 |
البارت العاشر....
بعد تدوير كتير من رحيم علي حور... رجع بسرعه تاني عالبيت مكنش عارف يعمل ايه ولا يروح فين... كان عقله واقف تماما بعد ما كان بيدور علي ساره وامجد... اتصدم من اختفاء حور.. مش عارف يدور علي مين فيهم مش عارف اذا كان اللي خطفهم واحد او لا.. رجع البيت
فضل رايح جاي مش عارف يتصرف لمح الكاميرا بتاعته وهنا انتبه.. ازاي طلعت من مكانها عرف ان حور كانت مسكاها راح مسكها ولفها ليه لقي ان هي بتسجل خرج من الفديو بعد ما حفظه ولسه هيشغله تاني لقي في فديو قبله فتحه شافه وكانت مفجأه ليه وهو شايف حور اعده تتكلم وتجاور نفسها ابتسم غصب عنه. وفضل يشوف الفديو لحد لحظه ما اعترفت حور بحبها ليها.. بحبك يا رحيم... وفضلت الكلمه تتردد في ودنه عينه دمعت وقلبه بقي يدق جامد وجواه متلغبط فتح الفديو التاني وهنا كانت المفجأه........
شايف رحيم.. حور. بتكلم نفسها وهي مش عارفه ان الكاميرا مفتوحه وبتصورها... سامعها بتكلم نفسها ...
التليفون بردو بايظ... هوصلك ازاي بس يارحيم....
ودقيقه والباب خبط.. رحيم.. وجريت عالباب .. تفتح... اما رحيم...فا كان بيكلمها فالفديو كأنه ادامه ..
لا يا حوووور. ارجوكي متفتحيش ده مش انا...
وفتحت حور الباب... وظهر ادامه. رجاله.. غريبه منهم اللي شكله ولبسه هيئته صعيدي.. ومنهم... اللي لابس عادي وشكله مش من البلد... حور اول ما فتحت وشافتهم.. صوتت ورجعت لورا بأقسي سرعه ونسيت الم رجليها...ولسه هتجري عالاوضه... كانو بعض الرجال اسرع منها.. ومسكوها...فضلت تص ت بأقسي صوت عندها وترفس برجليها وايديهت وهما شايلينها.. ولاكن كانت كلها محاولات فاشله.. منها فا حجم جيمها كان لا يقارن باجسامهم... حووور... رحيمممم رحيييمممم الحقني يا رحيمممم.. وثواني.. وكان حد منهم ضر"بها بضهر مسد*س في دماغها وفقدت الو*عي... اما رحيم.. كان بيتفرج عالفديو... وهو مصعوق ومغيب تمام ولاول مره يحس ان قلبه اتقبض وهو شايف منظرها في ايدهم وشكلها وهي مرعوبه. وبتنادي عليه عشان ينقذها...دموعه نزلت غصب عنه...وللحظه حس انه اضعف حد علي الارض كان احساسه بأنه متكتف ومش عارف يعمل حاجه هيمو"ته مش عارف يبدأ منبن ولا عارف مين اللي ورا كل ده ولا حتي عارف يفكر.. دماغه كانت هتفف من كتر الاحداث مش عارف يرتب افكاره ولا يبدأ ياخد موقف مش عارف يبلغ البوليس عشان يقدر يساعده ماهو محدش عارف بوجود حور ولا حكايتها.. مش عارف اذا كان اللي خطفها هو نفس اللي خطف ساره وامجد ولا لا.. بقي يكلم نفسه زي المجنون...
طب لو اللي خطف حور عمها او تجار المخدر"ات اللي شافوها.. هما... طب خطفو ساره وامجد ليه.. طب انا مليش اعداء. طيب مين يكون عمل كده... انا هتجننن.. وملقاش ادامه غير سليم اتصل بيه....بسرعه..
سليم... ايوه يارحيم في اخبار...
رحيم... سليم انا في كارثه..
سليم.. ايه يارحيم مالك وصوتك عامل كده ليه..
رحيم.. حكاله اللي حصل..
سليم.. طب لو اللي خطف حور. عمها... هيخطف ساره وامجد ليه..قبلها بيوم.. في حاجه مش مظبوطه...
رحيم... مش عارف انا مخي هيقف..
سليم.. طيب الفديو موضح اشكال الرجاله دي..
رحيم... اه.. اغلبهم وشهم باين...والباقي ملامحه مش واضحه من الحركه..
سليم... طيب تعرف حد منهم..
رحيم... لا بس انا مش قادر اركز ولا عارف افكر...
سليم... بقولك ايه.. انا هاجي الوقت حالا... وهبلغ..
المديرين التنفيذيين اللي معانا فالشركه.. عشان يحلو مكانا اليومين دول..
رحيم.. ماشي يا سليم انا فعلا محتاجك ..
سليم وانا مش هتأخر عليك.. كام ساعه واكون عندك.. المهم الوقت ابعتلي الفديو ده.. انا هبعته لظابط اعرفه يمكن يعرف يتعامل مع الفديو ويعرف الناس دي..
رحيم.. ماشي هبعتهولك حالا..
سليم... رحيم... بس انت لازم تعرف اهلك فالبيت ولازم تبلغ البوليس عندك باللي حصل.. هما هيقدرو يتصرفو ولو اللي خطف حور هو نفسه اللي خطف امجد وساره.. دي هتبقي معلومه مهمه اكيد ويمكن يتعرفو علي اي حد فالفديو...اللي معاك..
رحيم.. انا هعمل كده فعلا....
سليم.. طيب ابعت الفديو يلا وانا كام ساعه واكون عندك .
قفل رحيم مع سليم وبعتله الفديو... ونزل رحيم راح عالقصر....
.........
والدته. رحيم يا ولدي.. عوجت ليه..
رحيم.. في اي اخبار ...
الكل.. لا مفيش...
رحيم.. طيب ياجماعه اني عايزكم في موضوع ضروري ولازمآ تعرفوه.مينفعش اخبي عليكم اكتر من اكده..
انتبه الجميع لرحيم بخوف...
جده.. خير ياولدي جلجتني..
والدته.. وضربت علي صدرها.. اختك وجوزها جرالهم حجه..
مرات عمه... طمنا ياولدي ابوس يدك.. امجد وساره فيهم ايه..
رحيم.. اهدو ياجماعه الموضوع ميخصهمش بس في حاجه حصلت ويمكن تكون ليها علاجه بيهم..
عمه.. اتكلم ياولدي....
ابتدا رحيم.. يتكلم وقص عليهم كل حاجه تخص حور ..
جده.. وكيف يعني يارحيم متجولش وازاي ياولدي تجعد مع بنت في نفس البيت محفتش حد يشوفها عنديك ويدورو يتكلمو فالبلد عن عمدتهم اللي جايب حورمه عنديه فالبيت..
رحيم... افهمي ياجدي بس...
جده.. افهمك كيف يارحيم.. من ميته وانت بتتصرف اكده من ميته. وانت بتخبي عنينا وعني اني بالاخص.. ومن ميته.وانت بتجعد مع بنته لحالك في شجتك وهي كيف تجعد مع واحد غريب..
رحيم... جدي اديني فرصه اتكلم اني مناجيصش.. اني متكلمتش من الاول عشان كل الحديت اللي انت بتجوله ده. بس انت عارفني مليش فالكلام ده ولايمكن اغضب ربنا ياجدي.. انت عارفني زين... ومنسيتش اني العمده.. عشان اكده كان لازمآ اتصرف اكده.. افهمني ياجدي...لما سبتكم وجيت يوم الفرح..ولمحت البنت لو مكنتش لحجتها كانت هتنجتل ولو كنت ظهرت في وسطهم كانو جتلومي معاها ..كان لازم اتصرف اكده عشان انقذها ونفس الوجت.. اجدر اتصرف واعرف حكايتها ايه عاد... واما عرفت كل حكايتها وتوكدت بنفسي البت طلعت ملهاش حد واصل وعمران الك_لب ده هو الوحيد من اهلها اللي عايش وهو اللي عمل كل ده فيها. . اني اتوكدت كمان ان تجار المخدرات هما اللي كانو بيجرو وراها.. بس هما جريو وراها عشان عرفو انها شافتهم.. ومكنوش يعرفو ان هي هربانه من عمران.. والدليل ان بعدها جم المزرعه.. واني مسكتهم وودتهم المخزن وعملت معاهم الصح.. وعمران جالي وجلف حكايه متدخلش العجل عشان اسيبهم وعشان محطهوش في دماغي واني عملت نفسي صدجته.... ..
الجد... كل ده يوحصول ياولدي ومتعرفناش خلاص بجيت الكبير ومبجاش ليك كبير تستشيره...
رحيم.... لاياجدي متجولش اكده.. اني بس كنت مستني الوجت المناسب عشان كمان مكانش في دليل..
عمه. المهم الوجت ياولدي انت لازم تبلغ الحكومه..
رحيم... انا فعلا هجوم حالا ابلغ بس كان لازم اعرفكم كل حاجه الوجت..
مرات عمه.. طيب ياولدي.. اللهي خطف ساره وامجد هو نفسه اللي خطف البنته...
رحيم... اني معرفش حاجه يامرت عمي.. بس مجداميش اي تفسير غير اكده اني مليش حد هيعاديني..
جده...يلا جوم ياولدي اتوكل علي الله...
خرج رحيم بسرعه وراح علي القسم...
العسكري لرحيم... اهلا ياحضرت العمده
رحيم... عايزك تبلغ حسام باشا ان العمده مستنيه في امر هام..
العسكري . تحت امرك... خبط العسكري.. علي الظابط.. وثواني وخرج..اتفضل يا خضرت العمده..
دخل رحيم... واستقبله حسام بالسلام والاحضان والتحيه..
حسام...ظابط من اسكندريه وتعين فالصعيد... من اكتر من سنه...
حسام ... خير.. يا عمدتنا.
رحيم... اذيك يا حسام.. انا جايلك انهرده في امر يخصني وعايزك تساعدني فيه..
حسام... خير قلقتني.. تشرب ايه الاول.
رحيم.. هاتلي قهوه ساده دماغي هتنفجر..
حسام.. ثواني... واتصل حسام ...ابعتولي اتنين قهوه ساده عالمكتب..
..
حسام احكيلي يلا علي ما القهوه تبجي...
ابتدا رحيم يقص عليه كل الحكايه من اولها لاخرها....
حسام...حاطط ايده علي راسه...طيب الوقت.. احنا لازم نفتح محضر عشان علي اساسه ابتدي اتحرك..
رحيم.. اكيد.. وانا جايلك عشان كده..
حسام.. هو فات اد ايه علي خطفهم..
رحيم... امجد واختي.. كانو عندي امبارح ومشيو علي الساعه اتنين تقريبا..وبص في ساعته يعني كلها ساعتين زمن ويبقي بقالهم 24ساعه...لاكن حور.. الدكتوره كانت عندها عالمغرب... يعني تقريبا فات حوالي 6ساعات علي خطفها...وانا مش هستني يفوت وقت اكتر من كده...
حسام.. جميل افتح المحضر يا ابني....
ـــــــــــــ (الاسئله اللي اتسألت في المحضر)
حسام... س... ماهو سبب تحرير المحضر..؟
رحيم...ج.... السبب هو وحكي كل التفاصيل..........
حسام... س..كم عدد الاشخاص الذي تم اختطافهم.؟؟
رحيم...ج.....ثلاثه اشخاص.. اختي.. وابن عمي وجوز اختي...وفتاه تدعي حور...
حسام.. س.. ماهو عمر الاشخاص الذي تم اختطافهم..؟؟
رحيم..ج... ساره 21سنه..امجد.. 29 حور 19.
حسام...س.. هل كان مع اي منهم مبالغ ماليه؟.
رحيم.. ج.. لا..
حسام..س..ماهي مواصفات كلآ من شقيقتك وزوجها والفتاه التي تدعي حور...؟
رحيم... ج..ابتدا رحيم.. يقول مواصفاتهم من حيث السن الطول الوزن الشكل...
حسام.س..هل تشك ان وراء خطفهم شبهه جنائيه ؟
رحيم..ج... لا
حسام..س.. هل تلقيت اي اتصال من الخاطف. لطلب فديه او ماشابه ذلك؟
رحيم..ج..لا
حسام.س..هل معك صور.للمختطفين.؟
رحيم...ج. معايا لاختي وابن عمي..اما حور معايا فديو موثق بلحظه اختطافها..
حسام..س..هل تتهم احد باختطافهم.؟
رحيم..ج. وفكر كتير انا مليش اي اعداء..ولاكن مفيش ادامي حاليا غير السيد عمران الدسوقي.. عم حور.
حسام.س. اذا انت تتهم عمران الدسوقي باختطاف كلا من شقيقتك.. وابن عمك والفتاه التي دعي حور..؟؟
رحيم.. ج. نعم حاليا معنديش اي حد اوجهله اتهام غيره..
حسام..س. هل لديك اقوالا اخري؟
رحيم.. ج..لا
حسام.. وقد اغلق المحضر في ساعته وتاريخه.. مع تحريز صور المختطفين.. وايضا الفديو الخاص بخطف الفتاه حور...
حسام... كده تمام المحضر خلص واي وقت عندك اي اقوال لازم تيجي تضيفها..
رحيم.. حسام انا عايز الكابوس ده يخلص في اسرع وقت مش عايز انا افضل استني اجراءات ..
حسام.. اطمن انا من الوقت هبتدي اتحرك. بس ده مجرد روتين لازم يتعمل..
رحيم.. تمام في اي حاجه تاني ولا امشي انا..
حسام.. سلم بس الصور والفديو. وخلاص..
رحيم.. بس انا مش عايز اسلم الكاميرا..
حسام.. ابعتهولي الفديو عادي وانا هطبعه علي اي كارت ميموري. وانا هرفقه بالمحضر..
رحيم... تمام.. وبعد ما خلص رحيم.. سلم علي حسام ومشي....
راح.. علي القصر. من تاني وبلغهم باللي حصل.. واطمن اذا كان في جديد او لا ومشي عالبيت يرتاح شويه ويستقبل سليم صاحبه الللي علي وصول...
روح رحيم.البيت.. وبمجرد وصوله فتح الباب.. وفضل واقف شويه.. بحزن...دخل البيت وقفل فضل يلف فالبيت مش لاقي حاجه يعملها مفتقد حور قالبه واجعه عليها هي واخته وامجد..خايف حد يمسهم وخايف علي حور اكتر لانها كانت تعبانه ولسه مستدتش صحتها.. خايفه تتعرض من تاني للتعذيب او يمسها اي حاجه وحشه.. راح بملل اعد علي السرير وفضل باصص علي مكانها.. اد ايه كانت ماليه البيت حركه وحيويه برغم تعبها افتقد صوتها عيونها كل ملامحها افتقد برائتها وطفولتها افتقد طولت لسانها وصوتها العالي.. افتقد دموعها وحضنها افتقد كلامها وعندها.. ساب من ايده الكاميره وحط ايده الاتنين علي وشه وفضل اعد ورجع تاني للكاميرا فتحها براحها وثبتها ادامه... وفتح الفديو بتاعها وهي عامله مزيعه.. ابتسم علي طرقتها وجنانها وبرائتها.. اد ايه وحشته بالرغم انه سابها من بدايه اليوم .. سمعها وهي بتقوله بحبك يارحيم.. فضل يعيد فالجمله اكتر من مره بحبك يا رحيم.. بحبك يارحيم.. وكأن الجمله دي بتديله دافعه اكبر انه يلاقيها.. استمع لجملتها.... يلا سلام بقي احسن الوحش يجي يقتلني لو لقاني بلعب فالكاميرا بتاعته...
فتح الفديو التاني... وكان هيتجنن علبها وهي بتصوت وتصرخ..باسمه ..الحقني يارحيم.. كان ماسك دماغه وحاسس انها هتفجر... ورجع الفديو اكتر من مره ولكن المره دي لفت انتباهه جمله حور قالتها....واترددت الجمله دي في ودنه اكتر من مره...
حور...مش فاهمه انا بيدني رقمه اكلمه لما هو التليفون بتاع البيت بايظ😒😒.
حور...مش فاهمه انا بيدني رقمه اكلمه لما هو التليفون بتاع البيت بايظ😒😒.
حور...مش فاهمه انا بيدني رقمه اكلمه لما هو التليفون بتاع البيت بايظ😒😒.
رحيم... ازاي ده.. يعني اللي كان مخليها متطمنش ان التليفون مش شغال.. طب ازاي وانا الصبح جدي مكلمني عليه...جري عالتليفون وجربه. لقاه مش بيدي اي حاجه...خرج بره يتفقد السلك بتاعه .. وكانت المفجأه انه لقاها مقطوع....
رحيم... يعني دي كانت مقصوده.....
هي ايه دي اللي مقصوده....كان صوت سليم...
رحيم... حرام عليك انا ناقص..
وخده بعض بالحضن..
سليم. في ايه واقف تكلم نفسك ليه...وفي جديد ولا لا..
رحيم.. تعالي ندخل جوه الاول...
دخل سليم مع رحيم.. وبتد ما ارتاح.. ابتدا رحيم يحكيله كل حاجه حصلت فالقسم وان مفيش اي معلومه او اخبار جديده...
اما سليم.. فقاله ان كذا حد من معارفه بيدورو علي اشكال الرجاله اللي فالفديو.. وطبعا لسه متوصلش لاي حاجه بخصوص تتبع الخط بتاع.. امجد..
سليم.. طيب انت لازم تبلغ الظابط بخصوص قطع السلك ده..
رحيم.. تفتكر دي معلومه تفيد.
سليم.. اي معلومه تخص اي قضيه يا سليم.. مهما كانت تافهه بالنسبالك ممكن تكون اصلا بدايه خيط في شغلهم.. فا متستقلش بأي معلومه.. خصوصا لو كان السلك ده عليه بصمات..
رحيم... صح انت صح.. ومسك التليفون وكلم حسام وقاله علي قطع السلك...
حسام.. تمام.. ياريت تدخل السلك ده عندك وحاول متلمسهوش.. وبأمر الله بكره انا هعدي عليك هاخده.. وهنشوف حكايه البصمات دي...ويمكن توصلنا لحاجه ميتهيأليش اللي قطع السلك كان في باله اصلا يلبس حاجه في ايده...
رحيم.. تمام..اسف عالازعاج يا حسام.
حسام.. متقولش كده يا رحيم. انت عارف معزتك عندي ..
وقفلو مع بعض....
سليم.. كده تمام..وان شاء الله تيجي بفايده..
رحيم.. يارب..يلا قوم كل حاجه وادخل ريح شويه من الطريق عشان نشوف بكره مخبي ايه..
سليم.. يلا بس هتاكل معايا..
رحيم.. لا مليش نفس..
سليم.. لا هتاكل عشان تقدر تقف اللي حاصل حاجه والاكل حاجه..
رحيم.. ماشي... وقامو كلو وبعد ما خلصو... رحيم دخل سليم الاوضه التانيه ينام فيها..اما هو فا راح علي الاوضه بتاعته اللي حور كانت بتنام فيها...
مسك المخده اللي كانت بتنام عليها وحضنها... راح مسك في هدومها فضل يقلب فيهم... ورجع تاني عالسرير حاول ينام لاكن دماغه مكنتش بتقف من التفكير...
رحيم... مكنش مجرد كابوس يا حوور. كانت رساله بحاجه وحشه هتحصل بس اتحقق بخطفك انتي واذيتك مش اذيتي انا... يارب.. احفظها هي وساره وامجد يارب متوجعش قلبي علي حد فيهم...
وبعد تفكير كتير اخيرا استسلم للنوم.. من كتر الصداع...
ـــــــ
في مكان اخر فالقاهره عند سهي ووالدتها حنان
حنان.. حضرتي نفسك يا سهي..
سهي.. ايوه ياماما..كله تمام بس احنا واخدين معانا غيار ليه
حنان.. عشان ممكن نبات يوم او اتنين لحد ما نطمن علي حور ونعرف في ايه مش هنلحق نروح ونرجع بسرعه احنا هنسافر علي سبعه الصبح يعني كلها تلت ساعات ونمشي. وعلي بال ما نوصل فيها اربع ساعات يعني هنكون هناك عالضهر مش هنلحق نشوفها ونتكلم معاها ونطمن عليها. ولو مشيتا هنرجع متأخر هنا
سهي.. طب واحنا هنبات فين..
حنان.. مش هنغلب يابنتي حتي لو هنشوف اي مكان نأجره نبات فيه ليله او اتنين..
سهي. طيب انا هدخل اريح شويه لحد ما نيجي نسافر
حنان.. ماشي يابنتي وانا كمان هريح ساعتين كده واظبط المنبه علي الساعه سته ونص كده..
سهي.. ماشي يا ماما تصبحي علي خير.
حنان. وانتي من اهله يابنتي...
نرجع تاني الصعيد......❣️
صباح يوم جديد.. صحي رحيم علي خبط الباب. هو وسليم..
راح رحيم. يفتح.. وكان حسام ومعاه بعض الاشخاص عشان يرفعو البصمات..
من عالسلك وعالباب.. وفالاماكن اللي اتحرك فيها الاشخاص في الفديو...
حسام... كده انا رفعت البصمات وكام ساعه وكل حاجه تبقي علي مكتبي.. ومتقلقش.. في تحريات كتير عملتها وان شاء الله نقدر نوصل لبدايه خيط انهرده..
رحيم.. يارب..... نسيت اعرفك ده سليم صاحبي انا وامجد جه من القاهره امبارح..
حسام.. اهلا بيك..
سليم.. اهلا حضرت الظابط..
حسام.. همشي انا بقي ولو في جديد بلغني ولو في جديد هبلغك...
رحيم.. تمام مع السلامه..
حسام.. سلام..
رحيم. لسليم... انا هغير هدومي واروح عالقصر...
سليم.. انا هغير وجاي معاك...
خلص رحيم وسليم واتوجهو عالقصر.. والكل كان صحي
وبعد ما سلمو علي سليم...
جده.. في اي اخبار يا ولدي...
رحيم.. من شويه.. جه حسام الظابط ورفعو البصمات وعلي الله يكون خير..
والدته بحزن.. يارب ياولدي....
دقايق وجه تليفون لسليم... ده شاكر.. اللي بيتتبع تليفون امجد..
رحيم. طب افتح الخط..
سليم.. تمام... الو اذيك ياشاكر.
شاكر. الحمد لله يا سلبم
سليم..خير. ياشاكر
شاكر... سليم انا حاولت اوصل لاي حاجه بخصوص التليفون بس للاسف طول ماهو مقفول مش هقدر اوصل بس اخر مره التليفون كان مفتوح فيها كان فالصعيد يعني لو فرضنا ان التليفون فاصل شحن او حتي اتاخد منه فا ده معناه انه لسه هناك.. بس الخوف يكون الشخص ده علي قدر كبير من الذكاء...وخاف من قصه التتبع ورماه في اي مكان فالبلد..وهو خدهم وعرف يخرج بيهم اصلا من البلد..
سليم.. يعني ايه....
شاكر.. يعني احنا مقدمناش حل غير اننا نستني التليفون يتفتح حتي لو ثواني بس عشان نقدر نحدد اذا كان التليفون لسه موجود فالصعيد ولا لا..
سليم.. طيب تقدر تحدد الموقع يا شاكر بالظبط...
شاكر... هقدر... هحاول الوقت واي حاجه هوصلها هكلمك ولو قدرت اوصل للمكان بالظبط هبعتلك رساله باللوكيشن..
سليم.. ماشي مستنيك تعبتك معايا ياشاكر..
شاكر.. متقولش كده يا صاحبي.. يلا سلام الوقت وهرجعلك تاني...
سليم.. سلام...
سليم... مفيش ادامنا غير اننا نستني...
جده.. جيب العواجب سليمه يارب..
عدي كذا ساعه من غير جديد..والكل علي اعصابه ورحيم رايح جاي يعمل في تليفونات ويشرب في قهوه. والوقت قرب عالمغرب
دقايق.. ودخل عليه غفير.من الغفر.. ورحيم اعد هو وسليم وجده وعمه ومرات عمه ووالدته وقمر في بهو القصر.
رحيم. بيه فيه واحده ست ومعاها بت صغيره عايزين يجابلوك...
رحيم.. مين دول..
الغفير.. معرفش بس بتجول عايزه تشوف العمده...
رحيم. خليها تتفضل..
والدته.. مين دي..
رحيم.. واني اشعرفني يا امي ماهو الكلام جدامك الوجت نعرفو...
دخلت حنان والدت سهي..ومعاها سهي..
حنان.. السلام عليكم
رحيم. وعليكم السلام..اتفضلي..
حنان. انا اسفه اني جيت في وقت مش مناسب .
جده.. تعالي يابنتي خير شكلك مش من اهنه..
حنان دخلت بحرج.. وفضلت واقفه وسهي ماسكه في اديها زي العيله الصغيره..ومتوتره..
رحيم.. اتفضلي اجعدي..
اعدت حنان هي وسهي.. اللي حسام كان بيبصلها باستغراب ..
رحيم.. خير جولتي انك عايزه العمده.. اني العمده..
حنان.. اولا انا من القاهره ودي بنتي .. انا ليا بنت هنا بعتبرها بنتي هي فالاصل امها جارتي وحبيبتي ومتربيه مع بنتي.. جت هنا الصعيد من فتره مش كبيره عند عمها.. ومن ساعتها لا حس ولا خبر حتي والدتها كانت تعبانه وللاسف اتوفت والخبر وصلها وكلمتها ودي كانت اخر مره اكلمها.. ومن بعدها موبايلها مقفول.. وكل ما اتصل اطمن من عمها مش بيرد والبنت مرجعتش..
فاللحظه دي الكل انتبه لكلام حنان وبقو يوجهو نظراتهم لبعض باهتمام..
رحيم.. كملي..
حنان.. امبارح قررت اني اجي الصعيد بنفسي واشوفها انا عارفه العنوان منها.. وبالصدفه.. وجيت انهرده.. وقابلت عمها. بس حسيت بحجات مش صح وقلقت اكتر عليها..ومكنش ادامي غير اني اجي لعمدت البلد اللي هو حضرتك
رحيم... نطق اسمها بشروود.. حووووور..
نطقت سهي.. انت تعرف حور..
حنان بلهفه.. انت تعرف حور..
رحيم.. اعرفها زين.. كملي حديت
حنان.. طمني عليها جرالها حاجه وتعرفها ازاي اصلا.
سليم.. اهدي يامدام.. كملي كلامك.
رحيم. كملي كلامك وانا هفهمك كل حاجه.. المهم ايه الغريب اللي حسيتي بيه..
حنان..... انا اول ما وصلت البيت عند عمها................. اشوفكم بكره..
ملحوظه صغيره.. انا دارسه informaishion system
يعني مليش علاقه بالحقوق ولا طريقه المحضر..
يعني ده كله كان مجرد معلومات او حجات بشوفها في مشهد فيلم او مسلسل😍يعني لو مش تمام فا ده غصب عني انا لا افقهه شئ فشغل الحكومه🤣🤣
اتفاعلو وهكمل
البارت الحادي عشر...
حنان.. امبارح قررت اني اجي الصعيد بنفسي واشوفها انا عارفه العنوان منها.. وبالصدفه.. وجيت انهرده.. وقابلت عمها. بس حسيت بحجات مش صح وقلقت اكتر عليها..ومكنش ادامي غير اني اجي لعمدت البلد اللي هو حضرتك
رحيم... نطق اسمها بشروود.. حووووور..
نطقت سهي.. انت تعرف حور..
حنان بلهفه.. انت تعرف حور..
رحيم.. اعرفها زين.. كملي حديت
حنان.. طمني عليها جرالها حاجه وتعرفها ازاي اصلا.
سليم.. اهدي يامدام.. كملي كلامك.
رحيم. كملي كلامك وانا هفهمك كل حاجه.. المهم ايه الغريب اللي حسيتي بيه..
حنان..... انا اول ما وصلت البيت عند عمها...
فلاش. باااااااااااااك
حنان... وصلت القصر انا وسهي
حنان.. السلام عليكم...
احد الغفر.. وعليكم السلام
حنان...لو سمحت ممكن اقابل الحاج عمران...
احد الغفر.. نجوله مين..
حنان... قوله... ست حنان جارت حور بنت اخوه...
احد الغفر... دجيجه واحده..
دخل الغفير... عمران بيه .. في واحده ست وبتها بتجول انها اسمها حنان ومن طرف ست خور بنت اخو جنابك...
عمران باندهاش.. لسعيد ابنه.. ودي ايه اللي جابها المره دي عاد..
سعيد... هنعملو ايه عاد يابوي..
عمران... معرفش ياولدي...
سعيد ... والعمل يابوي..
عمران.. للغفير... روح نادم عليها وخليها تاجي...
الغفير.. اوامرك يا بيه...
سعيد... ايه اللي في دماغك يابوي...
عمران.. ده اللي انت فالح فيه تسأل وبس لاكن تفكير مفيش..
سعيد... يابوي.. قاطعه عمران.. ولا بوي ولا زفت خلينا فالمصيبه اللي طبت علي دماغنا...
فرحه ... فرحه اعده متابعه اللي بيحصل في سكات..هي وامها
خرج الغفير...اتفضلي ياست عمران بيه مستنيكي..
دخلت حنان ومعاها سهي...السلام عليكم..
عمران ...عليكم السلام ورحمت الله وبركاته..
حنان... اذيك ياخاج عمران انا حنان جارت حور وست مني الله يرحمها كلمت حضرتك قبل كده..
عمران.. اهلا وسهلا پيكي منوره الدنيا بحالها...نورتي الجصر انتي وبتك..
حنان.. بابتسامه.. تسلم يا حاج عمران.. البقاء لله..
عمران بحزن مصطنع... ونعم بالله كانت غاليه ولله وست محترمه يلا ربنا رحمها.. حنان وسهي بيبصو لبعض مستغربين من طريقته..
..ولله كانت حور بتجولي انها محتاجه لفلوس العمليه.. عشان تجدر تسافر وملحجتش...
حنان... ده امر الله ومحدش ليه في نفسه حاجه الله يرحمها عمرها خلص..
حنان... المهم معلش اني طبيت عليكم من غير استآذان بس ولله اتصلت بحضرتك كتير بس للاسف مكنتش بترد. فأضطريت اني اجي علي طول..خصوصا اني بتصل بحور كمان تليفونها ديما مقفول...
عمران... انتي تاجي وجت ماتحبي البيت بيتك... ومن غير ما تستأذني.. احنا كيف الاهل عاد ولا ايه...
حنان... طبعا ياحاج عمران ربنا يديم المعروف....
كنت بستأذنك بس تناديلي علي حور عشان اشوفها واطمن عليها وكمان اعزيها...
عمران.. وهو بيبص لسعيد وكأنها استغرب طلبها...
كيف يعني انادم علي حور...هي حور فين اساسا..
حنان.. بخضه هي وسهي ظهرت علي وشهم...
فين يعني ايه هي مش عند حضرتك ماانا اخر مره مكلمها وهي موجوده هنا وبلغتها بنفسي عن موت والدتها...
عمران... ايوه حوصل بس حور مشيت في نفس اليوم بليل وصممت تمشي ..بعد ما عرفت الخبر...
حنان... ازاي ده حور مجتش ياحاج عمران وتليفونها مقفول ..
عمران بخوف مصتنع .. جصدك ايه يا ست حنان.. بت اخوي مشيت وسعيد ابني وصلها بنفسها للموجف وركبها ووصي عليها السواج كمان.. صوح ياولدي...
سعيد... صوح يابوي.. ومكنتش راضيه اني اوصلها بنفسي ابدا عشان كانت عارفه ان عندنا شغل مهم محبتش تعطلنا..
حنان.. بتبص لسهي بخوف واستغراب ودهشه وعدم تصديق للكلام وسهي كانت بتبادلها نفس النظرات....
سهي.. لوالدتها.. والدموع في عنيها.هتكون راحت فين ياماما..
حنان.. بدموع.. معرفش بابنتي.. انا خايفه يكون جرالها حاجه...
قربت منها مرات عمران وفرحه.. واعدو جمبهم يواسوهم .
مرات عمران... متجلجيش خير ولله اكيد راحت احد من جرايب امها..
حنان... حور ملهاش حد غيرنا..
فرحه.. بنظره كر؛هه لوالدها وهي بتطبطب علي ضهر سهي...
متجلجوش هتظهر.. ولله هي اكيد نفسيتها وحشه عشان امها هي ملهاش غيرها عاد...
عمران .. بنبره خاليه من القلق..واللامبالاه..
هتروح فين يعني هتظهر .متجلجوش.. يلا ام سعيد جومي حضري الغدا عاد عشان الضيوف...
حنان.. وسهي بصدمه. من عدم اهتمامه.. وخصوصا انه صعيدي ودي مش من عادات اهل الصعيد انهم يكونو باللامبالاه دي. الصعايده معروف انهم دمهم حامي وميسبوش بنت من بناتهم من غير ما يعرفو مكانها...
عمران.. يلا جومو يا جماعه مع ام فرحه.. عشان ترتاحو شويه.. وتغيرو خلجاتكم من تعب السفر لحد ما ام فرحه تحضر الغدا وناكلو سوا انتو هتجعدو معانا..
حنان.. بارتباك واستغراب مسحت دموعها...
لا ياحاج عمران تسلم احنا يادوب نلحق نسافر تاني.. وكمان هروح عشان لو حور جت في اي وقت اكون هناك ومسبهاش لوحدها..ماهي بنت بنوت ومينفعش محدش يسأل عليها ..
عمران.. طنش اخر جملتين وعمل نفسه مسمعهمش...ولله ما يحصل حتي اتغدو معانا طلاج تلاته ماينفعش نتغدو لول وبعد اكده لو مصممه تسافرو خلاص سافرو وهتلحجو كمان...يلا يا ام فرحه جومي جهزي السفره عاد...
استسلمت حنان لحلفان عمران ومرضيتش تعارضه ولا تحسسه بتوترها برغم انها كانت خايفه جدا من وجودها هي وبنتها كان قلبها مقبوض من ناحيته جدا هو وابنه ومكنتش مرتاحه لكلامه ولا مصدقاه...علي عكس مراته اللي باين عليها الطيبه والغلب هي وفرحه بنتها...
قامت ام فرحه.. تبلغ الشغالين بتحضير الغدا... ورجعت تاني تاعد معاهم هي وفرحه.. اما عمران فا راح علي اوضه مكتبه هو وابنه....
ام فرحه... مجلجيش يا ست حنان ربنا ما هيرضاش بالظلم وهترجع بأذن الله.
حنان .انا خايفه عليها اوي. حور ملهاش حد وهي عمرها ما باتت بره دي اول مره تعملها لما جت هنا لعمها...مش عارفه تكون راحت فين بس.. خصوصا تليفونها المقفول ده. قالقني. جدا.
ام فرحه.. ولله هتبجي بخير متجلجيش...
دقاقيق وجت الشغاله.. الغدا جاهز ياحاجه...
ام فرحه... طيب روحي للحاج عمران وسعيد عرفيهم..
ودقايق والكل اتجمع علي تربيزه السفره...
عمران.. بيقطع فالفراخ والبط وبياكل ولا كأن في حاجه وسعيد ابنه زيه...اما فرحه فا كانت كل فتره والتانيه تبصلهم بكر..ه ه وبتقز.ز من طريقتهم .
ولاحظت ده حنان ...
ام فرحه.. يلا ياست حنان مدي يدك بسم الله ووجهت كلامها لسهي.. يلا ياحلوه اتفضلي..
عمران... وه ما تمدو يدكم الوكل مش عاجبكم ولا ايه..
حنان.. لا ازاي تسلم ايدك يا ام فرحه.
وابتدو يتظاهرو بالاكل وهما من جواهم لا مطمنين ولا مصدقين عمران.. وبعد وقت بسيط خلصو اكل...
سهي.. لفرحه.. ممكن تقوليلي الحمام فين يافرحه.. عشان اغسل ايدي..
فرحه.. تعالي معايا.. اني هوديكي..
سهي.. لا ولله ما انتي قايمه كملي اكل.. انتي قوليلي وانا هروح..
فرحه... روحي اخر الطرجه شمال هتلاجي حمام الضيوف..
سهي. بابتسامه شكرا...
قامت سهي.. وراحت زي ما فرحه وصفتلها لقت كذا باب.. ولان ربنا حابب يكشف عمران.. فتحت سهي اوضه. صغيره.. كانت ضلمه دورت عالنور لقته جمب الباب.....
سهي.. وهي بتكلم نفسها فقرف ايه ده الاوضه المكركبه دي.. يعني اعدين في قصر وشكله جميل كده ومش قادريز تنضفو حته الاوضه دي... ولسه هتخرج لفت نظرها شنطه صغيره ..سهي لنفسها.. ايه دي .. ايوه هي دي شنطه حور. انا كنت جيبهالها في عيد ميلادها لا يمكن اتوه عنها.. جريت عالشنطه فتحتها.. لقت فيها حاجت حور.. وموبايلها مقفول ومحطوط فالشنطه...ولان الشنطه كان حجمها صغير. رفعت سهي.. التيشيرت بتاها وحطته جواها. وقفلت سوسته الچاكت بتاعها عشان ميبانش.. وخرجت بسرعه من الباب.. ودورت بسرعه عالحمام..لقته ودخلت.. وفضلت حاطه .ايدها علي قلبها وبتاخد نفسها بسرعه وبتحمد رينا ان محدش شافها...
سهي.. بدموع.. يعني ايه.. يعني عمها عمل فيها حاجه وبيقول كده..لا لا..حور لايمكن يجرالها حاجه يارب احميها...سمعت سهي..خبط عالباب..
سهي... ايوه...
فرحه.. اتأخرتي فجولت اشوفك تكوني عايزه حاجه عاد...
فتحت.. سهي الباب وخرجت دماغها براحه ..
سهي.. فرحه جيتي في وقتك معلش ممكن اطلب منك طلب..
فرحه. طبعا أومريني...
سهي... ممكن تجبيلي شنطتي من بره.. اصل يعني اصل
فرحه.. اصل ايه. جولي عاد.
سهي.. اصل بصراحه حصلي موقف زي الزفت الوقت وللاسف البريود جاتلي وكان معايا حاجه فالشنطه عيزاها لو ممكن تساعديني وتجبيلي الشنطه بس من غير ما حد يشوفك عشان متحرجش.
فرحه.. من عيوني بس اكده حالا ...بس في عنديكي في الدولاب بتاع الحمام لو حابه تاخدي منيه..
سهي... للاسف مش هينفع انا بستخدم حاجه معينه هي اللي بتريحني..
فرحه.. علي راحتك .استنيني دجيجه..
راحت فرحه بسرعه ومن غير ما حد يحس مسكت شنطه سهي... وبسرعه راحت ادتهالها..
سهي.. شكرا يا فرحه انقذتيني..
فرحه بابتسامه.. تحت امرك..
قفلت سهي الباب..وبسرعه فتحت الچاكت وهي مش قادره تسيطر علي رعشه ايدها من الخوف والتوتر.. ومسكت شنطه حور.. وحطتها فالشنطه بتاعتها وقفلتها بسرعه.. وعلقتها علي ضهرها..وعدلت شكلها وحاولت تهدي نفسها شويه وبسرعه كانت بره الحمام ..
خرجت.. لقت سعيد بيتكلم في التليفون ومش مركز... وعمران بيغسل ايده فحمام تاني...خدت نفسها براحه...
حنان... ايه ده كله اتأخرتي ليه...
سهي. بتوتر من وجود فرحه وامها... ابدا ياماما.. اصل جاتلي البريود وخليت فرحه تجبلي شنطتي.. عشان اخد منها حاجه يعني واظبط نفسي قبل ما نسافر..
حنان.. ماشي ياحبيبتي..حست حنان بتوتر سهي وعنيها اللي رايحه جايه.. سألتها بهمس.. انتي كويسه..
سهي... بعدين .. بس لازم نمشي من هنا..
حنان.. اتوترت من اجابه بنتها...حاضر يجي عم حور وهنستأذن ونمشي..
دقايق وجه سعيد وعمران.. وبلغتهم حنان برحيلها.. وبعد اقناع انهم ياعدو حتي للصبح .. ومع رفض حنان..
عمران... خلاص عاد اللي تشوفوه تعالي ياسعيد ياولدي وصلهم لحد الموجف.. بعربيتك
سعيد امرك يابوي..
سهي... مفيش داعي يا عمي احنا هنمشي زي ماجينا.
عمران... لا مهيصحش يلا ياسعيد.
ودعتهم حنان وسهي وسلمو علي ام فرحه وعلي فرحه...وراحو معاهم عالباب يوصلوهم
فرحه وهي بتسلم علي سهي وماشيه جمبها.قالتلها في ودنها براحه...
...............
فرحه... اسفه
سهي. باستغراب علي ايه..
فرحه...واني. بجبلك الشنطه.. فتحتها من غير اذنك..
سهي.. وهي عاقده حواجبها باستغراب...ومن غير ماتنطق.
فرحه... هفهمك.. اني حطتلك فالجيب الصغير اللي فالجنب ورجه فيها رجم تليفوني..بعد ماتمشو من اهنه كلميني ضروري لو يهمك امر حور.. بس ابوس يدك من غير ماحد يعرف لوابويا او سعيد اخوي عرفو هيجتلو:ني..
بصتلها سهي. بفزع. وهنا حست ان حور في كارثه هزت سهي راسها لفرحه..كانو وصلو للباب .ودعوهم تاني... ومشيو...مع سعيد.. اما سهي فافضلت كل شويه تبص لورا علي فرحه.. وهي شايفه في عيون فرحه كلام كتير..
بعد فتره بسيطه وصلو للموقف..
سعيد.. كيفك ياعم صلاح..نازل علي مصر
صلاح. الحمد لله يا ابني.. ايوه بس لسه بحمل
سعيد. طيب خد الجماعه دول معاك. وطلع فلوس سعيد وحاسبه..
حنان.. ليه كده يا ابني..
سعيد.. وه.. شيفاني مره ولا ايه ياست حنان.
حنان.. العفو يا ابني كلك ذوق ولله..
سعيد... اتفضلو اركبو..
ركبت حنان وجمبها سهي اللي ساكته وده كان قالق حنان..
فضل سعيد واقف شويه..
حنان.. امشي انت يا ابني خلاص احنا ركبنا..
سعيد ... ما يصحش. اطمن عليكم الاول..
حنان.. اطمن ولله روح شوف مصالحك وانا لما انزل القاهره. هطمن الحاج..
سعيد. ... بلا مبالاه ومأنه مصدق..اللي تشوفيه..مع الف سلامه..
خلي بالك منيهم يا اسطي صلاح..
صلاح السواق.. في عنيا يا ابني.
مشي.. سعيد .. سألت حنان بسرعه سهي اللي معلقه نظرها علي سعيد قوليلي بقي في ايه مبلمه من بعد ماخرجتي من الحمام ايه اللي حصل وفرحه كانت بتقولك ايه..غير ملامحك كده..
سهي وهي لسه معلقه نظرها علي سعيد لحد ما اختفي من ادامها بعربيته..
حنان.. يابنتي ردي....
سهي.. خدت نفسها اول ما سعيد مشي... استني ياماما مش وقته...
خرجت سهي. دماغها من الشباك للسواق...معلش ياحاج. ممكن سؤال
السواق.. طبعا يابنتي..
سهي.. معلش معاك.. رقم سعيد بيه احسن في حاجه نسيتها عندهم فالبيت ومش معايا رقمه والحاج تليفونه مشغول...
صلاح السواق... لا يابنتي ولله معيش لا رقمه ولا رقم عمران بيه...
سهي... طيب معلش هننزل بسرعه اروح وراه اجيبها..
السواق... بس اكده هتكون العربيه حملت وممكن متلاجينيش..
سهي... معلش بقي ياراجل ياطيب سعيد بيه هيرجع معانا يوصلنا تاني ونركب مع اي سواق تاني...
صلاح.. اللي يريحكم يابنتي ..اتفضلو حسابكم اللي دفعو سعيد بيه..
سهي... بابتسامه.. شكرا ياراجل ياطيب دول ليك عشان العطله دي..
ونزلت سهي ونزلت معاها حنان من غير ماتنطق ولا عارفه في ايه بس حاسه ان في مصيبه...
بعد مانزلو.
سهي... وقفت واحده ست... لو سمحت من فضلك.. ممكن سؤال .
الست.. طبعا يا حلوه اؤمري..
ممكن تقوليلنا ازاي نوصل لبيت العمده احنا ضيوفه وجايين من مصر بس مش عارفين العنوان اوي..
الست... اهلا وسهلا بضيوف عمدتنا. شكلكم اكده جايين تباركو لاخت العمده عشان اتجوزت..
سهي.. بابتسامه.. اه طبعا.. مقدرناش نيجي الفرح فا جينا نبارك..
الست... بصي ياست البنات هتركبي من اهنه اي توكتوك تجوليلو يوديكي لجصر العمده وطبعا الكل اهنه عارفينه هو مش بعيد عن الموجف يعني عشر دجايج بالتوك توك..
سهي... شكرا جدا...
حنان.. متشكرين اوي.
الست..
علي ايه ربنا يفرحك بالاموره بالاذن.....
جريت سهي توقف توك توك ولاكن. .. حنان. قاطعتها استني عندك انا مش همشي خطوه غير لما تقوليلي في ايه هفضل ماشيه وراكي زي العيال كده تقوليلي الوقت حالا في ايه....
وقفت سهي ماما مفيش وقت حور في خطر ووقفت حكتلها كل حاجه ....تحت ذهول ودموع حنان
حنان.. انا كنت حاسه. ان في خاجه غلط اللي اسمه عمران ده مريحنيش لا هو ولاابنه. .. طب فرحه تفتكري عيزاكي في ايه
سهي... ماما مش وقته بقولك هنعرف بعدين المهم الوقت
نروح للعمده بتاعت البلد دي...
حنان والعمده هيعمل ايه ونضمن منين.. ان العمده ميعرفش عمران ده ويطلع صاحبه ونروح في داهيه لا لا انا مش مستغنيه عنك انا اصلا قلبي مقبوض من ساعه ما دخلنا البلد وتحديدا عند اللي اسمه عمران ده.
سهي... متخافيش ياماما اكيد هيساعدنا مش هو اللي مسؤول عن بلده امال الناس اختاروه عمدتهم ليه وبعدين مظنش انه ليه علاقه بعمران ده انتي مشوفتيش واحنا جايين فالعربيه الصبح كل الركاب بيتكلمو عنه كويس ازاي وانه عمده محترم والكل بيحبه.. وان سنه صغير يعني اكيد مش صاحب عمران ده...
حنان... بردو مش مطمنه..
سهي .. بحزم.. بصي ياماما انا مش همشي من هنا غير وحور في ايدي او عالاقل اعرف فيها ايه انا مليش غيرها وانتي عارفه كده.. حور في مشكله ومش همشي غير ما اطلعها منها...
حنان بقله حيله... ماشي ياسهي معرفش عندك ده هيودينا لفين..ركبو التوك توك ووصلو اخيرا للقصر.....
بااااااااااااك.....
سهي...... بس حضرتك ده اللي حصل.. كله من ساعت ما خرجنا من قصر عمران ونزلنا من العربيه بعد ما ضحكت عالسواق واقنعت ماما اننا نيجي لحضرتك..
رحيم... بابتسامه سهي مفهمتش معناها وفضل ساكت
سهي.. باستغراب.. حضرتك معايا ليه بتضحك..
سليم.. باصصلها بنظره كلها اعجاب واندهاش من طريقه تفكيرها واحده بحجمها وسنها ده تفكر كده..
رحيم.... وهو مازال مبتسم...اجولك علي حاجه بسيطه ارد بيها علي كل اللي انتي جولتيه ده....
سهي... بمشاغبه ...اوعي تقولي انك تبع عمران😁
ضحك رحيم.. علي طريقتها وافتكر حور بخفه دمها..
رحيم..لا ياستي مهجولش اكده اني مش تبعه بس كنت عايز اجولك دلوجت بس عرفت حور بتحبك الحب ده كله ليه...حجيجي كيف ماجالت اللي يشوفكم يجول عليكم توأم ومكدبتش ..ووجهه كلامه لجده.. واسمحلي ياجدي اكلمهم بلهجتهم عشان يفهموني زين..
جده.. ابتسم جده..طبعا ياولدي..
رحيم.. معلش اصل جدي بيحب اللهجه الصعيدي وانا طول ماانا فالصعيد مبتكلمش غير صعيدي...
حور... ايه ده انت بتتكلم زينا😳😳
ابتسم رحيم بحزن... حتي جملتك دي قالتها حور لما سمعتني بتكلم معاها لاول مره بنفس لهجتها...
حنان... قولي يا ابني ايه الحكايه انا كده مبقتش فاهمه حاجه..
سهي... ياريت لو تعرف حاجه طمنا علي حور هي جرالها حاجه..
رحيم.. بسرعه.. بعد الشر..حور هتبقي كويسه..
استغربه جده واتأكد من احساسه برحيم ناحيه حور.. بس مرضيش يتكلم وفضل السكوت لحد ما تيجي فرصه للكلام مع رحيم.. وبقي عند فضول يعرف ويشوف اللي حركت قلب حفيده..حتي والدته وعمه ومراته وقمر وسليم لاحظو لهفته عليها..
اما سهي... فقالت.. اسمحلي اقولك حاجه.
رحيم.. طبعا..
سهي... انا لو مش متربيه مع حور.. واعرف عنها كل كبيره وصغيره وان دي اول مره حور تبعد عني. كنت قولت انك تعرف حور من مده كبير...وتعرف عنها حجات كتير كمان.
رحيم.. باخراج وحس انه اتفقس...يمكن لما احكيلك تعرفي اجابه سؤالك..
سهي...وانا سمعاك....
رحيم... ابتدا رحيم.. يحكيلهم من اول ما شاف حور بعد فرح اخته.. بمنظرها ورعبها وتعذيبها واللي حصل فيها كله.. لدرجه انه كان بيحكي معظم الوقت وهو سرخان شويه يبتسم وشويه يكشر وشويه يبان عليه الحزن كان بيحكي كأنه بيحكي لنفسه وللحظه.. نسي وجودهم...وطبعا الكل بما فيهم سهي ووالدتها لاحظ نبره الحب الواضحه والغير معلنه من رحيم لحور..
وفضل يحكي كل التفاصيل لحد خطف اخته وابن عمه. وبعدها خطف حور.. ووراهم الفديو.. اللي بسببه انهارت سهي وحنان وهما شايفينها وعلامات التعذ"يب باينه علي جسمها....
جده... اهدو ياجماعه... متجلجوش احنا مهنسكتش وان شاء الله يطمن جلبنا عليهم..
والدت رحبم.. ومرات عمه وقمر كانو مشاركينهم البكاء..
سليم... ايه ياجماعه ماتوحدو الله واهدو كده عالاقل عشان نقدر نفكر....
بعد مده لما هديو شويه... رحيم..وجهه سؤاله لسهي..
مخفتيش امون اعرف عمران او ان اللي توقعتيه في اني اساعدك يطلع غلط..
حنان.. بصراحه انا كنت خايفه سهي لا..
سهي... اصل الموقف كله بالنسبالي كان من تدبير ربنا فا مكنتش قلقانه.
رحيم. ازاي يعني..
سهي.. يعني ربنا خلاني ادخل الاوضه بدل الحمام وهو اللي خلاني اشوف شنطت حور واكتشف كدب عمها.. وكمان بنته تقولي كده...ونزلت من عربيه السواق وانا لسه مش في دماغي اي حاجه ملقتش غير اني اجيلك ميتهيأليش ربنا كشف عمران ليا عشان فالاخر يحصل عكس ماتوقعته..
سليم.. باعجاب..وابتسامه.. برافو عليكي..
سهي......😒😒😒😒😒😒😒
سليم..😳😳😳😳
قطع رحيم نظراتهم لبعض... المهم الوقت بدايه الخيط عند فرحه بنت عمران... لازم نعرف عايزه ايه.. خصوصا انها ادت نفس الورقه قبل كده لحور وهي بتهربها وقالتلها تكلمها وان هي معاها ورق يدين ابوها واخوها في تجاره المخدرات..
حنان .... غريبه وهي ايه اللي يخليها تعمل كده.. ده مهما كان ابوها واخوها ..
رحيم... هي قالت لحور.. انها بتكر""ههم ومعندهاش مانع انها تأذ"*يهم زي ما اذ*وها في ق:تل جوزها.. كانو كاتبين الكتاب.. ولما عروضو عليه يشتغل معاهم في تجاره المخدرات ورفض فتلو*ه من باب انه ميعترفش عنهم يعني.. وطبعا هما . ميعرفوش ان فرحه عرفت..
سهي.. عشان كده..
المهم هنعمل ايه...
الجد.. الوجت تجوجو ترتاحو فوج امنه يابتي خديهم فوج جهزيلهم غرفه زينه ينامو فيها..
حنان.. لا حضرتك مش هينفع احنا لازم نسافر.
رحيم.. لا مفيش سفر انتو ضيوفنا وبعدين مش عايزين تطمنو علي حور ولا ايه وكمان انا محتاج مساعدتكم.
حنان. ايوه بس انا مش عايزه اعمل ازعاج.. لحد انا لو عليا ممشيش من هنا غير وحور في ايدي..بس.
رحيم. ما بسش هتقعدو هنا لحد ما نكشفهم..واظن زي ما حور حكتلي انكم ملكوش حاجه هناك..مهمه اوي يعني.
حنان.. لا مفيش بس يارب منكوش بنزعجكم.
الجد... كلام ابه يابتي مفيش ازعاج عاد المهم العيال يرجعو ونعرفو انهم بخير..
رحيم... سهي. الوقت الخطوه اللي جايه هتبقي بدايتها معاكي.
سهي.. ازاي...
رحيم... هتكلمي فرحه وتعرفي منها عايزه ايه...
سهي.. وانا جاهزه...
طلعت سهي وحنان مع والدته ومرات عمه ومع قمر .. دخلو علي اوضه غدو شاور.وغيرو هدومهم وارتاحو شويه...وبعد وقت بسيط كانت سهي تحت هي وامها.ورحيم وسليم و قمر.. وجدهم...
اما والدته وعمه ومرات عمه كانو نامو..
رحيم.. لسهي... جاهزه ياسهي..
سهي... جاهزه...
رحيم... اتصلي..حالا..
سهي... اتصلت...الووووووووو فرحه معايا..
فرحه.... كنت جاعده مستنيه اتصالك ياسهي...........؟.
علق ب 10 تعليقات ليصلكم اشعار النشر
يتبع
البارت 12_13بعد قليل
تعليقات
إرسال تعليق
فضلا اترك تعليق من هنا