سكريبت رد فعل البارت الاول والثاني بقلم هاجر العفي

سكريبت رد فعل البارت الاول والثاني بقلم هاجر العفي

سكريبت رد فعل البارت الاول والثاني بقلم هاجر العفي

: انت بتخو"ني يا أحمد

قالتها ريتال بصدمه بعد لما شافت تلفون أحمد والرسايل ال عليه 

أحمد بتوتر : انا ياريتال محصلش

ريتال بصوت عالي : حصل وشوفت بعيني متكذبش عليا عملت كده ليه ها فهمني عملت كده ليه 

أحمد بغضب : مش لاقي اهتمام منك ياريتال كل حاجه البيت والولاد انا مش موجود فى حياتك خالص كل اما أتكلم معاكي تسيبيني وتنامي مش عارف اعيش حياتي خالص بسببك

ريتال بسخريه : مبرر اي راجل للخيا"نه بجد عاش 

كملت كلامها بعصبيه وقالت : عمرك فكرت الولاد دول مسؤولياتهم عامله ازاى عمرك قولتلى اساعدك فى حاجه تخصهم طب حتي فكرت فى يوم تقولنا تعالوا نخرج شويه ونرتاح من ضغط الحياه طب هو انت تعرف انا مسحوله ازاى معاهم فى ضغط الامتحانات ؟؟ انت مش شايف غير الظاهر وبس غير كده انت اناني يا أحمد اناني

أحمد بعصبيه : طب تمام أنا أنانى وعايز حد يهتم بيا وشوفته بره خلاص بقا

ريتال بصتله باستنكار وقالت : مش شايف ال انت بتعمله ده يغضب ربنا وحرام لاء وكمان عندي ومتكبر تمام يا أحمد وانا مش هفضل معاك ثانيه واحده 

أحمد باستفهام : يعني ايه ؟؟

ريتال بثقه : هطلقني يا احمد وفى أسرع وقت مش هعيش معاك تاني

أحمد مسح على وشه بضيق وقال : ريتال كبرى عقلك مش هنخرب حياتنا علشان حاجه تافهه زي دي 

ريتال : دي مش حاجه تافهه دي خيا"نه عارف يعني ايه عارف لو كنت جيت حكيت معايا وقولتلى ايه ال مقصره فيه معاك كنت على الأقل عملت ال عليك ووقتها مش هقدر ألومك إنما أنت أسهل حل ليك علطول الخيا"نه مش ذنبي يا أحمد من فضلك نطلق بهدوء علشان مش عايزين شوشره ووجع دماغ

قالت كلامها ودخلت اوضة أطفالها

أحمد شد على شعره بغضب وضيق

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا

فريده بصدمه : انتي بتكلمى واحد متجوز وكمان ابن عمك انتي اتجننتي ؟؟

سلمى ببرود : ايه المشكله مش فاهمه وبعدين ده ابن عمي عادي يعني

فريده بعصبيه : لاء مش عادي اولا ده لايجوز ليكي تكلميه ثانيا هو متجوز وعنده اولاد خلى عندك دم

سلمي بعصبية : فريده هو فى ايه بلاش شغل الالتزام ده عليا انا كبيره وعارفه انا بعمل ايه كويس ابعدي عن دماغي بقا

فريده : بس أنا هقول لماما 

سلمي بسخريه : قوليلها

فريده بقلة حيله : يابنتي بقا افهمي انتي

قاطعتها سلمي بضيق وقالت : انا قايمه انام مش ناقصه صداع قالت كلامها وقامت نامت على السرير

فريده بصتلها ودموعها نزلت على أختها

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله

خرجت ريتال بالشنط ومعاها أولادها التوأم منه وتسنيم يبلغوا من العمر 8 سنين

أحمد وقف ومسك أيدها وقال : راحه فين

ريتال زقت أيده وقالت : ابعد عني خلاص كل حاجه انتهت مش انت ال هتكسرني يا أحمد 

أحمد بضيق : ريتال فوقى لنفسك هتعملى ايه لوحدك مع الاولاد مينفعش ال انتي عايزاه ده

ريتال بسخريه : من وقت ماتولدوا وانا ال شايله لوحدي وعندي استعداد افضل طول عمرى معاهم من غير مافكر فى نفسي ابعد انت بس عننا

أحمد : طيب اهدي ونفكر بس بهدوء بلاش تسرع

ريتال دخلت الاطفال الاوضه وخرجت وقفت قدامه  بتحدي وهي مربعه أيدها وقالت : تعمل بلوك ليها وتمسح رقمها من عندك وملكش كلام معاها تاني نهائي ووقتها ممكن اسامحك

أحمد بتوتر : ا اصل مينفعش

ريتال بعدم فهم : قصدك ايه ؟؟

أحمد : انا متجوز سلمي بقالنا تلات شهور فى السر

ريتال عينيها فتحت بصدمه وقالت : نعمممم متجوز !!!!!

يتبع

شكرا على التفاعل يابنات ❤️     البارت الثاني

ريتال بصدمه : نعممم متجوز !!!

أحمد مسك أيدها وقال بتوتر : علشان خاطرى وطي صوتك علشان البنات ميسمعوش انا قولتلك علشان كل حاجه تكون واضحه بما انك عرفتي

ريتال كانت مش مستوعبه الصدمه ودموعها نزلت وقالت : ليه !! عملتلك ايه علشان تعمل فيا كده حرام عليك حرام عليك

أحمد : ريتال افهميني انا

ريتال بانهيار : ابعد عني أنا بكر"هك بكر"هك مش عايزه اشوف وشك ابعد عنننني

أحمد مكانش عارف يسيطر عليها وبناتها كانوا بيعيطوا بشده علشان امهم 

أحمد قرب مهم وقال بحنان : حبايبي متعيطوش محصلش حاجه تعالوا معايا 

لسه هيدخلهم الأوضه ريتال راحت اخدتهم منه بغضب وشدت الشنطه 

أحمد مسك أيدها ولسه هيتكلم ريتال بصتله بكر"هه أول مره يشوفه فى عنيها وقالت بغضب : لو فكرت بس تمنعني متلومش نفسك يا أحمد ابعد عن وشي 

سابها علشان ميحصلش مشاكل اكتر من كده وهي خدت عيالها وراحت عند أهلها

أحمد بغضب لنفسه : ايه ال هببته ده

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا

سلمي كانت بترن على أحمد ومتعصبه علشان مبيردش عليها وكمان بيكنسل 

رمت التلفون بعصبيه وقالت : ماشى يا أحمد لما اشوفك 

فريده دخلت الأوضه بتساؤل وقالت : مالك ياسلمي متعصبه ليه 

سلمي بغضب : وانتي مالك 

فريده بنفاذ صبر : سلمي متنسيش أن أختك الكبيره وعيب اوى لما تعاملينى بالأسلوب ده 

سلمي : ومش انتي ال هتعلمينى العيب سيبيني فى حالى الله يخليكي

فريده : تمام ياسلمي 

قالت كلامها ولسه هتخرج سمعت صوت دبه قويه لفت وراها شافت سلمي وقعت على الأرض واغمي عليها جريت عليها وقالت بصدمه : سلمي !!!!

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله

دخلت ريتال عند اهلها بهدوء هي وبناتها وشافت امها قدامها

ريتال بابتسامه : ازيك ياماما

أحلام بقلق : مالك يابنتي وشك زعلان ليه وليه الشنط دي

ريتال بهدوء : معلش عايزه ارتاح شويه بس انا جايه يومين عندكم ارتاح مش أكتر

أحلام بشك : أحمد زعلك ؟؟

ريتال بتوتر : لاء هو هيسافر فى شغل يومين بس هو بابا فين؟؟

أحلام : بيصلى العصر وهيطلع شويه كده

ريتال : طيب خدي منه وتسنيم خليهم معاكي شويه على لما أدخل اريح وأصلى العصر

أحلام : حاضر يلا ياحبايب تيتا تعالوا معايا بقا أخدتهم بحنان ودخلت المطبخ علشان تجيبلهم حلويات

ريتال اتنهدت بخنقه ودخلت الأوضه اتوضت وابتدت تصلى العصر وهي بتبكي بشده وبتشتكي لربنا دعواتها كانت متلغبطه ومتوتره وبتترعش وهي بتبكي بس كفايه أنها تشكي لربنا 

(دايما أقرب ملجأ لينا هو الله كفايه أن بيفهمنا واحنا ضعاف واحنا فى أسوء حالتنا بنشتكي وبيجبرنا حتي لو إحنا مش مرتبين ومتلغبطين الله قادر أن يجبر بقلوبنا تقربوا الي الله بالدعاء) قال تعالي ( وإذا سألك عبادي عني فإني قريب)

متترددوش

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم

أحمد بتوتر : بابا أنا

حامد ضر"به بالقلم على وشه بشده وقال بغضب : اخر"س انا لو مخلف عيل مش هيكون كده

أحمد بصدمه : بتضر"بني !!

حامد : وأكسر"ك كمان فى راجل يسيب مراته تخرج من بيتها عملت ايه خلتها تطلب الطلاق انطق

أحمد بخوف : اصل اصل 

حامد يعصبيه : اخلص قول السبب 

أحمد بحزن : اتجوزت عليها

حامد : امممم ومين بقا 

أحمد : سلمي

حامد : سلمى مين ؟؟

أحمد : سلمي بنت عمي

قلم تاني نزل على وشه بس المره دي أقوى

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله

فريده بقلق : اهدي ياماما أن شاء الله هتكون بخير

دعاء بدموع : يارب يارب احميها يارب 

الدكتوره خرجت من الأوضه عندها وملامحها لاتبشر بالخير 

فريده بقلق : طمنينا يادكتوره سلمي عامله ايه

دعاء : طمنينا يابنتي الله يطمنك

الدكتوره بتوتر قالت : الصراحه مش عارفه اقولكم ايه بس 

قاطعتها فريده وقالت : خير يادكتوره انا خلاص مش قادره استحمل

الدكتوره بتنهيده : أنسه سلمي حامل

فريده ودعاء بصدمه : حامل !!!!!!

يتبع

تكملة الرواية هنااااااااااا