سكريبت ما توسعي من خلقتي بقا انتي لازقه فيا كده ليه؟ كامل وحصري لمدونة قصر الروايات
سكريبت ما توسعي من خلقتي بقا انتي لازقه فيا كده ليه؟ كامل وحصري لمدونة قصر الروايات
- ما توسعي من خلقتي بقا انتي لازقه فيا كده ليه؟
= والله ما هسيبك غير لما تتصالح يجدع
- ياستي وانتي حد قالك اني زعلان
= قول لنفسك!! مكنش قميص بـ 600 جنيه اتحرق
اما انت راجل قماص صحيح يا سيد
- والله؟؟ انتي نسيتي لما حدفتيني بشفشق العصير عشان كسرت لك كاس من النيش؟؟
= دي شكليات مدخلش الأمور في بعض!!!
- وحيات امك يا فريده؟
= مهي خالتك يا يوسف!
- فعلا.. هو جواز القرايب.. زياد صحبي حذرني
= وحيات امك؟
حرك حواجبه: مهي خالتك
= حلو اوي انا مش هقدر اكمل في العلاقة دي حاجتك هتجيلك و تبعتلي ورقة طلاقي
- اوه ياه.. هتسيبي البيت؟ امي مسافرة وهعمل حفله
بصتله بتعجب: ده انت قلبك مات و واكل كيس قلبظ فارد بيه دراعاتك عليا بقا !!
" روحت اجيب عصايه المقشه لقيته راح ناحيه السفرة "
- وحيات امك يا فريده متهزري المره الى فاتت واحنا بنجري وقعت على ضهري الوقعه سمعت في نفوخي كنت هفقد الذاكره
= وحيات امك انت لاعرفك ازاي تهددني بالحْيانه
- حْيانه ايه بطلوا افتري بقا انا قولت هعمل حفله!! مقلتش هجيب نسوان!
= وانت كنت هتجيب ايه؟ زياد صاحبك؟
- لا انا مليش في الناشف
= يعني كنت هتجيب نسوان؟
- لا عرايس لعبه خليكي فريش كده
= طب وربنا لاعجنك يا يوسف
" راح عند الحمام دخل و قفل الباب "
- هتخرج ولا ادغدغ عليك باب الحمام بتاعك
= هو الباب مكتوب فالقايمه ولا؟
- هو احنا كتبنا قايمه؟ احنا مكتبناش قايمه
= ولا قاعده؟
- خفه دمك دي هعرفهالك حاضر
= خلاص بقا عايز انزل الشغل
- حوش الشركة هتقفل لو مروحتش ده انت عبئ عليهم انت بيتخصملك تلت اربع القبصْ و اول شيفت ليك مسحت بيانات العملا
خرج من الحمام وبصلي بجديه: صحيح زوجتك جيشك الوحيد..؟؟ ان لم تكن ذئب بما تشتهي السفن فالوقت كالسيف طلع البدر علينا وانا لازم انزل عشان اتأخرت
" كنت واقفة متنحه مخي بيحاول يستوعب احلام العصر الى بيحكيها و سابني مهنجه ونزل يجري.. "
>>>>>>>>>>>>>>>>>>>>>>>>>>>>>>>>>>>
بقلمي سلسبيل_أحمد
" قعدت طول اليوم اتابع وصفه صنيه البطاطس الشقية و ظبط كل حاجه و الرز طلع كويس.. بس معرفش حصل ازاي ونسيت الصنيه في الفرن.. "
" سمعت صوت الباب بيتفتح عرفت انوه داخل "
- ايه الريحه دي يا فريده؟ دخلتي على الشقة بعد ما ولعتي في القميص ؟
- فريده انتي لسه على قيد الحياة؟؟
= لا على اون دراما ده ريحه الأكل يا خفه
- اكل؟ انتي عامله باربكيو؟؟
= انا هعمل وشك باربكيو اقعد لحد ما اغرف
- اجي اساعدك؟؟
= طلعني زوجه عاقه بقي و بستغلك بعد ما تيجي تعبان من الشغل و اقولك قوم هات اكلك
- انا آسف اتفضلي
" دخلت اشوف الصنيه.. ملهاش حل اتحرقت.. هيشمت فيا دلوقتي ابن إحسان.. اعمل ايه يارب بس.. لا حول ولا قوة الا بالله "
" حطيت الأكل كله و هو قاعد يتابع بصمت.. لحد ما كان فاضل الصنيه فا حطيت عليها غطا و حطيتها على السفره و بعدين قومت و رجعت لاقيته شايل الغطا ومتنح "
- ايه يا فريده ده؟ الفرخه دخلت النار؟
بصتله بتعجب: اي ده؟ انا كنت جيباها سليمه
= احنا هنستعبط مانا شامم ريحة الحريقة اول لما دخلت
- دي مشوية!!! ولا قصدك اني مبعرفش اطبخ؟
= انا مش هاكل كلميلي خالتي او امي يأكلوني
- هتاكل يا يوسف ولا ارميه يعني؟
= ارميه ولا نسيتي المكرونه الى كلناها و روحنا نعمل غسيل معده؟ ده الدكتور هيحجزلنا اوضه جمبه من كتر ما بنروح له بتلبك معوي كل شوية
"بصتله بصدمه من كلامه وسكت فا قرب ناحيتي"
- ايه ده انتي زعلتي انا بهزر سيد متبقاش قماص
" بعدت ايده عني و قومت دخلت اوضتي "
- اسمه اي ده طيب؟
- يابت افتحي خلينا ناكل الفراخ قبل ما تتحاسب
- يا فريده بقا متبقيش بومه
زعقت: غور يا يوسف غور !!!!
" سبتها وخرجت قعدت بره و مفيش خمس ست دقايق لقيت الباب بيخبط قومت افتح لاقيتها ماما وخالتي "
- عملت اي في البت؟؟ يابن الجرْمه
- بنتي فين طفيت فيها سجاير ولا لسه
- انطق فريده فين يا واد
- بنتي لو حصلها حاجه هعجنك
بصتلهم بنص عين: هو احنا بنتكلم عن فريده ولا حد تاني؟
" جت من ورايا ومعاها شنطه "
- خرجوني بقا من هنا انا مش قاعده معاه في بيت واحد
بصتلها بدهشه: يلهوي ياني عالضحك صْربني وبكا و سبقني و اشتكي !!!
- شايفين؟؟ شايفه يا خالتي ابنك؟؟ هو ده الى هيعيشني ملكة يا إحسان؟؟؟ شايفه يا ماما ابن اختك؟؟ هو ده الى هيخاف عليا ومحدش هيحبني قده؟
إحسان: تعالي انا هطلقك منه بنفسي
يوسف: انا عايز اعرف بس قالت لكم ايه؟
لقيت خالتي بتبصلي: بقي اديك البت ورده مفتحه تجوعها؟؟ و تزعق فيها وتسود عيشتها؟؟ و تكسر لها كوبايات النيش؟ انت عارف دول بكام؟؟ و كمان تتعب وتعملك أكل و تقولها ارميه؟؟
يوسف بزعيق: بااااااس زي ما انتوا
" دخل يدور علي القميص طبعا ملقهوش وملقاش اي آثار لكل جرايمي الى فاتت مكنش فيه غير صنيه البطاطس لاقيته جاي بيها "
- اتفضلوا فراخ هربانه من نار جنهم عندنا في الشقة
ماما بصتلها وبصتلي: ايه ده هي دي فراخ؟؟
إحسان بصتله: مهي عامله لك فراخ مشوية اهي عايز ايه تاني
- اه مانا واخد بالي مشوية في نار جهنم
" لاقيتها بتعيط بجد و اتفاجئت انها قلبت الموضوع بجديه للدرجه دي!! الو انا الى مظلوم هنا!!
" رمت الشنطة نزلت على صباع رجلي ودخلت الاوضة"
إحسان: حلو اوي لو مصالحتهاش انا هطلقها منك
- يلا ياما من هنا ومحدش يجي من غير دعوة تاني ما دي اخرة الى يتجوز و اهله ساكنين فالشارع الى وراه
" مشيتهم و خت الشنطة ادخلها اوضة النوم وانا بعرج على رجلي "
- يارب تكون الهانم خلصت الفيلم الهندي وتيجي تشوف صباعي الى تقريبا ساب رجلي ومشي ده انا مش حاسس بيه انتي حطه فالشنطه دي ايه بالظبط
" كنت بحاول امسك ضحكتني و لاقيته قعد وفتح الشنطه وبدء يطلع الى فيها "
- ده الجاكيت الجلد بتاعي.. واخداه فالصيف ليه؟ هتسيبي البيت وتروحي تغضبي عند بطاريق مدغشقر؟؟
- و ايه ده؟؟ الكتب بتاعتي؟
- و البرفانات بتاعتي ! و الساعات؟؟ انتي غضبانه ولا بتقلبيني؟
" ركنت الشنطه بزهق وقعدت جمبها"
- متبطلي عياط بقا كلنا عارفين انك وليه قادره
= انا عايزة اطلق
- تعالي نشوف صباعي مات ولا لسه فيه الروح وبكره نطلق انا وانتي وناهد وكلنا..
= ده مش هزار على فكره
- يعني مطلعه عيني من اول الجواز ومعديها وفي الاخر انتي الى مش عاجبك دي حاجه لول جدا
ردت بعياط: يعني كمان مش طايقني من اول جوازنا
= يلهوي على الدراما كوين انتي بتعيطي ليه طلع لك مشاعر فجاة!! منتي عارفه اني ميفرقش معايا الكلام ده و بحبك
- بتحب مين يلا؟؟ هو انت عندك قلب زينا
= شوف بتغلط ازاي شوف!!!
- طلقني يا عمر قصدي يا يوسف
عملت ريأكشن مصدوم وبصتلها بجديه: حلو اوي مين بقا عمر ده ؟
- وحيات امك؟
= ده بقي الى عايزه تطلقي عشانه؟ اسف مش هنفذ رغبتك
- لو بتحاول تستخف دمك فا محاولة فاشلة انت دمك اتقل من الحوت الأزرق
= شوف مهما تعمل برضو بحبك
بصتله وانا بضحك و دموعي نازله: هزر براحتك هطلق برضو
- ومين بس يحرق قمصاني و يحدفني بـ شفشق العصير يجبلي ارتجاج.. ويجري ورايا بالمقشه ويحرصْ امي وخالتي عليا.. لا و كمان لامم حاجتي كلها في شنطه و رماها على صباع رجلي جابلة فقدان حركه و احساس وتقريبا بتشل
" فضلت اضحك جامد و انا بعيط وبصتله "
- خليك راجل و قول انك بتكرهني ومكسوف نطلق
= لا الحقيقه.. انا خايف من وصل الأمانه الى ابوكي ممضيني عليه
- بس احنا مش كاتبين وصل امانه
= لا كاتبين ايش فهمك انتي كاتبين وصل بـ مليار دولار
- ليه يسطا متجوز الاميرة ديانا
= لا الاميرة فريده هانم
- هعملك تنازل ولا يهمك
= غير قابل للتنازل
- يعني ايه؟
= قلبظ بجنيه انتي هتخدي وتدي معايا في الكلام
- يعني مش هنطلق؟ تمام اوي ابعد عن خلقتي بقا عشان انت بجد لو عندك دم كنت سبتني من بدري
= فريده متقلبيش الموضوع جد؟؟
- لا هو جد وانا زهقت منك ومش عايزه اكمل
= ولا كأني سمعت كلامك ده عشان ساعتها
قاطعته: لا يا يوسف !! انت سمعته كويس !! انا زهقت ومش عايزه اكمل معاك وصلت ؟؟
- هو بمزاجك؟
= اه بمزاجي !!!
- تمام لما تهدي نتكلم عشان شكل هرموناتك جننتك
زعقت بعصبيه: انا مش مجنونه!!! ومش عايزه اعيش معاك تاني
" اتنهد بتعب و زعل.. و خرج من الاوضة وسابني! بعدها سمعت صوت الباب.. ده ساب البيت! "
" فضلت قاعده في الأوضة اعيط انا كده خسرته! "
" كده احسن..! "
" فضلت طول الليل صاحيه مش عارفه انام مش حاسه بأمان!! ماما حرفيا في الشارع الى ورايا بس مش عايزه اروح.. انا عايزة.. يوسف! "
" الساعه جت واحده سمعت الباب بيتفتح فضلت مكاني مش عارفه اتحرك من التعب و التوهان الى كنت فيه الساعات الـ فاتت! "
" لاقيته دخل وبصلي بستغراب "
- انتي ايه مقعدك كده ومسهرك لحد دلوقتي؟
" قومت من مكاني و روحت حضنته وانا بعيط.. حضني و طبطب عليا بحنيه وبعدين قعدني وهو مش سايب ايدي "
- عينك وارمه من العياط يا فريده!
= انت كنت هتسبني بجد يا يوسف؟؟
" مسح وشي وهو بيبتسم بهدوء"
- اسيبك ايه ياستي مانا عارف ان دماغك تعبانه
بصتله بجديه وعيوني لسه مدمعه: عارف ايه ؟؟
= بطلي عياط عشان خاطري طيب
- انا كنت خايفه تبعد.. انا عمري ما بينت ده ولا بينت مشاعري و دايما بتعامل معاك بطريقه عدائية قبل الجواز وبعده.. عشان بخاف تبعد و تزهق فا بتعامل اني مش فارق معايا وان عادي اسيبك خايفه ابقي متعلقه بيك! بس انا في الأصل متعلقه من اول يوم.. متعلقة بيك اوي يا يوسف وبحبك ومش عاوزاك تبعد عني مهما حصل
" قربني لحضنه و بكل حنية وهدوء احتوي الموقف.. زي ما بيعمل دايما.. وفضل يهديني وبعدين مسك ايدي وباسها "
- عمري ما هكل ولا همل قاعد على قلبك مهما حصل وفاهم كويس هرموناتك والله عشان كده باخد كلامك ارميه في البحر
بصتله وضحكت وانا بمسح وشي: طب انت كنت فين بقا و سبتني! كنت بتحْوني؟ اعترف
- انا نزلت عشان لما بنتخانق بحس بضيق نفس قولت اتمشي شوية وابقي كويس رجعت مخنوق برضو و لقيت صباعي دُوحَس
بصتله وانا ميتة من الضحك: طيب تعالي نشوف له حاجة.. بس الأول انت مش زعلان مني اكيد؟ ولا زهقت؟ من مصايبي وكده!
= فريده يحببتي احنا لسه في اول سنه و اتجوزنا صغيرين و لسه منعرفش اي حاجه انا مش مستني منك مهارات يحببتي و عادي كلنا بنتعلم ما انا لسه باعت ايميل غلط و المدير كان هيغم عليه بس استسلم؟ لا اتعلم واغلط تاني
- و تترفد.
= شكليات المهم المضمون..
- بس انا فاشلة وخالتك طلع معاها حق و جوزي هيرجعني تاني يوم
= مانا قاعد بقالي اربع شهور اهو اتكلمت؟
ده انا مقدرش ابعد عنك.. انا بحبك بجد.. عشانك.. مش عشان اكلك بقا ولا مهاراتك الزوجيه ولا
قاطعته: و هو فين اكلي و مهاراتي دول
- ملكيش دعوة شكليات بقولك تعالي يلا نلحق الفرخه
= نلحقها من ايه؟
- عذاب القبر
" فضلت اضحك جامد وبصتله وهو مُتأملني بحب"
- تعرفي أكتر حاجه عاوزها دلوقتي؟
= همممم ايه؟
- عاوز ارجع بالزمن اللحق صباعي من الشنطه الى وقعت عليه عجنته..
= فيها ايه يعني لما ارمي الشنطه غصب عني على صباعك و ...
بصيت عليه: ينهار اسود! ايه ده!
يوسف بصلها بأبتسامه: لا مش هبص لا .. انا من ساعه الحْبطه عامل مش واخد بالي عشان لو شوفته هيغم عليا..
- لازم نحطلك مرهم حالا
= شكليات.. يافريده شكليات
- يعني ايه؟
= الموضوع عدي مرهم.. اعتقد محتاج اركب صباع جديد.
>>>>>>>>>>>>>>>>>>>>>>>>>>>>>>>>>>>
|| في المستشفي ||
- يوسف انت كويس؟
= الحمدلله
- مش جعان؟
= مانا كلت
- كلت ايه!
= شكليات يا فريده
- طب مالك في حاجه وجعاك؟
= كرامتي
- وجعاك ليه؟
= الدكتور ضحك عليا.. ما حقه.. حد يروح يكشف على صباعه الصغير
- مهو طلع مكسور يا يوسف و بنعالجه اهو
= و هو فيه حد يكسر صباعه الصغير؟
- يعني لو الكبير عادي؟ دي شكليات يا يوسف لما نروح هعملك اكل حلو..
- يبقي هنرجع هنا تاني
= بتقول ايه؟
- قلبظ بجنيه.. سبيني دلوقتي عشان حاسس بأرتجاج فالمخ..
- انتي لزقتي فيا كده ليه؟
= بصالحك..♡
" تمت "
تعليقات
إرسال تعليق
فضلا اترك تعليق من هنا