رواية جريمة في قلب عاشق الفصل السادس عشر 16 بقلم منال كريم حصريه في مدونة قصر الروايات
رواية جريمة في قلب عاشق الفصل السادس عشر 16 بقلم منال كريم حصريه في مدونة قصر الروايات
#جريمة_في_قلب_عاشق
#الفصل_السادس_عشر
بقلم منال كريم
__________________
كانت نادية تمسك سها التي كانت فاقدة الوعي ، بسب ملك.
و تقف بصدمة و هي ترى ريهام في قبضة ملك، لا تعلم ماذا تفعل؟
تترك سها و تذهب لتنقذ ريهام من ملك، أو تترك ريهام و تذهب مع سها.
صرخت ملك بصوت و هي تمسك شعرها بقوة: لو نسيتي نفسك، افكرك ، انتي حتة خادمة عندي، و أنا ست البيت ده، يعني بإشارة مني تغوري في ستين داهيه من هنا، فاهمة يا حلوة.
قالت بألم: فاهمة، فاهمة ، آسفة حضرتك ، سيبي شعري يتقطع في ايدك.
نظرت ملك لشعرها بابتسامة و قالت : تصدقي فكرة حلوة.
دفعتها على الأرض بقوة و مسكت شعرها و قالت : ينفع كده مفيش ضمير الارضية مش نظيفة خالص.
سحبتها من شعرها في الغرفة ، كانت تصرخ ريهام بألم.
كانت تنظر نادية بصدمة، صرخت نادية بصوت عالي: اطلعوا بسرعة يا بنات.
صعدت ثلاث فتيات
اتنين أخذوا سها إلى غرفتها و يحاولوا معها حتي تعود إلى الوعي.
جاءت نادية تقرب حتي تنقذ ريهام من يد ملك،
صرخت بعصبية: ابعدوا عني
نادية بهدوء: معلش يا مدام لو سمحتي كفاية كده
تركتها ملك و قالت: خدوا الزبالة بره.
اقتربت نادية مع فتاة و أخذوا ريهام.
جلست على الارض و صرخت صرخة عالية ،و تكاد هزت اركان المنزل، قالت بدموع: ذنب ابني ايه، ذنب ابني ايه ,ذنبه ايه.
نامت على الارض بحزن و تعب.
في هذا الوقت ، كان كريم ينتظر علا في كافية على النيل.
وصلت علا و جلست بهدوء
كريم بهدوء :ازيك يا علا
علا بسعاده: الحمد لله أنا مبسوطه أوى انك طلبت تشوفني
كريم بحب: اسف يا حبيبتي عارف اني اخر مره كنت بيخ معاكي
علا بسعاده: كريم أنت قولت حبيتك
كريم بحب: ايوه يا حبيبتي أنا فهمت متأخر أوى اني اخترت الشخص الغلط وسبت الشخص الصح
علا بسعاده: كريم قصدك ايه
كريم بحب : تجوزني
قامت علا وقفت من على الكرسي
وقام كريم وقف قصادها
علا بذهول : قول تاني
كريم و هو يضغط على كل حرف:تجوزني
أومأت رأسها بالموافقة و قالت بدموع: موافقه موافقه انا بحبك اوى يا كريم
كريم : وأنا بموت فيكي يا حبيبتي
علا بهدوء:وملك
كريم بغضب: ملك خاينه تخيلي خانتني أنا كريم عبدالله السيوفي ،أنا اتجوزك وهى مراتي وبعد فرحنا أطلقها على طول ،لازم اشوف الحسره فى عينيها،وبعدين اخلص منها موافقه يا حبيبتي
علا بسعاده: طبعا موافقه
كريم :الفرح الخميس الجاي
علا باستغراب :كريم بعد يومين بس مش نلحق
كريم : لما كريم عبدالله السيوفي و علا عاصم يكونوا عايزين حاجه تحصل صح ولا لا
علا : صح طبعا
في المنزل
فاقت سها و هي تنفجر من الغضب بسبب ملك
علا كلمت سها وقالت لها ، وجدت أنها فرصة حتي تغيظ ملك.
أمام غرفة ملك
سها بصوت عالى جدا: اخيرا كريم يجوز واحده من مستواه
كريم يتجوز علا يا ملك
كانت تنام على الارض مثل ما هي.
أما سها دقت على كريم و أخبرتها أن ملك رفعت يديها عليها بدون سبب.
و كان رد كريم: يومين بس يا سوسو و كل حاجة تتحل ، اكيد علا كلمتك.
قالت بسعادة: أيوة يا حبيبي الف مبروك.
قال بهدوء: الله يبارك فيكي.
في الحديقة
يجلس سامح مع ريهام
قال بغضب: هي عملت فيكي ايه، دي مجنونة ازاي تعمل كده.
قالت بدموع: شوفت يا حبيبي عملت ايه.
قال سامح: أنا فرحان أن كريم يتجوز علا و يطلق ملك دي، علا مال و جمال مش دي، و بحمد ربنا أن الطفل ماتت كانت تلزق بسببه لكريم.
قالت بدون قصده: كان لازم يموت.
قال بهدوء: طبعا كان لازم وياريت كانت ماتت و خلصنا منها.
بسهولة و هي تحت تأثير سامح اعترفت بكل شيء.
بعد وقت
عاد كريم من الخارج.
وجد ملك نائمة على الأرض ، أخذ نفس عميق و قال : ملك، ملك.
كانت مغمضة عيونها و قالت: ايه.
سأل : عندي ليكي خبر.
ابتسمت بسخرية: عرفت الف مبروك يا حبيبي.
مر يومين سريعاً كان مشغولين بتحضير حفلة الزفاف....
اليوم يوم زفاف كريم وعلا
الزفاف في المنزل
استعانت ملك افضل بنت ميكب اب
أفضل مصممة أزياء لتقوم بتفصيل فستان لها
كانت ملك تريد أن تكون أجمل فتاة في الحفل.
و قررت ملك ترد القلم لعلا و ارتدت فستان ابيض ، كانت مثل الاميرات.
في غرفه كريم وملك
كانت ملك تجلس على السرير
خرج كريم من غرفة الملابس
والحقيقه انبهر بجمالها.
ذهب إلى المرايا ليربط ربطه العنق
ذهبت ملك إليه وقفت على أطراف أصابعها و ربطت لها رابطة العنق،و قالت بهدوء: يشهد الله أنك أول و آخر حب في حياتي.
وضعت أيديها حوالينا رقبته وضعت قبله على عيون كريم التي كأنها قطعه من البحر بلونها الازرق.
و قالت بحب: كريم أنا بشكرك تاني على كل حاجه حلوه عملته معي، والله أنا عمري ما خانتك يا كريم ولا عمري أكون غير ليك انت، اي كان اللي يحصل النهاردة هو القدر، لأن ده وقت الحساب ، و كله لازم ياخد حسابه.
وضع كريم قبلة على جبينها ثم يديها و قال بندم: أنا آسف ، بجد اسف ليكي، حقك عليا يا ملاكي.
وضعت يدها على خدها و قالت بحب: أنا بحبك يا كريم، بحبك يا عوض ربنا لي، بحمد ربنا انك وثقت فيا.
أومأ رأسه اعتراضا و قال بدموع: انا غلطان يا ملك، كنت أعمي ، سيف حذرني كتير و أنا كنت غبي ، عمري ما شوفت سها كده، ازاي تكون بالشر ده، لو كان غضبي اتحكم فيا في اليوم ده، كان اللي يحصل، لو كنت صدقت الصور و الفويسات و التحليل كنت خسرت يا ملوكة.
قالت بابتسامة: بس انت وثقت فيا و كدبت عينك و صدقت قلبك..
اخذها في حضنه و هو يحمد الله انه تحكم في عصبيته و لم يشك في ملك...
كانت تتذكر هذه الليلة الصعبة التي أيقنت أن هناك شياطين في هيئة بني ادمين، و لكن تأكدت أيضا أن الله ينصر المظلوم.
في هذه الليلة بعدما رآى الصور و تهور كريم و صفعها بقوة أمام الجميع و جذبها إلى الغرفة..
دفعها بقوة على السرير ، صرخت بألم و قالت بدموع: في ايه ، أنا عملت ايه.
القي الظرف في وجهها لتجد صور لها غير لائقة مع شاب، هي نفسها لا تتحمل النظر إلى الصور .
وضعت يدها على فمها بصدمة و قالت بدموع و خوف: كريم ، اسمعني أنا معملتش حاجه
صرخ بعصبية: كاذبه انتي انسانه كاذبه فاهمة.
قالت بنفي و دموع شديدة: لا يا كريم مش كاذبة، والله العظيم ما عملت حاجه
قال بعصبية و جنون : اومال مين اللى عمل كده ، مين اللي في الصور دي.
قالت بدموع وخوف: والله العظيم ما عارفه حاجه ، بس مش انا اللي في الصور دي
جلس أمامها على الأرض و قال بدموع: ليه ، عملتي كده ليه.
أومأت رأسها بالنفي و قالت بدموع: مش أنا ، مش أنا.
قال بصوت ضعيف و حزين : مش انتي اللي في الصور صح.
أومأت رأسها بنعم.
أكمل بنفس النبرة و هي يخرج ورقة من الظرف: عارفة الورقة دي مكتوب فيها ايه، مكتوب أن ابني مش ابني.
صرخت بصوت عالي جدا: و الله العظيم كدب ، أنا مش خاينة ، أنا مش خاينة.
صرخت و هو تقول : مش انا , مش أنا
لم سمعت سها و علا صرخات ملك شعروا بسعادة ، ظنوا أن كريم يضربها...
ثم ارسلت علا الفويسات.
وصلت له رساله
لكن لم ينظر، حتي وصلت رسائل كتيرة.
فتح اول رسالة و تاني و اكتر من خمس رسائل لصوت ملك و هي تقول كلام فظيع.
نظر لها بصدمة و قال: ايه ده.
كانت تعود إلى الخلف بخوف و قالت: أقسم بالله العظيم ، أنا مش عارفة ايه ده
قال بغضب شديد : ما انتي حلوة اهو اومال معي حياتك نكد في نكد ليه.
نهضت من مقعدها و مسكت يده و قالت: كريم أنا مستعدة احلف على كتاب ربنا أن الصور و الفويسات دي مش أنا.
كان يتنفس بصعوبة. قال : ابعدي عني ، ابعدي عني.
كان يغادر الغرفة ، مسكت يده و قالت بدموع: اسمعني مرة واحدة بس اسمعني، قولي ليه ممكن اخونك ، ليه يا حبيبي ، أنا بحبك ، طيب اسال نفسك أنا بخرج فين علشان اعمل كده، أنا بخرج معك أو لا، عارفة أن الصور تخرج اي راجل عن شعوره ، أنا مش قادرة اشوف نفسي كده، بس دي مش انا و مش انا اللي اقولك كده انت راجل متعلم و عارف أن كل حاجة سهلة دلوقتي بالذكاء الاصطناعية , تسأل نفسك ليه حد يعمل كده ، معرفش بس لازم نعرف مع بعض، بلاش نغلط نفس الغلطة،لما بعدنا عن بعض بعد وفاة عبدالله ، حبيبي خلينا مع بعض علشان نعرف مين عايز يخرب بيتنا.
كان يسمع حديثها بانتباه، جذب يده من أيدها و حضن وجهها بين أيدها. قال بدموع: انتي مش خاينة صح
أومأت رأسها اعتراضا.
أكمل هو بدموع: بتحبني .
حضنت وجهه بين أيدها ايضا، أومأت رأسها بالموافقة و قالت بدموع : عمري ما حببت غيرك، مش بحب غيرك اصلا، بحبك يا كريم.
أخذ نفس عميق و قال: مين ممكن يعمل كده.
قالت بتوتر: اقول شاكة في مين.
أومأ رأسه بنعم
قالت بتوتر: عارفة انك مش تصدق، بس قلبي مش مرتاح من وقت ما جت هنا
قال بعصبية: قصدك سها.
أومأت رأسها بنعم.
قال بعصبية: لا ، لا ، اختي مش تعمل كده.
قالت بهدوء: حبيبي دلوقتي لازم نتظاهر انك صدقت الصور ،علشان نكشف الحقيقة ماشي.
أومأ رأسه بنعم.
و غادر كريم من الغرفة حتي تظن سها انها غاضب من ملك.
لما سيف ذهب إلى كريم في المنزل.
حكي كريم له عن الصور و الفويسات و التحليل ،وجد أن سيف لم يصدق ذلك.
قال كريم عن كل شيء عن حديثها و خطته مع ملك.
قال سيف : برافو عليك يا كريم ، افتح عينك.
قال بحزن: عارف انك تشك في سها.
قال سيف بهدوء: ابنك مات بفعل فاعل.
سأل بصدمة: بتقول ايه.
قال سيف كلام الدكتور و التحليل اللي وصل ليه و أن سها و علا و ريهام مشتركين في الجريمة.
سال بحزن: هي سها شيطانة و أنا أعمي.
قال سيف بهدوء: حذرتك كتير و أنت حبك ليها عمي عينك
تذكر كريم و قال: كلامك صح، ملك كانت كويسة جدا ، لحد ما شربت كوبية اللبن ، ريهام هي اللي طلعت ليها اللبن.
جلس على الأريكة بتعب و حزن و قال: اختي قتلت ابني ، ليه يا سيف، أنا قصرت معها في ايه.
قال بهدوء: عمرك ما قصرت ، بس في ناس كده الشر ملئ قلوبهم.
بكي مثل الطفل الصغير: نفسي اكون بحلم، تخيل أنا بين نارين ، نفسي اختي تكون ملهاش علاقة بكل ده، و مراتي تكون بريئة.
قال بهدوء: مراتك بريئة ، اختك لا، دلوقتي لازم اقولك نعمل ايه علشان نكشف سها و علا و ريهام.
رغم كلام ملك و سيف ، بس كريم كان من جواه نفسه تطلع سها بريئة، مش فارق معه علا ، المهم سها.
تلاش كل ده لما شاف عيون سها و هي تتطلب منه يغسل عاره و يقتل ملك، شاف الكراهية في عينها، كان يبكي و يسال نفسه، هي ازاي كده، و أنا كنت أعمي طول الوقت......
خرجت من حضنه وقالت بابتسامة: يلا يا عريس الليلة ليلتك.
أبتسم بحزن و قال: يلا..
مسكت ايده ونزلت معه إلى الاسفل ،وكريم لا ينطق بحرف لم يصدق أن بعد دقائق سوف تذهب اختها إلى السجن بتهمة قتل ابنه.
كان الجميع متعجب، اليوم زفاف كريم على امرأة اخري، و يهبط مع الزوجة الأولي.
اما علا وسها فى غيرة وحقد وغل و غيظ.
تركت ملك ايد كريم وجلست على طاوله بعيده
اما كريم ذهب إلى علا
علا بصوت عالى: ممكن افهم ايه ده
كريم بعصبية' صوتك عالي ليه
سها بهدوء: هى غيرانه عليك يا كريم
كريم بعصبية: انتي المحامي بتاعها
ذهب كريم
علا بغضب: شوفتي ملك عملت ايه
سها ببرود: طلعت الفلاحه مش سهله دى حته لبسه فستان ابيض علشان تنقص فرحتك
علا بحقد :اتجوز كريم بس وتشوف اعمل فيه ايه الفلاحه دي
عند ملك رن هاتفها
ملك بهدوء:ازيك مليكه وحشتينى أوى
مليكه بحزن: والله انتي نسيتي أنك ليكي أهل يا ملك من يوم الجواز
ملك بهدوء: أنا عمري ما أقدر كنت مشغوله شويه الفتره اللى فاتت لكن خلاص قريبا جدا اكون فى البلد.
مليكه بفرحه: بجد جايه انتي وكريم
ملك بهدوء: أن شاء الله يلا سلام دلوقتي..
أغلقت كل الاضواء.
كان يوجد ضوء بسيط جدا على ملك فقط
وقف كريم أمامه ومد أيده
و قال بهدوء: اسمحلي با الرقصه دي.
ملك بهدوء: موافقه طبعا
نهضت ملك حتي تشغل النار في قلب سها و علا...
علا بغضب:هو كريم أجنن ولا ايه
سها بهدوء: اهدي كريم يعمل كده علشان يكسر ملك اكتر واكتر .
كل الاضواء مغلقه الا ضوء بسيط على كريم وملك.
تنهد بحزن ثم قال: آسف يا ملك, آسف على كل حاجة حصلت بسب اختي.
أجابت بهدوء: أنت مالك يا حبيبي ، هي اللي قلبها اسود
تنهد بحب ثم قال: بحبك اوي.
أبتسمت بخجل و قالت: أنا بحبك اكتر على فكرة
لم يتحدث أحد منهم بعد
كانوا يرقصون فقط والحقيقه كانت رقصه رائعه جدا
كان الجميع يقول إنه هذا ثنائي رائع
انتهت الرقصه
ذهبت ملك إلى الطاوله
وكريم إلى علا.
سها: ارقص مع علا بقا
كريم : لا لازم تكون مراتي الاول وبعدين أرقص معها براحتي.
سار الزفاف بشكل طبيعي كريم وعلا يستقبلون التهاني من الجميع
وملك كاد قلبه يتقطع من كثرت الحزن ، رغم أن هذه مسرحية ، حتي تفضح علا و سها أمام الجميع و يكسروا قلبهم و فرحتهم مثل ما فعلوا مع ملك، لكن كانت تشعر بالغيرة.
غير أنها لا تتحمل رؤية من قتلوا ابنها ، يوسوس لها الشيطان أن تقتلهم و يحدث ما يحدث ...
جاء موعد كشف الحقيقة.
تم تشغيل فيديو ريهام و هي تعرف لسامح أنها اشتركت في قتل الطفل .
ثم فيديو سها و هي تعترف لملك.
كل ذلك و علا و سها و ريهام يموتون رعبا..
ذهب كريم إلى ملك و أخذ يديها و قال بهدوء : طبعا الكل مستغربا ايه الفيديوهات دي، أنا اقول كل حاجه، الحفله دى مش علشان اتجوز علا.
علا بغضب شديد: انت بتقول ايه يا كريم.
التفت كريم له وضربها با القلم بقوة
سها بعصبية: كريم انت مجنون
الفيديوهات دي كدب.
اقتراب كريم من سها وضربها با القلم بقوه أيضا
جاء عاصم أبوه علا
عاصم بصوت عالى جدا: كريم انت نسيت نفسك ومش عارف علا بنت مين
كريم ببرود: عارف وياريت انت كمان تعرف انت بتكلم مين..
و كمل بصوت عالى جدا:
مش عايز اى حد يكلم خالص
الكل خاف منه فهو كريم عبدالله السيوفي ذو شأن عالي جدا ولا يستطيع أحد أن يعترض على حديثه
كريم بعصبية: الحفله دى علشان انتقم من اللى ظلم مراتي وكان السبب اني اخسر ابني ، زي ما الفيديوهات تثبت أن مراتي خسرت ابنها بفعل فاعل و كمان حاولوا يفتروا عليها بصور مفبركة..
كمل بحزن وهو ينظر إلى علا : للاسف السبب في كده صديقه الطفوله اللى طول عمري اعتبرها اختي واخاف عليه من النسمه
و كمل بحزن وهو ينظر إلى سها: واختي وبنت عمي و صحبتي وبنتي ، اللى كانت قبل ما تقول عايزه ايه كان يكون عندها
تفتكروا ليه عملوا كده.
علا علشان بتحبني
وسها علشان الفلوس
الحقيقه اسباب مش مقنع
أنا عمري حرمتك من حاجه يا سها
لم تجيب سها.
كريم بحزن: فكرني أنا امت قولت اني بحبك ، انا طول عمري بقول علا وسها اخواتي صح.
لم تجيب علا
كريم بغضب شديد: الهوانم قتلوا ابني بمساعدة شغالة في البيت ، ريهام.
انتفضت من الخوف
أكمل كريم: انا عملت الحفله دى علشان الكل يعرف حقيقتهم، و اكسر فرحتك يا علا انتي و سها، قولتوا خالص كريم وقع، بس اللي وقع انتوا و بس.
كريم بحزن وهو ينظر إلى ملك بدموع: اسف يا ملك اسف انتي اشرف انسانه فى الدنيا، آسف انك خسرتي ابنك بسبب الحية اللي ربتها في بيتي
و أكمل بصوت عالى جدا: سامح.
سامح بهدوء: حصل يا فندم.
دخلت الشرطه التي كانت على علم بكل شيء من البداية و كان مصرحة بالتصوير
سها بخوف: كريم
كريم ببرود: الشرطه قبضت على ريم لأن التصوير كان في محلها ، وكمان الشاب اللى فبرك الصور وكمان الشاب اللى في الصور وفاضل انتم بس يلا خدهما يا حضرتك الظابط
ذهبت سها إلى كريم مسكته من قميصه بغضب: كريم انت تعمل فيا انا كده.
كريم بغضب: واكتر من كده لانك بقيت مجنونه أنا غلطت اني خرجتك من المصحه.
سها بغضب: وأنا دخلت المصحه بسب مين مش أنت السبب.
كريم بعصبية: أنا السبب لما جبتي واحد علشان يجوزك وطالع عايزك علشان الفلوس ولما قولتله أنك مش معاكي فلوس فسخ الخطوبة يبقي انا السبب بدل ما تقولى شكرا يا اخوي انك خلصتني من واحد طماع.
سها بدموع شديده: ايه يعني كنت سبته انت عارف اني كنت بحبه أوى.
صرخ بعصبية: أنت فعلا مريضة نفسية، وأنا غلطت لما قبلت اني اطالعك من المستشفى وبقيت اخليكي مسافره على طول وأقول علشان تنسي لكن عملتي ايه بقيتي مدمنة دخلت مصحه علاج الادمان.
ومسك شعرها بقوة و قال بغضب شديد وصوت واطي: غير علاقاتك الزباله مع الرجال واقول بكره تكون أحسن لكن أنا غلطت يا سها، غلطت لما قولت اختي في كفة و للدنيا في كفة لأن اختي زبالة و قاتلة، غوري من وشي.
اخذها الظابط تحت صرخاتها و هي تقول: كريم ، كريم اوعي تسبيني.
نظر إلى علا و قال ببرود: ايه يا علا أنا السبب صح قولى انتي كمان
علا بهدوء ودموع: لا يا كريم انا السبب لاني طول عمري بجري وراء سراب, عمرك ما كنت لي ، عمرك ما حبتني ، آسفة يا كريم ، آسفة
واخذ الظابط علا وأبوها وأمها خلفها.
و اخذوا ريهام أيضا
كانت تقف بصدمة تسمع الحديث, يدور في عقلها اكتر من سيناريو ، ترك عقابهم لله و القانون
أو تقتلهم و تأخذ طار ابنها، تري أنهما يذهبوا بسهولة من أمامها.
علا و سها و ريهام ، رحلوا بدون طلب السماح منها ، هل الموضوع بهذه السهولة؟
هؤلاء هما من قتلوا ابنها، يرحلون من أمامها ، و هي لا تفعل شيئاً.
كان يقف خلفها حارس من رجالة كريم و يضع السلاح في جيبه، أخذت السلاح و صرخت بصوت عالي: سها.
التفتت لها سها، أطلقت ملك رصاص، أصابت سها ..
تحت صدمة الجميع
وللحديث بقية
رايكم يا جماعة الخير🤔🤔🤔🤔
#جريمة_في_قلب_عاشق
#روايات_بقلم_منال_كريم
🩷🩷🩷🩷🩷🩷🩷🩷
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل على سيدنا محمد وعلى ال سيدنا محمد
لا حول ولا قوه الا بالله العلي العظيم
لا اله إلا أنت سبحانك اني كنت من الظالمين
🩷🩷🩷🩷🩷🩷🩷🩷
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا