رواية العزف على نياط القلوب الفصل العشرون 20بقلم امانى سيد (حصريه في مدونة قصر الروايات)

رواية العزف على نياط القلوب الفصل العشرون 20بقلم امانى سيد (حصريه في مدونة قصر الروايات)

رواية العزف على نياط القلوب الفصل العشرون 20بقلم امانى سيد (حصريه في مدونة قصر الروايات)

العزف على نياط القلوب

امانى سيد

ـ رياض انت بتستهبل

ـ بصى رجعتى تغلطى تانى ازاى ينفع كده

ـ لا أنا بتكلم بجد واضح انك ناسى عيسى وأنى متجوزه

صمت رياض لا يعلم كيف يخبرها إنه يعلم أمر طلاقها هل يخبرها أم يحترم عدم قرارها بالافصاح

ـ بصى يا غاليه عيسى اتجوز وعايش حياته وواضح إن علاقتكم كأى اتنين اخوات

ـ وانت عرفت منين ولا بتخمن

ـ لا عرفت زى ،  ما عرفت هى مش ليلى دى مرات عيسى طبيعى لو فى بينك إنتى وعيسى علاقه غير اخويه مكنتش هتبقى علاقتك بيها كده

عشان كده انا بفكر فى مصلحتك ومصلحة الاولاد

ـ ومصلحتى أنى ارجع الشقه دى تانى ارجع لسج*نى برجليا ،

ـ من مصلحتك ان يبقى عندك خصوصيه انتى واولادك هل انتى سعيده بوضع اولادك حتى لو الشقه مفصوله نصين زى مانتى عامله هل الصوت مش مأثر على الاولاد هل ده جو حياه طبيعيه

طيب إنتى راضية عن وضعهم

ـ أنت عايزنى بقى اسيب الشغل واقعد فى البيت زى الأول مش كده ؟؟

بس انسى يا رياض انا مش موافقه

ـ والله أبدا يا غاليه ، بصى خلينى اتكلم معاكى بشكل عملى وبنظره رجل أعمال وأب فى نفس الوقت

من مصلحتك إن يكون ليكى مكان خاص حام منفصل هدوء والاولاد هيدخلوا المدرسة محتاجين جو هادى عشان يرجعوا من المدرسة يزاكروا ولو حابوا يناموا يعرفوا ، وانتى كمان مش هتحسى بتأنيب ضمير عشانهم او تحسى إنك مقصره معاهم

ده من وجهه نظرى كأب

ووقت شغلك ممكن تجيبى مربيه الوقت اللى هتبقى فيه بره البيت وممكن تركبى كاميرات تتابعيها .

وبالنسبة كرجل أعمال ممكن تفتحى الشقه كلها مصنع صغير وتقسمى الغرف

تخلى غرفه للاطفال وواحده للسهره وواحده للملابس العاديه والباقى للطلبات الكبيره زى شغلى كده وتذودى كمان عماله وقتها وقت شغلك هيقل ومكسبك هيتضاعف .

ولما الفلوس تبقى متاحه ممكن كمان تشترى الشقه اللى تحتك على طول وتكبرى شغلك

ظلت غاليه صامته فحديث رياض صحيح ولا غبار عليه اوقات كثيرة كانت تشعر بالشفقه تجاه ابنائها ولكن لا تعلم ماذا عليها أن تفعل كانت تتغاضى عن أشياء مقابل أهداف اخرى

ولكن ما يزيد حيرتها أن تلك الأفكار من يعرضها رياض

هل حقا يتحدث معها هكذا من أجل ابنائه أم يريد اخضا*عها له مره اخرى ولكن بطريقه مختلفه ؟؟

هل إذا وافقت على حديثه تلك المره وقتها ستفتح باب للود بينهم مره اخرى وهذا اخر شئ تريده

هى لا تريد أى علاقه تربطهم فى المستقبل سوا ابنائها

ولكن العرض مغرى وعليها أن تضع فى الاعتبار مصلحه أبنائها من حقهم العيش فى مكان هادئ والحصول على الرعايه المناسبه فى ذلك العمر

توقفت فجأة عن التفكير ثم سألته بتلقائية

ـ رياض هما الأولاد اشتكولك من حاجه

عندما سمع رياض سؤالها شعر كمن رمى الكوره فى ملعبه

ـ بصراحه يا غاليه دى اسرار بينى وبين اولادى

ـ يعنى ايه

ـ اخاف اكلمك تروحى تكلميهم وقتها هيبطلوا يتكلموا معايا تانى

ـ لا لا قولى ووعد مش هسألهم ولا هكلمهم تانى

ـ بصراحه يا غاليه الولاد بيقولوا انهم مش مبسوطين أوى بسبب الصوت العالى والتلفزيون مش بيعرفوا يتفرجوا عليه زى الأول عشان كده اغلب وقتهم بيقضوه فى غرفتهك بيلعبوا على الموبايلات والتابلت

هو يعلم أن حديثه معظمه غير حقيقى ولكن هذا لمصلحتها هى والاولاد لعلها توافق على طلبه

اصبحت غاليه مشتته هل حديثه صحيح عليها أن تهتم بأبنائها بشكل اكبر هل يخشون أن يتحدثوا معها

ـ ها يا غاليه موافقه

ـ سبنى افكر يا رياض

ـ فكرى براحتك بس كنت عايزك تيجى تشوفى المدرسه قبل ما اقدم ورق الاولاد فيها ولو معجبتكيش خلاص

ـ تمام هفكر واكلمك سلام

ظلت غاليه جالسه وحديث رياض يدور فى عقلها

هى تريد شقه منفصله لكن إذا فعلت هذا الان سيتركها عمها أم ستدخل حرب

هل تذهب منزل رياض أم تقوم بتأجير منزل ووقتها لا تحتاج إلى منزل رياض

حسنا عليها التفكير جيدا قبل أن تخطوا أى خطوه

*****&******&******&*****&*****

فى غرفه ايناس كانت تتحدث مع زوجها عن طريق الماسنجر

ـ انتى ليه مش قاعده فى شقه باباكى وروحتى لغاليه

ـ بابا طلب منى كده وغير كده هو كل يوم هنا انت عارف ظروف غاليه

ـ مكنتش متصور أبدا انها كده

ـ للاسف بابا اصر انها تتجوز عيسى بعد ما جوزها طلقها لما عرف ماضيها وانها كانت بتتواصل معاه حتى بعد جوازهم

ـ لا حول ولا قوه الا بالله

ـ عارف يا حسين إحمد ربنا انى قولتلك حقيقتها كان زمانك انت اللى متورط معاها ، حتى اخويا عيسى ماستحملهاش ولا استحمل اهمالها بس عشان خاطر الامانه وسمعتها مخليها على زمته واتجوز عليها

عشان كده بابا خايف تقعد لوحدها  لتكلم حد كده ولا كده

تحدث حسين بسخريه ،

ـ بصراحه من غيرك فعلا مكنتش عارف هعمل ايه ، بقولك اقفلى بقى عشان عندى شغل بدرى وعايز انام ثم اغلق الهاتف معها والتفت بجانبه الى تلك التى تجلس على التسريحه وتزين نفسها

ـ سمعتى بودنك كلامها

ـ منها لله بجد ازاى تتكلم عنها كده

ـ أنا فضلت عايش فى الوهم ده سنين اكبر غلطه لما قولت لايناس أنى عايز اتجوز غاليه يارتنى كنت روحت على عمها على طول

ابتعدت عنه تلك المرأه (زوجته  رغداء )

ـ انت لسه بتفكر فى غاليه , وكادت أن تبعتد لكنه جذبها اليه

ـ لا والله ابدا مش قصدى انا اقصد مكنتش وقتها اتدبست فى جوازى من ايناس واخلف منها انا لا طايقها ولا طايق اسمع صوتها بكلمها بس عشان الاولاد

ـ انت عارف لو مكنش رياض قريبى و غاليه كانت جارتنا كنت صدقتها لكن كل العيله عارفه اللى حصل ومامته حكت لماما كل حاجه وانا سمعاها بنفسى وبصراحه عمرنا لا سمعنا ولا شوفنا عنها حاجه وحشه

ـ إنتى عارفه انا بحمد ربنا انى ساعدت اخوكى يجيى يشتغل هنا عشان اتعرف عليكى و اتجوزك

ـ انت بكاش على فكره بص انا بقول ايه وانت بتقول ايه ، كل ده من زياره جيت ازورها لاخويا

ـ هى صدفه بس احلى صدفه من وقت ما شوفتك وانا مكنتش عارف ابطل تفكير فيكى

ـ بصراحه اما مكنتش بطيقك فى الاول بسبب إنك جوز ايناس لكن لما اخويا حكالى عنكم والكلام اللى هى قايلاه عن غاليه لأ وقتها قولت لنفسى لازم اكلمك واقولك الحقيقه

ـ وكانت احلى حقيقة اتسببت انى اعرف رقمك  بصى سيبى الماضى للماضى ربنا اراد إنه يبرأ غاليه وانى اعرف حقيقه ايناس

ـ وهتسبها على ذمتك

ـ مش عارف بفكر اطلقها واحظرها انها تيجى هنا مره تانيه وفى نفس الوقت بفكر فى اولادى

ـ انا لما اتجوزتك كنت عارفه إنك متجوز عشان كده ماليش أنى اقولك طلقها وارمى ولادك

ـ هو احنا بنرغى كتير ليه انتى وحشتينى الحبه اللى كنت بكلم فيهم ايناس سيبك من كل ده وركزى معايا انا بس.

فى اليوم التالى اتت ليلى ومريم باكراً حتى يتحدثون مع غاليه واخبرتهم غاليه بمكالمه رياض لها

ولكن مالم تتوقعه غاليه انقسام الرأى بين مريم وليلى

ليلى : على فكره يا غاليه رياض عنده حق وبيتكلم فى اللى فيه مصلحه ليكى وللاولاد اصل مهما حصل هتفضلى ام اولاده

مريم : لا يا ليلى انا شايفه إنه عايز يمشيها على مزاجه وبعدين المفروض إنه فاهم انها متجوزه ازاى يطلب منها كده

ليلى : رياض مش سهل يا مريم ده رجل أعمال وفى السوق من وهو صغير

مريم : بس لو وافقت ده معناه أنها بتديله اشاره أنها ممكن ترجعله فى المستقبل

ليلى : بصى يا مريم ترجعله أو لأ دى حاجة تخصها هى لواحدها محدش ليه إنه يضغط عليها ، بالإضافة إن لو غاليه ماتعلمتش تواجه وتعمل اللى فيه مصلحتها يبقى كده هى ماتعلمتش حاجه من اللى حصلها

خلينا نفكر بالعقل كده الصح فين أنها تشوف مصلحتها وتمشى وراها وعرض رياض ده مش بس فيه مصلحتها لا ده فى مصلحه اولادها كمان يعنى قبل ماتفكر ترفض لازم تفكر مليون مره عشان ماتظلمش اولادها

الحمد لله احنا بقالنا اسم وبقى يجليلنا طلبات كتير لو فضلنا نأخر الناس والطلبات محدش هيتعامل معانا تانى

غاليه : ما شاء الله انتوا كلمكم ده شتتنى اكتر

ـ فكرى يا غاليه فكرى كويس فى مصلحتك انتى والاولاد

ـ هو المفروض يا ليلى نروح لرياض الشركه امته

ـ بعد بكره

ـ طيب حلو اوى وكويس اننا مطلبناش القماش لأن رياض غير اللون

ـ هيختار ألوان ايه

ـ معرفش لما نروح وقتها هنعرف

ـ صحيح يا غاليه هى ايناس فين

ـ نزلت تشترى حاجات ليها .

ـ تعرفى إن عيسى اتفاجئ امبارح أن اخته جت لما حكيتله دى حتى مجتش سلمت عليا

ـ تعرفى يا غاليه دى دخلت شافت المكان وخرجت اتكلمت فى التليفون ورجعت دخلت تانى ، معلش يا ليلى بس دى شكلها مش مرسح خالص حاولى تحذرى منها يا غاليه

ـ عندك حق

ـ المهم هتعملى ايه مع رياض

ـ بعد بكره باذن الله هكون اخدت القرار وهبلغه واقولكم انتوا كمان.

وكمان اعرف سبب زياره إيناس ايه

******&******&*********&******

فى منزل خالد كانت نجلاء تجلس برفقه اخته الصغرى تتحدث معها

ـ صحيح يا بوسى شوفتى احمد عينه مانزلتش من عليكى يوم العذا شكله لسه بيحبك

ـ خلاص ماعدش ينفع يا نجلاء

ـ ليه بس انتى كمان بتحبيه وهو واضح انه بيحبك وطول الوقت ماشى مع اخوكى وبيحاول يعرف اخبارك يبقى ليه لا

ـ عشان متجوزه مثلا

ـ اتطلقى من جوزك وارجعيله

ـ تفتكرى هيوافق وهيقبل يتجوز واحده متجوزه انتى بتقولى ايه بس يا نجلاء

ـ جربى يا ستى انتى مش خسرانه حاجه

صمتت بوسى تفكر فى حديث نجلاء

وابتسمت بوسى داخليا فهى هدفها ذلك المنزل وخالد فقط هى لم تأتى لتعمل خادمه كما كانت تفعل مريم

( خالد الناس اللى نسيت جوز مريم ونجلاء بنت خالته )

فى منزل غاليه كانت ايناس تحاول معرفه ما يحدث حولها وواجهت غاليه بأمر طلاقها من عيسى

ـ غاليه انتى ليه مابقتيش تحكيلى زى الاول

ـ عايزه تعرفى ايه يا ايناس

ـ انتى وعيسى اتطلقتوا صح

ـ اه صح

ابتسمت ايناس بسعاده لم تستطع اخفائها

ـ بجد تصدقى انا فرحتلك بس اكيد في حد تانى فى دماغك صح

ـ صح طبعاً امال انا اتطلقت ليه

ـ وياترى مين ده

ـ لا ده سر بقى مش هقولك عليه دلوقتي

ـ وعيسى يعرف

ـ طبعاً

ـ وقبل

ـ أكيد

ظلت ايناس تسألها وغاليه تعطيها اجابات منها الصحيح ومنها غير الصحيح حتى تعلم ماهدفها من كل ذلك

ارادت غاليه أن تثبت لحالها أنها تغيرت حقا وقادرة على المواجهه بمفردها

ـ غاليه هتاخد قرار ايه بخصوص الشقه ؟؟

تفتكروا غاليه بتفكر فى رياض 🫣🫣 ؟؟

وليه هى واثقه إن عمها مش هيعمل حاجه ولا هيأذيها ؟؟

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله  اضغط من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا