رواية وجع حنين الفصل الثامن والتاسع والعاشر بقلم ريحانة الجنة
رواية وجع حنين الفصل الثامن والتاسع والعاشر بقلم ريحانة الجنة
الحلقة الثامنة
يوسف :لا مفيش مشكلة عموما حضرتك ممكن تروحي تشوفي الحالة بتاعتك اكيد محتجالك اكتر مني وبصراحة انا تعبان النهاردة ومش حقدر اتكلم
الدكتورة :خلاص اللي يريحك نتقابل الجلسة الجاية
يوسف مشي وهو مش عارف ازاي عمل كدة بس الفضول حيقتله نفسه يعرف كل حاجة عانها
(في البيت عند حنين )
حنين قاعدة في السرير ورجلها وارمة ومربوطة برباط ضاغط وحاوليها إخواتها مرفت وعلي وجيهان وعمار
علي :سلامة القمر كدة تخضينا عليكي
حنين :الله يسلمك يا ابو علي بس اهو عمر الشقي بقي ههههههه
مرفت :ههههه بعد شر عليكي من الشقي ان شاء الله يومين وتبقي تمام
عمار : دي وقعت قلبي النهاردة سبت الصيدلية وجيت جري اول ما كلمتني
جيهان :طبعا ماهي دي حنين لكن لو انا كنت سبتي اتفلق
عمار:ههههههه ليه بس يا جي جي ده انتي حبيبتي بس انتي معاكي جوزك يجري بيكي انما الهانم بقي طول ماهي منشفة دماغها ومش عايزة تتجوز حتفضل تعبانا معاها كدة
حنين:راحت الابتسامة من وشها. وزعلت من كلام عمار
جيهان ومرفت وعلي بصوا لعمار نظرة عتاب
عمار :انا اسف يا حنين انا مش قصدي انا بهزر مش اكتر انتي اختي حبيبتي وعمري ماتعب منك
حنين: معلش يا عمار حقك عليا انا لولا اني اتصلت بعلي ولقيت تليفونه مقفول مكنتش كلمتك وعطلتك
جيهان:في محاولة منها انها تلطلطف الجو اما انا بقي عملتلكم صنية كيكة احتفالا بوقوع حنين
كلهم ضحكوا
حنين:ههههههه انتي فارحانة فيا وكمان عاملة كيكة
جيهان :طبعا اهو علي الاقل تتهدي شوية بدل مانتي عاملة زي النحلة من بيتك لبيت حماتك لمذاكرة لتنضيف ايه حرام هليكي نفسك اهو دلوقتي حتتربي وتقعدي غصب عانك
علي :هههههه شريرة انتي يا بت يا جيهان
مرفت :طول عمرها عمرها ماحتبطل اقر تلاقيها هي اللي اديتها عين ووقعت
حنين: علي كلمت بابا وماما واتطمنت عليهم
علي :اه يا حبيبتي وصلوا البيت متقلقيش
حنين:والله انتوا كلكم جيتوا و تعبتوا نفسكم كان كفاية التليفون
جيهان :اومال مين اللي كان حياكل الكيكة اللي انا عملتها دي
قعدوا كلهم يضحكوا علي جيهان وخفة دمها
(في المعرض )
يوسف في المكتب رايح جاي متردد يفتح السي دي بس خلاص مش قادر قعد علي المكتب وفتح الاب توب وشغل السي دي وابتدي يسمع كلام حنين من اول جلسة وفضل يسمع كلامها طول الليل لحد الصبح وعرف كل حاجة عن حنين وحياتها اللي فاتت وانها اتجوزت بدري وهي في سنة تانية جامعة وان هشام جوزها كان انسان حنين وطيب وبيحبها جدا وكان بيساعدها في كل حاجة في الدراسة وفي البيت لحد مامات وعرف انها حصلتلها صدمة نتيجة الحادثة بتاعت جوزها وكانت فاقدة النطق لمدة 6 شهور وقتها يوسف حس انه حبها اكتر واتعلق بيها اكتر وصمم انه مش حيسبها غير لما يعترفلها بحبه ليها ونام يوسف في المكتب علي الكنبة من التعب بعد شوية
أمير :حودة ازيك صباح الخير
محمود :أمير باشا صباح الفل
أمير:هاه جو فوق
محمود :اه نايم شكله مانمش طول الليل اطلعلوا
أمير :يوسف ... يوسف انت يا ابني اصحي
يوسف:بصوت نايمان عايز ايه يا مزعج انت علي الصبح
أمير: صبح ايه قول الظهر العصر
يوسف:اتعدل وقد وهو بيطرقع رقبته
وانت مالك ما اصحي وقت ماصحي ده انت بارد
أمير:كدة الله يسامحك قولي بقي ايه اللي كان مسهرك توكنش كان معاك حد هنا امبارح قولي ده انا اخوك وافرحلك
يوسف: والله يا اخويا انت فايق ورايق انا حشرب قهوة اجبلك
امير:ياريت
يوسف :ايوة يا محمود ابعتلي اتنين قهوة بس بسرعة دماغي مصدعة
أمير:سلامة دماغك ما هو اكيد من نومة الكنبة طيب مبتحبش تروح البيت طب حتي نام جوة اومال انت حاطط السرير اللي جوة ده ليه ديكور
يوسف :انا اصلا مكنتش حنام علي الكنبة بس راحت عليا نوما وانا قاعد
أمير :قوللي بقي عملت ايه مع حنين كلمتها
يوسف :اتنهد وسند راسه علي الكرسي لا هي اصلا ماجتش
أمير:ايه لسة زعلانة
يوسف :ده اكيد طبعا بس هي بتقول تعبانة واعتذرت انا قلقان عليها قوي يا أمير ونفسي اطمن عليها بتقول رجلها مجزوعة انا حاسس اني مكتف لا أعرف تليفونها ولا عنوانها ولا اي حاجة انا خايف مشوفهاش تاني
أمير :ما انا قولتلك هات اسمها بالكامل وانت احاول اعرفلك اي حاجة
يوسف :صحيح انا جبتة من المرة اللي فاتت ونسيت اقولك
طيب اكتبهولي وانا حتصرف
يوسف :اهو اتفضل
أمير:تعرف انا جاتلي فكرة ممكن تطمن عليها بيها
يوسف :مبلاش افكارك اللي تودي في داهية حاكم انا عارفك
أمير:كدة طيب خليك كدة حتموت لاطايل سما ولا أرض
يوسف :خلاص متزعلش هاه فكرة ايه
أمير :انت معاك اسمها بالكامل ادخل واعمل سيرش علي الفيس بوك يمكن تكون ليها اكونت ولا حاجة
يوسف :تصدق ماجاش في بالي بس افرض انها تكون مش عاملاه بإسمها
أمير : اقصدك تكون مسمية نفسها الحمامة البيضاء ولا ملاك الليل الحزين والهري ده
يوسف :مثلا ولو اني معتقدش
أمير:طيب ماتجرب ونشوف
يوسف فتح الفيس وعمل سيرش
يوسف : تصدق لاقيتها يا أمير
أمير:متاكد ان هي
يوسف : بعد ما ابتسم اه متاكد في ليها صورة مع ولادها
أمير :انت حتنقطني هو انت كنت شوفتها ولا حتي شوفت ولادها
يوسف :لا بس عنيها مش ممكن اتلخبط فيها ابدا ده غير ان الكومنتس اللي تحت الصورة فيها اسمها واسم ولادها
أمير : اه قولتيلي طب فيه حاجة عن موضوع تعابها ده
يوسف :اه اهو اكتر من حد بيطمن عليها
أمير :مالك مبتسم ليه كدة
يوسف : لا بس اصل عنيها كانت وحشاني اوي
أمير:والله انا مش عارف انت بقيت رومانس كدة ازاي عمري ماشوفتك كدة مع اي واحدة حتي رانيا طليقتك مشوفتكش حتموت عليها كدة
يوسف:اولا حنين مش اي واحدة ثانيا بقي مفيش وجه مقارنة بين حنين ورانيا
أمير : طيب يا خويا امشي انا ولما اوصل لحاجة حبقي اكلمك
يوسفة:اوك سلام
يوسف اخد صورة حنين واحتفظ ليها علي تليفونه وكبرها وقعد يبص في عنيها اللي كانت واحشاه
(في بيت خالد اخوا هشام جوز حنين اللي مات )
خالد :أمل بقولك ايه ماما كانت قالتلي ان حنين تعبانة ورجلها مجزوعة عايزين نروح نزورها مش واجب بردوا
أمل :بنظرة غضب لا يا حبيبي مش واجب وبعدين خلينا في حالنا وهي في حالها
الحلقة التاسعة
(في بيت خالد اخو هشام زوج حنين اللي مات)
خالد :بقولك ايه يا أمل ماما كانت قالتلي ان حنين تعبانة ورجلها مجزوعة عايزين نروح نزورها مش واجب بردوا
أمل :بنظرة غضب لا يا حبيبي مش واجب وبعدين خلينا في حالنا وهي في حالها
خالد :ازاي يعني مش مرات اخويا
أمل :لا يا حبيبي مش مرات اخوك علشان اخوك خلاص مات يبقي ملناش دعوة بيها
خالد :انا مش عارف انتي كرهاها اوي ليه كدة مع انها كويسة وعمرها ماضيقتك في حاجة
أمل:والله بقي مش عارف انت نسيت ولا ايه ان كنت نسين افكرك
خالد :يوه انتي قلبك اسود قوي وبعدين يعني هو انا كنت عملت ايه
أمل: انت عايز تنقطتني يا خالد بقي كنت عايز تتجوزها عاليا وتقولي عملت ايه
خالد :انا كنت عايز اتجوزها علشان ولاد اخويا ميتبهدلوش وبعدين مخلاص اديها موفقتش خلصنا بقي
أمل :لا والله عليا انا ولاد اخوك بردوا ده انت من يوم ما أخوك اتجوزها وانت كل ماتشوفها عينك تبقي حتطلع عليها مع اني معرفش ليه مع انها وحشة وشكلها يقرف انت بس اللي مخدوع في سهوكتها ونحنحتها دي
خالد :غريبة مع ان ماما وخلاتي لما شفوها اول ماهشام اتقدملها كانوا بيقولو انها زي القمر شبه الخوجات بيضة وشعرها احمر ومزة
أمل:بنرفزة . لا طبعا وانت صدقتهم هما بس اللي كانو بيحلوها في عين اخوك
خالد : ههههه لا والله طيب يا ختي المهم انا وماما اتفقنا اننا حنروحلها بكرة عايزة تيجي معانا اهلا وسهلا مش عايزة انتي حرة
أمل:ياسلام انت بردوا حتروح وكمان عايز تروح من غيري
خالد:انا قولتلك وخلاص ويالا بقي اوعي خليني أنزل
أمل :رايح فين
خالد:نازل اقعد مع صحابي علشان مخنوق . سلام
أمل: وهي بتجز علي سنانها. كدة يا خالد ماشي ان ماكنت اوريك ما بقاش انا. قال شبه الخوجات قال طيب يا حنين مبقاش انا أمل ان ماكنت اخليكي تقولي حقي برقبتي
(في بيت حنين )
جرس الباب يرن
حنين :يا هنا شوفي مين يا حبيبتي
هنا :حاضر يا ماما ثواني
هنا تقتح الباب تستغرب
هنا:طنط أمل .اتفضلي
أمل : بقرف اهلا ازيك اوال امك فين
هنا:أمك؟؟ ماما جوة في أوضتهاثواني اقولها ان حضرتك جيتي
أمل:طيب يا ختي روحي .. وبرطمت في سرها متربية يا ختي اوي كتك البلا مسهوكة زي امك
هنا دخلت لحنين
حنين :مين يا هنا
هنا: دي طنط امل مرات عمو خالد
حنين:بإستغراب . أمل ؟ودي جاية ليه
هنا :بصراحة يا ماماانا مش بحب الست دي
حنين:عيب كدة يا هنا متتكلميش كدة عن مرات عمك فاهمة
هنا :اسفة
حنين:طيب روحي اندهلها انا مش قادرة اقوم
هنا:اتفضلي ماما جوة
أمل :كل ده بتقوليلها وسعي يا ختي
حنين:اهلا يا امل عاملة ايه والولاد وخالد عاملين ايه
أمل :حنبقي كويسين طول ما انتي بعيد عننا
حنين:افندم ؟
أمل:ايوة استعبطي بقي انتي حتعمليهم عليا
حنين: انتي بتقولي ايه انا مش فاهمة حاجة
أمل :بقول انك واحدةخاطافة رجالة وخرابة بيوت وعايزة تاخدي جوزي مني
حنين :انتي مجنونة يا ست انتي ولا ايه جوز مين ده اللي عايزة اخطفوا
أمل:ايوة جوزي انا انتي فاكراني مش واخدة بالي انتي كل يوم والتاني عن امه ليه مش علشان تشفويه هناك. وتجوري رجله انتي واحدة معندكيش كرامة بتروحلها ليه جوزك ومات لازقة فيها ليه الا علشان تضحكي عليها هي وابنها
حنين :انتي ست قليلة الادب انا عمري ما فكرت في خالد ولو كنت عايزاه كنت اتجوزتوا من زمان بس انا مش خرابة بيوت زي مابتقولي ويلا امشي اطلعي برة
أمل:انا ماشية بس اقسم بالله لو مبعتيش عن جوزي لحفضحك في كل حتة واقول انك بتشغلي جوزي وعايزة تخطفيه وحروح لولادك المدرسة وافضحهم واقول ان امهم ست مش محترمة وبتاعة رجال انتي سامعة
حنين: وهي منهارة من العياط. امشي اطلعي مرة مش عايزة اشوف وشك تاني انتي فاهمة
امل:وانا اصلا ميشرفنيش اني اقعد في بيت واحدة زيك
هنا كانت بتعيط علشان مامتها ونفسا تضرب أمل قلم علي وشها بس هي متربيه بس اكتفت بنظرة كلها كره وغيظ لأمل
امل :انتي بتبصلي كدة ليه صحيح بجحة زي امك وسعي كدة
زقت أمل هنا وخرجت ورزعت الباب وراها
هنا :خلاص يا ماما كفاية عياط بقي هي مشيت خلاص
عمر :انا كانت عايز اشتم الست دي دي ست وحشة وزعلتك اوي
حنين :عمالة تعيط وتشهق من كتر العياط لا يا عمر اوعي تفكر انك ترد علي حد اكبر منك عيب
عمر:بس هي شتمتك
حنين :منها لله ربنا يسامحها . سيبوني لوحدي دلوقتي عايزة انام
خرج عمر وهنا
هنا:انا عارفة ان ماما مش حتنام هي حتقعد تعيط طنط امل قالتلخا كلام وحش اوي
عمر : وهوبيعيط هي ليه عملت كدة دي ماما مش بتزعل حد ابدا
في الوقت ده جرس الباب رن هنا فتحت
هنا:خالو عمار اتفضل كويس انك جيت
عمار:ايه يا هنا مالك بتعيطي ليه وانت يا عمر مالك ايه اللي حصل هي ماما تعبانة هي لسة رجلها وجعاها
هنا :لا بس في حاجة تانيه
عمار:في ايه يا ولاد قلقتوني
هنا: اناحقول لحضرتك
حكت هنا لعمار علي اللي عملتوا أمل
حنين قاعدة في اوضتها بتعيط والباب يخبط
حنين:يا ولاد مش قلت حنام سيبوني بقي
عمار : انا عمار يا حنين ادخل
حنين:وهي بتمسح دموعها تعالي يا عمار ادخل
عمار:مالك بتعيطي ليه
حنين:مفيش بس رجلي وجعاني شوية
عمار:متخبيش عليا الولاد قالولي علي عملتوا اللي اسمها امل دي
حنين:بصت لهنا . كدة يا هنا بتفتني حسابك معايا بعدين
عمار:روحوا يا ولاد دلوقتي عايز اتكلم مع ماما
عمار:انتي ازاي تسكتيلها كان لتزم تهزقيها
حنين:انفجرت في العياط. انا تعبت بقي تعبت كل الناس شايفاني وحشة كل الناس بتكرهني ياعمار خلاص مش قادرة
عمار:ناس مين اللي بتكرهك هي امل دي بقت كل الناس دي واحدة زبالة وغيرانا منك انا بقي حربيها هي وجوزها اللي مش عارف يلمها ده
حنين: لا يا عمار كفاية انا مش عايزة فضايح
عمار:فضايح ايه انتي معملتيش حاجة هي اللي ست قلية الادب مقدرتش علي جوزها جاية تتشطر عليكي
حنين:تعرف اني انا عاذراها يا عمار
عمار:نعم عذراها بعد اللي عملتو فيكي
حنين: ايوة عاذراها هي غيرانا علي جوزها مني وده ومش هي بس كل اللي حواليا كدة ود اللي كان مخليني مزورش حد يا عمار انا بقالي 8سنين من يوم هشام مامات وانا مدخلتش بيت وحدة من صحابي ولا جارة ليه حتي اخواتي البنات مبروحش عندهم غير في المناسبات وبتكونوا كلكم موجودين بخاف من نظرات الرجلة ليه اللي كل واحد يفتكراني سهلة ارملة ومن غير راجل والستات بتخاف مني فاكرين اني ممكن اخطف اجوازهم انا تعبانة يا عمار تعبانة اعمل ايه اتجوزاي حد و ارمي نفسي وولادي لاي راجل علشان يبهدلنا علشان الناس علشان الناس تسبني في حالي وعيطت حنين اكتر واكتر . يارب اموت بقي وارتاح واربح الناس مني
عمار :اخدها في حضنه لا يا حبيبتي اوعي تقولي كدة انتي مؤمنة حد يتمني الموت
حنين:استغفر الله العظيم ودعت حنين الله ما امتني ان كان الموت خيرا لي واحيني ان كانت الحياة خيرا لي
عمار:ايوة كدة اوعي تزعلي نفسك وانا والله لجبلك حقك واربي الكلبة دي هي وجوزها واوعي تحسي انك لوحدك احنا حواليكي ومعاكي احنا عيلتك ومش ممكن نسيب حد ياذيكي وانا بالذات جمبك انتي عارفة انك اكتر واحدة في اخواتك قريبة مني .
فاكرة لما كنا صغيرين كنتي تملي تديني اكلك ومصروفك علشان كنت بخلص اكلي بسرعة
حنين:مسحت دموعا وابتسمت . ايوة طول عمرك طفس
عمار:ههههههه ايوة وانتي طول عمرك حنينة وكنت بصب عليكي وكمان كنتي بدافعي عني وتضربي بدالي فاكرة
حنين:ماهو كان كفاية الضرب اللي كنت بتضربه في المدرسة كنت كل ماتشوف ولد بيكلمني تجري تضربوا وهما كانوا اكبر منك ويضربوك
عمار:كنت بغير عليكي واخاف حد يضايك لغاية ماكبرنا وانا بخاف عليكي
حنين:ربنا يخليك لية . بس انت كنت جاي ليه
عمار:انتي ناسية ان عندك حقنة لازم تاخديها
حنين:ايوة صح ثواني طيب البس واجيلك
عمار:يا بنتي ماتخليني انا اديهالك انا والله دكتور صيدلي مش سباك بدل ماتنزلي الصيدلية
حنين:ههههه لا يا عم انا بتكسف انت عارف
عمار:يا بنتي انا اخوكي والله عادي
حنين :قلت لا يالا بقي اخرج خليني البس
عمار:طب اساعدك
حنين:ها هاه خفة اخرج يالا
((في المعرض))
أمير: جو حبيب قلبي
يوسف :ايه يا امير قلقتني كل ما اسالك تقولي لسة معرفتش تجبلي اي اخبار عنها عنوانها ولا اي حاجة
امير :معلش يا يوسف السيستم واقع ومش عارف اطلع اي بيانات استني شوية وبعدين انت مش بتتدخل صفحتها وتطمن عليها
يوسف :اوففف انا مخنوق نفسي اشوفها وحشتني اوي
أمير:بيكتم ضحكتوا
يوسف:بتضحك بقي انا حولع وانت بتضحك
أمير :اصل بصراحة فرحان فيك عمري ماشوفتك كدة شكل حنين دي حتطلع عليك القديم والقديد
يوسف :أمير اطلع برة انا مش ناقصك
أمير :خلاص بقي ياعم علش اهدي بس
يوسف:اتنهد تعرف يا أمير انا نفسي بس حنين تديني فرصة اعوضها عن كل اللي هي شافته
أمير : وانت تعرف هي شافت ايه منين
يوسف :اصل بصراحة عملت حاجة كدة لغاية دلوقتي مش عارف انا عملت كدة ازاي
أمير:عملت ايه
يوسف:اصل اخدت السي دي بتاع حنين من عند الدكتورة وسمعته وعرفت كل حاجة عنها وايه اللي حصلها
أمير: هههههه يا بن اللذينا مش الحس الامني بيجري في دمك مش عارف تنسي انك كنت ظابط
يوسف:لا يا امير انا معملتش كدة علشان شاكك في حاجة لا انا كنت عايز اعرفها اكتر عايز اقرب منها وافهمها انا يا أمير حبيتها اكتر واتعلت بيها اوي حنين دي انسانه رقيقة اوي وقلبها طيب غير اي واحدة عرفتها في حياتي
أمير: طيب انت ناوي علي ايه مش فاهم
يوسف :انا عايز اتجوزها يا أمير
أمير: تجوزها!! بالسرعة دي
يوسف :كل ده وتقولي بسرعة انا بقالي شهور مش طايل كلمة منها ولا عرف اقبلها بس خلاص مش قادر استمر علي الوضع ده لازم اخد خطوة
أمير:يوسف انت متأكد انك بتحبها
يوسف:نعم طبعا متاكد اومال كل اللي انا فيه ده اسمه ايه انت بنفسك حسيت بحبي ليها
أمير:مش عارف خايف تكون بس عايز تطولها وخلاص ولانك عارف انها مش شمال قولت تتجوزها
يوسف:لا طبعا انا عمري مافكرت في حنين بالشكل ده انا من كرش اني نفسي المسها واخدها في حضني واكتر من كدة بكتير بس مش شهوة يا أمير لا صدقني انا بحبها بجد. بس المهم هي توافق
أمير :ليه هي ممكن متوافقش ده اي ست تتمناك
يوسف :لا حنين مختلفة اللي عرفته عنها لما سمعت الجلسات بتاعتها انها بتحب ولادها ومتعلقة بيهم اوي وكمان خايفة تدخل اي علاقة ولا حتي تتجوز
أمير :طيب ناوي تفاتحها امتي في حكاية الجواز دي
يوسف :هي بس تديني فرصة وتقابلني لازم اشرحلها ظروفي انت عارف حكاية الخلفة دي مينفعش اخبي عليها
أمير:وتفتكر ممكن ترفض علشان كدة
يوسف :مش عارف بس انا عايز اكلمها الاول واعرف رايها قبل ما اتقدملها
أمير:خلاص يا يوسف اعمل اللي يريحك المهم تكون مبسوط . انا حمشي بقي واول مااعرف اجبلك كل المعلومات اللي انت عايزها حجبهالك اوك
يوسف :امير مش حوصيك بسرعة انا لو حنين مجتش المرة الجاية العيادة لازم اروح اتقدملها مش حستني اكتر
من كدة
((في بيت خالد اخو هشام ))
الجرس بيرن امل تفتح
امل:عمار . تربع ايديها وبقرف . خير في حاجة
عمار :جوزك موجود
امل:وعايز جوزي ليه .
عمار:موجود ولا لا لو موجود اندهيله مش موجود حستناه تحت لحد مايرجع
أمل:انتوا عايزين مننا ايه انت واختك
خرج خالد علي صوت الزعيق
خالد: في ايه مين ياامل . اهلا عمار اتفضل
عمار:انا جاي اقولك كلمتين انت ومراتك
خالد:بص لامل . طيب ادخل يا عمار مينفعش كدة علشان الجيران
عمار: اسمع انت ومراتك تبعدوا عن حنين اختي انت فاهم انتوا فاكرين ايه موراهاش رجالة لا فوق احنا مش حنسبها تتبهدل
خالد:هو ايه اللي حصل انا مش فاهم حاجة
عمار:اسأل مراتك اللي راحت لاختي التعبانة وشتمتها وبتتهمها انها عايزة تخطفك منها وبتقول عليها انها بتاعت رجالة انا اختي اشرف منكم ومن عيلتكم كلها فاهم وقسمة عظما لو فكرت تمس حنين بكلمة تاني انا اللي حقفلها واقطعلها لسنها انت فاهمو
خالد:ارجوك يا عمار كفاية كدة من غير غلط انا حعرف اتصرف معاها
عمار:انا قلت اللي عاندي ومش حكرره
ومش عمار ورزع الباب وراه
الحلقة العاشرة
بعد ماشي عمار من عند خالد ورع الباب خالد بص لامل بغضب مسكها من ايديها وشدها جامد
خالد:انتي ايه اللي عملتيه ده ازاي تروحي لحنين وتقوليلها كدة وتبهدليها انتي ايه الغل اللي جواكي من نحيتها ده كله
أمل:شدت نفسها من خالد . ايوة اومال كنت عايزني استني لما القيك داخل عليا بيها وانت متجوزها لا فوق ده انا اكلها بسناني
خالد:وهو انتي فاكرة اللي بتعمليه ده حيخليني اشيلها من دماغي لا انساها لا مستحيل واسمعي بقي انا حفضل ورا حنين لحد ماتوافق واتجوزها عارفة ليه علشان هي انسانة بجد كل الناس بتحبها شوفي بتعامل امي ازاي وقاعدة تحت رجلها حتي بعد هشام مامات مسبتهاش علشان بتتقي ربنا لكن انتي لا . تقدري تقوليلي أخر مرة زورتي امي امتي اخر مرة كلمتيها في التليفون كانت امتي اكيد مش حتفتكري. حتي انا بسببك بعدت عن امي بسبب غيرتك من حنين ولأني مكنتش بحب ازعلك بس خلاص انتي عديتي كل الحدود
أمل : انت فاكرها بتعمل ده كله مع امك لله لا يا حبيبي دي بتجر رجلك ولعلمك انا مش حسكت ولا حخايك تتجوزها فاهم
خالد : حنين مش محتاجة تجر رجلي علشان انا طلبتها اكتر من مرة وهي بترفض واسمعي بقي قسما عضما لو مابعدتي عن حنين لحكون مطلقك و متجوز عليكي اي واحدة تانيه سواء حنين او غيرها فاهمة
(بعد يومين في بيت حنين)
هدي :سلمتك يا نور عيني الف سلامة
حنين:الله يسلمك يا ماما تعبتي نفسك وجيتي ليه مش قلتلك في التليفون بلاش انتي تعبانة وانا مش حزعل وبعدين دي حاجة بسيطة
هدي :ياسلام وهو حتعب لاغلي منك انتي عارفة غلوتك عندي يا حنين
حنين:تسلميلي يا ست الكل ربنا يخليكي لينا
هدي : ويخليكي . وبعدين انا كان لازم اجي انا وخالد نعتذرلك علي اللي عملته أمل معلش يا بنتي متزعليش حاجك عليا أنا
خالد:بجد يا حنين انا مش عارف اعتذرلك ازاي انا عارف ان امل زودتها اوي بس اوعدك انها مش حتضيقك تاني
حنين: بحزن شديد . حصل خير هي بردوا معذورة بتحبك وبتغير عليك ربنا يهديها ويهدينا
خالد:حنين علشان خاطر ماما انا عارف غلوتها عندك فكري تاني في موضوعنا علشان نسكت اي حد واوعدك احطك انتي وولادك في عنيا بس وافقي
حنين: لو سمحت يا خالد متكلمش في الموضوع ده تاني انا لايمكن اتجوز واحد واخدوا من بيتوا ومراتوا وولادو والا ابقي خرابة بيوت زي مامراتك قالت عليا
خالد :سيبك من أمل واللي بتقوله وبعدين انتي اكتر واحدة عارفة ان انا من حقي اتجوز تاني وتالت ورابع انا مش حعمل حاجة غلط
حنين :عارفة ان من حقك بس معلش خد حقك ده بعيد عني انا مستحيل اتجوزك معلش متزعلش مني احنا لازم نقفل الموضوع ده وميتفتحش تاني انت حتفضل عم ولادي وانا بحترمك وبقدرك مش اكتر من كدة
هدي :يعني ده أخر كلام عندك طيب فكري علشان خاطري
حنين:خاطرك عندي غالي يا ماما وانتي عارفة بس صدقيني مش حينفع
خالد :عموما يا حنين انا مش حياس واتنمي انك تغيري رايك . استاذن بقي انا . ماما جاية معايا
حنين:لا معلش خالي ماما حتبات معانا انا والولاد يومين وبعدين تبقي تروح
هدي:خلاص يا ابني توكل انت علي الله وانا يومين كدة واكلمك تيجي تروحني
خالد :طيب اللي يريحك السلام عليكم
حنين: انا حقوم احضر العشاء لحد ماتغيري هدومك ده البت حينور يا هدهود
هدي: منور بيكي يا حبيبتي يلا حقوم اغير واجي اساعدك
وعدي الوقت علي حنين ويوسف وهما الاتنين مش ناسين اللي حصل اخر مرة شافو بعض حنين مش قادرة تنسي كلام يوسف اللي وجعها ولا يوسف قادر يرتح ولا ينام من يوم مازعلها ونفسه يشوفها ويعتذرلها لحد ماجي معاد الجلسة اللي بعدها ويوسف قاعد في العيادة حيتجنن معقول مش حتيجي هي ممكن فعلا متجيش تاني يا رب نفسي اشوفها وحشتني اوي
وشوية جات حنين ويوسف اول ماسمع صوتها شفها حس ان روحوا كانت رايحة منه ورجت لما شافها بس زعل لما لقاها لسة رجلها تعبانة واضح من خطواتها انها بتتقلم وقعدت حنين وهي متعمدة متبصش ليوسف مع انه واحشها اوي بس مش ناسرة اللي قالهولها اخر مرة شافته .
يوسف حاسس انها لسة زعلانة ومش عايزة تبصله وعاذرها علشان هو زودها اوي معاها بس فكر يوسف شوية. وبعدين طلع تليفونه وفتح الفيس وكتب لحنين رسالة
يوسف :حنين انا بجد اسف ارجوكي اديني فرصة افهمك انا ليه عملت كدة
حنين سمعت صوت رسالة فتحت التليفون لقت رسالة من اكونت غريب بإسم(يوسف شهاب الدين ) فتحت حنين الاكونت والرسالة لقت صور يوسف . تنحت حنين وبصت ليوسف لقتهه باصصلها وبيز راسه ايوة انا وعنيه كلها نظرات اسف ورجاء انها تسمحه
حنين :هو عرف صفحتي ازاي وكمان بعتلي رسالة طيب والله مانا معبراك وقفات حنين التليفون خالص وشالتو ومردتش علي يوسف
يوسف : ماشي يا حنين حقك انا عارف اني زعلتك بس والله مانا سايبك الا لما تسمحيني وابتسم وهو بيقول بحبك يا بت اللذين
وبعد شوية دخلت حنين جلستها ويوسف كمان المرة دي اعتذر ونزل يستني حنين تحت
دنيا السكرتيرة :هو ايه حكايته بقالوا مرتين يجي وينزل من غير مايدخل انا قلبي حاسس انه في حاجة بينه وبين مدام حنين مع انها ولت يبان عليها انا عارفة اشمعن هي ما انا قدامه بقالي كتير عمره ما باصلي حتي . اه بس قمر ابن الاييه
خلصت حنين ونزلت ولقت يوسف كمان المرة دي واقف مستنيها وساند ظهره علي العربية ولابس نظارته الشمس وشكله اصلا يجنن اي ست مش بس حنين. بس حنين علي قد ماكانت حناله. ووحشها اوي. كمان زعلانة منه. ومش عارفة هو عايز منها ايه مشيت حنين وطبعا خطوانها بطيقة شوية علشان رجلها لسة وجعاها يوسف راح وراها ونده عليها
يوسف : حنين لوسمحتي استني ارجوكي اسمعيني
حنين :تاني انت وبعدين معاك انا مش قلتلك متتكلمش معايا تاني ايه حتقل ادبك تاني
يوسف :وهو مبتسم لا والله مش حقل ادبي انا بس عايزك تعرفي اني عارف انك احسن واحدة في الدنيا ووالله الكلام اللي قولتهولك مش علشان انا شايفك وحشة لا انا بس كنت غيران عليكي كنت حموت لما لقيتك ركبتي معاه العربية مكنتش اعرف انه اخوكي صدقيني والله انا اسف
حنين: والله وانت مالك انت اركب مع اللي اركب معاه وتغير عليا بمناسبة ايه
حنين :والله وانت مالك اركب مع اللي اركب معاه وتغير عليت بمناسبة ايه
يوسف:قوب من حنين وبص في عنيها بحنية . بمناسبة اني بحبك مقدرش اشوفك مع حد تاني
حنين: اتكسفت جدا. ومصدقتش انه قالها انه بيحبها ورجعت خطوة . احمم لوسمحتك الزم حدودك ومتقربش مني كدة تاني الناس تقول عليا ايه وابعد بقي خاليني امشي
يوسف : سيبك من الناس انا اللي يفكر يضايقك ادفنه مكانه
حنين : ابتسمت غصب عنها وابتدت تمشي
يوسف: وقف قدمها . طب علشان خاطري خليني اوصلك انتي لسة تعبانة . وبعدين اعتبيري يا ستي انك راكبة تاكسي
حنين :قلتلك لا وسبني بقي ارجوك انا تعبانة ومش قادرة اقف
يوسف :طيب علي الاقل خليني اوقفلك تاكسي علشان اطمن عليكي ممكن
حنين :سكتت ومشيت معاه
يوسف :وقفلها تاكسي وركبها . وراح وركب عربيته بسرعة علشان يمشي وراها
حنين :قاعدة في التاكسي وبتبتسم وهي بتفتكر كلامه واعتذاره وكمان ابتسمت اكتر لما افتكرته وهو بيقولها بحبك وبعد شوية سمعت صوت مزيكا عالي بيقرب . محطتش في بالها عادي واحد ماشي بعربيته وبيسمع اغاني. بس اول مابصت من الشباك لقت يوسف بيقرب بعربيته من التاكسي اللي هي فيه وبيغمزلها بعنيه وعلي المزيكا اكتر علشان هي تسمعها
حنين :مقترتش تمنع نفسها من الضحك . لا ده اكيد مجنون مش معقول اللي بيعمله ده انا دلوقتي اتاكدت انه مش طبيعي
ولقته مشغل اغنيه لعمر دياب اسمها (ياروحي انا)
( يا روحي انا ويا قلبي انا ملناش عنك يا حياتي غنا . وفي بعدك تعب الشوق وخلاص بيعدي عليا اليوم بسنة النار في القلب من الاشواق ميريحهاش غير لمس ايديك ومنين حتجيب زينا عشاق بيشوفوا الدنيا بضي عنيك والحب ده ايه غير انت وانا وانا . يا حبيبي واخرة بعدنا ايه وازي العين حتشوف احلام ده حرام الحب تروح لياليه وسننا تضيع في بعد وخصام والحب ده غير انت وانا وانا ياروحي انا وياقلبي انا )
حنين:قاعدة مش عارفة متبتسمش من الجنان اللي بيعمله يوسف . شوية السواق ابتدي ياخد باله
السواق: ولزمته ايه ده كله مكان هو وصلك من الاول
حنين:افندم؟ انت بتقول ايه
السواق:بقول ان كان رمويو ده وصلك هو ولا يمكن مش عايزة حد يشوفك . ربنا يستر علي ولايانه صحيح مش كل اللي لبس يبقي بتاع ربنا
حنين زعلت من كلام السواق بس هي عارفة ان هو معاه حق وان ميصحش كدة بس متحملتش كلامه
حنين: لو سمحت ياريت تخليك في حالك ولا اقولك نزلني هنا
يوسف استعرب ان التاكسي وقف ووقف هو كمان ولقي حنين بتفتح الباب ونازلة استغرب اكتر لانهم في وسط الطريق ومش ممكن تكون وصلت نزل وراح يشوف في ايه
السواق:اتفضلي انزلي وابقي خليه هو يوصلك بس الاول اديني اجرتي اه مش انتوا تحبه في بعض وانا تكلوا حقي
يوسف:هجم علي السواق ومسكه من هدومه وزنقه في العربية . انت ازاي بتكلمها كدة انت مجنون اقسم بالله ادفنك مكانك
حنين:وهي بتعيط . لوسمحت كفاية فضايح بقي سيبه
يوسف: وعنيه بتق شرار انتي بتعيطي ليه هو الراجل ده عملك ايه
في الوقت ده قرب منهم ظابط المرور اللي كان واقف
الظابط :في ايه يا جدع انت وهو . ايه ده مش معقول يوسف باشا واحشني ياراجل
يوسف :وانت كمان يا جلال باشا
جلال الظابط :ايه هو الراجل ده عملك حاجة
يوسف:وهو بيبص للراجل بغيظ لا ابدا هو بس لسانه طويل حبتين وعايز يتقص
جلال الظابط:بس كدة سيبهولي وانا اقطعهوله . تعالي معايا يا خويا وريني رخصك. انت اصلك مش عارف زعلت مين
حنين:لو سمحت كفايه ده راجل غلبان ومعملش حاجة خليه يروح لاولاده من غير اذي
جلال الظابط:هو انت معاك حد يا يوسف باشا
يوسف :اه دي خطيبتي
حنين:😳😳 خطيبتك . خطيبة مين
الظابط:والله الف مبروك طب كنت اعزمنا ولا احنا مش قد المقام
يوسف :لا ازاي متقولش كدة اصل الموضوع جه بسرعة في الفرح بقي ان شاء الله
السواق :ابوس ايدك يا يوسف باشا معلش انا والله ماكنت اعرفك حقك عليا حقك عليا يا ست هانم والله ماكنت اقصد
يوسف :امشي يالا وابقي احترم نفسك مع الزباين
حنين :ثانيه واحدة اتفضل خد اجرتك
يوسف :استني انتي . طلع يوسف فلوس خد اتفضل اجرتك واتكل بقي من هنا
لفت حنين علشان تمشي ويوسف كان بيسلم علي الظابط صاحبه ورجعلها بسرعة
يوسف:استني هنا انتي راحة فين. خليني اوصلك بقي بدل وجع القلب ده
حنين:وجع القلب ده انت اللي جبته بتصروفاتك دي مش انا وقلتلك قبل كدة مش حركب معاك وبعدين تعالي هنا هي مين دي اللي خطبتك اتختبطلك امتي بقي في الحلم
يوسف:هههههه لا لسة بس يعني انا اقصد علي اعتبار ما سيكون
حنين:والله ومين قالك اني حوافق
يوسف :امممم مش عايز اقولك لا تزعلي وتقفشي عليا
حنين:بنرفزة . اقصدك ايه
يوسف: بخبث . يعني اصل عنيكي قالتلي كل اللي انتي بتخبيه ومش عايزة تقوليه وعارف انها عايزاني
حنين: اتكسفت من نفسها اوي ووشها احمر . انت اكيد مجنون عن اذنك خليني امشي
بوسف:وهو مبتسم . خلاص خلاص حقك عليا بس والله انا بحبك وبحبك اوي كمان انتي بس اديني فرصة اقرب منك
حنين:انا ماشية وسع بقي
يوسف :اممم طيب تعالي اوقفلك تاكسي
حنين :نعم !. لا شكرا كفاية اللي حصل انا حركب لوحدي واوعي تمشي ورايا
يوسف:لا طبعا مش حسيبك وحركبك انا خطبتي متمشيش كلامها عليا وكلمة كمان حشيلك واحطك في عربيتي واوصلك غصب عنك
حنين:لا انت فعلا مش طبيعي ايه اللي بتقولو ده خطيبت مين
يوسف:هاه قلت ايه كلمة كمان وحشيلك
حنين : امري لله وقف التاكس خليني اروح في يومك ده بس اوعي تشغل اغاني تاني فاهم
يوسف: امم موعدكيش اصل لما بشوفك ببقي عايز اسمع كل اغاني الحب اللي الدنيا
حنين:دارت وشها وهي بتضحك مش قادرة تمسك نفسها
يوسف:شوفتك علي فكرة . بس تعرفي عنيكي حلوة قوي وانتي بتضحكي . يلا تاكسي اهو ولوني بغير عليكي لما بتركبي مع حد غيري
حنين :ركبت التاكسي وهي بتبتسم
يوسف :ركب عربيته ومشي وراها تاني وبردوا شغل الكاست وسمعها الاغنية بردوا( لعمر دياب) ضحكت
(ضحكت يعني قلبها مال وخلاص الفرق مابنا اتشال . يالا ياقلبي رحلها يلا قلها كل اللي بيتقال مستني ايه بعد الضحكة دي الضحكة فاتحالك سكة)
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا