رواية فلانتيمو الفصل الثالث 3 للكاتب عادل عبد الله حصريه في مدونة قصر الروايات
رواية فلانتيمو الفصل الثالث 3 للكاتب عادل عبد الله حصريه في مدونة قصر الروايات
#فلانتيمو
#للكاتب_عادل_عبد_الله
الحلقة ٣
قولتلها : لولا انك مامت خطيبتي كنت عاكستك فعلا .
قالتلي " بضحك " : بطل يا واد ، انت باين عليك شقي اوي .
قولتلها : لا ابدا ، بس الحلاوة والجمال ده ينطقوا الحجر !! انا مش عارف عمي ازاي قادر يبعد عنك كل الفترة دي ؟!!
لقيتها بتضحكلي وبدأت نظرتها تتغير وهي بتكلمني !!!
كل ده وخطيبتي قاعدة بتضحك وواخدة الكلام مجاملات وهزار .
معتز : يخربيتك يا تيمو ، ده انت كده بتعاكسها بشكل صريح !!!
تامر : انا ماكنش في نيتي حاجة ، معقول أعاكس ام خطيبتي ازاي وبأي وش يا ميزو ؟!! كل كلامي ده معها مش اكتر من مجاملات و بس .
معتز : المهم انها تفهم انك بتجاملها ومتفهمش حاجة تانية !!!
تامر : من يومها بدأت معاملتها معايا تتغير وكانت كتير تتصل بيا يمكن اكتر من خطيبتي نفسها !! كانت في البداية تشتكي من خطيبتي او الولد الصغير انهم تعبوها من الشقاوة و مش بيسمعوا الكلام لحد ما في مرة اشتكت من جوزها والكلام حود شمال !!
معتز " بشغف " : ايوووه احكيلي من هنا بقي بالتفصيل .
تامر " يضحك " : قالتلي تصدق يا تامر انت عندك حق في كلامك .
قولتلها : كلام ايه ؟
قالتلي : اهمال عمك ليا !! ده بيعاملني يا تامر كأني عجزت خلاص !!!
تامر : ازاي ده ؟!! ده انتي جميلة اوي و لسه شباب يا طنط .
قالتلي : بجد انت شايفني كده يا تامر ؟ ولا بتجاملني ؟؟
اتكسفت اقولها الحقيقة اني بجاملها فقولتلها : بجد طبعا ، معقول مش حاسه بنفسك ؟ ده اكيد كمان فيه رجالة كتير بيعاكسوكي ؟؟
قالتلي : كتير ، كتير اوي يا تامر بيعاكسوني وانا بعمل نفسي مش اخدت بالي !!
قولتلها : شوفتي يا طنط ان انا معايا حق ومش بجاملك ؟
قالتلي : ما بلاش طنط دي علشان بتضايقني اوي .
اندهشت وسألتها : اومال اناديلك بأيه ؟؟
قالتلي : ناديني بأسمي عادي ، قولي يا سوسو .
لقيت نفسي اتلخبطت جدا وسألتها : وهقولك كده ازاي ؟؟ اكيد عمي او خطيبتي لو سمعوني بقول كده هيتضايقوا .
زعلت و قالتلي : خلاص متقولش طنط ولا تقول اسمي ولا اي حاجة خالص .
معتز " يضحك " : يخر.بيتك يا تيمو !! وبعدين ؟؟
تامر : من بعدها كان يوم زيارتي لخطيبتي اروح الاقي امها قاعدة من بدري ولابسه ومتزينة كأنها هي العروسة !! وكانت بتتكلم معايا اكتر من بنتها !! لغاية ما في يوم وانا هناك واتغدينا وبعد الأكل طلعت فلوس لبنتها وبعتتها تشتري حاجة !! بنتها استغربت وانا كمان اندهشت !! خطيبتي طلبت منها اني انزل معها ، لكن امها قالتلها ميصحش تخرجي وتمشي مع خطيبك قدام الناس ، بعدها نزلت خطيبتي ولقيت امها جات قعدت جنبي وبدأت تشتكي من حمايا واهماله لها ووو...... .
معتز : والولد الصغير كان فين ؟؟
تامر : كان بيلعب مع اصحابه .
معتز : وبعدين ؟؟
تامر : بعد اللي حصل قررت طبعا اني لازم انهي الخطوبة ، لأني مش هينفع اتجوز البنت .
معتز : و نهيت الخطوبة في نفس اليوم ؟
تامر : لأ ، لكن بعدها بأيام بدأت افتعل اي مشكلة مع خطيبتي علشان انهي الخطوبة لكن امها كانت بتهدي الامور بينا .
معتز : وبعدين ؟ عملت ايه مع البنت وامها ؟
تامر : البنت كانت صعبانة عليا ، لكن مينفعش كنت اكمل معاها بعد اللي حصل ، فضلت شهرين كانت امها كل كام يوم بتهيأ الظروف اني اروحلها وانا شهو.تي غلبتني واستمريت علي الوضع ده شهرين لحد ما في الاخر قولت لأمها ان بنتها كده محر.مة عليا ومينفعش اتجوزها ولازم تساعدني اني انهي الخطوبة دي بأي شكل !!
وفعلا بدأت اتعامل مع البنت بشكل مش ظريف لحد ما كرهتها فيا و نهيت الخطوبة .
معتز " يضحك " : حرام عليك ، يعني روحت تتجوز البنت وعملت علاقة مع امها ؟!!
تامر : مش من ناحيتي ، هي الست دي منها لله هي السبب !!
معتز : كمل ، كمل يا تيمو باقي مغامراتك .
يضحك تامر : كله كوم بقي واللي عرفتها بعدها كوم تاني !!
معتز " يضحك " : ايوه بقي ، ألعب يا تيمو ، مين دي وعرفتها ازاي ؟؟
تامر : لما اشتغلت في الشركة الجديدة ، الشركة كانت في عمارة كبيرة وكنت كل يوم وانا رايح الشغل الصبح كنت بشوف واحدة جميلة جدا دايما كانت بتنزل في نفس الوقت اللي انا بطلع فيه الشغل .
معتز : كانت ساكنة في نفس العمارة ؟
تامر : ايوه يا ميزو بس كانت جميلة جدا جدا .
معتز " يضحك " : يا ابن المحظوظة !! وخطبتها دي كمان ؟؟
تامر : كان اسمها جميلة وهي كانت جميلة اوي فعلا ، جسم وشكل وبياض وحلاوة وشعرها الاصفر الدهبي اللي باين من تحت الكاب وعيونها الزرقا اللي تشوفها من تحت نضارة الشمس ولا شفايفها الوردية ..
معتز " يضحك مقاطعا " : كفاية يا تيمو ، ابو.س ايدك ، الواحد اعصابة متتحملش !!
تامر : جميلة لفتت نظري بجمالها الأوفر ده وكان نفسي اكلمها ، لكن طبعا كنت متردد اكلمها لتسببلي مشكلة في الشغل .
معتز : كنت عايز تمشي معها بس و لا تخطبها يعني ؟؟
تامر : هي كانت عروسة تج.نن بصراحة لكن مستواها هاي اوي وخوفت اترفض ، علشان كده فكرت اتعرف عليها الاول واشوف هنفع اتجوزها ولا لأ .
معتز : وكلمتها ازااي ؟؟
تامر : فضلت متردد لغاية ما في يوم وانا داخل العمارة شوفت الكلب الابيض الصغير بتاعها بيجري خارج من العمارة روحت مسكته وهي كانت نازلة وراه بتجري واول لما وقفت قدامي اخدت الكلب و قالتلي ميرسي اوي ، من رقتها حسيت ان اعصابي سابت !!! اجمل كلمة ميرسي سمعتها في حياتي يا ميزو .
معتز " يضحك " : وعملت ايه يا فلانتيمو ؟؟
تامر : تاني يوم روحت الشغل بدري عشر دقايق علشان اضمن اشوفها ، ووقفت تحت العمارة مستنيها تنزل وفعلا بعد دقايق نزلت وكان معها كلبها وشافتني واقف مستنيها واول لما قربت مني بصتلي وابتسمت برقة وقالتلي صباح الخير .
معتز : اوووووبا ، كده السنارة غمزت يا معلم !!
تامر : فعلا لكن كنت حابب أتأكدت ، وكررت نفس الحكاية اكتر من يوم ورا بعض لحد ما في يوم سألتني : انا عايزة اعرف انت كل يوم بتيجي و تقف تستني تشوفني ولا انا بيتهيألي ؟؟
ابتسمت وقولتلها : بصراحة ايوه .
قالتلي : ليه ؟
قولتلها : معرفش لكن من اول يوم شوفتك فيه وانا حاسس اني عايز اشوفك كل يوم ، لدرجة ان يوم الاجازة بكون عايز اروح الشغل علشان اشوفك .
قالتلي " بابتسامة رقيقة " : ياااه ؟ ده الموضوع كبير بقي ؟؟
ضحكت وقولتلها : كبير اوي اوي .
ضحكت وقالتلي : هنشوف الموضوع ده بعدين ، باي .
قولتلها : بعد اذنك افتحي تليفونك .
فتحت التليفون مسكته منها و سجلت رقم تليفوني عليه واتصلت علي نفسي ، و قولتلها رقمي معاكي وانا اخدت رقمك ، ممكن اكلمك ؟ ولا اسببلك ازعاج ؟؟
قالتلي : لا بالعكس انا فاضية علطول ، كلمني في اي وقت
.
سابتني ومشيت وانا طلعت الشغل وانا شايف الدنيا حلوة اوي ومش مصدق اني كنت واقف و اخدت رقم اجمل بنت شافتها عينيا !!!
ورغم اني كنت بقي عندي خبرة في العلاقات مع البنات لكن اترددت يومين ، عايز اكلمها وخايف لحد ما اتصلت عليها لكن خوفت وقفلت بسرعة !!
معتز : لأ مستحيل !! مش تيمو اللي يعمل كده !!!
تامر : وانا هكدب ليه يا ابني !! المهم بعد ما قفلت بسرعة هي اتصلت عليا ، واول لما شوفت رقمها قدامي علي تليفوني قلبي قفز في صدري من الفرحة .
جميلة " تضحك " : لقيتك رنيت وقفلت فقولت اتصل ممكن مش معاك رصيد !!
تامر : لا لا معايا طبعا ، انا قفلت لأني خوفت اكون اتصلت في وقت مش مناسب !!
ضحكت جميلة : قولتلك اني علطول فاضية اتصل اي وقت ، المهم بقي قولي انت اخدت رقم تليفوني ليه ؟ وايه حكايتك عايز ايه بالظبط ؟؟
" صوت تامر "
انا خوفت اقول عايز اتجوزها او اخطبها لتصد.مني من اولها وتقولي فرق المستويات .
معتز : صح يا تيمو .
رديت قولتلها : حكايتي بدأت لما جيت اشتغلت في الشركة هنا في اول يوم وشوفت اجمل بنت في الدنيا كلها .
جميلة : مين دي ؟
تامر : انتي طبعا ، انتي يا جميلة اجمل بنت شوفتها في حياتي ، ومن اول يوم شوفتك وانا معجب بيكي ونفسي اكلمك ، وكنت كل يوم بتمني اشوفك وانتي نازلة لحد ما حصل موقف الكلب بعدها كنت بتعمد اكون موجود كل يوم قبل ميعادي علشان اضمن اني اشوفك .
جميلة : يعني انت بدأت تعجب بيا من اول يوم لك في العمارة ؟!!
تامر : ايوه خصوصا لما كنت كل يوم بشوفك تنزلي الصبح في نفس الميعاد !! انتي بتشتغلي اكيد علشان بتنزلي كل يوم في الوقت ده ؟؟
جميلة " بارتباك " : لا لا مبشتغلش خالص .
تامر : اومال بتنزلي كل يوم الصبح ليه وفي نفس الميعاد ؟
جميلة : بروح النادي ، انتي بتشوفني نازلة ومعايا الكلب ، معقول هروح شغل ومعايا كلب ؟؟
تامر " يضحك " : سورري انا غبي .
جميلة : فعلا .
تامر : نعم ؟؟؟
جميلة : اسفة ، مش قصدي ، اقصد انك مكنتش مركز .
تامر : ايوه ، لكن اكيد دخول النادي مش مرتبط بميعاد محدد !!
جميلة : ايوه .
تامر : و ليه كل يوم بتنزلي في نفس الميعاد !!!
جميلة : اتعودت علي كده .
تامر : انا معرفش اي حاجة عنك يا جميلة غير اسمك بس ، معرفش عايشة ازاي او مع مين او لكي اخوات او لأ ؟ انا معرفش اي حاجة عنك !!!
جميلة : وانت اللي يهمك ايه ؟ تعرفني انا ولا اللي عايشة معاهم ؟؟
تامر : انتي طبعا .
" صوت تامر "
بعدها بدأت علاقتي بجميلة تكبر يوم عن يوم وساعة عن ساعة وبدأ اعجابي بيها يتحول لحب .
وكلامنا في التليفون اصبح مقابلات وخروجات وفسح ، ومع الوقت شوفت ان جميلة كانت بتصرف كتير جدا وبلامبالاة وعدم اهتمام وكأن عندها بحر فلوس عمره ما يخلص !!
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا