رواية وجع حنين الفصل السادس عشر والسابع عشر والثامن عشر والتاسع عشر بقلم ريحانة الجنة
رواية وجع حنين الفصل السادس عشر والسابع عشر والثامن عشر والتاسع عشر بقلم ريحانة الجنة
الحلقة السادسة عشر
وبعد ماعدت علي يوسف وحنين احلي ليلة وكان بقالهم سنين مكنوش فرحنين كدة
(في الصباح في بيت حنين)
هنا:ماما اصحي يا ماما
حنين:بصوت نعسان . امم في ايه يا هنا
هنا:حضرتك راحت عليكي نومة ومصحتناش للدرس
حنين :نايمانة علي نفسها . ليه هي الساعة كام
هنا:الساعة 11
حنين:ياه هو انا نمت كل ده . يا خبر. معلش يا هنا انا كنت تعبانة ونمت ومحستش بنفسي ولا حتي سمعت المنبه
هنا:خلاص يا ماما مش مشكلة المهم نلحق الدرس اللي جاي . حضرتك عارفة فاضل علي امتحانات آخر السنة اسبوعين بس
حنين :طيب هو عمر لسة نايم
هنا:طبعا ده مصدق
حنين:طيب خلاص روحي صحيه وانا حقوم احضر لكم الفطار
(في بيت يوسف)
يوسف تليفونه بيرن
يوسف: وهو نايمان . يوووو. اوفف . مين ده اللي بيتصل علي الصبح . الو
أمير:ايه معلم انت فين جيت المعرض ملقتكش
يوسف:لا انا نايم في الفيلا من امبارح
أمير:تتحسد من إمتي بتبات هناك
يوسف :ابدا اصلي كنت مبسوط قوي امبارح وكنت عايز اجي انام هنا عندك مانع
أمير :لا يا عم براحتك . انا قلت اعدي عليك قبل ماأروح الادارة . بس طبعاعلي بال ماسيتك تفوق وتيجي مش حلحقك انا حمشي واجيلك بالليل . اوك
يوسف : خلاص ماشي اقفل بقي خليني انام
أمير:طب خلاص متزوقش . بقولك انت قابلت حنين امبارح زي ماقلتلي
يوسف :ايوة قابلتها . مش لسة قايلك كنت مبسوط امبارح
أمير:طيب وايه الاخبار
يوسف :يوه ده انت رزل انت مش قلت جاي بالليل خلاص بقي حبقي احكيلك لما أشوفك . سيبني انام
أمير:خلاص يا خويا نام بكرة تدي نفسك بالجزمة وتقول يا رتني فضلت سنجل
يوسف: اخرس حنون دي الحب كله والجزمة دي انا اللي حضربك بيها لو ماقفلتش دلوقتي
أمير:ههههههه دي اخرتها ماشي . اشوفك بالليل
يوسف:هههه سلام
قفل يوسف مع أمير
يوسف:هي الساعة كام دلوقتي ايه ده 12 ياه هو انا نمت كتير كدة . اتصل بحنين بقي علشان اصبح عليها .لا لتكون نايمة . لا انا حتصل بيها وحتي لونايمة اهو اسمع صوتها وهي نايمة اكيد عسل .
حنين : السلام عليكم
يوسف:وعليكم السلام يا قلبي . شكلك صاحية وفايقة كنت خايف تكوني نايمة
حنين: لا صاحية بس عموما انا أول مرة تروح عليا نوما كدة لسة صاحية من ساعة بس
يوسف :وايه اللي كان مسهرك
حنين :بالعكس انا امبارح اكتر يوم نمت فيه بدري ومن غير منوم كمان مش عارفة ايه السبب
يوسف:بجد مش عارفة
حنين :وبعدين معاك بس
يوسف:طيب ممكن اطلب منك حاجة . انا مش عايزك تاخدي المنوم ده تاني ده خطر عليكي
حنين :ححاول ادعيلي بس اعرف اوقفه
يوسف : انا حدعيلك يا روحي بس لحد مانتجوز بعد كدة انا اللي حبقي المنوم بتاعك متقلقيش
حنين : شكلك بقي صاحي فايق . روح شوف وراك ايه وسبني اشوف شعلي
يوسف: وهي حبيبة قلبي بتعمل ايه
حنين :بكوي للولاد هدومهم علشان نزلين الدرس
يوسف:معقول الادين الحلوة دي تكوي وتتعب كدة انتي اللي زيك تبقي برنسيس متتعبش نفسها ابدا . من بكرة اجبلك بدل الشغالة اتنين يا روحي
حنين :لا يا سيدي انا مبحبش حد غريب في بيتي انا بحب اعمل كل حاجة بنفسي ومبيعجبنيش شغل حد
يوسف :ده انتي غاوية تعب بقي
حنين :اه بالظبط كدة
يوسف:امممم بس عموما الكلام ده لحد مانتجوز بس لكن بعد كدة حبلك شغالة علشان تفضيلي انا وبس علشان انا ناوي اقعد جنبك مش حخرج من البيت
حنين :هههههههههه لا والله وشغلك بقي حتعمل فيه ايه
يوسف:عادي حاتبعه بالتليفون
حنين :طيب سبني بقي اخلص بدل ما الولاد يتاخروا علي الدرس ده كمان
يوسف :ماشي خلاص حسيبك . بس قوليلي حتكلمي ماما وبابا امتي
حنين : والله كنت بفكر اروحلهم بعد ما الولاد ينزلو الدرس
يوسف:تطمنيني اول ما ترجعي فاهمة
حنين :حاضر ان شاء الله . بس ممكن متتصلش بيه الكام الساعة اللي جاية علشان مش حعرف ارد عليك وكمان مش عايزة حاجة تبان عليا
يوسف :حاضر يا حبيبتي بس هو انتي بتحبيني اوي كدة وبيبان عليكي
حنين : يوسف يالا اقفل
يوسف :علشان خاطري قوليها بقي يا حنين نفسي اسمعها منك
حنين :يوسف معلش متزعلش مني . مش حقدر اقوله بجد الا لما ابقي مراتك
يوسف :اتنهد جامد . ماشي يا حنين حصبر لحد ماتبقي مراتي . يلا مع السلامة يا روح قلبي
(في بيت عبد الرحمن والد حنين )
خديجة والدة حنين :حبيبتي يا حنين طيب مجبتيش الولاد معامي ليه ونتغدي كلنا سوا
حنين :معلش يا ماما عندهم درس
عبد الرحمن :وانتي عاملة ابه يا حبيبتي شكلك مبسوطة
حنين :الحمد لله يا بابا. بابا كنت عايزة افتحك في موضوع كدة انت وماما
خديجة :حنين شكلك كدة وافقتي انك تجوزي صح
حنين : بخجل صح يا ماما
خديجة :الف الف مبروك ربنا يريح قلبك زي ماريحتي قلبي . عموما علي اخوكي لسة من يومين كان قالي علي واحد صاحبوا ...
حنين :قاطعتها : لا يا ماما انا مش حتجوز اي حد
عبد الرحمن :ماتستني يا خديجة خلينا نعرف ايه الموضوع .
خديجة :خلاص اديني سكت . كملي يا بنتي
حنين :طبعا حضرتك عارف اني بروح للدكتورة كاميليا العيادة
عبد الرحمن :ايوة بس انتي مش خلاص وقفتي جلسات من كذة سنة
حنين :لا يا بابا ما رجعت اروحلها تاني من حاوالي سنتين بس مكنتش عايزة اقولكم علشان متقلقوش عليا
عبد الرحمن :كملي. يا بنتي
حنين في شخص بيروح هو كمام للدكتورة : وشافني وعايز يتقدملي
عبد الرحمن :طب يا بنتي انتي متأكدة انه .. يعني
حنين :انا فاهمة حضرتك تقصد ايه . بس لا متخافش يوسف انسان عاقل وشخصية محترمة جدا انا واثقة انك حتحبوا
خديجة :هو اسمه يوسف . والله اسمه حلو يا حنين ويتري شكله حلو بقي زي اسمه
عبد الرحمن :يا خديجة ماتصبري هو ده وقته
خديجة :حاضر حسكت . ماهو انا كدة كلمتي كدة مبتتبلعش
حنين :ازاي بس يا ست الكل انتي الخير والبركة
عبد الرحمن : يعني انتي يا بنتي مرتحاله بجد وعايزاه اصل يعني احنا منعرفش عنه حاجة
حنين : ماهو لما يجي حضرتك حتتعرف عليه . وان شاء الله خير
عبد الرحمن : خلاص يا بنتي حددي معاه معاد وأقبله وربنا يسهل
حنين :لا يا بابا انا اديته رقم حضرتك وهو حيكلمك ويحدد معاك معاد
عبد الرحمن: خلاص يابنتي حستني تليفونه
حنين :خلاص يا بابا انا حمشي بقي علشان متأخرش علي الولاد
عبد الرحمن :قوليلي يا حنين انتي تعرفي اسمه بالكامل
حنين :ايوة يا بابا اسمه يوسف شهاب الدين
عبد الرحمن :طيب متعرفيش بيشتغل ايه
حنين:هو كان ظابط بس استقال ودلوقتي ماسك شغل باباه
عبد الرحمن :تمام كويس . انا حخلي عمك شاكر يسأل عليه . بس مقلتليش انتي عرفتي الحاجات دي ازاي
حنين:اتلخبطت . ااااصل الدكتورة كاميليا هي اللي قالتلي
عبد الرحمن :خلاص ربنا يسهل روحي انت شوفي ولادك
(في المساء في المعرض)
أمير: حلو الكلام يعني خلاص اقول مبروك
يوسف :اه يا أمير انا لحد دلوقتي مش مصدق اني كنت معاها امبارح وقاعد بكلمها انا لو عليا كنت خاتها وروحت للبيت واللي يحصل يحصل . بس اعمل ايه مجبر استني
أمير: ههههه يا عيني علي الحلو لما تبهدلو الايام
يوسف:اصدك تبهدلو حنين . فظيعة يا امير انا عمري ما قبلت واحدة في خلها وأدبها ده دي مبتستحملش كلمة مني بتبقي حتموت من الكسوف
أمير: هما كلهم كدة في الاول بعد كدة حتبقي حتتعود عليك
يوسف :استني كدة . دي حنين بتتصل . مااسمعش صوتك فاهم
أمير : تدفع كام
يوسف:اخرس
يوسف:حبيبة قلبي . وحشتيني
حنين :هو انت مش حتتغير خلي الكلام ده لبعدين .
يوسف:لا بعدين ده متقلقيش منه حيبقي في حاجات احلي من الكلام بكتير
حنين:يوسف إقفل انا غلطانة
يوسف:ههههههه خلاص خلاص قوليلي عملتي ايه
حنين:كلمت بابا وماما وقلتلهم عنك وبابا مستني منك تليفون
يوسف:بجد خلاص انا حكلمه دلوقتي
حنين :لا خلاص خليها الصبح الساعة 10
يوسف:صبح مين ده انا حكلمه دلوقتي ولو كان ينفع كنت روحتلوا كمان
حنين: يا سلام مستعجل اوي
يوسف :طبعا يا روحي هو انا مستعجل بس ده انا حموت واخطفك منهم
أمير:بيضحك وبيعمل اكنه بيعزف علي كمنجة
يوسف: طيب معلش ياروحي حقفل دلوقتي بس علشان في حد رزل كدة جاي حمشيه واكلمك بعد ما اكلم بابا .اتفقنا
حنين:خلاص اتفقنا سلام
يوسف: انت مش حتبطل غلاسة
أمير:هههههههههه اعمل ايه بس اصل حاسس اني قدام واحد معرفوش . انت يوسف اللي الستات بتجري وراه وهو ولا بيسأل مش مصدقك النحنحة اللي انت فيها دي
يوسف: ستات وهم دول كانوا ستات الستات اللي بجد هي حنين
أمير:صحيح مقولتلكش . مش انا لما جمعتلك الفيل بتاع حنين لقيت مفجأة
يوسف:مفجأة ايه
أمير:طلع ليها عم كان لواء. بس طلع معاش
يوسف:بتتكلم جد
أمير:اه والله بس ايه كان راجل اسمه زي الالماظ والناس كلها بتحترمه وعلي فكرة احنا اشتغلنا معاه قبل ما انت تستقيل . اكيد حتفتكره . اسمه شاكر فؤاد سليم
يوسف :ايوة صح افتكرت ده راجل فظيع شخصية كدة ويرعب
أمير:اي خدمة ياعم . يلا اتكل انا بقي وابقي اكلمك . سلام
يوسف:سلام
يوسف اكلم بقي بابا حنين
يوسف :... ألو مساء الخير
عبد الرحمن :مساء النور مين اللي بيتكلم
يوسف:حضرتك انا يوسف شهاب
عبد الرحمن :اه اهلا وسهلا يا ابني
يوسف:اهلا بحضرتك . انا كنت بكلمك علشان احدد معاك معاد واتقدم امدام حنين
عبد الرحمن :وماله يا ابني تنور في اي وقت
يوسف:الله يخليك ياعمي . بس حضرتك قولي المعاد اللي يناسبك
عبد الرحمن :خلاص يبناسبك الخميس الساعة7
يوسف:الخميس . ده لسة فاضل يومين النهاردة الاثنين
عبد الرحمن :ههههه ومالك مستعجل ليه كدة . خليها الخميس علشان حنين تكون جهزت نفسها ماشي
يوسف:هههه ماشي يا عمي اتفقني خلاص الخميس الساعة 7
عبد الرحمن :طيب تاخد العنوان ولا انت عارفه
يوسف:لا طبعاةحخدوا من حضرتك وانا حعرفه منين
عبد الرحمن :طيب العنوان .......
يوسف:خلاص ان شاء الله حكون عندك 7 بالدقيقة .. مع السلامة
يوسف :الو ايوة يا روحي
حنين :ايه كلمته
يوسف:اه وحددت معاه معاد يوم الخميس الساعة 7
حنين :بجد طب كويس
يوسف :تعرفي انا مش حيجيلي نوم لحد يوم الخميس . مش مصدق اني أخيرا حشيل النقاب عن احلي جوهرة في الدنيا واشوفها
حنين:مش اوي كدة مش تستني الاول لما تشوفني يمكن ما اعجبكش
يوسف:مستحيل انا متأكد انك قمر
حنين :طيب روح بقي وسيبني انام لازم اصحي الولاد بكرة بدري
يوسف: انا مش حسيبك نامي وانتي معايا علي التليفون
حنين:هههههههههه والله مجنون
يوسف :مقولتلك مجنون بيكي علي فكرة لما أقفل حبعتلك اغنية تسمعيها قبل ماتنامي فاهمة
حنين:حرام عليك انا من ساعة ما شوفتك وانت سمعتني اغاني مسمعتهاش من سنين انا مش ناقصة ذنوب
بقولك ايه مليش دعوة تسمعيها
حنين واغنيه ايه بقي المرة دي . لعمر دياب بردوا
يوسف :ايوة هو فيه غيره بيعرف يوسف احساسي بيكي وبعدين قلتلك حتعرفي لما أقفل
حنين:طيب يالا اقفل
يوسف:ده انتي مستعجلة بقي . مش قولتي ذنوب ومش عارف ايه
حنين:تعرف انك بايخ اقفل بقي
يوسف:هههههه احلي بايخ سمعتها خلاص يلا بقي مش حشوقك اكتر من كدة
قفل يوسف وبعت لحنين الاغنيه وكان اسمها (يوم ماتقبلنا )
(يوم ماتقبلنا اليوم ده حفضل مش ناسيه .انا انكتبلي احلي قصة حب فيه . اول مشاعر حلوة قلبي حاسها .ولهفتي لمعاد اقبلك بعدها . انا بوعدك من الليلة دي حفضل معاك وحعمل اللي يريحك وحخاف عليك . انا بوعدك يا حبيبي يا اجمل ملاك لو عذت نجمة من السما هجبها ليك . كلمة بحبك اللي في عنيك قلتها وفرحت اللي استني يسمع ردها . انا حتي فاكر اتقبلنا ازاي وفين. واول كلمة بينا وسلام الادين . انا بوعدك من الليلة دي حفضل معاك وحعمل اللي يريحك وحخاف عليك . انا بوعدك يا حبيبي يا اجمل ملاك . لوعذت نجمة من السما هجبلها ليك )
سمعت حنين الاغنية وهي بتبتسم مش مصدقة انها عايشة قصة حب جملة كدة مع يوسف
وعدوا اليومين علي يوسف اكنهم شهرين حيتججن نفسه يشوف حنين من غير نقاب لحد ماجي يوم الخميس وراح يوسف
(في بيت عبد الرحمن )
حنين في أوضتها متوترة وعمالة تظبط نفسها قدام المرايا
جيهان :دخلت لحنين وهي حاطة ايديها علي بقها . يخربيتك وقعتي عليه فين ده. ده قمر يا حنين مش ممكن ده شبه نجوم السينما ولا برفانه عبأ البيت كله . اه بنت المحظوظة
حنين :ههههههههه بذمتك مش مكسوفة علي دمك وانتي بتعكسي عريس اختك .
حنين:وبعدين يا اختي كفاية قر . مش يمكن ما اعجبوش
جيهان :مين دي ده انتي مزة يا حبيبتي كفاية انك اختي . وبعدين يلا بقي ابوكي بيستعجلك . انا حخرج وانتي تعالي ورايا بسرعة
عبد الرحمن :منور يا ابني انا اتشرفت بيك
يوسف:الله يخليك يا عمي الشرف ليه انا والله
عبد الرحمن :تعالي يا حنين قربي يا بنتي
يوسف:اول ماشاف حننين وقف وهو مش مصدق جمالها بشرتها البيضة وعنيها البني اللي لون القهوة شفايفها الجميلة . وحنين كمان كانت لابسة فستان روز رقيق وديق من فوق ونازل علي واسع وحجاب ستان بسيط خالص وميكب هادي كانت قمر و زي الملايكة
عبد الرحمن : ايه يا ابني حتفضل واقف كتير كدة ماتقعد
يوسف:احممم . معلش يا عمي اصل بصراحة مش مصدق جمال حنين مكنتش اتخيل انها بالجمال ده
حنين :قاعدة وشها احمر ومكسوفة وبتفرك في ايديها
عبد الرحمن : هههههه ايه ده انت بتعاكس بنتي قدامي كدة
يوسف:انا اسف والله مااقصد بس اكيد حضرتك شايف بعينك وعاذرني
. عموما انا حكيت لحضرتك كل حاجة عني وبالنسبة لموضوع الخلفة ده انا حبيت اكون صريح فيه علشان تبقو عارفين من الاول
عبد الرحمن : والله يا ابني ان كان علينا مفيش مشكلة وصاحبة الشأن اهي تقول . هاه ياحنين رايك ايه
حنين :بكسوف . عادي يا بابا انا معنيش مشكلة
يوسف:وانا ان كان عليا حعوضها عن كل حاجة وحعملها كل اللي نفسها فيه
عبد الرحمن :المهم يابني انك لوحصل نصين تتقي الله فيها وفي ولادها دي اهم حاجة
يوسف:متقلقش حضرتك حنين دي في عنيا هي والولاد
بالنسبة بقي حضرتك للامور المادية انا زي ماقولتلك الحمد لله رمنا مبارك يعني مثلا الشبكة . حنين تختار الشبكة اللي نفسها فيها وانا حجبهلها وانا اصلا عندي فيلا صغيرة كدة . الدور اللي تحت مفروش كله 2 صلون وأنتريه وصفرة . والمطبخ الرئيسي وحمام الضيوف وكتب بتاعي . والظور اللي فوق فيه 3اوض نوم وليفينج وحمام كبير واوضة النوم الرئيسيية بحمام منفصل وفي مطبخ فوق صغير . وقت ماحضرتك تحب تيجي تشوفها انتي وحنين وطنط واي حاجة حنين مش عجباها حغيرها علي طول
عبد الرحمن :اللهم بارك كل ده يابني وتقولي صغيرة ان شاء الله حتعجبنا متقلقش. يقولك ايه انا حسيبك مع حنين شوية يعني يمكن عايز تسالها علي حاجة واحنا قاعدين جنركم هنا ماشي
يوسف:متشكر جدا لحضرتك والله حضرتك زوق جدا
وقام عبد الرحمن وخديجة وجيهان
يوسف:قام وقعد علي طرف الكنبة اللي حنين قاعدة عليها . ايه ده بس يخربيت حلوتك
حنين:مكسوفة هههههههه . بس بقي لبابا يسمعك
يوسف:ماهو عارف وشافني وانا عيني حتطلع عليكي. بجد يا حنين انتي جميلة اوييييييي مكنتش متخيل انك بالحلاوة دي
حنين:كفاية بقي انا اصلا مش عارفة اتلم علي اعصابية
يوسف :كفاية ايه بس . والله انا نفسي اجيب الماذون دلوقتي . حنين في حاجة مهمة عايز اسالك عليها
حنين :ايه هي
يوسف:انتي متاكدة ان الولاد دول ولادك
حنين:مش فاهمة
يوسف:اصل بصراحة الجسم ده مش ممكن يكون حمل وخلف مرتين انا اول مرة اخد بالي ان جسمك حلو كدة تملي لبسك واسع ومش بيبين حاجة
حنين :قامت وقفت . انا حروح اشوف ماما
يوسف:استني بس اقعدي انا مصدقت شوفتك خليني اشبع منك
حنين :طيب ما تشرب العصير حيبرد
يوسف:وهو انا حد ايداني حاجة وانا قولت لا
حنين:معلش اسفة . مسكت حنين كاس عصير وايدته ليوسف
يوسف:اخد منها العصير بإيد ومسك ايدها بإيده التانية وباسها من ايديها
حنين :شادت ايديها بسرعة واتكسفت اوي
يوسف:هو انتي كل ما كنتي بتتكسفي كان بيبقي ده شكلك . ياه ده انا فاتني كتير قوي
عبد الرحمن :تعالي يا يوسف ياابني العشاء جاهز
يوسف: لا يا عمي انا حمشي كفاية كدة .
عبد الرحمن :لا يا بني ميصحش تعالي وبعدين دي حنين اللي عاملة الاكل بإيديها
يوسف :لا اذا كان كدة لازم آكل
واتعشي يوسف معاهم وكان طول الوقت بيبص علي حنين لحد مامشي وهو مش مصدق جمال حنين وحلاوتها
الحلقة السابعة عشر
وبعد ما مشي يوسف فضل طول الطريق وهو سايق وبيسمع الله علي جماله . لعمر دياب( قدام عنيا اللي انا اللي حلمت بيه هو اللي غير في عيني الحياه اول ما قلبي شاورلي عليه حسيت كإنه مسدأ لاقاه الله علي جماله في كدة الله . انا قلبي كان في حاله شاف عيونوا تاه ان شاله عيش حياتي كلها معاه . مين ده اللي يقدر يقول كلمتين قصاد العيون دي يتوه الكلام برتب كلامي واعيد مرتين ويضحكلي بنسي اللي فاكره قوام )
وكمان بعتها لحنين .
وقعد يفتكر في حنين وجمالها وطلع تليفونه وبيشوف صورة حنين لانه صورها وهي قاعدة من غير ماتاخد بالها واحتفظ بيها .
وراح علي المعرض وهو عمال يغني وطلع لقي أمير قاعد
يوسف :ميرو انت هنا
أمير:اه مستنيك علشان اطمن عليك . ايه طلعت حلوة ولا
يوسف:حلوة . حلوة ايه بس هي حلوة بعقل دي تجنن انا ماشفتش جمال كدة في حياتي
أمير:لا بجد حلوة كدة
يوسف: تعرف لما شوفتها حمدت ربنا انها لابسة نقاب كان زماني بتخانق مع كل واحد يبصله
أمير:طيب مبروك يا يوسف ربنا يتمملك بخير
يوسف:مالك يا أمير حاسي انك متغير انت في حاجة مضيقاك
أمير:اتنهد . اقولك ايه بس يا يوسف انا تعبان
يوسف:إيمان بردوا
أمير:وهو فيه غيرها بينكد عليا . تعبت منها يا يوسف ده كل شوية باخد مأمورية وابقي مش عارف اذا كنت راجع ولا لا وكل ده علشان اخد فلوس أكتر علشان تصرف براحتها ومع ذالك كل يوم خناق وأرف مفيش حاجة بتعجبها فلانة جابت . فلانة سافرت . فلانة نقلت ولادها مدرسة مش عارف ايهروحتي
نا تعبت مش ملاحق عليها. ده غير اقساط عربيتها الجديدة اللي اختها من عندك وشهر ادفع وشهر لا انا مخنوق يا يوسف . مخنوق
يوسف :اهدي بس يا أمير مش مستاهلة شوف انت عايز كام وانا تحت أمرك . وبالنسبة لقساط العربية انا من الاول قلتلك اعتبرها هدية مني لإيمان والبنات وانت اللي مرديتش
أمير:هدية ايه بس يا يوسف هو في حد بيهادي حد بعربية زي دي
يوسف:ملكش دعوة انت انا حخلي محمود يخلص كل حاجة ويسلمك المخالصة بتعاتها . وبالنسبة للفلوس شوف بس عايز كام وملكش دعوة
أمير: انا مش عارف اقولك ايه يا يوسف
يوسف:ماتقولش حاجة وافرد بوزك ده مش وقتك خالص النهاردة يعني اليوم اللي ابقي انا مبسوط فيه كدة انت تبقي مركبلي الوش الخشب
أمير:معلش يا يوسف حقك عليا خلاص . قولي بقي مش حنحتفل بيك النهاردة
يوسف:ماشي وانا معنديش مانع بس اوعي تقولي نروح البار ولا الديسكوا انا بقولك اهو
أمير:أومال حنروح فين بقي يا اخويا ان شاء الله
يوسف :اي حتة تانيه . انا مش عايز اعمل حاجة تزعل حنين . وكمان مش حينفع اخبي عليا
أمير:اهلا هي ابتدت تتحكم فيك يا معلم من أولها كدة
يوسف: ياريتها يا خويا تتحكم انا راضي بس الموضوع مش كدة انا بس اللي مش عايز اخبي عليها حاجة بقولك ايه تعالي نتعشي في اي حتة
أمير:ماشي تعالي
يوسف:طب استني الاول اكلم حنين تكمن عليها اذا كانت روحت ولا لا
يوسف:ألو يا حبيبي هاه روحتي
حنين :اه روحت . بابا وصلنا احنا وجيهان
يوسف :طيب يا روحي حمد لله علي سلامتك . بقولك ايه ماتنميش علشان انا خارج مع أمير صاحبي نتعشا ولما ارجع حكلمك اوك .
حنين : بطلقائية . بجد طيب يا حبيبي بالهنا والشفا
يوسف: ؟؟انتي قولتي ايه
حنين :اااا ولا حاجة احمم . بقولك بالهنا والشفا
يوسف:بعد عن أمير شوية . انتي قولتي يا حبيبي صح
حنين :يوسف بقولك ايه اسكت انا معرفش هي طلعت كدة ازاي
يوسف:ههههههه علي فكرة مش لسانك اللي قالها ده قلبك .
حنين :طيب روح بقي شوف صاحبك
يوسف:اوك . متنميش هاه . بحبك
وخرج يوسف وامير ولما رجع يوسف باليل خالص كلم حنين
يوسف :اوعي تكوني نمتي
حنين :نايمانة علي نفسها . بصراحة اه كنت قاعدة ونمت
يوسف:يا لهوي ايه العسل ده هو ده صوتك وانتي نايمة
حنين :يوسف بس
يوسف:طب كفاية علشان خاطري انا مش مستحمل بلاش الرقة دي انا كدة ممكن اقفل واجيلك
حنين:والله انا مش عارفة اعمل فيك ايه
يوسف :حبيني . حبيني يا حنين زي ما بحبك
حنين : انت لسة عندك شك في كدة
يوسف :لا انا عارف انك بتحبيني . بس انا طماع شوية وعايز احسها واشوفها في عنيكي واسمعها منك كمان
حنين : متستعجلش كل حاجة في وقتها
يوسف: قوليلي بابا حيرد عليا امتي
حنين:يعني زي ماقلك واحنا بنتعشا يومين كدا لحد مايقول لعمار وعلي هما ميعرفوش حاجة لسة
يوسف :امم. بصراحة انا عايز الموضوع ده يخلص بسرعة انا خلاص مش قادر وخصوصا بعد ماشوفتك النهاردة انتي بتوحشيني اوي
حنين :معلش هانت يومين وكلم بابا واتفق معاه . هو المفروض انو مستنيني استخير بس ميعرفش اني استخارت من زمان
يوسف:اه قولتيلي ده انت واقعة فيا من بدري بقي
حنين :اقفل يا رخم
يوسف:بصي حتفق معاكي علي حاجة انا وانتي حنام واحنا حتطين التليفون علي ودننا عايز اسمع نفسك حتي وانتي نايمة
حنين : وهي مبتسمة مجنون
يوسف:يالا 1 2 3. ب ح ب ك
(بعد يومين في بيت عبد الرحمن )
يوسف : يعني اول لنفسي مبروك يا عمي
عبد الرحمن : ايوة يا ابني مبروك ربنا يتمملكم علي خير
يوسف:الله يبارك فيك يا عمي . طيب اسمحلي بقي اقدم لحنين هدية بسيطة بمناسبة انها قبلت تتجوزني
طلع يوسف علبة قطيفة من جيبه فيها اسورة وخاتم تحفة وغاية في الرقة والشياكة
يوسف: وهو باصص في عنين حنين. اتفضلي ومبروك عليا انتي
حنين :شكرا
خديجة : تسلم ايدك يا ابني زوقك جميل
يوسف :تسلمي يا ماما اسمحيلي بقي اقولك يا ماما
خديجة :طبعا يا حبيبي انت زي علي وعمار
يوسف : بس علي فكرة الهدية دي ملهاش دعوة بالشبكة حنين حتروح تشتري الشبكة اللي تخترها
عبد الرحمن :ما خلاص يا ابني دي كفاية هي مصاريف وخلاص
يوسف :لا يا عمي معلش.
دي حاجة ودي حاجة
عمار :انا سمعت انك كنت ظابط . صح
يوسف : ايوة مظبوط يا دكتور عمار كنت ظابط واستقلت
عمار :يعني استقلت ولا هما اللي رفدوك
يوسف:بإستغراب نعم رفدوني لا طبعا انا اللي استقلت
عبد الرحمن :ايه اللي بتقوله ده يا عمار
عمار:ايه يا بابا مش بطمن علي اختي
يوسف:سيبه يا عمي انا معنديش حاحة اخبيها يسأل براحتوا
يوسف : في كمان حاجة يا عمي انا حكتب الفيلا اللي حنتجوز فيها بإسم حنين
حنين :ايه لا طبعا يوسف انامش موافقة بعد اذنك يا بابا
عبد الرحمن :معاكي حق يا بنتي . يا ابني احنا الفلوس متفرقش معانا المهم انك تحافظ عليها و بنتي تبقي مبسوطة دي اهم حاجة
يوسف :معلش يا عمي انا خلاص قررت وقلت للمحامي يحضر العد
عمار:انا شايف ان دي حاجة عادية . كفاية انها حتقعد فيها من غير ما تختار فيها حاجة وهو اللي فرشها لوحدوا
يوسف :انا قلت لعمي وحنين ان حنين تغير اللي نفسها فيه ولو الفيلا نفسها مش عجباها انا ممكن اشتيليلها غيرها عادي
عبد الرحمن : لا يا ابني انت بتقول ايه وبعدين متزعلش من عمار
يوسف :لا يا عمي انا مش زعلان انا لو عندي اخت زي حنين حعمل كدة واكتر كمان
عبد الرحمن : المهم سيبك من كل ده انا كنت عايزك تتعرف علي الولاد
يوسف:ياريت يا عمي انا نفسي اشوفهم واتعرف عليهم
عبد الرحمن :اندهي للولاد يا حنين
حنين :حاضر
يوسف: اهلا أنسة هنا عاملة ايه
هنا : الحمد لله ازي حضرتك
يوسف:انت عمر صح
عمر:ايوة . وحضرتك عريس ماما صح
يوسف:ههههههه ايوة صح . قلي بقي انت بتحب الكورة صح
عمر :طبعا بحبها وبلعب وبجيب جوان كمان. قلي هو حضرتك اهلاوي ولازملكاوي
يوسف:ليه الاحراج ده بس. زملكاوي يا سيدي . وانت
عمر :لا انا اهلاوي زي جدو وخالو عمار . لكن حضرتك زملكاوي زي خالو علي
يوسف:بص لعمار بغيظ . تمام يعني انتوا 3 واحنا 2 ماشي . قلي بقي انت شاطر في المذكرة زي الكورة كدة
عمر:اه الحمد لله بس بحب الكورة اكتر اول مابخلص مذاكرة بفضل العب بيها وماما تزعل مني علشان بكسر في الشقة
يوسف:هههههه كمان طيب بقولك ايه لو جبت دجات كويس في الامتحانات انا حشتركلك في نادي وتروح تلعب براحتك يا عم علشان متكسرش لماما الشقة اتفقنا
يوسف :والقمر هنا هانم بتحب ايه بقي
هنا :انا بحب السباحة اوي
يوسف: تمام يبقي عمر يشترك في الكورة وانتي سباحة تمام
هنا:تمام
يوسف :بقول لحضرتك ايه ياعمي انا بكرة ان شاء الله حعدي علي حضرتك وماما وحنين علشان تشوفوا الفيلا
عبد الرحمن : ماشي يا ابني ان شاء الله
يوسف : ممكن طلب كمان ممكن اخد هنا وعمر ونخرج شوية وارجعهم تاني
عبد الرحمن : والله انا معنديش مانع بس نسال مامتهم
حنين :موافقة مفيش مشكلة
عبد الرحمن : تحبي تروحي معاهم يا حنين وعلي ممكن يروح معاكي
حنين :بصت ليوسف ويوسف بيغمزلها بعنيه . يعني لو علي موافق
علي: انا معنديش مانع
يوسف:خلاص يلا بينا
عبد الرحمن :ايه يا عمار مالك مش طايق الراجل ليه كدة
عمار :بصراحة انا مش بالعه شايف نفسه كدة وكمان انا مستغرب اشمعن ده اللي حنين وافقت عليه انا مش مرتاح
عبد الرحمن:انت اتجننت انت ازاي تتكلم علي اختك كدة . حرام عليك سيبها تعيشةحياتها كفايه اللي شافته . انا داخل انام بلا حرقة دم
وخرج يوسف وحنين وعليةوالولاد واتعشوا كمان وروحوا .
تاني يوم يوسف اخد حنين وباباها ومامتها علشان يتفرجوا علي الفيلا
يوسف:اتفضل يا عمي اتفضلي يا ماما ده الدور اللي تحت ...... وده المطبخ.. وده المكتب بتاعي ... نطلع بقي الدور اللي فوق
خديجة :ماشاء الله يا ابني زوقك تحفة تتهنوا فيها يارب
يوسف : تسلمي يا ست الكل . ده بقي الدور اللي فوق دي اوضة... ودي التانية ...وده الليفنج .. وده الحمام .. ودي بقي اوضة النوم بتاعتي انا وحنين
دخلوا لقو أوضة نوم كبيرة وشيك جدا وزوقها يجنن
يوسف:تعالي يا ماما بصي كدة من البلكونة هنا المنظر تحفة راحت خديجة وعبد الرحمن ووقفوا يتفرحوا
يوسف :قرب من حنين . عجبتك
حنين:اه جميلة ماشاء الله
يوسف :بس انا مش صعبان عليا غير السرير ده
حنين:ليه
يوسف :قرب من حنين وهمس في ودنها علشان حقطعك عليه
حنين :اتكسفت جدا وراحت بسرعة عند باباها ووقفت معاه
وبعد ما اتفرجوا وماشين
يوسف:مش حينفع تمشوا من غير ماتشىبوا حاجة
. ثواني بس اروح اجيب حاجة من المطبخ علشان مفيش حد هنا
عبد الرحمن :اجي اسعدك يا ابني
خديجة :لا خليك انت روحي يا حنين ساعدي يوسف
حنين :بصت لباباها وهزلها راسه وراحت مع يوسف
في المطبخ
حنين :واقفة بتفتح علب الكانز علشان تفصيها
يوسف :قرب من حنين من وراها وحاوطها ومسك إيديها .وهمس في ودنها . دي بتتفتح كدة
حنين : حاست ان روحها بتروح.يوسف ابعد لو سمحت
يوسف :تؤ تؤ مش حبعد انا مصدقت اعرف اقرب منك . وبعدين انا كل ده محضنتكيش أومال لوحضنتك حتعملي ايه
حنين :زقته وبعدت .
يوسف:قرب منها تاني . ايه ده انتي بتعيطي . في ايه يا حنين
حنين :لوسمحت متعملش كدة تاني
متخلنيش اندم اننا خدنا علي بعض وبنتكلم . متحسسنيش اني سهلة كدة
يوسف :ايه اللي بتقوليه ده يا حنين. انا بقرب منك علشان بحبك مش لاني شايفك سهلة وبعدين كل البهدلة اللي شفتها معاكي وتقوليلي سهلة . اوعي تقولي كدة تاني . وعموما انا أسف مش حعمل كدة تاني . خلاص بقي بطلي عياط ابوكي يقول ايه . خلاص
حنين :خلاص يلا بقي علشان ميقلقوش علينا
عبد الرحمن :كل ده يا بنتي
يوسف:معلش يا عمي اصل الكانز اتدلقت وحنين نضفتها
وشربوا . وبعدها يوسف روحهم علي البيت . وهما في العربية
يوسف :عمي انا ان شاء الله كمان يومين حاجي لحضرتك علشان تيجي معايا انت وحنين والولاد علشان ننقي اوض الولاد
حنين :بس ما الاوض موجودة
يوسف :لا الاوضتين دول حشيلهم والولاد يختاره اوضهم بنفسهم
عبد الرحمن :بس يا ابني خسارة الاوض جديدة
يوسف :لا مش خسارة ولا حاجةانا حشيلهم في المخزن علشان لو احتجناهم
الحلقة الثامنة عشر
(في معرض موبيليات شهير )
عبد الرحمن :انا تعبت يا ولاد من اللف حروح اقعد مع ماما يا حنين لحد ماتخلصوا
هنا:انا كمان يا ماما حروح مع جدوا . انا اخترت خلاص أوضة كيتي
حنين:خلاص يا بابا خد هنا معاك
يوسف:متاكدة يا هنا مش عايزة تشوفي حاحة تاني
هنا:لا يا عمو يوسف انا اخترت خلاص
يوسف:اوك يا حبيبتي . معلش ياةعمي تعبناك .
عبد الرحمن:لا يا ابني مفيش حاجة بس انا رجلي وجعتني حنين عارفة . خلي معاموا عمر بقي واختارو معاه
يوسف:عمر . يا حبيبي ناوي تختار ايه
عمر:انا عايز أوضة تكون علي شكل كورة
يوسف:امممم كورة . طيب بص روح بقي ظور في الجنب اللي هناك ده يمكن تلاقي . اوك
عمر :اوك
حنين:انت بتوزع الولد .
بوسف:اعمل ايه ما انتي تقلانة عليا ومش عايزة تخرجي معايا . وكمان كنتي مخصماني . كدة اهون عليكي يوم بحالو مسمعش صوتك
حنين:اه علشان تبطل قلة ادب ومتعملش اللي انت عملتوا تاني
يوسف: يا سلام كدة . ماشي طب بقولك ايه مش عايزة تتفرجي علي اوض النوم . يمكن تغيري رأيك ولا حاجة
حنين:لا مش حشوف حاجة .
يوسف:قرب من حنين ومسك ايديها .
حنين:ذدت ايدها . وبعدين انا مش قلت مفيش لمس
يوسف:اعذريني . انا لو معملتش كدة . اشك في نفسي
حنين:ليه بقي ان شاء الله
يوسف:اصل بصراحة مفيش راجل يقدر يمسك نفسه . قدام الحلاوة والانوثة دي ميبقاش راجل . وانا بقي راجل اوي
حنين : ههههه الكلام مش بفلوس
يوسف :كدة . اقصدك ان انا بتاع كلام وبس . طب اتلمي بقي بدل ماخدك دلوقتي علي اقرب سرير قدام الناس واوريكي اني مش بتاع كلام
حنين:ههههههه شكلك حلو وانا بستفزك
يوسف:كدة . ماشي تقلي حسابك يا حنين كمان . ده انتي لما تقعي تحت ايدي حوريكي ايام. حخليكي تقولي حقي برقبتي
عمر :عمو يوسف انا لقيت الوضة اللي انا عايزها
يوسف:بجد طيب تعالي وريني
حنين:جميلة يا عمر
يوسف:مبروك عليك يا حبيبي روح بقي لتيتة وجدوا وقلهم ان ماما وعموا يوسف . حيحسبوا وجاين
عمر:حاضر
حنين:تاني بتوزعوا
يوسف:اعمل ايه ماابوكي كاتم علي نفسي اول نا حنخرج مش حرف اكلمك تعالي يلا نحاسب
حنين:يوسف هي الاوض بكام
يوسف:وانتي مالك بكام
حنين:يوسف بتكلم جد
يوسف :وانا والله انتي مالك فعلا متكون زي ماتكون
حنين:يوسف انا عايزة ادفع تمن الوض دي انا اصلا مجبتش حاجة وانت فارش الفيلا كلها غير الهدية اللي جبتهالي ولسة الشبكة اللي مصر اننا نجبها كدة كتير اوي
يوسف:حبيبة قلبي مفيش حاجة في الدنيا تكتر عليكي . انا لو طول اكبلك الدنيا بحالها تحت رجلك حجبهالك
حنين:بس. كدة انا مش حيب حاجة
يوسف:لا حتجيبي انتي مش قلتيلي انك نازلة تجيبي حاجات ليكي وللولاد
حنين:ايوة بس دي حاجات شخصية يعني هدوم وكدة انا بتكلم علي الفرش
يوسف:انسي مش حتجيبي حاجة . كمان في حاجة عايزك تفضي نفسك يوم وننزل انا وانتي تشتري جاتك
حنين:لا طبعا مينفعش تيجي معايا
يوسف:ليه حتشتري حاجة عيب هههههههه
حنين : بطل رخامة
هنا :ايه يا ماما جدو بيقولكم كل ده بتحاسبوا
يوسف:معلش روحي قوليلوا جاين حالا
يوسف: تعالي بقي لا ابوكي ينفخنا
حنين:ههههههه تعالي
في العربية
يوسف:هاه يا ولاد انبسطوا
هنا وعمر :اه جدا
خديجة:ربنا يا بني يسعدك يارب
يوسف:تسلميلي يا حجوك يا عسل
خديجة :والنبي انت اللي عسل
عبد الرحمن :انت يا واد حتعاكس مراتي كمان مش كفاية البت
يوسف:ههههههههه اعمل ايه بس هما الاتنين حلوين اوي بصراحة يا عمي
خديجة :انت اللي حلو وكلامك حلو
يوسف:حبيبتي يا جوج
عبد الرحمن :كدة . يعني اطلع منها انا
خديجة :الله وانت زعلان ليه غيران منه اعمل زيه ماانت خلاص مبقتش سمعش منك كلام حلو
يوسف:هههههههه كدة يا عمي تفضحنا مع الست يا شماتة ابلة ظاظا فيك
عبد الرحمن:يا واد اتلم انا بتشعليلها
حنين:هههههههه معلش يا بابا اصل يوسف ده مصيبة
خديجة:الله انتو كلكم علي الواد ليه . متزعلش منهم يا حبيبي قول اللي انت عايزه
يوسف:من عنيا يا حجوج
وفات يومين وحنين ويوسف بيجهزوا للفرح وحجزوا القاعة بتاعة كتب الكتاب وفي يوم يوسف بيكلم حنين
يوسف :حبيبي انتي فين كلمتك اكتر من 4مرات ومردتيش قلقتيني
حنين:معلش بس اصل التليفون في الشنطة وانا مكنتش سامعة
يوسف:اممم انتي برة . مقولتليش يعني
حنين:معلش انت عارف مفيش وقت وانا ناقصني حاجات كتير
يوسف:طب انتي فين دلوقتي
حنين:انا في مول ........
يوسف: والله ده انا قريب منك . خليكي مكانك وانا جاي
حنين:مش مشكلة انا حاخد تاكسي
يوسف:تاكسي ايه اوقفي مكانك متتحركيش . فاهمة.
حنين:طيب خلاص متزوقش يلااناحستناك سلام
يوسف:سلام ايه خليكي معايا هلي التليفون لحد ماجيلك . لحسن تتعكسي ولا حاجة
حنين:ههههههه طيب ماشي
...............................................
يوسف: وقف قدام حنين الجميل مستني حد
حنين :ركبت . اه واتلم علشان ده غيار وممكن يقتلك
يوسف :لازم اغير . ده انا معايا موزة الموزز
حنين :هههههههههه
يوسف:ايه الضحكة الحلوة دي . قوليلي جبتي ايه
حنين:وانت مالك دي حاجت خاصة
يوسف:خلاص انا حفتح الشنط واتفرج
حنين :اياك والله ازعل منك
يوسف:هههههههههه شكلك جايبة حاجات من اللي بحبها
حنين:بس بقي يا رخم
يوسف:ماشي هانت كلها اسبوع وبدل مااشوفها في الشنط حشوفها علي اكلي جسم في الدنيا
حنين :اتكسفت وبصت الناحية التانية. تليفونك بيرن
يوسف :الو . ايوة انا مين ...... اه تمام هما حيطلعوا امتي .......طلعوا خلاص.طيب معلش بلغهم اني مش موجود وحروحلهم علي هناك خليهم بس يستننوني . متشكر مع السلامة
حنين :خير في حاجة
يوسف :لا ابدا دول المعرض بيقولولي انهم بعتوا الاوض بتاعة الولاد علي الفيلا بس مفيش حد هناك . فقلتلهم يستنوني
حنين :خلاص انا ممكن اخد تاكسي وانت روحلهم
يوسف: ماقولت لا مفيش تاكسي
حنين :طيب حتعمل ايه كدة حتتاخر
يوسف: طيب ما تيجي معايا وبعدين اوصلك
حنين : ايه لا طبعا مينفعش اروح معاك لوحدي
يوسف :لوحدك ايه بس احنا حيبقي معانا العمال مش لوحدنا
حنين :لا ده انت كان معانا بابا وماما وعملت اللي عملتوا اومال بقي دلوقتي
يوسف :عملت ايه بس كل ده علشان كنت عايز احضنك وكمان محضنتكيش . محسساني اني اغتصبتك مثلا . في ايه يا حنين
حنين :لا يا يوسف انا اتكسف اروح معاك . انت قليل الادب وانا مضمنكش
يوسف:هههههههه علي فكرة فكرتك غلط عن قلة الادب انتي لسة مشوفتيش قلة ادبي علي حق
حنين :شوفت بقي ليا حق اخاف منك
يوسف:لا ياروحي متخفيش انا مينفعش اعمل حاجة وفي عمال موجودين . خلاصي بقي انا اصلا لفيت وطالع علي هناك
حنين:امري لله بس والله يا يوسف لوعملت حاجة بجد حزعل
يوسف:هههه متخفيش ححاول امسك نفسي
..............................................
يوسف :يلا يا قمر انزلي
حنين :متخليني هنا في العربية
يوسف:حنين انزلي العمال بتبص علينا وبعدين انتي لازم تكوني موجودة علشان تقولي الاوض حتتفرش ازاي . احسن ماكنت اكلمك في التليفون واسالك
حنين:ربنا يستر . اتفضىل
يوسف:احبك وانتي مطيعة
حنين ويوسف وقفين مع العمال بيركبوا الاوضة وحنين عمالة تفهم يوسف يقول لعمال ايه. لكن هو مش معاها مركز في عنيهاوقربها منه اللي مش متحمله
حنين :يوسف .. يوسف ..
يوسف:ايه بتقولي حاجة
حنين :كل ده وبقول حاجة الراجل عمال يسالك . وانا اقولك تقولولو يعمل ايه وانت سرحان في ايه مش عارفة
يوسف :معلش . كنت عايز ايه يا ابني
العامل :السرير حنفرشوا فين
يوسف:هاه حتفرشيه فين
حنين :ما انا عمالة اقولك هنا في الجنب ده وانت مش معايا .
يوسف:معلش حقك عليا كنت سراحن شوية . حوطوا هنا يا ابني
وبعد شوية العمال بيركبوا اوضة عمر وحنين كانت في أوضة هنا بتظبط الفوتيهات وشوية حاجات وخرجت لقت يوسف طالع علي السلم
حنين :اومال فين العمال
يوسف:مشيوا كنتي عايزة حاجة
حنين :اتخضت انهم لوحدعم . لا ابدا يالا بينا علشان اتاخرت
يوسف:مسك ايدها . استني هنا مالك خايفة مني
حنين :شادت ايديها بسرعة ونزلت تحت وخدت شنتيطها وقبل ما تفتح الباب
يوسف :شدها من ايدها جامد ولفها وحضنها
حنين :اتفاجأت بحضن يوسف بس في ثانية هديت واستستلمت لحضنه
يوسف:حس انها استسلمت وضمها جامد وهو مش قادر يبعدها عنه
حنين :فاقت وزقته. وخرجت بسرعة
يوسف :خرج وراها . حنين مالك . ايه ده بتعيطي ليه بس . يا حبيبتي احنا كلها اسبوع وتبقي مراتي خلاص
حنين :بتعيط . انا غلطانة اني جيت معاك حتروحني بسرعة ولا والله اخد تاكسي وامشي
يوسف :لا خلاص حوصلك تعالي اركبي
يوسف:يا حنين ابوس ايدك كفاية عياط . مكنش حضن ده
حنين :انت عارف الحضن ده خادنا عليه كام ذنب . مش كفاية اني بكلمك واضحك معاك كل ده عارفة اني باخد عليه ذنوب بس كدة لا بجد انا مكسوفة من نفسي اوي
يوسف:ليه بس وبعدين انا اللي حضنتك . انتي اتفجأتي وعموما انا اسف معلش . بس اغذريني يا حنين انا بتقطع كل يوم محتاج اضمك محتاجك معايا افهميني يا حنين
حنين :بتعيط ومش بترد
يوسف : تعرفي انا غبي اوي كنت فاكر الحضن ده حيهديني ويخليني ارتاح شوية بس كنت غلطان ده جنني اكتر وطمعني اكتر . بطلي عياط بقي بدل والله مارجع بيمي هناك وابعت اجيب الماذون واتجوزك بقي من غير فرح ولا حاجة واللي يحصل يحصل
حنين :بصتله بعتاب وابتسمت
يوسف:ايوة بقي عنيكي ابتسمت اهو . خلاص يا قلبي متزعليش ووالله اوعدك حتكون اخر مرة . اوك
يوسف وصل حنين للبيت ومشي بس فضل اليوم كله بيكلمها مبتردش لحد تاني يوم
(في بيت عبد الرحمن )
عبد الرحمن :انا بس عايز افهم انت عايز ايه
عمار :انا بصراحة حاسس اني فيه حاجة غلط . الواد ده مش طبيعي وكمان حنين . مش هي دي حنين اللي كانت بتتكسف من خايالها تقعد تتكلم معاه عادي واحنا واقفين وكمان انا عايز اعرف ازاي تروح معاه تشوف الفيلا وتنقي الاوض وكمان الشبكة من غير مااكون انا ولا علي موجودين
عبد الرحمن :ليه يا سي عمار هو انا مش مالي عينك ولا ايه ماانا كنت معاها مكنتش لوحدها
علي:ايه يا عمار انت اتجننت . بابا هو الكبير وطول ماهو موجود محدش له حق يتكلم. وبعدين حنين ماغلطتش في حاجة
عمار :الله اعلم بقي اومال اشمعن يعني وافقت عليه اكيد الحكاية فيها حاجة
عبد الرحمن : لا ده انت قليل الادب ولازم تتربي انت عايز ايه عايزها تفضل طول عمرها لوحدها وانتوا كل واحد فيكوا قاعد في حضن مراتوا واللي في حضن جوزها وهي تقعد كدة . احنا مصدقنا انها ترضي تتجوز وتنسي اللي حصلها . اسمع هي كلمة ملكش دعوة بحنين ويوسف . انت فاهم . يالا غور من وشي
الحلقة التاسعة عشر
في المعرض
يوسف:انا حتجنن يا أمير حنين بقاله يومين مش عايزة تكلمني ده انا حتي روحتلها النهاردة البيت والبواب قالي انها مش في البيت . انا خايف تكون عايزة تفركش الجوازة
أمير:مفتكرش. بس بصراحة حنين مزوداها اوي عادي يعني ماكل المخطوبين بيحصل بينهم كدة واكتر
يوسف:لا يا أمير حنين حاجة تانية دي طلعت روحي علي بال ما اخدت عليا وابتدت تتكلم معايا بس انا فعلا ذوتها
أمير:بس انا مش شايف كدة عادي علي فكرة . بص انت سيبها يومين وهي حتكلمك لوحدها
يوسف :يومين ايه تاني ده من من يومين بس حموت مش مستحمل بعدها عني . بس تعرف يا أمير انا كل يوم بحب حنين اكتر واحترمها اكتر . علي قد ما زعلت انها بتمنع نفسها عني علي قد مااحترمتها اكتر وكبرت في عيني اكتر .
أمير:طيب بقولك ايه تتصل بباباها وتشوف ايه الاخبار اكنك يعني بتطمن عليها ما هو ميعرفش انك بتكلمها ولا تشوفها
يوسف :فكرة . بس تفتكر هي ممكن تكون قالتلوا حاجة علي اللي حصل
أمير:لا ما أعتقدش اصلها لو كانت قالتلو كان هواتصل بيك وادهملك يا معلم
يوسف :معاك حق . استني كدة ....... لاسف تليفونه مقفول
أمير:خلاص روحلهم البيت عادي
يوسف : مفيش قدامي الا كدة انا خلاص حتجنن
يوسف راح بيت عبد الرحمن وخبط كتير محدش بيرد قلقك اكتر وهو جاي يمشي . لقي علي خارج من الاسانسير
علي :يوسف اهلا ازيك
يوسف:الله يسلمك اومال بابا وماما فين بتصل ببابا وبخبط محدش بيرد
علي :تعالي بس ندخل وانا حقولك كل حاجة
علي :اتفضل يا يوسف .
يوسف:في ايه يا علي قلقتني
علي :اصل بابا تعب وجاتلو غيبوبة سكر ودخل المستشفي
يوسف:يا نهار ابيض امتي ده حصل
علي :امبارح بالليل ومن ساعتها واحنا كلنا . انا جيت بس علشان اخدلهم شويه حاجات
يوسف :طيب شوف حتاخد ايه علشان اجي معاك اطمن علي بابا وماما
علي :طيب ثواني مش حتاخر
(في المستشفي )
علي :اتفضل يا يوسف
حنين :اول ماشافت يوسف قلبها دق اوي علشان كان واحشها ونفسها تشوفه وتسمع صوته بس كانت زعلانه لكن اول ماشفته نسيت كل حاجة
يوسف :ازيكم يا جماعة الف سلامة علي بابا انا والله اول ما عرفت جيت مع علي علي طول. قوليلي يا ماما عاملة ايه
خديجة :بتعيط . حموت يا يوسف عنك تعبان قوي قلبي وجعني عليه
يوسف :متقلقيش ان شاء الله حيقوم بالسلامة . وتتشاقوا يا حجوج وليكي عليا ححجزلكم شهر عسل واخليه يقولك كلام حلو وانا اللي ححفظو ايه رايك
خديجة:ضحكت . يجزيك يا يوسف ضحكتني
يوسف:ايوة كدة اضحكي خلي الشمس تنور . ادعيلوا انتي بس وان شاء الله ربنا حيطمنا . طيب استاذن انا بقي
خديجة :ما انت قاعد يا حبيبي ده انت قاعدتك ميتشبعش منها
يوسف :معلش يا حجوج حبقي اجيلك تاني
علي :يا ابني استني بس حروح اجبلك قهوة ولا حاجة
يوسف:يا عم انامش جاي اتضايف . احنا في مستشفي وكمان علشان تخدوا راحتكم . وان شاء الله حاجي بكرة واطمن علي بابا . علي معلش هو انا ممكن اقول لحنين حاجة برة
علي :اه طبعا ممكن تعالي يا حنين شوفي يوسف عايز ايه
عمار :لا طبعا هي سايبة ولا ايه ميقول هنا وهما في بينهم اسرار
خديجة :عمار اتلم مكفكش اللي حصل . روحي يا حنين شوفي يوسف
يوسف وعمار مش طايقين بعض وبينهم نظرات غل وكل واحد نفسه يمسك في خناق التاني .
يوسف :وبعدين حتفضلي زعلانة مني كتير كدة
حنين :انت شايف ايه
يوسف:شايف اني بحبك ومش قادر علي بعدك وحموت منغيرك
حنين :ابتسمت . طب اتلم لعمار يسمعك ويعملنا مشكلة
يوسف :انا مش عارف الواد ده مش طايقني ليه حكاية انه صيدلي دي خالتوا عامل زي الحقنة
حنين :هههههههههه والله هو قلبه طيب لما تتعود عليه حتحبوا
يوسف: وانا مالي انا اللي يهمني قلبك انتي وعايز اتعود عليكي انتي . وحشتييييييني يا بنت اللذين
حنين : وانت كمان
يوسف:ايوة بقي. ردي فيه الروح ده انا كنت ميت من غيرك
حنين :طيب يلا بقي امشي احسن يقلقوا ويقعودوا يسالوني
يوسف :خلاص ماشي . بس ابقي افتحي التليفون علشان اتطمن عليكي
حنين :حاضر بس مش فون حيكونوا قاعدين ومش حعرف اتكلم
يوسف :خلاص حكلمك علي الواتس اوك
حنين :اوك يلا بقي امشي
يوسف مشي وحنين دخلت الاوضة
عمار:ايه كل ده كان عايزك في ايه بقي ان شاء الله
حنين :اولا انا متأخرتش وبعدين هو كان بيسألني اذا كنا عايزين حاجة ولا لا
عمار :ليه وهو شايفنا شاحتين
علي :فيه ايه يا عمار الراجل بيسال مفيهاش حاجة
حنين :وبعدين انا قلتلوا ان احنا مش محتجين حاجة ده سؤال مش اكتر
عمار :انا مش عارف هو اصلا ايه اللي جابه
حنين:انا بجد مش فاهمة انت ليه كارهوا اوي كدة . هو كان عملك ايه
عمار :انا مش طايقوا ده واحد هلاس وبتاع ستات وكل يوم مع واحدة
حنين :انت كداب يوسف مش كدة
عمار:كداب . بتكدبيني يا حنين علشان ده . طب ايه رأيك بقي انا سالت وعرفت انه بتاع ستات ومفيش واحدة بتدخله المعرض غير لما بيعلقها وكمان عامل هناك اوضة وبيجيب فيها ستات
حنين:عيطت . بس بقي اسكت مش عايزة اسمع حاجة
علي :وبعدين يا عمار ماتسكت بقي يا اخي مكفكش اللي عملته في ابوك جاي تكمل علي اختك
عمار . ما انا كلامي مش علي هواكم
خديجة :بقولك ايه يالا امشي روح شوف مراتك وولادك
عمار:ماما انتي...
خديجة :ولا كلمة امشي بقولك
بعد شوية حنين هديت وكمان كان معاد الزيارة قرب يخلص
علي :يلا علشان اروحكم وارجع لبابا
حنين :لا يا علي روحوا انتوا وانا قاعدة مع بابا انا حبات معاه
علي:ازاي بس روحي انتي ارتاحي
حنين :حروح اعمل ايه روح انت شوف سلمي والولاد من امبارح مروحتش وروح جيهان وماما معاك . جيهان متخليش ماما تبات لوحدها
جيهان :لا متخفيش حخودها تروح معايا
علي :طيب مش عايزة حاجة قبل ما نمشي
حنين :لا يا حبيبي شكرا مش انت جبتلي الحاجات اللي قلتلك عليها من البيت
علي :اه كل حاجة . طيب انا حروح اشوف الدكتور وارجع
..........................................
يوسف بيكتب لحنين
يوسف:روح قلبي عاملة ايه روحتي
حنين :الحمد لله . لا مروحتش انا حبات مع بابا وهما حيروحوا وانا قاعدة معاه
يوسف :لوحدك. ازاي
حنين :عادي دي مستشفي ماليانة ناس
يوسف :وهما حيمشوا امتي
حنين :يعني نص ساعة كدة
يوسف :اوك خلاص لما يمشوا كلميني علشان اطمن عليكي
حنين :حاضر . سلام
مشي علي وخديجة وجيهان وحنين كلمت يوسف واطمن عليا والوقت اتاخر وجه الدكتور وشاف باباها
الممرضة :بصي يا مدام المحلول ده قدامه كدة ساعة ونص ويخلص لو اتاخرت عليكي ابقي اقفلي الكلونة واندهيلي
حنين :حاضر . بقولك ايه هو الدكتور حيمر تاني
الممرضة :لا خلاص الصبح بقي
حنين :اصل بصراحة من الصبح بالبس ده والنقاب عايزة اغير هدومي وخايفة حد يجي فجأة
الممرضة:لا متقلقيش غيري براحتك الدكتور خلاص مشي ومش حجي غير الصبح وحتي لو جه انا حبقي معاه وادخلك الاول
حنين :متشكرة اوي ليكي حتعبك
الممرضة ولا تعب ولا حاجة انا تحت امرك
دخلت حنين الحمام وغيرت هدومها ولبست بيطامة كات و بيرمودة وفكت شعرها علشان كانت مصدعة من النقاب طول النهار وظبتط المنبه علشان المحلول بتاع بابها وقعدت علي الكنبة وبتفكر في كلام عمار عن يوسف وهي قاعدة راحت في النوم في الوقت ده يوسف جاب عشا لحنين وبعلاقاتوا طبعا قدر يدخل المستشفي في وقت متاخر كدة وفي غير معاد الزيارة ووصل عند الاوضة وخبط بس محدش رد قلق يوسف ليكون حصل حاجة فتح الباب ودخل وقفله وراه وبص لقي حنين قاعدة وراحة في النوم بس مصدقش نفسه لما شافها اول مرة يشوفها من يوم الرؤية وكمان لابسة كدة وشعرها اللي عمره ماشافه لقاه لونه احمر جميل وطويل وناعم
يوسف:حط الاكل وقعد جنب حنين وهو بيتامل شكلها وكل تفصيلة فيهاوملس علي شعرها اد ايه ناعم وطويل كان حاسس انه مش متحمل نفسة يا خودها في حضنه بس خايف رجع يوسف ظهره وحط ايه علي راسه بيحاول يمسك نفسه وميخلطش في الوقت ده حنين كانت راكت في النوم اوي من التعب ومالت علي يوسف برايها وجسمها كله وبقت تقريبا في حضنه يوسف قلبه دق لما مالت عليه حاول يمنع نفسه بس مقدرش وحاوطها بإيده وحضنها وجامد وباسها وفضل سايبها في حضنه شوية مش قادر يبعد عنها بس افتكر انها لوصحيت وشافته حتزعل وهو ماصدق صالحها خرجها من حضنه ونيمها علي الكنبة
يوسف:باسها تاني .وهو بيملس علي شعرها. علي عيني يا نور عيني اشيلك من حضني بس غصب عني خايف تصحي وتزعلي مني
قام يوسف واخد الاكل معاه وخرج وهو خارج الممرضة شافته خارج من الاوضة
الممرضة:هو مش حضرتك اللي كنت هنا الصبح وواقف مع المدام
يوسف:اه انا ليه في حاجة
الممرضة :هو حضرتك جوزها
يوسف:معرفش يقولها ايه . اه اه جوزها
الممرضة :بس وقت الزيارة عدي من بدري
يوسف:طلع مبلغ محترم واداهلها . متقلقيش الامن تحت عارف اني هنا . خدي ول
الممرضة :لا والله انا مش عايزة حاجة
يوسف:معلش انا بس عايزك تخلي بالك من المدام لو عازت منك حاجة
الممرضة: حاضر من عنيا متقلقش . عن اذنك
يوسف فضل واقف قدام شباك برة الاوضة وبيفتكر شكل حنين وهي نايمة واد ايه كانت حلوة ولما لمسها كانت قاد ايه ناعمة واتنهد يوسف تنهيدة طويلة . اه يا حنين امتي بقي اقدر اخدك في حضني من غير مااخاف
ليه بس كدة يا عمي ده وقت تعب ده . حرام عليك انا مش قادر اصلا
وعدت الساعة ونص والمنبه رن
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا