رواية صرخات لا يسمعها احد الفصل السادس 6 للكاتب عادل عبد الله حصريه في مدونة قصر الروايات
رواية صرخات لا يسمعها احد الفصل السادس 6 للكاتب عادل عبد الله حصريه في مدونة قصر الروايات
#صرخات_لا_يسمعها_احد
#للكاتب_عادل_عبد_الله
الحلقة ٦
حسن : كل انسان وقيمته ، لكن الحقيقة انا مش لقيت حاجة بقيمتك فاشتريت الهدية البسيطة دي اقدمهالك بأسم الشركة كرمز لسعادتنا بالتعاون معكم .
هدير : مش ممكن !!
حسن : ايه اللي مش ممكن بالظبط ؟؟
هدير : مش بس مظهرك اللي شيك وجذاب ، كلامك واسلوبك كمان !!!
حسن : انا حقيقي سعيد بمقابلتك واعتقد اننا ممكن نعمل مع بعض شغل رائع جدا .
هدير : ده اكيد ، حضرتك موقعك ايه بالظبط في الشركة ، قصدي المجموعة ؟؟
حسن : انا هكون مدير فرع المجموعة في مصر ، لأني المصري الوحيد في الشركة وعندي خبرة كبيرة في السوق المصري .
بعد ساعتين ...
حسن : الوقت اخدنا ، خايف اكون اخدت كتير من وقتك ؟
هدير : بالعكس ، الوقت مع حضرتك بيمر بدون ما اشعر به .
حسن " يبتسم " : فعلا معاكي حق ، احنا لسه قدامنا اسبوعين علي ما نخلص اتمام التعاقد ، بيتهيألي انهم هيمروا بسرعة مش هشعر بيهم ابدا .
هدير " تبتسم " : اكيد .
حسن : تسمحيلي ممكن نتعشا مع بعض بكره لو مش يضايقك ؟؟
هدير " بارتباك " : ياريت !! قصصصدي افكر .
يبتسم حسن : ياريت تكوني لوحدك ، بلاش شريكك يكون موجود .
تبتسم هدير في سعادة !!!
مشهد خارجي ليلي
امام منزل سليم ...
يخرج سليم من منزله ويركب سيارته ويسير لها بعض الخطوات حتي يجد شاب قوي البنية " ممدوح " يقف أمامه !!!
سليم : وسع من قدام العربية خليني امشي .
ممدوح يتجه ناحية باب القيادة : وصلني معاك لأول الشارع .
ينظر له سليم بريبة و خو.ف : لأ ، مش فاضي .
ويهم بالسير فيقف ممدوح امامةالسيارة مباشرة !! يحاول سليم مفاداته ولكنه لا يستطبع !!
يشك سليم بأنه لص فيحاول د.هسه الا ان السيارة توقفت حين اصطد.مت به !! يفتح ممدوح الباب و يقيد.حركته سريعا و يحمله ليضعه في سيارة صفوت بعد ان قام بتخد.يره .
مشهد داخلي ليلي
في احد المخازن المملوكة لصفوت ...
يجلس سليم مقيد. تماما ومكمم. الفاه و لم يستعيد وعيه بعد .
بينما يجلس صفوت وممدوح امامه وبمجرد ان يعود اليه وعيه تتسع عيناه ذهولا حينما يري صفوت امامه !!!
يحاول ان يتكلم ولكنه لا يستطيع !! يدرك بأن صفوت سيصب عليه العذ.اب صبا فيبدو علي وجهه ملامح الهلع. !!!
صفوت : مالك يا سليم ؟ خا.يف ليه ؟؟
يحاول سليم الرد عليه ولكنه لا يستطيع !!
يمسكه ممدوح بقوة ويضر.به بقوة فيكاد ان يفقد وعيه من أثر قوة الضر.بة !!!
يضحك صفوت : بالراحة عليه يا ممدوح ، هو مش هيتحملك !!! علفكرة يا سليم ممدوح ده بياكل بنأدمين !!!
تكاد عينيه ان تخرج من مكانهما ر.عبا !!
صفوت : اكسر الحبطة اللي هناك دي يا ممدوح .
بعد ان يراه سليم يكسر الحائط وبهدمها بضر.بة خفيفة بقبضة يده يبكي سليم ويطلق صر.خاته !!!
مشهد داخلي ليلي
منزل ماجدة ...
يعد شادي الي المنزل بعد يوم عمل شاق ليجد ماجدة تجلس مهمومة !!!
شادي : الجميل قاعد زعلان ليه ؟
ماجدة : البنات يا شادي !!
شادي : مالهم ؟؟
ماجدة : لسه زي ما هما ، رافضين يذاكروا او يتكلموا معايا وكتير بيرفضوا الأكل كمان !!!
شادي : انا حاولت كتير معاهم ومفيش فايدة !!!
ماجدة : طلعين عنديين زي اللي جابهم .
شادي : البنات بعد ما كانوا بيحبوني جدا لما كنت المستر بتاعهم دلوقتي رافضين وجودي بشكل غريب !!!
ماجدة : علشان فاكرين ان انت السبب اني اتطلقت من ابوهم .
شادي : مع احترامي ليكي يا ماجدة اكتر حاجة شجعتني اني اتجوزك حبي للبنتين وذكاؤهم وشطارتهم .
ماجدة " تبتسم " : بس كده ؟؟
شادي " يبتسم " : انا بتكلم جد يا ماجدة ، تمارا وتاليا قبل جوازنا كانوا حاجة ودلوقتي حاجة تانية خالص .
ماجدة : والله يا شادي انا كمان مستغربة اوي ، ازاي كانوا بيحبوك بالشكل ده و فجأة ينقلبوا عليك بالطريقة دي !!! ومعرفش ازاي بنتين في السن ده يفكروا ان انت السبب في طلاقي من ابوهم ؟!!!
شادي : بناتك يا ماجدة ما شاء الله اذكيا جدا وتفكيرهم سابق سنهم بكتير .
ماجدة : انا خا.يفة عليهم اوي ، خايفة يضيعوا مني .
شادي : ادخل احاول معاهم .
غرفة الاطفال ...
يفتح شادي الباب ليدخل وعلي وجهه ابتسامة عريضة .
شادي : حبايبي الحلوين احلي بنوتين في الدنيا وحشتوني اووووي .
تنظر نحوه تمارا وتاليا ببرود ولم تجيباه !!
شادي : عاملين ايه في المذاكرة ؟؟
تتجاهل الطفلتين وجوده تماما !!!
شادي : انتوا بردو لسه مخاصمين اونكل شادي ؟!! فاكرين لما كنت بجيبلكم شيكولاته لما بتذاكروا ؟ انا النهاردة جيبتلكم شيكولاته كتير اوووي .
يستمر تجاهل الطفلتين له حتي يشعر باليأس ويخرج من الغرفة ويغلق بابها !!
في غرفة النوم
يستلقي شادي علي فراشه وبجواره زوجته ماجدة ...
ماجدة : انا مش عارفة اعمل معاهم ايه يا شادي ؟
شادي : ولا حاجة ، مادام شايفنا مهتمين بيهم للدرجة دي هيعندوا اكتر ، حاولي تتجاهليهم شوية .
ماجدة : اتجاهلهم ؟!! مقدرش .
شادي : فترة صغيرة بس لحد ما يستوعبوا ان اللي بيعملوه ده مفيش منه لزوم .
ماجدة " بدموع " : مش هقدر .
شادي : ميجو ، كفاية بقي علشان خاطري ، انتي وحشاني اوي .
بعد مرور بعض الوقت
شادي : احنا متجوزين من سنة ولحد دلوقتي مش مصدق نفسي .
ماجدة " تضحك " : ليه ؟
شادي : مش مصدق لحد دلوقتي اننا اتجوزنا !! انا كأني بحلم حلم مش عايز اصحي منه ابدا .
ماجدة : لا يا حبيبي انت مش بتحلم احنا فعلا اتجوزنا حقيقي ، لكن قولي بقي ليه مش مصدق ؟؟
شادي : الحقيقة انا كنت معجب بيكي من زمان وكنت بقول انك خسارة فيه .
ماجدة : وانا عمري ما حسيت بكده !!!
شادي : لأني كنت بخبي اعجابي بيكي لأنك ست متجوزة !! لكن كنت من جوايا بتمني لو تكوني مش متجوزة علشان نتجوز .
ماجدة : علشان كده كانت دايما عينيك مركزة معايا وانت بتدي البنات الدروس .
شادي : بصراحة ايوه ، لحد ما حصلت المعجزة واتطلقتي من جوزك حسيت وقتها ان فرصة عمري جاتلي .
ماجدة : لولا ان حسن ات.جنن كان هيفضل حلمك مجرد حلم و عمرك ما كنت هتحققه .
شادي " يضحك " : يا ريته اتجنن. من زمان .
ماجدة : بصراحة بعد اللي حصل لحسن كانت الدنيا سودا في عينيا ، مكنتش عارفة هكمل ازاي حياتي انا وبتاتي وهو في مستشفي المجانين لحد ما انت طلبت مني اتطلق منه ونتجوز ساعتها حسيت ان الامان بدأ يرجع لحياتي من جديد .
مشهد داخلي ليلي
في احد المخازن المملوكة لصفوت ...
سليم : ارجوك يا صفوت بيه انا معترف اني غلطت وندمان علي غلطتي لكن ارجوك بلاش تأ.ذيني .
صفوت : تفكيرك و طمعك هو اللي أذ.اك مش أنا !! وأذ.تني معاك رغم اني عمري ما بخلت عليك بحاجة .
سليم : سامحني ، غلطة يا صفوت بيه واوعدك اصلحها .
صفوت : هتصلحها ازاي ؟؟ ده انت مش بس اخدت شركتي وفلوسي وبس !! لأ وكمان دخلتني مستشفي المجا.نين علشان تضمن تتمتع بجر.يمتك انت و هدير !!!
سليم : هدير هانم مراتك هي السبب ، هي اللي ضحكت عليا واقنعتني نعمل كده !!!
صفوت : انت كداب ، انت اذكي شخص قابلته في حياتي ومستحيل هدير او غيرها تضحك عليك .
ثم يخرج صفوت مسد.سه ويصوبه تجاه رأسه !!!
سليم " بر.عب " : متمو.تنيش أبو.س ايدك !!!
صفوت : لازم تمو.ت !! مش هقدر اشوفك قدامي وانا عارف انك اخدت فلوسي وشركتي ومراتي !!!.......
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا