رواية عاجر الفصل السابع وعشرون 27بقلــم الكاتبـــة زينب ماجد (حصريه في مدونة قصر الروايات)

رواية عاجر الفصل السابع وعشرون 27بقلــم الكاتبـــة زينب ماجد  (حصريه في مدونة قصر الروايات)

رواية عاجر الفصل السابع وعشرون 27بقلــم الكاتبـــة زينب ماجد  (حصريه في مدونة قصر الروايات)

#عاجر 

{ بقلم الكاتبة زينب ماجد } 

الحلقة_ ٢٧ 

اول ما فتنا البيت ذبحوا جوا رجلينه تجراية دم .. 

ومسحوا الدم برجلي ومشيت دخلني للاستقبال  المولد طافي والكل كام يهفي مو يهوس بس يريدون هوى واني اختنكت من البدلة وهو يكل لاخلاص : مو كتله لمحمد يشغل المولد وينه 

وهو كاعد يحجي اجتي الوطنية 

كالن ابتعدن من الهوى خلي يجيها ، امل وكفت كدام المكيف وتصيح : يماااااي شنو هالحر الاكشر شنو هاليوم هذا .. موت حر مصيبة 

صفكن بنات عمهم وهوسن .. هو استحى من النسوان ذبن عبيهن 

كام وانسحب بسرعة وطلع واخلاص وكفت كالت : حبايب بدون زعل ما نريد تصوير كل صورة ممنوع فدوة لعيونج حتى لا يصير مخاجل والله موصيني 

كعدن كلهن من الغرفة بردت شوية .. 

وكامن يسولفن واني كاعدة .. كعدت يمي حجية كالت : انا جارتكم الباب اعلى الباب وبحسبة امج شتريدين ميلي علينا بناتي وجنايني هواي .. 

ابتسمت الها وكامت تعددلي جناينها وبناتها كاعدات وتصيح باساميهن يرفعن اديهن يسلمن واني اتبسم الهن .. 

حجت الحجية : انا شاهدة اعلى مشاكلهم احنا عشرة عمر بالمنطقة صارلنا سنين وحويزم الله شاهد ابني مو ابن الجيران وتعب هواي تعب .. صيريله عونة يمه .. هو طيب كلب وزلمة كلف بس الدنيا ما نصفته مسچين. 

مرته من نهد اول واني اكللها وج بتي الفلوس ما تنفع ولج بتي بيتج ولج بتي بيتج .. كلبها طار ع الفلوس هالضيعت ابو بيتها من اديها وجاية تهوس عدالها ما ندري الجاري بكلبها شنهو الضرة مرة جا هو حجي بس هي جابت هالنار لكلبها ياما حذرناها وكنالها خايبة يثني خايبة شكثر يصبر ولج يجب وحدة وتسيسين تكوم وتلوي خشمها هيج .. ولا اهتم انا ما اغارن اني كلبي حديد لا يحن اعلى زلمة ولا يغار اعلى زلمة .. لحد ما صفى هذا حالها زفة رجلها للبيت تدخل وهي تمثل فرحانة 

ابتسمت الها وبقيت استمع الها .. 

كالتلي : امه خوش مرة بس تگرگ هواي ما تعوفلها احد بحاله من كرگتها بس مرة خيرة وكلبها طيب . 

خواته ذهب اخوه محد ذهب كلهم زينين والله يسعدج وياهم 

وزعوا كيك وعصير ع الكاعدات .. الحجية ما شربت بس كالتلهن : خايبات امية للعروس شنهي جاتلات الحسين وما تطن مي 

ضحكن خوات حازم وجابلي مي وامي اجت يمها كالتلها : ها خالة ام فراس اشوفنج كلبچ رچ عليها 

- جا يتيمة يخاله مالها ناصح 

- وانت التنصحينها 

حجت ام حازم : الله يحفظج خية ام فراس .. 

وكامت تسالها عن ولدها والحجية تحاجيها 

منى كاعدة يمي منا حجت : شبيج مدلغمة 

- ما بيه شي بس تصرف حازم مو حلوة حتى صورة ما رضى اصور . 

- جا الشافة شوية خليج بمكانه شني يشوف عدنان جاي عليج واني احبج وهالحجي الماصخ واحنا هم غلطنه بطلعتج حقه .. لا تلومين 

- بس مو وكتها يحاسبني اليوم عرسنا 

- جا هي من تكب بروسهم يعرفون عرس يعرفون صخام واحدهم راسه يابس 

ضلت كاعدة يمي حجت مرة من كرابتهم ندستني : اكلج خية لا تحسبين علي بس عود صدگ انت عاجر 

منى : حبيبتي هاي قسمتها يعني شتسوي 

- بس كلش كلش يعني ما شافتلها دكتورة زينة منا منا اطيحلهت على علتها 

- لا خية ما شافت 

حجت : لا والويل من حظك يحويزم 

باوعت لمنى .. كالتله : وشبي حظه يا حبيبتي شو هو ما شاءالله عده الولد وعده البت وعده خير والله جابله اختي هم جمال وهم اخلاق بعد شبيه حظه 

- لا انا اكولن حظها لا تزعلين مني الجاهل هم مريود .. 

- قسمت ربج بعد جا الواحد يعترض على الله ويكله ليش تخلق هيج محمود مشكور 

- اي لا الحمد لله والشكر ربج ما يكطع شي والا يطي شي بلكت الله عوضاها بحازم ما تعرفين .. والله مو لان ابيته بس حازم خوش حازم معدل . 

- الله يحفظه ان شاءالله ويحفظ اهل بيته 

همست : اختنكت منهم شكد راح تطول الكعدة ؟ 

- شمدريني غير من يصبون العشا يلا تروحين لغرفتج خو ما تعوفينهن وتكومين 

ساعة ووزعوا العشا اخذتني منى وودتني لغرفتي طبيت بيها وهي تباوع كالتلي : متهناية الغرفة حيل حلوة ومبينة تكمة ونفهة .. الله يهنيج بيها بجاه ام البنين 

- تسلمين 

- دفردي وجهج اليوم عرسج شنهي دضحكي 

- ما ادري احس صدري مقبط ومختنكة اني مو اول مرة اطب بيته بس ما ادري احس صارت صدك وراح اجي اعيش بين ذول 

- يا خية ينسد بابكم عليكم والكل يطش شمالج انت 

كضوا الصلاة و العشا .. والزلم صاحوا سووا درب حتى نزف العريس على مرته . 

طلعت منى من الغرفة بقيت وحدي .. 

وسمعت الهوسة والدبج وهم يزفونه للغرفة .. فتح الباب وطب اني كاعدة ع الجرباية ومدنكة .. والصوت بعده يهوس 

ما حجه وياي : ونزع الرباط من ركبته وشمره .. ونزع الستره .. وكعد على طرف الجرباية مناك وكام يتأفاف ويكول : استغفر الله ربي واتوب اليه . 

كام من مكانه وكالي : شعدج طالعتله صبا 

شلت عيني باوعت بوجهه وانداريت عنه ما طايقته 

حجه : وفوكاها انت الما عاجبج وانت الرافعة خشمج 

- شتريد اني مو زينة ومو خوش وجنت كاتلة روحي على عدنان حتى اشوفه وارتاح كلبي بشوفته شتررررريد 

- اسمعي لج .. لا تخليني اكلب العرس عزا والقران احجي وياي عدل لا اعرف شلون اعدلج 

كمت من مكاني وكتله : ما دامك عصبي ومتضايق لان شفتني شعدك خذيتني هااا .. شعدك جبتني لهنااا جان خربتها وما زفييت جاي حتى تحاسبني 

- اكلج انت شو طالعة عينج دكعدي مكانج لا تخليني والعباس هسه اسويلي سالفة والبرا كلهم شمات .. صمي حلكج وما اريد اسمعلج صوت 

هزيت راسي وكعدت كال : كومي بدلي انزعي هالبدلة هاي مطلعة جسمج كله بدلي .. 

ما جاوبته .. وضليت دايره .. 

حجه : احاجيج 

- معليك مالك دخل بيه 

- الماي دخل بيج شنو البدلة خزي عليج كومي انزعيها 

درت وجهي بس استهضمت حيل .. 

عاف الغرفة وطلع طبت منى واخته كالن : شكو يمعودة خير 

- ماكو شي 

- كالي روحيلها والوجه مكلوب وانت وجهج مكلوب غير نفتهم شصاير 

حجت منى : رادت تصوير مال عرس شلون بدلتها دلعة ما رضى تصور هالطنكرت وهو طنكر 

- يا دشوف شلون .. شسوين خية هو بعد هاي ما يقبل بهيج امور

منى : غير عروس والتصور مرة وحرمها وهذا يومها وزقنبها بيه يصير 

- والله يا خية ما ادري 

راحت اخته طلعت ومنى كالتلي : كون عاركج على عدنان 

هزيت راسي : وشسويتي 

- شسويت اني كوة متحملة الضوع هاذ اكعد اتحمله صايحة لعدنان اني رايدته شو بس رايدة افتك وجاي يحاسبني 

- اي يكول غلطتي من طلعتيلا 

- غير ردت افض مشكله وابعد عدنان كبل لا يجي شمدريني يصير فوك راسي 

- هسه كافي على كيفج كولي يا الله . 

فات هو حجه : كالبتلي السالفة على التصوير وحاطة الحق عليه هيج امكانية اني ما شايف 

حجت منى : والله اني الحجيت مو هي حتى يلا يصير حجي ولغوة وقال وقلت على ابو متعاركين يوم عرسهم وهم شافوها مدلغمة وانت متضايق  بذبيتها بحجة التصوير. 

حجه : تصوير بهالحالة التخزي الهي بيه ممنوع 

منى ي كل العرايس هيج جا هي اول وحدة تلبس بدلة مدلعة شو كل البدلات مصلخة وهللابسة كب وتصوير ما صورت هي .. ولا خليتوا احد يصور .. ما صايرة 

- شوفيلها جارة لصدرها واخذها هيج ممنوع اخذها 

حجيت : صورة تجمعني وياك ما اريدها ولا اريد اصور .. خوووش 

- يا بويه فوكاها هي ام الراهي وما راضية انت ليش ما تسكتين 

حجاها اني كمت ابجي .. 

ومنى تكلي : يا عزا العزاج ولج المكياج يخرب شو اشوف .. 

سكتي 

وخرتها من عدي واني ابجي واكللها : ما اريد خلي يخرب كلشي وارجع لبيتي ما اريد ابقى هنا ويصيح عليه 

- بت الاوادم اني مصيح عليج لو انت الدايسة بمصاريني طالعة لطلكاج ووجهج متروس مكياج وزوركة وبدلتج هاي 

منى : خوية شني القصة جانت لابسة الكب وملفلفة من طلعت اني اكلك صدك غلطنه وخليناها تطلع بس ردنا بس يفك ياخة لزك فرد لزكة وخفنا اصير مصيبة وصارت قابل نشم ادينا 

وبعدين هو عدنان شدراه صبا بهذا الصالون واجاها 

مستحيفين بهالمسكينة تفرحلها شوية اذا ما كلبوا فرحتها عزا . 

حازم : كومي لبسيها فضونا ولا تضل تتبجبج وكاعدة تجر بخشمها لبسيها 

حجيت : اتبجبج شنو كاعد اتمسكن لك حتى تكلي اتبچبچ .. ما اريد روح 

عاف وطلع من الغرفة ومنى تقنعيني .. 

اجت اخته : منتظرين بالسيارة يلا .. كومن 

ردت امتنع ندستني منى وكومتني 

لفت عليه الكاب وطلعتني .. واخته لبست العباية 

وصعدني بالصدر وهو يسوق .. واخلاص ومنى ورا .. ضل يسوق لحد ما وصلنا لمصور اسمه ( العصر الزاهر ) 

كاللها : خوية بروح ابيجن سترنها ترا هي فكاكة . 

حجاها ونزل .. ضليت اباوع وراه : هذا عود ليش يغلط 

منى : دنزلي نزلي 

اخلاص : هذا شنو يلعب وياج عيب عليج واليوم عرسج شبيج مدلغمة 

- ومدا تشوفي يغلط شفتيني كلت هذا 

- اي كلمة التنكال هو لو ما رايد خاطرج يوديج تصوير جيف دلغمتي 

حجت منى : وشني خية امنين عليها ترا هي عروس والتصوير حقها 

- حقها شنو زلمة وبكيفه 

تحجي واني انزل هو سمع منى و اخلاص يترادمن تقرب : يمعودات وكت حجي هسه رحمة لطليان يعقوب دمشن فضنها 

- كامن يعدلن ببدلتي ودخلني للاستوديو .. 

هو راح اتفق ودخل علينا لكاني نازعة الكب واديه وصدري طالعات كاللهن : وتصور هيج 

منى : خويه رحمة لوالديك جا تصور مكبعة 

-اني كلت الكم ما اريد تصوير منى خلي نرجع عوفيها 

اخلاص : هسه شكو هالقنقينة هاي رجال حجالة حجاية وابتلى .. ذبي عليها الكب 

منى : وتصور بالكب 

- اي بعد بكيف رجلها قابل شكو 

حازم : كملن انعل ابو لابو ..... تخلني هسه اطلع الساني و.... دخلت المصورة وهو طلع  واخلاص تكل لمنى لبسيها الكب 

حجت المصورة : يا كب عيوني غير تصوير عروس وخري منها خلي تطلع بدلتها تسريحتها 

- لا عيني ما يقبل اخوية يروح يسويلنا سالفة

- هي غير الصور الهم ميقبل شكو ديصورون 

- والله حبيبتي بكيفه مرته وباليعجبه 

ديحجن اني نزعت الكل وحطيته على صفحة ووكفت كدام المرايا نثرت شعري منا ومنا وكمت اعدل التسريحة واساوي الحمرة باصبعي 

حجت اخلاص : لا تخلينه يحجي 

- اني اصور وحدي بقي برا .. الصور اليه 

ابتسمت المصورة وكالتلي : تعالي اوكفي هنا .. 

وكفت صفح وملت راسي نزل شعري برم .. وحطيت ايدي على خدي ومبتسمة .. اخلاص طلعت بسرعة 

منى كالت : عاشت ايدج زين سويتي 

كاعد تحجي طب هو .. كبل لا ينطق كالتله المصورة : اكعد ع المقعد هنا .. اني اباوع للمرايا .. واعدل بشعري مباوعتله .. حجت وياي اوكفي ورا وحطي عكسج على جتفه وايدج على خدج وابتسمي 

كعد واني سويت الكالته وايدي الثانية نزلتها على صدره 

اخذت ووكفتنا كبال بعض وجهه بيه سبع لطامات حجه : تمشين البراسج يعني مو 

قربت راسي يم اذنه وهمستله : انت كلك امشيك بكيفي واذا ما مشيت .. قاطعتني وهي تكلي ( باوعيله ) 

باوعتله وحاوطت اديه على ركبته كال : سهلة اعلمج منو اليمشي بكيفج . 

ابتسمت واني اباوعله اخذت اللقطة 

كالت اندار وانطي ظهرج وانت الزمها من خصرها .. 

كاللها : هاي اخر صورة 

- بكيفكم 

منى : لا اخر صورة جماعية غير 

انطيته ظهري وكتله : ممسوحلك تحجي من اسمحلك عود غرد 

وحشرت ظهري بيه وخذت اديه على خصري 

ما حجه ولا كلمة .. اخذت صورة 

وكفنا عدل .. اخته وكفت من جيهته ومنى وكفت يمي .. 

واخذنا صورة كاللهم : يلا انتظركم بالسيارة 

منى شالت الكامب وهو يكل للمصورة : العباس عليج اليحمض الصورة مرة لو زلمة 

- اني احمضهم والله 

- بذمتج وبمسؤليتكم لو طلعت صورة وحدة

- بعيني 

لبسوني وطلعنا للسيارة .. كاللها : خوية راح اخلي محمد يوصلكم وين تريدين يوصلج لبيتج لو لعمج 

- لا لبيت عمي غراضي هناك بس بالاول خل انزل ويا صبا 

صفينا كرايبنا بالسيارة منتظرات منى وجهالها ضالين يبجون كاضتهم هدى .. عاد سلمت عليه وراحت واخلاص وصلتني للغرفة وكالت : اشوف عشاكم واجيج 

طلعت اخلاص .. شوية وطب هو اني واكفة كدام الميز تواليت ادور علبه العدسات ثكلن عيوني اريد انزعهن . 

تقرب مني : صبا منو هذا اليمشي على كيفج وما تسمحيلا يحجي ؟ 

-راسي ديوجعني وخر من عندي مالي خلك حجي 

-شعده عدنان جايج ؟ 

-علمي علمك شمدريني 

-ما تدرين !؟ 

-ليش محسسني مسوية ذنب اني ياهو مالتي بعدنان غلطت من طلعت وكتله روح اي بس على غيرها تحاسبني وكالب وجهك عليه كدام الناس واني عروس وبودك تلزمني وتكتلني شكو 

- وياهو المتصل بيه عدنان البارحة 

-مجاوبته 

-انت على منو جاي اتجذبين صبا 

-هسه اني جذابه الرايده شنو تكتلني ؟ 

-مجااااااوبته ليش 

-الناس بعد بيهم مرايحين لتعلي بصوتك افتهمت 

-اسمعي لج مو اني التمشيني مرة وتكلي يمتى احجي ويمتى ما اعلي صوووتي 

حجاها وهو يلزم بركبتي ، دفعته : اذا رايد تسويلك سالفة فجفيني شرك وروح سويها بعيد مالي خلك 

-خلكي شنهو مجاااااوبته ليييش 

-كتلك لتصييييح 

دفعني : جاوبي دا اكلج 

- مجاوبته تصدك تصدك متصدك بكيفك 

-هاي المكالمة بتليفونج مجاوبه عليه مو رقمه هذا 

-ما ادري هذا رقمه 

-تريدين تقنعيني ما حافظة رقمة وانت الجنتي ساحلة روحج بس حتى يرد عليج 

-ليش كاعد تحجي وياي بهالطريقة عود رايد تغثني 

كاعد احجي اندكت الباب .. فتح القفل و اخلاص دخلت العشا ودنيا طبت تحضن بابوها كالتله : مشتاقتلك اليوم طالع حلو 

- الله يحفظج بابا 

اخلاص : جا بعدج ما مبدلة 

-بس اريد بيت العدسات عيوني وراسي كلش اذوني 

اخذ دنيا هو وطلع .. 

واخلاص تدور وياي ملكينا البيت كتلها : بس لا نسيته بالصالون 

-خل اجيبلج استكان مي حطيهن بيه وعود من ترحين للسوك جيبي 

راحت جابتلي واجت شكرتها ونزعتهم هو طب للغرفة وكعد كدام الصينية .. كمت احاول افتح بالقيطان مال البدلة مكاعد اكدر افتح 

العقدة مال شدت القيطاني اديه راحت وما كاعد ادبرها 

كتله : صيحلي اخلاص 

باوع : شكو ؟ 

-بس اريدها تساعدني 

كام من مكانه .. يريد يصيحها كتله : لحظة تكدر بس تفتحلياها 

وانداريتله كام يفتح بالقيطان مينفتح كال : ادري شدة موت رحمة للعباس كطعيها بسجينه 

- وشيجيبلي سجينة 

دنك وكام يحاول يكطع القيطان بسنونه لحد ما انكطع .. سحبه حيل من ظهري .. انفتحت البدلة .. اندكت الباب وصوت خالته تصيح : حااازم ولو عريس هلي اسلم عليك واروحن 

فتح القفل واني اكله : شتفتح خلي ابدل 

حجيتها وهو يندار ممستوعب كلامي سلام خالته فتح الباب .. صرت ورا الباب وهو يسلم عليها كالتله : جا وعروستك وين 

- كاعد تبدل 

- ها اخذ راحتكم يمه .. شايف الف خير ومهنى يبعد امك 

سلم عليها وسد الباب اني حاطة اديه على صدري حجه : صاله ساعة مكشف للرايح والجاي من اختليت وياج جاي تغطين بيه مني 

- دنطيني الروب من يمك ودور وجهك 

- صبا ترا هذا مو اول يوم النا واني شايف ومكشف كلشي 

- تكدر تنطيني بدون متحجي

- اكلج انت ليش ما تحترمين نفسج 

- راح احترم نفسي بس انطيني الروب 

جراه عت واطانياه واندار كعد يم الصينية نزلت البدلة شال عينه يباوع صحت : عييينك 

-واني صارف دم كلبي حتى اغض عيني 

انداريت وانطيته ظهري وبدلت لبست الروب .. 

الفتحة مال الروب من الصدر بعد ازيد من البدلة كاله : هاي ربحنا 

- اكلك انت ليش متسكت هو اني لابسة الروب اتكشخ بيه كدام احد لو لمنو 

-اي بله كولي لمنو 

-صاير ما تنطاق 

- خليني ساكت عنج لا والعباس اسويها سودة عملتج اليوم وفعايلج الطايح حظن ترا ما ينسكت عنهن 

- وشسويت 

اندكت الباب صاح : موووووو باب تكول باب كحـ يا طاب يا طيييييب 

كام وفتح الباب طلعت بته دنيا كالتله : بابا راسي ديوجعني 

-واني براسيتول بتي روحي لامج تشوفلج براسيتول من الصيدلية جايتني شنو 

- ليش تصيح عليه 

راحت تبجي .. سد الباب وجر ملابس لبس تراك وطلع ورا بته ..

ردت اكل شوية بس راسي واجعني اريد جاي مشاربه جاي من الصبح وهوسة العرس براسي حيل دخت .. جريت شال لفيته عليه ومشيت دا اطلع 

انفتح الباب بوجهي صاح : وين طالعة بهالملابس وين 

- ترا كله مستور بس صدري ومغطيته 

- طبي جوا 

- ليش كاعد تصيح ؟ 

-انت ليش ما تطبين وتنجبين 

- هاي على منو كاعد تغلطططططط 

دفعني وكال : بلا حجي طبييييي 

وسد الباب عليه راح شوية واجا جايب قوري جاي والبيت هدووووء حجه : الكل راح بس امي وامل فوك هذا جايج فكيني 

-ومدام محد اكو والكل راح ليش مخليتني اطلع وتصيح فوكاها تشمر وهاج فضيني 

- لا اتطلعين بملابس النوم برا 

-الروب طويييل 

- حتى لو ممنوع 

-خايف على شعور منو بالضبط جهالك لو مرتك حتى عادي عندك تكسر شعوري المهم همه 

ما جاوبني .. كعد ياكل دكت امه الباب صاح : استغفر الله ربي واتوب اليك 

بعدنا محد منا كاللها طبي فتحت الباب : كاعد تاكل يمه البت شبعت بجي 

-وشبعت بجي ليش 

-غير على امها يا يمه جاي هي هم بنية مو مثل الولد وما تتأثر وتشوف امها مقهورة وانقهرت عليها 

- وهسه اني شسوي يمه اتزقنب لو ارتاح لو اكعد ارضي هاي وذيج فهموني. 

-هسه يمه تلحك ع العرس بس بنيتك 

-وبنيتي اني ذابها بالشاررررع يا يمة تعبان اريد اكعد ارتاح رايد استقر 

-ميخالف روح اكعد وارتاح فوك جا تعوفهن خاطرهن مكسور منك وتنام ظالم ييمه 

-ظالم منووووو يمه اليوم عرسي والمرة جديدة اعوفنها واروح انام يم بتي حجي هذااااا

-تلحك يا وليدي قابل راح اتطير هالمرة اجديدة وداعتك متلزكة باكتارك ما تروح كوم يمه 

عقدت حاجبي من حجيها .. وهو يكللها : هسه يمه ارتاحي واني احلنها 

سدت الباب وراحت حجيت وياه : كبل شوية امل تصفك وفرحان وفرح كلبي شبيها هسه 

حجه وهو عاكد حاجبه ويمد ايده يصب شكر : كاعد تبجي 

- هااا 

سكتت هو ما حجه : 

رديت : ما متلزكة بيك روحلها اذا تريد 

رفع راسه : ليش ما كتيلي عدنان خابرني 

ضليت اباوع بوجهه : مو شي مهم حتى اكلك ..

- تردين عليه مو شي مهم تطلعين تحاجينه مو شي مهم 

شرايح اشدهن والمعهن فوك راسي يصرين حلوااااات مو 

سكتت رجع حجه : صبا لييييش ما كلتيلي وليش جاوبتييييي من الأساس 

- ما ادري هو ومن عرفت وسمعته سديته بسرعة وكدامك مدة المكالمة .. ما تتعدى ال٦ ثواني يعني لو مجاريته وسامعته شريد اكول بالست ثواني بس اني ناسية رقمه من بالي ومن دك حسبالي وحدة من حبايبي .. بس من طلع هو حتى ما جاوبته سديته لان ما عايزني مشاكل 

شمدريني حظي الكاه كدام الصالون وكاعدلي يريد يحاجيني 

- ومنين عرف انت بهذا الصاااااالون لو ما احد كايله ومدلي 

-وياهو المدلي قااااابل اني 

-وياهو اليعرف عدنان وعده تواصل ويا عدنان 

-وفاء تعرفه 

- ووفاء ياهو مالتها بعدنان تروح تكله خرب وهو يركض كداااامها 

-انت مو كلت امل ووفاء التقن شعدهن يلتقن لو ما عدهن سالفة 

-هسه تريدين تذبينها براس امل ووفاء 

- وتريد تذبها براااااسي ترا كافي مصختها 

-بتل بتل ياهو المصخها هاااااذ طالعتله تحاجينه بزواكاتج شنوووووو 

-كتلك غلطت بطلعتي ما حسبت هيج حساب شكلك بعد 

- سهلة سهلة 

رديتي ع الاتصال هااا ما حسبت هو 

طلعتله احاجي ها ما حسبت انت تجي 

كوا* اني هنا عادي كملي كوا* تج كملي بويه 

اني ما مسموحلي احجي الا بكيفج وامشي على مزززززززاج كملي صبا 

حجاها وكام طلع برا 

تنهدت وباوعت القوري صبيت جاي بين خيط بروده .. ذبيته من ايدي وكعدت اتأفأف الواحد بعرسه يفرح يعيش غير اجواء بس حظي اني كاتبلي القهر والمرار هسه اني يم عدنان بكربه .. من خرب بحظي. 

لملمت الصينية مركة دجاج اصفر وتمن برياني وحبشكلات .. 

ما كلت ولا زفرت روحي بس ريحة الزفرة بالغرفة تحوم 

ساعة منتظرة احد يجي ماكو .. 

كمت لفيت نفسي بشال .. وطلعت خليت الصينية ع السينك وكاعد اغسل اديه طب هو .. شافني من باب الحوش توجه عليه : عود شنو معناتها تعاندين من اكلج لا تطلعييين 

- بس طلعت الصينة وكاعد اغسل ودشوف ماكو احد 

- اني شكلتتتتتتت 

صاح نزلت امل طبت للمطبخ وجهه مال واحد باجي سوت نفسها تاخذ مي من الثلاجة عفت ورجعت للغرفة لحكني : ليش تعاندين 

- ما عاندت ردت بس اودي الصينية ريحة الزفرة تحوم بالغرفة ومحد اجا شال الأكل 

- ومن ردتي تطلعين تودينها تطلعين برووووبج ليييش 

- حازم كله مستور بس الادين وحطيت شال ومحد اكو 

- مستور شنو لازك على جسمج ومبين تفاصيله وهو حرير ابيض شني غشمة 

- ترا طوختها لازك على جسمي شنو قابل طالعة للشارع اني .. للمطبخ ورجعت

- بالعباس ما ناويتها على خير وهاي بعدنا باول الدرب 

- ماطولك تعرفه اول الدرب اعبر النهر مدامه ضايك ورجعني صدك محد راح يلومك كلها راح تكلك عفية .

- دكعدي بمكانج لا هسه الخج والعباس 

دفعته : تلخني شني انت منو دافعك عليه دووووخر 

- لا ادفعين لا وحق هو الحسين اندمج افتهمتي 

دفعت : لا شو ندمني ... يلاااااا 

دفعني : صبااااااا 

وكض زندي حيل بجيت كتله : هيج عيشة ما اريدها اذا من اول يوم بعرسي تصيح وتزمخ عمري الباقي وياك شلووونه .. عوفني يلا 

- اني لو انت اللي اتعاندين 

- بشنو عاندت وديت صينية تسميها عليه عناد 

جايبني لهالبيت حتى تجفني والله الثوب لازك على جسمج والله اديج طالعة اتكبع بالبيت لو شتريد كليييي

اندكت الباب وامل تصيح من بعيد حازم : عزا بعيني حااااازم الحك دنيااااااا حاااازم 

عافني بسرعة وركض 

اني وكفت اباب الغرفة .. وهي تكله : اتخربطت بيتي ماتت يمه صخام الصخمني راحت بتي يماااااااا 

شالها وهو يكللها : شسوت شبيها 

- شربت شريط حبوب الفاليوم كله 

ركض بيها حافي للسيارة وعلي يركض وراه وينطي الشحاطة وامه تصيح : ادخيلج يالزهرة يمة انجم البيت هجم يوم الأكشر ان شاءالله راحت البت 

سديت الباب جريت ثوب وبدلت الروب وطلعت .. 

حازم راكض بالبنية وحده وامي كاعدة وتنحب وتبجي والحجية واكفة بالباب اجا محمد كالها : شصاررر فهميني ؟ 

- البت شافت امها مقهورة وما تحملت كامت تبجي كومي واشربي سم 

- سميش الشربته ووينكم عنها .. 

يحجي ويجر تليفونه يخابر بحازم وامل تبجي وتنعى .. 

لشوية هناك خابر حازم على امه كاللها : فحصوها ما بيها شي تعبانة شوية هسه جايبها. 

عاد كامت امه وامل من الحوش طبن للدوانية 

مدخلت يمهن ردت بس جاي اسوي راسي ذبحني .. كضيت القوري وجاي اريد افرغ البثل بسطلة الزبالة .. 

عقدت حاجبي واني ادنك حتى اركز جذب انتباهي حبوب مدوره بالزبالة .. يطلعن ست حبات اكثر .. شمرت البثل وغسلت القوري وسويت جاي .. 

خدرته هستوني كملته .. فات حازم وابنه ومحمد ولازمين دنيا كوا تمشي .. صبيت كلاص جاي ووكفت اباب الدوانية اباوع عليهم ذبت روحها بحضن امها تبجي وامها تلوم بيها وتكللها : شسوي بتي هذا حظ امج بعد كافي يا حبيبتي كافي 

وحازم كاعد ومنتجي وحاط ايده على وجهه بتعب ومحمد يستفسر ويسأل من امه .. وتسولفله اندارت امل وهي تكض بحازم : عليك الله شكالك عليها الدكتور حاجيني 

- ما بيها شي كال يمعوووده لا تكبرينها عاااااد فضيها كوموا يلا خلي انام 

كامت تبجي دنيا وتكله:  بابا اريدك يمي 

كضاها وسندها وصعدها فوك 

اني لازمة كلاصي واشرب واباوعلهم ومحمد يكل لامه : يمه يلا امشي 

وهي تكله : يا واحد بت حويزم شمالني روح يمه اني اضلن هنا . 

مشى محمد وحازم والجهال وامل كلهم صعدوا فوك .. 

طبيت بغرفتي ساعة ساعتين صافنة وي روحي وحسباتي هواي 

اذا هذا اول  يوم  وياهم وجزعت باقي الايام شلون ؟ 

حاولت انام من التفكير ما كاعد يجيني نوم .. 

كمت للمطبخ احمي الجاي واصبلي بعد .. نزلت امي شافتني كاعد احمي .. ضحكت وهي تكلي : اكضيها الليله وحداني واخذي القوري وياج نومي يدفيج .. الزلمة نام عدنا الليلة . 

باوعتلها: بالعافية عليج 

خذيت كلاصي وهي تصيح : علاوي يمه طلع غطا لابوك خاف يستبرد ع المكيف نايم تعبان خطية .

تركتها ودخلت الغرفة 

الصراحة استهضمت حتى جايي ما شربته 

كمت انزل بتسريحتي وافك بشعري .. واكف بالسيبرا .. 

خذيت شلحة وشامبوا ومكيف وليفة ورحت سبحت ونزلت التسريحة ووخرت المكياج من وجهي بس عيوني ورمن من البجي واني اسبح 

دخلت الغرفة مشطت باوعت للمرايا عيوني دم 

مسحتهن وكمت احاجي روحي : مو مهم اليوم جان صعب بحيل الله باجر يسهل .. الجانت عايشة بغرفة مثل الكبر ويا عدنان ما بيها غير البوفيه والعاشت بصريفة ويا عمها اليوم اني بغرفة عامرة والحال بيد الله .. الحمدلله على كل حال .. 

اقارن روحي بامس حتى اصبر روحي واحس اني بوضع افضل حتى لو جانت الظروف صعبة .. نشفت شعري بالشسوار وضربته فير ع السريع واني انشفه .. وحطيت عطر .. ترست روحي عطر 

طفت الكهرباء  صارت الغرفة هندس حتى تليفوني ما ادري عنه طولت فوك الخمس دقايق وحولت السحب .. كمت توضيت ودورت سجادة ما لكيت .. صليت بمكاني بدون سجادة وتربة .. بس بالعباية . 

كملت صلاوات اليوم كلها احس بروحي ارتاحيت احسن من صليت نفسي هدت .. ضميت العباية وباوعت لابسة شلحة صفرة .. نزعتها ورجعت لبست الروب الابيض ستن ناعم ومريح .. بس ما لبست الروب الفوكه ضليت بطرك الستان .. طفيت الضوا وتمددت الساعة تقريبا ٢ ونص 

حاولت اغفي مكدرت 

شكد ما احاول اقوي روحي بس من اتذكر بهيج ليلة سووا كل هذا حتى يمنعونا مني .. حزت بداخلي وهو حتى ليزعل بنته راح نام يمها وعافني .. ضحى بخاطري بهيج يوم واشترى خاطرها . 

واني بمكاني افكر واجمعله مواقف واستهضم  وادمع وارجع امسح من عيني واكل لروحي لا تهتم بس تهتم 

.. انفتح باب الغرفة .. اتجمدت بمكاني

حسيت بغراض السويج والجداحة تنحط ع الميز وكاعد يبدل .. سويت روحي نايمة .. 

جانت الغرفة بس ع المروحة فاخذ ملابس وراح طلع 

باوعت وراه الغرفة مطفي ضواها يمكن ٥ دقايق ورجع ريحة صابون تعط منه .. نشف واتقرب تمدد ع السرير اني منطيته ظهري وعلى نومتي 

بقى متمدد ويذب حسرات ويتنهد .. 

اشتغل المكيف بالغرفة مشكله بالشباك يصير مقابيل الجرباية عدل ف البرد بسرعة صار علينا .. كام جاب بطانية وفتحها وغطاني ورجع اتمدد وياي يتغطى .. 

انداريت وسحبت ايده .. وحطيت راسي بحضنه 

حاوطني بأديه وباسني بكصتي وهو باخذ نفس ويشتمني .. حضنته وكمت احشر روحي بيه .. وهو يبوسني بلهفة 

وكضت ليلتنا الاولى على خير رغم جانت صعبة وكلها مشاكل .

الصبح واحنا نايمين ووماخذين حذرنا 

انفتحت الباب علينا فجأة .. هو بسرعة فز و جر الغطا وغطاني وغطا روحه كال : بابا سجاد شلون تفوت هيج غير ادك الباب يا بابا 

- بابا هي ماما كالتلي روح صيح ابوك خلي يتريك 

- امشي كللها هسه وبعد لتفوت بدون ما تدك الباب ما يصير بابا عيب خوووش 

- خوووش 

طلع ابنه وسد الباب وهو سحب ايده من جوا راسي وكعد لبس ملابسه وكام اخذ ملابس وراح .. شلت راسي اباوع الغرفة الضوا مطفي .. والمكيف مشتغل .. اكو شعور مريح ونفسيتي طابت 

 مال نوم بعد مشبعانه .. جريت الغطا ورجعت للمخدة كمت اتكلب بفراشي .. طار النوم من عيني .. كمت جريت ملابسي ولبست ثوب وطلعت .. 

طلعت امشي بالبيت شعري مفلول .. ومشسورته بالليل نازل حلو وكفت كدام المرايا اليم المغسلة مال الحمام وكمت اكلب بشعري منا ومنا التخصيل ماله كل ما ينغسل يطلع لونه احلى .. 

كاعد العب بشعري واحيب منا وارفع بيه واعوج نسي اسوي حركات مثل الممثلات  واغني وادندن ويا روحي : كل يوم في عمري بيعدي وانت معايا 

طلع حازم من الحمام واني اغني واتمايل .. شفته طلع نزلت ووكفت عدل : صباح الخير 

اتعداني ومشى ما رد عليه 

هذا شبيه !؟ ليش مو البارحة وتصالحنا وتقرب مني وعشنا جو حلو شكو مطنكر بعد !؟ شنو رجع اتذكر !؟ 

معليييه 

كاعد امشي باوعتلي امل .. كالتلي : شني ما عندج قراصة لو متعجبة بروحج مخصلة شعرج .. حقج كضيتي عمرج فكر وتلهطين وين عدج وكت تخصلين لو تفيرين وتتفيكين 

تعديتها واني ماخذة خصلة من شعري الف بيها .. ما رديت عليها فتت للغرفة هو منشف و كاعد يكلب بالتليفون والخاولي على جتفه حجيت : صباح الخير 

ما جاوب 

صحت : الووو صباح الخييير 

مثكل وجه عاد دمغته على راسه وصكعته بيدي رفع راسه بسرعة كال : هاي ضربتيمن ؟ 

تقربت منه وكتله : ضربتك ليش عندك اعتراض 

حجيتها واني احاوط اديه على رگبته 

وخر ايدي وكال : احترمي نفسج صبا 

رجعت اديه وحاوطته بقوة : واذا ما احترمتها شراح تسوي ؟ 

- هالمرة عدتيها المرة الجاااااية

دمغته كبل ليكمل كض ايدي  ووكف وفرها افتريت وياها : لا لا اتراجع لا عفية اسفة اسفة 

وضحكت .. عاف ايدي وهو يكلي : تأدبي 

وكعد 

ضربته راشدي : ما اتأدب خوووش 

-لا اليوم انت ما ناويتها على خير والعباس 

كمت اضحك وهو يجر ايدي وليوها ورا ظهري واني اصيح : لا لا والله توجع عليك الله ايييييدي 

- تتأدبين لو لا 

- لا 

- ما اتوبين 

- ايديييي 

عافها وخرت كاعد ارفع ايدي اريد اضربه كضها : انت ليش ما اتوبين الا اكسرها يعني 

- تغلى عليك والله ما تغلى تروحلك فدوة 

ابتسم وخفف عافها حاوطت اديه على ركبته وكتله : مو رجلي مو مالتي بكيفي بعد اكتلك اضربك راشدي شسوي بيك اسوي انت مالتي متفتح حلك ولا تتنفس .. مفهوم 

احجي وهو يباوعلي مبتسم : سوالف البرابيـ * هم طلعتي تعرفيهن ولج 

- جا اني اعرفلهن كلهن بس ما جان عندي زلمة يسوى اطلعله المكنون .. بس من صار عندي  وحلالي ومالتي اطلع ليش لا 

ملت راسي وكتله : مو 

ضحك وهو يكلي : تتفيكين علي بشعرج بس انت عدج شعر

- مو صالي عمر ما مشسوره وهسه ناعم وشايفة روحي بيه 

هههههههه 

باسني بخدي وهو يكلي : عسى هالضحكة ما تفارك عيونج 

- لعد لتفاركها انت .. لان عيوني بس من تشوفك تضحك 

بدونك تشبع بجي . 

تقرب مني يبوسني واني محاوطة ركبته باديه .. سحبته اليه واندمجت وياه .. طفت الكهرباء والصوت صار ينسمع .. ابتعد مني وهو يتنفس قوي سحبت الغطا وجريت نفسي وحطيت راسي على صدره .. كام يوخر بشعري ويبوس بگصتي . 

يباوع بعيوني ويكلي : وين جنتي تعبت كبلج هواي .. 

- اجيت ورايده اخلص عمري يمك ما افاركك ولا يوم 

باسني بكصتي حيل وحضني 

صاحت امه : حازم يمه شني اليوم ما تطلع ما تتريك فريخاتك منا الوادم منا جا شلون نضل كارصين 

ابتسم صاح : هسه يمه اجيت 

كتله : ومنو كالك اسمحلك تروح حتى تكلها اجيت ؟ اخذت اذني كتلي حبيبتي تسمحيلي اروح لامي ؟ 

- لاااا صدك 

- لا تستهزأ لا تخليني اكوم اكتلك بعد 

- اذا كل يوم انكتل هيج كتل اني بالجنة والعباس 

كمت من مكاني واني احط ايدي على ركبته واكله : تريد كتل موو 

صرخ : لاااا اخ خرب يومج صوت يمعودة طافية الكهرباء لا تفضحينا 

- لعد صير حباب وكول حبيبتي تسمحيلي اروح لامي 

همس - المشكلة الما رايد يروح لامه  ويريد يضل يمج شيكول ؟ 

ذبيت روحي عليه وكمت اهمس بأذنه : اعيشه بالجنة 

وسحبت الغطا وبسته ... 

رجعت خليت راسي على صدره وادندن : اكيد وانت جنبي بضمك بئلبي واحس بعنيا بتحضن عنيييك 

باوعلي : ها بويه حولنا مصري 

شلت راسي وشعري مطشر على جسمه : مو مصري لبناني 

بسته بشفايفة بوسه خفيفه وكملت احجي .. 

صار سنين تطلع اغاني اليسا كدامي واسمعها واتخيل عدي واحد احبه ويحبني .. عاد اليوم اطبقهن .. 

ملت راسي عليه ... عاجبني 

- حولتي على اليسا يعني 

- اي والله منزلة اغانيها عدي بس ما اسمعهن من ضيمي بس منا وجاي راح اسمعهم الك 

- زين حبيبتي تسمحيلي اروح شوية .. 

- عفيييه بالشاطر هيج اريدك حباب .. 

بس خليني افكر اقبل تفاركني شوييييية لو لا 

- فاصل ونواصل يعني بس شوية 

- انقهرت عليك يلا راح اسمحلك 

- شلون وحدة بربو* 

كمت اضحك وهو يجر بملابسه يلبس 

كمت من مكاني وحضنته من ظهره : انت مالتي 

اخذ اديه وكام يبوس بيهم وكام واندارلي .. رفعت نفسي وصرت على طرف السرير وهو يوكف ويجاوبني : مالتج وبس الج يبعد حيلي وعمري كله 

باسني بخدي ضحكت وتركته 

كام طلع اني تمددت ع السرير مرتاحة وجوي غير 

يربي يحفظه ويحميلياه 

بقيت شوية ورحت للحمام سبحت ورجعت كاعد اشغل الفير طفت الكهرباء صاح حازم : صبا شغلتي شييي 

- اي عبالي وطنية 

- لا بابا سحب طفي 

لفيت شعري وعطرت وحطيت كحل وخدود وحمرة رسمت بيها شفتي وطلعت فتت المطبخ المواعين مال البارحة واليوم متلتلات .. صفنت : يعني هسه هم منتظريني اني انظفهم لو منو راح ينظفهن 

مشيت لحازم كاعد بالاستقبال امل كاعدة و امه 

كتله : حبيبي تتريك لو تريد غدا 

صاحت امه : حبج برص كون زلمة شطوله شعرضه تكليله حبيبي بنص فروخه وعياله واهل بيته 

حازم : يمممه ها كولي يا الله 

- وووجعا متختخ تصيحلك حبيبي ما تكول بزري منا 

- جا كفرت  لو فشرت  يايمة شنو قصتج 

رديت : مكتلي هسه ريوك لو غده عيوني 

- حبيبتي بكيفج شنو اللي تكدرين تسوينه سوي 

تخبلت امه وامل كامت .. وانه تصيح : جا انا امنعنها تجي انت تكلها حبيبتي بالله ما تستحي 

- يمممممه كافي رحمة لربج 

كام منها وهو يكلي : خلي اسبح واصلي وناكل خوش

صاحت امه : كضى الماي كثر ما سبحت من امس واليوم 

ابتسمت وهو باوعلي وابتسم ومشيت للمطبخ وهو راح للحمام .. باوعت بالثلاجة الاكل مال العرس البارحة هواي كومة لحم مسلوك ودجاج وحشو .. 

طلعت وحميت سوب اصفر ولحم .. وطبكت تمن .. 

طبت امل كالت : ليش جاي تسوين من هذا غير ضامينه 

- عشا متعشيت البارحة ولا ريوك فاريد اكل 

- تاكلييين سم وخري مطلعة لحم تريد تاكل بت الفكور .

طفت الطباخ وشالت الاكل .. عفتها وكمت انظم بالمواعين واغسل بيهن فات حازم كتله : حازم بس جيب مركة اللحم طبكت تمن وحميت الحشو مو مال اروح اسوي غيره بداعتي

- ليش شكو 

- امل خذته تكلي بت الفكور تاكل لحم 

- ليش جايبته من چدها لو من چد الخلفوها غير اني جايبه 

راح الها واني كمت اكمل غسل .. جاب الجدر منها وهي مزلت للحجية تبجي وتصيح .. سويت صينية وكتله : بغرفتنا لو وين 

- يم امي 

- خلي بغرفتنا خاف تزقنبنا 

- اوامرج بس بالغرفة برا الغرفة الاوامر الي 

ضحكت : اذا هيج متفقين 

ضحك ومد ايده على ظهري يطبطب مشيت حطيت الاكل كبال امه وامل كاعدة .. هو كعد وصاح : علي بابا تاكل اختك وين 

كام كابلنا ع الاكل وهو يجاوب - ما تريد 

- متريك انت لو لا 

- اي تريكت كبل شوية 

طكه علابيه وكاله : يلا اكعد بالعافية صيح سجاد وجيبلك خاشوكه 

اني كتله : وجيب الخبز بدربك حبيبي 

حجت امل : وابني يشتغل عدج ومشغلته سخرة 

سكتت عنها وهو يتجاهل ويسأل امه : ما تاكلين يمه 

- كبل ساعة كلينا بس راح اغمس وياكم 

كعد علي وسجاد ياكلون و حازم اندار لامل كاللها : شعجب شنجب اليوم ما رايحة لشغلج 

- مالي خلك اروحن 

- هسه كام مالج خلك تروحين مو هذا المحل الكتلتي نفسج عليه وفضلتيه علينا كلنا شصار حتى بطل خلكج منه 

سكتت .. 

حجت امه : جا انت تزيد عليها اكل اكل 

- ما ازيد عليها بس لا تعيش دور المظلومة وهي الظالمة نفسها محد ظلمها من ورا سوالفها البت رادت تروح امس 

ندسته وكتله : مراح تطلع اليوم 

- لا ليش محتاجة شي 

- لا بس ده اسألك 

حجت امه : ما طولك خذيت اثنين ابني وانت زلمة تخاف الله وما ترضى بالمو زين العدالة يمه حلوة  

- مالي عدالة ويا احد .. وهاي هي وتسمع حسي ما ارضى عليها ولا اعدل بينها وبين غيرها لا ما تعرف المحل وتكعد غير هيج ومسوية البيت فندق ما مبرية الذمة بكل خطوة تخطيها برا عتبة هذا البيت ولا هي مرتي ومشكولة ذمتها بكل فلس تاخذه ما راضي بيه .. واذا عايفها فعايفها بهذا البيت بس لجهالها 

صالي سنة هاجرها وصايرين اخوان ما فد يوم عرضتلي روحها لو حاولت تصلح وضعها وياي اليوم كاعدة تحط الحجي اعلى السانج يمه وتريد عدالة .. اليوم ياله اتذكرت عدها زلمة تطالبه بحقوق ؟ 

مالها كل حقوق يمي ما طولها ما موفيتني حقوقي 

- جا مو رايدة تعدل بينهن خاطر توفيك حقوقك 

- حقوقي مو فراش يمه ما محتاج منها فراش حقوقي احترام .. تحترم كلمتي وتكعد بالبيت وتسكت .. اني زلمة ما احب مرتي تطلع وبكيفي .. 

رايدة تطلع وتعاندني وتكول شغلي .. الله وياها ومحمد وعلي بس لا تكعد تتبجبج وتعيشلي دور المظلومة والمهظومة ومالي خلك ومريضة وتعبانة .. حرام مالي غرض بيها وما اعدل ولا اوصل غرفتها ابد .. تحرم علي ما طولها كاسرة كلمتي . 

حجت امل : مو اتزوجت مو ثنيت وجبت علي مرة بعد مطالبني برزقي طلابه رضيتلك وهوستلك وما عارضتك بعرسك بعد حاط كورك وياي شنهيييي 

- ما ماخذ الاذن منج ترضين لو ما ترضين اتزوج .. ولا فضل منج اتزوجت .. لا بل فضل مني مخليج ويا جهالج لحد هسه والا واحد غيري ومثلج كاسرة كلمته وطالعة وطابة بدون اذنه حرام يرمي الطلاك وينعل سلفى سلفاج وروحي خلي السوك يفيدج جايتني شتريدين مو الفلوس والشغل اهم مني ؟ بالعافية عمي صفطي فلوسج وحطيهن بمكاني واتهني بيهن .. لا تجين اطالبيني بشي . 

كامت تبجي ودموعها تجري وتكله : مثل ما انت ما باريني الذمة بطلعتي اني هم ما ابريك الذمة بكسرتي 

- لا تبرين .. منتظرج تبريني انت الكتيلي اتزوج وفكني منك .. ويوم الخذيت مو اللي على مزاجح تصيحين كسرتني .. عساج لا بريتي 

طبت دنيا وهي تكله : هذا كله وكاعد تقهربابا بس حتى ترضي مرررررتك 

- هذا الامور ما تخلييين بيها دنياااااا 

- عايف امي تبجي وتكلي ما تدخلين .. انت المن باقيتله اطلكي عوفي خليلا البيت اله ولهاي خل تفيده 

كاملها بسرعة وكضاها من راسها : وياااامن هالحجي ولج اني ابووووج 

فزت امه وامل كضنها وهو يصرخ : تتجاوزييين عليييه ولج 

كامت تبجي وتصيح وانت عفتنا وانت خنت ماما وانت متريدها تنجح وانت فضلت نفسك .. وهو يصيح عليها صارت هوسة 

عفتهم وانسحبت للغرفة . 

كمت اسمع مصايحهم وكاعدة بجربايتي .. 

شوية وفات هو محتقن وعصبي يفور نار .. وسد الباب بقوة وراه وهو يكمل صياح : بت الكلب اكلها معدي من الشغل ما اكعد ومهيجه بزري عليه انعل ابوج لابو اليوم الشفتج بيه طايحة الحظ شافتني مرتاح الا تسمممني بت الخ* 

هو يصيح كعد على حافة الجرباية 

تسحبت وبسته بجتفه .. وكاعد احضنه وخر اديه: دوخري رحمة للعباس عوفيني 

- اششش مشاكل البيت لتدخلهم للغرفة ذبهم برا وارتاح 

رجعت حضنته واني اكله : شما صيحت وشما حجيت ميفيد لتقهر نفس يحيلي انت . 

- لج موتتني ذبحتني والله صارلها سنة اني وياها اخوان ما حاولت فد يوم ترضيني لو تكعد ابيتها وتشوف شريد شطلب شحتاج كل ما احجي تكلي روح اتزوج كاضتك ومن اتزوجت ادموعها تتجارى  كدام جهالها ومخليتهم يتباجون  وياها وطلعت اني المو خوش ادمي 

- لتحرك اعصابك الحجي ميفيد والله يعني اذا حجيت منو راح يسمع اذا الكل يدري ومفتهم مراح يحاول يسمعك لتحرك اعصابك محد يسوى 

وخر ايدي : كومي جيبلي مي كومي 

بسته براسه : تأمرني امر يروحي بس لتقهر نفسك فدوة اروحلك 

كمت جبتلا مي بارد ثلج واجيت انطيته كال : مشكورة 

عفت الدولكة ع الميز واجيت حضنت راسه لصدري واني واكفة وهو كاعد ، حجه : صبا تعبان والعباس تعبان 

- ادري بيك يروحي 

رفعت راسه وبسته بكصته : تضوج 

هز راسه عفته وكعدت يمه .. 

حجيت : بس تدري ؟ 

باوعلي : شنو 

- حتى اللحماية التعاركت عليها حتى اكلها تالي مأكلناها واني مشتهيتها حيل 

- وشكلت اني كومي شوفي اذا بقى اكل صبيلي ميت جوع والعباس 

- دشوف دشوف من البداية كتلك خلي ناكل بغرفتنا كتلي ارامرج بس بالغرفة تالي لفيت وفريت ورجعت لاوامري 

احاجي واركص بحواجبي تنهد وهو يهز راسه 

: دكومي جيبي الله يرضى عليج كومي 

كمت طلعت شلت الصينية وطلعت سوب لحم حميت ورجعت سويت صينية صغيرة من جديد واني ادندن : بحبك وعرفة كلام الشفايف ميقدر يوصل لئلبك هوااااه 

مدري شجاب حلكي على هالاغنية 

لزكت براسي وما كاعد تروح من حلكي ادندن بيها 

ادندن وطبت امل كالت : حركتينا وكاعدة تغنين وفرحانة بهجمان بيتي الكحـ * 

- باوعي زين وشوفي منو الهجم بيتج اني معليه . 

- خايبة تسكتين عني لا والعباس اكضنج هسه لو الف حازم ما يخلصج من اديه 

سكتت عنها واني اكمل اخذت صينية وقوري الجاي ورحت للغرفة كالتلي : سم كون تتسممون اثنينكم ان شاءالله وتموتون ناخية الزهرة . 

عفتها وفتت 

حجه : هاي هي تحاجيج 

- عوفها يمعود خلي ناكل اني علكت ابالي اللحماية هاي اكلها اليوم لو. عرك لو تصيرون حرب البسوس فوك راسي راح اكلها 

ابتسم وكعدت يمه ذبيت روحي بحضنه وملت عليه باسني راسي وبقيت منتجيه عليه واكل وهو كمل غداه .. حجه : المخبلني بيها الحل بيدها وتكدر تعرف كلشي وتكعد وينحل كلشي بس هي تريد كلشي تريد شغلها وبيتها وجهالها وكون كلشي بمزاجها حتى زواجي لان ما اتزوجت على مزاجها ما رضت .. وهاي الانانية البيها كاعد تخلي الكره يزيد الها بكلبي يوم ورا يوم .

كاعد يحجي حطيت لكمة بحلكه وسكته وكتله : برا امل وهنا امل مراح نخلص من هالسيرة هي اختارت شغلها وانت اختاريتني وانتهى بعد عوفها تتقبل الموضع على كيفها لا هم تزقنبنا هنا همين 

سكت وكام ياكل 

واني بعدني ادندن : كل يوم بعمري بيعدي وانت معااايا 

- شخبصتينا بهالاغنية اليوم 

- لطخت بعد شيوخرها 

كام يباوع بوجهي وحجه : وعلي احبج 

- يحفظك علي 

كاعد احجي اشتغل المكيف 

غمزتله كام يضحك بصوت عالي كالي : ولج انت والله كارثة اني حسبالي فقيرة ومن اهل الله ومضيوووومه ضلعتي ضيم 

- قابل اطلعلك مواهبي الدفينة وانت غريب .. غير لحد نا صرت رجلي 

- اروح فدوة لهيج مواهب حلوة 

راد يتقرب يبوسني كتله : اييييع كلك دهن ودسم كوم غسل احبك بس ما احب الزفر 

كام يضحك وكام على حيله واني شلت الصينية رحت غسلتها وصفيت الجدورة ال ع الطباخ وتوضيت ومشيت للغرفة كتله : اكلك السجادة وين 

- بذيج الخانة الجوا 

فتحت لكيت سجادة وملف صلاة وكفت اصلي .. 

وكعدت اسبح كال : عفية مرة تريدها متدينة تعجبك تريدها بربو*** تصير 

باوعتله : مو يكولون ساعة الك وساعة لربك 

- خلصت الساعة لو بعدها 

ضحكت ولميت السجادة ورحتله ركض فتحت الفراش ودخلت بحضنه . 

رغم الهوسة والخبصة الداير مدايرنا بس كدرت اخلقلي جو وياه مختلف عن جوهم نهائي واطلعه من جو المشاحنات والعرك واسعده 

العصر هو غافي واني اباوع بوجهه 

شايلتله حب بگلبي بس الله يعلم بيه بحيث اتمنى اشيله من العالم واحطه بكلبي واقفل عليه 

فتح عيونه شافني اباوعله 

كط جسمه وكال : شو صافنة بوجهي 

بسته جوا شفته بشوية وكتله : اني اسفة 

واسفة هواية مو شوية يمكن قهرتك بسالفة طلعتي لهالقندرة البارحة بس والله مرات تطلع من عندي فعل مو بقصد بس غباء .. اني اعترف بنفسي عندي تصرفات غبية .. اتمنى ابطل منها حتى ما اقهرك واضوجك وتصير مشكلة بيناتنا بس ما ادري هو بعد غباء 

باسني بكصتي وكالي : اتلافي هالمواضيع اللي اتكولين عليها غباء وخابريني خليني بالصورة دوم شيصير وياج خابرني وكليلي هذا هيج ديسوي هذا هيج طلب مني حتى نعرف شلون نفكر وندارك مشاكلنا 

- وعد راح اسوي اللي تكوله بس لتخلي مشكلة بيناتنا تكبر انت عندي اغلى من الدنيا كلها انت اصلا اجمل شي الله انطانياه 

لمني لحضنه وباس راسي وهو يشتم شعري وعاصرني ويكلي : بعد حيلي وكلبه الله يحفظج الي يابه

رفعت وجهي اباوعله وامد ادي على وجهه امشي اصابيعي على حواجبه بشرته لحيته .. هو غمض وارتاح بسته بخده .. وكتله : المشتهي كنافة شتسويله

فتح وهو يكلي : غير اصيرلج كنافة 

ضحكت باسني وكام : بالجبن لو بالكيمر 

- عوف الجبن والكيمر هسه اذا واحد بينا طب للحمام وسبح حرام امك يمكن تشحتنا برا البيت 

- هي امي عمرها ما لفت عدي كله عد محمد اتوسل بيها تواسيل تجي وما ترضى متعوده غاد شجابها اليوم حظي 

ضحكت : شتسوي اذا تشوفنا ندخل الحمام سوا 

- توجهنا ع القبلة احتمال 

ضحكنا بصوت عالي وجريت الملابس بدلت وكمت وياه فتح اباب وطلع كالله : يمه مشتهية شي 

هو يحجي وهي اخذتنا سونار من فوك ليجوا 

ابتسم وباوعلي : يممممه 

- وعيالك الفوك 

-ذابهم بالشارع يا يمة غير اجيبلهم وياي هسه كليلي شتريدين 

- كلشي ما اريدن 

باس راسها ومشى ورجع كال : الجو حار خلي اسبح واطلع احسنلي 

حجت امه : كول مفينها لا تتحجج بالجو يالمستخف 

ضحكنا اثنينا وهو يدخل 

كتلها حجيه : انت ميهمج ابنج يكون مرتاح وسعيد ؟ 

- وياج لا 

- واني شمسويتلج 

- شسويتي هجمتي بيوتنا ما ضل محمد ولا حويزم ما تكاتلوا وبيوتنا اندكت وصرنا على كل السان من وراج 

- هم حقج .. الله كريم 

تشربين جاي حجية لو شنو جاي على بالج ؟ 

باوعتلي : بس جفيني شرج 

ضحكت ومشيت سبحت ولبست ملابس حلوة ومكيجت وشسورت شعري ورتبت نفسي سمعت حازم اجا وانطى البقلاوة لامه .. 

سويت جاي وجبته 

وكال : كنافتج هاي يابه 

حجت امه : النا تجيب بقلاوة والها تحط وراك 

شلته وحطيته كدامها واني اكلها : مو تدللين حجية شعدنا غيرج نخلف نجيب 

طبت امي اني كعدت اصب جاي 

مبينه مقهورة من الوضع .. تباوع على حازم .. تشوفه يضحك ويشاقي امه رغم هو الظهر كبل شوية جان كاب نار . 

ضلت بس تباوع كتلها : تريدين جاي 

دارت عني ... طبت دنيا حازم فتحلها اديه .. 

كامت تتعزز عليه وتدلل وهو يراضيها .. طبت الحجية جيرانهم ام فراس صاحت امه : هلا هلا خية تفضلي 

كعدت هي وجنتها وحازم كام 

كالي : محتاجة شي اطلع ساعة وارجع 

- محتاجة شوفتك سالم يبعد حيلي 

باسني براسي وطلع .. 

مر كم يوم على نفس هالرنة .. تصير مشاكل بس يطب للغرفة اشمر مشاكله كلها واسعده .. والناس تروح وتجي نص يشمشمون اخبار ونص يوصلون وجايبين هدايا 

وامه كابلتنا وكعدت طلكت بيت محمد وضلت يمنا بالاستقبال ..

بس للامانة المرة خوش مرة بس ترزل وتغلط هواي وكمت احب رزايلها ما اكرهن من تغلط اكوم اضحك .. 

ارتاحيت بهالاسبوع راحة 

كلت الف الحمد لله والشكر راحت الأيام السود واجت الايام البيض الـ الله فتحها علي وعوضني بحازم . 

بس حظي واعرفه ما تدوملي .. 

جان حازم جاي من الدوام متغدي ونايم .. 

اجا عمه وابن عمه و اخوه الجبير .. كالوا : كعدوا حازم بسرعة

اجا علي دك علينا الباب فتحتلا : كاله : بابا جدي مطر وعمي محمد وحسين رايدينك يكولون خل يكعد بسرعة 

فز : خير يا ستار شصاير ؟ 

كف الغطا وكام بدل وراحلهم بالاستقبال 

اني لبست حجابي ورحت وكفت شوية عن الباب حتى اعرف الموضوع شنو : عمه كاله : احنا ما نحجي هاك هذا الفيديو وانت شوف بنفسك 

مرتك تركص وجسمها كله عريان والفيديو صار بكل مكان وما ضل واحد بالمنطقة ما صار عده الفيديو و شافه وكلها تصيح : هاي مرت حازم الاخذها جديد وسيرتنا على كل السان من ورا مرتك المدري منين جبتها الناااااااااا حازممممم  

اشتهرنا واختزينا من وراه هاي الما تستحي الجايبها علينا ع ضنا ولحمنا صار الكل يتونس ويباوع بيييييه 

هسه وكدامك اثنين يا اتطلكها وتعل والديها يا اتحط طلقة براسها وتطم عااااارها وتبيض وجوهنا منهاااااا حاااازم ...

.. يتبع 

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا