رواية مطلوب زوج فولاذي الفصل الخامس 5 بقلم زهرة الربيع حصريه في مدونة قصر الروايات
رواية مطلوب زوج فولاذي الفصل الخامس 5 بقلم زهرة الربيع حصريه في مدونة قصر الروايات
الخامس _ نعم انزل اضرب مين دول اربعه قد الحيطان
مياسين غمضت عينيها بغضب شديد وقالت بحده... قولت انزل اضربهم بدل ما انزل انا
مصطفى اتنهد وقال...و على ايه خليك مرتاح انت يا اسطى
وداها التليفون وقال....خالي اول رقم مليش غيره.... عشان الجنازه وكده
مياسين كانت عايزه تضحك على كلامه بس كملت وقالت بجدبه.... روح اضربهم يا مصطفى اخلص
مصطفى قال حاضر هضربهم خليهم يوصلوا طيب
وصلوا الشباب عند عربيتهم ولسه
هيعدوهم مصطفى قال بسرعه ....ولا انت وهو... استنو معانا خناقه يا شباب لو مش هنضايقكو معانا يعني
مياسين بصيت له بغيظ وقالت من بين اسنانها.... هنزل اطلع عينك
مصطفى اتنهد وتقدم عليهم وقال.... فيه ايه يلا انت وهو انتوا ازاي تعاكسو مراتي... مين فيكم اللي عاكسها... اللي عاكسها لوحده ينزل بسكات البقايا يفضلو مرتاحين
وقفو الاربعه ونزلوا واتلفو حواليه وقال بصوت يخض.... كلنا عاكسناها
مصطفى بلع ريقه وبصلها وقال ....طلعوا الاربعه عاكسو..انتي ايه رايك في الحوار ده
مياسين بصت له بحده وهو اتنهد وقال ...ليه يالا بتعاكسوها انتو الاربعه هيه جمعيه
واحد منهم قال بغضب شديد... اه جمعيه ليك شوق في حاجه
مصطفى قال بسرعه..انا ما ليش... ما ليش يعني بس هي دي رجوله
واحد ثاني ضربه في صدره وقال... اه رجوله
مصطفى اتنهد وقال..يعني عايزيت تتخانقوا من الاخر ما فيش تفاهم... يبقى نتخانق مدام عايزين تتخانقوا نتخانق ...ويا دوب قال كده ونزلو فيه ضرب الاربعه مع بعض بقى يحاول يضرب قد ما يقدر بس كانوا كتير عليه
مياسين كانت بتبص عليه بابتسامه ...بس بسرعه صعب عليها وما قدرتش تستحمل... وطلعت السلاح من شنطتها ونزلت وضربت طلقتين في الهوا وقالت.... بغضب بس يلا انت وهو لبيتكم في الحجز الليله اقسم بالله
ااشباب اول ما شافوا السلاح معاها وقالت كده ركبو عربيتهم بسرعه وطلعوا جري
مياسين قربت مصطفى وقعدت جنبه وقالت بقلق...مصطفى انت كويس
مصطفى بص لها وقال بالم ... انتي معاكي السلاح وساكته من ساعتها ...منك لله يا بعيده
بعد شويه وصلوا الاوتيل ونزلتو من العربيه وهيه مسنداه ووصلتو الاوضه بتاعتهم ونيمته على السرير
دخلت جري جابت علبه الاسعافات وبقت تحط له على وشه اللي اتورم حرفيا وحاسه بذنب شديد قالت...انا اسفه يا مصطفى مكنتش افتكر هيضربوك كده
مصطغى قال بغيظ منها ....امال كنتي فاكر هيعملوا ايه هيتعشوا معايا مش شايفاهم زي التيران
مياسين قالت بضيق... خلاص بقى مش هتحايل عليك اليوم كله انت كمان خرع
جه يقعد بسرعه هو بيقول انا خرع ....بس اتالم جامد وقال..ااااه الله يخرب بيتك عضمي كله اتكسر ...وعيني..عيني مش حاسس بيها
مياسين حست بحزن شديد عليه وابتسمت ابتسامه جميله وقربت منه بتردد. فوق عينه برقه شديده وقالت... الف سلامه على عيونك
بقلم...زهرة الربيع
مصطفى اتسعت عنيه بدهشه و بلع ريقه بالعافيه وقال... ما هو ..مهو عيني الثانيه كمان وجعاني
مياسين ابتسمت بكسوف وقربت منه من عينه الثانيه برقه وقالت.... احسن كده
مصطفى هز راسه بالموافقه وحط ايده على خده وقال.... وهنا كمان
مياسين ابتسمت من خده براحه جدا وبعدت ولسه هتقوم مسك ايدها
وحط صباعو على على شفا وقال ..هنا كمان بيوجعني...قوي قويييي
مياسين عضت على شفتها بكسوف شديد وقالت... مصطفى وبعدين
مصطفىقربها ليه جامد وقال بهمس... مصطفى جننتيه.... جننتيه وطيرتي عقله مع اول رفة جفن من من عيونك... وقرب منعا
بعد شويه ولسه هيقرب لها تاني قامت بسرعه وقالت بارتباك. ... مصطفى انا..انا مش هقدر دلوقتي لو سمحت
مصطفى ابتسم بتفهم وقال...تمام.... طب خليكي جمبي عايزك جنبي وبس
مياسين اترددت شويه بس مددت جنبه بقلق و هو شدها باحتواء وحنان وقال ..ميس...مش نفسك تحكي لي حاجه
مياسين ابتسمت وقالت.....حاجه ايه
مصطفى قال بابتسامه....حاجه...زي مثلا ليه خايفه مانقرب وليه كنتي رافضه تتجوزي اصلا
مياسين اتنهدت بحزن وقالت ....الحب بيضعف قوي يا مصطفى....وانا مش عايزه ابقى ضعيفه مش عايزه ابقى ضعيفه ابدا
مصطفى بصلها وقال باستغراب.ليه بتقولي كده...اوقات كتير الحب بيبقى قوه وسلاح كمان
مياسين لمعت عيونها بالدموع وقالت..لا...هو فعلا ضعف...انا مشوفتش في حياتي اقوى من امي كانت بمية راجل. .بس انهارت جدا وجالها اكتئاب بسبب جوازتين افشل من بعض الاول بابا اللي طلقها وبعد عنها علشان اتعرف على واحده غيرها .... اي نعم هو كان عنده اسبابه بس هي نهارت قوي بعد الطلاق وضعفت جدا....وعلشان تتغلب على ضعفها والمها راحت اتجوزت واحد اخذ كل اللي حيلتها وهرب انا عارفه ان هي حظها مش حلو بس هي اللي وصلت نفسها للضعف ده وانا مش عايزه ابقى زيها ابدا
مصطفى رفع وشه ليها وبص لعيونها ومسح دمعه وقعت على خدها بكل حنان وقال ....مش لازم كل حاجه حصلت لامك تحصل لك ....اكيد مش كلنا قدرنا واحد.... وبص لعيونها جامد وقال بتوهان.... مين ممكن يسيب واحده زيك يا ميس ...مفيش واحد عاقل يستغنى عنك علشان اي حاجه في الدنيا
مياسين ابتسمت وهي بتبص لعيونه وقالت ....كلامك حلو قوي يا مصطفى....من وقت ما عرفتك وانت محسسني اني جميله قوي عكس كل اللي عرفوني قبل كده
بس اتتهدت ووقفت وبعدت عنه وقالت....بس في النهايه انت اتجوزتني عشان ترجع المطعم بتاعك يعني جواز مصلحه وانا اتجوزتك علشان ما زعلش جدي...يعني مسيرنا هنتطلق
مصطفى وقف بسرعه وقرب منها وقال... بس انا مش ناوي اطلقك ابدا......انا عايزك تفضلي في الحض الدافي ده عمري كله... هي فرصه... اديني فرصه واحده...وانتي نفسك مهتقدريش تستغني عني جربي بس
مياسين ابتسمت وبعدت عنه وقالت ...اممم..نجرب مش هنخسر حاجه...و لو اني متاكده من فشلك
مصطفى ابتسم بسعاده شديده لما قالت كده وضمها بقوه وقال....انا صحيح فشلت كتير في حياتي...بس لان عمري ما كان هدفي بالجمال ده...عمري ما كنت متمسك بشئ زي ما انا متمسك بيكي وهكسبك اكيد
مياسين ابتسمت بسعاده من جواها.... سعاده اتمنيتها كتير رغم انها كانت خايفه منها وسمحت لنفسها تقرب منو بسعاده
بعد اليوم ده قضو اجمل ايام حياتهم كانت عسل بالمعنى الحرفي....كانوا دايما مع بعض
مياسين بقت تلبس لبس رقيق وكلله انوثه وخلت كل افكارها على جنب وبدات تعيش حياتها معاه بانبساط وهو كان بيعمل كل جهده علشان يطمنها ليه وتحبه
في يوم كانت قاعده في حضنه بتشوف فيديوهات على التاب وبيضحكوا سوا وكانت عن بيبيهيات صغيرين مصطفى قال بابتسامه...يا قلبي بموت في الاطفال شايفه حلوين ازاي
مياسين قالت بسعاده... جدا يجننو
مصطفى قرب منها بخبث وحط ايده على بطنها وقال ...مش نفسك في واحد منهم هنا
مياسين نزلت عيونها بكسوف وارتباك شديد وقالت.... مصطفى انا قولتلك....
مصطفى قاطعها وقال....قلت قلتي لي ايه بس انا مشتاق لك قوي ....مشتاق لقربك اللي مش عارف حتى طعمو ايه
مياسين ابتسمت بكسوف وقالت...بس انا لسه...
مصطفى بصلها بحنان وقال ...براحتك خالص...انا عايزك ما تبقيش متضايقه ولا متوتره وانا جنبك ومعاكي للاخر لو هستناكي العمر كلو
مياسين حطت ايدها على خده وقالت بسعاده ...انا مش مصدقه ان فيه حد وقف جنبي يا مصطفى ....مش مصدقه اصلا اني فتحت قلبي لراجل كده..انا مش عارفه انت عملت فيا ايه
مصضفى ضمها بقوه وقال... انا كمان مش مصدق انا ربنا عوضني بعد التعب اللي تعبته وشفته وانس وحدتي بيكي...ولسه هيقرب نطت من فوق السرير وقالت....يبقى نتعشى بره
مصطفى اتسعت عينيه بدهشه وقال...طب ما نتعشى جوه احسن
مياسين ضحكت وهزت كتافها بدلال وقالت.... ده بعدك
ضحك على رقتها وفضل متابعها بعيونه وهي بتختار حاجه تلبسها ومبسوطه جدا اتنهد وقال...طب هاخد شور سريع ونمشي
مياسين ابتسمت وقالت..متطولش انا جعانه مووووت
وهو دخل ...وميس فضلت مكمله بتختار حاجه مميزه تلبسها وبتحاول تبقى اجمل واحده في عيونه
في الوقت ده جاتلها رساله على التليفون مسكتو بتقراها بس اتصدمت لما لقيتها رساله من رقم مجهول مكتوب فيها.... انا خطيبه جوزك ...حبيت ابعث لك الرساله دي واقول لك اتقي الله حرام لما يكون علشان فلوسك يسيبني بعد ثلاث سنين خطوبه وهو معشمني بالجواز
وبعتت لها صور في حفله خطوبه وكان مصطفى بيلبسها الخاتم وكانوا مبسوطين جدا في الصور
مصطفى طلع من الحمام وقال ها قررتي هنتعشى فين
وقف وراها بس اتصدم بالصور اللي لمحها في التليفون اخدو منها وبقى يبص فيه بصدمه
مصطفى بلع ريقه بارتباك وكان هيتكلم لقى دموعها بتنزل بغزاره وقالت بدموع ولسانها بالعافيه بيتكلم ....ده صحيح انت انت خاطب وووو
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا