رواية من أجل طفلي البارت الثالث بقلم يارا عبد السلام في ملك الروايات الحصريه

#من_اجل_طفلى

#البارت_الثالث

حازم:موافق يا عمى...

ابو الفضل ابتسم بفرحه:شكرا يا ابنى مش عارف اقولك اي بس لولا انى عارف انك بتحبها ومن زمان مكنتش اتجرات وطلبت منك الطلب دا ...وقرب منه وطبطب عليه أنا عارف ان دا ظلم ليك انك تربي ولد مش ابنك ودا لأن أبوه خاين وبياع وانا عمري ما هوافق انها تكمل معاه مهما حصل..

حازم بصله :وانا اوعدك انى هعامله كأنه ابنى ..مع انى كان نفسي يكون ابنى فعلا بس يلا الحمد لله...

ابو الفضل:متزعلش يا ابنى أن شاء الله هيكون ليك ابن ومن منه كمان بس انت اصبر...

حازم:أن شاء الله يا عمى يارب دي حاجه بتمناها...

ابو الفضل:ها يا ابنى هنكتب الكتاب امتى..

حازم:الي تشوفه يا عمى..

ابو الفضل:بس ابوك ..

_يا عمى بابا اصلا نفسه يفرح بيا وكان عاوز منه توافق عليا من زمان وهوا اللى كان باعتنى اخر مرة بس منه اللي مش موافقه وكمان أنا مش عارف لسه رد فعلها اي..

_متقلقش يا ابنى أنا متأكد انها هتوافق ..

يبقى كدا كتب الكتاب الاسبوع الجاي يوم السبوع اي رايك..

حازم:موافق يا عمى اللي تشوفه...

....

منه فاقت وبقت كويسه وخدوها البيت كانت تعبانه شويه بس دا كان بسبب الولاده ودا طبعا غير التعب النفسي كانت كل شويه تبص على الباب كان نفسها يكون معاها ويجي يشوف ابنه ويعتذر عن أنه سابها التسع شهور لوحدها كان نفسها يجى بأي حجه هى موافقه ومسامحاه...

منه كانت قاعدة وشايله ابنها وحضناه بحنيه وعلى وشها بسمة سعاده لوجوده...

_اهلا بيك في حياة مامى يا قمر انت ..اي رايك في اسمك. ياسين حلو صح هتبقى اسمك ياسين حسام السويسي الله اسمك جميل يا حبيبي ....

بتبصلي كدا لى عاوز بابا صح أنا عارفه انك عاوز بابا بس بابا مش معانا بس هوعدك انى هكون بابا وماما وكل حاجه يا عمري انت..

دمعة خدعتها ونزلت على خدها:لا أنا مش بعيط دي دموع الفرحه...عارف في اسرار كتير عوزا احكيهالك بس لما نكون لوحدنا نورت حياتى يا كل حياتى...

امها دخلت وشافتها وهى بتتكلم مع ابنها:حبيب تيتة عامل اي..

منة بصتلها بابتسامه:كويس يا ماما 

الام كانت متوتره مش عارفه تقولها موضوع جوازها من حازم ازاي بس قررت تستجمع قوتها وتقولها...

_منه كنت عوزا اقولك على حاجه كدا...

_قولى يا ماما..

_احم كان متقدملك عريس وابوكي وافق وكتب الكتاب يوم الجمعه يوم سبوع ياسين ...

_نعم ...ومين دا بقى أن شاء الله وكمان انتو بتتصرفوا من دماغكوا أنا مش فاهمه انتو ازاي تعملوا فيا كدا للدرجادي أنا تقيله عليكوا اخد ابنى وامشى..

الام زهقت:لا بس انتى مش شايفه غير حسام ودا واحد باعك ودلوقتي متجوز وعايش حياته وانتى لسه بتفكري فيه وسايبه اللي بيحبك من سنين وانتى عاميه ومش شايفه حاجه للاسف ...يبنتى انتى مش هتقدري تربي ابنك لوحدك وانا وابوكى مش عايشين ليكي وحسام سايبك ومفكرش حتى أنه يجي يشوف ابنه..ابوكى اتصل بيه يوم ولادتك ومردش عليه دا دليل أنه خلعنا كلنا من حياته وانتى لسه باقيه عليه للدرجادي انتى عاميه ومش شايفه ...

منة غمضت عينيها ودموعها نزلت :أنا عارفه كل دا بس اعمل اي في قلبي اعمل اي أنا شوفته بعيني مع واحده تانيه وكدبت نفسي ولسه حاسه أنه هييجي ويعتذر منى وياخد ابنه في حضنه انتى حاسه بالي أنا حساه يا ماما حاسه بيا..

امها قربت منها وخدتها في حضنها:أنا اكتر واحده حاسه بيكي يا بنتى علشان كدا عوزا مصلحتك وبقولك وافقي انك تتجوزي حازم يا منه دا اكتر واحد بيحبك خايفه في يوم تندمى انك رفضتيه

انا مش عوزا اجبرك بس فكري بعقلك يا بنتى وشوفي الأنسب أنه يكون اب لابنك وانسي قلبك شويه علشان خاطر ابنك يا منه ...

_حاضر يا ماما هحاول..

_ربنا يهديكي يا بنتى ويسعدك يارب..

الام خرجت ومنه مسكت تليفونها...وفتحت الواتس وبعتت صورة ياسين لحسام...

وكتبت:مش عاوز تشوفه؟

حسام شاف الرساله ورد عليها ببرود:مين دا..

منه :دا ابننا يا حسام مش نفسك تشوفه مش عاوز تاخده في حضنك شوف شبهك ازاي..

شاف الرساله وسكت شويه:لا مش عاوز اشوفه دا ابنك انتى مش ابنى انتى اللي اختارتيه مش انا ولو سمحتى أنا دلوقتي متجوز ومتكلمنيش تاني وبطلى اللي بتعمليه دا ..لانه عمره ما هيغير وجهة نظري..أنا كنت ومازلت مش عاوز منك اولاد تمام ...

قفل لا دا عملى بلوك ..

*مش عاوز اولاد مني للدرجادي مش بيحبني للدرجادي تضحياتى ملهاش اي اهميه عندو للدرجادي أنا كنت عاميه ...

*‏لى يا حسام كسرتني كدا لى دبحتني بدم بارد كدا ربنا يسامحك حسبي الله ونعم الوكيل على كل ذرة حب كانت جوايا ليك انت فعلا متستاهلش حرقة قلبي عليك ...

بابا دخلى :ها يا منه ماما بتقول انك مش موافقه على حازم ابن خالك اللي كان ومازال شاريكي...

قرب مني:أنا يبنتى عمري ما هغصبك علي حاجه بس عاوزك تفكري بعقلك واختاري الأنسب..

_بابا أنا فكرت خلاص وخدت قراري ..

انا موافقه انى اتجوز حازم...

عند حسام كان قاعد على المكتب بتاع الشركه اللي بتملكها مراته وماسك تليفونه وبيكلم واحده..

_ايوا يا حبيبتي النهارده هتكون الهديه عندك انتى بس جهزى نفسك كدا وانا هخلص اللي ورايا وانيم مراتى واجيلك...

البنت ضحكت ضحكة رقيعه :ماشي يا حوسو يا حبيبي هستناك 

_قلب حوسو وعقله 

الباب خبط

وقفل معاها وسمح للي برا بالدخول..

مدير الحسابات دخل وهوا متوتر:في اي يا شاهين..

_حسام بيه البضاعه اتمسكت في الجمرك وعرفوا انها منتهية الصلاحية وزمانهم جايين دلوقتي يقبضوا عليك علشان انت اللى معاك توكيل الاداره..

حسام بصدمه:اي...

#يارا_عبد_السلام

تكملة الروايه من هنااااااا