رواية حورية في عالم الوحوش البارت السادس والسابع والثامن والتاسع والعاشر 6_7_8_9

رواية حورية في عالم الوحوش البارت السادس والسابع والثامن والتاسع والعاشر 6_7_8_9_10بقلم يوستينا سامي

#حورية_في_عالم_الوحوش

بقلم ✍️ يوستينا سامي

نور بصدمة / انت بتقولي اي يا بتاعة أنت .مراته اي

اي الكلام الفارغ ده ما تتكلم يا اسد ..مين المجنو*نة دي

حور في اللحظة دي حست أن في حاجة مش طبيعية ودموعها نزلت حور بدموع / ما تتكلم يا اسد انا مين

هو انا مش مراتك فهمني ا

أسد بصلها وشاف دموعها نازلة علي وشها .حس بنغزة جامدة في قلبه و اضايق اوي

اسد بحدة شدها من ايديها/ انت بتعيطي لي يا بنتي انتي .

هو انتي كدة علطول

وبصت لنور بحدة / وانت يا ست نور

دي تبقي جميلة مراتي..جميلة اسد العقاد

.حد هنا عنده اي اعتراض .. ها عايزة تكملي قلة ادب

يا استاذه نور

نور كانت مصدومة من الكلام و خافت لدموعها تخو*نها فجريت علي اوضتها وحسن جري يحصلها

عزيز بستغراب / والله وبتقولها عادي كدة ..وبثقة كانك مش عامل مصيبة صح ...اسد خلي مراتك تطلع اوضتك وتعالى نتكلم في المكتب.

اسد بحترام / طب ممكن بعدين يا جدي ..انا مش رايقك دلوقتي لاي كلام أنا بقالي يومين يعاني حرفيا .

عزيز بحزم /اطلع خد شاورك و غير هدومك وانزل علطول

أنا مستنيك تحت .. وسابهم في الصالة و دخل مكتبه قبل ما يسمع رد اسد عليه

وأما اسد مسك ايد حور وشدها معاه لاوضته .

_______________________________________________

في أوضة نور ..

نور كانت قاعدة بتعيط ولقت الباب بيخبط فجريت تفتح الباب كانت متخيلة انوا اسد جاي يعتزرلها

بس اتفاجات بحسن

حسن بحب / نور انت كويسة .

ارجوكي لو سمحتي متعيطيش اسد مكنشي يقصد أنه يز*عقلك بس ..

نور قاطعته بحدة / جاي ليه ورايا .جاي تثبتلي أن كلامك صح و أن فعلا اسد مش بيحبني ..حضرتك جاي تشمت فيا

حسن بندهاش / اشمت فيكي ليه .عدوتي مثلا

وبعدين انت بتكلميني كدة كاني انا السبب في الجوازة دي

نور بعصبية /اومال طالع ورايا تهبب ايه .ماتسيبني في حالي بقي .

حسن بصدمة / انا كنت طالع وراكي علشان انا متاكد انك قاعدة بتعيطي ومهنتيش عليا يا نور مش علشان اثبتلك اي زفت من التخل*ف اللي في دماغك ده ..

نور بعصبية / وانا مش عايزة اشوفك اصلا ولا عايزة اسمع صوتك ده تاني . ومن النهاردة وملكشي دعوة بيا خالص ....اطلع برا

حسن بغيظ / ماشي يا نور ..ماشي

وخرج من الاوضة وهو متنرفز اوي و راح اوضته

_____________________ بقلم ✍️ يوستينا سامي

في أوضة اسد

اسد دخل هو و حور الاوضة و هي كانت عمالة تعيط

وقفل باب الاوضة

اسد بغيظ / ممكن افهم بقي انت بتعيطي كدة ليه انتي عبيطة يا بنتي .هو في حد اصلا قربلك تحت.

حور / ليه محدش كان عارفني ..وعينيهم كانت كلها اتهام ليا يا اسد ...

اسد بتوتر / لا مش اتهام ولا حاجة . بس محدش عارف أننا متجوزين دي كل الفكرة ياستي

حور / طب وانا فين اهلي . ليه مجوش المستشفي ليا

اسد / لا ما هو انت وحيدة معندكيش أهل خالص ..يعني مالكيش غيري .. و بقولك اي يا جميلة أنا اكتر حاجة بكرها في حياتي هي النكد و الأسئلة الكتير ..فكفاية بقي رغي كتير

وحور شافته بيتحرك ناحية الحمام ..

حور وقفت قدامه / اي ده انت رايح فين وسابني لوحدى كدة

اسد بعصبية / اللهم طولك يا روح ..هتنيل اروح اخد شاور .اي عندك اعتراض مثلا

حور / طب وانا كمان عايزة هدوم ألبسها ..

اسد / امممم عايزة هدوم ..بصي يا ستي ده اسمه دولاب طبعي منه الهدوم اللي تريحك

اتفاقنا يا جميلة هانم

حور قربت منه و باسته من خده / ماشي اتفقنااا

اسد اتوتر اوي و جري علي الحمام و حور بدأت تتفرج علي أوضته و كانت فرحانة اوي من الصور البطولات بتاعته و فتحت الدولاب و طلعت قميص من عنده و لبسته وكان قصير مش واصل للركبة

وفاجاااه لقت الباب بيتفتح و دخل شاب طويل و عريض ..حور اتخضت اوي

حور بزعيق / انت ازاي تدخل كدة .. اطلع برا اوضتي

مراد بستغراب / اطلع برا .. وكمان اوضتك انت شا*ربة حاجة يا ماما ولا اي .. وبعدين من امتي واسد بيجيب القرف ده في بيت العيلة يعني .. بس الشهادة لله لا عنده حق يضحي اصلك يعني قمر

حور بصدمة وصر*يخ / اسد الحقني ..يا اسدددددد

اسد خرج من الحمام مفزوع و هو مش لابس تيشرت .بس لابس بنطلون ..

اسد بخضة/ اي في اي مالك

واتفاجاه بمراد في الاوضة / مراد انت بتنيل ايه في اوضتي يا حيوان انت

مراد بستغراب / عرفت انك جيت قولت لازم اجي اسلم عليك ..ايه غلطت يا عم الحج ..وبعدين مين دي يا ابني ..

و من امتي واحنا بنجيب بنات في بيت العيلة

اسد بحدة / لم نفسك يا جحش انت ..دي جميلة مراتي

افهم بقي انت بتقول ايه بعد كدة

مراد بتريقة / لا هي من ناحية جميلة .فهي قمر

اسد بعصبية وغيره / مراااااد متخلنيش امد ايدي عليك لم نفسك احسنلك واطلع برااااا

مراد بضحك / خلاص متعصبشي نفسك يا عريس ..خارج برااا .. سلام يا جوجو

اسد من غيظه مسك كوباية وحد*فها علي مراد .بس مراد اتفداها ووقعت جمبه علي الارض انك*سرت

مراد بصدمة / يا ابن المجانين.. طيب يا حبيبي اجيلك وقت متكونشي مجنوون فيه كدة .. سلام

وخرج مراد من الاوضة وهو عمال يضحك بدرجة أن اسد استفز اوي منه

اسد بعصبية بصلها ./ اي القرف اللي انت لبساه ده

حور بحدة / قرف أما يقرفك ..وبعدين دي هدومك اصلا وانت اللي قولتلي طلعي اي حاجة من الدولاب البسيها ..اي غيرت كلامك فاجأه كدة . وبعدين انت ايه يا ابني بتخاف تضحك وشك يكرمش مثلا فبتبقي علطول مكشر

اسد مسك ايديها / قرف يقرفني انااااا ... جميلةةةة

حور بدموع وصوت عالي / بطل تزعقلي سامع ولا لاااااء .

انا معملتش حاجة خالص .صاحبك ده اللي رخم عليا وانت بتزعقلي انااااا ..ليييييه

اسد بعصبية وصوت جهوووري / انت صوتك بيعلي علياااااا انااااااااااااااا

______________________________________________

في المخزن عند عيشة .

كانت قاعدة تعيط علي نفسها و حبستها ..

فاجأه سمعت باب المخزن بيخبط جريت ناحيته

عيشة بخوف /مين اللي بيخبط اكدة... انت مين

علي بصوت واطي/ .انا يا عيشة ..متخفيش انا علي ولد عمتك

عيشة بدموع /علي .. الحجني يا علي و خرجني من اهنا

علي بحزن/ علي عيني يا بنت خالي حبس*تك دي. والله ما تخافي يا عيشة انا اكيد هخرجك من هنا ..بس اصبري النهاردة بليل.

عيشة بستغراب / بجد يا علي .. هي عمتي عرفت مكان حور ولا ايه

علي / تقريبا أه عرفت مطرحها.. بس انا كل اللي هاممني دلوجتي انك تخرجي من اهنا يا عيشة وبعد كدة نبجي نشوف حوار حور دي

عيشة / لا يا علي اوعي يوصلوا لحور .عمتي لو وصلتلها هتمو*تها بد*م بارد ..سيبك مني انااا أنا كويسة اهنا

علي / بصي انا سمعت عبدالرحيم وهو بيجول أن في حد شافها في مستشفي في مصر

عيشة بخوف / يا نهار مش فايت . لازم تعرف عنوان المستشفى دي وتروحلها بسرعة قبل ما هما يوصلولها

علي / حاضر يا عيشة هعمل اكدة .. ده لو اصلا عبدالرحيم متحركشي هو ورجالته

عيشة / اوعي يا علي تسمح لعمتي تج*تل حور أو تجوز حياه

علي / ربنا يقدم اللي فيه الخير يا عيشة

____________________________________________

في اوضة حسن ..

حسن كان قاعد متنرفزة اوي من اللي نور قالته وفاجاه لفه الباب بيتفتح و دخل مراد

مراد بضحك / اي يا ابني قاعد هنا في الاوضة لوحدك ده النهاردة يوم عالمي .. ده اسد اتجوز لا و حتة بت يا حسن مزة بجد ..اصلي ابن اللذينة مش بيقع غير واقف

حسن بخنقة / أيوة ما انت عارف و شفتها و احنا بنتغدي تحت ..وبعدين انت جايلي هنا دلوقتي علشان تكلمني في الهبل ده

مراد باستغراب / في ايه يا عم ما براحة علي نفسك كدة

وابلع ريقك ..هو انا عملتك حاجة ولا ايه

حسن بشمئزاز / ابلع ريئي يا معفن انت .. مراد أنا مش عايز اتعصب النهاردة .اطلع برااااااا

مراد /ات*فو عليك وعلي شكلك . أنا غلطان اني جيتلك اصلا

وخرج مراد من الأوضة وهو مستغرب هو ليه مكروه كدة في البيت ..

_____________________________________________

في الصعيد ..

نعمة / اي يا حياه ..كلامي مش مفهوم ولا ايه

بقولك كتب الكتاب النهاردة بليل و الدخلة كمان .

حياه بصدمة .....😳😳

استوووووووب

وفيت بوعدي ونزلت بارت تاني اهوووو بس التفاعل بقي 🤔😭😭😭😭🤎🤎🤎🤎🤎

#حورية_في_عالم_الوحوش

#يوستينا_سامي

في أوضة اسد

اسد بعصبية / انت بتز*عقي ليا مش كدة ...ردي عليااااا

حور بخوف / احم لا أنا مزعقتش علفكرة ..أنا بس كنت بتناقش معاك بأسلوب حضاري

اسد قرب منها و اتكلم بغل/ لا والنبي .متأكدة أنه حضاري

طب بصي لو صوتك عليا عليا تاني ..و النعمة لازعلك

وزعلي أنا وحش اوي

و سابها و دخل الحمام ياخد شاور و رزع الباب وراه حور كانت واقفة مصدومة منه و بدأت تعاتب نفسها بصوت

حور / هو انا أزاي اتجوزت البني ادم ده .. بجد الواد ده مستحيل يكون طبيعي ده نظرته لوحدها كفيله أنها ترعبني

افففف يا ربي .ايه بيت الاشباح اللي أنا قاعدة فيه ده

_____________________________________________

في الصعيد.

فعلا حياه أهلها دخلوها اوضتها وبدوا يجهزوها علشان كتب الكتاب و الفرح و بعد حوالي ساعة

حياه كانت قاعدة في الاوضة لوحدها بس اتفاجات بصوت الزغاريط و الرقص و لقت الباب بيتفتح و بيدخل شاب جلابية و طويل و عريض و اسمراني اللون بس ملامحه مكنتشي باينة ليها

جاسر / احم . مبروك يا عروسة .. شيلي الطرحه من علي وشك علشان نتعرف حتي

حياه حاولت تجمع قوتها و بدأت تاخد نفس و تهدي أعصابها و فعلا رفعت الطرحة من علي وشها

جاسر / سبحان من خلق و صور .. ماشاءالله نعمة مكدبتشي عليا لما قالت اني متجوز ملكة جمال

حياه بغيظ/ وانا علي مكدبتشي برضك عليا لما جالي اني هتجوز نطع و معندوش جلب

جاسر بحدة / أنا نطع .. انت اكيد قلبك مي*ت اوي علي الجرا*ئة اللي بتتكلمي بيها مع جاسر الفيومي

حياه / ايه يا ابن الزوات ..زعلت جوي من كلمة نطع اومال لما اجولك باجي الشتايم ..هتعمل ايه

جاسر بخبث/ ولا حاجة ..نفس اللي عمله دلوقتي

وفجاه جاسر قلع الجلابية و حياه انصدمت

_______________________________________________

اسد خرج من الحمام وهو بيبص لحور بغيظ

اسد / الحمام اهو فضي لو عايزة تدخلي تاخدي شاور .

حور بدلع / والله نفسي ادخل اخد شاور بس اخاف ادوخ جوا ..ما انت عارف اني لسه تعبانة يا اسد .

اسد ابتسم من طريقتها لانه فاهم انها عايزة تصالحوا وشدها من وسطها / والمطلوب مني مثلا ..ادخل اساعدك يعني ولا ايه .مش فاهم ياريت توضحيلي اكتر .

حور باحراج / لا مينفعشي تدخل معايا انا بتكسف بس ممكن تفضل واقفلي جمب الباب احسن اتعب

اسد بخبث / يخرابي ..بس كدة هاقفلك جمب الباب .بس هيبقي ايه بقي المقابل مثلا .

حور باسته من خده / موافقة علي اي مقابل جوزي حبيبي يعوزو .

اسد / لا والنبي .و الدلع و الحنية دي من أمتي بقي بقولك ايه يا جميلة .أنا مش بتثبت .. و بلاش الدلع اللي مش مبرر ده . ويلا علشان تلحقي تخلصي علشان انزل لجدي .

حور اتغاظت اوي منه و اتكلم بحدة / حاضر يا فندم.

ودخلت الحمام. ..

واسد طلع لنفسه قميص و بنطلون ولبسهم و نزل لجده ونسي حور اصلا .

_____________________________________________

في مكتب عزيز جد اسد ...

اسد خبط علي الباب و دخل و بدأ يتكلم باحترام

اسد / خير يا جدي حضرتك كنت عايزني مش كدة أنا متاخرتش اهو زي ما حضرتك طلب مني .

عزيز / كويس .. اي بقي حكايتك يا اسد و مين البنت

اللي انت جبتها معاك دي .

اسد كان محتار يرد يقول ايه كان عايز يقول الحقيقة لانه متعودشي يخبي عن جده حاجة بس في نفس الوقت خاف احسن يتحرم منها .

عزيز استغرب تأخير رد اسد / اسد أنا بكلمك سرحت في ايه.

اسد / لا ابدا مسرحتش ولا حاجة ..بس انا مش لاقي رد أقوله لحضرتك .غير اللي قولته برا ..دي جميلة مراتي.

عزيز / ياه ده أنت مصمم بقي ..ماشي يا اسد عموما أنا متعودتش اني اكدب حد منغير دليل و هصدقك ..بس يكون في علمك لو طلعت بتكدب عليا ساعتها انت هتفقد ثقتي للابد يا اسد .اتفاقنا.

اسد بلع ريقه بالعافية و حس أنه متك*تف و مش عارف يوعده ..بس فاجأه الباب خبط ودخل حسن .

حسن / احم .اي يا جدي حضرتك اتاخرت اوي الغداء جهز برا زي ما حضرتك أمرت .

عزيز / ماشي يا حسن ..اكلت يا اسد شوف مراتك و هاتها علشان نتجمع كلنا علي السفرة ..

وخرج عزيز من اوضة المكتب . بس اسد مسك حسن من أيده قبل ما يخرج ..

حسن باستغراب / اي يا عم عايز ايه مني

اسد / حسن قول لاخوك يشيلني من دماغه و الا والله المرة الجاية هضر*به بجد.

حسن / خرجني من حوارتكم يا اسد انتوا الاتنين بصراحة بقيتوا لا تطاقوا .. وبعدين هو عمل ايه اصلا

اسد / بقولك ايه أنا قولت اقولك علشان متزعلشي مني في اللي عامله فيه ..

واسد سابه وخرج برا الأوضة وطلع لحور أما حسن كان مضايق اوي من طريقة اسد معاه و قرر أنه يفهم من مراد هو عمل ايه تاني علشان الموضوع مايكبرشي تاني

_____________________________________________

قعدوا علي السفرة وكان عزيز و عليا قاعدين ومراد وحسن قاعدين جمب بعض و نور قاعدة مخنوقة اوي وعمالة تبص لحور بكره و طول ما هما قاعدين محدش اتكلم خالص

اسد حاول يقطع الصمت ده / احم ..جدي كدة الحمدلله الصفقة اللي في المانيا تمت بخير و بالنسبة للعقود الجديدة مراد هو اللي هيتعامل معاهم هناك بعد كدة

مراد بضحك / اوبا بقي اي يا عم اسد انت قررت تستقر في مصر بعد ما اتجوزت ست جميلة ولا ايه

واضح يا جميلة انك فعلا مسيطرة اوي.

اسد بغيظ / يخربيت سماجتك يا اخي .. وبعدين انا ورايا شغل كتير هنا وعايز اركز فيه وبصراحة أنا عمري ما هعتمد عليك في اي حاجة .

عزيز بحدة / خلاص بقي انتوا الاتنين ... مش وقتوا الكلام ده .. وانت يا جميلة معلشي يا حبيبتي المفاجاه اللي اسد عملها مخلتناش نعرف نرحب بيكي كويس .. نورتي بيت جوزك يا حبيتي .

عليا / أيوة يا حبيبتي .احنا كمان عايزين نعملكم حفلة كبيرة اوي علشان الناس كلها تعرف أن اسد العقاد اتجوزت بنوتة زي القمر زيك .

اسد قطع كلامها / حبيبتي يا جدتي بس مش وقته احنا لسه راجعين من السفر و خارجين من حوار كبير ..فمش وقته الكلام ده خالص

جميلة انت اكلتي مش كدة ..

حور / أيوة يا حبيبي شبعت ..بجد ميرسي اوي علي الكلام الحلو ده وفعلا انتوا طيبين اوي زي ما قالي .

عليا ببتسامة / تعيشي يا حبيبتي .. وربنا يخليكوا لبعض

ويرزقكوا بالذرية الصالحة .

اسد ببتسامة / يارب يا جدتي ...طب يلا تعالي يا ست جميلة افرجك علي الجنينة اللي برا و الفيلا كلها .

وفعلا أخدها وخرجوا برااا

/"____________________________________________

حور كانت فرحانة اوي بالجناين و الخضرة اوي

حور/ الله يا اسد الورد ده حلو اوي .واكيد حاجة كدة فريدة ...بقولك اي ما تصورنيى جمبه .

اسد بضحك / اصورك ..ايه هو انت اشترتيني وانا معرفش.

حور/ ما كفاية تكشير بقي و صور و انت ساكت .

اسد / اتكلمي عدل ..و اتنيلي اقفي عدل علشان لصورك

وفعلا فضلوا يتصوروا كتير اوي و حور كانت مش عايزة تسيب أيده واسد كان مبسووط اوي

اسد زهق من الجنينة و الصور بتاعة حور المجنونة

اسد بملل/ماتيجي افرجك علي البسين اللي في الفيلا

حور بفرحة اطفال / اوبا بقي ..اه تعالي نروحله

انا بحب البسين اوي يا اسدي .

وفعلا أخدها عند البسين

حور فصلت تصووت جامد بفرحة / الله ..الله انا عايزة انزل اووي يا اسد ..شكله حلو اوي

هو انتوا حرا*مية يا ابني ولا ايه ..الفيلا كبيرة اوي ده شبه اللي بيجي في التليفزيون .

اسد ضحك جامد لدرجة أن غمزاته بانت / حرامية مرة واحدة يا جميلة حرام عليكي والله .. بس حقك وربنا تشكي فينا برضوو ..بس لا يا ستي انا جدي راجل عصامي اوي وتعب عقبال ما عمل كل اللي انت شيفاه ده و بعده ابويا وعمي

حور/ ولد يا اسد ..انت عندك غمزات مش كدة .

اسد بمناغشة/ لا ده انت مش معايا خالص . شوفي انا بكلمك في ايه وانت مركزة في ايه ..ولا يمكن انا بتعاكس مثلا.

حور بحب / هه لا بتتعاكس الصراحة .. علشان انت قمر اوي يا بختي بيك .. وبعدين معاكسة حلال .

اسد / لا والنبي.. اي خفة الدم الزيادة دي .

حور / اففف علي الاقل بعرف اضحك مش كشارية زي ناس.

اسد بغيظ / أنا كشري ..

حور وهي بتطلع لسانها علشان تغيظه / اه ور*خم و دمك تقيل اوي 😏 بصراحة مراد دمه خفيف اوي ما تتعلم منه.

اسد اتغاظ اوي / أتعلم منه ..طب تعالي بقي .

وفجاه اسد شال حور ورماها في البسين .

وحور بدأت تصرخ / الحقني ........

استووووووب 🙈❤️

لو البارت جاب تفاعل هنزل اللي بعده بعد ساعة

#حورية_في_عالم_الوحوش

8,9

اسد بغيظ / طيب تعالي بقي .وفاجاه شالها و رماها في البسين ..

حور بصر*يخ / يخربيتك يا اسد اعااااا

وحور بدأت تصرخ / الح*قني ........

اسد بستعاب/ يا نهار اسود ده انا معرفش هي بتعرف تعوم ولا لاااء

و نزل يلحقهااا ونط وراها وطلعها من البسين حور كانت بتعيط جامد اول ما خرجت من البسين اسد اخدها في حضنه و بدأ يهديها .

حور اتكلمت بعصبية / اي الهزار الرخم ده يا اسد .في حد بيهزر كدة برضو .انا كنت هم*وت غرقا*نة .

اسد بحدة / بعد الشر عليكي متقوليش كدة تاني سامعة ... وبعدين انا معرفشي انك مبتعرفيش تعومي .وكنت بهزر يعني مش حكاية .

حور بحدة / ده هزار بوابين ..اوعي من وشي يا اسد ومتتكلمشي معايا خالص ..انا مش طيقاااااك اصلا .

وسابته ومشيت ودي اكتر حاجة بتضايق اسد أن حد يسيبه ويمشي و هو بيتكلم فجري وراها وبيمسك أيديها

اسد بحدة / اوعي تسيبيني وتمشي تاني لما اكون بتكلم معاكي انت سامعة ولا البعيدة غبية .

حور بعصبية / لا مش سامعة و انا اه غبية ها ارتاحت

و بطل تهد*دني بقي انا مش عبدة عندك اففففف ..

يعني انت غلطاان ومش هاين عليك حتي تعتزرلي .

اسد بستنكار / اعتذر .

اعتذر لمين انتي عبيطة ولا ايه يا بت انت .. انا عمري مااعتذرت لحد اصلا ...ولا هعملها في عمري كله .

حور بغيظ / بقي كدة يا اسد ماشي ..طب يكون في علمك بقي .أن لساني مش هيخاطب لسانك ابدا غير لما تعتذرلي و احس بالندم في عيونك كمان غيرك كدة والله ما هكلمك. هاااا وانت حر بقي .

اسد بغيظ/ انت بتهد*ديني ..ماشي يا جميلة اولعي

بس خليكي فاكرة اني عمري ما هعتذر ..وسابها وطلع غير هدومه وطلع علي الشركة ..

وحور كمان طلعت غيرت هدومها وقعدت في أوضتنا بملل

_____________________________________________

في أوضة مراد

مراد قاعد مع نور ..

نور بغيظ/ مراد وربنا هقوم اضر*بك ما تركز كدةمعايا اففف

مراد بملل / بقولك اي عيدي تاني كلامك بس براحة ..وانا هحاول اركز معاكي المرة دي.

نور / يا مثبت العقل يا رب .ماشي بص يا مراد انا عايزة اعرف منك كل حاجة عن البت اللي اسمها جميلة .. كل حاجة يا مراد الصغيرة قبل الكبيرة .

مراد بندهاش/ طب حلو اوي الكلام ده يا نور . بس مين بقي اللي يعرف المعلومات دي كلها يا ترا .

نور بغيظ / يا ربي بقي .. انت يا مراد.. انت اللي هتعمل كدة اومال هيبقي مين يعني.

مراد بضحك / انا اللي هعمل ايه لامؤخذة .. انت عايزاني اعرف كل المعلومات عن جميلة مراة اسد العقاد .. طب ازاااي بقي ..هو في حد قالك اني ساحر مش كدة.

نور/ يا ابني افهم ..انت هتجرجر اسد في الكلام وهتعرف اسم جميلة بالكامل. انت هتكلم حد يعرف لنا كل حاجة عنها بس الموضوع بسيط اوي شفت

مراد قام مسك ايد نور وشدها عند باب الاوضة / يلا يا حبيبتي بقي روحي اوضتك ..علشان انت محتاجة تنامي لانك بقيتي بتحلمي كتير وانت صاحية وده غلط عليكي يا حبيبتي

وطردها برا الاوضة

مراد بضحك/ قال اجرجر اسد في الكلام .ده مش بس هيقفشني من قبل ما اتكلم اصلا ده مش بعيد يو*لع فيا بجد المرة دي لو جبت اسم جميلة تاني

____________________________________________

عند نعمة في البلد

نعمة/ عملت اي يا عبدالرحيم طمني

عبدالرحيم / متقلقيش هاخد الرجالة و هطلع علي المستشفي اللي هناك النهاردة و نشوف اي الحكاية

نعمة بغل / اوعي يا عبدالرحيم ترجع منغيرها .. ولو طال انك تجت*لها علشان تجيبها معاك اجتلها .سامع ولا لااء ..لازم أهل البلد كلها تعرف أن احنا عرفنا نربيها صوح

عبدالرحيم / انا كدة كدة هعمل اللي بتجوليه ده .. بس يارب الواد بتاع المستشفي اللي بعتناله الصورة يكون صادج في كلامه ..

نعمة / صادق ولا مش صادق مترجعشي من مصر غير وهي معااااااك ..مفهوووم

____________________________________________

في الاوضة عند جاسر و حياه

جاسر قلع جلبيته و قرب من حياه و هي خافت اوي و حاولت تجري بس معرفتشي و لقت جاسر بيشدها من ايديها

حياه / ابعد عني ..سيبني بقي .

جاسر بهدوء / اشششششش ..كفاية عياط أنا مش هعملك حاجة .أنا عايز حقي الشر*عي و لاعندم اعتراض في دي كمان

حياه مقدرتشي ترد عليه و فعلا شالها و اخدها علي السرير

و فعلا تم الدخلة و جاسر فعلا كان بيتعامل معاها حلو و بحنية وهي نفسها كانت مستغربة .

____________________________________________

في الشركة عند اسد ..

اسد بعصبية / يعني اي تغيب منغير اي عذر ولا حتي تتصل تقوول انها مش جاية وهي اللي معاها كل الملفات المهمة في الشركة ابعتلها تيجي حالا قدامي و الا تعتبر نفسها مرفوودة.

موظف / حاضر يا فندم انا هبعتلها.

حسن واقف معاه في المكتب ومستغرب عصبيته / اي يا اسد ما تهدي يا ابني .. هتيجي وهتجيب الملفات المهمة متقلقشي يعني .

اسد بحدة / اكتر حاجة بكرها في حياتي الإهمال والاستهتار والبنت دي شكلها كدة مش هيعمر معايا انا ناويلها من قبل ما اسافر اصلا .

حسن / بقولك اي انا كنت عايز اتكلم معاك في حوار كدة بس الصراحة عصبيتك و شكلك ميشجعووش نهائي يعني لاي حوار .

اسد بحدة وملل / اخلص يا حسن ..عايز ايه . و اوعي تكون هتكلمني عن موضوع جوازي من جميلة أنا مش فايقلك سامع ولا لاااء .

وفجاه جيه تليفون لاسد ..

اسد مسك تليفونه بحدة / الووو. مين معايا

اسد بخضة ايه بتقول أيه ..طب انا جاي حالا سلام

يا ترا اي التليفون اللي جيه لاسد

_____________________________________________

عند حسام ..

حسام قاعد علي مكتب و بيضحك جامد / يلا يا اسد بالشفاء إنشاءالله ..

و طلع تليفونه و عمل مكالمة / أنا المرة دي مش عايز يكون في حد اسمه اسد العقاد اصلا .. أنا عايز في خلال ساعة واحدة اسمع خبره ..سامع و إلا و الله مو*تك هيبقي علي ايديا أنا ..

و قفل تليفونه و قعد و كان متوتر اوي و فضل يتكلم مع نفسه بصوت ..

حسام / يا بختك يا اللي في بالي تلاقيك قاعد مبسوط اوي دلوقتي .. و ربنا لارخم علي اهلك ..

_____________________________________________

في اوضة جاسر

جاسر بعد عن حياه و قام اخد شاور إنما هي كانت قاعدة علي السرير بتعيط بخيبة أمل

حياه بتكلم نفسها وهي منهارة / و انا اللي كنت فاكرة نفسي جوية و هعرف أبعده عني كويس و مش هياخد حاجة غصب عني واصل ..اديني اهو استسلمت من أول لحظة في حضنه . بت يا حياه فوجي اكده ده عمره ما هيعملك كمرته

ابدا .. أيوة أنا لازم اخد موجف معاه ...

وفعلا حياه قامت من علي السرير و غيرت هدومها بسرعة قبل ما يخرج من الحمام و اول ما خرجت مسكت السك*ينة و عملت ....

(9)

جاسر كان في الحمام بياخد شاور وكان بيكلم نفسه

بفخر / اه ..شكي مبسوط اوي .. طب ما هو حقي اتبسط برضو مش أنا عريس جديد .

_ وبدأ يعاتب نفسه /أيوة يا جاسر بس انت عارف كويس اوي انها مش بتحبك و مستحيل تحبك و يمكن تكون متعلقة بحد غيرك علشان كدة رفضاك ..

جاسر رفض الفكرة من دماغه و اتعصب اوي من تفكيره

جاسر بعصبية / لا هي مكنتشي رفضاني و هي في حضني

و بعدين مش جاسر الفيومي اللي حد ياخد منه حاجة هو عايزها و بقت بتاعته خلاص .. ولو حكمت هقت*لها قبل ما تفكر تروح لغيري هقت*لها ...

و لف الفوطة حوالين وسطه و كان عاري الصدر و قرر يخرج من الحمام و فعلا خرج وللاسف كانت الصدمة ....

جاسر اتفاجاه بحياه ماسكة الس*كينة و بتجري عليه و كانت عايزة تدخل السك*ينة في قلبه بس جاسر حاول يمسك منها السك*ينة بس هي كانت منهارة اوي و مش شايفة هي بتعمل ايه ..

جاسر بعصبية/ ابعدي .. سيبي الزفتة دي و الا

حياه قطعته في الكلام بحرقة / لا مش هسيبك . أنا لازم امو*تك زي ما مو*ت عيلتي كلها .. وجاي تتجوزني علشان تك*سرني و ته*يني ...لاااااا

جاسر / ايه الهبل ده .. سيبي الس*كينة و بطلي جنان يا حياه

وفي اللحظة دي حياه حياه عور*ته في بطنه جامد بالس*كينة

جاسر / اعاا ومسك بطنه مكان الجر*ح

في اللحظة دي الد*م ملئ ايد حياه فرمت السك*ينة من ايديها و صوتت جامد من الخضة و جاسر بصلها بعصبية و عن*ف و ضر*بها بالقلم جامد اوي لدرجة أنها وقعت علي الارض من شده الق*لم

وجاسر دخل الحمام يحاول يشوف اي حاجة يعقم بيها الجر*ح و لقه أن الجر*ح مكنشي محتاج خياطة و فعلا عقم الجر*ح بس كان حاسس ان جسمه كله سخن و تعبان

بس رفض فكرة تعبه دي و راح عند حياه و هو في قمة غضبه

وعمل ....

______________________________________________

في مكتب اسد .

وفجاه جيه تليفون لاسد ..

اسد مسك تليفونه بحدة / الووو. مين معايا

اسد بخضة ايه بتقول أيه ..طب انا جاي حالا سلام

حسن اتفاجاه من ملامح وش اسد / مالك يا ابني وشك قلب فاجأه كدة ليه ..مين اللي كان بيتكلم في التليفون

وفاجاه اسد بدون ما يتكلم ولا كلمة اخد مفاتيح عربيته وجري خارج الشركة وحسن جري وراه وهو مكنشي فاهم اي الحكاية وفعلا ركبوا عربية اسد هما الاتنين وراحوا الفيلا

واول ما وصلوا الفيلا اسد طلع يجري لاوضة جميلة

واتفاجاه انها قاعدة علي السرير بتعيط و جدته جنبها بتواسيهااا

عليا بستغراب / خلاص يا حبيبتي حصل خير .. مالوش لازمة العياط ده كله... كدة انت هتتعبي يا بنتي وهتصدعي علي الفاضي

اسد بخووف جري عليها وحضنها / ايه حصل يا جميلة ...

في حد عملك حاجة..مراد قربلك أو ضايقك حتي

مراد من وراه بستغراب / الله وليه الغلط ده يا عم انت وهرقبلها ليه يعني . بعدين ما براحة علي نفسك كدة اومال لو مكنتش انا اللي مكلمك اصلا وقايلك مراتك بتعيط ومنهارة

اسد بصله واتكلم بعصبية / اومال مين زعلهاا ...اتكلمي يا جميلة وقوليلي مين زعلك فيهم وانا والله ما هسكتله مهما يكون مين

عليا استغربت نبرة التهديد اللي في صوته وكلامه / اي الطريقة دي يا اسد . اهدي يا حبيبي مافيش حد زعلها خالص ..وبعدين من امتي وانت اسلوبك فيه الهجوووم ده ومنغير حتي ما تفهم ايه اللي حصل

اسد بخوف واضح / اومال عايزاني اعمل ايه يا جدتي وأنا شايف مراتي منهارة كدة من العياط

وبص لجميلة وقالها بحدة / اتكلمي يا جميلة مين هنا زعلك أو حتي كلمك .. ومبقاش اسد العقاد لو مجبتش حقك

مراد بتريقة / سلطااان يا اسد .يلا بقي روح اتخانق معاه يكشي يقلب عليك و يعضك ونبقي خلصنا من قرفك...

واتكلم بصوت عالي / يعني ياربي كنت مستحمله هو بالعافية براخمته و عصبيته و يقوم يتجوز واحد ارخم منه ياخوفي لو خلفه عيال ..اففففف

وخرج وساب الاوضة كلها ..

حسن كام واقف مصدووم من كلام مراد

حسن بدهشة / لا ثواني معلشي هو كل فيلم الاكشن اللي حصل من شوية ده علشان خاطر سلطان.. علشان خاطر كلب .. يا نهاركوا اسوود ده انا سايب الشغل يضرب يقلب . ولا الحمار ده اللي كان بيسوق و كان هيعمل بينا حادثة يجي الف مرة ..

عليا بضحك/ تخيل يا حسن .. كل الفيلم ده علشان كلب عموما حصل خير .اقعد مع مراتك يا اسد علشان تهدي شوية وبعدها ابقي اطلع راضي مراد بكلمتين و بطل اندفاعك ده ..يلا يا حسن نطلع احنا

وفعلا خرج حسن وعليا برا الاوضة ..

اسد بص لحور وحاول يتصنع الحدة / بقي كدة ينفع خلتيني زي العيل الصغير قدامهم ..وبسبب اي بسبب حتة كلب ..انت عبيطة يا جميلة حرام عليكي شكلي بقي زي الزفت

حور بصتله بستنكار ومردتشي عليه ..

اسد اتعصب اووي / ..علفكرة انا بكلمك انتي عبيطة. ولا ايه ...جميلة ردي عليا

جميلة عملت نفسها مش سمعاه وقامت من السرير واتحركت تشغل التليفزيون ...

اسد اتنرفز اوي ومسكها من ايديها جامد / كام مرة قولتلك لما اكون بكلمك اوعي تسيبيني وتمشي ..وبعدين ايه الوش الخشب ده ..هو انا عملتك ايه يعني

جميلة حاولت تشد ايديها منه بالعافية و اسد لما شافها بتعافر كدة ساب ايديها علطوول .../ اهو اديني سبتك لما اشوف ايه اخرتها معاكي بقي يا ست زفتة

جميلة بصتله بصدمة لكنها مردتشي برضو عليه راحت جابت ورقة وقلم وكتبتله /انا مش بكلمك اصلا ولا نسيت انت عملت ايه النهاردة الصبح ..

اسد اول ما شاف الكلام المكتوب اتغاظ اوي / اعااا بتعقبيتي يعني انت هبلة يا جميلة. ولا ايه طب علفكرة بقي مهما عملتي برضو مش هعتذرلك وعلفكرة انا اصلا غلطااان اني خفت عليكي وجيت اشوفك...

وخرج من الاوضة وهو في قمة غضبه ونزل الجنينة ولقه حسن ومراد ..

________________________بقلم✍️ يوستينا سامي

في الجنينة .

مراد اول ما شافه اتكلم بخنقة / انا قايم يا حسن ..احسن في ناس هنا مش طايق حتي اشوفها ..

اسد بحدة / لا ياض وانا اللي مي*ت في دباديبك مش كدة

ده لو عليا امشي من البيت ده من بدري و ارتاح من شكلك

مراد بستظراف / اوعي يا عم من طريقي .. انا مش عايز اتخانق معاك دلوقتي ماليش مزاج ..خليها لما ارجع وبص

ناحية اخوه

مراد/ حسن انا رايح الشركة هتيجي معايا ولا هتقف مع الاستاذ المعقد .

حسن بضحك / لا انا جاي معاك اكيد ..انا ورايا شغل كتير متعطل بسبب الأستاذ ومراته ..

اسد / يسلام ..طب يلا انا جاي معاكم اصلا الشركة .

مراد بتريقة / لا يا راجل وليه بس متخليك جمب مراتك حارس الشخصي بتاعها ..احسن سلطان يطلعلها تاني

اسد ببرود / ماشي يا خفة .. عموما مراتي كدة كدة مش هتنزل الجنينة تاني بعد ما شافت سلطان اصلا .. يلا بينا

وفعلا راحوا كلهم الشركة

_______________________________________________

في المكتب عند اسد ..

الباب خبط و دخلت السكرتيرة بتاعته

السكرتيرة / انا اسفة اوي يا فندم ..انا اول ما كلموني علشان الملفات جيت علطول ..انا فعلا متاسفة اوي

اسد بحدة / وانا هستفاد اي بعتذارك ده يا روقية .انا كام مرة قولتلك انا بالذات مبحبش الاهمال.واضح لما كنتي شغالة مع مراد .نسيتي يعني اي قواعد الشغل مع اسد العقاد ..اتفضلي سلمي كل الملفات و اي حاجة تخص المشاريع ..ومش عايزك هنا تاااني في الشركة

روقية / بس يا فندم ..اللي حصل ده غصب عني انا مقدرة اني غلطت ..بس

اسد / انا لما بقول كلمة مبحبش ارجع فيها ..اتفضلي يا آنسة ..روحي الحسابات علشان تسلمي اخر مبلغ ليكي ... اتفضلي براااااا

وفعلا خرجت روقية من مكتب اسد وهي بتعيط و زعلانة علي المصيبة اللي وقعت فيها مع اسد ..

وفاجاه شافت مراد وحسن واقفين في الشركة .جريت عليهم ..

رقية بدموع / بشمهندس مراد ارجوك الحقني .

حسن بستغراب / في ايه يا رقية مالك بتعيطي ليه بس ..

هو اسد خصملك ولا ايه .

رقية بدموع / ياريته عمل كدة .لا هو رفدني خالص وقالي روحي خدي باقي فلوسك من الحسابات انا كنت جاية اطلب منكوا تساعدوني و تقنعووه يرجعني الشغل ووالله هتبقي اخر غلطة .

حسن بهدوء / معلشي يا رقية بس انت عارفة أن اسد عمره ما رجع في كلامه وطالما طردك ولو مين اتوسط عمره ما هيرجعك تاني ..وبعدين هو حذرك كتير . انا اسف .

رقية بغيظ / ماشي يا مستر حسن .انا متشكرة اوي .

مراد بستغراب / اي الكلام ده .استني يا روقية انت هترجعي تشتغلي في الشركة .حتي لو مش هتشتغلي سكرتيرة اسد ..

حسن بغيظ / ايه اللي انت بتقوله ده ..انت اتجننت.

مراد بحزم / انا قولت اللي عندي .روقية روحي استنيني في المكتب .وانا اللي هتكلم مع اسد .

و فعلا روقية راحت مكتب مراد تستني فيه .ومراد راح لاسد مكتبه ..

حسن بقلة حيلة. / غبي يا مراد ..مش هتهدي الا لما تحصل خناقة كبيرة بينكوا والشركة كلها تتفرج علي احفاد العقاد و هما ماسكين في بعض

وراح وراه المكتب عند اسد

______________________________________________

في الفيلا عند جميلة

جميلة قاعدة في الاوضة خايفة تخرج وكمان زهقانة ومش عارفة تعمل ايه ..

وفاجاه لقت الباب بيخبط و دخلت عليا جدة اسد ..

عليا بحب / مالك يا حبيبتي قاعدة هنا لوحدك ليه من ساعة ما اسد نزل ..ما تيجي تقعدي معانا نتكلم ونتعرف بيكي

حور / بصراحة بقي يا طنط .انا هموت وانزل اقعد معاكوا بس انا خايفة الصراحة .

عليا بدهشة / خايفة مننا احنا يا حبيبتي ولا ايه ده انت من معزة نور حفيدتي

حور / لا خايفة من الكلاب اللي عندكوا ..وانا عندي فوبيا من كل الحيوانات اصلا

عليا فضلت تضحك/ لا يا ستي الكلاب دي ممنوع تدخل الفيلا ابدا ..دايما في الجنينة وبعدين انت لازم تاخدي عليهم علشان دول كلهم يخصوا اسد جوزك

نور دخلت الاوضة واتكلمت بفضول / بس ازاي يعني يا جميلة تكوني متجوزة اسد ومش عارفة أنه بيعشق كل الحيوانات ..ايه عمره ما جابلك سيرة ..مش معقول الصراحة

تفتكروا حور هتقول ايه ..

_____________________________________________

في الصعيد عند نعمة ..

نعمة قاعدة مع علي وبتتكلم بعصبية / يعني ايه مش موافق علي جوازك من زينب هو انت تطوول اصلا ..

علي بخنقة / الله هو الجواز كمان بالغصبانية ولا ايه .انا مش بحبها ومش هتجوزها

نعمة / اعااا قولتلي بص بجي يا علي ..بتحبها مش بتحبها هتتجوزها ورجليك الاتنين فوق دماغك ورجتبتك كمان واللي انت بتفكر فيها يا حبيبي انسي انك تتجوزها .. انت سامع يا ولاا

علي قام من كرسيه بعصبية / وليه بقي عمري ما هتجوزها ..مالها عيشة ياما احسن واحدة في البلد كلها و كل اهل البلد يتمنوا يتجوزها ..وبعدين دي بنت اخوكي ياما

نعمة بتريقة / والله بنت اخوي ..الف رحمة ونور تنزل عليه

يا حبيبي ..بس انا اخويا بقي مكنش بيعرف يربي زين علشان اكدة بجي انا اللي هربيله بنته .وهعلمها الادب من اول وجديد

علي بحدة / بس بقي كلامك الماسخ ده .عيشة متربية كويس جوي وانا مش هتزوج غيرها .واللي عندك اعمليه

نعمة بغيظ / بقي كدة يا علي .بتعاند امك ماشي يا ابن بطني بس خد بالك عندك ده مش هيضرك انت .بالعكس ده بياذيها هي وانا حذرتك وانت بقي حر ...

وفجاه دخل عبدالرحيم ..الحقي يا ست نعمة ..الحقي

نعمة بخضة / ايه يا عبدالرحيم في ايه ..داخل بتزعق كدة ليه

عبدالرحيم / الراجل بتاع المستشفي قالي أن حور مشيت من المستشفي ومحدش عارف طريقها

نعمة بغيظ / يعني ايه .يعني حد قالها أننا عرفنا طريقها ولا ايه ... ما تتكلم يا عبدالرحيم في حد من رجالتك خاين

عبدالرحيم / ايه اللي بقوله ده يا ام علي .طبعا لاااا انا رجالتي عمرهم ما يخونوني بس الراجل قالي أنه اصلا مش عارف هي مشيت امتي يعني ممكن تكون ماشية من زمن

نعمة بعصبية / ماليش صالح ..تنزل مصر وتدورلي عليها .فاهم ولا لاااااء ولو رجعت منغيرها يبقي احسنلك انت ورجالتك مترجوش اصلا ..امشي يلا من وشي . وبصت لعلي بغيظ / وانت كمان غوووووور من وشي جاتك الهم طالع زي ابوووك فقري ونحس صحيح

_______________________________________________

في مكتب اسد ..

دخل مراد وهو متعصب اوي ..

مراد بحدة / هو في حد قالك قبل كدة أن انت ماسك الشركة دي لوحدك يا بشمهندس ولا ايه

اسد اتصدم من طريقة مراد و انفعاله / لا محدش قالي كدة .. بس خير داخل مكتبي منغير ما تخبط وتزعقلي علشان بس تقولي المعلومة دي .

حسن دخل المكتب بسرعة / اسد لو سمحتي .بلاش نتكلم هنا .. هنا في موظفين بيتفرجوا علينا .

وانت يا مراد اهدي شوية و وطي صوتك العالي ده وبعدين

.الموظفين بيتفرجوا علينا برا

مراد بعصبية قرب من اسد و مسكه من الجاكت بتاعه

مراد / أنا ميهمنيش حد و انا خلاص جبت اخري من البني ادم ده

اسد و هو بيزقه بعيد عنه وبيتكلم بعصبية / البني ادم اللي بتتكلم عنه ده يبقي اسد العقاد اللي عمرك ما تعرف تكون زيه ولا حتي تحلم بكدة

مراد بعصبية / ومايشرفنيش ابقي واحد زيك كداب وخائن فاكرر ولا افكرك

وفجاه قلم نزل علي وش مراد 😳😳😳😳

استوووووووب

التفاعل بقي وحش اوي .. لو فضل كدة هنزل يوم اه ويوم لا

#عشقت_حورية

بقلم ✍️ يوستينا سامي

مراد بعصبية قرب من اسد و مسكه من الجاكت بتاعه

مراد / أنا ميهمنيش حد و انا خلاص جبت اخري من البني ادم ده

اسد و هو بيز*قه بعيد عنه وبيتكلم بعصبية / البني ادم اللي بتتكلم عنه ده يبقي اسد العقاد اللي عمرك ما تعرف تكون زيه ولا حتي تحلم بكدة

مراد بعصبية / ومايشرفنيش ابقي واحد زيك كد*اب وخا*ئن فاكر ولا افكرك

اسد بغل / لا طبعا فاكر أنا عملت ايه كويس اوي

بس انا عايزك انت اللي تفتكر ..

وفجاه اسد ضر*ب مراد بالق*لم جامد علي وشه

حسن مسك مراد بسرعة قبل ما يت*هور/ بس يا مراد ..بس اهدي ..الموظفين واقفة

اسد بص و لقه الموظفين واقفين يتكلموا و يتفرجوا

اسد بحدة / ايه شايفين فيلم قدامكوا ..ما تغوروا كل واحد علي شغله .. يلااااا في دا*هية

و فعلا كل الموظفين جريوا من قدام اسد بسرعة و اسد قفل الباب بتاع المكتب ..

اسد بحدة و هو بيقرب من مراد / كدة ما بقاش في حد غيرنا في الاوضة.. وانا ابقي هعرفك تتكلم معايا ازاي ..

حسن وقف قدام اسد واتكلم بحدة / اي ناوي تعمله ايه يعني يا اسد .. اي فاكر انك هت*ضربه

اسد / انت ملكشي دعوة أنا كبرتك قبل كدة وقولتلك خليه يحذر مني بس انت قولتلي انك مكلشي دعوة بالموضوع

يبقي أنا اللي هربيه

حسن بعصبية وهو بيز*ق اسد / لا عاش و لا كان اللي يمد أيده علي اخويا و اسيبه عايش علي وش الدنيا ليلة واحد

يا ابن العقاد

مراد بغل / والق*لم اللي انت اديتهولي ده ..ورحمة الغالين

لاخليك تتمني المو*ت عليه . اوعي يا حسن من وشي

و خرج مراد من المكتب وهو متعصب و حاسس أنه متها*ن جدا و خصوصا أن الموظفين شافوا اسد وهو بيضر*به

اسد بص لحسن بحزن / بتهد*دني يا حسن ..

حسن / انت الي بدأت يا اسد يوم ما فكرت تمد ايديك علي اخويا ..و من النهاردة احنا مش في مركب واحدة

و علفكرة بقي اللي حصل النهاردة ده هيبقي علامة في تاريخ الشركة دي ...

وخرج كمان حسن من المكتب و اسد قعد علي الكرسي و حط رأسه بين أيديه بتعب و وجع

اسد / في داهية .. غوروا كلكوا في ستين داهية

أنا مش محتاج حد اصلا في حياتي .هستني ايه منكوا يعني . اذا كان صاحب عمري و اخويا اصلا باعني انتوا اللي هتفضلوا

وقام واخد الجاكت و مفاتيحه و خرج من الشركة

____________________________________________

في الاوضة عند جاسر ..

جاسر مسك حياه من شعرها / بقي أنا يا بنت الك*لب تمسكي السك*ينة و تضر*بيني بيها ..

حياه بدموع / أيوة و لو شفت سك*ينة تاني مش هتردد اني امو*تك بجي بجد

جاسر بعصبية/ ده أنا اللي همو*تك بايديا ..

وفعلا جاسر جاب الحزا*م و فضل يضر*ب في حياه بغل و غباء و هي كانت عمالة تصر*خ و كل اللي كانوا في البيت سمعوا صر*اخهااا ...

جاسر قرب منها و قومها من شعرها لما حس انها هتفقد الوعي / هاااا اتربيتي مش كدة .. ولا اكمل ..

حياه كانت مش قادرة تتكلم كانت بتعيط بس ..

جاسر / ده علشان قلة ادبك .. غوري من وشي ..غوري

و فعلا حياه حاولت تمشي تجري علي الحمام علشان ده المكان الوحيد الي هتروحه في الاوضة ..

و جاسر قعد علي السرير بعصبية و لقه تليفونه عمال يرن ..

جاسر بعصبية/ الوووو

حسام بضحك / اي يا ابني العصبية دي كلها ..جرا ايه يا عريس هو انا عطلتك عن حاجة ولا ايه

جاسر / اه الصراحة كنت بضر*بها من دقيقة واحدة .

حسام بصدمة / ايه بتضر*بها ..طب ليه يا ابنى

انت عايز تكر*ها فيك وخلاص ..انت عبيط يا جاسر

جاسر / اكر*ها فيا ايه. دي بنت جز*مة ضر*بتني بالسك*ينة في بطني ..اسكت يا حسام علشان أنا محرو*ق دمي اوي

حسام / يا خبر اسود ..طب خلاص اهدي كدة و بلاش تتغابي عليها بدل ما تمو*ت في ايديك .. و علفكرة انت محتاجك ترجع بكرة

جاسر / عارف يا حسام ..وهتنيل اجي ..اقفل بقي سلام

وفعلا حسام قفل مع جاسر التليفون و قام راح الحمام و فتح الباب لقه حياه قاعدة علي الارض و عمالة تعيط و مش قادرة تقوم ..

جاسر بحدة / هاتي ايديك . وكفاية عياط في الحمام بدل

ما تتلبسي

حياه بعصبية / بعد يدك عني .. سامع ولا لااااه

جاسر ضحك بستهزاء و شدها من الأرض / لا يا بت مش سامع و اللي عندك اعمليه ...

وفعلا خلاها تغسل وشها بالعافية و شدها برا الحمام

حياه / بعد يا اخي عني. انت ايه مش بتفهم واصل

جاسر بحدة / اللهم طولك يا روح .. بت انتي أنا مش عايز اتغابي عليكي علشان المرة دي هتمو*تي بجد في ايديا

ويلا جهزي هدومك علشان هنمشي بكرة الصبح ..واوعي اسمع اعتراض ..

_____________________________________________

في أوضة حور ..

عليا بستغراب / يعني انت يا حبيبتي فاقدة الذاكرة .معقول ده ..طب ما تفهمينا يا حبيبتي حا*دثة اي اللي حصلت بس

حور بزعل / معرفشي يا طنط والله ..انا فوقت في المستشفي لقيت اسد قدامي وحكالي أن في ناس حاولت تع*تدي عليا بس هو انقذ*ني وقالي أنه جوزي بس دي كل الحكاية ..وجابني معاه هنا وبس

عليا قربت منها وحضنتها / حقك عليا يا حبيبتي .انا كنت شاكة فيكي ..بس بعد الظن اثم .. اوعي تزعلي مني و من النهاردة انت فرد في عيليتنا ..ولا ايه يا نور

نور بحزن / اكيد يا جدتي .عموما مبروك جوازكوا وعلفكرة اسد طيب اوي وشكله بيحبك بجد ..

وفاجاه دخل اسد الاوضة. .

اسد بضحك / قوليلها يا نور والنبي احسن لحد دلوقتي مش مقتنعة بحبي ليها ..تخيلي

عليا بضحك / ازاي بس . ده مشاءالله عليكم انتوا الاتنين واضح اوي حبكم لبعض .. ربنا يخليكوا لبعض ..

اسد برخامة / طيب يا جدتي .هو مش برضو اللي بيحب المفروض أنه يسامح ولا يفضل يعذ*ب في اللي بيحبه كدة .. وقوليلي يا جدتي وأنا بقي راضي بحكمك

نور ببتسامة مجاملة / لا المفروض يسامح لو فعلا بيحب . هو انتوا متخا*نقين ولا ايه. علفكرة انتوا ممكن تحكوا ايه المشكلة وانا وجدتي نحكم بينكوا ونشوف مين اللي غلطان .. واللي فعلا غلطان يعتذر

اسد بتريقة / لا يا ست نور خلي نصايحك دي يا اختي لنفسك ..انا ومراتي محدش هيدخل بينا و مشاكلنا هنحلها مع بعض... و بعدين تعالي هنا يا بت انتي مادام انت تحسي اوي كدة اومال مبهدلة الواد معاكي ليه

نور بستغراب / واد ..مين ده اللي مبهدلاه ده يا اسد

هو انت بتتكلم عن مين اصلا

اسد / اصلا .. دي البعيدة مش بتحس خالص .. عموما اعرفي لوحدك انا مش بحب اغشش حد .وبعدين يلا بقي مع السلامة علشان انا عايز اصالح مراتي علي انفراد وبضمير ..

وخرجت عليا ونور وحور كانت مبسووطة اوي من عيليتها الجديدة .

اسد قرب من حور وهي سرحانة وحضنها من ضهرها و قالعا / علفكرة بقي أنا محتاجك اوي دلوقتي يا جميلة

حور بعدت عنه في هدوء ومنغير برضو ما تتكلم

اسد بغيظ / لا ما كدة الموضوع بوخ بقي يا جميلة

معقول كل الزعل ده علي حاجة تافه . وبعدين أنا فعلا مش قادر اتخانق تاني النهاردة

حور استفزت اوي / شوفت انت بتهيف الموضوع ازاي ...شوفت طريقتك وكلامك علفكرة بقي اللي بيحب بجد مبيقدرشي يشوف حبيبه زعلان .. وانت سايبني زعلانة من الصبح

اسد ابتسم جامد وفرح انها اتكلمت معاه

حور بغيظ وصوت عالي / انت بتضحك ليه دلوقتي

انت عايز تستفزني مش كدة يا اسد ..

اسد قرب منها / لا علشان كلمتيني .. انت عارفة أن النهاردة.

اكتشفت أن مش انت بس اللي معندكيش أهل و ملكيش غيري ..أنا كمان يا جميلة ماليش غيرك ابدا

حور بقلق قربت من اسد /مالك يا اسد ..وبعدين انت مش وحيد ولا حاجة ..ما انت عندك حسن و مراد و نور

اسد بوجع/ أنا ماليش غيرك يا جميلة دا بجد . أنا محتاجك اوي ..اوي

وفعلا اسد حضن حور و حور فضلت تطبط عليه ..هي مكنتشي فاهمة هو مضايق ليه بس كانت حاسه بزعله و خوفه

حور بهدوء /مالك بس يا اسدي ..

اسد و هو حاضنها و دموعه خانته / اتفقوا علي مو*تي

يا جميلة

حوور 😳😳😳😳😭

استوووووب تفتكروا قصدوا علي مين .. معقول حسن و مراد هما اللي عملوا كدة 🤔🤔🤔🤷

تكملة الروايه اضغط هناااااااا

قصر الروايات

القائمة الرئيسية

الصفحات

تابعنا من هنا

رواية حورية في عالم الوحوش البارت السادس والسابع والثامن والتاسع والعاشر 6_7_8_9_10بقلم يوستينا سامي

أخر المواضيع من قسم : قصص حديثه

تعليقات

إرسال تعليق