رواية صرخات لا يسمعها احد الفصل الثاني 2 للكاتب عادل عبد الله حصريه في مدونة قصر الروايات
رواية صرخات لا يسمعها احد الفصل الثاني 2 للكاتب عادل عبد الله حصريه في مدونة قصر الروايات
#صرخات_لا_يسمعها_احد
#للكاتب_عادل_عبد_الله
الحلقة ٢
سألتهم هي ماما فين ؟ قالولي ماما مع مستر شادي جوه ، قلبي انقبض وسألتهم جوه فين وبيعملوا ايه ؟ قالولي مستر شادي ادانا exam نحله ودخل مع ماما يذاكرها جوه الاوضة !! بصيت علي اوضة النوم كانت مقفولة روحت ببطئ علشان مش يحسوا بصوت رجلي لحد ما وصلت قدام الباب وسمعت صوتهم وكنت مش مصدق وداني و حاسس اني في كابو.س مش حقيقة !!!!!
اكيد انا بحلم ، ايوه اكيد ....
فتحت الباب بالراحة وشوفتهم " كانوا في وضع. مخل لكن بملابسهم " .
بمجرد ما فتحت الباب اعتدلوا وبعدوا عن بعض و هرب هو وجري من الأوضة حاولت ألحقه لكنه جري بسرعة وخرج من البيت !!
رجعت لها فوق واول ما دخلت كنت فاكر انها هتبكي وتقولي سامحني وتترجاني اسامحها .
صفوت : اومال ايه اللي حصل ؟
وهنا أتي ممدوح بمشروب الشاي ووضعه امامهم وجلس معهم .
حسن : هقولك ايه اللي حصل ....
داخلي .. نهاري
شقة حسن ، غرفة المعيشة
حسن يدخل وعلي ملامحه غضب جم ويتجه نحو ماجدة التي تفاجئه بالصر.اخ في وجهه : ايه اللي انت عملته ده ؟؟ انت اتجننت ؟؟!!
حسن : ليكي عين يا ... !!! انتي مشوفتيش حاجة من جناني .
ماجدة : انت ازاي تت.هجم علي مستر شادي كده ، الراجل المحترم جاي يذاكر لأولادك يكون ده جزاؤه ؟!!
حسن : وكان بيعملك ايه في اوضة.النوم ؟
ماجدة " تصر.خ بصوت عال " : لأ انت فعلا مجنو.ن !! انا لازم اتصل بمستشفي المجا.نين .
وحاولت تقنعني بالطريقة دي أني انا اللي غلطان وان اللي شوفته تهيؤات !! واخدت البنتين ومشيت راحت عند اهلها .
فوجئت في نفس اليوم بالليل بوالدتي بتتصل بيا وتعاتبني علي اللي عملته !!
وبدل ما كانت تتر.جاني اسامحها وتكتم علي اللي حصل قالت لكل المحيطين بينا واشتكت لهم اني مش طبيعي و عندي وسو.اس وتهيؤات لدرجة اني شكيت في نفسي !!
اتدخلت والدتي واخواتي وبعض اقاربنا علشان يصالحونا وانا مقتنع ان اللي شوفته حقيقة مش تهيؤات .
وطلبوا مني اني اتصل بمستر شادي واعتذر له علي اللي عملته معاه !!
وبالفعل اتصالحنا ورجعت البيت تاني وبدأت تكلمني اني لازم اعرض نفسي علي دكتور امراض نفسية علشان اتعالج !!
مرت فترة وكل يوم كانت بتصطنع موافق تهيأ لي اني مش طبيعي واني مريض ، كل ده علشان تثبت برائتها من اللي عملته .
صفوت : مواقف زي ايه ؟؟
حسن : في يوم خلصت شغلي ورجعت البيت عادي زي كل يوم وبعد العشا دخلنا ننام زي كل يوم ، وبعد ما نمت حوالي ساعتين فوجئت ببها بتصحيني من النوم ...
ماجدة : حسن .. يا حسن .
حسن " بنعاس " : ايه يا ماجدة فيه ايه ؟؟
ماجدة : انت جيت أمتي ؟؟
حسن " بدهشة " : رجعت من بدري ، انتي نسيتي ولا ايه ؟!! لما قعدنا اتعشينا ودخلنا نمنا !!
ماجدة : ايه اللي بتقوله ده !! ده انا قعدت استناك علشان نتعشي سوا ولما لقيتك اتأخرت اوي اتصلت بيك وانت كنسلت عليا ، فدخلت نمت .
حسن : انتي اكيد بتهزري !! انا رجعت واتعشينا سوا زي كل يوم !!!
ماجدة : لأ يا حسن مينفعش كده ، انت لازم تكشف علي نفسك ، سكوتك علي نفسك بالشكل ده كل يوم حالتك بتسوء اكتر من الأول .
صفوت : يمكن تكون فعلا تهيؤات يا حسن وتكون ظالمها ؟
حسن : لأ مش تهيؤات ، لأني كنت كل مرة احاول اتأكد بنفسي ، يعني في اليوم ده قومت ودخلت المطبخ وشوفت باقي الأكل اللي اتعشينا به زي ما هي سالته من قدامي بعد العشا بالظبط .
صفوت : وبعدين يا حسن حصل ايه علشان تيجي هنا ؟
حسن : في يوم الصبح في ميعادي وقومنا فطرنا مع بعض والبنات في المدرسة وقبل ما انزل سألتها : عايزة حاجة قبل ما انزل ؟ رفعت ايدها وضر.بتني بالقلم علي وشي وقالتلي اف.ظع الشتا.ئم اللي ممكن تسمعها وصر.خت و لمت علينا الجيران !!
وانا كنت واقف وسطهم بحاول افهمهم اني معملتش حاجة وافهمهم اللي حصل لكن مفيش اي حد صدقني و قالولها لازم تروحوا لدكتور امراض نفسية ، بعدها بأيام لقيت الاتنين اللي دخلوك هنا من شوية مسكوني واخدوني في عربية وجابوني هنا ومن يومها معرفتش اخرج تاني !!
صفوت : انت هنا من امتي يا حسن ؟
حسن : انا هنا من حوالي سنة ونص ، وعرفت بعد ما دخلت هنا انها حجرت عليا و دلوقتي هي المتحكمة في كل فلوسي .
صفوت : متخافش يا حسن مسيرك تخرج من هنا وكل حاجة ترجعلك وتعرف تاخد كل حقوقك منها .
حسن : تصدق يا صفوت بيه ان بعد كل ده ترفع عليا قضية خلع وتطلق وتتجوز الاستاذ اللي مسكته معها ؟!!!
صفوت : يعني اتنين مجر.مين زيهم يرموك هنا وياخدوا فلوسك وبتنعموا بيها ؟؟
حسن " تتساقط دموعه " : وانا هنا زي ما انت شايف قليل الحيلة ، مش قادر ارجع حقي او حتي اشوف بناتي !!!
صفوت " بتأثر " : طيب خلاص يا حسن امسح دموعك ، عيب.كده !! ان شاء الله مسير الحق يظهر و تاخد حقك .
حسن : انا اسف لو كنت ضايقتك بحكايتي لكن انت اللي طلبت تسمعها .
صفوت : بالعكس انا زعلان علشانك واوعدك اني اقف جنبك واساعدك لما اخرج من هنا .
حسن : قولنا انت بقي يا صفوت بيه ، حكايتك ايه ؟
صفوت : هقولكم حكايتي ، لكن عايز اسمع حكاية الأخ ممدوح الأول .
ممدوح " بسعادة " : أنا ؟؟
حسن : قوله حكايتك يا دوحه متخافش ، احنا كلنا بنحكي لبعض وبنواسي بعض .
ممدوح : قوله انت يا حسن ، انا معرفش .
حسن : لأ قول انت حكايتك بنفسك يا ممدوح ، زي ما قولتهالي .
صفوت : قول يا ممدوح انت جيت هنا ليه ؟؟
ممدوح : انا خلعت.راس واحد .
صفوت : يعني ايه ؟
ممدوح : يعني خلعت.راسه .
صفوت : معلش انا مش فاهم خلعت ايه ؟ وضح كلامك يا اخ انت ، انا ممش فاهم كلامك .
حسن " يضحك " : ايوه زي ما سمعت كده يا صفوت بيه ، ممدوح خلع.راس راجل .
صفوت : خلع !!! انتوا بتهزروا وبتضحكوا عليا اكيد ، صح ؟؟
حسن : لأ ، مش بنهزر ، ده فعلا حصل حقيقي .
صفوت " بخوف " : يعني انت مجر.م ؟؟ قت.لت !!!
ممدوح " بعصبية طفولية " : لأ ، انا مش مجر.م .
حسن : لأ ، ممدوح مش مجر.م .
صفوت : مش هو قت.ل ؟؟ يبقي اكيد مجر.م .
حسن : اسمع حكايته وانت تفهم يا صفوت بيه .
صفوت " بتردد " : احكي .
ممدوح : حكايتي بدأت لما كنت طفل صغير وليد وحيد علي تلات بنات ، ولأن بابا وماما كانوا بيخافوا عليا جدا منعوني ألعب مع الاطفال من سني فكنت انطوائي جدا مش بلعب او بتكلم مع حد ومرت السنين وكبرت وفضلت دايرة معارفي صغيرة جدا ، عمري ما فكرت أذي حد او اعمل مشكلة مع حد .
حسن : قوله يا ممدوح علي اللي حصلك في اول شبابك .
ممدوح " بعصبية " : لأ .
صفوت " بشغف " : ايه اللي حصله في فترة المراهقة ؟؟
حسن : ممدوح في بداية فترة المراهقة اختفي اسبوع ورجع وبعدها حياته اتغيرت .
صفوت : اختفي !!! بقولك ايه يا حسن ، انا سمعت حكايتك وصدقتها واتعاطفت معاك ، لكن حكاية الأخ ده شكلكم كده بتضحكوا وبتتريقوا عليا فيها !!!
حسن : يا صفوت بيه صدق كل كلمة ، احنا مش بنضحك ولا بنتريق عليك زي ما بتقول ، كل اللي ممدوح بيقوله حقيقة واللي هتسمعه بعد كده واغرب من اللي فات كله حقيقي مفيش فيه ولا ذرة كدب ، ومن حقك تصدق او لأ .
صفوت : طيب كملوا .
حسن : ممدوح كان لسه ما بين ١٣ و ١٤ سنة في يوم اختفي وفضل غايب اكتر من اسبوع كامل وبعدها رجع و ...
صفوت " مقاطعا " : استني قبل ما تكمل ، اختفي فين وازاي ؟؟
حسن : معرفش ، كل اللي عرفته منه انه في يوم دخل ينام في اوضته زي كل يوم ، وتاني يوم اهله اهله اكتشفوا اختفاؤه و دوروا عليه اكتر من اسبوع لحد ما ظهر تاني في اوضة نومه مكان ما اختفي بالظبط !!!
صفوت : بردو مقولتش اختفي ازاي وراح فين ؟؟
حسن : ده انا معرفوش وهو مرضيش يقولي .
صفوت : اختفيت ازاي يا ممدوح ؟ وروحت فين ؟؟
ممدوح : معرفش .
صفوت : يعني ايه متعرفش ؟!! اكيد مكنتش نايم الفترة دي كلها !! قولنا بقي اختفيت ازاي وروحت فين ؟؟
ممدوح " بملل " : معرفش .
صفوت : لازم تقول علشان نصدق كلامك .
ممدوح : متصدقش ، انا مش عايزك تصدق .
صفوت : هو بيكلمني كده ليه ؟؟!!
حسن : ممدوح مبيحبش حد يسأله عن الحاجات دي بالذات .
صفوت : الكلام ده مش مقنع ولا يدخل العقل !! لازم يقول التفاصيل دي علشان نصدقه .
حسن : قول يا ممدوح ، اختفيت ازاي وروحت فين ؟؟
ممدوح " بضيق " : معرفش ، انا خلاص كده مش عايز اتكلم معاكم .
حسن : لأ ، خلاص احنا اسفين يا دوحة نكمل كلامنا ومتزعلش .
ممدوح : ماشي ، بس محدش يسألني كده تاني ؟؟
حسن : حاضر .
صفوت " بسخط " : كمل يا حسن لما نشوف باقي الحكاية الغريبة دي .
ينظر له ممدوح بسخط ، فيبتسم حسن ويقول : خلاص يا دوحه معلش علشان خاطري .
يبتسم ممدوح في صمت !!
حسن : قولتلك يا صفوت بيه ان ممدوح اختفي لمدة اسبوع وبعدها ظهر وحياته بعد كده اتغيرت تماما .
صفوت : ايوه ، حياته اتغيرت ازاااي ؟؟
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا