رواية عاجر الفصل الخامس عشر 15بقلــم الكاتبـــة زينب ماجد (حصريه في مدونة قصر الروايات)

 رواية عاجر الفصل الخامس عشر 15بقلــم الكاتبـــة زينب ماجد  (حصريه في مدونة قصر الروايات)

رواية عاجر الفصل الخامس عشر 15بقلــم الكاتبـــة زينب ماجد  (حصريه في مدونة قصر الروايات)

#عاجر 

{ بقلم الكاتبة زينب ماجد } 

الحلقة_١٥

فزيت من مكاني راح گلبي 

وهو يكلي : اهدي اني اطلع 

- عزا العزاني كون يكلي اني اطلع شتطلع رايد تخزيني البد 

- صاحبج اني والبد شبيييييج 

- حازم فدوة بس فوت بالمطبخ خاف مو حيدر خاف غيره 

- دمشي شوفي 

- يمه وعلي رحت بيها لو طلع حيدر الا يذبحني ع الصبة 

- بكيفه تايهتله ويذبحج شبيج انت غير مرتي قابل ناهبج اني 

عفته وطلعت كوا الصوت يطلع من بلعومي .. 

: منووو ؟ 

سهى : اني شبيج فتحي ايدي راحت من الدگ 

فتحت الباب كالتلي : البسي حجابج رجلي وياي 

- وين رجلج شعده جاي 

- يا خية شمالج اطردين من بعيد .. بس يدخل يشربله امية ويروح 

ضليت اباوع بوجهه بس بخوف : شبيج صاير شي ؟ 

- اذا تكدرين خلي يروح 

- ليش شكو شصاير 

- مثل ما اكلج 

- زين بس جيبي مي 

فتت بسرعة ركضت للغرفة واني اكله : ابوس ايدك فوت للمطبخ 

وياي عليك الله خاف رجلها يطب 

- ترا مو وضعية هاي خل يدري رجلها خو ما نخاف هم من رجلها 

كاعد يحجي طبت سهى ضلت جامدة بمكانها من شافت حازم كاعد 

: منو هذا صبا !؟ 

- سهى افهمج كلشي بس خلي رجلج يروح 

- كام حازم دخل للمطبخ 

واني تبعت ورجلها وكف بالكراج وهو يصيح : ها شلونهم 

- هلا هلا بيك خوية 

سهى : بس خلي تلبس حجابها 

ردت الباب .. واني رحت للكنتور جريت ثوب طويل لبسته مستور مو مال بيت .. ولفيت الحجاب وهي تكلي : صبا الشفته صدك ولج لو يتخايلي اطببين زلم يمعزاية 

- مو غريب شنو ولج صبا مفوته زلمة لبيتج الناس العالم تشكول عنج رجلي لو درى يذبني مثل الحلب وياخذ جهالي ولج صبا ما استحيتي شسويتي بيييينا 

- دفتحي الباب اله خل اجيبله المي 

ركضت فتت للمطبخ حازم منتجي ع الكاونتر متضايق كال : مو حالة هاي ننحط هيج موقف شنو زانين 

- صوتك يمعودة فدوة بس استر عليييه حازم 

جريت بطل المي من الشبچات مال الثلاجة واخذت كلاص وهي ادخل رجلها للهول .. جهالها رادوا يطبون للمطبخ وهي لازمتهم .. وهو يكللها :  ليش كاضة الجهال

طلعت وسديت الباب وراي هي وجهه كام يذب الوان واني لو يذبحوني ما يلكون بيه قطرة دم .. سلمت عليه  واطي مي شرب وهو يكلي 

- اي شلونج مالونج 

- تحت رحمته 

- شصار على خطبتج جعفر كال قريبة ؟

- شوكت كالك ؟ 

- ما ادري كبل اسبوعين هيج 

- لا صارت بيها مشاكل 

- لاااا والله انت يا صبا ما عدج حظ بكلشي .. 

باوع الجكاير وسويج السيارة مال حازم يم الفراش مالي 

كال : شني حيدر موجود ؟ 

كتله : لا والله ما موجود

- جا السويج مالمن هن والجكاير 

-ها ذني اي .. اي مال شسمه 

اباوعلها انضربت على راسي واندار الساني  .. حيدر نساهن .. عنده شغل .. وطلع من الصبح

- ما ادري بيه نازل اختج كالتلي بالواجب

حجت سهى : اكلك عود لا تنسى من تروح تمر بخالتي تكللها 

- اي ان شاءالله  يلا بخاطركم .. محتاجين شي 

- سلامتك 

- اودعناك 

طلعت وهي تكلي .. لو ما شافه هو شيسكت الجهال لو شافوه احجيلي 

- بس خلي يروح رجلج واخذي الجهال للدكان اشتريلهم 

- صخام بوجهج يا طايحة الحظ خزيتينا 

-هسه دروحي يمعوددددة مشي 

وصلت ويا للباب واني رجعت لحازم 

وكتله : خلص دمي والعباس هيج عيشة ما تنجرع كوم اطلع 

- اني اللي ما اجرع هالعيشة ولا هالموقف 

- محد حطنا بهالمووووقف غيرك كتلك من البارحة لا تخزيني بس انت اناني 

- اناني لو رايد هالوضع الخر* ينتهي شني نتختل جهاااال 

- دكوم اطلع منا شني رايد تخزيني اكثر روووح 

- سويلي درب ساعة الكشرة 

طلعت للغرفة .. سهى ماخذة جهالها ورايحة للدكان 

هو دنك جر قميصه لبسه واخذ غراضه وطلع من البيت واني بهمة كمت الملم بالغراض والفراشات .. شلت الصينية طبت اختي وجهالها .. صاحت : صبااا ها 

- تعاي .. ماكو 

فكت باب المطبخ اني انداريت بحسرة وكأني مستعدة اسمع منها كل كلمات الشتيمة والغلط والعتاب .. انطلقت بكلمة : منو هذا صبا 

- 

- حازم الطبيتي بعين اخوتي وكتي ما عندي شي وياه وطلعتي اتجيبي للبيت من يلتحق حيدررررر 

- سهى اسمعي قبل لتحكمين الرجال مو غريب ولا الدا اسوي حرام 

- ما جاي اتسوييين حرام وانت جايب رجل ابيتج ولج تهرمين صبا !؟ لو العالم شافته هسه وحجت لحيدر مو يكصور راسج ونطلك وياخذوووون جهالنا 

- اني ما زانية اني وحازم متزوجين سهى 

لطمت على خدها : عزا العزااااااج كون ماخذة رجل من ورا ظهورنا 

- الرجال تقدم مرتين واخوتج رفضوه 

- ومن رفضوه رحتي كسرتي عيونهم و خذتي بالسر وتجيبينه للبيت وفرحانة ناصبتله الصينية والفراش والهدوم مطشر وعايشة بالعسل من وراااانا 

- منو بيكم اهتم لامري وفكر بيه حتى اني افكر يا يوم احتاجيت وكتولي يمج

- وما وكفنالج تكسرين عيونا كدام الناس صبا جعفر شيكل لنسابته اني شكل لعيالي ورجلي وولو طلكاني واخذ بزري شلوووون بيه تفكرررررين بس بروووحج 

- وما فنعتي جعفر يرضى من الاساس ليش وكفتوا بقسمتي خايفين على حجي الناس عليكم ما بيكم واخد انطاني سبب لرفض حازم .. بالفضايح صوتكم شعلوه ونذبح ونكتل ومن اجت قسمتي محد كال نسترها .. 

- مو راد يطيج لحسن ولج وانت راسج والف سيف مااااا رضيتي 

- وحسن شنو حسن حتى اخذ حسسن ؟ 

- معناتها عاشكة الزلمة صبا .. ثقوا بيج ورضوا تكعدين ابيت ورحتي سبتي واتمعشكتي 

- شكد سهلة بحلوكم سبتي واتمعشكتي 

وينكم عني من طردني عدنان من بيته وطلكاني وانتم تذلون بيه وتخابرونه يترجوه يرجعني .. وينكم عني من طردني جعفر وذبني على عمي يومية اعيش باهانة ودموعي بعيني ؟ وينكم عني من ركع راسي بالحايط وطلعت من بيته عيوني مغوشة وتخربطت بالشارع احيتوا حاسبتوا كتوله ليش شلتوني اخذتوني من بيت عمي دريتو عن حالي لو اجيتوا ها بعدج عايشة اي عود من تموت خابرونا 

من لكيت انسان سعالي اشتري بيت وسعالي اثثه وسعالي اوكف على رجليه وكمت بكل حاجة احتار التجئ له لان محد منكم موجود تكلولي عشكتي وسبتي .. من تريدون ما اسيب بدربه ما لميتووووني ؟ 

حيدر عايش وياي وياخذ الالف مال الصمون مني لو راد يشتري للبيت ويشوفني كاعدة بالظلمة يطلع للكوفي ويعوفني ويجي حازم يدفع سحب عنه .. وينكم من بردت وجعت واحتاجيت وينكممم 

ليش من اتعلقت بواحد رادني ورته وكفتوا بطريقي 

واكتلج واذبحج  وما انطيج 

واحاجي اخوج اكله بس انطيني تبرير ليش هيج وياي 

يكلي شلة حال 

شسويتلكم ورايدين شلة حالي ؟ 

شنو ذنبي وياكم بيش اذيتكم 

بس لإن رجعتلكم مطلكة !!!!؟ 

ما حسبتوا كسرتي حسبتوني عيب وتستحون تجيبون طاريي وتكولون صبا رجلها طلكاها وذباها ها خاف يكولون شلكى عليها وطلكاها وتتضايقون من حجي الناس 

- ووكت الاحنه استحينا وخفنا على ارواحنا رحتي اخذتي رجل من ورا ظهورنا وكسرتي عيونه مو .. رضيتي هسه ارتاحيتي اتوسدتي ونسيتي لو انفضحتي شيصير بينا 

- انتو اللي ما خليتولي طريق 

- لا تتحججين صبا لا تتحججين 

سالفة حسن انسدت وكاعد تشتغلين وتروحين وتجين ومرتاحة ومحد كاعد يوكف بوجهج بعد كاسرة عيونننننه ليييش

- مو حجج لو ما حازم اني ما اوكف على حيلي وارتاح لان هو سندني كدرت اوكف ما وكفت من كيفي ..

ضلت تباوع بوجهي وعيونها مجبدة : صبا اخوتي مو زينين احنا خواتج شبدينا ؟ شذنبنا ليش فكرتي بس بروحج وخليتينا وراج حالنا حالج وحدتنا متجرعة المر ابيت عيالها وويه رجولتنا ومتحملين لخاطر هالجهال لو انفضحتي عوفج منج انت مضحية بروحج .. صبا احنا شنو مصيرنا 

تنهدت : اني مناسيتكم وتأنيب الضمير كاعد ياكلني 

بس حرت ما بين روحي وبينكم 

مرات اكول هم بيش فادوني وشحصلت منهم ساعة الضيج ما وكفلي احد منهم بس حازم الوكفلي .. وساعة اكول خواتي ما بديهن شي واتراجع بس مكدرت امنع .. 

ما اكدر اخسر حازم 

الوحيد اللي منكم ومن هاي الناس كلها مدلي ايده وساعد واهتم وبادر وخاف عليه وجانت بدون نية .. المحبة ما سعينالهم بالمواقف انزرعت بيه وبيه .. وما اكدر كل ما ارجع خطوة لورا الكى روحي بلا كيف متقدمة لحازم عشر خطوات 

- اني ما اكلج وكفتلج صبا تعرفيني لا حول ولا قوة  محكومة برجلي وجهال وبالاكدر عليه اجي واحاول اشيل عنج بس اكلج من تريدين تريحين روحج وتسعديها مو على حسابنا تعرفين لو دروا بسالفتج صبا شيصير بينا ولج جبيررررة صبا جبييييرة ماخذتلج رجل بالسر وادمنا ما ترحم 

ما يكولون متزوجة يسمونج مهرمة صبا 

- وشبيدي انطيني حل لا اكدر ابتعد ولا اخوتي يرضون 

- لا تكليلي مو بيدج تبعدين بيدج صبا بيدج فكري بعقلج عرفي كلبج فكري بينا ببزرنا انت تهجولتي وشفتي شصار بيج والحمد لله سباعية  كدرتي تكونين بيت وتكعدين صبا لو صابنا اللي صابج وين نروووح وعدمن نكعد وشلون نعيش بلا بزرنا يطلكوووونا والله 

-اقنعي جعفر 

-شكله خوية عاشكته بلكت ترضى ما يقنعون والتحجين عنه رايح كاتل جعفر مخلي وجهه خرايط وين يرضى يوااافق 

- والحل شسوي 

- تبتعدين 

- لو اكدر سهى لو اكدر 

من وكفتي وكعدت للكاع بحيلي وحطيت اديه على عيوني : مو بيدي 

- عقدتوا عقد شرعي انت وياه

مسحت عيوني بقوة وجريت نفس وهزيت راسي 

حجت : يمتى هالحجي 

- كبل شهر تقريبا 

- يعني من هد على جعفر 

هزيت راسي : وراها بيومين اول بداية رفضت ومن شفته ابتعد مني وجافاني وافقت هو ما رايد بالسر رايد نعلن كدام الكل احنا متزوجين 

- ومفكر بروحه ما مفكر بيج صاير فاندام اريد اعلن 

-يكلي لو اعلنت الزواج انت بحمايتي محد يطخج وتكعدين ابيتي ونعيش بعد ما تحتاجين اخوتج والمانعني من هالامر وضعجن اخاف لا تتأذن بسمعتي 

- ما هامته سمعتج ولا هامة شيصير بينا الهامة ياخذج 

هو هذا العده فروخ ويريد مرة اداري فروخه لو غيره 

- مطلك مرته 

- معناتها مو معزة بيج خية رايدلة وحدة للبيت والجهال والفراش 

- لو رايد يعني تعتقدين النسوان قليلات لو ماكو 

زلمة وعده بيت وسيارة والف وحدة ترضى بيه 

- مو ضروري هاي الوحدة انت صبا فكري بينا 

- اني المحتاجته سهى مو هو اني محتاجته اكثر منا هو محتاجني 

الكيلي طرييييقة ... قاطعتني 

-ماكو اي طريقة صبا عوفي محتاجني ومحتاجته المسويته جريمة 

- اني ما زانية سهى اني اتزوجته وبشهود 

-جريمة بالحلال معناها .. اكطعي وياه ولا تفكرين ابد ..

- بس ..... قاطعتني 

- لا بس ولا تبسبس رايدتنا خية تكطعين وياه تكولين لا والله يطبجن طوب خواتي .. اكلج رحم الله والديج واجر فروخي واطلع من البيت وعلي هو الحسين احرم بيتج ما اطبنه واروح كدام العالم كله اتبرى منج .. ولو كالوا اختج كتلوها اهلهل واكلهم حيل بيها .. وانت قرري الزلمة الغريب لو خياتج . 

حجتها ومشت للغرفة .. ضليت بالمطبخ استمع لحجيها ولومها وعتابها 

واني اشتغل ... سويتلها اكل هي وجهالها وحطيته كبالها جهالها التموا وهي ما رضت تاكل .. خابرت منى وحجت الها ومنى كالتلها العصر اجي 

لميت البيت وكتلها : اخذي راحتج اني عدي شغل 

- شغليش واحنا ما حالين هاي السالفة !؟ 

- لازم اروح من نرجع محجي 

لبست وطلعت بس طلعت وروحي ثكلانة 

ما بيه اعوفه ولا بيه اكمل وياه 

اخ يا حيرتي البكبر بغداد الحجيتها شاعت بالبلاد والضميتها مردتلي الفاد .. 

خابراني واني بالطريق .. وديت 

الو .. 

ها 

- شني شصار 

- الصار ماكو غير ترجع تطلبني من عمي عسى ولعل ينتهي هالموضوع 

- ضلت تحجي عليج 

- طبيعي شتريدها مثلا تكلي عفية لو اني بمكانها اسوي اكثر 

اني من مشيت وياك ووافقت عالوضع اللي احنا بيه نسيتهن وحطيتهن وراي 

- لا تنسين هن هم حاطاتج وراهن والا بيش فادنج وكت الكاموا واحد يذبج ع الاخر 

- ما نسني بس ما بيدهن شي 

-سهلة هي مالها غير احجي ويا عمج 

اليوم امرله بلكت الكاه 

- اني راح اوصل العيادة 

لا تنسى الكتلك عليه سالفة امل 

هيج هيج اني ما ارضى الجهال يبقون بوضعهم هاذ بدون ام البقيت وياك و التفاركنا 

- التفاركنا !! حطيتي الفراك خيار صبا 

- لو انسدت الطرق شنهو الحل 

- حليش وانت مرتي !؟ ماخذج ايجار لو متعة حتى اذا ما رهمت كلمت يروح بدربه هذا زواج صبا 

- يبقى زواج بالسر 

- انت كتبتليله يعيش بالسر 

- حازم راح نرجع ندور بنفس الدائرة رجع امل وشوف عمي واكضي الموضع 

سديته منه وصدري مقبط احس مختنكة 

او بودي اصيح ابجي اصرخ اريد افرغ البداخلي 

كلش تعبت واني اشيل همي بصدري 

وصلت العيادة . كملت شغلي 

خابراني كالي .. مريت وعمج ما موجود 

سالته عن سالفة امل 

كالي عوفيها .. 

رجعت للبيت لكيت خواتي اثنينهن شاداتلي حزام ونزلن بيه حدرة ونص 

ما جاوبتهن ولا رديتهن احس كلشي بيه ثكل واموري مسدودة من كل مكان 

ثاني يوم خابرني حازم 

كالي : عمج ودالي خبر  بيد زلمة يكول سايم الله ومحمد وعلي عليه لا يوصلني ولا يكربني بعد الصار بينه وبين جعفر انا اشيلن ايدي حازم ما احترمني وهد على ابن اخوي واتكاتل وياه ودام ما خلالنا احترام لا يكربنا ولا يوصل لينا خليني من حاط كدر لعشرة ابوه جان صاحبي واخوي والا جان هسه انا ويا حازم كوام . 

ضاكت السما بيه مو بس الكاع 

.. احتاريت بروحي شسوي .. 

ابعد !؟ ما اكدر روحي وكلبي كلها تريده احسه مني احس اني اله وملكه ما اريد ابعد بنفس الوكت مالي درب يربطني بيه كلهن شوك .. 

رجعت خابرتني امل تبجي وخية اني اتأذيت وجهالي تأذوا .. وعليج العباس وعليج الحسين واني كتله كم شهر وابطل وما رضى واريدج تقنعينه واريدج تسعين بيها لخاطر الجهال 

كمت كل ما يخابرني اطنكر واحجي وياه معلك حتى يرجعها مرته 

طكيت تعبت مليت اريد اخذ قرار وارسيلي على بر ما اكدر اكمل بهالحال .. لو انفضح لو انسحب .. 

جنت راجعة من العيادة صعدت الكيا بلا ما باوع منو الموجود وياهو اكو .. 

السيارة صايرة كراسيها مكابل مو سرا .. انطكت رجلي واحد ضربها التفتت من الجامة باوعت كدامي حتى اعرف منو الطك رجلي 

جان الكا عدنان صاعد وكاعد كبالي .. 

تنهدت ودرت وجهي عنه حجه : متغيرة شصاير بحالج 

-وشيخصك ؟ 

- اسال عنج 

درت عنه ، كال : وين رايحة بهالليل 

ما جاوبته .. 

مرة يمي هي وبتها صاحن نازل ونزلن 

بسرعة حول وكعد يمي كال : وين كاعدة هسه 

باوعتله وكتله : شني كعدتك يمي شرايد 

- شبيج تكبين كاعد اسأل 

- وبيش يفيدك 

- صحيح اشتريتي بيت 

- اي اشتريت شنو هم تعال حط عينك 

- نصي صوتج شني عرك هو خوما عرك 

صحت : نازل يمك عيني 

وكفت السيارة 

نزلت وهو نزل وياي .. باوعتله : جنها حياتي ما عايزها غيرك 

- شبيج نسولف 

- وبيش نسولف ؟ 

- بس اسمع اخبارج 

- وبيش تهمك 

- صبا اني ومرتي نريد نطلك 

- بالعافية 

- جزعت منها صدك ما تعرف قيمة الواحد الا تجربه .. 

انطلبت وبعت الجمبر مال الفلافل وكعدت .. منين اجيبن الها وولجهال ابوك !؟ 

- وامك الزوجتك وسعت الا تطلكني وتحطلها مرة ولّادة ما ساعدتك بمصرف 

- وهي امي شعدها وتطيني بطرك راتب الراعية وخلف الله عليها من جاي تصرف ع البيت والاكل والشرب 

- بالعافية اني ياهو ماتي جاي تحجيلي 

- انت جاي تشتغلين 

درت ما جاوبت .. حجه : اسولف وياج 

- الله وفقاني حيل من افتكيت منك اطاني بيت واطاني شغل واطاني هواي امور المفروض ارتاح بيها بس من ورا المثلك ما شفت الراحة 

- قصدج جعفر 

- عدنان شرايد مني ؟ 

- ذاك اليوم حاجيت امي عليج كالت يمكن هالعاجر بيها حوبة مدري نفسها بيك هالما خلتك تتهنى بزواجتك ..

- لا الي نفس ولا الي خلك اسمع خريطك وخريط امك 

- شني شو صايرة تحجين معلك ويايا الله يرحم من تتوسلين ارد على رسالتج وتبجين بس حتى اجاوبج 

- انجويت بدموعي وطبت .. وما عدت ابجي لا عليك ولا على غيرك .. 

- غيري ليش اكو غيري 

نزلت من الشارع وعبرت للجهة الثانية امشي 

.. وخلصت الدرب مشي لحد ما وصلت بيتي .. دخلت لكيت حيدر جاي 

كال : كومي سويلي عشى 

كمت واني افضفضله : شفت عدنان بالدرب 

- وحجيتي وياه 

- لزك هو اليحجي 

- شيريد 

- هو ومرته واصلين للطلاك اعتقد لان ما عده شغل وما عده يصرف ع الجاهل .. ومتعاركين 

- وشرايد 

- عفته يهذري ومشيت عنه بخلكه اني اسمعه لو اسمع مشاكله 

الحلوة اول حجايته يكلي صدك اشتريتي بيت 

انوب وراها يكلي اشتغلتي 

- راد على طمع معناتها 

- اذا مو ع البيت محتاج وحدة تشتغل وتطي هو هذا وجه شغل وكد خاطر يدبرها الله يدري من ما اطاه جهال مني يعرفه مو كد عيشة ومسؤلية 

- اكلج 

- ها 

باوعلي : والا اكلج خليها بعدين 

- شكو ؟ 

- عوفيها هسه 

- براحتك 

حطيتله حميسة بتيتة وطماطة وكعدت وياه صبيتلي الجاي .. وهو مطلع مسلسل وادي الذئاب اباوع وياه .. 

حجه : باجر عندج شغل 

- لا باجر جمعة عطلة ما اداوم رايد شي 

- لا هيج اسأل 

ضليت اشرب جاي لحد ما ثغرت بطني 

كمت لفراشي وهو يباوع بالتلفزيون 

ثاني يوم .. الصبح كعدت حيدر نايم 

نظفت المطبخ وغلست الكراج .. 

جان شهر الرابع والصبحية نسيمها عذيبي والشمس ليغاد ع الحايط .. 

سويتلي جبن وجاي بصينية صغيرة وحطيتلي فرشة صغيرة وكعدت لوحدي 

خواتي ماخذات مني موقف جيف لهسه ما خذت قرار وعفت حازم وخايفات لا على ساعة اطك وانفضح ويتأذن .. صح حقهن يزعلن ويحاولن يحيدني عن هالطريق بس جاي احس كل الداير مدايري اناني 

الكل بلا استثناء محد حاطني باولوياته وكل واحد بيهم نفسه وخاف يتأذى وطز اني شحس شحتاج شيصير بيه مو مهم ادبر امري .. 

الوحيد المهتملي من هالعالم حازم 

الوحيد الماشي حسب ما اني مقتنعة وراضية 

الوحيد الشريد يكلي الج وتأمرين .. وخادم وادللي .. 

ما بطل ينطيني مصرفي الشهري رغم اني جاي اشتغل والحمدلله مطلعة لقمة عيشي .. ومسواكي كل اسبوع يصف وينزلي كلشي ويروح . 

ما اعرف اذا من حقي اصير مثل الكل انانية وافكر بس بروحي لو ما يحقلي .. وحتى لو يحقلي كلبي ما جاي ينطيني لا بخواتي ولا بحازم 

جريت تليفوني .. 

باوعت ع الغرفة .. مديت روحي ورديت الباب 

حيدر غاط بنومة .. اتصلت بحازم .. ما رد .. 

انتطرته نص ساعة واني اباوع الشجر الشمس السما وكاعدة 

احترت واني بعدني مصفطة .. احس محتاجة اكعد واختلي بروحي واخذ قرار .. كمت ادعي ربي وارجوه يساعدني احسم قراري 

اتصل حازم بسرعة جاوبت وباوعت على الغرفة حيدر بعده نايم 

رديت بصوت ناصي : الو 

- الو اصباح الخير شلونج يابه 

- زينة خابرتك ما رديت .. 

- اي جان عدي شغل 

- شغليش الجمعة من الصبح ؟ 

- جنه كاعدين ابيت محمد اخوي الجبير واتفقنا 

- عليش ؟ 

- مثل ما طلبتي رجعت امل 

من كالها سهم وصالني بكلبي .. ضاك صدري اخذت نفس وكتله : اي ما بيها شي هذا هو الصح بالنهاية انت لبيتك ولعائلتك مو الي 

- بيتك وعائلتك شني جا مو كتي رجعها لجهالها وانت الي 

- وتريد تقنعني رجعتها على مود الجهال ؟ 

- جا عليمن

- المهم تتهنى اني اتعذر منك ما اكدر اطول حيدر نايم 

- صبا 

-ما رايدة اسمع شي مع السلامة 

سديته وتجمعت الدموع بعيني 

هي مرته اني شلي حك بيه حتى ابجي وانقهر 

روحي هم ما ادري شلونها .. اكلها كافي جوزي عيشي واتأقلمي جنت تتمنين عيشتج هاي من الله اطاني بيت وشغل كمت اتبطر واريدن رجل وبس الي 

مالي حك بيه واطالب 

هو ملك عائلته من الاول .. وهاي بعد لازم اتركه وابتعد 

رغم اني الجنت احن وازن حتى يرجعها بس من رجعها اتأذيت .. 

كمت لميت ودخلت شغلت تلفزيون البال مو يمه .. شغلت المكينة وخيطت حيدر كام يصيح 

لزمت جرجف وكمت اخيط بيدي 

بس بلا ما احس دموعي تجري ليوحدهن 

كعد حيدر كال : عليش تبجين 

-تذكرت امي وابوي وحنيتلهم بلكت الله يحن عليه وياخذني الهم 

احجيها واني بس اخيط والدمع وحده ينزل بلا ما اعصر بوجهي 

عيوني وحدهن يهملن من قهر كلبي وهمومي النايمة بفادي . 

طلب غدا كمت .. سويتله .. 

صاحت عليه سارة من السياج : صبا ، صبااا 

طلعتلها : ها ها عيني 

- مسوين دولمة ما تتغدين ويانا رجلي ما موجود 

- سويت غده 

- دجيبي وحولي علينا 

فكيت الباب كتله : حيدر احوللهم 

- روحي وكليلهم يدزولي وياهم خوما نضل بس نشم 

ضحكت سارة وهي تكله : يا غير ابطن عيني هسه اسويلك ماعون شكبره 

ضحك واشرلي احول رحت اخذت تمن ومرك وحولت الهم وهي انطته من السياج ماعون دولمة .. كعدت وياهن بس باهتة بلا روح 

حتى هنه انتبهن سألني كتلهن : تعبانة من الشغل ومالي خلك 

وبقن يسولفن اشكال انواع السوالف 

لحد ما جابنها سارة تريد تشتري سلة مال بتيتة و بصل 

كتلها : اخذيها مثل مالتي تخبل كله احط البصل و البتيتة بيها وشكلها حلو 

جان تنط رقية اختها وتكلي : بس مالتج بلاستك مو عملية استوك 

عقدت حاجبي كتلها : وانت وين شايفتها ولج 

- ها شني غير من جينا لبيتج 

-اخر طبة الج البيتي جانت بالطبك ليلة الحجة بشهر الواحد بدايته 

-اي هو غير طبيت المطبخ وشفتها 

-عزا العزاج كون ولج اني داك اليوم من اشتغلت وصار عدي يلا جبتها بعد وين شفتيها بالعاشر 

-يا موجودة شني غير الوردي والابيض لو غيرها 

-اي ما صالي شهر من جبتها 

-صبا انت شكلج ضاربة شرجي 

-يا ولج والله ذاك اليوم اشتريتها 

حجت امها : جا شني قابل طابة من وراچ غير اتكلج شايفتها ابيتج خاف انت متوهمة .. هي الايام تركض ركض 

صفنت بوجوهم وكتلها : يجوز 

اني هم صايرة انسى كثر المشاكل الفوك راسي . 

حجيت هيج كدامهن بس اني متأكدة مثل ما اشوف روحي السلة هاي اني اشتريتها بعد ما الدكتورة اطتني اول راتب ورحت فرحانة اجيب والمن من السوك غراض للمطبخ والخياط .. 

معناتها طابة لبيتي من وراي 

بس شوكت ! 

هنوب شلون عرمة يربي تغالطني عيني عينك وتكلي ضاربج شرجي 

شني غير اني متأكدة وادري بروحي قابل متيهة 

دخت فوك دوختي سبع دوخات ... 

لهناك رجعت للبيتي لكيت حيدر طالع 

وحازم مخابر ثلث مرات .. عفته 

المغرب هم خابر ما رديت .. 

ثاني يوم كعدت ومقررة براسي انتهت 

خليني اعوفنه لبيته وعائلته .. خله يمل مني ويكرهني احسن الي واله 

مثل ما شوية شوية تعود يحبني يرد شوية شوية يجزع واني مثله والله اليدبر الحال 

لبست الجبة وطلعت للداخل .. نزلت للعيادة 

شوية وفات علي بعدها الدكتورة ما جاية كال : مو اخابرلج ليش ما تردين ؟ 

- مرجع مرتك جديد اتهنى اكعد وياها شلك بيه 

- التمسلت هااااذ شوكت يخلص صبا ترا جزعت وبعدين تعاي 

شني هاي الجبة لابستها 

العباية وين احنا شتفقنا !؟ 

-لا اتغقنا ولا حجينا حازم عوفني وركز بعائلتك احسن 

- اكلج ترا وعلي اسطرج بجف اعلمج الحجي شلونه متجاهلتني ما تردين وتنزعين العباة بكيفج شني جااااهل عدج 

حجاها وجراني حيل من زندي : حازم مو مالت نتعارك هنا فدوة اروحلك امشي منا

-احنا اتفقنا بس شهر وتبطلين 

-اضرب كلشي اتفقنا عليه وانهي البينا الله يخليك 

-هو بكيفج صبا محترم رايج وكاعد على نار جمرة حتى ما اجبرج على شي ما ترضي .. ليش تخليني اتعامل وياج بغير أسلووووب ؟ 

- حازم هذا مكان شغلي كافي تجون تعاركوني بيه روووووح 

-واضحة الغيرة والقهر البداخلج من رجعة امل من انت ما تتحمليني صرعتيني رجعها ليش مو رجعتها لخاطرج وكتيلي ما اتحمل مسؤلية جهالك شنهو الاسوي بعد ويرضييييج عجزت وياج والعباس 

مجاوبته عافني وطلع دمعت عيوني .. 

وكعدت بقهرتي ما ادري هالوضع ليوين يطول وياي .. 

مر يوم ويومين وتلاثة واني اتهرب منه وهو مثل السمجة بالنار تتگلى ويتفر وراي ويعاتب ويحاول .. 

جنت كاعدة واتصلت بيه وفاء كالتلي : من تكضين تعالي مريلي عندي سالفة وياج 

كتلها : خير 

-رايدة اخذ رايح بموضوع كلش مهم 

-اكضي واجيج ادللي 

خلصت شغلي ومشيتلها لكيتها مسوية تاتو حواجب وفرحانة وكالتلي ولج اجوني خطابة وقسمة زينة ومحتارة ما ادري شسوي ورايدة اخذ رأيج 

- اي اذا قسمة زينة ليش لا احسن ما تضلين على اعتاب حسن 

- خو كاتلج حسن 

-غدي بره هو هم زلمة ويكتله مرة 

-المهم معلينا بحسن خل يولي يعني شتكولين اوافق لو لا 

- منو شنو وضعه زين مو زين غير اعرف حتى انصحج لو لا ولو بكل الاحوال احسلج العمر يجري يا وفاء وانت هاي كعدتج 

-واني هم اكول لهالسبب رضيت وهو الصدك خوش زلمة وخير من الله وشخصية ومهيوب والصدك اني حيل خاش بعقلي وعاجبني ولج يسودن  بس متزوج 

- متزوج جا ليش يخطب 

-مرته وامه الخطبني ومرته كاتلة روحها علي حتى اوافق 

-صدك تحجين 

حجت بس اني مدري ليش لعب كلبي فسألتها : نعرفه 

-اي تعرفينه طبعا

-منو 

-حازم الكهربائي ابو الإنشائية البراس الشارع مالنا شبيج 

وكف كلبي من كالت الأسم بسرعة فزيت وكتلها : حاااازم ...... يتبع 

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا