رواية طلاق بدون تبرير الفصل الخامس 5الاخير بقلم زهرة الربيع حصريه في مدونة قصر الروايات
رواية طلاق بدون تبرير الفصل الخامس 5الاخير بقلم زهرة الربيع حصريه في مدونة قصر الروايات
الاخير_انا كنت سكران امبارح... ما كنتش حاسس بقول ايه ما تاخديش على كلامي ...فيروز انا مش هقدر اقعد اكتر من كده هنا انا همشي بس اكيد هحضر فرحك بتمنى تبقي مبسوطه حتى لو ما كنتيش معايا
ولسه هيمشي جريت عليه وحضنته من ضهره وقالت ببكا... بس انا عايزه ابقى زعلانه معاك ومبقاش فرحانه مع غيرك.. قول في ايه ارجوك
حازم فك ايديها والتفت لها وباس جبينها بحنيه و مسك ايدها وحطها على قلبه وقال....هاقول لك حاجه واحده بس القلب ده من اول ما بدا يدق ما حبش غيرك ولا هيحب غيرك لحد ما يبطل دق
قال كده ومشي وهي قعدت على السرير وبقت تبكي جامد ويه مش فاهمه اي حاجه
حازم اخذ شنطه هدومه ومشي من البيت وهو مش قادر يشوفهم اكثر من كده مع بعض
عدت الايام وهو لوحده في شقه بعيده عنهم وقافل على نفسه ومش بيطلع حتى للشغل
وهي قاعده في اوضتها بحزن شديد ... وبتوافق عزت على اي حاجه يختارها بخصوص جوازهم
لحد يوم الفرح كانت عروسه زي القمر
بس كانت حزينه جدا وبتتمنى لو ما رجعتش ادت عزت امل تاني لانها مش قادره تكمل ابدا
اتعمل الفرح وكانت الناس معزومه وطلعت فيروز وايدها في ايد عزت وقعدت على المسرح وكانت بتبص في كل مكان بتتمنى تشوفه
لحد ما فعلا شافته نازل من عربيته كانت حالته صعبه جدا لابس بدله اي كلام ودقنه كبيره والحزن باين على ملامحه
نزلت دموعها اول ما شافته وهو اتقدم عليهم بحزن واضح
ابوه اتقدم عليه وحضنه بقوه وقال... تعالى حبيبي سلم على فيروز
فيروز سلمت عليه و كانت بينهم نظرات كلها شوق وعذاب قطعتها لما سحبت ايدها وبعدت عيونها بالم
حازم اتنهد وسلم على عزت بضيق شديد
ودخلو البيت مع المأذون والشهود علشان يكتبو الكتاب
ابو حازم قال.... طلع بطاقتك يا يا حازم
حازم قال بغضب...هو ما فيش غيري يشهد ولا ايه
ابوه ضحك وقال... مين قال انك هتشهد انت العريس ولازم ناخد بطاقتك
حازم و فيروز بصوا له بزهول شديد
وعزت قال بضحك... ده وقت هزار يا عمي الماذون مستني
عمه قال بسخريه ...هو فعلا مش وقت هزار طلع بطاقتك انت كمان عشان تشهد على جوازهم للمره الثانيه
عزت بصلو بغضب ووقف وقال.... انت بتقول ايه فيروز هتتجوزني انا
عمه قال بغضب.....فيروز ما بتحبش غير حازم هو وبس جوزها ولو ليها كلام تاني تقول
فيروز قالت بدموع..... بس يا خالي حازم هو اللي
قطعها وقال ....حازم كمان بيحبك وما يقدرش يستغنى عنك
عزت بص لحازم بتهديد وحازم نزل عيونه وقبل ما يتكلم ابوه مسك ايده وقال.... اللي خايف منه بقى معايا
حازم بص له بزهول شديد و هو ابتسم له وقال.... انت فاكر نفسك لوحدك في الدنيا ناسي ان ليك اب كنت شاركني في امرك يا ابني بدل ما سبتني اقسى عليك معاهم
فيروز وقفت بزهول وقالت.... هو في ايه يا خالي انا مش فاهمه اي حاجه
اتنهد وقال .... هاقول لك في ايه بس بعد ما ترجعي لجوزك والمأذون يمشي لان الكلام اللي هقوله مش هينفع يتقال قدامه
ام فيروز قالت ...انت بتقول ايه دي...
قتطعها وقال..انا اخوكي الكبير يا ناهد انتو مش بتثقو فيا لو سمحتو اسمعو كلامى
اختو سكتت
وعزت فضل واقف بخوف شديد ولسه هيتحرك لفوق
عمه قال بسرعه .... اللي مخبيه مش هتلاقيه تعالي عشان تشهد على العقد
عزت وقف بصدمه وحازم طلع بطاقته بسرعه وفرحه وفعلا كتب لهم الكتاب
وكان عزت واقف بخوف شديد من عمه ومن حازم اكثر
اول ما المأزون خرج وفيروز قالت بسرعه.... الماذون مشي وانا اتجوزته اهو من غير ما اسالك اي حاجه يا خالي فهمني في ايه
خالها قال ... في اني ما كنتش قد الامانه اللي حملها لي اخويا المرحوم وما عرفتش اربي ابدا ..عزت حاقد عليكم من وقت ما سبتيه واتجوزتي حازم وعمل اكثر حاجه مقرفه ممكن حد يعملها...حطلك كاميرا في اوضتك وصورك انت وجوزك مع بعض ...وما اكتفاش بكده عمل فوتوشوب للفيديو وخلي اللي معاكي شخص ثاني.. وبدا يستفز حازم بالفيديوهات علشان يطلقك
فيروز وامها كانو بيسمعوه بزهول
وخصوصا فيروز اللي كانت هتقع من طولها ومش مصدقه
وخالها كمل وقال....حازم كان صعب عليه يطلقك بس كانت اسهل بكثير من انه حد غيره يشوفك بالمنظر ده اسهل من اللي هتشوفيه من نظرات الناس لما يفتكروا انك كنت بتخوني جوزك وعلشان كده وافق وطلقك وكان بيحاول يلاقي اي طريقه مع الحيوان ده علشان يقدر يرجعك تاني بس انتي ما استنيتيش ...وانا كنت زيك زعلان منه علشان طلقك وعلشان كده وافقت على جوازكم
فيروز كانت مصدومه وبصت لحازم بدموع وخالها كمل وقال... لحد من كام يوم كان حازم متضايق وراح على اوضه عزت خفتهم يتخانقوا ورحت وراهم وسمعتهم بيتكلموا واول ما حازم مشي من الاوضه عزت خاف انه يلاقي الفلاشه راح خباهم في الخزنه الخصوصي بتاعته .. انا خليته طلع وحاولت افتح تلباس ورد بس ما عرفتش فاخدت الخزنه كلها
عزت كان منزل عينيه في الارض وخايف جدا وهي بصت له بزهول وقالت.... انا لو اي حد غير خالي قالي كده انا لا يمكن كنت اصدق يا عزت.....معقوله انت تعمل في انا كده... لييييه يا حيوان
عزت قال بغضب....لانك جرحتيني وكسرتيني يا فيروز لما قولتي انك بتحبيه وسبتيني علشانه.. انتي ليا انا لوحدي يا فيروز و
بس حازم شدها من ايدها وبص لعزت بغضب يرعب وقال... يعني الفيديوهات دلوقتي معاك يا بابا اكيد
عزت بصاو بخوف وقال... انا هوديك في داهيه لو عملت اي حاجه او
بس مسكه بقوه ونزل فيه ضرب بكل قوته وغل وبقى يضربه في عينيه بقوه شديده بطريقه مؤذيه جدا هو بيقول ....اللي عملته كلو كوم وانك سمحت لنفسك تتفرج عليها يكوم يا وسخ هشيل عيةنك دوووول دي مراتي وضفرها متحرم على اي راجل غيري فاهم
الكل كانو بيحاولو يبعدو حازم عنه لانو كان هيموتو شديده وبقوا يحاولوا يبعدوه ومش قادرين عليه وهو بيضربه في عيونه ومصر يعميه
لحد ما ابوه قال ....حازم ارجوك بس علشان خاطري انا يا ابني ما تموتوش سيبه ده امانه عندي ابوس ايدك يا ابني...حازم لو هتقتلوا اقتلني قبلو
هنا حازم بطل ضرب فيه وبقى يحاول يتمالك اعصابو وبعد وهو بيتمني يموته
ابوه اتنهد بارتياح ووقف عدت اللي كان بينزف وقال...انا هاخده هوديه مكان تاني يقعد فيه بعيد عنكم يلا ياعزت علشان نجيب هدومك واخدو وهو مسنده وعزت طلع معاه وهو ما صدق فلت من ايدين حازم
ام فيروز حضنتها هيه وحازم وطلعت وهيه بتزغرد بفرحه
حازم بص لفيروز وقبل ما تنطق ضمها بقوه لحضنه و سمح لدموعه بالنزول لاول مره وهو بيحمد ربه
فيروز حضنتو بكل قوتها وبقت تبكي بشده وقالت .....يا غبي ليه ما قلتليش يا غبي
حازم قال ....سامحيني ما عرفتش احميكي من الكلب ده والله نار في قلبي من وقت ما عرفت
فيروز حطت ايديها على خدوده وقالت بحب... اللي فات كله هننساه هنكمل من انهارده حتى فرحنا اهو بره هنعيشو من جديد وهنرجع سوا يا قلبي
حازم باس كفتها بحنيه وقال.... اهم حاجه تبقي جنبي اهم حاجه تبقي قدام عيوني انا اتعذبت قوي الفتره دي كنت بين نارين خفت قوي عليكي لو عمل اللي في داغه وخفت اكتر لتتجوزيه خفت حتى اتكلم... اول مره اخاف
فيىوز قالت بحب ودموع....من انهاردهة مش هنخاف هنفضل مع بعض ربنا يخليك ليا يا اجمل حاجه في حياتي انت حياتي اصلا يا حازم
حازم مسك ايدها وقال بابتسامه.... يلا افرحنا مستنينا
فيروز قالت بسعاده ....ده انا هرقص للصبح
حازم ضحك وقال ....رقص ايه بس اللي نسهرلو للصبح فيه حاجات اهم نعملها للصبح
فيروز ضحكه جامد وقالت....وحشتيني يا سافل
حازم ابتسم و قال ....انت اكتر يا قلب السافل من جوه ربنا ما يبتليني فيكي ابدا تاني❤️🌹
كنتم مع اسكربت طلاق بلا تبرير بقلم زهرة الربيع زهرتكم تحيكم ودمتم في امان الله مع من تحبون
لمتابعة الروايه الجديده زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا