رواية طلاق بدون تبرير الفصل الرابع 4 بقلم زهرة الربيع حصريه في مدونة قصر الروايات
رواية طلاق بدون تبرير الفصل الرابع 4 بقلم زهرة الربيع حصريه في مدونة قصر الروايات
4_ عزت وقف اللعبه اللي بتعملها دي لان قسما بربي ما هستحملك اكتر من كده
عزت قال ....بس انت عارف اني مش بلعب فيروز حقي من الاول.. انا كنت هتجوزها قبل منك ولولا ان حضرتك لعبت بدماغها وخلتها فسخت خطوبتنا واتجوزتك.. متضايق ليه دلوقتي لما اطلقت منك وهتتجوزني داين تدان
حازم بصلو بغضب شديد وقال..... فيه فرق كبير .... لما سابتك واتجوزتني عملت كده لانها اكتشفت انها ما بتحبكش اصلا وعمرها ما حبتك وعرفت يعني ايه حب معايا انا وبس انما اللي بتعمله دلوقتي ده لوي ذراع مش اكتر هي بتقرب لك علشان تغيظني وانت عارف كده كويس وقف اللعبه دي لاني لو قولتلها على سبب طلاقنا مش هتفضل معاك ثانيه واحده
عزت ضحك جامد وقال ....بالكوا اربع شهور مطلقين جاي دلوقتي تقنعني انك ممكن تتكلم لو كنت تقدر تقول حاجه كنت قولتها من بدري ما تتعبش نفسك مش هخاف من تهديداتك دي
حازم قال بغضب شديد وزعيق... انت ازاي بالقزاره دي ازاي جالك قلب تبعدني عن مراتي بالتهديد وكمان عايز تتجوزها طب ايه رايك بقى ان انا خلاص جبت اخري وهقول لها واللي معاك اعمله
عزت ضحك ولف حواليه وقال.... لو كان اي راجل بدالك كان ممكن فكر وقاللي اعملي اللي انت عايزه ومرضيش يطلق اصلا....بس انا متاكد ان انت ما تعملهاش مش انت الراجل اللي تخلي مراتك تتكشف على الملأ ولا حتى لو طلقتها ...ده كمان حتى لو انا اتجوزتها برده متاكد انك مش هتقبل ان الفيديوهات اللي انا مصورها لكم سوا تتذاع ...عايز تفهمني ان العاشق الولهان يقبل ان فيروزته حبيبته تبقى ترند بفيديو خارج... هتستحمل انها ممكن ما تعرفش تعيش بعد كده وان الناس كلها هتشوف جسمها
حازم مسكو من هدومه بغضب شديد وقال...يا وقح يا حيوان دي بنت عمتك عايز تفضحها ... مش كفايه انك سمحت لنفسك تحط كاميرا في اوضتي وتصورني مع مراتي يا زباله
عزت دفع ايده بغضب وقال.... صورتك واتفرجت على الفيديو بدل المره 10 والصراحه فيروز جامده قوي عكس ما توقعتها وده اللي خلاني اذيد اصرار اني اتجوزها
حازم مقدرش يستحمل اكتر ونزل فيه ضرب بكل قوتو وهو بيقول... هقتلك هخنقك باديا يا سافل يا وسخ
عزت قال بالم ... مش هتقدر.... لو كنت تقدر تعملها كنت عملتها من الاول لانك عارف انك حتى لو خلصت مني الفيديو هيتذاع...والله هيتذاع وهفضحها اصلا انا عامل فوتوشوب للفديو واللي معاها فيه شخص غيرك ...يعني فوق انها هتتعرى للناس كمان هتتهم بالخيانه
حازم حاس بنار جواه و بعد عنه وهو بيحاول يتمالك اعصابه وقال..طب و المطلوب دلوقتي عايزه ايه وتوقف اللعبه دي انا مستعد اكتب لك اللي انت عايزه اي حاجه مقابل انك توقف اللي بتعمله ده وتحذف الفيديوهات دي
عزت ابتسم بسخريه وهو بيمسح الدم من على شفايفه وقال ....كل اللي عايزك تعمله انك تقف وتتفرج ....هتجوز فيروز وهاخدها منك زي ما اخدتها مني قبل كده ومش هتقدر تعمل اي حاجه والا انت عارفني ما عنديش مشكله على فكره افضحها وهي وعلى ذمتي لان هي السبب في كل ده لانها سابتني من الاول
حازم اتنهد بيأس ولصلو بقرف وقال...انا متأكد انك تعملها لانك وسخ ومعندكش ريحه الرجوله بس لازم تعرف اني مسيري هحل الموضوع ده ويمها لازم تخاف اوي على نفسك يا عزت
قال كده ومشي هو متضايق والغضب عاميه ركب عربيته وطلع وهو حرفيا مش شايف قدامه
عزت ابتسم بسخريه وراح فتح الدرج وجاب فلاشه منه وابتسم بخبث وراح خباها في خذنه صغيره في دلابه
فيروز كانت في اوضتها بتبكي جامد وبتفتكر كل لحظاتها السعيده معاه مش مصدقه انه سابها بالسهوله دي ومن غير اي سبب و كل اللي بيدور في دماغها انه طلقها لانها احتمال ما تخلفش ....فضلت وسط افكارها لحد ما راحت في النوم
في نص الليل حست بايد بتمشي عليها فتحت عينيها بخضه ولسه هتصرخ حط ايده على بقها وقال..... ده انا يا قلبي انا يا حبيبتي ما تخافيش
فيروز بقت تبصله بزهول شديد وعيونها مفتوحين جامد
حازم بص لعيونها وقال.. عايزه اقدم شكوى في عيوني.. لانهم ادمنو عيونك اللي قتلوني
شالت ايده من على شفايفها ودفعته وبعدت وقالت.... انت مجنون ايه اللي جابك هنا ....امشي اطلع قبل ما حد يشوفك
حازم ضحك جامد وقال.... ايه خايفه خطيبك يشوفني خايفه يغير عليكي... وضحك تاني وقال .....عزت غيور قوي لو شافني هنا ممكن يصور قتيل بكاميرا التليفون
وضحك تاني
فيروز اتسعت عينيها بدهشه وقالت بغيظ شديد... اوعى يكون اللي في بالي صحيح.... قرب يا حازم
حازم عض على شفته وقال ...ده انا هموت واقرب ..وادوق واجرب
مسكته من قميص وشدته عليها جامد وهي بتشم بقه
وقالت بغضب واشمئزاز ....يخربيتك انت رجعت تشرب ثاني .... قوم معايا... قوم يا رب صبرني
حازم قام معاها بالعافيه وهو بيضحك وقال.. اه يا رب صبرني على اللي محيرني
اخدتو على الحمام وحطت راسه تحت الميه شويه وبقت تنشف وشو وشعره وقالت بضيق ....يلا تعالى هرجعك اوضتك
حازم شدها عليه بقوه وبص لعيونها وقال.....ما تتجوزيهوش صدقيني هروح فيها ما تعمليهاش ارجوكي ...انا عملت كل اللي اقدر عليه انتي بس اللي تقدري توقفي الجوازه دي انت بس اللي تقدري تنقذيني
فيروز بقت تبصلو باستغراب وهي مش فاهمه اي حاجه و قالت بدموع..... حازم مش كنا اتكلمنا في الموضوع ده وخلصنا لو سمحت كفايه ما تصعبهاش عليا اكتر من كده انا لوحدي تعبانه
حازم بصلها وقال... انا تعبان اكتر منك انا بموت مش عارف اعمل ايه بحبك قوي مش قادر استحمل
فيروز حاولت تستغل الوضع انه مش حاسس بيقول ايه و قالت بسرعه ....طب طلقتني ليه ...طلعتني ليه يا حازم
حازم سند جبينه على جبينها وقال .. علشانك ....طلقتك علشانك ...ما يهونش عليا انك تتاذي ولا حد يتكلم عليكي وضمها ليه بقوه وقال بغضب شديد ...انت ملكي انا مش مسموح حد غيري يشوفك كل حته فيكي ملكي لوحدي مش هخلي حد يشوفها انا هحافظ عليكي ما تقلقيش..و حتى هو هيجي يوم واشيل عيونه من نص وشه لانه اتجرأ وشافك بيعم بكره تقولي حازم قال
فيروز ما كانتش فاهمه اي حاجه وقلبها بيدق بسرعه لما اتأكدت ان في حاجه مخبيها وقالت بلهفه.... هو مين ها هو مين اتكلم قل لي في ايه انا جنبك اهو انا معاك يا حبيبي
حازم حضنها وقال ...بجد انتي معايا خديني في حضنك خديني في حضنك الليله دي بس
فيروز قالت بسرعه.... طيب طيب هنعمل كل حاجه بس قول لي في ايه اتكلم يا حازم
بس لقيته بينام على نفسه وهو واقف بيتسند عليها اتنهدت و اخذته وحطيته على السرير وهو شدها بقوه لحضنه وقال .....خليكي في حضني خليكي جنبي ما تسيبنيش كوني لي وبس... انتي ليا وبس صح يا فيروز
فيروز نزلت دموعها بغزاره وضمته وقالت ....ايوه..ايوه ليك وبس اصلا مش قادره اكون لغيرك
حازم غمض عنيه وهو بيتمتم ويقول..... اوعي تبقي لغيري خليكي ليا اوعي تسمحي له يقرب لك ولا يحضنك يافيروز اوعديني و فضل يقول كلام غريب جدا لحد ما راح في النوم
فيروز اتنهدت بدموع وراحت نامت على الكنبه بتعب شديد
في صباح يوم جديد حازم قام من النوم وتفاجئ لما لقى نفسه في اوضتها بيبص لاقاها نايمه على الكنبه
قعد بسرعه وزهول وبقى يحاول يفتكر اللي حصل واتصدم قوي لما افتكر الكلام اللي قاله بلع ريقه بارتباك وقرب منها وقال ....فيروز فيروز قومي
فيروز قعدت بنوم وقالت..ااااه بالم من رقبتها
حازم اتنهد بحزن وقال.... رقبتك وجعتك من نومه الكنبه انا اسف حقك عليا
فيروز وقفت وقالت... مش مشكله انا متعوده على الوجع منك
حازم حس بسكين في قلبه لما قالت كده وقال... حكمه ربنا يا فيروز انا لو عليا ما اتمنيتش غير اني اكون سبب سعادتك وبس
و لسه هيمشي مسكت ايده بسرعه وقالت ....انا ممكن اسامحك على اي حاجه يا حازم بس ان تفهمني فيه اي انت امبارح قلت حاجات كتير وما فهمتش منها حاجه مين اللي عايز يبعدنا عن بعض مين اللي عايز يشوفني غصب عنك ليه اتكلم قول اي حاجه تنقذ اللي بينا انت عارف ان انا لسه بحبك اكيد عارف صح
حازم سحب ايده من ايدها وقال....احم انا كنت سكران امبارح... ما كنتش حاسس بقول ايه ما تاخديش على كلامي ...فيروز انا مش هقدر اقعد اكتر من كده هنا انا همشي بس اكيد هحضر فرحك بتمنى تبقي مبسوطه حتى لو ما كنتيش معايا وووو
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا