رواية عودةإبليس الفصل 21-22-23-24-25بقلم رشا منصور جديده وحصريه (جميع الفصول كامله)
رواية عودةإبليس الفصل 21-22-23-24-25بقلم رشا منصور جديده وحصريه (جميع الفصول كامله)
#الجزءالواحدوالعشرون
#عودةإبليس
أمير. …
خرجت من عند عزيز ولقيت ماما مع تيتا فى المطبخ قولت لها إيه رأيك يا ماما ان شاء الله اكتب الكتاب أول ما يوصل عبدالله أخو سهي
مها…
كتب كتاب طب انت أخدت رأي امها يابني ولا انت بتقرر كدا من نفسك لازم يابني أهلها يوافقوا اوعى تفرض رايك عليهم لكن لو بتاخد رأيي أنا عوزاك تجوز انهاردة قبل بكره
أمير… طب أيه رأيك تفتحي الموضوع يا تيتا مع ام عبدالله ما أنتي الخير والبركة وأكيد مش هترفض لكي طلب
سهي…
خرجت أنا وماما من الاوضه ولقيت طنط مها بتحط الأطباق ع السفرة دخلت المطبخ اساعدها
عزيز….
أخدت شاور وخرجت من أوضتي وأنا عامل نفسي دايخ وقولت لهم جعان يا بشر فين الفطار
أميرة….
أنا سامعه سيرة أكل اعملولى ساندوتش علشان أكمل نوم
عزيز….
اقعدى يا بت انتي هنا عاوزك فى كلمتين
بصي بقي من الآخر كدا أنتي أيه اللي مأخر جوازك عاوزين نفرح بكي ونجوز أمير بالمرة
أميرة…. طب ليه الاستعجال ده
عزيز…
اخوكى مستعجل يتجوز وفى نفس الوقت مينفعشي هو يتجوز وانتى تفضلي قاعدة عاوز اطمن عليكي يا أميرة زى ما اطمنت ان اخوكى أخيرا حب واستقر ولقي البنت اللي تشاركه حياته
أميرة…
بصراحه الشقه ناقصها شويه حاجات وخطيبي عامل جمعيه ولسه هيقبضها ع آخر السنه بس أنا قايله للكل ان التأخير من عندى
عزيز….
بس كدا تجهيز الشقه هديه مني لاحلي أخت فى الدنيا وأيه رأيك بقي نعمل فرحك بعد خطوبه أمير ع طول يلا قومي بلغي خطيبك
خلينا نفرح
وكلهم أجمعوا علشان نفطر وفضلت أكل وقولت ل جدتى محتاج شوب قهوة عندى حاجات كتير اجهزها علشان مسافر بعد كام ساعه والبركة فى ام عبدالله وسهي مش هوصيكم ع جدتى
ولو فى إى حاجه اتصلي بأمير وهو هيبلغني
جدتى….
هتغيب كتير يا عزيز أنا متعودتش أنك تبعد عني يا حبيبي
عزيز….
أنا هشوف الأجهزة الرياضيه أتفق عليها وبالمرة كان فى بعض الآلات اللى محتاجها فى العمليات
كلها كام يوم بالكتير آوى أسبوع وهتلاقيني هنا وهوصي البواب يشوف كل طلباتك ولو تحبي اخلي حد من الأمن يوقف ع الباب ورديات صبح وليل علشان تكونوا مطمنين أيه رأيك
جدتى…
لآ يابني مجبش لنا حد غريب افرض أحتاج حاجه مين اللى تخرج له أنا رشامنصور ولا خطيبه أخوك
هو كفايه البواب يشوف طلباتنا وخلاص وإن شاء الله ترجعلي بالسلامة بس أهم حاجه تاخد بالك من نفسك
عزيز. …
دخلت أوضتي وجهزت شنطه صغيرة لأن المفروض قدام الكل إنى مسافر ولقيت الحراس واقفين قولت لهم بلغوا ميسان تجيلي في الحال واستغربت لما الحارس قالي ممنوع عليها الحضور
اتعصبت عليه وقولتله أنا اديتك أمر تنفذه وإلا هتعرض نفسك للمحاكمة غور من قدامى بلغها تحضر حالا
الأمير صرماط. …
كنت قاعد أفكر فى حال إبني ولقيت الحارس. جالى وقالي ولي العهد طالب زوجته تحضر فى عالم الأنس ع الرغم أني بلغته أنها ممنوع من الحضور.
قولت له روح بلغها وأوامر إبني عزازيل تنفذ فى الحال
ميسان….
كنت زعلانه وقلقانه ع عزازيل ومش عارفه حاجه عنه ولقيت الحارس قالي ان ولي العهد أمر بحضورك والأمير صرماط وافق
طرت بسرعه وروحت له ولقيته قالي
عزيز….
حبيبتي أنا هقعد كام يوم عند الجن المسلم لأن كل مرة أروح عندهم اتعب ولقيت إنى من الأفضل استني عندهم لحد ما أخلص مهمتي المهم اني عاوز منك طلبين أولا خلي عينك ع امي والأولاد وطمني امي إنى كويس بس بسبب ضعف جسمي مش قادر أتحول واروح لحد عندها
وقوليلها تستعد قريب خطوبه أمير حضرلي نفسك لأنك هتكونى موجودة أنتي والأولاد استعدى
ميسان….
بجد يا عزازيل طب تفتكر الأمير صرماط هيوافق
عزيز…
مدام أنا موافق يبقي الكل لازم يوافق يلا روحى بلغي أمي وعرفيها تخلي بالها من الأولاد لأني عاوزك تفضلي هنا أنا مش هطمن ع جدتى إلا بوجودك وأى طلب هتحتاجه نفذيه من غير
ما تحس بوجودك واوعي حد منهم يخرج من البيت فاهمه
ميسان….
طرت وبلغت طنط نهي بكلام عزازيل وطمنتها عليه أنه كويس
وعرفتها إنى هفضل فى عالم البشر علشان اخلي بالي من جدته
وطرت فى الحال
نهي….
فهمت من رساله عزيز ليا أنه قريب هينفذ الخطه اللى هتخلينا نعيش كلنا مع بعض بس طبعا بسبب مراقبه الحراس. مقدرش يوضح وهو عارف ومتأكد إنى هفهم كلامه
وطبعا وجود ميسان ده حمايه ل سهي علشان يضمن أنها متنزلش من البيت وبالتالي تكون صيده سهله ل لوفيرا
دايما يا عزيز بتعمل حساب لكل حاجه حواليك أنا واثقه في ذكائك
أنك قدها وأنا كمان هستعد لتجهيز مهمتي اللى تخلصنا من كل ده
عزيز….
كنت واثق ان امي هتفهم الرساله ودلوقتي فاضل اطمن جدتى
ناديت عليها وقولتلها
جدتى انتي عارفه أن من وأنا صغير ومعايا حمايه من أمي واللي محدش يعرفه أنها لسه معايا علشان كدا عاوزك تطمني انا هسيب الحمايه دى هنا لكم وأى حاجه محتاجه لها ادخلي أوضتي وقولي طلبك فى أسرع وقت هتلاقيه قدامك حتى لو حاجه خاصه بالمطبخ بس ده سر بينا
واوعى تفتحي الباب لحد انتوا تلاته ستات لوحدكم وأمير واهله مسافرين بكره الصبح علشان كدا عاوزك أول ما ينزلوا من البيت تقفليه بالمفتاح ومتخليش سهي ولا مامتها تنزل لاى سبب
فاهمه يا تيتا عاوز اسافر وأنا مطمن عليكي 😙
جدتى…
اطمن يابني المهم تخلي بالك انت من نفسك ترجعلي بالسلامة خرجت وسيبته بيرتب حاجته ربنا يحفظك ويحميك من كل شر
عزيز….
خرجت سلمت عليهم وقولتلهم أنا هروح اظبط شويه حاجات فى المستشفي وهسافر ع طول وانت يا أمير متخليش الشركه الهندسية تبدأ شغل إلا لما أرجع
وبصيت ل سهي وقولت لها مش هوصيكي ع جدتى وأى حاجه محتاجين لها قولى ل جدتى وهى هتعرف تجيبهالك المهم مافيش نزول من البيت انتوا تلات ستات وعاوز اكون مطمن عليكم وأنا مسافر ولا أنا غلطان يا إم عبدالله
ام عبدالله. …
لا يابني انت صح اطمن تروح وترجع بالسلامه جدتك فى عنينا
عزيز….
نزلت وروحت المستشفي رتبت بعض الأمور وروحت عند الجراج كأني ببص ع المكان وناديت وقولت يا غدير اظهري
غدير…
ايوة يا عمو ولقيته طلب مني العنوان وقالي أنه نازل القاهرة دلوقتي وفعلا دخلت قولت ل ماما ووافقت وعرفته العنوان وكنت مبسوطة آوى
عزيز….
اتصلت ع أمير وبلغته العنوان وقولت له أوعي سهي تعرف حاجه
وخليها مفاجأة لها يوم الخطوبه
أمير…
ماشي يا صاحبي المهم تبقي تطمني عليك
وابتديت أجهز شنطتي وبلغتهم يجهزوا حاجتهم علشان نسهر طول الليل ونسافر الفجر
نورين….
كنت بتابع كل حاجه وعجبني جدا اهتمام عزيز بالكل وتدبير شؤونهم حتى ولو مش موجود واحد زى ده استحاله يكون إبن إبليس خسارة بجد
عزيز ….
سيبت العربيه فى جراج المستشفي واخدت تاكسي وروحت مطعم وكلت للمرة التانيه مش فاهم ايه الجوع ده
وظهرت ليا نورين روحت دفعت الحساب وخرجت من المطعم واختفيت فى الحال
نورين…
اخدت عزيز ل عالمنا والمرة دى فضل محتفظ بشكله البشري لحد ما وصلنا البوابه
واديته العبايه علشان يلبسها وكان مبسوط لأن شكله متغيرش
عزيز ….
أول ما اختفيت ووصلت للارض الفاضيه ذو الرائحه العطره
لاحظت إنى متحولتش كنت مبسوط لإن شكلي فى جسم عزازيل مخيف بالنسبه لهم وكنت بحس إنى منبوذ
وشكلي البشري أرحم بكتير وطبعا نورين اديتني العبايه البسها ودخلنا مع بعض من البوابه لاجد بستان من الزهور
واخدتني نورين ل جناح كبير كنت أعتقد إنى هقابل أمير عشيرتهم
او أحد الحكماء ولكن المفاجأة أنها قالتلي
ان الجناح مجهز ليا وطول فترة إقامتي هكون موجود فيه او عند الحكيم لقمان
نورين…
قولت ل عزيز تقدر ترتاح وكل اللى هتحتاجه هتلاقيه فى الجناح واستعد لمقابله الحكيم لقمان بدايه شروق الشمس
عزيز….
كنت محتاج أنام وحسيت بعطش شديد ببص لقيت المياه قدامى واضح ان فى خادم خفي موجود معايا فى المكان
ولما شربت لقيت الميه طعمها مختلف جميله جدا طعم ورائحه واضح ان كل حاجه هنا برائحة الزهور
ونمت ورغم وجودى وسط أعداء نسلي ألا إني لأول مرة أشعر بالراحه والأمان وسرحت لعالم الأحلام
لحد ما سمعت صوت بيقول 😮😞
يتبع
#رشامنصور
#الجزءالثاني_والعشرون
#عودةإبليس
عزيز. ….
ورغم وجودى وسط أعداء نسلي ألا إني لأول مرة أشعر بالراحه والأمان وسرحت لعالم الأحلام ونمت
لحد ما سمعت صوت بيقول 😮😞 الصلاة يا مؤمنين الصلاة
الصلاة خيرآ من النوم …
أعتقد كدا إننا الفجر أنا كنت بسمع فى عالم البشر الكلام ده بيتقال وقت الفجر والمفروض كدا ان وقت شروق الشمس قرب
ياااااه أنا نمت كتير آوى كويس إنى صحيت دلوقتي وببص لقيت
نورين….
ظهرت أمام عزيز أول ما الحارس بلغني أنه فاق من النوم خلاص
وقولتله
أعتذر لأني أمرت الحارس أنه يصحيك من النوم ولكن من العادات عندنا ان جميع من فى المملكه لابد ان يحضر صلاة الفجر أذا كان كبير او صغير
عزيز….
صلاة إيه انا ماليش علاقه بصلاتكم دي غير إنى هنا لهدف محدد وبس عادتكم دى مش هتطبق عليا
نورين…
أنا مطلبتش منك الصلاة ولكن طلبت منك الحضور وبما أنك ضيف فى المملكة لابد أن تتبع قواعد. وعادات المملكة
قدامك خمس دقايق تكون جاهز واختفيت من أمامه.
عزيز…
وبعدين بقي هما ناوين ليا ع إيه ازاى أدخل المسجد وأسمع القرآن أكيد هما ناوين يحر'قوني. قومت غسلت وشي وغيرت هدومى
وقولت بصوت مسموع أنا جاهز في لحظه اتنقلت من غير ما أعرف مين اللى نقلني
ولقيت نفسي واقف فى ساحه كبيرة حواليها سور من الأشجار وفى نص الساحه مكان كبير مفروش بالسجاد وناس كتير مجمعين وشوفت منهم من يرتدى التيجان وظهر الحكيم لقمان ولقيتهم ابتدوا يقفوا فى صفوف ولقيت واحد من شكل ملابسه عرفت إنه حار'س
وقالي تقدر تقف هنا إلي ان تنتهي الصلاة
الحكيم لقمان…
كنت عارف ان عزيز هيحضر الصلاة فهذه هى القواعد وبيتم تطبيقها مع الجميع وكل من داخل المملكة ولكن اللي محدش يعرفوا المفاجأة اللي هيكتشفها عزيز
عزيز…..
الصلاة ابتدت ولقيت رجل يقف فى المقدمة وهو يتكلم ويتحرك والجميع يفعل مثله والغريب أن أول ما ابتدي يقرأ القرآن حاولت أتذكر الأرقام الخاصه بتمجيد إبليس مقدرتش كأنى اتصبت بفقدان الذاكرة وهنا توقعت أنها النهايه لكن العجيب فى الأمر ان مافيش حاجه حصلت ليا بالعكس لقيت نفسي بتابع حركاتهم والقرآن اللي بيتقال ولفت نظري جملة
" وإذ قلنا للملائكة اسجدوا لأدم فسجدوا الا إبليس أبى واستكبر وكان من الكافرين"
إيه ده أنا مش فاهم هو مين اللي له الحق أنه يؤمر إبليس
فضلت ساكت ومركز مع تحركاتهم ورغم كدا أنا لسه سليم اة فهمت واضح ان دى كلمات من السحر وهى دى بقي اللى بتديهم القوة وأكيد الحركات اللى بيعملوها دى أو الصلاة زى ما بيقولوا عليها هى طقوس للإله بتاعهم بس الغريب فى الأمر ان الإله بتاعهم يعرف إبليس وكان بيأمروا لآ أنا لازم أفهم اللغز ده
الحكيم لقمان….
عندما انتهينا من الصلاة كنت واثق ان فى اسئلة كتير بدور فى ذهن عزيز علشان كدا روحت له وقولتله موعدنا بعد ساعه من الآن وسأكون جاهز بأمر الله بالرد ع أسئلتك
ويلا بينا نروح نشوف إيه اللي بيحصل فى عالم الأنس
أمير…
فضلنا سهرانين طول الليل وعند الفجر استعدينا للسفر ولولا الشغل مكنتش ابدا أسافر واسيب سهي
سهي….
فضلت سهرانه طول الليل ومكنتش قادرة أتخيل أن خلاص مش هشوف أمير وهيسافر ويبعد عني كنت طول السهرة ببص عليه كنت عاوزة اشبع منه وخايفه أنه ينساني
سبحان مغير الأحوال لسه من كام يوم بس مكنتش أعرفه ودلوقتي مش قادرة أبعد عنه وأول ما مشيوا كلهم دخلت أصلي الفجر وادعيلهم وادعي ل عبدالله أخويا يرجع بالسلامة
جدتى…
أول ما مها وعيالها نزلوا من البيت قفلت الباب بالمفتاح زى ما عزيز قالي بالظبط ودخلت أوضتي وصليت الفجر وفضلت أدعي ل عزيز يرجعلي بالسلامة ومجبور الخاطر ونمت بعدها
عبدالله…
صحيت من النوم بدري لأن الورديه بتاعتي بتبدا الساعه 7 الصبح يادوب صليت وفطرت ونزلت ع شغلي فى المصنع ع طول والمفاجأة إنى لقيت قدامى عم محمد كان لسه واصل من السفر لكن هيستلم الشغل بكره جريت سلمت عليه وسألته ع أمي وأختي وقالي
عم محمد…..
عامل إيه يا عبدالله يابني انارشامنصور سألت رئيس. الورديه عليك وشكر فيك وفى شغلك أيوة كدا رفعت رأسي
خد ده رقم موبايل أختك اديته ل مراتي علشان لما ترجع تكلمها أصلهم قاعدين عند ناس قرايبكم
من بعد ما سهي اتخطبت لواحد غني أوى وهما سابوا الاوضه بس العريس دفع الايجار أصل صاحب البيت كان ناوى يطردهم. .
عبدالله. ..
انت بتقول ايه خطيب مين وقرايبنا دول يطلعوا إيه وازاى صاحب البيت يعمل كدا وانا مأكد عليه انى اول ما ارجع من السفر هدفعله الفلوس كلها انا مش فاهم حاجه
هات تليفونك أكلم اختى أنا لازم أفهم إيه اللي حصلهم بالظبط
عم محمد ….
انت ناسي ان مافيش شبكه هنا ولازم تروح بعيد عن المصنع مسافه نص كيلو ع الاقل وتقف ع حته عاليه من الجبل أول ما ورديتك تخلص تبقي كلمها براحتك أنا معايا رصيد كفايه
عبدالله. ..
فضلت ع نار. خايف يكون أختى وأمي جري لهم حاجه او حد استغل فقرهم وناوى ع حاجه ل أختي يارب احفظهم واحميهم
عزيز….
فضلت منتظر لحد ما جه ميعاد الحكيم لقمان وظهر ليا الحارس وقالي الحكيم منتظرك وقبل ما انطق لقيت نفسي فى الجناح الخاص به وانحنيت رأسي للحكيم لقمان للتحيه وروحت قعدت ع الكرسي اللي علي بساط البيان من غير ما يطلب مني
وقولت له انا مستعد لدرس اليوم بس عندى أستفسار ضرورى.
هو الإله بتاعك يعرف إبليس منين قصدى يعني بدايه المعرفه كانت إيه وازاى أنا محصلش ليا حاجه لما سمعت القرآن
الحكيم لقمان…
ابتسمت أول ما لقيت عزيز عاوز يفهم وقولت له هحكيلك من البدايه زمان الأرض كان عايش عليها الحن والبن
وهم خلق من خلق الله ليسوا من البشر ولا من الجن ولكن يشبه الاتنين وخلقوا قبل الجن واستوطنوا الأرض فقtلوا بعض وارتكبوا المعاصي وسفكوا. الد. ماء وعصوا الله فسلط رب العزه الجن عليهم فقت/لوهم وشردوهم
وبعد معر'كة كبيرة ما بين الحن والبن من جهة وبين الجن من جهة أخري انتصر. عليهم الجن وسكنوا الأرض وعبدوا الله عز وجل
ولكن مع الوقت أفسدوا فيها
وأرسل الله ملكا لهم كان يدعي يوسف ولكنهم لم يطيعوا وقا'تلوه فأرسل الله الملائكة فأجلتهم إلى البحار بعد ما ظلوا فى الأرض ألف عام وكان إبليس طفل صغير متشرد من الأرض فأخذته الملائكه ورفعته إلي السماء وكان اسمه فى ذلك الوقت عزازيل
وظل معهم وأصبح إبليس مجتهد جدا وأكثرهم عبادة وعلما واشدهم اجتهادا
عزيز….
أنت قصدك ان إبليس كان مطيع وبيعبد الله وعايش فى السماء أومال أيه اللي حصل وخلاه ينزل ع الأرض
الحكيم لقمان. .
ما أنا لسه هكملك الحكايه متستعجلش
قرر الله عز وجل ان يجعل للأرض خليفه ف توقع إبليس أن هو هيكون خليفة الله ع الأرض بما أنه كان من أهل الأرض بالإضافه إلي مكانته اللى وصلها بسبب شدة عبادته لله عز وجل ولكن حصل اللى مكنش إبليس ولا اى مخلوق متوقعه
وهو خلق الله آدم وهنا استغربت الملائكة وسألت الله عن السبب
بسم الله الرحمن الرحيم
" وإذ قال ربك للملائكة إني جاعل في الأرض خليفة قالوا أتجعل فيها من يفسد فيها ويسفك الدماءو نحن نسبح بحمدك ونقدس لك
قال إني أعلم ما لا تعلمون " صدق الله العظيم
وعلم الله آدم كل شئ وطلب الله عزوجل من الجميع السجود ل آدم
فاستجابت الملائكة وسجدت ل آدم ألا إبليس رفض واستكبر وغروره منعه ازاى هو مخلوق من نار ويسجد ل مخلوق من طين وخالف أمر الله وأصبح منذ ذلك الوقت من الكافرين.
ومنذ ذلك الوقت استحلف إبليس ل آدم وأبنائه علشان يخليهم يعصوا الله عز وجل ويقدر يثبت ل ربنا إنه أفضل من البشر وأنه كان أحق منهم بالأرض وطلب من الله أنه يكون من الخالدين واستجاب الله لطلبه ووعده ان يظل إلى يوم البعث
عزيز…..
كلامك ده محير آوى معقول كل الحر.ب بين الجن والبشر سببها ان إبليس رفض يسجد ل آدم ويكون عقابه أنه ينزل من السماء
الحكيم لقمان ..
إبليس اتعاقب لأنه خالف أمر الله عز وجل
وغروره خلاه شاف نفسه أنه يقدر يرفض ونسي أنه مجرد مخلوق زيه زى باقي مخلوقات الله
عزيز….
معني كدا ان اللي له حق العبادة هو الله لأن هو اللى خلق إبليس وأحنا من نسل إبليس
الحكيم لقمان…..
مظبوط وكل الجن المسلم بيعبد الله عز وجل
عزيز….
لو كلامك ده مظبوط يبقي ليه .. . 😕
يتبع
ياتري إيه الحاجه اللى تخلي عزيز يقدر يشكك فى كلام الحكيم لقمان ؟؟!
الكاتبه
#رشامنصور#الجزءالثالث_والعشرون
#عودةإبليس
عزيز…
لو كلامك ده مظبوط يبقي ليه .. . 😕
ليه إبليس مقالش ل نسله يساعدوا يخلص من البشر' وده أمر سهل علينا وليه انتم معرفتوش أبناء إبليس وأعوانه الحكايه دى علشان محدش يطيعوا ده لو كلامك صحيح
الحكيم لقمان ….
إبليس لو كان أعترف بخطائه وعرف أبنائه الحقيقه مكنش حد فضل معاه وكانوا كلهم عبدوا ربنا وعاشوا فى سلام مع أبناء آدم ومكنش قدر يزرع الفتن. والمعاصي بين البشر بواسطه أعوانه
بجانب ان ربنا ميز البشر واعطاءهم اللى يخليهم أقوي من الجن المؤذي. أوعي تستهون بالبشر فى منهم اللى يقدر يعذ'ب الجان و يحر'قهم كمان
اما بالنسبه لنا لا نستطيع نخالف أمرالله في أن يتركه يغوي ويوسوس لبني آدم الضعفاء الذين ابتعدوا عن عبادة الرحمن ويفعلون المعاصي إلي يوم البعث
لذلك تم عمل معاهده ان لا نتدخل فى شؤون إبليس ولا هو يتدخل فى شؤونا
عزيز….
لو فعلا فى معاهده بينكم تفتكر هو وافق ع وجودى معكم ليه
الحكيم لقمان…
إبليس عاوز يثبت لنفسه إنه مش غلطان وان ممكن لاى مخلوق يعبد ربنا إنه يعصاه وعاوز الكل يتلعن. زيه ويدخل جهنم..
علشان كدا بيحاول يدخل فى قلوبنا الشك فى مغفرة الله لنا ويزرع الفتن. والكراهية. بيننا ولكن فى كل مره تفشل محاولاته ويقدم النائب له للمحاكمة ويق' تل بعد ما يتبرأ إبليس منه وينكر فعلته
عزيز….
معني كدا إن كل اللى يطيع ربنا هيغفر له وهيدخل الجنه
الحكيم لقمان. …
كل أبناء آدم المطيع للأوامر الله عز وجل يدخل الجنه بدرجاتها ع حسب أعمالهم
أما بالنسبة لنا المطيع منا والمخلص فى عبادته ينجي من جهنم..
وده فى حد ذاته نعمه من نعم الله علينا
عزيز….
يعني أنا هفضل منبوذ للنهايه حتى بعد ما أموت ولا عارف هتحاسب زى البشر ولا زى الجن
يا تري فى منكم زيي كدا اقصد يعني هو انتوا ممكن تتزوجوا من البشر ولا ممنوع
الحكيم لقمان ….
ممكن جدا ويكون لنا أبناء كمان وبالنسبة للحساب ربنا وحده اللى بيحدد ربنا وحده اللى عالم بنوايا عباده ومين يستحق الجنه ومين يستحق النار.
عزيز…
مش عارف ليه فجأة حسيت بزغلله ودوخه أول مرة اتعب وأنا موجود معاهم وقولت له إيه اللي بيحصلي
الحكيم لقمان….
واضح أنك ارهقت عقلك من كتر التفكير ومحتاج ترتاح وشاورت للحارس وتم نقل عزيز إلى جناحه وع سريره ونام فى الحال
نورين….
كنت منتظرة انتهاء المجلس بين عزيز والحكيم لقمان ودخلت لمقابلته فور نقل عزيز إلى جناحه فى الحال
أيها الحكيم عندى إستفسار بسيط أتمني من الله ان أجد توضيحه عندك ..
عزيز من نسل إبليس ازاى قدر يحضر الصلاة دون إن يحدث له شئ ع الرغم أنه لم يكن يرتدى العبائه
الحكيم لقمان …
معقوله يا نورين أنتي اللى بتسألي ع الرغم أنك تعلمي ان كل شبر فى أرضنا محصن بكلام الله عز وجل
عزيز لما كان بياخد الحبايه كانت بتعالجه وبتعطيه القوة بس كمان كانت بتزود نسبه الخير والحق والصواب بداخله
علشان كدا كل مرة كان تحويله ل عزازيل بيختلف لحد ما قدر دلوقتي يظهر بصورة عزيز لأن عقله زاد نور
وقلبه زاد نقاء وصفاء ولذلك لم يتأثر عندما سمع القرآن
نورين…..
اومال ليه تعب لما عرف حقيقه إبليس.
الحكيم لقمان….
تعب لان بداخل عقله معر.كة ما بين النصف البشري اللى مقتنع تماما بضعف إبليس وأن اللي يستحق الإيمان به هو الله فقط لا غير
وبين النصف الجني اللى من بداية مولده فاهم ان إبليس هو من يمنحه القوة والسلطه. والمعرفة وان اى مكانه وصلها كان الفضل فيها إبليس وأن هو فقط من يستحق التمجيد ع أساس أنه الاميرالخالد
ودلوقتي اكتشف ان إبليس مجرد مخلوق وليس خالق
اكتشف ان الله عز وجل والملائكة والإنسان المؤمن أقوي من إبليس اللى بيدعي الالهيه واللى كل حياته مبنيه ع الإنتقام. من أبناء آدم فقط لا غير هو حاليا بداخل صراااع مع النفس
نورين … أتمني أن يختار الحق ويتبعه
وتركت الحكيم لقمان وأنا رشامنصورأخشي ع عزيز فإذا كان الظلام يعمي البصيرة فأيضأ كثرة النور قد تعمي البصر
أمير….
وصلنا القاهرة وكنت مرهق جدا نفسي أنام بس قولت اتصل ع سهي واطمن عليها واطمنها أننا وصلنا البيت وأنى هنام وهى كمان قالت ليا أنها هتنام شويه وقالتلي ان مامتها وتيتا نايمين
نمت وظبطت المنبه علشان اصحي قبل العصر واروح ع عنوان الطفله غدير زى ما عزيز موصيني
عبدالله ….
بقيت منتظر الوقت يعدى والأفكار بتوديني وتجيبني لا أنا مش هستني لما الورديه تخلص أنا وقت في الغداء هاخد فون إى حد وفعلا ع الظهر اخدت موبايل واحد شغال معايا مكنش ينفع أروح السكن ل عم محمد وبعد ما أكلم ارجعله تاني مافيش وقت لكل ده
وجريت ل أبعد حته لحد مظهرت ليا شبكه واتصلت ع الرقم
سهي…
بعد ما أمير كلمني نمت ع طول وصحيت فجأة ع رنه الموبايل برقم غريب قولت أكيد أمير ولا مامته محدش يعرف الرقم غيرهم
الو …. مين
عبدالله…. أيوة يا سهي أنا عبدالله انتوا فين انتوا كويسين
أنا. … عبدالله حمدلله ع السلامة انت رجعت امتي ده ماما هتفرح آوى أنك جيت
عبدالله. …
أنا لسه فى البحر الأحمر بس عم محمد ادانى الرقم قوليلي مين خطيبك ده وعرفتيه منين وازاى تتخطبي من غير ما اكون موجود إزاي امك توافق ع كدا مش فى راجل المفروض يستني لما يرجع يخطبك منه
سهي….
أنا لسه متخطبتش وهو منتظرك لما ترجع من السفر و………
ابتديت أحكي له من أول ما نزلت اشتعلت عند الست ام هشام. ….
عبدالله….
يااااه شيلتي الهم بدري يا سهي لكن مين عالم يمكن ربنا عمل كدا علشان العريس يشوفك ربنا يجعله الزوج الصالح
ع العموم أوعي تقولى له إنى عرفت حاجه لحد ما أرجع من السفر
واروح القاهرة واسأل عليه وع أهله وتبقي سلمي ع امى واوعى الست اللى قاعدين معاها تعرف إنى كلمتك أحسن تبلغهم وأنا هحاول كل كام يوم اخد موبايل حد واكلمكم منه يلا سلام علشان عندى شغل وخلي بالك من نفسك ومن امك وقفلت
سهي….
فرحت أوى لما عبدالله كلمني صحيح كان نفسي يكون رجع من السفر علشان اتصل بأمير ويرجعلي بس الحمد لله ع كل حال
وقومت اتوضيت وصليت الظهر ودخلت المطبخ أعمل حاجه خفيفه لهم لحد ما يقرروا هيتغدوا ايه
ميسان….
قاعدة أتابع كل اللى بيحصل وفرحانه بقصه الحب اللي بين أمير وسهي بتفكرني بنفسي لما كنت أفضل منتظره عزازيل يسيب مراته ويجيلي وأفضل كل شويه اروح لعالم الانس ارقبوا من بعيد ودلوقتي أنا منتظرة وخايفه يرجعلي متجوز أنا بغيير عليه أوى لكن مقدرش اعترض مدام أمر من إبليس
جدتى….
صحيت اتوضيت وصليت وخرجت من الاوضه لقيت سهي فى المطبخ وبتجهز أطباق الأكل
صباح الخير يا سهي أمير كلمك ولا لسه عاوزة اطمن عليهم
سهي….
اة يا تيتا كلمني من بدري أنا منمتش لحد ما اطمنت أنهم وصلوا
بالسلامة وكويس أنك صحيتي أنا جهزت حاجه خفيفه كدا لحد ما تقوليلي اعمل أكل إيه انهاردة
جدتى….
طب روحى صحي مامتك الأول علشان تأكل وتاخد علاجها
سهي….
روحت صحيت ماما وعرفتها ان عبدالله أتصل بس متقولش قدام تيتا علشان متبلغش أمير ويعمل الخطوبه من غير عبدالله وقولت لها
يلا علشان نفطر وتاخدى العلاج
عزيز….
أول ما اتنقلت للجناح ونمت ابتديت أحلم بحاجات كانت بتحصل من وأنا صغير من أول جدى لما كان يصلي ويوقفني جنبه ع السجادة وأبي الأمير صرماط يشدنى ويبعدنى بسرعه وأمي لما كنا فى المستشفي وفضلت تقول يارب
ولما مات جدى وابي الأمير صرماط حب يثبتلي أن الجن أقوى وحضرلي خادم بشكل جدى ولما طلبت منه يرجع جدى للحياة غضب منى وأختفي
واضح أن الكل كان عارف ان إبليس أضعف من ربنا
لآ ده ربهم هما مش ربي أنا
انت مخلوق زيك زيهم يعني ربك انت كمان
ازاى ربي أنا لآ لآ أيوة دى الحقيقه اللي لازم تعترف بها ومتغلطتش غلطه إبليس وتخلي غرورك يعميك
صحيت من النوم بصرخ مش فاكر غير إنى كنت شايف نفسي فى الحلم وكأني باصص ع مرآيا وبكلم وشبيهي اللي في المرايا بيرد عليا وابتديت اتذكر كل كلمه قولتها فى الحلم
وتقررت كلمه متغلطتش غلطه إبليس بس إزاي ده مجرد التفكير هتعامل إنى خائن' ويتحكم. عليا وعلي نسلي بالموت
معقول اكون السبب فى موت أولادي وبعدين بقي فى الحيرة دى
نورين….
أثناء مرورى فى المملكة جالى الحارس وقالي إن عزيز صحي من النوم مفزوع وبيصرخ وده أمر صعب حدوثه عندنا
ولكن تذكرت كلمه الحكيم لقمان أنه هيظل فى صرااع ما بين عزيز وعزازيل بين الخير والشر
يا تري يا عزيز هتختار أيه ونتيجه اختيارك هتكون تمنها إيه
يتبع.....
الكاتبه
#رشامنصور
#الجزءالرابع_والعشرون
#عودةإبليس
عزيز. ..
أنا دلوقتي واقع بين أمرين لو أخترت إبليس يبقي لازم اقدم سهي قربا'ن ولازم ازرع الفتن او أقدم الطريقة اللي نخترق. بها حصن الجن المسلم ولو معملتش كدا إبليس هيقدمنى للمحاكمة. وقبل ما اتحاكم هشوف اولادى وهما بيموتوا قدامي وأمي كمان
ولو وافقت وقدمت سهي الجن المسلم مش هيسيبني وبردو
وقتها وفقا للمعاهدة هتحاكم. وأكيد إبليس بردو مش هيسيب اولادى بالإضافه بقي أبي الأمير صرماط لمجرد اعترافي عليه
أنا مش عارف أختار إيه أنا كل اللى يهمني امى واولادى لكن فى الحالتين هيموتوا.
وبعدين يا عزيز فين عقلك فكر أكيد هتلاقي مخرج للورطة. دى
ميسان. …
كنت بتابع اللى بيحصل فى بيت جدة عزازيل واستغليت أنهم بيأكلوا وقولت أروح أبص ع طنط نهي والأولاد
ولما طرت لهم لقيت طنط نهي شكلها سرحان وأول ما شافتني
نهي….
طمنيني فى اى أخبار عن عزيز
ميسان….
لأ يا طنط انارشامنصورجيت أبص ع حضرتك والأولاد أنا صحيح موصيه الوصيفه بتاعتي تتابع أخباركم وتطمني بس مقدرتش يعدي يوم من غير ما أشوفكم وأكيد لو وصلني اى خبر هوصله لحضرتك فى الحال وجالي أحد حراس يبلغني ان فى دخيل فى البيت
مقولتش حاجه ل طنط نهي علشان متقلقش لكن قولتلها
استأذنك لازم أكون بجوار جدة عزازيل علشان لو احتاجت أي حاجه ومجرد وصولي اتفاجأت ب
لوفيرا….
انتظاري طال ذهبت بنفسي إلي سهي ولكنى لم أستطيع التقرب من جسدها يوجد مثل صاعق محاط بها كلما اقتربت منها احترق''
ووجدت ميسان حضرت وقولت لها
ماذا تضع هذه الفتاة ع جسدها حتى لا أستطيع اختراقها
ميسان…
أسمع أنها تملك جنيه مسلمه تحميها وأكيد هي تستعمل كلمات من السحر حتى تفعل ذلك
لوفيرا….
زاد غيظي وقولت ل ميسان إذا وجدتى إي نقطه تمكنني من اختراق. جسدها ما عليكي غير ان تنطقي إسمي فقط وخرجت من المكان وذهب إلي المغسله أنتظر
ميسان….
عمري ما كنت هسمح ل لوفيرا أنها تدخل فى جسد سهي حتى لو كان أمر من إبليس لأن ده معناه ان يتم القبض ع عزازيل من الجن المسلم وعمري ما كنت أشوفه تانى
وابليس عمره ما يقدر يعوضني عزازيل ولا كان هيقدر يرجعهولي
بالعكس كان هينكر معرفته بالموضوع
مستغربين كلامي أستنوا وأنا احكيلكم من صغري وأنا كنت بسمع عن الجن المسلم من اجدادى وعن قوتهم وان إبليس باعت مجموعة من أقوي الحراس. يشوفوا اى نقطه يخترقوا بها بوابات الجان المسلم وأن لهم مكافأة كبيرة لكن للأسف
تم القبض عليهم وارسالهم إلي ملوك الجان وتم استدعاء إبليس وأهالي الحراس وكانت صدمه للجميع لما إبليس قال ان الحراس ما هم إلا مجموعه من الفئران يردون عمل الفتنه. وإشعال الحر.ب بينهم وهو لا يعلم عنهم شئ ويستحقوا الموت.
وبعد ما اتحكم عليهم تم التكتم عن الخبر وقدر يعمل فقدان ذاكرة عن الي حصل ده لكل أهالي الحراس. وكل واحد نسي ابنه لكن اللى محدش يعرفه ان عمي كان من ضمن مجموعه الحراس. وكان بيحكيلي ان إبليس واعدهم ان يمنحهم القوة والسلطه فى العشيرة
ولأني كنت طفله صغيرة محدش شك إنى عارفه حاجه وبالتالي احتفظت بذاكرتي وكتمت السر عن الجميع
وإنا معنديش استعداد يحصل كدا فى عزازيل صحيح أنا عمري ما حكيت لحد الموضوع ده لأنه يعتبر خيا'نه عظمي. وتشكيك. فى الأمير المخلد لكن ع الأقل لازم اتعلم من اللى حصل واحرص منه
أمير. …
صحيت من النوم واخدت شاور وطلبت اكل دليفري لنا ونزلت أروح ع عنوان غدير بصراحه كنت قلقان المهمه مش سهله تخيلوا لما تروحوا لناس وتقولوا لهم لكم جثث. محجوزة بقالها أسبوعين في تلاجه المستشفي ولا أبوها اللي مسافر لوعرف حاجه زى دى يارب ما تكتبها ع حد ابداااااا
وصلت للعنوان وفكرت ان من الأفضل أقول إنى مندوب من ادارة المستشفي وفعلا لقيت ده انسب حاجه ما أنا أكيد مش هقولهم فى شبح بتكلمنا وقالت لنا العنوان والا هيعتبروني مجنون ووصلت لباب البيت عم غدير . السلام عليكم ورحمة الله وبركاته
هنا منزل الأستاذ ماجد العسيلي عم الطفله غدير محمد العسيلي المقيمه فى السويس
الأستاذ ماجد / أيوة أنا فى ايه حضرتك قلقتني هى غدير فيها حاجه ومامتها فين أنا بتصل عليها موبايلها مقفول
أمير…
للأسف سكان البيت كلهم ماتوا. نتيجه انفجا! ر
الغاز واتنقلوا كلهم للمستشفي واهاليهم استلموا جثثهم.. إلا غدير ومامتها محدش استلمهم وبسؤال الأهالي المنطقه عرفنا من صديقه لها عنوان حضرتك
أنا مقدر الموقف بس ياريت تستلمهم وتدفنهم أنت عارف إكرام الميت دفنه وأنا آسف إنى ببلغك بالخبر ده بس لولا أهميه الموضوع مكنتش سافرت علشان ابلغك به اتفضل عنوان المستشفي وخرجت من البيت وسط ذهول ماجد بالخبر
الأستاذ ماجد /
دلوقتي بس عرفت ليه محدش بيرد ع الفون طب أنا أبلغ أخويا ازاى ده جاى كمان شهرين لا حول ولا قوة إلا بالله العلي العظيم يارب الصبر من عندك
بلغت امي ومراتي بالخبر وأكدت عليهم محدش يعرف أخويا حاجه لما يتصل وأنى هسافر الصبح بدري علشان استلم جثمانهم. واجيبهم القاهرة واتصلت ع أهل ام غدير وبلغتهم واتفقنا ع ميعاد السفر
أمير…
يااااه أنا مش متخيل إنى خرجت من البيت الأستاذ ماجد من الصدمه كان هيخليني أبكي جانبه يارب صبرهم
اللهم أعوذ بك من شر الغفله ومن شر الفجأة وحسيت اني مخنوق قولت اتصل ع سهي اطمن عليها بس طبعا مقولتش لها حاجه
سهي….
فرحت آوى أول ما لقيت أمير بيتصل عليا وقالي أنه خرج راح يزور واحد صاحبه ودلوقتي هيلف شويه يتفرج ع المحلات وفضل يسألني ع الألوان اللي بحبها ولقيته بيقولي تحبي الشبكه بتاعتك تكون إيه بصراحه قولت له مش فارق معايا تكون إيه لكن نفسي اكون معاك ونختار سوي زى ما كل البنات ما بتعمل ونتصور وأحنا عند الجواهرجي وامى تزغرط ليا والجيران تفرحلي
أمير ….
بس كدا ست البنات تؤمر وأنا رشامنصورأنفذ وفضلت اكلمها طول الطريق حتى وأنا بجيب حاجات من السوبر ماركت للبيت وقفلت معاها
بس فجأة حسيت ان قلبي مقبوض يا تري يا عزيز فيك إيه
أميرة. …
صحيت من النوم واتصلت بأصحابي علشان يساعدونى فى استعدادات الفرح من إختيار الفستان والبيوتي سنتر والبرفانات والملابس وكل حاجه مش عارفه ليه حاسه اني متلغبطه وناقصلي حاجات كتير وكل شويه إتصل ع خطيبي اصوت له
مها…
كنت عامله زى المثل اللي بيقول ام العروسه فاضيه ومشغوله
حاسه ان المفروض فى حاجات كتير اجهزها بس مش عارفه ابدء منين ياريتك يا نهي معايا بجد محتاجه لكي أوى دلوقتي
نهي….
وصلي من الحارس. اللى عند مها كل اللى قالته اة يا مها لو تعرفي اد إيه أنا اللى محتاجه المساعده لكن أوعدك أول ما اطمن ع عزيز هتلاقيني جنبك وباعت مع الحارس. ورقه مكتوب فيها أنا معاكي اطمني وقولت له حطها قدامها
مها…
فجأة وأنا قاعدة وبكلم نفسي لقيت ورقه طايرة فى الجو واتفتحت قدامي وأول ما قرأت أسم نهي فرحت أوى لدرجه دموعي نزلت يااااه حسيت إنى اطمنت بعد ما كنت قلقانه
عزيز…
فضلت حاسس بصداع رهيب وقولت بصوت مسموع محتاج مسكن او طبيب أنا مش قادر اتحمل الألم
ولحظه وظهر لي الحكيم لقمان ووضع يده ع رأسي وابتديت احس ان الزغلله ابتدت تقل والصداع كمان بصيت ع أيده مفيهاش حاجه
سألته انت عملت إيه هو فى تعويذه استخدمتها
الحكيم لقمان ….
ابتسمت ع كلامه وقولت له لآ طبعا كل الحكايه اني طلبت الشفاء من الله عز وجل وواضح من سؤالك أنه استجاب الدعوة وأنك بقيت كويس دلوقتي
عزيز …
معني كلامك أنه وافق يعالجني يعني ممكن كمان يوافق يديني القوة
الحكيم لقمان ….
معني كلامي أن ربنا استجاب دعوتي لك بالشفاء لكن إزاي يدي القوة لواحد من نسل إبليس الكافر. المتكبر
ربنا بيعطي القوة. للمؤمن به هو وبس وبيعبدوا ويكون مخلص فى عبادته فكر بقي أنت فى طريقه تاخد بها القوة.
واعتقد دلوقتي أنك بقيت كويس حاول تأكل وتشرب حاجه وتصفي ذهنك علشان تقدر تفكر وتوصل لحل مناسب يساعدك ع حمايه أهلك استأذنك سلام واختفيت فى الحال
عزيز…
رجعت للحيرة تاني بس فكرت في حاجه لو وافق عليها الجن المسلم هقدر وقتها احمي أمي واولادى وبالنسبة ليا مش فارق معايا الحياة
بس يا تري لو محدش وافق يبقي إيه الحل وقتها ؟؟؟
يتبع…..
ياتري أيه الحاجه اللى فكر فيها عزيز
الكاتبه
#رشامنصور#الجزءالخامس_والعشرون
#عودةإبليس
مها…
بعد ما اطمنت ان نهي جنبي قولت ل أميرة اقعدى وهاتي ورقه وقلم ونكتب كل اللى محتاجين له ونشوف القاعه واتصلت ع أصحابها فيديو وشاركوا معانا بأفكارهم
أمير ….
كنت شايف امي وأميرة مشغولين طول الليل قولت لهم أنا هنام بقي علشان شغلي الصبح وتانى يوم الصبح نزلت ع شغلي واتصلت ع الشركه الهندسيه اللى باعت لهم التصميم الخاص ب قسم العلاج الطبيعي واتفقت معاهم ان فى خلال أسبوع بالكتير هيبتدي الشغل ولازم يخلص فى أسرع وقت
واتصلت ع سهي اطمنت عليها وابتديت أشوف شغلي
جدتى….
صحيت صليت الفجر وفضلت أدعي لي عزيز وحشني أوى أنا مش متعودة ع فراقه وخرجت من أوضتي وروحت المطبخ لقيت فى حاجات هحتاجها افتكرت كلام عزيز عن الحارس. بتاعه
دخلت اوضته وقولت
معلشي بعد اذنكم لو مفيهاش مضايقه عزيز قالي اطلب منكم انا كنت محتاجه حاجات للبيت فراخ ولحمه وطماطم وخضار ومكرونه ومعايا فلوس أدفع لكم وطلعت فلوس وحطيتها ع السرير
وفضلت واقفه وخايفه آوى وفجأة اللمبه طفت ونورت بسرعه وببص لقيت الطلبات محطوطه جنب الفلوس وبعدين اللمبه طفت ونورت تاني ولقيت عصاير وحلويات
فضلت اقولهم ألف شكر تعبتكم معايا وسمعت صوت بنت بتقولي ارتاحي أنا هنقل الطلبات المطبخ وخلي فلوسك معاكي
بقيت واقفه متخشبه مكاني وخايفه. اوى وخرجت من الاوضه بالعافيه ومش عارفه انطق وروحت المطبخ ولقيت كل حاجه مرصوصه وفضلت أبص حواليا وبترعش
ميسان. …
مش عارفه ليه جدته خايفه. منى ده أنا بساعدها ولقيتها بتتلفت حواليها وتقول حقك عليا تعبتك معايا أوعي تزعلي مني 😨
علشان كدا قررت اظهر لها بس تحولت لشكل بشري اصلها مش ناقصه رعب. منى وقولت لها
خايفه منى ليه أنا هنا لتنفيذ طلباتك بأمر من حفيدك اطمني وأي حاجه محتاجه لها أدخلي اوضه عزيز واطلبيها بس أوعى سهي او مامتها يعرفوا أحسن بعدين يخافوا ويمشوا من هنا
واطمنت ليا وابتسمت وقالتلي كتر خيرك واول ما حسيت ب سهي شاورت لها تسكت واختفيت ع طول
سهي….
صباح الخير يا تيتا أنا كنت بفكر أنزل اجيب شويه طلبات للبيت لو محتاجه حاجه قوليلي عليها
جدتى…
طلبات إيه يابنتي التلاجه فيها كل حاجه وفتحت لها التلاجه وشوفت علامات الدهشه ع شها وقالتلي ازاى أنا أمبارح لقيت التلاجه فاضيه قولتلها فعلا بس الحاجات دى كانت فى الديب فريزار وأنا طلعتها متشغليش بالك ده فى هنا حاجات تكفينا شهر روحى بس صحي مامتك واعملي لنا فطار حلو كدا من إيدك يا قمر
ميسان…
كنت متابعه اللى بيحصل وكويس ان جدة عزازيل عرفت تتصرف بس من جوايا كنت فرحانه إنى ظهرت لها كان نفسي أقولها إنى زوجة حفيدك بس للأسف ممنوع ده غير أنها مش هتتحمل الخبر
عزيز….
صحيت ع صوت الصلاة خيرا من النوم بس المرة دى قولت ب صوت مسموع كويس إنك صحتني هقوم أجهز ع طول بس ممكن تظهر عاوز أسألك على حاجه ولقيت ظهر امامي شاب صغير السن ذو وجه بشوش وابتسم لي وقالي
الحارس. … اتفضل اسأل
عزيز …. هو فاضل كتير ع ميعاد الصلاة
الحارس… ربع ساعه من الآن
عزيز… طب أنا ممكن أقف في الصفوف معاكم ولا ممنوع
الحارس… الصلاة من حق الجميع ولكن يجب عليك الوضوء
عزيز… مش فاهم يعني ايه ممكن تعرفني
الحارس…. تفضل معي وافعل مثل ما أفعل بالظبط
ثم ذهبنا إلي الساحه للصلاة
عزيز….
فكرت إنى لو واقفت معاهم ده هيخلي ربنا يوافق يديني القوة او ع الأقل يخلي الجن المسلم يوافق ع فكرتي فى الحالتين أنا الكسبان
الحكيم لقمان….
وجدت عزيز فى وسط الصفوف وقفت فى مكانى وأنا متأكد أنه ناوى ع حاجه خليني معاك للنهايه مهما كنت ناوى انت هنا ع أرضنا وتحت رحمتنا
عزيز…
ابتدي الراجل الواقف أمام الصفوف بالكلام وغصب عني ركزت
ولقيته بيقول
" فقاتلوا أولياء الشيطان إن كيد الشيطان كان ضعيفا"
مش عارف ليه حسيت ان الكلام متوجه ليا بس يا تري بقي ده معناه أنهم يقت'لونى ولا معناه إنى أقوي من إبليس
وفضلت أعمل زيهم الحركات بالظبط لحد ما انتهوا ورغم إنى كنت ساكت طول الصلاة بس حسيت إني سامع دقات قلبي ولقيت في منهم بيسلموا عليا بعد ما انتهت الصلاة وابتسمت لهم لحد ما لقيت الحكيم لقمان هو كمان بيسلم عليا وقالي
الحكيم لقمان …..
منتظرك بعد ساعه أنا متعود اقرء القرآن بعد الصلاة لو حابب تحضر اتفضل معنديش مانع
عزيز….
ياريت وهتلاقيني ساكت نهائي مش هزعجك وكالعادة اتنقلت فى لحظه للجناح الخاص به وروحت اقعد ع الكرسي اللى ع بساط البيان بس لقيته قالي تعالى هنا جنبي وأنا بقرأ
وجلس ع الأرض أمام كتاب مفتوح وقالي ده المصحف قولتله عارف كنت بشوفه مع البشر
الحكيم لقمان…
طلبت من عزيز أنه يقرب وينظر إلى السطور وأنا بقرأ وابتديت قراءة سورة المائدة
وعند الآية " واتل عليهم نبأ بني آدم بالحق إذ قربا قربانا فتقبل من أحدهما. ……… ……….. وذلك جزاء الظالمين"
عزيز….
لو سمحت هو انتم كمان عندكم قربا'ن علشان تنفذوا طلباكم
الحكيم لقمان….
مش زي ما أنت فاهم استني ما احكيلك من البدايه وانت تفهم
وابتديت أحكي له قصه هابيل وقابيل
عزيز….
كنت مستغرب من القصه إبليس بيحاول من زمان أوى وحكي ليا قصص كتير منها قصة يوسف وقالي ده رسول مهمته يوصل رساله الله إلي الناس وازاي إبليس فرق بينه وبين اخواته بس بالصبر واليقين بالله يوسف وصل لمكانه عليا وأخواته ندموا واجتمعوا مع بعض تاني وانتصروا ع إبليس
وفضل يحكي عن حاجات كتير والغريب ان كلهم من الأنس وكلهم انتصروا ع إبليس
اظاهر إبليس بيعمل زعيم علينا إحنا بس ورغم كدا أنا مقدرش أعمل زى الأنس اولادى تحت أيده
علشان كدا فكرت أعرض فكرتي ع الحكيم لقمان وواضح أنها عجبته بس طلب وقت يعرضها ع القادة والأمراء ويرد عليا
الحكيم لقمان….
عرضت الفكرة ع الأمراء والقادة. وكان ردهم ان عزيز دوره هنا أنتهي لازم يترك المملكه
وانتقلت إلي جناح عزيز وبلغته ان لابد رجعوا إلي عالم الأنس غداااا وأنه مش هيرجع هنا تاني هو خلاص اتعلم وعرف اللى محتاجه وكدا إحنا دورنا معاه أنتهي
عزيز ….
وافقت ع كلام الحكيم لقمان وشكرته ع استضافتهم ليا بس استغربت منه لما قالي المرة دى هترجع لعالم الأنس سليم لكن لما تروح لعشيرتك هتتعب وهتضعف ويمكن ده يأثر عليك ومتقدرش تتحول وتطير…
يعني ايه أنا لازم اشوف اولادى واطمن ع امي
الحكيم لقمان. …
أنا رشامنصورواثق أنك هتلاقي الحل المناسب عقلك البشري ذكى وتقدر تتفوق ع عشيرتك بالحيله زي ما عملت قبل كدا
عزيز ….
ابتسمت له وقولتله فهمت كلامك بس بما ان انهاردة آخر يوم ليا ممكن تسمحلي اخد جوله فى المكان وممكن حد من الحراس يكون معايا علشان أنا معرفش ازاى أرجع للجناح بتاعي
ووافق الحكيم لقمان ولقيتها فرصه أعرف طريق بوابات الدخول وعرفت مكان ساحه الصلاة والبوابه الأقرب لها كدا تمام
ورجعت الجناح تانى ارتب أفكاري
ماجد العسيلي….
قومت من الفجر أخدت العربيه ومعايا ابن عمي واخو ام غدير واخدنا عربيه لنقل الموتي. معانا وسافرنا السويس وأول ما وصلنا روحنا ع الاستقبال وعرفتهم إنى جاى أستلم غدير ومامتها والموظفه اخدتنا للمغسله وعملنا إجراءات الاستلام
غدير…
حسيت ب عمى ماجد واضح ان عموعزيز قدر يوصله سلمت أنا وماما ع كل اللى في التلاجات وانتظرنا وصوله
وشوفته داخل ومعاه خالوا يااااه اخيرا هنمشي من هنا
جدتى…
كنت قاعدة قلقانه ع عزيز وقومت دخلت اوضته وقفلتها عليا وقولت بصوت هادى ياااا أنا مش عارفه إسمك إيه أنتي فين اظهري عوزاكى بسرعه معلش
ميسان….
تحت أمرك محتاجه حاجه واستغربت جدااا لما قالت ليا
جدتى…
معلشي فى سؤالي أنتي حارس. عزيز يعني تقدري توصلي له أنا عاوزة بس اطمن عليه أنا مش متعودة ع غيابه ومتصلش بيا من وقت ما سافر خايفه يكون جري له حاجه أرجوكي طمنيني
ميسان…
دموعى نزلت قدامها وقولت لها هو نبه عليا أفضل هنا واسيبه علشان كدا مش هعرف اوصله لكن اللى متأكده منه ان مدام مافيش أخبار يبقي هو بخير ده غير أنه ذكى بيعرف يتصرف وأكيد هيرجع لنا قريب اطمني
جدتى…
مش عارفه ليه حسيت من كلامها أنها بتحبه علشان كدا قولت لها ياريت لو عرفتي توصلي لحاجه طمنيني أنا متأكدة أنك هتحاولى تعرفي أخباره ودلوقتي أنا هخرج علشان محدش يشك فى حاجه
نهي ….
كنت قاعدة فى الجنينه مع أولاد عزيز وقلقانه عليه ولقيت صرماط قدامى ولقيته بيقولى أنه جاى يطمن ع احفادة مقدرتش أتمالك أعصابي قولت له ع أساس إنك مطمن ع ابوهم اللى روحت وسلمته للجن المسلم ضحيت بأبني علشان تحافظ ع مكانتك فى العشيرة أنا قبل كدا لما حسيت بخطر. عليك انت وشرحام وهولام حررتكم من خدمتي علشان احافظ ع حياتكم لكن لو إبني جري له حاجه هحر'قك انت وعشيرتك كلها
فاهم يا صرماط حياة إبني قصاد حياتكم كلكم وفضلت أبكي 😢
صرماط….
مكنتش عارف أقولها إيه أنا لو بأيدي احمي إبني عن العالم كله لكن مجرد اعتراضي هيكون التمن حياتك يا نهي
إبليس عارف إني بحبك وانك نقطة ضعفي لو كان التمن حياتي مكنتش اترددت لحظه علشان كدا قولت لها
اسمعي يا نهي صحيح أنا مش قادر احمي إبني بس ع الأقل هحاول أحمي احفادى وأنا معتمد عليكي وواثق فى ذكائك
نهي….
فهمت اللى فى دماغ صرماط واللي مش قادر ينطق به وشوفت الدموع فى عينه وسمعت صوته فى ذهني بيقولى إبني واحفادى أمانه حافظى عليهم حتى لو التمن كان حياتي
شكلي هد'خل فى حر'ب ضد إبليس بس لازم استني اطمن ع عزيز
يتبع…..
 رواية عودةإبليس الفصل 21-22-23-24-25بقلم رشا منصور جد…){kind=link}
تعليقات
إرسال تعليق
فضلا اترك تعليق من هنا