رواية بنت العمده الفصل الثانى 2 بقلم زهرة الربيع حصريه في مدونة قصر الروايات

 رواية بنت العمده الفصل الثانى 2 بقلم زهرة الربيع حصريه في مدونة قصر الروايات 

رواية بنت العمده الفصل الثانى 2 بقلم زهرة الربيع حصريه في مدونة قصر الروايات 

نواره ضربت  على خدودها بخوف وقالت.... يا مراري ده هريدي اخوي امشي من هنا بسرعه ...ولا ادارى الدارى قوام اخلص

علام قال بارتباك...ادارى  فين بس

نواره  دفعته بسرعه وشدت عليه الستاره خبته وراها في الوقت ده دخل هريدي  بغضب شديد وابوها معاه

نواره انتفضت بخوف وهريدي اول ما دخل جري عليها مسكها من رقبتها بغضب وقال.... يا فاجره يا خاطيه هخنقك باديا هخلص عليكي يا وسخه

 ابوه جري عليه وبقى يبعد ايده عنها بس مش راضي يسيبها نواره كانت بتختنق بس في الوقت ده اتفاجئ باللي شده بقوه ودفعه جامد خبطه في الحيط 

هريدي وقع على الارض وشاف علام جري عليها وبقى يقول بلهفه ...نواره ردي عليا كلميني يا حبيبتي

نواره كانت بتكح وتشهق وابوها راح جاب لها كبايه ميه اودهالها بسرعه وكان مخضوض جدا عليها وبيقول.. استر يا رب

علام بقى يشربها وبيقول بلهفه ...هدي نفسك  اتنفسي زين على مهلك

هريدي بصلهم بغضب وقال بزعيق ....كمان مخبياه في اوضتك يا فاجره يا ...خلاص ما بقاش حد هامك واصل

ولسه هيقرب منها تاني علام وقف قدامها بحماية...وابو نواره وقف قدام هريدي وقال بغضب ...هريدي هو انا مت ولا ايه

 هريدي قال بغضب.... ما انتاش شايف كانت مخبياه عندها يا ابوي...لساتك بتدافع عنها بعد كل ده

ابوه قال بغضب.... انا ما بدفعش بس انا لسه عايش وهحلها من غير مشاكل... انزل استناني تحت وخلينا نتكلم ومتعليش صوتي اكثر من كده 

هريدي لسه هيتكلم ابوه قال بغضب ...عظيم بيمن لو ما سمعت الكلام ونزلت لا انت ولدي ولا اعرفك يا هريدي قلت ايه عاد

 هريدي اتنهد بياس ومشي بغضب شديد وهو مش شايف قدامه

العمده اتنهد وحاول يهدى وبص لعلام بغضب وقال ....وانت يا جدع انت.... وشك ما اشوفهوش تاني لحد الفرح والا قسما بالله راح اروحك على نقاله سمعت

 علام اتنهد وقال.... انت تؤمرني يا عمده

 وبص على نواره وقال بابتسامه.... انا تحت امر عيونك يا عمده 

نواره بصتلو بدهشه وابوها قال بغيظ.....عيوني اه... طب غور من وشي بدل ما  اخزق انا عينيك الاتنين  يلا غور

 علام اتنهد ومشي 

والعمده بص لنواره بغضب وقال.. انا همسمرها البلكونه دي ..انا غلطان اصلا اللي قلت تشمي نسمه هوا

 وطلع دقايق ورجع جاب خشبه ومسامير ركبهم على البلكونه بحيث الباب ما يتفتحش وقال بغضب..... لما اشوف اخرتها معاكي انتي وولد الغفير ابن الكلب ده

بقلم...زهرة الربيع

قال كده ومشي بسرعه وهي بصت للبلكونه بدموع ولسه هتقعد شافته بيخبط عليها خبطات خفيفه

اتسعت  عينيها بزهول وراحت وقفت عند البلكون وهي بتبص له بغضب وقالت..... الله يخرب بيتك ما تغور من هنه عاد 

علام ما كانش سامعها من القزاز بس قرا حركة شفايفها ابتسم وطلع صباع الروج اللي اخذه منها وكتب على القزاز

الناس بتتكيف بجوان ولا سيجاره.. وانا كيفي عيونك يا نواره

 نواره قرت الجمله واتنهدت بياس وعلام ابتسم وغمز بعيونه ومشي بسرعه 

نواره قالت باستغراب.... مجنون ده ولا ايه... يا رب صبرني 

وعدت ايام تجهيز الفرح ونواره كانت ممنوعه من الخروج من البيت ..وعلام مش عارف يقابلها ابدا

والعمده كان قعد مع ابنه واقنعه بالعافيه انها لازم تتجوز من غير شوشره عشان ما حدش يجيب في سيرتهم وسيره اخواتها البنات اللي لسه ما اتجوزوش

 جه يوم الفرح وعلام كان عامل احتفال على الضيق قدام بيتهم بحضور قرايبه واصحابه كانوا بيغنوا ويرقصوا مبسوطين جدا 

والعمده في المقابل عمل احتفال كبير جدا لبنته بحضور اعيان البلد بعد ما كل واحد احتفل بطريقته راح علام واتنين شهود لبيت العمده بعد العشا وكتبو الكتاب ورجع على بيته مع عروسته وكان ابوه وامه في استقباله ووالده سلم عليهم سعاده اما امه كانت متضايقه جدا وبالعافيه سلمت على نواره

 اول ما طلعو اوضتهم نواره قعدت على السرير بخنقه وبقت تقلع الطرحه بضيق شديد 

علام دخل وقفل الباب وفرك ايده بحماس وقال.... مبروك يا عروستي نورتي دارك يا نواره

نواره بصت للمكان بقرف شديد وقالت داري.... هو فين الدار ده 

علام اتنهد بضيق  وقال... هنبتدي تلقيح من دلوك يا بت العمده... بس حقك ما هو لازم بعد السرايا اللي كنتي قاعده فيها ما تشوفيش ده دار 

نواره وقفت بغضب وقربت منه وقالت بحده.... كنت قول الكلام ده لنفسك قبل ما تيجي وتعمل عملتك المهببه وتطمع في حاجه انت مش قدها

علام اتنهد وبص لعيونها جامد وقال..... بس انا قولت لنفسي كثير قولت لها كلام ما يتقالش... وصدقتني كمان..و شاور على قلبه وقال .... بس ده رفض قالي احنا بنعيش مره واحده.. يا تتعاش مع نواره يااما بلاش

 نواره بصتلو بارتباك من كلامه ونظراته وهو قربها ليه قوي وقال ....القلب اشجع جزء في الجسم يا بت العمده ولا بيعرف حواجز ولا فوارق.. ولا بيهمه اي حد ولا بيسمع لاي حد انتي ما عشقتيش يا نواره لو عشقتي هتفهمي اللي بقوله زين

 نواره ارتبكت قوي بين ايديه وبصت لعيونه اللي مركزين على عيونها باعجاب شديد وحاولت تتمالك نفسها وبعدت من بين ايديه وقالت بغضب ....شغل الاشعار ده لا بياكل ولا بيشرب معاي ولا هيغير انك غصبتني على الجواز منك.... المهم دلوك عايزه انام فين خلقاتي خليني اغير الفستان ده

علام  ابتسم وقال بحماس.... في الدولاب ده ..الخلقات اللي بعتهم ابوكي طبقناهملك فيه وانا كمان جبت لك عليهم  كام حته حلوين هيعجبوكي

نواره  ابتسمت بسخريه وهي رايحه للدولاب وقالت.... اللي يعجبني مستحيل تقدر تدفع حقه

علام اتنهد بضيق وقال.... ملوش لزوم الكلام ده يا بت الناس انا مش قليل للدرجه دي الحاله مستوره والحمد لله ...وبعدين جوزك مهندس خريج هندسه و لو دلوك الدنيا ملطشه شويه مسيري هشق طريقي وهتشوفي شغلي في كل مكان 

نواره ضحكه جامد وهي بتختار حاجه تلبسها وقالت بسخريه ....  تشق طريقك وتشقه ليه هو آذانا في حاجه..... انا بشوف اعمالك في كل مكان اصلا

.. في برج الحمام بتاع ام سعيد... وفي عشه البط بتاعة الخاله سنيه ..وبيت الكلب بتاع عم مدبولي ...مش هي دي اعمالك اللي بتعملها  يا هندسه

علام اتنهد بضيق من كلامها وووو

تفاعل يا بنااااات جامد

تكملة الرواية من هناااااااا