رواية المنتقبه والاعمى الفصل الثاني 2 بقلم هويدا زغلول حصريه في مدونة قصر الروايات

 رواية المنتقبه والاعمى الفصل الثاني 2 بقلم هويدا زغلول حصريه في مدونة قصر الروايات 

رواية المنتقبه والاعمى الفصل الثاني 2 بقلم هويدا زغلول حصريه في مدونة قصر الروايات 

المنتقبه والاعمى 

الحلقه الثانيه

عاصي بصدمه 

انت بتقول ايه يعني انا بقيت اعمى 

في الوقت ده دخل محمود خال عاصي وقال 

في اوضه المستشفى 

محمود 

اهدى يا عاصي ما تعملش في نفسك كده يا حبيبي انا خالك محمود جنبك اهو هو ايه اللي حصل يا دكتور 

الدكتور 

للاسف حصل حادثه جامده جدا والاب والام ماتوا وهو اللي فضل عايش بس للاسف فقط بصره 

محمود 

لا حول ولا قوه الا بالله يا حبيبي يا عاصي انا جنبك مش هسيبك ابدا 

عاصي 

انا مش عايز حد يبقى جنبي انا مش عايز شفقه من حد كل اللي انا عاوزه ابويا وامى سابوني ومشيوا بدري قوي 

محمود 

طب احنا دكتور نقدر نروح بيه البيت امتى 

الدكتور 

في الوقت اللي انتم عاوزينه بس لازم راحه تامه لعاصي وكمان لازم حد يكون مقيم معاه علشان يدي له الدواء في ميعاده 

محمود 

ما تقلقش كل حاجه تبقى كويسه يا عاصي 

وبعديها محمود دفن اخته وجوزها واخد العزا وخد عاصي وروحوا الفيلا بتاعته 

وكل ده ومروان بقى صاحب عاصي وما سابوش ابدا ولا لحظه 

وبعد شهر من موت ابتسام وعماد 

في فيله عاصى 

عاصي 

كفايه كده يا مروان عليك انت بقى لك شهر قاعد معايا وما سبتنيش خالص متشكر جدا سبحان الله انا حاسس ان انا عارفك بقالي سنين مش من يوم الحادثه 

مروان 

والله يا صاحبي كل ما اقول همشي قلبي ما يطاوعنيش وبكون عاوز اقعد معاك بس خالك محمود بيجي كل يوم يطمن عليك ساعه كده وبيمشي 

عاصي 

هي ما بقتش فارقه مين يجي ولا مين ما يجيش خلاص ما بقاش في بعد امي وابويا بعديهم انا ما ليش حد في الدنيا 

مروان 

كده برده يا صاحبي ينفع تقول الكلام ده في وشي كده وعيني عينك احنا بقى لنا شهر اصحابي يا جدع هههههههههههه 

عاصي 

لا فعلا ربنا يخليك ليا انت فعلا ما سبتنيش وطلعت جدع صدق ان انا نفسي افتح عشان اشوف الصاحب الجدع ده شكله ايه 

مروان بضحك 

هههههههههههه اوعى تفتح عشان اول ما تشوفني هتتسارع من شكل 

عاصي 

هههههه ضحكتني والله يا مروان ربنا يخليك ليا يا حبيبي انت اللي مهون عليا بعد موت ابويا وامي وما سبتنيش ودايما قاعد معايا 

وفي الوقت ده دخل محمود عليهم الفيلا وقال 

في الفيلا 

محمود 

عامل ايه دلوقتي يا عاصي يا ابني طمني عليك 

عاصي 

عامل ايه يعني يا خالي اديني بحاول امثل وابقى كويس لكن انا قلبي مكسور نفسي ومش قادر ارجع اعيش زي الاول 

محمود 

ربنا يصبرك يا حبيبي ويصبرني على فراق اختي من بعد ما ماتت وانا ما ذقتش طعم الفرحه ولا طعم السعاده ابدا 

عاصي 

مش عاوزك تشيل هم يا خالي بلاش تسيب شغلك وتيجي انا مروان جنبي ومش هيسيبني 

مروان 

ايوه فعلا يا استاذ محمود انا هفضل جنبه ومش هسيبه الا لما هو يطلب 

مروان 

انا كتبت اعلان ان احنا عايزين حد يجي هنا عندنا يكون مقيم مع عاصي عشان لو انا رحت شغلي ولا حاجه تدي له العلاج وتاخد بالها منه لحد ما انا اجي 

محمود 

برافو عليك انا كنت برده بفكر فيك كده 

عاصي 

والله انتوا تعبين نفسكم علاج ايه اللي بتتكلموا فيه انا الدنيا ما بقتش فارقه معايا اصلا ولا عاوزه اعيش ولا عاوز الدنيا دي من اساسه 

محمود 

كفايه تشاؤم بقى واكتئاب يا عاصي يا ابني عاوزك ترجع عاصي بتاع زمان وما فيش حاجه بعيده عن ربنا وان شاء الله العلاج هيخليك تفتح وترجع زي الاول واحسن 

بس كنت عاوز اسال بالنسبه لشغل ابوك وشركاته هتعمل فيه ايه 

عاصي 

ما هو ده اللي انا كنت هتكلم فيه يا خالي مروان هيسيب شغله وهيجي يستقر معايا هنا في الفيلا لان مروان هو اللي هيكون عيني هناك في شركات بابا ويعرفني ايه اللي بيحصل وانا هعرفه يعمل ايه 

محمود بصدمه 

ايه ده يا عاصي ده انا كنت بحسبك يا ابني هتقول لي امسك انت شركات ابويا للدرجه دي انت مش واثق في ابدا 

عاصي 

معلش يا خالي انا واثق فيك وبحبك لكن شغل بابا انا فاهم فيه اكتر وهكون عارف انا هعمل ايه وفي حاجه في مخي انا لازم اعملها ومش هرتاح غير لما تحصل 

محمود 

وده يبقى ايه بقى 

عاصي 

لما تحصل يا خالي هتعرفها في وقتها بس كل اللي انا هقدر اقوله لك انا مش هنام ولا هدوق طعم الراحه غير لما تحصل وافش غاليلي 

اما في فيله شوقي كان قاعد وبيتكلم مع مراته كوثر وقال لها 

في فيلا شوقي 

شوقي 

الله الله الحق يا كوثر فيله عاصي بن عماد منزلين اعلان ان هم عاوزين خدامه تكون مقيمه مع عاصي علشان بقى اعمى انا مش عارف هو ايه اللي خلاه يتنيل يعيش مش كان يحصل ابوه يخلصنا 

كوثر 

بتهيا لي يا شوقي عاصي استحاله يقدر يقف قصادك في السوق من بعد اللي حصل لابوه امه انا حاسه ان هو هيخرج من السوق خالص 

شوقي 

يا ريت ده يبقى هو كده ذكي وعمل الصح بدل ما دبر له مصيبه هو كمان زي ما دبرتها لابوه 

وفي الوقت ده رحمه بنوته منتقبه كانت شغاله عند شوقي في الفيلا جت وقالت له 

رحمه 

تحت امرك يا شوقي حضرتك عاوزني في حاجه

كوثر 

ما حدش نادى لك اصلا انت ايه اللي جابك من المطبخ 

شوقي 

لا يا كوثر انا اللي ناديت عليها بصي بقى يا رحمه انت النهارده اخر يوم ليكي هنا في الفيلا عندنا 

رحمه بزعل 

طب ليه كده يا شوقي بيه هو انا عملت حاجه حضرتك عارف ان انا غلبانه ومحتاجه الشغل جدا ليه بس تمشيني من الشغل هو انا عملت ايه 

شوقي 

انا فعلا همشيكي من الفيلا عندي بس هوديكي فيلا ثانيه هتكوني فيها هناك عيني اللي بشوف بيها تعرفيني كل صغيره وكبيره وتفهميني ايه اللي بيحصل هناك ولما اديك الامر تخلصي عليه تخلصي على طول 

كوثر 

هو انت ما لقيتش غير رحمه دي تغرق في شبري ميه ما تعرفش تعمل كل الكلام ده طبعا وهتكشفنا من اول لحظه دي متخلفه هي منقبه بس توتر عينيها هيبان من اول ما يبص لها 

شوقي بضحك 

هههههههههههه يبص لمين يا كوثر بقول لك عاصي بقى اعمى خلاص كده عاصي خلص بس زياده امان هزرع هناك رحمه عشان اعرف هو بيفكر في ايه ورحمه شاطره هتجيب لي كل صغيره وكبيره هناك وتعرفني كل الاخبار صح يا رحمه ولا ايه 

رحمه 

طب ليه اعمل كده ما انت حضرتك عارف اني انا بتوتر بسرعه وخايفه اعمل حاجه غلط ما تعجبش حضرتك وتزعل مني 

شوقي 

ما هو انت هتروحي وهتعملي كده غصب عنك عشان لو انت ما عملتيش كده ابوكي عم صبري الجنايني هخلص لك عليه ساعه زمن وهتسمعي خبره قلت ايه 

رحمه بخوف على ابوها 

رحمه 

لا حاضر هعمل كل اللي حضرتك هتقول لي عليه بس الله يخليك خلي بابا بعيد ما تدخلهوش في الكلام ده بابا كبير في السن مش في حمل اي تعب ولا فهم لاي حاجه 

شوقي 

برافو عليك يبقى يلا ادخلي لمي كل هدومك وهخلي السواق يوصلك قرب الفيلا وانت بتدخلي لوحدك وعرفيهم ان انت جايه بسبب الاعلان بتاعهم 

رحمه 

حاضر يا شوقي بيه على اذن حضرتك 

وبعديها رحمه راحت تلم هدومها من الاوضه بتاعتها ودخل عليها احمد ابن شوقي وقال لها 

في اوضه رحمه 

احمد 

هو الكلام اللي انا سمعته ده حقيقي ولا خيال يعني ايه بابا هيمشيكي من هنا ما انت عارفه ان انا بحبك وبموت فيك ليه بابا بيعمل معايا كده 

رحمه 

اعمل ايه يا استاذ احمد غصب عني انا لازم امشي من هنا وربنا يسترها لان انا خايفه من الشغل الجديد قوي بس مغصوبه عليه

احمد 

ده انت رايحه عند عاصي عارفه يعني ايه عاصي يعني اخبث واحد في الدنيا يعني اقذر واحد في الدنيا على العموم انا كمان عاوز اعرف اخبار عاصي كلها سامعه ولا لا 

رحمه 

هو للدرجه دي اللي اسمه عاصي ده مخيف قوي كده وكلكم متوترين منه ده حتى انتم بتقولوا عليه ان هو اعمى يعني لا حول بيه ولا قوه ليه بقى خايفين منه 

احمد بعصبيه 

اخرسي مين ده اللي انا اخاف منه هو في بيننا بس طار قديم وانا هاخده منه يعني هاخده وكل حاجه هتحصل هناك انا لازم اعرفها سمعتي ولا لا 

رحمه 

حاضر يا استاذ احمد تحت امر حضرتك ممكن بقى تسيبني الم هدومي 

احمد 

حاضر يا رحمه هسيبك انا بس كل اللي زعلان منه ان انا مش هعرف اشوف العيون الجميله دي تاني ولا هعرف اسمع الصوت الجميل ده تاني 

رحمه 

ربنا يجبر بخاطرك يا احمد بيه عن اذنك بقى عاوز الم هدومي 

وبعديها احمد خرج ورحمه لمت كل هدومها وراحت عند صبري ابوها في الجنينه وقالت له 

في الجنينه 

رحمه 

انا ماشيه يا بابا رايحه اشتغل في فيلا ثانيه عشان شوقي بيه هو اللي قال لي كده ما تخافش علي خلي بالك من نفسك وبلاش تدخل نفسك في اي حاجه عشان خاطري 

صبري ابو رحمه 

انا مش فاهم حاجه يا رحمه هو في ايه هو انت عملت حاجه وحشه لشوقي بيه عشان كده مشاكي ولا ايه اللي حصل ولا زعلتك كوثر هانم في حاجه 

رحمه 

انا ما عملتش اي حاجه يا بابا هم اللي عاوزين يمشوني من هنا علشان يودوني اشتغل في حته ثانيه بس ما تخافش ان شاء الله كل مده هاجي واطمن عليك وكل يوم هكلمك في التليفون اطمنك عليا ما تقلقش يا حبيبي وخدي الدوا في ميعاده وخلي بالك من نفسك 

صبري 

ماشي يا حبيبتي انت اللي خلي بالك من نفسك وما تخافيش اللي بيرزق العباد ربنا مش شوقي به ولا غيره ان شاء الله ايه الشغل الجديد يكون فاتحه خير عليك وترتاحي فيه اكثر من هنا 

رحمه 

يا رب يا بابا خلي بالك من نفسك يا حبيبي مع السلامه 

وبعديها السواق وصلها قرب الفيلا بتاعه عاصي وقال لها 

في العربيه 

السواق 

انزلي يا رحمه الفيلا هناك اهي وزي ما شوقي بيه يفهمك اول ما تدخلي تعرفيهم ان انت الخدامه الجديده اللي جايه عن طريق الاعلان ومش عاوزين اي غلط فاهمه ولا لا 

رحمه 

حاضر فاهمه وربنا يستر وما غلطش 

السواق 

لا انت ما ينفعش تغلطي لان انت لو غلطتي عم صبري هو اللي هيروح فيها سامعه ولا لا 

رحمه 

سمعه وفهمه وشايفه وربنا يستر وما غلطش عشان انا اعصابي متوتره جدا من الشغل الجديد ده

وبعديها رحمه نزلت من العربيه ودخلت على فيله عاصي وخبطت على الباب وفتحت لها فتحيه الخدامه وقالت لها 

في فيله عاصي 

رحمه 

مساء الخير انا الخدامه الجديده جيت لكم عن طريق الاعلان 

فتحيه 

والنبي يا بنتي ما فاهمه منك حاجه ادخلي ادخلي عاصي بيه وصاحبه جوه يمكن هم اللي يفهموكي 

وبعديها فتحيه دخلت ورحمه دخلت وراها وراحوا عند عاصم مروان وفتحيه قالت 

فتحيه 

هو انت ناوي تستغنى عني يا عاصي بيه ولا ايه هو انا عملت حاجه تزعلك يا ابني ليه جايب خدامه جديده غيري 

مروان 

ما تخافيش يا فتحيه ما فيش حد يقدر يستغنى عنك ده حتى عاصي بيشكر في اكلك جدا احنا بس جايبين واحده جديده علشان تكون مقيمه مع عاصي وتخلي بالها منه في الوقت اللي انا هكون فيه في الشغل وانت كنت بتشتغلي فيه قبل كده واسمك ايه

رحمه 

انا اسمي رحمه وكنت بشتغل في فيلا ناس محترمين وكويسين بس هم ماتوا وانا قعدت في بيتنا ما بقتش اشتغل واول ما شفت الاعلان جيت على طول ممكن تقبلني في الشغل 

مروان بص لعاصي وقال له 

مروان 

بص يا عاصي هي شكلها محترم جدا على فكره بس هي منقبه وشكلها شاطر ومتعلمه صح يا رحمه 

رحمه 

اه انا متعلمه والنقاب مش هيضايقني في شغلي بل بالعكس حضرتك هتشوف مني اسلوبي في الشغل هيعجبك جدا 

مروان 

بلاش توجهي الكلام ليا انا وجهي الكلام لعاصي بيه هو ده اللي انت هتقعدي معاه وهتكوني مقيمه معاه واللي يريحه لو مش موافق على النقاب متاسف جدا هنشوف غيرك 

عاصي 

ما فيش مشكله يا مروان النقاب هعمل بيه ايه ولا هيضايقني في ايه خليها بس اهم حاجه تديني الدواء في ميعاده وتكون متعلمه وما تتدخلش في اللي ما لهاش فيه 

رحمه 

لا طبعا انا ما ليش دعوه باي حاجه انا جايه هنا اكون مقيمه مع حضرتك وخلاص انا كنت شغاله فيلا قبل كده وما كانش لي دعوه باي حاجه 

فتحيه 

ماشي يا عاصي بيه يعني انا اروح اشوف شغلي ولا ايه 

مروان 

اه يا فتحيه روحي شوفي شغلك وما لكيش دعوه برحمه هنا قلت لك علشان تكون مقيمه مع عاصي بيه وبس 

وانت يا رحمه تعالي معايا عشان اعرفك الدوا بيتاخد امتى واوقاته امتى عشان انا يا دوبك هروح شغلي وانت تخلي بالك من عصبي 

وفعلا رحمه راحت مع مروان وفهمت كل حاجه وبقت تدي لعاصي دواه في ميعاده بالظبط 

وفي اخر اليوم بالليل فتحيه كانت داخله بالعشا في اوضه عاصي ورحمه قالت لها 

رحمه 

لا هاتي انا اللي هدخل ادي له العشا 

فتحيه 

ربنا يبارك لك يا بنتي خدي اديه له 

وفي الوقت ده رحمه تليفونها رن وردت وقالت 

رحمه 

الو 

المجهول 

خلصت عليه زي ما قلت لك بالسم اللي معاكي 

رحمه 

لا لسه هحط السلم اهو في الاكل واخش اديه له 

المجهول 

يا ريت بسرعه ساعه زمن وتتصلي بيا تفرحيني وتعرفيني ان عاصى مات 

رحمه بخوف 

حاضر 

وفعلا راح حطه السم على الاكل ودخلت بيه في اوضه عاصي

في اوضه عاصي 

رحمه 

اتفضل يا عاصى بيه العشا قوم عشان تتعشى 

وبعد كده حصل .......

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا