رواية عاجر الفصل الثاني عشر 12بقلــم الكاتبـــة زينب ماجد (حصريه في مدونة قصر الروايات)

رواية عاجر الفصل الثاني عشر 12بقلــم الكاتبـــة زينب ماجد  (حصريه في مدونة قصر الروايات)

رواية عاجر الفصل الثاني عشر 12بقلــم الكاتبـــة زينب ماجد  (حصريه في مدونة قصر الروايات)

#عاجر

#بقلم_الكاتبة_زينب_ماجد 

#الحلقة_١٢ 

- والله يا عمه اني حجيت وعمج ما رضى كال ما طول البت جت قسمتها واطها خلها تمشي والا حسن شنهو واطي مرة 

- عمة يا حسن يا صخام حسن جان رايد وفاء صاحبتي سنين اني اخذ واحد جان رايد صاحبتي ونفسها بيه !؟ ومن الاساس متزوج وكاعد ويا اهله جعفر شكاعد يسوي ؟ 

-والله عمة ما ادري شكلج خابري عمج وحاجي بس برهدنه لا بصياح وعرك وتلايميها اعلى روحج عودن كليلة انت عمي واحتمي بيك وبعد ابوي مالي غيرك ابو ووفاء صاحبتي جانت مترايدة هي و حسن واني ما اكدر ومن هالكلام 

- والله يا عمة انسطرت على راسي 

سديته منها رحت خابرت على حازم كتله : دهر صابني حازم جعفر منطي كلمة لحسن 

- يا حسن يا نعال صبا اني جبت زلم وشيوخ واهلج فشلووووني اني طلبتج منهم اقلها يكلون ما نكدر مو يخطبون ويطون على خطبتي 

-واني شبيدي والعباس جسمي كله كاعد يرعش 

- سوايتهم هاي اهانة اهانة جبيرة اليه وبالعباس ما امررها وحق هو الحسين ، رقم اخوج العار عدج 

- شتسوي بيه 

- احجي وياااااااج عندجججج 

- دزيييييي 

وسده بسرعة .. 

ديلا هسه شسوي ياربي 

كمت طلعت الرقم مال جعفر سجلته ودزيته اله برسالة .. 

وصل الرقم لحازم بسرعة مخابر عليه ، رد جعفر : الو 

- الو السلام عليكم 

- وعليكم السلام اني حازم ابو علي 

- ها وشتريد 

- رايدك هسه انت مو زلمة وذاك اليوم تهدد وتتوعد خوية خلينا نلتقي 

- امشي منا 

- خفت جبان بالعباس لبيتك اجيك 

- اذا بيك زود تعال 

- لا تفشر ابن ***** غصبا ما على شاربك زلمة 

واعلمك الزلمة شنهو 

- ديلا تجيني اجيك وين ما تريد ***** 

- ابن ***** انت وين اني جايك جايك

انطاه العنوان وجعفر متوجه عليه 

وحازم يفور بدمه، ما عرف يكعد وهو ياكل بروحة شوكت يجي كدامه وياكله . 

بس اجاه جعفر تلكاه حازم كاله : تعال اعلمك المراجل شلون تصير خايس 

وفز عليه حازم و جعفر تلاوى وياه 

تكتلوا بنص الشارع

حازم طيح جعفر للكاع وتناوله بوكسيات .. 

واحد يجر بالاخر جر حازم للكاع راد يكتله وحازم تناول حجارة من الكاع ضربه بيها ووكع عليه ضرب .. تراكضت الناس عليهم وهم يفازعولهم ويجرون حازم من فوك جعفر لحد ما سحبوه 

صبا : اخابر على حازم ما يرد عليه 

صليت بقلق واني كاعدة بالعيادة والدكتورة جوا ولازم اسجل وادخل الها مراجعين منين طلعتلي هالمشكلة يربي انوب عليه حسن هذا 

هسه اني رايدته جارعته ماملته شو كل ما اشوفه ارزله 

وما ارد عليه 

دك عليه عمي ، جاوبته بسرعة كال : ولج جعفر بالمستشفى من وراج ومن ورا عمايلج يا طايحة الحظ علكتي الزلم شعفة بشعفة يا ما تستحييين 

- شصاير عمي غير اعرف ليش بالمستشفى 

- متعارك هو وحازم من وراج ولج شعدج ويا الزلمة هاااا 

من رايح على اخيج وكاتله شعدج ويااااه 

- عمي اني ياهو ماتي بالشغل ما ادري بكلشي 

- كل المصايب من تحت راسج طايحة الحظ 

كام يغلط وسد التليفون .. 

رجعت لمكاني وضليت اسجل وادخل مراجعين واتصل ب حازم 

٤ مرات يلا رد بس عصبي وفحطان : شصاير حازم جعفر ليش بالمستشفى 

- ربج جروه منيييييي ما دفنته لهالجلبببببب 

- غير افتهم 

- هو تفتهمين شني اكلج منطي كلمة لحسن تكليلي تفتهم درووووحي 

سده مني اعصابه نار 

كل يهدأ فد شوية واخابر بس خلي تخلص هوسة المراجعين 

كملت ورا شوية بقت كم مراجعة والعيادة هدت 

خابرتني سهى : الو 

- ها سهى كليلي عمي خابرني يصيح 

- ولج حازم شمسوي وشمصخم رايح على جعفر كاتله 

- وكتلتهم انت كليلي جعفر شنهو ويطي كلمة لحسن 

حسن شنو واخذه اني 

- خابرت حيدر يكول غصبا ما عليها توافق مو بكيفها احنا ويومية مشاكل هاي كبل سالفة جعفر جا من يدري حازم كاض جعفر وكاضي كضيان شيعمل 

- سهى جيبي جهالج اليوم وتعالي للبيت ما بيه حيل اتواجه وياهم وحدي 

- هو اني هم خابرت على رجلي كتله اروح بلكت بعد شوية ياخذني لبيت جعفر اذا الكاه نمرله للمستشفى وعود ارجع عليكم للبيت 

-ديلا شوفي وضعج وخابريني خل اكضي شغلي 

سديته منها دخلت اخر المراجعات 

ورجعت اتصلت بحازم .. ما جاوب 

كمت من التليفون دخلت غرفة الدكتورة 

كملت فحص وعمليات صغرى لكم مراجعة وكالتلي : تعبت لازم اروح انتي سدي العيادة واخذي راحتج بعد 

اخذت جنطتها وطلعت واني وراها لكيت التليفون يدك 

حازم جاوبته حجه : صار ساعة اخابرج ويييييين 

- غير يم الدكتورة قابل اني بالبيت 

- هسه ما تكدرين تاخذين منها مجال شوية احنا بيا حال وانت تكليلي دكتوووورة 

- خلصت 

- يعني اجيج 

- وين تجي حتى بعدها ٨ 

-اكلج اني ابو ابويه مستلك وانت تجرين بذيااااالج فهميني فارغة امر لو لا 

- اي من توصل رمش 

لميت غراضي بسرعة وركضت جبت عباتي لبستها فوك الجبة ونزلت .. لكيته واكف ليغاد .. ركبت ورا شغل .. وجهه مجرح اديه بس حاله مثل المحترك وطافي .. ماله خلك يحجي .. يسوق بلا كلام والحواجب مطابكة وينافخ والله حتى خفت انطقلي حجاية 

لحد ما هو حجه : مستمسكاتج عدج 

-اي عندي ليش 

-جيبيهن باجر خاطر نطلع للكاظمية من غبشة 

-شنسوي ؟ 

-نعقد شنسوي 

-اني ومنو 

-عاد لا يطكج الثول رحمة الوالديج وعلي روحي مو لهامتي واصلة صاعدة لربها 

6 

-حازم هسه شلون احاجيك اعصابك مشتعلة مكاعد اعرف شلون اتفاهم وياك لو استفسر ع الصار 

- الصار رحت لاخوج نمت بخوانيكة و بردت گلبي بيه 

- جا ما فكرت بيه 

- وياهو المفكر بيج انت ولج منطيج لزلمة بلا علم وتكولين ليش ما فكرت وتلوميني بكتلته 

- وراح يرجعون عليه 

-واني شجاي اكلج خلي نعقد وانعل ابهاتهم لو حجوا وياج 

-نعقد شلون حازم لوحدنا حازم شلون يصير 

1

- وهو منو المسؤل عنج حتى رايدته يوافقلح 

- حتى لو بس خوما اروح اتزوج بلا رضاهم 

4 

- ويزوجونج بلا رضاج 

- لا ما اتزوج لو اعرف اموت 

- اكلج سمعي من باجر تحضري مستمسكاتج و تجين وياي وانعل ابوه اليفك حلكه ويكللنا ليش بيهم خير ما ذبوج من رجعتيلهم مطلكة رايدة موافقتهم بعد شنووووو 

3 

- حازم اهدأ ونتفاهم هسه انت عصبي كلشي دا تاخذه بصياح 

-اهدأ شنو شنتظر باجر يجيبون هذا الخايس يعقد عليج .. 

- حازم اهدأ ونتفاهم هسه انت عصبي كلشي دا تاخذه بصياح 

- لا شني بكيفهم اني ما اريده 

- والج كيف يمهم خاطر ياخذون بكيفج هم موافقين ومنطين حجاية وهاي تصيح مو بكيفهم جا بكيفمن وشتسوين لو غصبوج تعال حازم الحكني وشوفلي مكان خالني 

سكتت صاح : لا احجي ليش ساكتة لو ضليتي وغصبوج شراح تسوين 

- بس مو اتزوج بدون موافقتهم اقلها اقنع عمي 

- وانا اليوم المن رحت ولج لا تخليني هسه اشك هدومي جا انا اليوم مو يم عمج وجبتله كومة زلم وفشلاني كبالهم . 

- صبا عاد لا تخليني اطك واموت اكلج ثور تكليلي احلبي اكلها منطين كلمة رايدين يغصبوج تكلي عرفنا فترة اعووووفج فترة شيصيييير 

- اختي سهى راح تجي ويمكن تحل الموضوع 

- وهي اختج حل ربط لو محسبيلها حساب جا ما وافقوا بدون ما يطونها علم انت شمالج فتحي عقلج ترا عذبتيني 

-لا افتحه ولا اسده من الاخير حازم اني ما اتزوج بدون رضاهم 

السالفة تصير ناهبني لو اني شاردة وياك اذا ما حطك جعفر براسه واذاك لو تكاوموا وياك عشائريا ... قاطعني 

- مال ياذيني ويكاومني عمي خليهم علي اني راضي كوام 

وشيريد يسوي يتعارك وياي يهد عليه للبيت هلا بيه 

- هي مو بهالسهولة انت تدري واذ كتلي معليج ولا تفكرين بهالامور فما اكدر ما افكر بروحي اني شنو موقفي كدام الناس .. راح اطلع وحدة مطلكتك من مرتك وهاجمة بيتك وشاردة وياك ومتزوجتك بدون رضى اهلي ياهو الراح يحترم وحدة هيج او يقدرها 

2 

- وشيهم يطبهم مرض شيفكرون خل يفكرون هم الناس ياهو مالتهم بينا يرضىن من يغصبوج ما يرضون من تاخذين وتستقرين 

- حازم هو مو حجي الكلام بالنسبة الك سهل اني مرة وعندي خوات ما يتضررن بيه واني اختهن اطلع ناهبة بعيون عيالهن وكوام وعاشير على ابو ماخذة رجل بدون رضا اهلها 

- بالله ما تكليلي عيال خواتج الشايلة همهم بيش ذكروج من طلاكج ولليوم 

- محد ذاكرني بس ما راح اخلص من السانهم ولا خواتي يخلصن 

3 

- شوفي بت الناس اني زلمة لا معلم اكضلي تليفون واخابر توالي الليل جني مراهق ولا هي حلوة بحقي كلساع متختل ويا مرة غريبة وحاجي وياها مثل ما كاعد وياج هسه بسيارة وبالفروع .. 

اني اعترف رايدج ومن يوم الطلبتج ولليوم افكار براسي اختلفت عنج بدماغي وكمت اشوفج بموضع الزوجة واتخايلج وراغبج شرايدتني اكضي العمر وياج بالحرام بلكت اخوج الحضينة يوافق لو عمج الكل ما طبيتله وطرداج يرضى ؟ 

اذا ما تصيريلي زوجة على سنة الله ورسولة 

فراق بيني وبينج لا اشوفج ولا اتشوفيني وامسح رقمج ولو طبيتي لمحلي ما احاجيج وانكرج .

- يعني لو اتزوجك بدون رضا اهلي لو تعوفني جاي تهددني 

- لا اهددج عليش اني كاعد اكلج بوية انا زلمة ما تمشي وياي سوالف التمعشك والمخابرات لو تصيرلي لو الله وياج 

- واني شبيدي

- البيدج تجين وياي وتطيحين بذمتي اني مسؤل عن كل ما يجرالج ولو احد تعرضلج اني كفّالج .. مثل ما انت محتاجتني ومحتاجة زلمة يفكج من اخوتج و من جورهم عليج اني محتاجلي مرة تعبت لا اكل مثل الاوادم لا نومة لا كعدة لا ملابس نظيفة لا بيت نظيف جزعت اريدلي مرة .. حطي همج على همي وتعاي دخلي بيتي ولا اتطلعين ولا تشتغلين اكلي وشربي ونامي بجالي ما اريد منج غير تصيريلي مرة بالبيت 

- تعرف لو بيدي ... قاطعني 

-ارجع واكلج بيدج تجين وياي لو تكليلي الله وياك 

-ما اكدر اعذرني اتحبني اتحمل ظرفي وياي ما تحبني ما غاصبتك علي اني 

- انت تعرفين البكلبي الج شنهو بس مال اصبر لا والله اعذريني مو اني الاكض موبايل بعد ال١٢ واكعد ها شلون مشتاقلج شلابسة .. لو تصيرين حلال والي لو الله وياج ما اوكف بطريقج والله 

6 

-هاي براحتك اني كتلك زواج بدون رضاهم اكدر اقل تقدير عمي او وواحد من اهلي انما بدون موافقة الكل اعذرني ما اكدر 

- هاي الج .. عمي الله يوفقج روحي بس خليها باذنج لو مشيتي هسه ورحتي كلشي يموت وينتهي هنا والله ما ارجع . 

هزيت راسي بس بخنگة وكتله : هاي هي بكيفك 

وصل السيارة لقريب من بيتنا .. 

باوعت عليه عيونه مركزهن ليكدام وعاقد حواجبه واعصاب مبين 

ما حجه ولا نطق اي كلمة ، تجمعت الدموع بعيني ونزلت من السيارة ... سديت الباب حرك بسرعة 

باوعت وراه جروا دموعي ومسحتهم مشيت للبيت اظلم هندس ماكو كهرباء والبيوت البقية جايتهم الكهرباء .. دخلت سهى وحيدر كاعدين بالكراج يحجون ، كال : تعاي تعاي وين جنتي ولج 

- وين جنت بشغلي غير كهرباء ليش ماكو 

سهى : ما ادري ما دافعين فلوس السحب 

- جان انطيت منك ومن احي انطيك 

- ترا متحملج ومتجرعج كوة والا اني مكسر راااااسج والله 

- على شنو ؟ 

سهى : هسه بس حلو سالفة الكهرباء يمعودين شلون نظل هيج بالظلمة 

عفته ودخلت على ضوا التليفون اخذت فلوس وطلعت ما حجه وياي .. مشيت لابو المولدة .. وصلت يمه كتله: خوية مطفي علينا الجو 

- اي اجيت ادفعلك ارفعلي فدوة هستوني جاية وتعبانة 

-شسم جوزتكم 

-ما ادري والله ما اتذكرها 

-ما تعرفين شنو اسمها ياهو السوالكم ياها 

- واحد كرايبنا 

- اي خابري حتى ينطيج الاسم 

خابرت على حازم ما جاوب كتله : مغلق 

-وين اختي انتم بالضبط 

كمت ادليه لحد ما اندلانا كال البيت الجديد اسمكم بت بيت حجي راسي 

هستوه الرجال ابوكم دفع السحب 

5

- شدفع 

- هستوه اجا قبل لا ترحين 

- بس ما جايتنا الكهرباء البيت اظلم 

- كولي جعفر شعده وياي ليش واكف بحياتي هيج يا عمي ما يريدني عوووفني فك ياختي وخلي اشوف دربي لا انطيك ولا اخلي رحمة الله تنزل عليك .. اخوتج دمروني وخلي يكون بعلمهم والله والثلاث اسم الله ما اوافق ولا ارضى باللي رضوا بيه 

- صبا هسه ان جان حسن لو حازم شنو الفرق المهم خوش زلمة يصونج 

- شني المهم زلمة واني بعازة زلمة هالتشوفيني مكفية روحي عدي البيت وعدي شغل وما محتاجة غير اخوتي يفكون ارواحهم عني ويخلوني اعييييش برااااحة 

- جا غير رايديلج الستر 

-اكلج انت دازيج تقنعيني لو شنو 

-جعفر منطي كلمة صبا شلون نتفاشل وياهم 

-وعساه يتفاشل والله لو مو جعفر لو هسه اكبر واحد ما ارضى بخسن 

متزوج ويحب صاحبتي هي شنيه سهى شبيييج 

-جا غير هو رايدج 

-عبن ما راضي بالبت الامه خذتها له .. وشافني اشتغل و عدي بيت كالك هاي جاهزة بس اجي واعيش 

-لا جا شني اخوتي يشرطون عليه ياجرلج و يكعدج من الشغل 

-يشرطون شني من كل عقلج انت جاي اكلج ما اريده تكليلي يشرطووون انت شبيج 

بقت تحجي وياي عود لمصلحتي 

تناكرت وياها وحتى هي ضاجت مني اخواني موصيها تقنعني ارضى بحسن 

فزت سهى تريد توكف كبالي وهو لزمني من راسي : ادزين عليه صاحبج ووووووووولج .. تتحامين بالزلم مني ولج صباااااااا 

كمت اصيح وسهى تدفع بيه عني .. وحيدر كام وياه ويشجعه 

ويكله : تستاهل ساقطة هاي بعد ما نكدرلها .. ردت ابيع البيت جيشت عليه جماعة المكاتب وهسه ادز زلم عليييك 

- شغل بعد ما تشتغلين هذا الباب لو شفتج عتبتي يا صبا لا الزمج و اركع راسج بالحايط وادفننننج والله وهذا الاسبوع تتزوجين . 

كمت اصيح : والله لو مو تذبحني لو تكطعني وذر ما اتزوج وما اطلع من بيتي 

حيدر : تحجي بالبيووووووت الدايحة بيتهااااا ولك عوفلياها اني اكتلها 

- ما كاعدة عد احد ولا ذبيت حملي على احد طالبيني بطلاااااابه محد بيكم حطني ابيته وذبيتوني ذبة الجلب سنة ما تدرون عنييييي هسه اتذكرتوووووني عفووووني ما رايدة منكم شي بس عووووفوني 

كمت اصيح : والله لو مو تذبحني لو تكطعني وذر ما اتزوج وما اطلع من بيتي 

هد عليه حيدر يدفر بيه وجعفر يهم ويدمغ وسهى تدافع وتدفع بيهم انكتلت وياي لحد ما دخلت سارة ورجلها كام يصيح ع الباب راد يفوت 

بسرعة طلعوا حيدر وجعفر من دخلت سارة وهم يغلطون عليه 

كامت سهى تصيح : ارضي بقسمتح اخلصي منهمممم مكابلتهم شمستفاااادة ولج انجي روحج واررررضي 

- ما ارضى ما اررررريدهم ما اريد اتزوج حسن لو يكطعووووني ما اتزوجه افتهمتيييييي 

سارة : شصاير بس فهموني يمعودات راح كلبي والقران كتله ولك يمعود الحك خاف فات عليها احد 

سهى : خيه اخوي الجبير منطيها لصاحبة وهي ما راضية 

- جا غير ما تريده شلون غصب كوا 

- وشيقنعم كليلي 

- وعساهم لا قنعوا ما اواااافق 

كمت منهن فتت للحمام غسلت وجهي وكمت انحب بصوت 

من جهة حازم الخيرني خيار يكسر الظهر ومن جهة اخوتي الرايدين يغصبوني ع الزواج

غسلت وكعدت بالمطبخ وسهى سدت عليه باب المطبخ وسارة طلعت من شافت اخوتي بعدهم موجودين .. وبقت سهى واكفة بالباب تتحامى حتى اخوتي ما يفوتون 

- يا صبا تحجين صدك انت تشافين خية يا عيادة ما تشوفين الدنيا كايمة 

- وكومتها عساها ما كعدت منو بيهم يشيل وينطيني لو بطلت !؟ منو بيهم يفيدني 

- ولو كتلوج 

- هم بس بهاي فالحين وما يخوفني كتلهم مليت تعبت طكت روحي كااافي 

عفتها وطلعت من البيت 

الطريق كله دموعي بعيني 

واتحسب عليهم واحد واحد 

وصلت كبل العيادة نزلت كبال المحل مالت حازم 

حتى هو عافني .. حتى هو مل من مشاكلي .. محد يتحملني 

وين الله وياخذ الروح وافتك تعبت واني احاول اعيش 

ليش احاول اخذ روحي وخلصني 

شنو الفايدة من عيشتي لا اخلف ولا اتكاثر ولا افيد العالم بشي بس متأذاية .. ياربي اخذ عمري وخلصني 

دخلت العيادة باهتة 

بس المبهت معانيي حازم اكثر مما هم اخوتي 

صح متأذية من اخوتي بس بوجود حازم اتقوى احس الي ظهر او شخص يساعد ويسند وينصح ويوجه ويخاف ويهتم .. كل ذوله انمحوا ورديت وحيدة محد بحالي! 

الساعة بنص هالكآبة تمر وكأنها سنة 

كوة اكضي الشغل واحاجي المراجعين بلا روح 

اخذ اسامي بلا جواب حتى التسألني وتحاول اسولف ما اتجاوب وياها 

طفت روحي مو بس رحمي مشوه كل روحي مشوهة وطافية . 

كل شوية اكض التليفون اريد ادزله رسالة 

واتراجع واكول لو يحبني هو راح يراسل .. وارد احجي ويا روحي بس هو رجال يحسب للعيب والحرام ودربه وياي مسدود 

بس لو يحبني تحمل وياي لحد ما تنفرج .. 

بس هو عافني .. يمكن اباله يرجع امل .. يمكن اتندم على العلاقة البيني وبينه وحس خرب بيته ويحاول يبتعد مني .. يمكن فرح من انتهينا حتى يرجعها 

والحجي والوعود واني يمج وكربج وما اعوفج راحن وين 

بس هو ما تركني هو رادني وطلبني منهم وراح واخوتي هم الما اطوه 

ورادني بشرع الله نتزوج واني الرفضت ما اريد اتزوج بدون رضى اهلي . 

شمستفادة من اخوتي 

وليش هلكد محملة روحي .. 

متحلفيلي ما اشتغل ومتحلفيلي ينطوني وتهديد ما يخلص 

مقابل شنو وليش راضية بوضعهم شبية ما اخليهم وراي وامشي اكعد ابيته اكل واشرب وانم ورجال فوكاي يكفي عيشتي .. شفادتني الناس 

بس خواتي شذنبهن ينعابن بيه 

واحتمال يطلكوهن من يدرون اختهن نهبت وانزوجت غصب ما عن اهلها واخوتها 

يا اهلي هم اعلي وين امي وابوي وماتو ذولة مو اهلي 

اخ يا راسي  ما اعرف شفكر شسوي حيل تعبت وتأذيت . 

خلصت الشغل ب٩ .. 

قفلت العيادة وطلعت باهتة وروحي طافية .. 

مشيت لحد ما وصلت للفرع مال بيت عمي باوعت 

حازم وصحباته كاعدين بالباب مال المحل .. تنهدت واني اباوعه .. 

وكفت وسرحت عيوني بيه .. 

مشيت واتوجهت عليه 

عبرت وفتت للمحل ، جان عامل موجود بالمحل كتله : وين صاحب المحل 

كال : اتفضلي 

- صيحلياه 

فات وهو يكول : يلا هلا اتفضلي امر خدمة ؟ 

تنهدت واني اباوعه : بهتانة .. 

ودربي طويل واظلم ما ادبره وحدي . 

حازم : عدنا اناوع اللايتات اكو ابو الالفين واكو ابو الخمسة واكو ب١٢ يطول ٨ ساعات شحن .. شنو اليفيدج 

4 

ضليت اباوع بوجهه حتى ملامحه مغيرهن عليّ

ناكرني وكأنه ما يعرفني .. تجمعت الدموع بعيني وكتله : مشكور 

عفته ومشيت توقعت راح يصيح وراي بس مشيت وما صاح 

فتت بالفرع .. ومشيت مريت من بيت عمي ما فتت الهم .. رحت لبيت وفاء 

سحبت السيم وفتحت الباب وصعدت 

دخلت سلمت ، كالتلي : شو ما الج خلك شبيك 

خدج شبيه 

- وليش تسأليني 

- رايدة اعرف 

- اي نتواصل طبعا 

- من يتواصل وياج ومكضي وكته وياج يخطبني شنو 

- خاطب منو 

- مثل مسمعتي .. اني ما رايدته ولا طايقة وجهه انت احجي وياه اخوتي مصممين الا ينطوني اله 

- لا لا اوكفي وهو شعرفه بيج 

- انت الدزيتيني اله .. انت الحطيتي امانة بيدي اوديها ومن يومها لازكلي يخابر ويراسل 

- وتجاوبي ؟ 

- وفاء اذا الج سلطه عليه خلي يبتعد مني لان والله مو حمل بعد اواجه اخوتي .. 

- صدك تحجين انت لو كاعد تتشاقين يا زنبيل يا يدندل وفاء اني بيا حال حسن هذا طايح حظ اذا انت مغسول عقلج الحمدلله عقلي سليم ضال يغسل براسج وتدودين بهالفلوس تلثمية واربعمية بله يستاهل ابو وجه المحفر ؟

- يمعووودة خلي يولي اني ارزله الج 

- مو بس ترزلينه اريدج تبعدينه مثل ما انت حطيتي بدربي ابعدي ما ناقصني 

- اخوتج شنهو سالفتهم !؟ 

- كلش تعبانة ومقهورة ومكسور خاطري وفاء تعبت منهم حيل 

- شكو غير افتهم !؟ 

كعدت اسولف الها ، حجت : وانت عندج شي ويا حازم 

- لا شعندي قابل متعرفيني بس الرجال طلبني على سنة الله ورسولة يوكفون بحياتي ليش 

- يمعودة هم ذوله الزلم ما وراهم غير شلعان الكلب .. شو تعاي اتمددي شاربج صاير ينحلف بيه صدك جذب فرحة الزهرة طلعت وانت ما حافة 

- واني شايفة روحي يمعودة حتى احف 

- دتقربي خلي احفلج مدام ماكو وحدة كبل لا اكوم 

- خاف اتأخر 

- ويطبهم مرض شلج بيهم باتي اليوم هنا 

- والله هو الافضل ما ارد ولا اكابل وجوهم اذا رجعت مالهم غير يكتلوني وليش طلعت .

- دخلي يولون انت هم حاسبتهم زلم 

- لو حاسبتهم زلم مو هذا حالي بس غمان 

تمددت وهي حفتلي وجهي كله وحطتلي كريم وردي لوجهي كالتلي : يبيض ويورد الوجه يسوي وجهج مرايا ربع ساعة واغسلي .. 

خليته بوجهي 

وهي كامت كتلها : بروح الموته وفاء كلاص جاي راسي موتاني 

- بس جاي خلي اكليلي شي ناكله اني وياج عاجبني بيتنجان مكلي وثخين هيج كون حلقوم ووياه جاي  وماعون عمبة 

ضحكت : دهر الدهرج جاي وعنبة شلون رهمتيها .. يلا اكل على واهسج من البارحة لكمة ما طابة بمعدتي 

- دنزلي وياي 

- خاف الولد موجودين 

- واذا يمعودة قابل غربة هم خلي نسويلنا شي ناكله 

- لا اضل هنا روحي .. 

- بكيفج ريموت التلفزيون يمج طلعي لحظة وداع تلكيها بدت 

جريت الريموت ومددت رجليه وملت راسي ع الحايط درته على ام بي سي فور .. تنهدت .. اتذكرته شلون يعاملني .. نكرني وكأنه ما يعرفني .  

استهضمت ووكفت العبرة ببلعومي 

مالي حظ بكلشي 

ويامن كعد حظي حتى يكعد ويا حازم .. 

دخلت وفاء : يا عزا العزاج بعدج بالكريم دغسلي يمعودة 

- وعلي نسيته 

-اي عيني عاشكة وايدج على الخد 

- اييي كاتلني العشك 

طلعت غسلت وجهي وهي حطت العشا نشفت وجهي واني احجي وياها : عزا العزاج ولج شنو هذا سوا وجهي زبد ووردي يخبل .. طلعت اخبل 

- اي كلش زين جايبة منه كمية اذا تريدين احطلج 

- بيش اتبيعين 

- دكعدي تسال ابيش دكلي يلا اكلي 

كعدت اكل وياها واشرب جاي .. 

خابراها حسن كتلها : عليج القران رزليه وكليله يبعد مني ويروح لجعفر يكله ما اريد بطلت 

كامت مني حتى تحجي وياها واني ضليت على كوب الجاي 

لحد ما رجعت مقهورة وضايجة كتلها : خلي يولي ما يسوى فردة من انعالج وتنقهرين عليه .. اكعدي خلي نباوع

ضلينا اني وياها الليل وحدة تواسي الله ونحاولي نهدي بعض ونشد بعض لحد ما نمنا .. كعدنا من الصبح اشتغلت وياها احفافة وصبغ .. لحد ما صارت ب١ كتلها : خية خل اكومن بعد هم يلا اروحن للعيادة 

بس ما عدج شي البسه جبتي وصخة وما غسلتها امس 

- ولج عدي بنطرون وقميص شلونهن يخبلن اطتنياهن اختي مال بتها بس ما يصيرلي انت ضعيفة ما يكفلج 

- يا والبس بنطرون وقميص يمعودة شبيج 

- جوا العباية قابل شكو 

- دجيبيهن بلا خل اجرب 

ركضت جابتهن واجت واني لابسة الدشداشة لبست البنطرون جواه يصير لونه كابوي .. نزعت الدشداشة وفاء واكفة كالت : عمت عينك عدنان العاف هالجسم هذا وطلكج صدك اغم 

- دميلي عينننننج خلي البس 

جكيت التيشيرت بسرعة كالت : خرب عرضج طلعتي غير وحدة وعلي 

- يجنن باعي 

- حتى زغراج خب شكد ضالمن ارواحنا احنا شوفي اللبس شلون طلعج ناعمة وضعيفونة واحنا بهالعبي نهفي تكول عجايز 

- لا تنزعين يخبل عليج والله .. صدك انت مو نزعتي العباية شلبساج متكليلي الجبة تخبل على جسمج رجعتي جفنتي روحج بالعباية شبيج 

- هو اني لو حكم القوي ع الضعيف 

- ياهو اخوتج 

- خلي اروح بعد اتأخرت .. اكلج وفاء اطيني منج فلوس ٥٠ واني ارجعلجياهن باجر بس اروح للبيت 

- اي ذيج الجرارة فتحي واخذي كدامج واذا ما عدج عوفيهن 

- لا فدوة رحتلج حبيبة الله يحفظج اليه 

والله لو ما انت ما ادري شسوي بروحي 

امس احيتج طافية حييتيني وغيرتي نفسيتي 

- شفايتلي لو يومية تمريلي والله اني الاتونس وياج 

انداريت على محل الانشائية مال حازم لكيت العامل .. 

: عمك مموجود 

- لا هسه على جية 

- اي زين هاي خمسين كله مال السحب وفلوس الدين وخل يحسبلي شكثر ضل عليه يمه .. اطيهن اله كله من صبا 

- خوش 

- ديلا بيباي 

كاعد اندار طب للمحل هو جاي من الدوام ، صدت عينه بملابسي مبينات من العباية حجه : خير 

- فلوس السحب خليتهن الك وياريت تحسبلي شكثر ضال عليه يمك 

- يا سحب 

- الدفعته اول البارحة 

- شلابسة 

4 

- المهم ابو علي ياريت تحسبلياهن فدوة 

ردت امشي لزم عباتي : شبيك خوية خيرك 

1

- خوه الخواج شلابسة انت شكاعد تسوين 

- عوف عباتي بلا زحمة وياريت تبيع لايتاتك النايمات على كلبك بدال ما كاعد تلزم بعباتي .. طلع الضوا واندليت الدرب شكرا 

1 

- انت متوبين 

- اتوب منين 

- انهاج من الجبة تلبسين بنطرون 

- تنهاني بصفتك شنو 

- اطلع ابني شوية هناك اصعد بالسيارة هسه جايك 

نفضت عباتي وهميت اريد اطلع : اسمعي جاي .. 

احاجيج .. جوزي مني وسوالفج ذني بطليهن 

لبستلي بنطرون طالعة جنج ابو بريص لازك بشمعة .. 

- لابستلك .. غلطان يروح امك لابسة الروحي 

- لازم حسن ما مكفي 

انداريت : حازم لا تتجاوز 

- شملبسج هالملابس هاي 

- وانت شنو مو على اساس انتهينا .. مو على اساس كلمن بطريقة بعد تحاسب ليش 

- وين جنتي عد عمج لو وين .. 

- جنت عد وفاء

- وطلعتي كبال اسعد بهالملابس 

- والله حرة اطلع شلون ما اريد واللبس اليعجبني 

- اسمعي صارلي يومين ما نايم وواصلة براسي لهنا لا تكليلي غريبة بعلي الزمج اندمج ع اليوم الصرتي بيه .. امشي بدلي ملابسج امشي محفحفة وزالغة روحج 

- خابرت ؟ سألت شصار ما صار وراك 

كتلوني قهروني ذلوني 

- يطبج الف طرب انت تحبين تعيشين هالذلة اني شنو البيدي اسويلجياه 

- هاي مشكور ما طول يطبني طوب مع السلامة 

- ما اسويها 

- تسويها وغصبا ما على راسج الظاهر احترمتج زايد وخذيتي عين 

- ايباخ تعاي اعقد عليج غصبا ما عليج انت وين لكيتها ؟ 

- شوفي لا تختبرين خبالي مو والله ما انحمل بالقران .. امشي وياي عدل وباجر تحضرين بالوقت وهسه ترجعين تنزعين هالهدوم الخ*** يلعبن النفس 

-خوش 

حجيتها وكاعد اطلع ببطر ما سامعة حجايته 

جرني 

- حازم وخر لا تجر احنا بشارع 

هم للباب نزل الكبنك بقوة وسد الباب : افتح الباب خل اطلع 

- توازيني ع الحرام وما تعرفيني مسودن وعلي واسودنج 

- حازم .. وخر وافتح المحل 

تقرب مني ... حازم دوخر شجاك صدك جذب 

- نزعي ملابسج ذني 

- شنزع استخفيت شو انت دووووخر 

- نزعيهن لا والحسن اشككهن عليج نزعيهن 

- وشلبس دوخررر افتح الكبنك 

- رايح اجيبلج جفن واجي لو تحركتي منا والقران لا ابتلي بيج كدام الناس 

جرني ودفعني للمخزن وسده عليه : يا حازم تخبلت انت هي شنية تحبسني دفتح اتاخرت .. 

سركا الباب من برا و مشى فتح الكبنك ورجعه .. 

يا عزا العزاني بالله هسه شجابني اني عود جيت انطي الدين 

شلون يالله بهذا المسودن .. تأخرت يالعباس شلون بيه الساعة ٢ ونص .. شلحك بعد غير يجي 

اقل النص ساعة واجا .. 

انفتح الكبنك و اجا فك الباب وذب عليه العلاكة : هاج 

- بدلي يلا 

- مخبل انت 

رجع سد الباب وكال : منتظر 

- دفتح الباب هي شنية 

- بدلي لا تخليني والزهرة افوت اني انزعج وابدلج 

- كول نسيت العيب والحرام و طلعت ما تستحي 

فتح الباب : لا تخليني هسه اكفر بيج اكلج بدلي 

- يااا 

- تبدلين لو لا 

- دطلع 

طلع وسركا الباب نزعت العباية 

وفتحت العلاكة جبة عريضة سودة 

لبستها فوك البنطرون والقميص ولبست الحجاي والعباية وكتله : يلا افتح 

فتح : وينهن 

- شني هن 

- الملابس 

- مو لبست الجبة بعد شتريد 

- احلفي والحسين ما انزع الجبة وراك وابقى بالبنطرون 

- حازم تراك طوختها دميل 

دفعني : ما تنزعيها واهل العيادات يمرمرون افتهمتي 

- ما انزعها بعد 

تنهد : وتجين باجر 

- ما اجي 

- غصبا ما عليج تجين 

- الولد كاعد ينتظرك انشال برا 

- اطيته فلوس راح لاهله اسمعي .. تجين 

- حازم ما اكدر تفهم شنو ما اكدر 

- شنو اليمنع 

- ما اكدر اعقد واتزوجك بدون رضاهم 

- زين بالسر 

- يا فدوة لله جا شختلفت عن اسعد لو بسر 

- شلون تخليني الخها اكسر سنونها تجيبني ويا اسعد شنو رايدج متعة لو عاركة الدنيا عليج مرتي طلكتها اهلي تعاركت وياهم اخوج جنزته وبعدج شايلة بخشمج علي وما راضية 

- يا واني طالبة منك اتسويهن 

- راح تجين

- حازم ما اكدر افهم خواتي ناسي حبايبي كلمة العيب مو هينة انت ما تستحي من ناسك اني هم استحي .. 

- زين بس نعقد .. صيري الي ولج راح اطك والعباس ليل ما جاي انامه من وراح زاد ما متهني بيه طكيت اريدج 

- وشنو فايدة العقد 

- خاطر وكفاتنا وحجينا هاذ يصير بالحلال اخابر اغازل افشر مرتي ما استحي لا من ربي ولا من روحي 

- بس بشرط 

- انت ارضي نعقد وكل شروطج اني ارضى بيهن 

- بس عقد .. زواج ماكو لحد ما تقنع عمي شلون مشكلتك 

- شنو يعني بس عقد زواج ماكو جا هو شني غير عقد زواج 

- تفهم شقصد 

- ها .. راضي عمي راضي بس صيري الي ولج من يوم العرفتج لليوم واني اتصورج بامور عيب اتخايلج بيها وانت غريبة 

- وشنيه هاي الامور بالله 

- لو حجيتهن نطلع من الإسلام اثنينا وعلي 

ابتسمت : سوالفك ما منهن فايدة اروح 

- خلي نعقد اليوم 

- حازم وضعك هذا يخوف وخر 

- مو بيدي والعباس مو بيدي اقلها تصيرين الي شرعا من ايرد ادخل بيج ما اكل لروحي شعليه من اريد احميج لو اسويلج شي ما احاول اتكتر المج وادير حواليج وتضلين الي وساعة الساعة لو جبروج لو اذوج اطب بحيلي وانهرهم 

-بس على وعدك 

-كلشي تريدي الج بس صيريلي 

- اتأخرت حيل 

- امشي اوصلج والهدوم ذني اتحركيهن ما اريد اشوفهن على جسمج ابد 

- صدك اللايت بالفين لو ب١٢ 

ضحك ورفع الكبنك وطلع باوع منا منا كال : راح اروح للسيارة كدامي وانت اطلعي وتعاي وراي .. وعوفي المحل اني ارجعله 

مشيت وصلني للمحل 

شكد فرق بين روحي اليوم والبارحة 

دونه شكد اطفى وابهت ما يعود الي خلك اشيل هدومي العلي 

ومن هو متصافي وياي احس العالم هذا كله ملكي حتى لو جان كله ضدي 

رحت للعيادة .. خابرتني سهى حجيتلها اني بتت يم وفاء 

كالت هم زين حيدر امس جان متوعدلج 

- دخلي يولي ياهو الكام وصار زلمة براسي 

بالشغل وخابراني حسن .. رديت عليه كال : الو 

-ها حسن 

- ها عيون حسن 

-عمن وخفن هي شني شكد لزكة رحمة لاهلك خوية شني الكرامة عدك مختفية 

-ليش تكولين هيج 

-جا ما اريدك كوة 

-وعلي ميت عليج 

-متت ان شاءالله ودفنوك ناخية علي

-حتى الغلط منج يخبل 

-اكلك لو خذتني وين تكعدني اخوتي ترا حايبين حسابهم مهري ٥ ملايين تسلمهن بديهم وتأجرلي 

-مهر هواي وايجار ليش جا مو بيتج موجود 

- لا جا تكعد كعيدي هم يردونك تأجر وابطل من الشغل وتحسبلي مصرف شهري بدال شغلي 

-جا لا تكثريهن علي 

- واني رايدتك حتى اكثرهن عليك انت شحاسبني وفاء واشتغل واطيك 

- اي هسه لا تنطيني بس نكعد بالبيت اني وياج وحيدنا ومتونسين وفرحانين 

- وحاسب حسابك على هالبيت الاكسر من امداك دروح لوفاء وافيها اتزوجها بدل ما صل كاض بذيالي 

-وعلي تكرهج شكثر تحجي عليج كبالي بس اني بعنادها اريد ادقها 

- انجب تروحلها فدوة فوكاها يحجي عليها ما يجن بعينج تجيب تطيك فلوس الخاي .. حسن اسمع وعلي لو ما رحت لاخوتي ونهيت سالفة الخطبة هاي لا اخليهم يلزمونك وعلي ينعنعونك تنعنع 

- وياهو الينعنعني 

- هسه اني كتلك وشوف . 

سديته بوجهه وكملت شغلي 

ورجعت للبيت خابراني حازم : شو تأخرتي 

- عليمن 

- مو واكفلج جوا 

- راح اوصل شبيك 

- واني منتظر ديري بالح على نفسج شيصيح شيغلط اتجاهلي واسكتي احمي روحج بسكوتج 

- ان شاءالله 

دخلت البيت .. وكفت سويت عشا حميسة لحم وبتيتة وجاي هستوني كملت فات حيدر وهو يكلي : البارحة وين بايتة ولج 

- عد وفاء احتاجتني عدها لود على فرحة الزهرة ، سويتلك حميسة لحم متعشي ؟ 

كعدنا ناكل ونباوع وحجيت : اكلك هذا حسن خابراني اليوم 

يكلي نتزوج ونكعد ابيتج واخوج يطلع من البيت لان هو هيج حاسب احساب 

- اي خلي يدفع فلوس البيت سبع ملايين واطلع 

- باع انت والله بطران كتله خمسة ملايين مهري تطيهن بيد اخوتي يكلي حرام مليون ما عدي اني رايد اسندج وتسنديني كتله من عمت عينك 

- غصبا ما عليه 

- شمديرين اني غير اللزكة هاذ اني بعد هم جزعت لو جريذي ما احجي خلي انستر وانجب . 

سكت ما حجه 

كمل عشاه وضل كاعد ع التلفزيون 

وحازم يدز رسايل : مو تنسين مستمسكاتج باجر .. جيبيهن 

- ماشي بس على وعدنا .. 

رجعت راسي للمخذة وافكار براسي هواي 

ما ادير ماشية بطريق صح لو غلط .. بس ما بقولي غير هالطريق 

وحازم ما اريد اخسره .. ويل البيناتنا علاقة بس باطار شرعي اطلع اسولف احجي وياه بالحلال لحد ما يجي يوم ويكدر يقنع عمي وتصيب قسمتنا . 

كعدت الصبح .. 

حيدر نايمة كتله : حيدر راح اروح للكاظمية ازورن 

لف راسه وهو يصيح : رووووحي انكلعي 

سبحت وغسلت وحطيت كحل لعيوني واحمر خدود لخدودي وحمرة وردية حلوة .. كمت اباوع روحي صرت حلوة .. جنت فرحانة ما ادري القدر شضاملي عايشة يومي وكأنما هاليوم اسعد ايامي . 

رمشلي لبست عباتي وطلعت ليغاد عن فروعنا صاف سيارته صعدت 

وطلع وخابر على اخته واخوه ورجل اخته .. كتله : شني ذوله 

- شهود 

اخوه موجود واخته اسيل  ورجلها .. 

سلم علي اخوه واني باوست اخته .. 

حجت : انتم متأكدين من قراركم هاذ 

حجه اخوه : حازم ما كاعد ياخذ حجي واحنا مالنا غير نوكف وياي بس هاي المرة تشهد اني الوضع هاذ ما راضي بيه يا حازم باجر عكبة اهلها لو دروا وهدروا دمك ودمها لو كاومونا تصير الامور مو زينة 

حازم : انعل ابهاتهم 

-هاي بعد يمك خو مو نعلمك انت التعلمنا ولو هو دورات الحب يعمي ويخلي الواحد يتصرف بغير عادته بس ان شاءالله يا حازم ما تندم . 

جاوب بسؤاله وكأنه يغير الكلام : دخابره للشيخ يلا 

خابراه كاله احيت واصل 

ربع ساعة وصل الشيخ .. دخل واستقبلوه واخت حازم صبت جاي وانطته لرجلها 

1 

- اي هيج اتفقنا 

- شو اني سمعت غير شكل 

- شنو غير شكل يعين 

- ما ادري الله كريم الله يوفقكم اذا نيتكم صافية ورايدن تلتمون بالحلال وما تغضبون الله خو هاي من الزينات وانت ابوج متوفي واخوتج محد بيهم مسؤل عنج يعني معذورة مالج احد ترتجين عليه حتى الواحد يلومج ضالة وحدج 

- الله كريم 

صاحولنا .. كمنا ولبسنا عبينا ودخلنا 

كالي محمد : اكعدي هنا خوية 

كعدت شوية عن حازم والشيخ يمه 

كام يردد العقد واني اكله ( نعم وانت وكيلي ) 

لحد ما تمم العقد  ومحمد ورجل اسيل شهدوا الزواج  والسيد كال : مبروك عقد القران وزواج مبارك ان شاءالله 

سلموا عليه وطلع الشيخ وكاموا يباركون الما 

بس اني جسمي كام يرجف لو ذبحوني ما ينلكي بجسمي قطرة دم 

لبست عبايتها وباوستني وباركتلي اخته وخذت رجلها وطلعت ومحمد سلم وطلع وحازم وصلاه للباب سداه ورجع ... لكاني واكفة بالمطبخ 

حجه : صرتي مرتي بشرع الله ورسولة .... #يتبع 

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا