رواية هو سابنى وسافر الفصل الأول1 بقلم آلاء الواقع حصريه في مدونة قصر الروايات
رواية هو سابنى وسافر الفصل الأول1 بقلم آلاء الواقع حصريه في مدونة قصر الروايات
هو سابني… وسافر.
قالّي: "هارجعلك، سنة واحدة بس يا ليلي."
وانا صدقتة بس هو ما رجعش.
والغريبة؟
ماقدرتش ألومه.
يمكن علشان كنت عارفة من الأول إنه اللي بيمشي مبيرجعش.
ولا علشان كنت حابة وجوده، حتى لو من بعيد… من غير ما ألمسه.
مدّيت إيدي ولمست دراع الكرسي اللي كان بيقعد عليه،
نفس المكان… نفس الركنة….
كل حاجة في المكان بتفكرني بيه…
ضحكته، صوته، ريحه برفانة
حتى الكلمة اللي كان بيقولها لما يزهق لسة بتردد في ودني :
"يلا نتمشّى سوا."
بس المرة دي… مشي لوحده.
سابني قاعدة في نفس المكان،
هو متاكد عمري ما هتحرك من غيرة
ولا يمكن مستنياش غيره.
سكتت شوية، وسرحت،
وصوت جوايا بدأ يهمس:
"فاكرة لما ودعني؟
لما وقفنا في المطار؟"
والذاكرة خدّتني معاها.
---
[فلاش باك – مطار القاهرة]
الزحمة حواليّا، شنط بتتسحب، وعيون بتدمع وقلوب بتتقطع وقلوب تانية فرحانه برجعه حبايبها .
وأنا واقفة قدامه، قلبي بيهتز كأنه هيتوقف عن النبض.
كان لابس الجاكيت اللي بحبه،
وشايل شنطته على ضهره،
وعنيه معلقة بيا، كأنه بيحفظ في باله كل تفاصيل وشي قبل ما يمشي.
قاللي وهو بيبتسم بصعوبة، كأنّه بيحاول يثبت وعده في الهواء:
"سنة واحدة بس يا ليلي، وهارجعلك.
استنيني… إوعي تغيّري، إوعي تنسيني، او تحبي غيري.
ضحكت ودموعي كانت محبوسة في عينيّ،
حاولت أبان قوية وقولته:
"سنة؟ ده أنا هستناك العمر كله لو لزم يا ادهم، سافر وانت مطمن ان قلبي عمرة ما يحب راجل غيرك "
ابتسم، ومسح على شعري وقالي:
"ماقدرش أعيش من غيرك.. بس الظروف، بعدك عيني يا ام اجمل جوز عيون شوفتهم فحياتي
وبعدين…
لمس إيدي، سابها، ومشى.
وقفت مكاني، ببصّ على ضهره وهو بيبعد،
وكل خطوة بياخدها…
كنت حاسة إن قلبي بيتكسر شوية أكتر.
---
فوقت من ذكرياتي...
بسبب دمعة نزلت من غير إذن، مسحتها بسرعة، وهمست:
هو قدر يبعد…
بس أنا؟
أنا مش قادرة وبتعذب في بعدة.
كل ليلة…
بحلم إني أشوفه،
بحلم أصحى ألاقيه جنبي،
ولما بتخيله بيبتسملي… بحس إني مش عايزة حاجة من الدنيا كلها."
يا تري لسه فاكرني؟
ولا واحدة تانيه شغّلت قلبه؟
هيرجع إمتى؟
طب لقنا بعد اربع سنين غياب هيكون ازاي؟
هشوف في عينيه نفس اللمعة؟
ولا الزمن غيّر كل حاجة؟
ويا ترى… أنا هفضل مستنيّه لحد إمتى؟
الحقيقة اني مستعدة أستناه العمر كله،
لو بس عارفة…
إنه راجع ليا حبيبي بتاع زمان.
يتبع...
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا