رواية بنت العمده الفصل الثالث 3 بقلم زهرة الربيع حصريه في مدونة قصر الروايات
رواية بنت العمده الفصل الثالث 3 بقلم زهرة الربيع حصريه في مدونة قصر الروايات
التالت ....علام اتنهد بضيق من كلامها وقال..... ايوه صح عملت الحاجات دي بس ده مش شغلي علشان تتريقي انا عملتهم خدمه لاهل البلد انا لسه ما بداتش مشروع وبشتغل في اي شغله لحد ما ربنا يفرجها ....واتنهد وقعد على السرير وقال.... بس ما جاتش عليكي قولي اللي عايزاه يا بت العمده الايام كفيله بكل شيء
نواره شافت الحزن في عيونو وزعلت على الكلام اللي قالته له بس كانت متضايقه من اللي عمله وبقت تقنع نفسها ان ده اللي يستاهله.... واخدت هدوم وراحت على الحمام
علام اتنهد ولبس حاجه للنوم والباب خبط راح فتح وكانت والدته وقالت بضيق .....العشا يا عريس
علام اخذوا منها وقال .....تسلمي ياما من يد منعدمهاش
امه ابتسمت بالعافيه وقالت بالهنا يا ولدي... قالت كده ونزلت بضيق
علام حط الاكل على الترابيزه
نواره طلعت من الحمام وهو التفت لها وقال بابتسامه ....عشا يستاهل بقك و
بس اتسعت عينيه بزهول واتجمد مكانه من منظرها كانت لابسه بيجامه رقيقه جدا عليها وشعرها الطويل نازل على ظهرها وجمالها من غير المكياج يخطف القلب
علام بلع ريقه و قال باعجاب..... سبحان من ابدع جمالك وصوره ...ونحت عودك ودوره
نواره ضحكت بخفه وراحت ناحيه الاكل وقالت.... كويس انهم جابوا اكل انا كنت جعانه قوي
علام قرب منها وقال... انا كمان جعان جعان قوي
نواره حمحمت وقعدت على الكرسي وقالت.... ما تترزع تتسمم وانا مالي
علام بص بدهشه وقال... اترزع واتسمم كمان عارفه يا نواره جمالك جمال رهوان
نواره ابتسمت وقالت ....عارفه
علام قال بابتسامه ....ولسانك لسان تعبان
نواره اختفت ابتسامتها وبصت له بغيظ وقالت... تعبان لما يقرصك ويخلصني منك قادر يا كريم ..اقعد خلينا نطفح ولا مهاينش عليك اكل كمان
علام اتنهد بيأس وقعد وبقى ياكل وهو بيبص لها بعجاب شديد وبيتامل كل ملامحها وتفاصيلها وهي ارتبكت جدا من نظراته وقامت بسرعه راحت غسلت ايدها
علام ابتسم وشال الصينيه وطلعها نزلها لوالدته وراح غسل ايده وطلع لقاها على السرير وبتصطنع النوم
ضحك بخفه على حركاتها ونام جنبها وقال بمكر.
كويس انك نومتي خلي الواحد يعرف ياخذ راحته.. وقرب منها
بس قعدت وبعدت بسرعه وقالت..... عايز ايه
علام ضحك وقال في واحده تعمل نفسها نايمه من جوزها ليله فرحها دي حتى ليله مفترجه
بقلم...زهرة الربيع
نواره بصتلو بضيق وخوف وقالت..... علام انا ما عاوزاش
علام ضحك وقال....بس انا عايز.... عايز من زمان يا بت
وقرب منها تاني بس دفعته ووقفت من على السرير وقالت بغضب.... وبعدين يا علام قلت لك ما ينفعش خليني اتعود عليك الاول اني خايفه
علام اتنهد وبص لها بتعب وقال....انتي خايفه ده انتي تخوفي بلد بحالها.... يلا يا نواره ما تستهبليش يا بت الليله فرحنا وامي هتاجي من الفجر تتطقص اقول لها ايه العروسه ما عاوزاش
نواره قعدت على السرير وقالت بدموع ...ايوه تقول لها ما عاوزاش ولا دي كمان هتعملها غصب عني.... لو هترضاها على نفسك اعملها
علام قرب منها وابتسم وقال .....خبيثه قوي يا بت العمده عارفه ان مهيحوشنيش عنك غير دموعك ....وازنه الغلاوه في القلب بالكيله
نواره ضحكت بخفه وبصيت له وقالت ....هو انت مش بتقول انك بتحبني يا علام ....خلاص سيب حبيبتك على راحتها لحد ما ارتاحلك شويه
علام ابتسم وقربها ليه وبص لعيونها وقال ....ماشس...بس على شرط واحد
نواره ابتسمت بارتباك وقالت....احم.. هو ايه
علام قرب منها قوي وقال.... عايز ادوق قربك يا نور العين... اي لمسه كله منك زين
نواره ابتسمت لا اراديا على كلامه ونظراته الجميله اللي كلها اعجاب وقالت بكسوف ورقه .... مفهماكش يا علام ... عايز ايه يعني
علام اتنهد بسعاده لما اتكلمت بالرقه دي قرب منها قوي
علام بعد عنها وهيه قالت بهمس خلاص كفايه كده
علام اتنهد وبعد عنها وقال..... ماشي الامر لله يلا هنام وقربها ليه وقال بضيق....بتعرفي تنامي لوحدك ولا اغني لك
نواره ضحكت عليه وقالت..... لا هنام لوحدي
علام قال ...امم مبسوطه دلوك مرتاحه كده
نواره ابتسمت وقالت.... قوي
علام اتنهد بغيظ وقال ... قوي.... طب نامي يا اختي
نواره ضحكت وفضلت بين اديه لحد ما راحت في نوم عميق وعلام ابتسم وهو بيضمها ليه اكتر ونام هو كمان براحه وسعاده هو حاسس انه ملك الدنيا بين ايديه
في صباح يوم جديد قامت من النوم على مضايقات مستمره منو فتحت عينيها بضيق و قالت ....بتعمل ايه على الصبح
علام ابتسم وقال..... مستني القمر يصحى
نواره قالت بنوم.....هو فيه قمر بيصحى دلوك... ربنا يهديك
و لسه هتقوم مسكها بسرعه وقال رايحه فين خليكي جاري شويه مستعجله ليه
نواره اتنهدت و قالت.... هروح استحمى واغير خلقاتي يمكن ابوي يفتكر ان ليه بت و يجي يطل عليها
علام ابتسم وقال....ما تزعليش من ابوكي يا نواره هو عايز مصلحتك
نواره وقفت بضيق وقالت.... والله انا متاكد ان مصلحتي مش معاك يا علام بس انت بقيت امر واقع وخلاص مضطره اقبل بيه
... قالت كده وراحت تاخد هدوم ليها
علام بصلها بدهشه وقال ....مضطره تقبلي بيه ....وعلى ايه ما نتطلقوا وكل واحد يروح لحاله
نواره بصت له بسرعه وقالت ....هو ينفع
علام بصلها بدهشه اكبر وقال.... هو افرض ينفع هتطلقي مني يا نواره ما كانش العشم
نواره رفعت شفتها بغيظ وقالت.... عشم ايه انت متجوزني غصب ليه محسسني اني كنت عاشقاك في الضلمه
علام وقف وقرب منها وقال.... انت بس اعشقيني في الضلمه في النور ما يهمنيش اموت واسمعها من شفايفك وقتها هالغي اسم علام من البطاقه واكتب بداله حبيب نواره
نواره ابتسمت بخفه على كلامه اللي بيحرك قلبها غصب عنها واتنهدت وقالت ....علام هو انت حبيتني ميته
علام بص لعيونها جامد وقال... مفاكرش ولا عارف ميته بالظبط بس كل اللي اعرف ان عمرك في حياتك ما كنتي واحده عاديه بالنسبه لي طول عمري فيه بنات وفيه نواره
نواره ابتسمت وقربت منه وبصت لعيونه قوي وقالت ...كمل وايه كمان كلامك حلو قوي
علام ابتسم وقال... ده مش كلام ده احساس عاش فيا من وقت طويل... ادمان وما لوش علاج لاني معايزش اشفى منيه واصل
نواره ابتسمت بسعاده شديده وهو قرب منها قوي
بس بعدو عن بعض بخضه لما الباب خبط جامد
علام كان هيتشل حرفيا لان دي كانت اول مره يحس انها مبسوطه بالقرب منه مسح على وشو وقال بغضب ...الله يخرب بيت النحس اللي على كتافي ومبيهملنيش واصل ده
نواره ضحكت جامد وهو راح فتح الباب وكانت والدته حاول يتكلم طبيعي وقال ....اتفضلي يا ست الكل
امه دخلت ومعاها صينيه فطار وسلمت على نواره وقالت صباحيه مباركه يا عروسه جبت لكم الفطار
نواره خدت منها الصينيه حطاها على الطاوله وقالت بابتسامه ... اتفضلي يا حجه
امه بصت لها بضيق وقالت.....يزيد فضلك يا حبيبتي
واخذت ابنها على جنب وقالت... ايه الاخبار
علام حمحم وقال...ها...اه اه طبعا دخلنا الحمد لله وكلو تمام...
امه بصتلو بشك وقالت...امم... فين منديل الدخله
علام بلع ريقه بارتباك وقال ....منديل ايه ياما ده كلام بردك المواضيع دي بطلت من زمان
امه قالت بضيق.... بطلت ولا ما بطلتش هو انا هعلقه على اول الكفر ....انا بس هشوفه
علام قال بضيق.... وتشوفيه ليه هتعملي لها تحاليل اياك... ولا مكدباني ...قلتلك حصل وخلاص
امه اتنهدت بضيق وقالت..... على راحتك يا ولدي بس معنى حديتك ده ما وصليش غير حاجه واحده وان اللي شاكه فيه صوح وانها كيف ما كانت فاتحه لك اوضتها ممكن تكون كانت فتحاها لحد تاني ووووو
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا