك يا دكتور بعد اذنك 

وبعديها الدكتور دخل على المكتب بتاعه وطلع رقم مروان لانه مشهور جدا ومعروف وكلمه وقال له 

الدكتور 

اهلا بك يا مروان باشا هقول لك خبر بس انا عارف ان مزعج لحضرتك بس لازم تعرفه 

مروان 

خير يا دكتور في ايه طمني وحضرتك جبت رقمي منين في حد تبعي حصل له حاجه 

الدكتور 

الحاج منشاوي عندنا في المستشفى وباين كده في غيبوبه سكر ولسه ما فاقش اتمنى حضرتك تيجي علشان تطمن عليه 

مروان بفرحه 

انت بتقول ايه يا دكتور انا جدي عندكم في المستشفى الحمد لله رب العالمين الله يخليك خلي بالكم منه من صحته وثواني وهكون عندكم مع السلامه 

وبعديها مروان قفل السكه وقام وقف وقال 

مروان 

الحمد لله يا جماعه لقينا جدي في المستشفى والدكتور كلمني طمني عليه بس للاسف قالوا غيبوبه بالسكر يلا بسرعه نروح نطمن عليه 

كتكوته 

طب ما ده كويس ما هو السكر ما بيجيش غير المسكرين وهو مسكر وكيوت وجميل 

ام حازمبل 

ما تتلمي يا بنت يا كتكوته انت بالذات ما اسمعش حسك خالص ده انت ليكي روقه معايا بس لما افوق 

سماح 

اه يا حبيبي يا مدلعني يا غالي يلا بينا يا مروان نروح عند سندي وقلبي قلبي ومفتاحه دول ملك ايديه 

جميله 

يلا بينا يا خالتي يلا يا حبيبتي نروح نطمن عليه الحمد لله يا مروان ربنا يطمننا على جدي 

وبعديها كل العيله راحوا المستشفى واول ما دخلوا سماح قالت 

سماح 

يا حبيبي يا شوشو وانا اقول في المستشفى منوره ليه اتاري روح قلبي ما هو اللي منور هو هو اللي ماكلنا هو هو اللي مشربنا هو هو اللي مفسحنا هو 

فوزي 

ادعوا له ادعوا له يعمر بيت ابوه وكمان ادعوا له 

سمر 

بس بقى كفايه كلامكم الغريب العجيب ده يا حبيبي يا حمايا ربنا يشفيك يا رب يا ترى مين اللي خطفك ومين اللي عمل فيك كده 

سماح 

حبك برص يا بنت يا سمر ما تحترمي نفسك يا بنت واقفه عدل امال فين عزم الاقرع ما شفناش منه يعني اي حركه جدعه يعني 

سمر 

على فكره بقى عزمي دكتور شاطر جدا ولو كنت عرفت كل حاجه كان زمانه هو اللي عرف مكان المنشاوي بس انا اللي ما حبتش اعرف 

جميله 

خلاص بقى يا جماعه احنا في المستشفى 

طمني يا دكتور جدي هيقوم بالسلامه امتى 

الدكتور 

خلاص هو على وشك ان هو يفوق ان شاء الله للاسف جت له غيبوبه سكر بسبب زعله الشديد باين كده ان في حد زعله وطب ساكت ما قدرش 

يتكلم 

مروان 

بعد اذنك يا دكتور انا عاوز اعرف مين اللي جاب جدي على المستشفى ممكن توريني الكاميرات 

الدكتور بيستغرب 

ما فيش مشكله تعالى معايا يا مروان بيه اوريك الكاميرات بنفسك 

وفعلا مروان وجميله راحوا مع الدكتور علشان يشوفوا بالكاميرات لكن للاسف فوزي وكريم دخلوا وخرجوا وهم مستخبيين في الكابات علشان ما حدش يعرفها وفعلا ولا مروان ولا جميله اتعرفوا عليهم وجميله قالت

جميله 

على فكره يا مروان الاتنين دول اذكيه جدا وهم قصدهم ان ما حدش يتعرف عليهم بس يا ترى مين اللي عمل كده في جدي

مروان 

خلاص يا جميله كلها كم دقيقه وجدي يقوم بالسلامه ويفوق ونعرف منه كل حاجه 

وفعلا مروان وجميله رجعوا عند اوضه المنشاوي ثاني واول ما فاق مروان قال له 

مروان 

طمني يا جدي يا حبيبي صحتك عامله ايه دلوقتي 

جميله 

مين اللي عمل فيك كده يا جدي كلنا محترمين وخايفين عليك 

المنشاوي 

اهم حاجه فين المنشاوي الصغير وفين صبري اوعوا تكونوا سبتوهم في الفيلا خلاص الدنيا ما بقاش فيها اي امان لما الابن يخرج من السجن ويخطف ابوه يبقى كده خلاص الدنيا ملهاش امان 

سمر بخوف 

نعم انت بتقول مين يا عمي قصدك تقول ان اللي خطفك كريم طب خرج من السجن ازاي وامتى يا لهوي يا خوفي يا خوفي 

سماح 

اه يا كريم يا ابن المبقعه كده برده تخطف جوزي طب والله لاوريك سوري بقى يا سمر ده هيشوف مني ايام زي وشي اللي جابته 

المنشاوي 

مش عاوز اي حد يتدخل يا مروان سامعني ولا لا ابعدوا عني كريم خارج بيقول يا شر اشتر وربنا يسترها 

مروان بخوف 

طبعا يا جدي حقك تخاف لما الابن يخطف ابوه ويكون عاوز يؤذيه يبقى طبيعي جدا ممكن يؤذي اي حد فينا

المنشاوي 

اهم حاجه دلوقتي انا عاوز تكتر من الحراسه على الفيلا كلها مش عاوز اي مخلوق يعرف يدخل الفيلا 

وبعديها منشاوي بقى كويس وقدر يروح فيلته واول ما دخل الفيلا مروان قال له 

مروان 

حمد لله على سلامتك يا حبيبي ما تقلقش انا زودت الحراسه ما بقاش اي مخلوق يعرف يدخل الفيلا وان شاء الله خير وانت يا جدي مش هتمشي تاني من غير حراستك 

المنشاوي بزعل 

يجي عليا الزمن وامشي بحراسه يا مروان عشان خاطر خايف من ابني اه يا وجعه قلبي اه يا وجعه قلبي 

مروان 

معلش يا جدي حقك عليا هنعمل ايه هو ده نصيبنا في الدنيا 

اما في المخزن عند كريم وفوزي فوزي قال 

فوزي 

عرفت لك اخر الاخبار يا باشا خلاص في المنشاوي بيه بقى كويس وصحته كويسه وكانت عنده غيبوبه سكر بس ودلوقتي هو في الفيلا وبصراحه كده مروان ابنك طلع سوسه وكتر الحراسه على قد ما يقدر ومش هنعرف نخش الفيلا ابدا 

كريم 

ومين قال لك يا غبي ان احنا هنخش الفيلا لا طبعا سيبهم سيبهم انا هعرف اتصرف معاهم ازاي وهاخد حقي وبكره تشوف 

فوزي 

يا باشا كل اللي انا عاوزه اشوفه فلوس نفسي اشوفها ده انا قربت شكلها 

كريم 

اوعدك يا فوزي طول ما انت معايا وفي صفي هتشوف الفلوس دي زي الرز كل يوم ومش هتلاحق عليها 

فوزي 

يسمع من بقك ربنا يا باشا 

اما في الفيلا كم يوم المنشاوي بقت صحته كويسه وسمر قالت له 

سمر 

ما تزعلش يا حمايا انا عارفه ان مش وقته بس بصراحه عزمي عاوز 

المنشاوي 

من غير ما تكملي يا سمر كلمي عزمي قولي له خلاص الفرح في ميعاده وان شاء الله انا اللي هسلمك لعزمي بنفسي يا حبيبتي 

سمر بخوف 

بس بصراحه انا خايفه قوي من كريم يا عم مرعوبه مني 

المنشاوي 

ما تخافيش يا سمر انا هكتر الحراسه في الفرح وان شاء الله كريم ما يقدرش يقرب لك وهعمل حراسه كمان على بيتك ويبقى يوريني هيعمل لك ايه 

سمر 

ربنا يخليك ليا يا عم وما انحرمش منك ابدا في عز ما انت تعبان ما نسيتش فرحتي يديك الصحه ويخليك لينا يا رب 

سماح 

امين يا رب يخليك لنا يا شوشو عقبال ما اتجوز المنشاوي الصغير وصبري يا قلبي 

المنشاوي 

ويخليكوا ليا انتوا اكتر ناس صادقه في حياتي ربنا يديمكم في حياتي

اما تاني يوم كل اللي في الفيلا كانوا فرحانين جدا علشان هيكون يوم فرح سمر على عزمي وكانت سمر فرحانه جدا وجالها رساله على التليفون بتقول 

الرساله 

انزلي لي حالا قصاد الفيلا عاوزك في موضوع مهم جدا 

سمر 

ايه الرقم الغريب ده ومين اللي عايزني في موضوع مهم كده انا ما بحبش الحاجات الغامضه دي بخاف منها بس لازم انزل واعرف مين وعايزيني في ايه 

وفعلا سمر كانت نازله ولقت سماح واقفه في صاله الفيلا وبتقول 

سماح 

ايوه يا واد خدت الاموره ايوه يا واد وعرفتي تنقي ايوه يا عم هتكون يا عروسه النهارده من قدك مالك يا بنت يا سمر وشك مخضوض كده ليه ايه اللي حصل اوعي تقولي لي بقى انك خايفه من الجواز ودلع البنات ده 

سمر 

لا يا موحه انا مش خايفه من الجواز في رساله جات لي في واحد بيقول لي اطلعي قابليني بره ممكن تيجي معايا اصل انا خايفه قوي 

سماح 

يا اختي تلاقي الواد عزمي عامل لك مفاجاه تعالي تعالي هطلع معاكي واتحداكي هيكون عزمي جايب لك بوكيه ورد او باكو شيكولاته ما انا عارفه دلع البنات ده 

وبعديها سماح وسمر طلعوا قصاد الفيلا واول ما سمر خطط بره الفيلا عشان تشوف مين عاوزها 

عربيه جت بسرعه سمراء وكبيره ومخيفه خطفت سمر وجريت على طول 

وبعد كده حصل .......

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا